කැබිනට් සංශෝධණය ගැන මෙන්ම අගමැති රනිල් වික්රමසිංහ මහතාට එරෙහිව ගෙන ඒමට සූදානම් වන විශ්වාස භංග යෝජනාව ගැන හදිසි සාකච්චාවක් සදහා එක්සත් ජාතික පක්ෂ ඉහල පෙලේ ඇමතිවරුන් පිරිසක් ජනාධිපති මෛත්රීපාල සිරිසේන මහතා සමග සාකච්චා කර ඇත.
මෙම හමුව සදහා එජාප මහ ලේකම් කබීර් හෂීම්, මංගල සමරවීර, අකිල විරාජ්, රාජිත සේනාරත්න, ගයන්ත කරුණාතිලක ඇතුළු පිරිසක් සහභාගී වී තිබේ.
එක්සත් ජාතික පක්ෂය තුල මේ වන විට ඇතිව තිබෙන අර්බුදකාරී තත්වය ගැන ජනාධිපතිවරයා සමග මෙහිදී වැඩි වශයෙන් සාකච්චා කර ඇති බවද වාර්තා වෙයි.
අම්පාර නගරයේ ආපන ශාලාවකින් ආහාර ලබා ගැනීමට ගිය පිරිසකට එම ආහාර වල තිබී පෙති විශේෂයක් හමුවීමත් සමඟ ඇතිවූ ගැටුම සම්බන්ධයෙන් මේ වන විට විශාල කතාබහක් ඇතිව තිබෙනවා. අප කල සොයාබැලීමකදී හෙලිවුයේ මෙම ගැටුමට පාදක වූ සිදුවීම් කිහිපයකම පසුගිය කාලයේ අම්පාර නගරය ආශ්රිතව සිදුවී ඇති බවයි.
මෙම ගැටුමට පෙර අම්පාර නගරයේ එම ගැටුමට පාදකවූ වටපිටාව සැකසීමට හේතුවූ මෙතෙක් හෙලිනොවූ කරනු පහත වීඩියෝව නැරඹීමෙන් දැනගතහැකියි.
https://www.facebook.com/supirigossip1/videos/1604795022889431/
නීතිය හා සාමය පිළිබද අමාත්ය ධුරය ෆීල්ඞ් මාර්ෂල් අමාත්ය සරත් ෆොන්සේකාට ලබාදෙනු ඇති බවට ඉකුත් සමයේ දිගින් දිගටම විවිධ වාර්තා පළ වුණා. එහෙත් ඉකුත්දා කැබිනට් මණ්ඩල සංශෝධනය සිදුකරන අවස්ථාවේ ඔහු ශී්ර ලංකාවේ රැඳී සිටියේ නැහැ. ඒ, දින 5 ක පෞද්ගලික සංචාරයක් සදහා ඉන්දුනීසියාවේ ජකර්තා නුවර බලා ගොස් සිටි බැවින්.
ඇතැම් වාර්තාවල දැක්වුණේ ඔහු නිල සංචාරයක් සදහා ඉන්දුනිසියාවට ගොස් සිටි බවයි. එහෙත් සිය දියණියන් දෙදෙනා මුණ ගැසීම සදහා ෆීල්ඞ් මාර්ෂල් සරත් ෆොන්සේකා එම සංචාරයේ යෙදී ඇති බවයි අප කළ සොයා බැලීමකදී අනාවරණ වුණේ.
ඔහු යළි මෙරටට පැමිණ ඇත්තේ ඉකුත් 25 වනදායි.
හිටපු මුදල් අමාත්ය පාර්ලිමේන්තු මන්ත්රී රවී කරුණානායකගෙන් අල්ලස් හෝ දූෂණ විමර්ශන කොමිසන් සභාව අද (27) පැය 4 කට අධික කාලයක් ප්රශ්න කර ප්රකාශයක් සටහන් කරගෙන ඇතැයි වාර්තාවේ.
බැඳුම්කර සිද්ධිය සම්බන්ධයෙන් විමර්ශන සිදුකළ ජනාධිපති කොමිසම හෙළිකළ කරුණු සම්බන්ධයෙන ඔහුගෙන් ප්රශ්න කර ඇති බව සඳහන්.
පර්පචුවෙල් ට්රෙෂරීස් සමාගමේ හිමිකරුවන්ට අයත් සමාගමකින් ගෙවන ලද නිවාස බදු මුදල් සම්බන්ධයෙන් අල්ලස් පනත හෝ වෙනත් නීතියක් යටතේ කටයුතු කළ හැකි බවට බැඳුම්කර සිද්ධිය ගැන විමර්ශනය කළ ජනාධිපති කොමිසම සිය අවසන් වාර්තාවෙන් දක්වා තිබුණි.
ඒ සම්බන්ධයෙන්පාර්ලිමේන්තු මන්ත්රී රවී කරුණානායකගේ ස්ථාවරය විමසීම සඳහා අදාළ කැඳවීම සිදුකර තිබූ බවයි අල්ලස් කොමිසමේ ආරංචි මාර්ග වැඩිදුරටත් සඳහන් කළේය.
මේනකා මධුවන්ති කියන්නෙ කලින් කලට කලා ක්ෂේස්ත්රයේ පුවත් මවන රංගන ශිල්පිනියක්. හැංගිලා හිටියත් හොයාගෙන මඩගහන චරිතයක් බවට තමන් පත්වෙලා කියලා මෙනකා අද පුවත්පතක් හා සම්මුඛ සාකච්ඡාවකට එක්වෙමින් කියලා තිබුණා. ඒ ගැන මේනකා කියපු සම්පූර්ණ කතාව පහතින්.
මේනකා මේ දවස්වල වැඩද? නැත්නම් නිවාඩු පාඩුවේ ගෙදරට වෙලා ඉන්නවද?
පසුගිය දවස්වල හර්ෂ උඩකන්දගේ කොළඹ සන්නිය රිටන්ස් චිත්රපටයේ වැඩ අවසන් කළා. ඒ වැඩෙත් එක්ක තමයි කාර්යබහුල වෙලා හිටියේ. මම සම්බන්ධ වුණ චිත්රපට හතරක්ම තිරගත වෙන්න තියෙනවා.
සම්භාව්ය මට්ටමේ නිර්මාණයකට මේනකාට ආරාධනාවක් ලැබුණොත් ඕන කැප කිරීමක් ඒ වෙනුවෙන් කරන්න කැමැතිද?
නිළියක් වුණාම සීමා දාගෙන ඉන්න අවශ්ය නැහැ. නමුත් අපේ සමාජයේ එවැනි කලා නිර්මාණ, ඒවට සම්බන්ධ වෙන ශිල්පීන් පිළිගැනීමට ලක්වෙද්දී ප්රශ්නයක් තියෙනවා. අතීතයේදී නම් ඒ වගේ නිර්මාණවල හිටපු ශිල්පිනියන්ට ගැටලුවක් වුණේ නෑ. ඒත් අද තත්ත්වය ඊට වෙනස්. අපි දෙයක් කළොත් ඒවායින් ගොසිප් දාන්න ගොඩක් අය ඉන්නවා. මම ප්රශ්න දාගන්න කැමැති නැහැ. ඒ නිසා සාමාන්ය විදියට නිර්මාණවලට සම්බන්ධ වෙනවා.
ඔය තීරණ ඔයාගෙම තීරණද? නැත්නම් ඒ තීරණවලට කවුරු හරි බලපෑම් කරනවාද?
කවුරුවත් මට බලපෑම් කරන්නේ නැහැ. මම ඉස්සර ඉඳන් හිතපු දෙයක් තමයි අපි මඩවලට බය වෙලා හිටියොත් මඩ වදිනවා වැඩියි. මම පැත්තකට වෙලා හිටියත් පරණ දෙයක් හරි හොයලා මඩ ගහනවා.
නිතර මඩ වදින නිළියන්ගේ ගොඩට මේනකාවත් අහුවෙනවා නේද?
ඔව්. අනේ මන්දා මාව ඒ පැත්තට තමයි වැටිලා තියෙන්නේ. සමහර වෙලාවට අද ඊයේ වුණ දේවල් නෙවෙයි, මොකක් හරි ගැළපෙන්නේ නැති දෙයක් හරි එළියට අරගෙන මඩ ගහනවා. ගොසිප් ගැහුවම ගොඩක් අය පෙනෙන දේ විශ්වාස කරනවා. ඇත්ත දේ ගොඩක් අය හොයලා බලන්නේ නැහැ.
ඉතින් ඔහොම හොය හොයා මේනකාට මඩ ගහද්දී ගැටලුවක් නැද්ද?
ගැටලුක් වුණත් ඉතින් මම නිවැරැදියි කිය කිය නම් යන්නේ නෑ. කැමැති දෙයක් හිතාගන්න කියලා මම ඉන්නවා. මම කවුද කියලා මම දන්නවානේ.
මේනකා දෙසැම්බර් 31 රාත්රියට එහෙම විශේෂ සැමරුම් කරන කෙනෙක්ද? අඩු ගානේ විශේෂ අවස්ථා සමරලා විනෝද වෙන කෙනෙක්ද?
මම අඩුම තරමේ උපන් දින සාදයක්වත් ගන්න කැමැති කෙනෙක් නෙවෙයි. දෙසැම්බර් 31 රාත්රිය නම් මම ගත කරන්නේ මගේ පවුලේ අයත් එක්ක පන්සලේදී. මම එදාට පාටි දාලා විනෝද වෙන්නේ නැහැ. හැබැයි මම විශේෂ අවස්ථා වෙනුවෙන් වෙන අයගේ පාටිවලට සහභාගි වෙලා තියෙනවා.
සමහරු විනෝද වෙන්න ක්ලබ් යනවා. මේනකාත් එහෙම කෙනෙක්ද?
ක්ලබ් ගිහින් නැහැ කියලා මම කියන්නේ නැහැ. මම ක්ලබ් ගිහින් තියෙනවා. අපි ක්ලබ් යනවා කියලා මඩ ගහන අයත් ක්ලබ් යනවා. මම ක්ලබ් ගියත් ඒක කවුරුවත් ප්රශ්නයක් කරගන්නවත් ඒවා අවුස්සලා ගොසිප් සයිට්වල ගොසිප් ගහන්නවත් අවශ්ය නැහැ. ක්ලබ් යනවා කියලා ගොසිප් ගහන අය හරියට ඒවා නොකරපු අය විදියට පෙන්නන්න හදන්නේ. මම ඉතින් කියන්නේ මට මඩ ගහලා කාගේ හරි බඩ කට පිරෙනවා නම් ඒක මට පිනක්.
දැන් නිළියෝ හැසිරෙන විදිය හරි නැහැ කියලා ගොඩක් අය කියනවා. මේනකාටත් ඔය චෝදනාව ඇවිත් ඇතිද?
මට දැනුවත්ව එහෙම චෝදනා නැහැ. අපිට ඇඟිල්ල දික් කරන්නෙ අපේ ක්ෂේත්රයේ අය නොවෙයි. පිට අය. මම මගේ පාඩුවේ ඉන්නේ. අපි කළොත් තමයි හැමදේම වැරැදි. මොකද අපි ජනප්රිය නිසා ඉස්මතු කරලා පෙන්නනවා. වෙන ක්ෂේත්රයක කෙනෙක් අපි කරන දේම කළොත් ඒ ගැන කතා කරන්නේ නැහැ. අපි ඉතින් හැරුණත් වැරැදියිනේ. මම ඉතින් කාටවත් වැරැදි කරලා නැහැ. අපේ පෞද්ගලික දේවල්වලට මඩගහලා සතුටු වෙන අය සතුටු වෙයි.
දැන් මේනකා වැඩවලත් වැඩිපුර පේන්න නැත්තේ හැම දෙයින්ම මිදිලා පාඩුවේ ඉන්න උත්සාහ කරන නිසාද?
ඇත්තටම මම දැන් හැමදේම තේරුම් අරගෙන ඉන්නේ. ඒකයි පැත්තකට වෙලා ජීවත් වෙන්නේ.
එහෙනම් කලින් ආශ්රය කළ යාළු මිත්රයොත් දැන් ආශ්රය කරන්නේ නැද්ද?
අම්මෝ දැන් මට යාළුවෝ නැති තරම්. වෙච්ච ප්රශ්නත් එක්ක අෑත්වෙලා පාඩුවේ ඉන්න එක හොඳයි. හැබැයි ඉතින් අපි පේන්න නොහිටියත් අපිට මඩ ගහනවා.
දැන් මේනකා පෙම්වතියක්. ජීවිතේ ඉන්න විශේෂ කෙනා ගැන කියමුද?
ඔව්. මම පෙම්වතියක්. එයා ක්ෂේත්රයේ කෙනෙක් නෙවෙයි.
කවද්ද එකලාසයක් වෙන්නේ?
ඒකත් ඉදිරියේදී වෙයි. බලමුකෝ.
මධ්යස්ථානයේ කලමණාකරු ලෙස සේවය කළ පුද්ගලයාද අත් අඩංගුවට ගෙන ඇති අතර මොවුන් අධිකරණය වෙත ඉදිරිපත්කරනු ලැබුවා.
වැලිකඩ පොලිසියට ලැබුණු තොරතුරක්මත, වැලිකට පොලිස් ස්ථානාධිපති ප්රධාන පොලිස් පරීක්ෂක සුදත් අස්මඩලගේ උපදෙස් මත, වැලිකඩ පොලිසියේ අපරාධ අංශයේ ස්ථානාධිපති පොලිස් පරීක්ෂක අශෝක් කුමාර් ඇතුළු නිලධාරීන් පිරිසක් විසින් අදාල ස්ථානය වටලා තිබෙනවා.
මෙම ගණිකා මධ්යස්ථානය තමන්ගේ එදිනෙදා ජීවිතයටද බාධාවක් බව ප්රදේශවාසීන්ද පවසනවා. අවස්ථා ගණනාවකදී මෙම ස්ථානය වටලා කාන්තාවන් සහ කලමණාකරුවන් අත්අඩංගුවට ගනු ලැබූවද නැවතත් මෙම ස්ථානයේම අදාල ජාවාරම කරගෙන යන බවයි ප්රදේශවාසීන් පවසන්නේ
ශ්රී ලංකාවේ දේශපාලනය තුළ ගෞරවනීය චරිතයක් ලෙස නමක් දිනා සිටි පුරා වසර 25 කට ආසන්න කාලයක් මැතිවරණ 30 ක් පරාජයට පත්වෙමින් තවදුරටත් එක්සත් ජාතික පක්ෂයේ නායකයා ලෙසත් බලහත්කාරයෙන් අගමැතිධුරයේත් රැඳී සිටීමට උත්සහ ගන්නා රනිල් වික්රමසිංහව එම ධුරයෙන් ඉවත්කොට එම පක්ෂය ඔහුගෙන් මුදාගැනීම සඳහා මේ වන විට එජාපයේම මන්ත්රීවරුන් පෙළගැසෙමින් සිටී.
මෙතෙක් කල් රනිල් එලවීම සම්බන්ධයෙන් රහස් සාකච්ඡා සිදුකර ගනිමින් ගිය පිරිස් මේ වන විට එළිපිට සටන් කිරීම අරඹා ඇති අතර එහි නායකත්වය අමාත්ය පාලිත රංගේ බණ්ඩාර මහතා විසින් ගෙන අවශ්ය සංවිධානය කටයුතු සිදුකරමින් සිටී.
එක්සත් ජාතික පක්ෂ නායක අගමැති රනිල් වික්රමසිංහ මහතාට එරෙහිව විශ්වාස භංගයක් පාර්ලිමේන්තුවට ගෙන එන බව එම පක්ෂයේම රාජ්ය ඇමති පාලිත රංග බණ්ඩාර මහතා පවසයි.
පුත්තලමේදී පැවති මාධ්ය හමුවක් අමතමින් ඔහු මෙම අදහස් පල කරන ලදී.
එජාපය ශක්තිමත් පක්ෂයක් ලෙස ඉදිරියට යාමට නම් පක්ෂය නායකත්වයද වෙනස් කරමින් පූර්ණ වෙනසක් කල යුතු යයිද ඇමතිවරයා කීය.
පක්ෂ නායකත්වය වෙනස් නොකර කුමන ආකාරයේ කැබිනට් සංශෝධන කලත් කුමන පරපුරක් හැදුවත් වැඩක් නැති බව කී ඔහු තමනට කියා පරපුරක් හදාගන්නට බැරි මිනිහෙකුට නායකත්ව පරපුරක් හදන්නට බැරි බවද සදහන් කලේය.
ආත්මාර්තකාමී බලලෝභී නායකයන් පන්නා දමා පක්ෂය වෙනුවෙන් පෙනී සිටින්නට ඉදිරිපත් වන ලෙස සියළු එක්සත් ජාතික පාක්ෂිකයන්ගෙන් තමන් ඉල්ලා සිටින බවද ඇමතිවරයා පැවසීය. ඒ සදහා හෙට අනිද්දාම වාශ්වාස භංගයක් පාර්ලිමේන්තුවට ඉදිරිපත් කරන බවත් ඒ මහතා වැඩි දුරටත් කීය.
මේ අතර වාර්තා වන්නේ මැතිවරණ පරාජයෙන් පසු අගමැතිවරයා ඉවත් කල යුතු බව කියූ එජාප මැති ඇමති පිරිස 52ක් වූ බවත් කැබිනට් සංශෝධනයෙන් පසු එම ප්රමාණය තවත් ඉහල ගොස් ඇති බවත්ය.
එක්සත් ජාතික පක්ෂය සමග ගිවිසුම්ගතව සිටින හකීම්, බදියුදීන් ඇතුළු කිසිදු සුළු පක්ෂයක් මේ සම්බන්ධයෙන් මෙතෙක් අවසන් ස්ථාවරයක් ගෙන නැති අතර එජාපය යටතේ 106ක් පාර්ලිමේන්තු පැමිණියද එක්සත් ජාතික පක්ෂය සෘජුව නියෝජනය කරන මන්ත්රී ධුර ගණන 82කි.
ඒකාබද්ද විපක්ෂය සතුව මන්ත්රී ධුර 54ක් ඇති අතර ශ්රීළනිපයෙන්ද යම් කොටසක් මෙම විශ්වාස භංගයට පක්ෂ වනු ඇත.
ඒ ආකාරයෙන් ඉතා පහසුවෙන් පාර්ලිමේන්තුවේදී මෙය සම්මත කර ගත හැකි තත්වයක් මතුව ඇති බවද වාර්තා වෙයි.
රුපියල් 30000ක මුදලක් ලබා ගනිද්දි අද (27) පෙරවරුවේ ඔහු අත්අඩංගුවට ගැනුනා.
රනිල් වික්රමසිංහගේ අතිජාත මිත්රයෙකු වූත්, ඇප වී සහතික දෙමින් ශ්රී ලංකා මහ බැංකුවේ අධිපතිවරයා ලෙස පත්කිරීමෙන් පසු එම මහ බැංකුව කොල්ල කන ලද කුප්රකට විජාතික අර්ජුන් මහේන්ද්රන් මේ වන විට සිංගප්පුරුවෙනුත් පලා ගොස් ඇති බවට වාර්තාවේ.
මහ බැංකු බැඳුම්කර කොල්ලයේ ප්රධාන සැකකරුවකු බව කියන අර්ජුන මහේන්ද්රන් මහතා සිංගප්පූරුවෙන් පලා ගොස් ඇති බව අපරාධ පරීක්ෂණ දෙපාර්තමේන්තුව සිදුකළ විමර්ශනවලින් අනාවරණය වී ඇත.
අධිකරණය මඟින් නිකුත් කළ සිතාසිය භාර දීම සඳහා අර්ජුන මහේන්ද්රන් මහතා. සිංගප්පූරුවෙනුත් පදිංචි සිංගප්පූරුවේ ලිපිනය වෙත කුරියර් සේවයක නියෝජිතයෝ ගොස් ඇතත් ඒ මහතා එම ලිපිනයේ නොසිටි බව හෙළි වී තිබේ.
අදාළ සිතාසිය අන්තර්ජාතික කුරියර් සේවාවක් ඔස්සේ මහේන්ද්රන් මහතා වෙත යෑවීමට අපරාධ පරීක්ෂණ දෙපාර්තමේන්තුව කටයුතු කර තිබිණි.
එහෙත් එම ලිපිනයේ මහේන්ද්රන් මහතා නොසිටි බැවින් කුරියර් සේවය මඟින් එම සිතාසිය නැවත මෙරටට එවා ඇති බව පොලිස් ආරංචි මාර්ග පැවසීය.
ලබන 08 වැනිදාට පෙර මෙරටට පැමිණ අපරාධ පරීක්ෂණ දෙපාර්තමේන්තුව හමුවේ ප්රකාශයක් ලබා දෙන ලෙස අධිකරණය මඟින් අර්ජුන මහේන්ද්රන් මහතා වෙත සිතාසි නිකුත් කර තිබිණි.
අගමැති රනිල්ට එරෙහි විශ්වාසභංගයේදි දෙමළ සංධානය ඉන්න තැන ගැන අප දෙමළ ජාතික සන්ධානයෙන්ද විමසීමක් කළා.
ඊට පිළිතුරු දුන් පාර්ලිමේන්තු මන්තී්ර එම්. ඒ. සුමන්තිරන් කියා සිටියේ මේ අවස්ථාවේ ඒ පිළිබඳ අදහස් ප්රකාශ කිරීමෙන් වැළකී සිටින බවයි.
අග්රාමාත්ය රනිල් වික්රමසිංහ මහතාට එරෙහිව ගෙන එන විශ්වාසභංග යෝජනාව ජයග්රහණය කරවීමට තමන් කැපවෙන බව පාර්ලිමේන්තු මන්තී්ර ප්රසන්න රණතුංග පවසනවා.
එහිදී ඔහු සඳහන් කළේ “කවුරුන් හෝ අග්රාමාත්යවරයාට එරෙහිව විශ්වාසභංග යෝජනාවක් ගෙන ආවොත් ඒකාබද්ධ විපක්ෂයද ඊට සහය දෙනු නියත බව ප්රසන්න රණතුංග මන්තී්රවරයා මෙහිදී වැඩිදුරටත් කියා සිටියා.
අමාත්ය ජෝන් අමරතුංගගෙන්ද අප මේ සම්බන්ධයෙන් විමසීමක් කළා.
එහිදී ඔහු සඳහන් කළේ “අද යනවා සිරිකොතට..ගියාම බලලා කියන්නම්..2.00ට එන්න කියලා තියෙනවා.” යනුවෙනි.
පළාත් පාලන ආයතන පිහිටුවද්දී ශ්රී ලංකා නිදහස් පක්ෂය ප්රමුඛ එක්සත් ජනතා නිදහස් සන්ධානයට වැඩි බලයක් ලබා දීමට කැමැති නම් එජාපය සහ පොදුජන පෙරමුණ ඇතුළු ඕනෑම කණ්ඩායාමකට සහාය ලබා දෙන බව සන්ධාන මහලේකම්, ධීවර හා ජලජ සම්පත් සංවර්ධන අමාත්ය මහින්ද අමරවීර මහතා පැවසීය.
පළාත් පාලන ආයතන 167ක බලය තීන්දු කරන රිමෝට් එක තිබෙන්නේ සන්ධානය අතේ යැයි කී මහ ලේකම්වරයා තම සහය ලබා දෙන්නේ කුමන කණ්ඩායමකටද යන්න මෙතෙක් තීන්දු කර නැතැයි ද ප්රකාශ කළේය.
තම කණ්ඩායමට වැඩි බලයක්දීමට සූදානම් නම් එක්සත් ජාතික පක්ෂය, ශ්රී ලංකා පොදුජන පෙරමුණ, ස්වාධීන කණ්ඩායමක්, මුස්ලිම් කොංග්රසය හෝ ඕනෑම කණ්ඩායමකට සහයෝගය ලබාදෙන බව කී මහින්ද අමරවීර මහතා එසේ තම බලය තහවුරු කරගන්නා ආසනවල පිරිසිඳු පාලනයක් ගෙනයමින් සංවර්ධනය ළඟාකරදීමට සූදානම් බව ද කියා සිටියේය.
එක්සත් ජනතා නිදහස් සන්ධානයේ මහලේකම් මහින්ද අමරවීර මහතා මේ බව පැවසුවේ කොළඹ ඩාලි පාරේ පිහිටි ශ්රී ලංකා නිදහස් පක්ෂ මූලස්ථානයේදී (26) පැවති මාධ්ය හමුවකදී මාධ්යවේදියෙකු නැගූ පැනයකට පිළිතුරු දෙමිනි.
රනිල් වික්රමසිංහ මහතා අග්රාමාත්ය ධුරයෙන් හා එක්සත් ජාතික පක්ෂ නායකත්වයෙන් ඉවත් කිරීම සඳහා එක්සත් ජාතික පක්ෂයේ අභ්යන්තර කැරැල්ලක් ආරම්භ වී ඇති බව එම පක්ෂයට සම්බන්ධ දේශපාලන ආරංචි මාර්ග සඳහන් කරයි.
ජනමතය හඳුනාගෙන වැඩපිළවෙළක් ඉදිරිපත් කිරීමට අපොහොසත්වීමත්, පදුගිය කැබිනට් මණ්ඩල සංශෝධනයේ සාධනීය ප්රතිචාරයක් නොලැබිමත් හේතුවෙන් එජාප නවක මන්ත්රීවරුන් පක්ෂ නායකත්වය දැඩි ලෙස විවේචනය කරමින් සිටින බව දේශපාලන ආරංචි මාර්ග ප්රකාශ කරයි.
මේ සඳහා වන සාකච්ඡා වට ගණනාවක් පසුගිය දින කිහිපයේදී පවත්වා ඇති අතර ඒ සඳහා අමාත්යවරුන්ද සම්බන්ධ වී ඇත.
නුගේගොඩ තිබෙන එජාප ප්රභලයෙකුගේ නිවසේදී (25දා) රාත්රියේ මෙයට අදාළ රහස් සාකච්ඡාවක් පවත්වා තිබෙන බවත් එම අවස්ථාවට එජාපයේ හිටපු අමාත්යවරයෙක් සමග නියෝජ්ය අමාත්යවරුන් හා පාර්ලිමේන්තු මනත්රීවරුන් කිහිප දෙනෙකු සහභාගි වී තිබෙන බවත් වාර්තා වෙයි.
මේ අතර අග්රාමාත්ය රනිල් වික්රමසිංහ මහතාටද තමන්ව නායකත්වයෙන් ඉවත්කිරීමට එජාපය ඇතුළේම ක්රියාතමක වැඩපිළිවෙළ පිළිබඳ කරුණු දැන ගැනීමට ලැබී ඇතැයිද වාර්තා වෙයි.
එජාප නායකයාට හිතවත් මන්ත්රීවරයෙකු අරලියහග මන්දිරටේදී සිටියදී පක්ෂයේ අභ්යන්තර කැරැල්ලකට අදාළ සාකච්ඡාවක් සඳහා ආරාධනා කරමින් ඇමතුමක් ලැබී තිබෙන බවත්, එම අවස්ථාවේදී අදාළ මන්ත්රීවරයා විසින් සිය දුරකතනයේ හඩ වැඩිකර රනිල් වික්රමසිංහ මහතා හට ඇමතුම ඇසීමටද සලස්වා තිබෙන බවත් වාර්තා වෙයි.
දියතලාව ප්රදේශයේදී බස් රථයක ඉකුත් දා පුපුරා ගිය අත්බෝම්බය රැගෙන ආ බව කියන හමුදා සාමාජිකයා මේ වනවිට පියවි සිහියට පැමිණෙමින් ඇතැයි රෝහල් ආරංචි පවසනවා.
තුවාල ලැබූ මෙම හමුදා සාමාජිකයා ප්රතිකාර සඳහා පළමුව ඇතුළත් කෙරුණේ දියතලාව රෝහලටයි.
පසුව ඔහු බණ්ඩාරවෙල රෝහලට මාරු කෙරුණා.
තවදුරටත් ඔහු ප්රතිකාර ලබන්නේ දැඩි සත්කාර ඒකකයේයි. කෙසේ වෙතත් ඔහු සිටින තත්ත්වයෙන් ලබා දුන් යම් ප්රකාශයක් පොලීසිය විසින් සටහන් කර ගෙන ඇතැයි පොලිස් ආරංචි පවසනවා.