” ආසි‍යාවේ කායවර්ධන ක්‍රීඩාව නගා සිටවූ” ආසියාවේ කලු සිංහයා අපේ ලූෂන්ට ඇමෙරිකාවෙන් උපහාර .!

ඇමරිකාවේ ටෙක්‌සාස්‌හි පැවැති ‘ග්ලෝබල් මිස්‌ටර් ඇට්‌ලස්‌’ කායවර්ධන තරගාවලිය නියෝජනය කළ ශ්‍රී ලංකාවේ අපේ ලූෂන් පුෂ්පරාඡ්ට එහිදී සිව්වැනි ස්‌ථානය හිමිවිය. ලොව ප්‍රමුඛතම කායවර්ධන තරගාවලියක් වන  ‘ග්ලෝබල් මිස්‌ටර් ඇට්‌ලස්‌’ කායවර්ධන තරගාවලියට රටවල් 34ක් නියෝජනය කරමින් කායවර්ධන ක්‍රීඩකයන් සහභාගි වී තිබුණි. ශ්‍රී ලංකාවේම ක්‍රීඩා සම්මේලන වලින් එල්ල වූ පීඩන හා පෙත්සම් මැද ඇමෙරිකා එක්සත් ජනපදයට වීසා ලබා ගැනීම පවා ලූෂන්ට අපහසු වී තිබුණි.

එවැනි අවස්තාවක , ප්‍රමාද වී ඇමෙරිකා එක්සත් ජනපදයට ගිය ලූෂන් පුෂ්පරාජ්ට සිය පෙර පුහුණුවීම් ඇරඹීමට සිදුවූයේ ප්‍රමාද වී බව සදහන්, කෙසේ වෙතත් එලෙස නො‍යෙකුත් තාඩන පීඩන මැද්දේ සමස්ත ශ්‍රී ලාංකිකයන්ගෙම ආදරය හා ආශීර්වාදය සමග තරග කළ ලූෂන් මුල් වටයේ ඉහළ ලකුණු ලබා අවසන් වටයට තේරී පත් විය.

ඇමෙරිකා එක්සත් ජනපදයේ ජීවත් වන ශ්‍රී ලාංකිකයන් ලූෂන්ට දිරි දීමට සිංහ කොඩි රැගෙන පැමිණ තිබුනද මෙම තරගාවලියට ශ්‍රී ලංකාව නියෝජනය කරමින් , සිංහ කොඩිය යටතේ තරග වැදීමට ලූෂන්ට වරම් නොවීය, ඒ ශ්‍රී ලංකා කායවර්ධන සම්මේලනය විසින් ලූෂන් පුෂ්පරාජ්ට ජීවිතාන්තය තෙක් තරග තහනමක් පනවා තිබෙන නිසාය.

කෙසේ වෙතත් පුංචි ශ්‍රී ලංකාවේ ඉපිද , නිළධාරීන් සහ සංගම් කකුලෙන් අදිද්දි , පීඩ මැදින් ලොව හොදම කා‍යවර්ධන තරගාවලියක , හොදම කාාවර්ධකයන්  පස් දෙනා දෙනා අතරට ප්‍රවිෂ්ඨ වීමම මහා ජයග්‍රහනයක් බව විචාරකයන් සදහන් කර තිබුණි. තරගාවලියේ පළමු හා දෙවැනි ස්‌ථාන සත්කාරක ඇමරිකානු ක්‍රීඩකයන්ට හිමිවූ අතර තෙවැනි ස්‌ථානය අසල්වාසී ඉන්දියාවට හිමි විය.

මෙහිදි විශේෂත්වය වූයේ “ආසියාවේ කලු සිංහයා” ලෙසින් හැදින්වෙන ශ්‍රී ලංකාවේ අපේ ලූෂන් පුෂ්පරාජ්ට  ආසියාවේ කායවර්ධන ක්‍රීඩාව වෙනුවෙන් සිදුකරනු ලබන සේවය උදෙසා විශේෂ ඇගයීම් සම්මානයක්‌ ලබාදීමටද සංවිධායකයෝ කටයුතු යොදා තිබීමයි, තරගාවලිය පුරාවටම ආසියාවේ කායවර්ධන ශූරයා ලෙස ලූෂන් පුෂ්පරාජ්ට ඉහළ අවදානයක් යොමු වී තිබුණු අතර තරගාවලියේ ජනප්‍රියතම ක්‍රීඩකයෙක් ලෙසද ලූෂන් වැජබීම ශ්‍රී ලංකාවටම අභිමානයකි.

මෙහිදි ලූෂන් පුෂ්පරාජ්ට සම්මානය ලබා දෙන ඇමෙරිකානු නියෝජිතයා පැවසූවේ ” අද ඔබට ඔබගේ අරමුණ ඉටු කර ගන්නට නොහැකි වන්නට ඇත , නමුත් ඔබ කායවර්ධන ක්‍රීඩාව වෙනුවෙන් , ඔබගේ රට වෙනුවෙන් , ආසියාව වෙනුවෙන්ම , ලෝකය වෙනුවෙන්ම විශේෂ දෙයක් කළා , ඔබ ඔබගේ රටේ තරුණයන්ට ආදර්ශයක් , ඔබගේ රටට විතරක් නෙවෙයි , මුලු රටටම , ඔබ ජාතික වීරයෙක් . දහස් ගණනක් තරුණයන්ට ඔබ වගේ වීමට අවශ්‍යව තිබෙනවා , ඔබයි කලු සිංහයා” යනුවෙනි.

ලූෂන් පුෂ්පරාජ්ට සම්මානය ලබා දුන් සංවේදී මොහොත

 

[rns_reactions]