කොළඹ වරායේ නැගෙනහිර ජැටිය අන් සතු කරන්නේ නැති බවත් එය සියයට 100ක්ම වරාය අධිකාරිය යටතේ ක්රියාත්මක ආයතනයක් ලෙස ඉදිරියටත් පවත්වාගෙන යන බව අග්රමාත්යවරයා අවධාරණය කරයි.
අද (01) දහවල් අරලියගහ මන්දිරයේදී අග්රාමාත්යවරයා සහ කොළඹ වරාය නැගෙනහිර පර්යන්තය සුරැකිමේ වෘත්තිය සමිති එකමුතුව සමග පැවැති සාකච්ඡාවේදී අගමැතිවරයා මේ බව අවධාරණය කළේය.
මෙහිදී වැඩි දුරටත් කරුණු පැහැදිලි කරමින් අගමැතිවරයා කියා සිටියේ වත්මන් රජයේ ප්රධානම ප්රතිපත්තිය වන දේශීය සම්පත් අලෙවි නොකිරීම බවත් එනිසා කොළඹ වරායේ නැගෙනහිර පර්යන්තය කිසිඳු රටකට අලෙවි කිරීම හෝ පාලනයට නොදෙන බවයි.
අග්රාමාත්යවරයා ලබා දුන් තීන්දුවත් සමඟ අකුරට වැඩ කිරීමේ වෘත්තීය ක්රියාමාර්ගය හෙට (02) දිනයේ සිට අත්හිටුවීමට ද වෘත්තීය සමිති එකමුතුව එකඟ විය.
