වසර 151 ක පොලිස් ඉතිහාසයේ ප්‍රථම වරට පොලිස් තේමා ගීතය දෙමළ බසින්

වසර 151 ක පොලිස් ඉතිහාසයේ ප්‍රථම වරට පොලිස් තේමා ගීතය දෙමළ බසින්

මෙතෙක් කල් පොලිස් තේමා ගීතය සිංහලෙන් පමණක් ගැයුණු අතර වසර 151 ක ශ්‍රී ලංකා පොලිස් ඉතිහාසයේ ප්‍රථම වරට පොලිස් තේමා ගීතය දෙමළ බසින් පරිවර්තනය කොට එම පරිවර්තනය නිල වශයෙන් පෙරේදා (20) වවුනියාවේදී පොලිස්පති පූජිත ජයසුන්දර මහතා වෙතට බාරදෙනු ලැබිණි.

මෙම පොලිස් ගීතයේ දමිළ නිර්මාපක කන්දප්පු ජයන්දන් මහතා එය ඇතුළත් සංයුක්ත තැටියක් ඊයේපෙරවරුවේ වවුනියාව පොලිස් සංකීර්ණ භූමියේදී පොලිස්පති පූජිත් ජයසුන්දර මහතා වෙත මෙය පිළිගැන්වූ අතර,එදිනම මුලතිව් නව පොලිස් පරිපාලන ගොඩනැගිල්ල ඉදිකිරීම සදහා මුල්ගල තැබීමේ උත්සව අවස්ථාවේදී එය පළමු වරට වාදනය කෙරිණි.

මෙම අවස්ථාවට වන්නි දිසාව භාර නියෝජ්‍ය පොලිස්පති දේශබන්දු තෙන්නකෝන් මහතා ඇතුළු උතුරු පළාතේ උසස් පොලිස් නිලධාරීන් විශාල පිරිසක් සහභාගි වූහ.

Post Comment