කොරෝනා වයිරසය මර්ධනය කිරීම සදහා වන කඩිනම් පියවරක් ලෙස ඉන්දීය අගමැතිවරයා විසින් මුළු ඉන්දියාවටම බලපාන පරිදි ඇඳිරි නීතිය Janta Curfew’ පනවා තිබෙනවා. මේ දක්වා කොරෝනා මර්ධනය සදහා යම්කිසි රටක් විසින් ගත් දැඩිම තීන්දුව මෙය බවයි විදෙස් මාධ්‍ය කියන්නේ.
කොරොන වයිරස් (කොවිඩ් -19) වසංගතය ඉන්දියාවට ද බලපා ඇති හෙයින් අගමැති නරේන්ද්‍ර මෝදි බ්‍රහස්පතින්දා රටේ ජනතාවගෙන් ඉල්ලා සිටියේ ඉරිදා උදේ 7 සිට රාත්‍රී 9 දක්වා ‘ජනතා ඇඳිරි නීතිය’ තෝරා ගන්නා ලෙසයි.
අද දින (19) ජාතිය අමතමින් අගමැති මෝඩි පැවසුවේ “අද මම මේ රටේ මාර්තු 22 වනදා උදේ 7 සිට රාත්‍රී 9 දක්වා ජනතා ඇඳිරි නීතිය පනවතා තිබෙනවා. මෙය මහජන ඇඳිරි නීතියයි. ජනතා ඇඳිරි නීතිය යනු මහජනයා සඳහා වන අතර ඇඳිරි නීතිය මහජනතාව විසින්ම පනවනු ලැබේ‘
මෙම ‘ඇඳිරි නීතිය’ අනුගමනය කරන ලෙස ඔහු ජනතාවගෙන් ඉල්ලා සිටියේය. වීදිවලට නොයන්න. වයස අවුරුදු 60 ට වැඩි පුද්ගලයින් ඉදිරි සතිවලදී පිටතට යාමෙන් වළකින්නැයි අගමැතිවරයා තවදුරටත් ඉල්ලා සිටියේය.
ප්‍රාන්ත රජයන් විසින් නිකුත් කරනු ලබන උපදෙස් පිළිපදින ලෙස ද අග්‍රාමාත්‍යවරයා ජනතාවගෙන් ඉල්ලා සිටියේය.
“අද සෑම කෙනෙකුම කොවිඩ් -19 ආසාදනය නොකිරීමට අධිෂ්ඨානයක් ඇතිකර ගත යුතු අතර අනෙක් අය කෝවිඩ් -19 ආසාදනයෙන් බේරා ගත යුතුය. එවැනි වසංගත අවස්ථාවකදී එක් මන්ත්‍රයක් පමණක් ක්‍රියාත්මක වේ. ‘අප සෞඛ්‍ය සම්පන්න නම් මුළු ලෝකයම සෞඛ්‍ය සම්පන්න වේ. ” අගමැතිවරයා කීවේය.
මේ අතර මාර්තු 22 දා සිට සතියක කාලයක් ජාත්‍යන්තර ගුවන් ගමන් තහනම් කිරීමට ද ඉන්දියාව තීරණය කර තිබෙනවා. ඒ අනුව විදේශීය ගුවන් යානා වෙත ඉන්දියාවට ගොඩ බැස්සවීමට අවසර නොලැබෙනු ඇති බවයි වාර්තා වන්නේ.
මෙම පියවරවලට සමගාමීව අත්‍යවශ්‍ය හා හදිසි සේවා වල නියුතු අය හැර පෞද්ගලික සමාගම්වල සියලුම සේවකයින් නිවසේ සිට වැඩ කළ යුතු බවත්, වයස අවුරුදු 65ට වැඩි පුද්ගලයින්ට සහ වයස අවුරුදු 10ට අඩු ළමයින්ට නිවසේ රැඳී සිටින ලෙසත් ඉන්දීය රජය විසින් උපදෙස් දී තිබෙනවා.
කොරෝනා වෛරසයේ ව්‍යාප්තිය පාලනය කිරීම වෙනුවෙන් ඉන්දියාව ගෙන යන වැඩපිළිවෙළට සමගාමීවයි මෙම තීන්දුව ගෙන තිබෙන්නේ.
ඉන්දියාව විසින් බ්‍රහස්පතින්දා (19) කෝවිඩ් -19 හි නව රෝගීන් 22 ක් වාර්තා කර ඇති අතර, මුළු පීඩාවට පත්වූවන්ගේ සංඛ්‍යාව 173 කි. පන්ජාබ්, කර්නාටක, දිල්ලි සහ මහාරාෂ්ට්‍ර යන රටවලින් අවම වශයෙන් පුද්ගලයින් 4 දෙනෙකු මියගොස් තිබේ.
