‘ජාන වෙනස් කළ එළවළු සහ පලතුරු වලට‘ අපි අද ද්වේෂ කරන අතර පිළිකුලෙන් යුතුව බැහැර කරමු. එහෙත් ඔබ අද මහත් සතුටින් ආහාරයට ගන්නා එළවළු සහ පලතුරු සියල්ලම වාගේ මීට සියවසකට පමණ පෙර, ඇතැම් විට සියවස් ගණනාවකට පමණ පෙර පැවති තත්ත්වයට වඩා හාත්පසින්ම වෙනස් බව ඔබ නොදැන සිටිනවාට කිසිම සැකයක් නැත.
කතාව ඇත්ත ! ඔබ අද රසවත් සහ තෘප්තිමත් ලෙස ආහාරයට ගන්නා බොහොමයක් එළවළු සහ පලතුරු එදා ආහාරය පිණිස අසලකටවත් ගත්තේ නැත. ඇතැම් ඒවා ඇත්තටම විස සහිත වූ අතර තවත් ඒවා ඖෂධ පමණක් විය.
එහෙත් එදා සිටි ගොවීන්ගේ මහන්සියට, දැනුමට පින් සිදුවන්න අපි අද මිහිරි පලතුරු මෙන්ම ගුණවත් එළවළු හා ධාන්ය ආහාරයට ගනිමු. ඔවුන් එදා අද ඔබ මෙන් සිතුවා නම් ?
ඒ ගැන කල්පනා කිරීම පසුවට තබා එදා සහ අද අතර විස්මිත වෙනස්කම් ඇති එළවළු, පලතුරු සහ ධාන්ය ගැන අපි දැනුවත් වෙමු.
පිපිඤ්ඤා
අද ඔබ ආහාරයට ගන්නා පිපිඤ්ඤා ගෙඩිය කොතරම් සුන්දරද ? ප්රනීත ද ? ඒ වගේම ගුණවත්ද ? එහෙත් එහි මුතුන් මිත්තන් ගැන ඔබ කතා කිරීමටවත් සූදානම් නොවන බව නිසැකය.
පිපිඤ්ඤා වල මුතුන් මිත්තන් වනාහී පතොක් ගෙඩියක් වැනි කටු සහිත වැල්වල හටගත් කුඩා ගෙඩිි විශේෂයකි. ඒවා අධික විෂ සහිත බැවින් සම්පූර්ණයෙන්ම ආහාරයට ගත නොහැකි විය.
ඒවා වගා කරනු ලැබුවේ ඉන්දියාවේ, විශේෂයෙන් වෛද්යමය අරමුණු සඳහා පමණි. වසර ගණනාවක අත්හදා බැලීම් තුළින් පිපිඤ්ඤා යුෂවලින් පිරුණු නවීන දිගටි හැඩයක් ලබා ගෙන ඇත.
කෙසෙල්
කෙසෙල් යනු රසවත් මෙන්ම ගුණයෙන් අනූන අපූරු පලතුරකි. එහි විවිධත්වය කොතරම් ද යත් දහස සංඛ්යාව ප්ර භේදයන ඇත. එහෙත් කෙසෙල් වල මුතුන් මිත්තන් කෙසේ වීද ? එහි ආදිතමයින් දෘඩ, විශාල බීජ හා තද ලෙල්ලක් සහිත ගෙඩි විශේෂයක් විය. වල් කෙසෙල් අමුවෙන් ආහාරයට ගැනීම කළ නොහැකි වූ බැවින් ඒවා තම්බා ආහාරයට ගැනීමට සිදුවිය. කෙසෙල් පරිණාමය ආරම්භ වූයේ මීට වසර 10,000 කට පෙර බව විශ්වාස කෙරේ.
පීච් Peaches
පීච් යනු ලෝකයෙ ජනප්රිය පලතුරකි. එහෙත් එහි මුතුන් මිත්තෝ දුෂ්කර ජීවිත ගත කර ඇත. පීච වල මූලාරම්භය ක්රි.පූ 4,000 තරම් ඈතකට ගමන් කරයි. එහි මූලාරම්භය චීනයයි.
පීච් වල මුතුන් මිත්තෝ ඉතා කුඩා, චෙරි වලට වඩා විශාල නොවූ සුදු පැහැති ගෙඩි විශේෂයක් විය. එහෙත් අද ඔබ ආහාරයට ගන්නා පීච් ගෙඩියක් එහි මුතුන් මිත්තන්ගේ ප්රමාණය මෙන් 60 ගුණයකට වඩා විශාල වන අතර රසයෙන් හා ගුණයෙන් ද ඉහළය. පීච් වලට මේ ගමනට ඒමට වසර 1000ක් පමණ ගත විය.
ඉරිඟු
ඉරිඟු පරිණාමය ආරම්භ වූයේ කුඩා ශාකයකින් ය. මෙක්සිකානු වල් තණකොළ විශේෂයේ තිබුණේ තුනී කරලක් සහ බීජ කිහිපයක් පමණකි. එම බීජ ද ඝන කවචයක් පිටුපස සඟවා තිබූ අතර ඒවා නිස්සාරණය කිරීම අතිශයින් දුෂ්කර විය. මුල් ඉරිඟු වියළි අමු අර්තාපල් වලට සමාන බව විශ්වාස කෙරේ. සියවස් ගණනාවක ගොවිතැන සහ තෝරාගත් පරාගණය හේතුවෙන් බඩ ඉරිඟු විශාල, මෘදු හා සිව් ගුණයකින් පැණි රස වැඩී ඇත.
ස්ට්රෝබෙරි
ප්රමාණයෙන් කුඩා වුවද කැලෑ බෙරි ඉතා ප්රනීත විය. අභිජනනය කරන්නන් එහි රසය වැඩි දියුණු කරනවා වෙනුවට බෙරී ගෙඩියේ ප්රමාණය විශාල කිරීමට අවධානය යොමු කර ඇත්තේ එබැවිනි.
තක්කාලි
තක්කාලි වල නවීන පෙනුම ලබා ගැනීමට වසර 1,000 ක් ගතවිය. අතීතයේදී ඒවා චෙරි මෙන් කහ පැහැති මිහිරි රසැති ඉතා කුඩා ගෙඩි විශේෂයක් විය. එබැවින් මිනිසුන් ඒවා රන් ඇපල් ලෙස හැඳින්වූහ. තක්කාලි රතු පැහැයට හැරීමෙන් පසු ගොවීන් එහි ප්රමාණය වැඩි කිරීමට කටයුතු කළහ. එම උත්සාහයට ස්තූතිවන්ත වන්නට තක්කාලි වත්මන් දීප්තිමත් තද රතු පැහැය ලබා ගත් නමුත් රසය වඩාත් නරක අතට හැරුණි. නවීන තක්කාලි ඔවුන්ගේ මිහිරි හා රසවත් මුතුන් මිත්තන්ට වඩා දිය රසයෙන් යුතුය.
අලිගැටපේර
කැලෑ අලිගැට පේර ප්රමාණය එතරම් ආකර්ෂණීය නොවන අතර එහි ප්රායෝගිකව ආහාරයට ගත හැකි පල්ප් අඩංගු නොවීය. නූතන අලිගැටපේර එහි කැලෑ ඥාති සහෝදරයාට වඩා දස ගුණයකින් විශාල වන අතර වඩා රසවත් ය. තෝරාගත් අභිජනන ශිල්ප ක්රම නිසා දශක ගණනාව තුළ ප්රාතිහාර්යයක් නිර්මාණය වී ඇති අතර එමඟින් සෑම දෙනාටම සෞඛ්ය සම්පන්න අලිගැට පේර භුක්ති විඳිය හැකිය.
වම්බටු
මුල් වම්බටු වටකුරු හැඩයෙන් යුක්ත වූ අතර, ඔබ දන්නා පරිදි බිත්තරයක් මෙන්ය. එබැවින් එහි නම – “බිත්තර පැළය Egg plant.” නම් විය. එහි ප්රමාණය, හැඩය සහ වර්ණයෙන් ඉතා විවිධාකාර විය. කටුක රස නිසා ඒවා පිසීමට භාවිතා නොකළ නමුත් “කටුක දේ ඔබට හොඳ විය යුතුය” යන තර්කය වම්බටු ඖෂධ ව්යාපාරයට සම්බන්ධ කර ගත්තේය. නූතන දිගටි පෙනුම සහ දම් පැහැය සාක්ෂාත් කරගනු ලැබුවේ ශතවර්ෂ ගණනාවක වෙහෙස මහන්සි වී වැඩ කිරීම සහ තෝරාගත් ගොවිතැන නිසාය.
කොමඩු
බෙරි කුලයට අයත් කොමඩු වසර 5000කට පමණ පෙර ඊජිත්තු ගොවීන් වගා කළ බවට සාධක ඇත. එකල කොමඩු ප්රමාණයෙන් කුඩා වූ අතර කටුක රසයෙන් යුක්ත විය. එහෙත් 17 වන සියවස වන විට ගොවීන්ගේ දැවැන්ත උත්සාහයක ප්රතිඵලයක් ලෙස කොමඩු තම සුන්දර හා ප්රනීත නවීන පෙනුම ලබා ගත්තේය.
zestradar.com ඇසුරිණි – සැකසුම – තුෂාර වල්ගමSharing is caring!
