‘ජාත්‍යන්තර පියයුරු පිළිකා පිළිබද දැනුවත් කිරීමේ මාසය‘ ලෙස ඔක්තෝබර් මාසය නම්කර ඇත. මෙවර එහි තේමාව වන්නේ ‘කලින් හදුනා ගනිමු – ජීවිත සුරකිමු !‘ යන්නයි.
ලෝකයේ කාන්තාවන් අතර බහුලම පිළිකාව පියයුරු පිළිකාව වන අතර ශ්‍රී ලංකාවේ ද බහුලම පිළිකා විශේෂය වනුයේ පියයුරු පිළිකාවයි.
පියයුරු පිළිකා වැළදෙන කාන්තාවන්ගෙන් බහුතර වසය අවුරුදු 50 හෝ ඊට ආසන්න වයසේ පසුවන කාන්තාවෝ වෙති.
ශ්‍රී ලංකාවෙන් වාර්ෂිකව පියයුරු පිළිකා රෝගීන් 3000-3500ක් පමණ අලුතින් හදුනා ගන්නා අතර දිනකට කාන්තාවන් 9-10 පමණ අලුතින් පියයුරු රෝගීන් බවට පත් වෙති.
පියයුරු පිළිකා සම්බන්ධයෙන් ඔබ දැනුවත් කිරීම සදහා විශේෂ ලිපි පෙළක් මෙම මාසය පුරාම ඔබ වෙනුවෙන් ඉදිරිපත් කිරීමට අපි පියවර ගන්නා බව ද ඔබට දැනුම් දෙමු.
