අද (05) දින මෙරටින් කොවිඩ්-19 ආසාදිත මරණ 07ක් වාර්තා වූ බව සෞඛ්ය සේවා අධ්යක්ෂ ජනරාල්වරයා විසින් තහවුරු කළ බව රජයේ ප්රවෘත්ති දෙපාර්තමේන්තුව විසින් අද දින ප.ව 22.50ට නිකුත් කළ ප්රවෘත්ති නිවේදනයේ සදහන් වේ.
මියගිය අය අතර බණ්ඩාරගම ප්ර දේශයේ පිරිමි පුද්ගලයෙක් (91) සහ කාන්තාවක් (81) ද, බන්ධනාගාර රැදවියන් දෙදෙනකු ද සිටි අතර සෙසු තිදෙනා දෙමටගොඩ, කොළඹ 13 සහ වැල්ලම්පිටිය පදිංචිකරුවන්ය.
මෙම මරණ 07 සමග මෙරට කොවිඩ්-19 ආසාදනය වීමෙන් සිදු වූ මුළු මරණ ගණන 137 දක්වා ඉහළ ගොස් ඇත.
මේ අතර රජයේ ප්රවෘත්ති දෙපාර්තමේන්තුව විසින් නිකුත් කළ තවත් නිවේදනයක සදහන් වුණේ අද දිනය (05) තුළ කොවිඩ්-19 නව ආසාදිතයින් 669 දෙනකු වාර්තා වූ බවයි.
සෞඛ්ය ප්රවර්ධන කාර්යාංශයේ නිල වෙබ් අඩවියේ සිදුකර ඇති නවතම යාවත්කාලීන කිරීම් අනුව මෙරටින් මේ දක්වා කොවිඩ්-19 ආසාදිතයින් 27,228 දෙනකු වාර්තා වී ඇති අතර මේ වන විට රෝහල්වල ප්රතිකාර ලබන රෝගීන් සංඛ්යාව 7001කි. විමර්ශනය යටතේ සිටින පුද්ගලයින් සංඛ්යාව 475ක් වන අතර සුවය ලබා ඇති පිරිස 20,090කි
