Author: Editor[A]

නිදහස් කුසලාන අවසන් මහා තරගයේදි බංග්ලාදේශය පරාජය කර තරගාවලිය ජය ගැනීමට  ඉන්දීය කණ්ඩායම සමත් වුනා. ඒ පිළිබදව ෆේස්බුක් සමාජජාල වෙබ් අඩවියේ පළවූ නිර්මාණ කිහිපයක් පහතින්

නිදහස් කුසලාන තරඟාවලියට ශ්‍රී ලංකාවට ආපු ඉන්දීය කණ්ඩායම නැවත තමන්ගේ රටට යන්නේ නිදහස් කුසලානය විතරක් නෙවෙයි ලංකාවේ ක්‍රිකට් ප්‍රේක්ෂකයන්ගේ හදවතත් දිනාගෙන.

තරඟාවලිය පුරාම ඉන්දීය කණ්ඩායම හැසිරුණ විදිය ශ්‍රී ලංකා ක්‍රිකට් ලෝලීනට ගොඩක් හිතට වදින්නට ඉන්දීය නායකයා ලෙස පැමිණි රෝහිත් ශර්මාගේ හැසිරීමද බොහෝ දුරට බලපෑම් කල අතර සාමනයයෙන් අනෙකුත් ක්‍රීඩකයන්ට වඩා ශ්‍රී ලංකාවේ ක්‍රිකට් ප්‍රේක්ෂකයන් ගරු කරන ඉන්දීය ක්‍රීඩකයෙකු වන ශර්මා නිදහස් කුසලානය දිනාගැනීමෙන් පසුව මුලින්ම කලේ ශ්‍රී ලංකා ප්‍රේක්ෂකයන්ට ස්තුතිය පල කිරීම වීමද විශේෂ කරුණකි.

“මම මුලින්ම ස්තුති කරන්න ඕන අද අපිට සහය දක්වපු ප්‍රේක්ෂකයන්ට,මේ වගේ පීඩනයක් තියන තරඟයක ඒ වගේ සහයක් ලැබෙනවා කියන්නේ අපිට ලොකු හයියක්,සාමාන්‍යයෙන් මව් රටෙන් නැතුව මේ වගේ සහයක් ලැබෙන එක අපේ කණ්ඩායමේ ලොකු වාසනාවක්.අපි දැනගෙන හිටිය අපේ කණ්ඩායමේ ප්‍රධාන ක්‍රීඩකයන් කිහිප දෙනෙක් නැති වුනත් අපි ශක්තිමත් කියල,තරුණ ක්‍රීඩකයෝ හොඳටම කළා,ඇත්තටම මේ වගේ තරුණයෝ කණ්ඩායමේ හිටියම නායකයට පීඩනයක් නෑ.ගොඩක් ලේසියි එයාල මෙහෙයවන්න,මේ තරඟයේ ජයග්‍රහණයට කාර්තික් තමයි ලොකුම දේ කලේ,කාර්තික් කාලයක් තිස්සේ අපේ කණ්ඩායමට එනවා යනවා,අද පෙන්නුවා ඔහුට මොකද්ද පුළුවන් කියල,ඔහුගේ අත්දැකීම් එක්ක තරඟය අවසාන කරපු විදියනම් ඇත්තටම සුපිරියි.”

ඉන්දීය කණ්ඩායමේ ජයග්‍රහණය තහවුරු කරමින් බංගලාදේශයේ අතේ තිබුන ජය උදුරා ගත් ඉනිම ක්‍රීඩා කල දිනේෂ් කාර්තික් තරඟයෙන් පසුව පවසා තිබුනේ මෙම ජයග්‍රහණය ගැන තමා බොහෝ සේ සතුටු වන බවය.

“ඇත්තටම ගොඩක් සතුටුයි මේ දේ කරන්න පුළුවන් වුන එකට,මුෂ්ෆිකර් පන්දු යවපු විදියට පහර දෙන්න ලේසි නෑ,මම උත්සාහ කලේ හැම පන්දුවටම තදින් පහර දෙන්න,හැම පන්දුවක්ම හතරේ සීමාවට යවන්න,ඒ වෙලාවේ වෙන කරන්න දෙයක් තිබුනේ නෑ,මගේ උත්සාහය ගොඩක් දුරට සාර්ථක වුනා,ඇත්තටම ගොඩක් සතුටුයි.

නිදහස් කුසලාන තරග මාලාවේ අවසන් මහා තරගය ඉන්දියාව සහ බංග්ලාදේශය අතර පැවැත්වුනා. මෙහිදි ශ්‍රී ලංකා රසිකයන් විශාල ප්‍රමාණයෙන් පැමිණ ඉන්දීය කණ්ඩායමට සහය දැක්වූ අතර  ඔවුන් ලබා දුන් සහයට ස්තූති කිරීමට ඉන්දීය නායක රෝහිත් ෂර්මාද කටයුතු කළා.

මේ අතර ශ්‍රී ලංකා රසිකයන්ගේ නාදය මැදින් දැවි බංග්ලාදේශ ක්‍රීඩක සහ හිටපු නායක මහමුදුල්ලා ක්‍රීඩාගාරයේ ආරක්ෂිත වැටකට පයින ගසන දර්ශන ශ්‍රී ලංකා රසිකයන් විසින් පටිගත කර තිබුනා. වාසනාවකට මෙන් එම ආරක්ෂිත වැටට කිසිදු හානියක් මහමුදුල්ලාගේ මෙම පා පහර නිසා සිදුව නැති නමුත් බංග්ලාදේශ ක්‍රීඩකයන්ගේ මෙම හැසිරීම මහත්වරුන්ගේ ක්‍රීඩාවට දැඩි අවමානයක් බවට ක්‍රීඩා විචාරකයන් සදහන් කර තිබුනා.

මහමුදුල්ලා ක්‍රීඩාංගනයේ වැටට පා පහර ලබා දෙන විඩීයෝව පහතින්

නිදහස් කුසලාන තුන්කොන් ක්‍රිකට් තරඟාවලියේ ශ්‍රී ලංකා කණ්ඩායම හා බංග්ලාදේශ කණ්ඩායම අතර පැවති තරඟයේදී ඇතිවූ සිදුවීම සම්බන්ධයෙන් ශකීබ් අල් හසන් සහ නුරුල් හසන් හට තරඟ මුදලින් 25% ක දඩයක් සහ ඔවුන් දෙදෙනාට අයි.සී.සී නිතී මාලාව කඩ කිරීම සම්බන්ධයෙන් සෘණ ලකුණු 2 ක් ද ජාත්‍යන්තර ක්‍රිකට් කවුන්සලය මඟින් නියම කර තිබේ.

මෙම අයි.සී.සී නීති මාලාව 2016 හඳුන්වාදීමෙන් අනතුරුව ක්‍රීඩකයින් දෙදෙනෙකුට සෘණ ලකුණ බැඟින් ලබාදුන් පළමු අවස්ථාව බව ජාත්‍යන්තර ක්‍රිකට් කවුන්සලය නිවේදනය කරයි.

ශකීබ් අල් හසන් හට සෘණ ලකුණු ලබාදීමට හා දඩය පැනවීමට හේතුවී තිබින්නේ තරඟයේ 19 වන පන්දුවාරයේ දෙවන පන්දුවේදී ශකීබ් අල් හසන් විසින් ක්‍රීඩා පිටියේ ක්‍රීඩා කරමින් සිටි ක්‍රීඩකයින් දෙදෙනාට ක්‍රීඩා පිටියෙන් ඉවත් වන ලෙස සංඥා කිරීම හා විනිසුරු තීරණයට අභියෝග කිරීමයි.

නුරුල් හසන් හට සෘණ ලකුණු ලබාදීමට හා දඩය පැනවීමට හේතුවී තිබින්නේ ශ්‍රී ලංකා කණ්ඩායමේ නායක තිසර පෙරේරාට ඇඟිල්ල දිගු කිරීම හේතුවෙනි.

අද උදෑසන මෙම ක්‍රීඩකයින් දෙදෙනා අයි.සී.සී ක්‍රිකට් බලධාරීන් හමුවීමෙන් අනතුරුව වරද පිළිගෙන මෙම දඩ මුදල ගෙවීම සඳහා එකඟතාව පළ කර ඇති බව ජාත්‍යන්තර ක්‍රිකට් කවුන්සලය නිවේදනය කරයි.

නිදහස් කුසලාන තරඟාවලියේ දැන් ඉතිරිව ඇත්තේ අවසාන මහා තරඟය පමණක් වන අතර අවසාන මහා තරඟයට ක්‍රීඩා කරන්නේ ශ්‍රී ලංකා ක්‍රීඩා ලෝලීන්ගේ අතීත සතුරන් වන ඉන්දීය කණ්ඩායම සහ නුතන සතුරන් වන බංගලාදේශ කණ්ඩායමය.

ඊයේ බංගලාදේශය ඛෙත්තාරාම ක්‍රීඩාංගනයේ දැක්වූ රංගනයන් නිසා ඉන්දියාව ක්‍රීඩා පිටියේ පෙන්වූ ඇතැම් එදිරිවාදිකම් නිසා ඉන්දියාව සමඟ උරණ වී සිටි ශ්‍රී ලංකා ප්‍රේක්ෂකයන් දැන් ඉන්දියාව සමඟ එකතු වී බංගලාදේශය පරාජ කරන්නට සැදී පැහැදී ඇත.

ඊයේ දිනයේ ෂකීබ් ඇතුළු බංගලාදේශ ක්‍රීඩකයන් පිටියේ හැසිරුණ අකාරය පිළිබඳව ඉන්දීය ක්‍රිකට් විචාරකයන් මෙන්ම ක්‍රීඩකයන්ද අප්‍රසාදය දක්වා ඇති ආකාරය විදෙස් මාද්‍ය වාර්තා කර තිබිණි.

ක්‍රිකට් විචාරක සන්ජේ මන්ජෙකාර් ට්විටර් පණිවිඩයක් තබමින් පවසා ඇත්තේ ෂකීබ් නායකයෙකු ලෙස හැසිරුණ ආකාරය අනුමත කල නොහැකි බවය.විනිසුරු තීරණයකට ඒ අකාරයේ ප්‍රතිචාර දැක්වීමක් සිදු කල හැකි දැයි මන්ජෙකාර් විමසා ඇත.

ඉන්දීය තුන් ඉරියව් ක්‍රීඩක රවීන්ද්‍ර ජඩේජා ට්විටර් සටහනක් තබා ඇත්තේ මේ බංගලාදේශය ශ්‍රී ලංකාවේ නටන අවසාන නයි නැටුම විය හැකි බවය.එමෙන්ම ඔහු තවත් සටහනක් තබා තිබෙන්නේ මෙතෙක් කල් බංගලි ව්‍යාග්රයන් ලෙස හඳුන්වාගත් බංගලි ක්‍රීඩකයන් තමන් වයාග්‍රරයන් නොවන බව ඔප්පු කල බවය.

මේ තරඟාවලිය නිදහස් කුසලානය ලෙස හඳුන්වනවාට වඩා නාග නැටුම් කුසලානය ලෙස හැඳින්වීම වඩා යෝග්‍ය බවද තවත් අය අදහස් පළකර තිබෙනු දැකගත හැකි විය.