විමර්ශනයක් සඳහා ගිය මහනුවර – අලවතුගොඩ පොලීසියේ නිලධාරීන් පිරිසක් තරුණයෙකුට අමානුෂික ලෙස පහර දීමේ සිදුවීමක් නෙත් ගොසිප් අපට වාර්තා වෙනවා. පසුගිය දෙසැම්බර් මස 6 වෙනිදා මෙලෙස පහර කෑමට ලක්ව තිබෙන්නේ මහනුවර අකුරණ තලගහකන්ද ප්‍රදේශයේ පදිංචි චන්දන රූපසිංහ නැමැති තරුණයෙක්.
සිදුවීම පිළිබදව නෙත් ගොසිප් වෙත අදහස් දක්වන චන්දන රූපසිංහ ප්‍රකාශ කළේ සිය අසල්වාසීන් බලා සිටියදි අලවතුගොඩ පොලිසීයේ නිලධාරීන් තමන්ට අත් පා ගැටගසා අමානුෂික ලෙස පහර දුන් බවයි. සිය සහෝදරයාගේ බිරිද , ඔහු හැරගොස් නිවසින්ජ් බැහැරව ගොස් බවත් , ඉන්පසුව සිය සහෝදරයා වස පානය කොට රෝහල් ගත කර සිටියදි ඇය සිය බඩු බඩුබාහිරාදිය රැගෙන යාමට පොලීසිය සමග පැමිණි අවස්ථාවේ ඊට විරුද්ධ වීම හේතුවෙන් පොලිසිය තමන්ට පහර දුන් බව එම තරුණයා ප්‍රකාශ කළා
පෞද්ගලික ආරවුලක් මත නිවසින් බැහැරව සිටි තම සහෝදරයාගේ බිරිඳ පොලීසිය සමග පැමිණ ඇයගේ බඩුබාහිරාදිය රැගෙන යාමට උත්සාහ කළ.පහරකෑමට ලක්වූ තරුණයා සිදුවීම විස්තර කළේ මෙලෙසින්
” චන්දන රූපසිංහ දැක් වූ අදහස් – එතන එස් අයි මහත්තයෙක් ආවා. ඒ.එස්.අයි මහත්තයා මට පිස්ටල් එක නළලට තියලා.මට ගැහුවා.එතකොටම පොලීසියේ ඔක්කෝම එතනට ආවා. ඇව්ලා මට දඩ බඩ ගාලා ගහන්න පටන් ගත්තා.ලණු වගයක් තිබ්බා ඒ ලණුවලින්ම අත්දෙකයි කකුල් දෙකයි බැදලා එස් අයි මහත්තයා කකුළෙන් පයින් ගැහුවා. මගේ ඉස්සරහා දත් 4 ක් කැඩුණා.ලණුවක් දාලා බෙල්ල හිර කළා..එතන හිටපු එක රාළහාමි කෙනෙක් පොල්ලක් කඩාගෙන ගැහුවා. ගහපු පාර දත් කැඩිච්චි ඒවා තමයි මේ. මහලා තියෙන්නේ ඉස්පිරිතාලෙන්”
කෙසේ වෙතත් සිදුවීම පිළිබදව එම තරුණයා විසින් පොලිස්පති සහන මැදිරියට පැමිණිලි කර තිබෙන බවත් සදහන්. මේ පිළිබදව අප අලවතුගොඩ පොලිස් ස්ථානාධිපති පොලිස් පරීක්ෂක ජයතිලකගෙන් විමසූ අතර ඔහු පැවසුවේ සිදුවීම පිළිබදව සහකාර පොලිස් අධිකාරීවරයෙකු යටතේ පරීක්ෂණයක් මෙහෙයවන බවත් , එම විමර්ෂනය හේතුවෙන් තමන්ට කිසිවක් කිව නොහැකි බවයි. කෙසේ වෙතත් මෙම පහර දීම සිදුවන අවස්තාවේ එම ස්ථානයේ සිටි අසල්වාසීන් පවසන්නේ සිදුවීම සිදුවී දින ගණනක් ගතව ඇතත් පොලිස්පතිවරයා හෝ වෙනත් කිසිදු ඉහල නිළධාරියෙකු විසින් තවමත් මෙම පහරදීම සිදුකළ නිළධාරීන්ට ක්‍රියාමාර්ගයක් ගෙන නොමැති බවයි.
අත්අඩංගුවට ගත් සැකකරුවෙකුට හෝ පහරදීමට පොලීසියට කිසිදු බලයක් හෝ අයිතියක් නොමැති අතර එය මූලීක මිනිස් අයිතිවාසිකම් උල්ලංගනය කිරීමකි. එම නිසා මෙම පහර දීම සිදු කළ පොලිස් නිළධාරීන්ට එරෙහිව නීතිය ක්‍රියාත්මක වන්නේ දැයි නෙත් ගොසිප් අප විමසිල්ලෙන්.,
සිදුවීමේ විඩීයෝව පහතින් ,
