‘බොලිවුඞ් චිත‍්‍රපට – ක්රිකට්’ ඉන්දියානුවන්ට ආගමක් හා සමානයි. ඒ නිසාම බොලිවුඞ් තරු සහ ක්රිකට් තරු කියන්නේ ඉන්දියාවේ දේවත්වයෙන් පිදුම් ලබන, අතිෂය පුළුල් සමාජ – ආර්ථික හා දේශපාලන බලයක් ඇති පිරිසක්.
ඉතිං ක්රිකට් සහ බොලිවුඞ් චිත‍්‍රපට එකම වහළක් යටට වූ විට කුමක් වෙයිද ? තවත් ආකාරයකින් කිව්වොත් බොලිවුඞ් තරුවක් සහ ක්රිකට් තරුවක් විවාහ වුනොත් කුමක් වෙයිද ?
අතිෂයින් විරල වුණත් මේ වන විට ඉන්දියානුවන් ඒ මිහිර විඳිනවා. ඒ ඉන්දීය ක්රිකට් කණ්ඩායමේ සුපිරි පිතිකරු චිරාත් කෝලි සහ සුපිිරි බොලිවුඞ් නිළි අනුෂ්කා ෂර්මා නිසා.
අනුෂ්කා – කෝලි යුවලට ඉන්දියානුවන් බොහෝ සේ ආදරය කරනවා වගේම ඔවුන්ගේ පුවත් මොහොතකින් ඉන්දියාව පුරා පැතිර යනවා. හරියට කොවිඞ් වාගේ.
කොවිඞ් වසංගතය නිසා දැන් ඉන්දියාව වසා දමා තිබෙන්නේ. ඒ නිසා බොලිවුඞ් චිත‍්‍රපටත් නැහැ … ක‍්‍රිකටුත් නැහැ. ඒ නිසා බොහෝ කාලයකට පසු අනුෂ්කා සහ කෝලි ඔවුන්ගේ සුපිරි මන්දිරයේ බොහෝම විවේකයෙන් සහ සතුටින් කාලය ගත කරනවා.
මේ අතර පසුගිය දා බොලිවුඩය උණුසුම් කළ පුවතක් කෝලි කිව්වා. ඒ ‘අනුෂ්කා නොමැති වුණා නම් මම මෙතන නෑ’ කියලා.
සෑම සාර්ථක පිරිමියෙක් පිටුපසම ගැහැනියක් ඉන්නවා කියන කාරණය නිසා බොලිවුඞ් සහ ක්රිකට් පිස්සන් කෝලිගේ මේ කතාව ගැන උනන්දු වුණා. කෝලි මේ කතාව කියලා තිබුණේ තම කණ්ඩායමේ මයාන්ක් අගර්වාල් සමඟ සුහද පිළිසදරක යෙදී සිටින විටයි. එහිදී කෝලි තම මිතුරා සමග තමා සහ අනුෂ්කා ගැන බොහෝ දේ කියලා තියෙනවා.
‘මම අනුෂ්කාට සම්පූර්ණ ගෞරවය ලබා දෙන්නේ ඇය මට සම්පූර්ණයෙන්ම වෙනස් පැත්තක් දැකීමට සැලැස්වීම නිසයි. විශාල පින්තූරය සමඟ කළ යුතු බොහෝ දේ මට අවබෝධ කර දුන් නිසා අනුෂ්කා මගේ ජීවන සහකාරිය වීම ගැන මම අවංකව සතුටට පත් වෙනවා’ චිරාත් කියනවා.
‘ක්‍රීඩකයෙකු ලෙස මගේ වගකීම, අද මම කවුරුන්ද යන්න පිළිබඳ මගේ වගකීම, ඒ සමඟ ගෙන එන දේ, මිනිසුන්ට නිසි ආකාරයෙන් ආදර්ශයක් තැබීම, මේ සියල්ල පැමිණියේ අනුෂ්කාගෙනුයි. මට අනුෂ්කා හමු නොවූයේ ඒ සියල්ල මගෙන් ගිලිහී යනවා. ඊට හේතුව පැහැදිලියි. මම විවෘත පුද්ගලයෙක් නෙමෙයි. ඒත් මම දැඩි පුද්ගලයෙක්. මුරණ්ඩු පුද්ගලයෙක්. ඒත් මගේ ඒ සියලූ දුර්වලතා ජය ගන්න උදව් කළේ අනුෂ්කායි. මාව යහපත් පුද්ගලයෙක් කළේ ඇයයි. ඇය හමු නොවුණා නම් මම මීට වඩා හාත්පසින්ම වෙනස් හුදකලා, දැඩි පුද්ගලයෙක්. ඉතිං මං ඇයට කෘතඥ නොවී පුළුවන් ද ?’ චිරාත් තම මිතුරාගෙන් විමසා තිබෙනවා.
Text by Filmfare.in – by – තුෂාධවි
