මාර්ක් බ්‍රයන් Mark Bryan යනු දැනට ජර්මනියේ වෙසෙන එක්සත් ජනපදයේ සාර්ථක රොබෝ විද්‍යා ඉංජිනේරුවෙකි robotics engineer. 61 වැනි වියේ පසුවේ. බැලූ බැල්මට, ඔහු සිත් ඇදගන්නා සුළු උසස්, පිළිගත් රැකියාවක් කරන පුද්ගලවෙකි. එහෙත් මාර්ක් වැදගත් වන්නේ ඒ කිසිවක් නිසා නොවේ. දැන් ඔබට පෙනෙන පරිදි, මාක් කලිසම් සහ සපත්තු වෙනුවට සායක් සහ උස සපත්තු පැළඳීමට කැමැත්තක් දක්වන පිරිමියෙකි. මේ කතාව මේ අසාමාන්‍ය විලාසිතා කරන මිනිසා ගැනය.
මීට වසර හතරකට පෙර බ්‍රයන් ස්ත්‍රී පුරුෂ සමාජභාවයට (gender) අභියෝග කළේය. ඔහුට අවශ්‍ය ඕනෑම දෙයක් ඇඳීමට ඔහුට නිදහස ඇති බව ඔහුගේ විශ්වාස විය. Pencil skirts සහ සම්භාව්‍ය උස සපත්තු සපත්තු classic high-heeled shoes ඔහුගේ ප්‍රියතම විලාසිතාව විය. ඒවා වඩාත් සුවපහසු ඇඳුම් නොවිය හැකි නමුත්, සායක් සමග විලුඹේ පෙනුමට මාක් සැබවින්ම කැමත්තක් දක්වයි. ඍජු මිනිසෙකු වන ඔහුගේ මෙම කැමැත්ත හා වෙනස මම තේරුම් ගනිමි.
මර්ක් වසර 11 ක් තිස්සේ සිය තෙවැනි බිරිඳ සමඟ සතුටින් දිවි ගෙවන අතර මේ වන විටත් දරුවන් තිදෙනෙකුගේ පියෙකි. ඔහුගේ පවුලේ අය මෙම අසාමාන්‍ය තේරීමට පූර්ණ සහයෝගය ලබා දෙන අතර, බහුතරයක් පිරිමින්ගෙන් කැපී පෙනීමට ඔහු තුළ ඇති ආශාව හෙළා දකින්නේ නැත.
මේ සමග තවත් කරුණක් ඔබ දැන ගත යුතුය. ඒ මාක් යනු ‘විෂමලිංගික‘ පුරුෂයෙකි (heterosexual man) ඔහු සරාගී කාන්තා ඇඳුම් ඇඳීම පසෙක තබා, එදිනෙදා ජීවිතයේදී සුන්දර කාන්තාවන්ට සහ සුඛෝපභෝගී මෝටර්ථයක් වන Porschesට ආදරය කරයි. ඔහුගේ එදිනෙදා පෙනුම පෙන්වීමට ඉන්ස්ටග්‍රෑම් පිටුවක් ඔහු සතුව ඇත .
බොහෝ අනුගාමිකයන් මාර්ක් කෙතරම් කඩවසම් හා නිර්භීතද යන්න පිළිබඳව අදහස් දක්වමින් පින්තූරවලට ඉතා ධනාත්මකව ප්‍රතිචාර දක්වයි. ‘‘මම මීට පෙර පිරිමියෙකු සතු එවැනි සුන්දර පසුපසක් දැක නැත. ඔහුගේ කකුල් අපූරු ය, ඒවා කලිසම් වලින් ඔතා ගැනීම පාපයකි‘ ඒ ඔහුට නිතර ලැබෙන ප්‍රතිචාරය.
ඔහුගේ සේවායෝජකයින් ඔහුගේ කුසලතාවන් අගය කිරීම ගැන මිස ඔහුගේ පෙනුම ගැන සතුටු වන්නේ නැත. කෙසේ වෙතත්, බොහෝ අය ඔහුගේ දිශානතිය ගැන ප්‍රශ්න කරන බවත් නුසුදුසු ප්‍රශ්න අසන බවත් ඔහු පිළිගත්තේය.
සායක් ඇඳීම කෙනෙකුගේ ලිංගික මනාපයන් ගැන සිතීමට මිනිසුන් පෙළඹෙන්නේ ඇයි? එය දැනටමත් තලා දැමිය යුතු පුරාණ ලිංගභේද ඒකාකෘති වර්ගයකි. කලිසම් ඇඳ සිටින කාන්තාවකගෙන් ‘ඔබ සමලිංගිකයෙක් ද? කිසිවෙක් අසන්නේ නැත. පිරිමියෙකු වෙනසක් කළ විට තිගැස්සීමට හෝ බියවීමට හේතුවක් නැත. එය ඔහුගේ තෝරා ගැනීමක් පමණි‘ මාර්ක් කියයි.
‘ නමුත් මිනිසුන්ගේ කුතුහලය පරාජය කළ නොහැකි අවස්ථා තිබෙනවා‘ ඔහු යථාර්ථය ද පිළිගනී.
උපුටා ගැනීම Zestradar.com ඇසුරිණි – සැකසුම – තුෂාධවි
