යතුරුපැදි ධාවන ශූර ආනන්ද වෙඩිසිංහ තරඟයක් අතරතුරදී සිදුවූ අනතුරකින් රෝහල් ගතකර සිට (29) අභාවප්රාප්ත විය. ඔහුගේ අවසන් කටයුතු අද කුරුණෑගල, මල්කඩුවාව පොදු සුසාන භූමියේදී සිදු කෙරුණා.
යතුරුපැදි ධාවකයන්ගේ මෙන්ම යතුරුපැදි තරග නරඹන්නන්ගේද නොමද ආදරය දිනාගත්, එදා මෙදාතුර අපේ රටේ බිහිවූ සුපිරි යතුරුපැදි ධාවකයෙකු වූ ආනන්ද වෙඩිසිංහයන්ට සමුදෙන්නට යතුරු පැදි පෙළපාලියක්ද සංවිධාන කර තිබුණා.
ආනන්ද වෙඩිසිංහගේ දේහය ඔහුගේ නිවසේ සිට සුසාන භූමිය වෙත රැගෙන ආ වීඩියෝ සහ ඡායාරූප පහතින්.
[rns_reactions]
[rns_reactions]
ජනවාරි 08 සහ අගෝස්තු 17 පරාජය නිසාවෙන් දැඩි මානසික ආතතියකින් පිඩාවිදින හිටපු ජනපති මහින්ද රාජපක්ෂ මහතා සිය මද්දුම පුත් යෝෂිත රාජපක්ෂ ඇතුළු පිරිසක් ජපානය බලා දින 10 ක සංචාරයකට පිටත්ව යයි.
ජපානයේදී වෛද්ය ප්රතිකාර ලබමින් විවේක සුවය විඳින අතර විහාරස්ථාන කිහිපයක ආගමික උත්සව වලට සහභාගීවන්නට විශ්රාමික ජනපති මහින්ද රාජපක්ෂ කටයුතු කරනු ඇති බව දන්වා ඇත.
ඔහුගේ හිතවත් ව්යාපාරික ‘ජපන් සමන්‘ගේ ආරාධනයෙන් පසුගිය වසරේදීද හිටපු ජනපතිවරයා ජපානයේ සංචාරය කළේය.
මහින්ද රාජපක්ෂ මහතා මෙම ගමන තනිවම යාමට අදහස් කලද යම් යම් හේතු කාරණා නිසා අනිවාර්යයෙන්ම යෝෂිතව රැගෙන යා යුතු බවට ශිරන්තී රාජපක්ෂ මහත්මිය විසින් තරයේ ප්රකාශ කර ඇති බවද වාර්තා වේ. යෝෂිත රාජපක්ෂට අදාළ නඩුවක් නිසා විදෙස්ගතවීම තහනම් කර තිබුණ නමුත් ජපානයට සිය පියා සමග යායුතු බවට දන්වා සිටීම නිසා පසුගිය සතියේ ඔහුට ඒ සඳහා අධිකරණ අවසරය ලැබුණි.
[rns_reactions]
මහවැලි සංවර්ධන රාජ්ය අමාත්යවරයා ලෙස ඉකුත්දා දිවුරුම් දුන් අමාත්ය මහින්ද අමරවීර මහතා ඊයේ (31) එම අමාත්යංශයේදී රාජකාරි ආරම්භ කල අවස්ථාවට එක් වූ ජනාධිපති මෛත්රීපාල සිරිසේන මහතා, ” මම බොහොම විවෘතව කියන්න ඕනේ මහින්ද අමරවීර ඇමතිතුමාට මම තවත් අමාත්ය ධූරයක් දුන්නේ එතුමාව දකුණේ වඩාත් ශක්තිමත් නායකයෙක් කරන්න ඕනේ නිසා ” යයි කියා සිටියේය.
එහිදී අමාත්ය මණ්ඩල සංශෝධනය පිළිබඳ අදහස් පල කළා ජනාධිපතිවරයා, අමාත්ය මණ්ඩල සංශෝධනය සිදු කළේ රජයේ වැඩපිළිවෙල ගැන ජනතාව තුළ විශ්වාසයක් ඇති කිරීමට බව කියා සිටියේය.
මහින්ද අමරවීර අමාත්යවරයාට තවත් රාජ්ය අමාත්ය ධුරයක් ලබා දීමට හේතු වූ කරුණු පිළිබඳව ද ජනාධිපතිවරයා මෙසේ සඳහන් කළේය.
“”මහින්ද අමරවීර ඇමතිතුමා එක්සත් ජනතා නිදහස් සන්ධානයේ ලේකම්වරයා. ඒ වගේම ධීවර සහ ජලජ සම්පත් කැබිනට් ඇමතිවරයා. කෙනෙක් හිතන්න පුළුවන් මේ තනතුරු දෙකම තිබියදී තවත් රාජ්ය අමාත්ය ධූරයක් එතුමාට දුන්නේ ඇයි කියලා. මම බොහොම විවෘතව කියන්න ඕනේ මහින්ද අමරවීර ඇමතිතුමාට මම එහෙම ධූරයක් දුන්නේ දකුණේ එතුමාව වඩාත් ශක්තිමත් නායකයෙක් කරන්න ඕනේ නිසා කියලා.”
රටට තවත් නායකයන් උවමනා බවත් ඊළග සුදුස්සාට පාර කපා දිය යුතු බවත් පැවසු ජනාධිපතිවරයා, අමරවීර මහතා ඉදිරියේදී දකුණෙන් ඉදිරියට එන තවත් ශක්තිමත් නායකයෙක් වේවා යයි තමන් ප්රාර්ථනා කරන බවද වැඩිදුරටත් පැවසීය.
මෙම අවස්ථාවට අමාත්යවරුන් වන නිමල් සිරිපාල ද සිල්වා, දුමින්ද දිසානායක, ෆයිසර් මුස්තාපා යන ඇමතිවරුන් ඇතුළු පිරිසක් එක්ව සිටියේය.
[rns_reactions]
ජනාධිපතිතුමාගේ උපදෙස් පරිදි ගංවතුරෙන් අවතැන්වී සිටින ජනතාවට අවශ්ය ආහාරද්රව්ය සහ අනෙකුත් අත්යාවශය ද්රව්ය බෙදා දීම සඳහා දහම් සිරිසේන මහතා රත්නපුර අයගම ප්රදේශයට ගොස් තිබෙනවා. එහිදී දහම් සිරිසේන මහතාට පාම පවිත්රා දේවී වන්නිආරච්චි මහත්මියද හමුවී තිබේ.
[rns_reactions]
ඔන්න අද ආරම්භ වෙන ශූරයින්ගේ කුසලානය වෙනුවෙන් GOOGLEත් වෙනස් වෙලා.
මේවට අපි කියන්නේ GOOGLE DOODLE කියලා. සත්තු වගයක් ක්රිකට් සෙල්ලම් කරන ගේම් එකක් තමයි මේ විදියට එයාලා දාලා තියෙන්නේ .
GOOGLE හෝම් පේජ් එකට ගිහිල්ලා ඔයාලටත් මේක ක්රීඩා කරන්න පුලුවන්!
[rns_reactions]
අයහපත් කාළගුණික තත්වයන්ගෙන් පීඩාවට පත්වන ජනතාවට සහන සැලසීම සඳහා ජනමාධ්ය ආයතන රැසකින් විවිධ වැඩසටහන් රැසක් ක්රියාත්මක කරනවා. ඒ අතරින් දෙරණ මාධ්ය ජාලය විසින් ක්රියාතමක කරන මනුසත් දෙරණ වැඩසටහනද බොහෝ දෙනෙකුගේ අවධානයට ලක්ව තිබේ.
ව්යාපාරික ආයතන සිය සන්නාම ප්රවර්ධනය කර ගත යුතුය. ප්රවර්ධන වැඩසටහන් කල යුතුය. නමුත් මිනිසුන් විපතට පත්වී සිටින අවස්ථාවක එසේ ව්යාපාර ප්රවර්ධනය කරන්නේ නම්, මිනිසුන්ගේ දුක් අදෝනා විකුණා මුදල් උපයන්නේ නම් එය ඉතා පහත් ක්රියාවකි.
මනුසත් දෙරණ නමින් සිදුකලද දෙරණේ ගංවතුර සහනාධාර වැඩසටහන පුරාම ඇත්තේ අමුනුස්ස, ගරිල්ලා මාකටිං ව්යාපෘතියකි. විපතට පත්වූ ජනතාව ගැන සිතා රට පුරා මහජනතාව ලබාදෙන බත් පැකැට්ටුවට සහ වියලි ආහාර සළාකයට දෙරණ ලාංජනය අලවා බෙදා හැරීම කෙතරම් පහත්ද?
එක් ස්ටිකරයක් රුපියලක් වුවහොත් ලක්ෂයක් දෑ බෙදුවොත් දෙරණ නිරපරාදේ රුපියල් ලක්ෂයක් වියදම් කරන්නේ සිය සන්නාමය ප්රවර්ධනය කිරීමටය. නමුත් ඒ මුදලින් දරුවන්ට පාසල් උපකරණ කොපමණ පිරිසකට ලබාදිය හැකිද?
ඊයේ හදිසියේම රත්මලාන ගුවන් තොටුපලට ඇදෙන අමනුස්ස දෙරණ ලොරි රථ පෙළක් ඇදෙන්නට විය. අසරණ ජනතාව වෙතට ගෙනියන්නට බොහෝ ප්රමාණයක් බඩු රැගෙන එන බව සළකා ගුවන් හමුදාවද සතුටට පත්විය. නමුත් ඒ අතරින් පැමිණි දෙරණ නිලධාරියා කිව්වේ මොකක්ද?
“අපි මේ ආවේ රත්මලානට ආව බඩු තියනවනම් අරන් යන්න. අපි දැන් මේ ලොරිවල යනවා ඒවා බෙදලා දෙන්න. අපි ටීවි එකෙත් දානවා. ඔයාලා බඩු ටික අපිට දෙන්න. අපි බෙදන්නම්”
අවතැන්වූ ජනතාව අතර ලැබී ඇති ආධාර නිසි පරිදි බෙදීමේ හැකියාව සිය හමුදාව සතු බවත්, රූපවාහිනියේ මූණ දමා ගැනීමට හෝ රූපවාහිනී නාලිකා වල සන්නාම ප්රවර්ධනය කිරීමට තමන්ට අවශ්ය නැති බවත් පවසමින් ගුවන් හමුදාව එම ඉල්ලීම ප්රතික්ෂේප කර තිබේ
ගුවන් හමුදාව එම ඉල්ලීමට එකඟ වූයේ නම් අනිවාර්යයෙන්ම දෙරණ ලාංජනය සහිතව එම බඩු තොග ජනතාවට පත්වනු ඇත.
කවර මාධ්ය ආයතනයකින් රැගෙන ගොස් බෙදූවද මෙම සියලු ආධාරයන් මෙරට මහජනතාව විසින් ලබාදෙනු ලබන ඒවාය. මාධ්ය විසින් කරනු ලබන්නේ සම්බන්ධීකරණය, ප්රවාහණය සහ බෙදාහැරීමය. බඩු මහජනතාවගේය. ඒ නිසා බෙදන බඩු වල සිය නාලිකාවේ ලාංජනය යෙදීමට කිසිදු ආයතනයකට සදාචාරමය අයිතියක් නැත. යමෙක් එසේ කරන්නේ නම් එය ඉතා නිර්ලජ්ජිත ක්රියාදාමයකි.
දෙරණ, ජනතාවට සහය දෙන්න. උදව් කරන්න. නමුත් මේ මොහොතේදී ඔබ ආයතනය සිදුකරන පහත් පෙලේ ප්රචාරණ ක්රියාවලිය වහාම නවත්වා සැබෑලෙසම සහන සළසන්න!
[rns_reactions]
ජනාධිපතිතුමාගේ උපදෙස් පරිදි ගංවතුරෙන් අවතැන්වී සිටින ජනතාවට අවශ්ය ආහාරද්රව්ය සහ අනෙකුත් අත්යාවශය ද්රව්ය බෙදා දීම සඳහා දහම් සිරිසේන මහතා රත්නපුර අයගම ප්රදේශයට ගොස් තිබෙනවා.
එහිදී අයගම කොට්ඨාස අධ්යාපන කාර්යාලයේ සහ අයගම ගංගාරාම ශ්රී මහා විහාරස්ථානයේ අවතැන් වී රැඳී සිටින අයගම ජනතාව වෙත ගොස් ඔවුන්ගේ අවශ්යතාවයන් පිළිබඳ එහිදී සොයා බලනු ලැබුවේය. එමෙන්ම එම ජනතාවට අවශ්ය කෙරෙන ආහාර ද්රව්ය, ඇඳුම් සහ අනෙකුත් අත්යවශ්ය ද්රව්ය බෙදා දෙනු ලැබුවේය.
මෙහිදී ප්රදේශවාසීන් තමන්ට මුහුණ පෑමට සිදුව ඇති ගැටලු කිහිපයක් දහම් සිරිසේන මහතාට පවසා එම ගැටලු කෙරෙහි ගරු ජනාධිපතිවරයාගේ අවධානයට යොමු කරන ලෙස ඉල්ලා සිටියා.
විශේෂයෙන්ම දීර්ඝ කාලයක සිට මෙවැනි විපත් වලට තම ප්රදේශවාසීන්ට මුහුණ පෑමට සිදුව ඇතැයිද, ගත වූ අවුරුදු කිහිපය තුළම කිසිඳු බලධාරියෙක් ඒ පිලිබඳව අවධානය යොමු නොකල බවත් ගරු ජනාධිපතිතුමා පිළිබඳව ඉමහත් විශ්වාසයෙන් සිටින බවත්, මැති ඇමතිවරු නොපැමිනි අයගම ග්රාමයට රටේ ජනාධිපතිවරයාගේ පුත්රයාගේ පැමිණීම ප්රදේශවාසීන් ඉතා ඉහළින් අගය කරන බවත් ප්රකාශ කරන ලදී.
https://www.facebook.com/dahamsirisena/videos/1552518514761175/
https://www.facebook.com/dahamsirisena/posts/1552410101438683
[rns_reactions]
ශ්රී ලංකා කණ්ඩායමේ නායක ඇන්ජලෝ මැතිව්ස් චැම්පියන්ස් කුසලාන තරගාවලියේ දකුණු අප්රිකාව සමග පැවැත්වෙන පළමු තරගයට සහභාගී වීම අවිනිශ්චිත බව වාර්තා වනවා.
ඒ පාදයේ කෙණ්ඩා ප්රදේශයේ ඇතිව තිබෙන ආබාධ තත්වයක් හේතුවෙනි.
එම නිසාවෙන් උපුල් තරංග චැම්පියන්ස් කුසලානයේ පළමු තරගය සදහා නායකත්වය ලබාදෙනු ඇති බවට වාර්තාවේ.
ඔස්ටේලියව සමඟ පැවැත්වු පළමු පුහුණු තරගයේදී විශිෂ්ට ඉනිමක් ක්රීඩා කළ ඇන්ජලෝ මැතිව්ස් ලකුණු 95ක් ලබා ගැනීමට සමත්වු අතර දෙවැනි පුහුණු තරගයේදී ඔහු සහභාගී වුයේ නැත.
[rns_reactions]
මෙවර ශූරයින්ගේ කුසලානය ජයග්රහණය කිරීමේ වැඩි අවස්ථාව පවතින කණ්ඩායම් පිළිබඳ හිටපු ටෙස්ට් ක්රිකට් ක්රීඩක කුමාර් සංගක්කාර අනාවැකි පළ කර තිබෙනවා.
පසුගිය වර මෙන්ම ඉන්දියාව ශූරයින්ගේ කුසලානය ජයග්රහණය කිරීමේ වැඩි අවස්ථාවක් තිබේ යැයි පවසන සංගක්කාර ඔවුන්ගේ වේගපන්දු බලඇණිය ශක්තිමත් යැයිද පවසා තිබෙනවා.
සත්කාරක එංගලන්ත කණ්ඩායමටද මෙවර ශූරයින්ගේ කුසලානය ජයග්රහණය කිරීමේ වැඩි අවස්ථාවක් පවතින බවද සඳහන් කළ සංගෙක්කාර පසුගිය කාලයේ ඉතා වේගයෙන් සංවර්ධනය වූ කණ්ඩායමක් ලෙසද එංගලන්තය නම් කළේය.
දකුණු අප්රිකා කණ්ඩායමේ හා ඕස්ට්රේලියානු කණ්ඩායම් පිළිබඳද අදහස් දැක්වූ ඔහු කියා සිටියේ එම කණ්ඩායම් වලටද ජයග්රහණය කිරීමේ අවස්ථාව ඇති බවය.
එමෙන්ම ඉන්දියාව ඕස්ට්රේලියාව දකුණුඅප්රිකාව එංගලන්තය තරඟාවලියේ අවසන් පූර්ව වටයට සුදුසුකම් ලබනු ඇති බවද සඳහන් කළේය
ප්රධාන තරඟාවලි වලදී ශ්රී ලංකාව සුවිශේෂි දක්ෂතා දක්වන කණ්ඩායමක් යැයි පවසන සංගක්කාර බොහෝ දෙනා බලාපොරොත්තු නොමැති කණ්ඩායමක් ලෙස ශ්රී ලංකා කණ්ඩායමට යෙදන පීඩනය අඩු බවද සඳහන් කළේය.
[rns_reactions]
දිවයිනට බලපෑ හදිසි ආපදා තත්ත්වය හේතුවෙන් පාසල් දරු දැරියන් හතළිස් හතර දෙනකු ජීවිතක්ෂයට පත්වී ඇතැයි අධ්යාපන ඇමැති අකිල විරාජ් කාරියවසම් පවසයි.
මේ අතර පාසල් දරු දැරියන් අට දෙනකු අතුරුදන් වී ඇත.
ගංවතුරෙන් වැඩි වශයෙන්ම ආපදාවට ලක්වූ රත්නපුර දිස්ත්රික්කයේ පාසල් පනස් හතක්, කෑගල්ල දිස්ත්රික්කයේ පාසල් දෙකක්, ගාල්ල දිස්ත්රික්කයේ පාසල් අටක්, මාතර දිස්ත්රික්කයේ පාසල් හතරක්, හම්බන්තොට දිස්ත්රික්කයේ පාසල් පහක් හානියට පත්ව ඇති බව ද ඇමැතිවරයා පැවැසුවේය.
බස්නාහිර පළාතේ ජයවර්ධන කලාපයේ පාසල් හතරක්ද, මතුගම පාසල් පහළොවක්ද, හොරණ පාසල් තිස් නවයක්ද, හෝමාගම පාසල් හතරක්ද හානියට පත්ව ඇතිව බවද ඇමැතිවරයා සදහන් කළේය.
සබරගමුව පළාතේ පාසල් තිහක්ද, දකුණු පළාතේ පාසල් ෙදාළහක් සහ බස්නාහිර පළාතේ පාසල් දාහතක් අවතැන් කඳවුරු සහිත පාසල් ලෙස ක්රියාත්මක වන බවද ඇමැතිවරයා වැඩිදුරටත් පැවැසීය.
[rns_reactions]
මෙවර ශූරයින්ගේ කුසලානය සදහා තරග වදින කණ්ඩායම් අතරින් භයානමකම කණ්ඩායම් හතරක් පිලිබදව නවසීලන්ත හිටපු ක්රිකට් නායක බ්රෙන්ඩන් මැක්ලම් ඉගි පළකරනවා..ඒ නවසීලන්තය, එංගලන්තය, දකුණු අප්රීකාව හා ඉන්දියාවයි
‘ඒ’ කාණ්ඩයෙන් එංගලන්තයත් නවසීලන්තයත්, බී කාණ්ඩයෙන් ඉන්දියාවත් දකුණු අපි්රකාවත් අවසන් පූර්ව තරගයට පැමිණෙන බවයි ඔහු පවසන්නේ.
අයි සී සී ශූරයන්ගේ කුසලාන එක් දින ක්රිකට් තරගාවලිය ආරම්භ කරමින් සත්කාරක එංගලන්ත කණ්ඩායම සහ බංග්ලාදේශ කණ්ඩායම අද තරග වැදීමට නියමිතයි.
[rns_reactions]