පුංචි ඡන්දය දිනන්න අපිට ඒකාබද්ධ විපක්‍ෂය අවශ්‍ය නැහැ – මහින්දගෙන් ප්‍රකාශයක්

පුංචි ඡන්දය දිනන්න අපිට ඒකාබද්ධ විපක්‍ෂය අවශ්‍ය නැහැ – මහින්දගෙන් ප්‍රකාශයක්

හිටපු ජනාධිපති මහින්ද රාජපක්ෂ මහතා ප්‍රමුඛ ඒකාබද්ධ විපක්ෂය එකට එක් නොවුණද, පළාත් පාලන මැතිවරණයේදී ශ්‍රී ලංකා නිදහස් පක්ෂය ජයග්‍රහණය කරන බව එම පක්ෂයේ උප ලේකම් අමාත්‍ය මහින්ද සමරසිංහ මහතා පැවැසීය.

Loading...

ශ්‍රී ලංකා නිදහස් පක්ෂ මූලස්ථානයේ ඊයේ (05දා) පැවැති මාධ්‍ය හමුවකට එක්වෙමින් අමාත්‍යවරයා මේ බව සඳහන් කළේය.
මෛත්‍රිපාල සිරිසේන මහතා සමඟ නිදහස් පක්ෂය නියෝජනය කරන මන්ත්‍රිවරුන් 95 දෙනාම එකට එක්වන්නේ නම් මැතිවරණයේදී විශිෂ්ට ජයග්‍රහණයක් හිමිවන බවද සමරසිංහ මහතා අවධාරණය කළේය.

එහිදී මහින්ද සමරසිංහ මහතා මෙසේද පැවැසීය.
පාක්ෂිකයන්ගේ ඡන්දයෙන් පමණක් මැතිවරණයක් ජයග්‍රහණය කරන්න බැහැ. ඒක හැම පක්ෂයකටම පොදු කාරණයක්. මම එකක් කියන්න කැමැතියි සුළු ජනකොටස්, මධ්‍යස්ථ මතධාරීන්, පාවෙන ඡන්ද නැතිව මැතිවරණයක් දිනන්න බැහැ. අද වනවිට මේ හැම කොටසක්ම මෛත්‍රිපාල සිරිසේන මහතා සමඟ ඒකරාශීවෙලා තිබෙනවා. ඒ නිසයි කියන්නෙ මේ මැතිවරණයේදී නිදහස් පක්ෂය දිනනව කියලා. ඒකාබද්ධ විපක්ෂයත් එක්ව තරග කරමින් ඒ සඳහා පූර්ණ ශක්තියක් ලබාගත හැකියි.

13 වැනි ව්‍යවස්ථා රාමුව තුළ සිට බලය බෙදීම ගැන නිදහස් පක්ෂයට විරෝධයක් නැහැ. පොලිස් සහ ඉඩම් බලතල ලබාදීම ගැන තවදුරටත් සාකච්ඡා කළ යුතුයි. විධායක ජනාධිපති ධුරය අහෝසි කිරීම ගැන අපි එකඟ නැහැ. 1987දී පළාත් සභා සම්බන්ධයෙන් ශේ‍ර්ෂ්ඨාධිකරණය ලබාදුන් තීන්දුවක් තමයි, 13 වැනි ව්‍යවස්ථා සංශෝධනය ක්‍රියාත්මක කිරීමේදී විධායක ජනාධිපති ධුරය පවත්වාගෙන යා යුතුයි කියන එක. විධායක ජනාධිපති ධුරය අහෝසි කළොත් ඒක ශේ්‍රෂ්ඨාධිකරණ තීන්දුවට අභියෝගයක්. 13 වැනි සංශෝධනය හරහා විශාල බලතල ප්‍රමාණයක් තිබෙනවා. හැබැයි කිසිම පළාත් සභාවක් ඒ ගැන කල්පනා කරල නැහැ. ඒ නිසා මෙතෙක් යොදා නොගත් බලතල ගැන කල්පනා කළ යුතුයි. ඒ අයට පුළුවන් එවැනි බලතල යොදාගෙන පළාත් සංවර්ධනය කරන්න.

සමහරු කියනව නිදහස් පක්ෂය එජාපය කරන සියලු දේවලට එකඟ වෙලා කියලා. අපේ පක්ෂය එහෙම පක්ෂයක් නොවෙයි. අය වැය යෝජනාවල තිබෙන ඇතැම් දේවල් ගැන අපේ පක්ෂය කතා කළා. සටන් කරල ඉතිහාසයේ ඉඳල දිනාගන්න පැය 8ක වැඩමුරය නැවත ආපස්සට හැරවීමට ඉඩ දෙන්නේ නැහැ. මෙවර අය වැයෙන් කාර්යාල සහ කඩ සාප්පු පනත සංශෝධනය කිරීම හරහා මතුවන ගැටලු ගැන මම පෞද්ගලිකවම කතා කළා.

බැඳුම්කර කොමිසම ගැනත් යමක් කිව යුතුයි. යහපාලනයේ සහ යමපාලනය අතර සැබෑ වෙනස මේ කොමිසම හරහා දැක බලාගන්න අවස්ථාව උදා වුණා. ජනාධිපතිවරයා කොමිසමට කිසිදු දේශපාලන ඇඟිලි ගැසීමක් සිදුකළේ නැහැ. 8 වැනිදා කොමිසමේ වාර්තාව ජනාධිපතිවරයාට ලැබුණු පසු එතුමා ඉදිරි පියවර ගන්න සූදානම්.
ජනාධිපතිවරයා පසුගියදා සාර්ථකව විදෙස් සංචාරයක් නිමා කළා. දකුණු කොරියානු සංචාරයේදී රටට ආර්ථික ප්‍රතිලාභ රැසක් උදාකර ගත්තා. ලෝකයේ කිසිම රටක් ලබානොදෙන අඩුම පොලියක් යටතේ ඇමරිකන් ඩොලර් 300ක මුදලක් ලබාදුන්නා. ජනාධිපතිවරයාගේ සංචාරයෙන් පසුව එම මුදල ඩොලර් 500 දක්වා වැඩිකරගන්න සමත් වුණා.

Loading...

Post Comment