අධිවේගී මාර්ගයේ නියමිත වේග සීමාව ඉක්මවා ධාවනය කරන රථවාහන රියදුරන්ට එරෙහිව ලබන 14 වනදා සිට නව වේග මාපක පද්ධතියක් ස්ථාපිත කිරීමට තීරණය කර ඇති බව වාර්තා වේ. ඒ අනුව අදාළ වේග සීමාව උල්ලංඝනය කරන වාහනවල ඡායාරූප ලබා ගනිමින් අදාල වාහනය අධිවේගී මාර්ගයෙන් පිටවන අවස්ථාවේදී ලබා දීමට හැකියාව පවතී.
පොලීසිය හා අධිවේගී මාර්ග මෙහෙයුම් නඩත්තු හා කළමනාකරණ අංශය එක්ව මෙම ව්‍යාපෘතිය සිදුකිිරීමට නියමිත අතර එහිදී නිරීක්ෂණ වේලාව, වේගය සහ අදාළ වාහනයේ අංකයද පැහැදිලිව නිකුත් කිරීමට හැකියාව ඇත.මෙමගින් අධිවේගී මාර්ගය තුළ සිදුවන රිය අනතුරු අවම කර ගැනීමට පොලීසිය හා අධිවේගී මාර්ග මෙහෙයුම් නඩත්තු හා කළමනාකරණ අංශය බලාපොරොත්තු වේ.
