සිරිපා සමය ආරම්භ වී දින දින හතරයි… මිනිස් රුවින් පැමිණි අමනයින් ශ්‍රී පාදය වනසයි..!!

සිරිපා සමය ආරම්භ වී දින දින හතරයි… මිනිස් රුවින් පැමිණි අමනයින් ශ්‍රී පාදය වනසයි..!!

පසුගිය උඳුවප් පොහොය දිනයෙන් ආරම්භ වුනු  මෙවර ශ්‍රී පාද වන්දනා සමයත් සමඟ බොහෝ දෙනා සිරිපා කරුණා කරන්නට සැඳැහැ සිතින් එකතු වී තිබෙනවා. ස්වභාව සෞන්දර්ය අතින් මෙන්ම පූජනීයත්වයෙන්ද ඉතාමත් වැදගත් සමනළ කන්ද මුළු රටටම ජලය බෙදා හරින ප්‍රධාන ජල පෝෂක කලාපයක්ද වෙනවා. කෙසේ නමුත් මෙවර ශ්‍රී පාද වන්දනා සමය ආරම්භ වී ගතවූ දින කිහිපය තුල ඉතා දැඩි පරිසර දූෂණයකට ලක්වන බව දැනගන්නට ලැබෙනවා.

Loading...

මේ හේතුව නිසා මෙවර සිරිපා කරුණා කරන්නට පැමිණෙන විට පොලිතින්,ප්ලාස්ටික් වැනි දෑ රැගෙන ඒමෙන් වැළකී සිටින ලෙස   ශ්‍රී පාදස්ථානාධිපති බෙංගමුමේ ධම්මදින්න හිමියන් ජනතාවගෙන් ඉල්ලා සිටිනවා. එසේම මේ පිළිබඳ අදහස් දක්වමින් උන්වහන්සේ වැඩිදුරටත් පවසා සිටියේ මෙවැනි අදහසක්.

“ අතීතයේ මේ රටේ තිබුණේ පිදුරුතලාගල කන්ද, සමණළ කන්ද, නකල්ස් වගේ කඳු පමණයි. නමුත් දැන් කුණු කඳු කියලා ජාතියකුත් තියෙනවා. පහුගිය කාලේ මීතොටමුල්ල කුණු කන්ද,බ්ලූමැන්ඩල් කුණු කන්ද වගේ කඳු ගැනත් කියවුනා. මේ අතරේ සමනල අඩවියේ මහගිරිදඹය හරියෙ කුණු කන්දක් නාය ගියා කියලා කිවුවා. මේ කුණු කඳු නිර්මාණය වුනේ කාගේ වරදින්ද..? අපේම අයගේ වරදින් නේද..? තමතමන්ගේ කැළි කසළ නිසි පරිදි බැහැර නොකරන නිසා තමයි මේ ප්‍රශ්න ඇතිවෙන්නෙ. අපිට මේ ගැන හිතන්න කාළය ඇවිත්. 

බුදුන් වහන්සේගේ පා පහසලත් පූජනීය ශ්‍රී පාදස්ථානය සබරගමුවට අධිපති සුමන සමන් දෙවියන්ගේ වාසස්ථානයද වෙනවා. අතීතයේ පටන් දෙස් විදෙස් බොහෝ දෙනා මෙම පූජනීය ස්ථානය ගැන ගෞරවයටත්, විශ්මයටත් පත්ව සිටියා. ඒ වගේම අපේ පැරැන්නෝ වසරකට වතාවක් දෙවතාවක් සිරිපා කරුණා කරා. නමුත් ඒ අය පරිසරයට ආදරය කලා.පරිසරයට හැනි කරන දේවල් අරගෙන ආවේ නෑ.නමුත් වර්ථමානය වන විට ශ්‍රීපාද පරිසර පද්ධතිය විනාශ වෙමින් පවතිනවා.

ශ්‍රී පාදයේ ගංගා ඇල දොළවල්  වලට මෙම කුණු කසල එකතුවී ජල මූලාශ්‍ර විශාල වශයෙන් දූෂණය වනවා. ඒ වගේම මේවා ආහාරයට ගැනීමෙන් සත්ව ප්‍රජාවද අනතුරකට මුහුණ දෙනවා.ඒ නිසා ශ්‍රීපාද වන්දනාවේ එනකොට ප්ලාස්ටික් පොලිතින් වගේ දේවල් අරගෙන එන්න එපා.සැහැල්ලුවෙන් ඇවිත් ශ්‍රීපාදය වැඳපුදා ගන්න.

 

 

 

 

 

 

 

Loading...

Post Comment