පසුගිය සතියේ කුරිරු සමූහ දූෂණයක් සති අන්තයේ බංග්ලාදේශයේ විරෝධතාවන්ට හේතු වුණා.
ස්ත්‍රී දූෂණ සම්බන්ධ මරණීය දණ්ඩනය හඳුන්වා දීමට බංග්ලාදේශය තීරණය කර තිබෙන අතර එරට ජනාධිපතිවරයා හෙට (අඟහරුවාදා) එය නීතියක් බවට පත් කරමින් ආඥා පනතක් නිකුත් කරන බව නීති අමාත්‍ය අනිසුල් හක් බීබීසීයට පැවසුවා.
37 හැවිරිදි කාන්තාවක කල්ලියක් විසින් අමානුෂික ලෙස පහර දෙන ආකාරය දැක්වෙන වීඩියෝ පටයක් සමාජ මාධ්‍යවල වෛරස් වීමත් සමඟ පසුගිය සතියේ බංග්ලාදේශයේ පුළුල් කෝපයක් ඇති වුණා.
බංග්ලාදේශයේ ජාතික මානව හිමිකම් කොමිෂන් සභාව විසින් කරන ලද පරීක්ෂණයකින් හෙළි වූයේ ගිනිකොන දිග දිස්ත්‍රික්කය වන නොඛාලීම් හි දී පහරකෑමට ලක්වූ වෛරස් වීඩියෝ පටයේ සිටින කාන්තාව කාලයාගේ ඇවෑමෙන් නැවත නැවතත් දූෂණය කර භීතියට පත් කර ඇති බවයි. වීඩියෝව එළියට ආ පසු පුද්ගලයින් අට දෙනෙකු අත්අඩංගුවට ගෙන තිබෙනවා.
මේ වසරේ බංග්ලාදේශයේ අවම වශයෙන් ස්ත්‍රී දූෂණ 1,000 ක් වාර්තා වී ඇති බව ක්‍රියාකාරීන් පවසනවා.
මානව හිමිකම් උපදේශකයින්ට අනුව, කාන්තාවන් අපකීර්තියට පත්වනු ඇතැයි යන බිය නිසා බොහෝ සිද්ධීන් වාර්තා නොකෙරේ. පසුගිය සතියේ වෛරස් වූ වීඩියෝ පටයෙන් කෝපයට පත් විරෝධතාකරුවන් ඉල්ලා සිටියේ ස්ත්‍රී දූෂණ සම්බන්ධ නඩු කඩිනම් කරමින් ස්ත්‍රී දූෂණ නඩු පවරන ආකාරය වෙනස් කරන ලෙසයි.
වෙනම නඩුවකදී තවත් කාන්තාවක් පසුගිය සතියේ උතුරු දිස්ත්‍රික්කයේ සිල්හෙට් හි නේවාසිකාගාරයකදී සමූහ දූෂණයට ලක්වූ බවට චෝදනා එල්ල වූ අතර එය පාලක පක්ෂයේ ශිෂ්‍ය අංශයේ සාමාජිකයින් කිහිප දෙනෙකු අත්අඩංගුවට ගැනීමට හේතු විය.
පෙර නොවූ විරූ ආකාරයේ විරෝධතා හේතුවෙන් සති අන්තයේ බංග්ලාදේශය දෙදරුම් කෑ අතර උද්ඝෝෂකයෝ “ස්ත්‍රී දූෂකයන් එල්ලන්න” සහ “ස්ත්‍රී දූෂකයන්ට දයාවක් නැත” යනුවෙන් කියවන විරෝධතා පුවරු ගෙන ගියහ. ඩකා අගනුවර විරෝධතාකරුවන් විසින් ව්‍යාජ එල්ලුම් ගහක් ඉදිකරමින් සිය විරෝධය දක්වන ලදි.
මේ වසරේ පමණක් බංග්ලාදේශයේ ස්ත්‍රී දූෂණ 1,000 කට වැඩි ප්‍රමාණයක් වාර්තා වී ඇති බව එරට මානව හිමිකම් කණ්ඩායමක් පවසයි.
පසුගිය සතියේ 37 හැවිරිදි වියේ පසුවූ එක් අයෙකුගේ සිද්ධිය මෑතදී පැවති විරෝධතා අවුලුවාලූ අතර බොහෝ ආකාරවලින් මෙම පියවර ගැනීමට රජයට බල කෙරුනි. නොඛාලි හි සිදු වූ සමූහ දූෂණය බංග්ලාදේශයේ “සමාජ, චර්යාත්මක හා ව්‍යුහාත්මක විෂමාචාරයේ තත්වය” අවධාරණය කර ඇති බව පවසමින් එක්සත් ජාතීන් ද චෝදනා කර ඇත.
සති අන්තයේ සුප්‍රසිද්ධ නළුවෙකු වන අනන්ත ජලීල් විසින් වීඩියෝවක් පළ කර ඇති අතර එහිදී ඔහු කියා සිටියේ ‘කෙටි ඇඳුම් ඇඳ සිටින කාන්තාවන් දූෂණයට ආරාධනා කරන බවයි‘
විවේචන වලින් පසු ඔහු පැහැදිලි කිරීමේ ප්‍රකාශයක් නිකුත් කළ නමුත් එය ඔහුගේ ආරම්භක ප්‍රකාශයන් දැඩි විවේචනයට ලක්වෙමින් තිබේ.
මරණීය දණ්ඩනය හඳුන්වා දීමට රජය ගත් තීරණය බොහෝ දෙනෙක් පිළිගෙන ඇති නමුත් මෑත දිනවල සමූහ දූෂණ දිගින් දිගටම සිරස්තල බවට පත්ව ඇති අතර සමහරු පවසන්නේ බංග්ලාදේශයේ ලිංගික හිංසනය පිළිබඳ ආකල්ප මූලික වශයෙන් වෙනස් කිරීමට මරණීය දණ්ඩනයට වඩා වැඩි කාලයක් ගතවනු ඇති බවයි.
බී.බී.සී වාර්තාවකි. – සැකසුම – තීක්ෂණ වෙළෙන්එගොඩ
