සුජීව කියන්නේ අද ඊයේ ආපු එකෙක්.. මට අභියෝග කරන්න එයා කවුද? ඇමති ජෝන්ට මල පනියි..

මේ සැරේ ආවොත් ගහලා එලවනවා ඕන එකෙක්ව. මේ සැරේ රජයත් අපේ. පොලීසියත් අපේ. ඒක හින්දා බයක් සැකක් තියාගන්න ඕන නෑ. අපිට ඕන කරලා තියෙන්නෙ තමුන්වහන්සේලාගේ වටිනා කතිරය විතරයි‘‘පසුගියදා සංචාරක සංවර්ධන හා ක්‍රිස්තියානි කටයුතු පිළිබඳ අමාත්‍ය ජෝන් අමරතුංග කියපු මේ කතාව තවමත් ඔබට මතක ඇති.

කොහොම වුනත් අමාත්‍යවරයා කියපු මේ කතාවෙන් පස්සෙ පක්ෂ විපක්ෂ බොහෝ දෙනා මේ ගැන කතා කලා. ඒ වගේම  සුජීව සේනසිංහ රාජ්‍ය අමාත්‍යවරයාත් කිවුවෙ ඇමති ජෝන් අමරතුංග අමාත්‍යවරයාට දැන් වයස අවුරුදු අසූවකට විතර ආසන්න බවත් තවමත් ඔහු ජනතාව වෙනුවෙන් සේවය කරන නිසා ඔහුට  අනුකම්පා කල යුතු බවත්ය.

හැබැයි මේ කතාවෙන් පස්සෙ ජෝන් අමරතුංග අමාතත්‍යවරයා කිවුවෙ  සුජීව සේනසිංහ රාජ්‍ය අමාත්‍යවරයාට වඩා තමන් සිහිබුද්ධියෙන් කටයුතු කරන බවයි. එසේම අමාත්‍යවරයා වැඩිදුරටත් අදහස් දක්වමින් රාජ්‍ය අමාත්‍ය සුජීව සේනසිංහ පිළිබඳ මෙලෙසද ප්‍රකාශ කලා.

ඊයේ පෙරේදා දේශපාලනයට ඇවිල්ලා සුජීවලා මොනවාද දන්නේ. එක්සත් ජාතික පක්‍ෂය වෙනුවෙන් මං මැතිවරණ කීයකට මුහුණ දුන්නාද? කෙතරම් මැර තර්ජන අපට එල්ල වුණාද? පසුගිය ආණ්ඩුව කාලේදී කෙතරම් මැර තර්ජන එල්ල වුණාද? ඒ වගේ තර්ජන ඉදිරියේදී එක්සත් ජාතික පක්‍ෂයේ පාක්‍ෂිකයන්ට එල්ල කරන්න එපා. එහෙම කවුරුහරි මැර තර්ජන අපට කරන්න ආවොත් ඒකට ඉඩ දෙන්නේ නැහැ කියන එකයි මං කිව්වේ.

මට වයස ගියාට සුජීවලාට වැඩිය ඉතා හොඳ සිහි බුද්ධියෙන් මම කටයුතු කරනවා. කොළේ ඉරාගෙන ඇඟේ හලාගෙන මගේ ළඟට එන්න එපායි කියලා ජනාධිපතිතුමා පසුගියදා කිව්වේ කාටද? ජනාධිපතිතුමාට දොස් කියන්න එපා කියලා එක්සත් ජාතික පක්‍ෂයේ පාර්ලිමේන්තු මන්ත්‍රි කණ්ඩායම් රැස්වීමේදී අගමැතිතුමා අවවාද කළේ කාටද? කියලා හොයලා බලන්න. එතකොට සිහිබුද්ධිය නැතිව වැඩ කරන්නේ කවුද? කියලා කාටත් දැනගන්න පුළුවන්.

[rns_reactions]