විරෝධතාවයක් හේතුවෙන් ඊයේ(23) නාවල මාර්ගය විවෘත විශ්වවිද්යාලය අසල මාර්ගය අවහිරව තිබේ.
පාඨමාලා ගාස්තු අඩු කරන ලෙස ඉල්ලමින් විවෘත විශ්වවිද්යාල සිසුන් පිරිසක් මෙම විරෝධතාවය නිරත වන බව වාර්තා විය.
මේ හේතුවෙන් අදාල මාර්ගයේ දැඩි රථ වාහන තදබදයක්ද වාර්තාවිය.
මෙරට ඇති සම්පත් ප්රයෝජනයට ගනිමින් රට නිවැරදි මාවතට රැගෙන යා හැකි එකම පක්ෂය ජනතා විමුක්ති පෙරමුණ බව එම පක්ෂය පවසනවා.
එහි ප්රචාරක ලේකම්, පාර්ලිමේන්තු මන්ත්රී විජිත හේරත් මේ බව ප්රකාශ කළේ එම පෙරමුණේ හලාවත ආසන බල මණ්ඩල රැස්වීම අමතමින්.
එහිදී වැඩිදුරටත් අදහස් දැක්වූ පාර්ලිමේන්තු මන්ත්රී විජිත හේරත් සඳහන් කළේ “වසර 71ක් තිස්සේ මේ කරත්තය ඇදගෙන ආවේ එක්කො කොළ පාට ගොනෙක් නැත්නම් නිල්පාට ගොනෙක්. අන්තිම අවුරුදු තුනේ කොළපාට නිල්පාට ගොන්නු දෙන්නම එකතු වෙලා කරත්තය ඇද්දා. එහෙම ඇදලත් දැන් ඇදගන්න බෑ. රට ආර්ථික වශයෙන් බංකොලොත් කියලා ජනාධිපතිවරයා කියනවා. මේක තමයි තත්ත්වය.” යනුවෙනි.
දකුණු අපි්රකාවට එරෙහිව එරටේ දී ම තර 2 – 0 ක් ලෙස පූර්ණ ටෙස්ට් තරගාවලි ජයග්රහණයක් වාර්තා කරමින් එවන් දස්කමක් දැක්වූ පළමු ආසියාතික රට බවට ශ්රී ලංකාව පත් කළ ශ්රී ලංකා කි්රකට් කණ්ඩායමට ජනාධිපති මෛතී්රපාල සිරිසේන මහතා සිය උණුසුම් සුබපැතුම් පිරිනමයි.
ටෙස්ට් කි්රකට් ඉතිහාසයේ නව පරිච්ඡේදයක් සනිටුහන් කරමින් තැබූ මෙම සුවිශේෂි සලකුණ පිළිබඳ ශ්රී ලංකා කි්රකට් කණ්ඩායමේ වත්මන් නායක දිමුත් කරුණාරත්න මහතා ඇතුළු සියලු සාමාජිකයන්ට ජනාධිපති සිය ස්තුතිය පළ කරයි.
එමෙන්ම නව ජවයකින් ඉදිරියට යමින් මාතෘ භූමිය වෙනුවෙන් තවත් මෙවන් සුවිශේෂ ජයග්රහණ ලබා ගැනීමට ශක්තිය, ධෛර්යය, වාසනාව ලැබේවායි ද ආශීර්වාද පළ කර සිටී.
ලං.වි.ම. තුළ වියදම අඩු කරලා අලාභය නැති කිරීමේ වැඩපිළිවෙලකට අපි හැකි ඉක්මණින් යන්න ඕන. පාරිභෝගිකයා තමයි අපේ මූලික අරමුණ වියයුත්තේ. ඒ සංකල්පය මත පිහිටා අපි වැඩ කළ යුතුයි. පාරිභෝගිකයාට වඩාත් සමීපව කටයුතු කරන ආයතනයක් වශයෙන් ලංවිම පරිවර්ථනය කිරීම තමයි අපිට අවශ්ය වන්නේ” යැයි විදුලිබල, බලශක්ති සහ ව්යාපාර සංවර්ධන අමාත්ය රවී කරුණානායක මහතා අවධාරණය කරයි.
ඒ මහතා මෙම අදහස් පළකළේ, ඊයේ (22) පෙරවරුවේ චිත්තම්පලන් ඒ ගාඩිනර් මාවත පිහිටි ලංකා විදුලිබල මණ්ඩලයීය ප්රධාන කාර්යාල පරිශ්රයේ හදිසි නිරීක්ෂණ චාරිකාවකට එක් වෙමිනි.
මෙම නිරීක්ෂණ චාරිකාවේදී අමාත්යවරයාගේ වැඩි අවධානයක් යොමු වූයේ ඇමතුම් මධ්යස්ථානයේ ක්රියාකාරීත්වය පිළිබඳවය. ඒ සම්බන්ධයෙන් වැඩිදුරටත් අදහස් දැක්වූ අමාත්යවරයා ……
“මේ මූලස්ථානයේ තියෙන අළුත්වැඩියා කිරීම් සහ නව ගොඩනැගිල්ල ඉදිකිරීම් කටයුතු පුළුවන් තරම් ඉක්මන් කරන්න කියලා මම මේ අවස්ථාවේ අදාළ අංශයන්ට උපදෙස් දෙනවා. ඒ වගේම ලං.වි.ම. ඇමතුම් මධ්යස්ථානයේ වැඩකටයුතු වඩාත් කාර්යක්ෂමව සිදුකර, ඒ තුළින් පාරිභෝගිකයාට හැකිතාක් සමීපව සේවා සපයන ආයතනයක් බවට ලංවිම පත් කිරීමට කටයුතු කළ යුතුයි. ඒ සදහා දැනට තිබෙන පහසුකම් වලට අමතරව නවීන පහසුකම් සහිතව නවීකරණය කරන ලද ඇමතුම් මධ්යස්ථානය අප්රේල් 05 දින වනවිට විවෘත කිරීමට අපි බලාපොරොත්තු වෙනවා” යැයි පැවසීය.
වසර ගණනාවකට පෙර නාරාහේන්පිට ප්රදේශයේ ඉදිකිරිමට යෝජිතවූ ලංවිම නව කාර්යාල පරිශ්රයේ ඉදිකිරීම් කටයුතු මේ වනතෙක් නිමාවී නොමැති බැවින්, එය සිදුකිරීමේ හැකියාව පිළිබදව සොයා බලා, හැකි ඉක්මණින් එම ඉදිකිරීම් ආරම්භ කළ යුතු බවත්, පාරිභෝගිකයාට ඵලදායි, කාර්යක්ෂම, ගුණාත්මක මෙන්ම අඛණ්ඩ විදුලි සේවාවක් සැපයීම වෙනුවෙන් ලං.වි.ම. කාර්ය මණ්ඩලයේද පහසුකම් සපුරා දියයුතු බැවින්, යෝජිත නව කාර්යාල පරිශ්රයේ ඉදිකිරීම් කඩිනම් කළයුතු බවත් අමාත්ය කරුණානායක මහතා පැවසීය.
අත්යාවශ්යය නවීකරණ කටයුත්තක් හේතුවෙන් අද (13) බදාදා පෙරවරු 8.00 සිට පසුදා පෙරවරු 5.00 දක්වා පැය 21ක කාලයක් මහරගම, බොරලැස්ගමුව, කොට්ටාව, පන්නිපිටිය, රුක්මල්ගම, පැලැන්වත්ත, මත්තේගොඩ, හෝමාගම, මීපේ සහ පාදුක්ක යන ප්රදේශවල ජලය අත්හිටුවන බව ජාතික ජල සම්පාදන හා ජලාපවාහන මණ්ඩලය සඳහන් කරයි.
මේ පිළිබඳව වැඩි විස්තර විමසීම සඳහා ජාතික ජල සමිපාදන හා ජලාපවාහන මණ්ඩලයේ කෙටි දුරකථන අංකය වන 1939 ඇමතීමෙන් ලබාගත හැකි බවද එම මණ්ඩලය වැඩිදුර අදහස් දක්වයි.
පසුගිය දින වලදී නිවාස සංවර්ධන අධිකාරයේ සිදුවූ විශාල ප්රමාණයේ අක්රමිකතා පිළිබඳව නිවාස සංවර්ධන අධිකාරිය සුරැකීමේ සංවිධානය විසින් මාධ්ය හමු ගනනාවක් පවත්වමින් තොරතුරු අණාවරනය කල අතර එම තොරතුරු වලින් සජිත් ප්රේමදාස මහතා දුගී මිනිසුන්ට නිවාස දී දෙවියෙකු මෙන් වැජඹෙමින් සිටි කාලය අහවර විය.එම නිවාස දෙන ආකාරය ගැන මේ වන විට රටම දැනගෙන සිටින අතර සජිත් ප්රේමදාස වෙත ජනතා අප්රසාදය සීග්රෙයන් වැඩි වෙමින් ඇත.
එවන් වකවානුවක මේ කරුණු ඉස්මතු කරමින් මුහුණුපොත වැනි සමාජ මාධ්ය වල සජිත් ප්රේමදාසට එදිරිව සිය මත පල කරන්නන් නිහඬ කිරීමේ රහස් වෑයමක් මේ වන විට එළිවෙමින් පවතී.එනම් එසේ සජිත් ප්රේමදාස මහතාව විවේචනය කරන්නවුන් හට ව්යාජ මුහුණුපොත් ගිණුම් මගින් අමු තිත්ත කුණුහරුයෙන් බැන වැදීමත් ඔවුන්ගේ මව පියා බිරිඳ දරුවන් සහ පෙම්වතිය හෝ පෙම්වතා වැනි අතිශය සමීපමයන්ගේ මුහුණු පොත් ගිණුම් වලට ගොස් ඔවුන්ගේ ඡායාරූප ලබාගෙන එම ඡායාරූප එඩිට් කර ඔවුන්ට මඩ ගැසීමේ සූක්ෂම උපායයි. මෙමගින් එසේ සජිත් ප්රේමදාසට විරුද්ධව මත පල කරන්නන් නිහඬ කිරීමට SPG 2020 නමින් සයිබර් මඩ බලකායක් පවත්වාගෙන යන අතර ඊට අමතරව මෙම SPG -2020 කණ්ඩායමට පැවරී ඇති කාර්ය නම් නගරවලින් ඔබ්බට ඈත ගම්මාන වලට ගොස් ඒ ගම් වල වෙසෙන අහිංසක ජනතාව අතර එජාප වත්මන් පක්ෂ නායකයා වන රනිල් වික්රමසංහ සහ ඉදිරියේදී ජනාධිපති අපේක්ෂකයින් ලෙස දැනට කරලියේ නිතර නම් කියවෙන පාඨලී චම්පික රණවක / කරූ ජයසූරිය / නවීන් දිසානායක යන මහත්වරුන් එජාප අනාගතය විනාස කරන බවත් එජාපය ගොඩගැනීමට හැක්කේ සජිත් ප්රේමදාසටම පමණක් බවත් මතයක් සමාජගත කිරීමය.
එජාප වේදිකාවේ පක්ෂ නායක රනිල් වික්රමසිංහගේ ගුණ ගයන සජිත් මෙසේ සිය කණ්ඩායම් නගරවලින් පිට ගම්මාන වලට යවා ඉතා සූක්ෂම ලෙස රනිල්ගේ සහ ඉහත කී අයගේ රෙදි ගලවන්නේ කිසිම හිරිකිතයකින් තොරවය.සජිත් මේ ගෙනියන්නේ 2015 වන විට මංගල ගෙන ගිය තියරියම බව යාන්තමින් ඇස් ඇරිය බළල් පැටියෙකුට උවද තේරෙනවා නොඅනුමානය.සජිත් විසින් මීට කලින් දෙවරකදී එජාපය හයිජැක් කිරීමට උත්සාහ කලද සජිත්ගේ සුකුමාල ළඳ බොළද කම් හමුවේ ඒ වෑයම් අසාර්ථක වූ අතර මෙවර අහිංසක ජනතාව බළලා කර ජනපති අපේක්ෂක කොස් ඇටය බා ගැනීමට සැළසුම් කර ඇත.තමන්ගේ ජනපති සිහිනය වෙනුවෙන් පක්ෂයේම නමක් තියාගෙන ඉන්න කරූ ජයසූරිය නවීන් දිසානයක වැනි අයත් රනිල් සහ පාඨලී යන අයවත් සමස්ථයක් ලෙස එජාපයම මේ යන ක්රමය වැරදියි එය නිවැරදි කිරීමට හැක්කේ සජිත්ට පමණක් යැයි කීමෙනුත් සජිත් විසින් කරන මෙම පක්ෂ විරෝධී ක්රියාවලිය නතර කිරීම පිරිසිදු එජාප පාක්ෂිකයාගේ වගකීමකි.
එලෙස මෙම SPG -2020 මඩ බලකාය විසින් ඉහත කී ආකරයේ ගසන ලද මඩ සහ කුණුහරුප වල ස්කීන් ෂොට් කිහිපයක් පහතින්,
තමන්ට ලබාදී ඇති මරණ දඩුවම අභියොගයට ලක් කරමින් ගම්පොල විදානගේ සමන්ත කුමාර නොහොත් වෙලේ සුදා නැමැත්තා ගොනු කළ අභියාචන පෙත්සම පෙබරවාරි මස 15 වනදා වැඩිදුර විභාගයට ගැනීමට අභියාචනාධිකරණය අද නියෝග කරන ලදී.
ඒ, අදාළ පෙත්සම දීපාලි විජේසූරිය සහ අචල වෙන්ගප්පුලි යන ද්විපුද්ගල විනිසුරු මඩුල්ල හමුවේ කැදවූ අවස්ථාවේදීය.
2008 වර්ෂයේ ගල්කිස්ස ප්රදේශයේ දී හෙරොයින් ග්රෑම් 7කට අධික ප්රමාණයක් සන්තකයේ තබාගෙන ජාවාරම් කිරීමේ චෝදනාවට කොළඹ මහාධිකරණය විත්තිකරුට මරණ දණ්ඩණය නියම කරන ලද අතර ඒ, 2015 වසරේ ඔක්තොම්බර් මස 14 වනදායි.
හිටපු කළුතර ප්රාදේශිය සභාපති ලක්ෂ්මන් විදානපතිරණ මහතා අල්ලස් චෝදනාවකට අවුරුදු 5ක සිරදඩුවමක් අද ( 7) නියම කළේය.
ඒ කොළඹ මහාධිකරණය විසින් නඩුව කැඳවු අවස්ථාවේදිය.
පාර්ලිමේන්තු සංකීර්ණයේ විදුලි සෝපානයක් තුළ මන්ත්රීවරුන් 12 දෙනෙකු විනාඩි 15ක පමණ කාලයක් සිරවී සිටි බව අද (07) පාර්ලිමේන්තුවේ දී ප්රකාශ කරන ලදී.
පාර්ලිමේන්තු මන්ත්රී විමල් වීරවංශ කියා සිටියේ තමන් මෙන්ම දිනේෂ් ගුණවර්ධන මන්ත්රීවරයා ඇතුළු මන්ත්රීවරුන් 12 දෙනෙකු පමණ එම විදුලි සෝපානයේ සිර වී සිටි බවයි.
හදිසි දුරකතන ඇමතුම් ලබාදී ඒ පිළිබඳ දැනුවත් කළද විනාඩි 15ක් පමණ යන තුරුම විදුලි සෝපානය විවෘත කිරීමට අදාළ අංශ ක්රියාත්මක නොවූ බවයි විමල් වීරවංශ මන්ත්රීවරයා කියා සිටියේය.
ඒ පිළිබඳ වහාම සොයා බලන ලෙස ද මන්ත්රීවරයා කථානායකවරයාගෙන් ඉල්ලීමක් කරන ලදී.
ශ්රී ලංකා ටෙස්ට් කණ්ඩායමේ නායකත්වය මෙතෙක් දරන ලද දිනේෂ් චන්දිමාල් මීලග දකුණු අප්රිකා සංචාරයේදී නායකත්වයෙන් හා කණ්ඩායමෙන්ද ඉවත් කර තිබේ.
එම තරගාවලියේදී කණ්ඩායමේ නායකත්වය දිමුත් කරුණාරත්න වෙත පවරා තිබේ.
නිරෝෂන් දික්වැල්ල එම සංචාරයේදී උපනායක ලෙස පත් කර ඇත.
චන්දිමාල් මීට පෙර සදහන් කර තිබුනේ තමන් කෙටි කාලයකට ජාත්යන්තර පිටියෙන් ඉවත් වී දේශීය තරග සදහා සහභාගී වී පිතිකරණයේ අඩුපාඩු සකස් කර ගැනීමට අදහස් කර සිටින බවයි.
ද්රවිඩ ජනතාවගේ අයිතීන් නොදීම සම්බන්ධයෙන් එක්සත් ජාතීන්ගේ මහලේකම් ඇන්ටෝනියෝ ගුටාරෙස් හමුවී සාකච්ඡා කරන බව උතුරු පළාත් සභාවේ හිටපු මහ ඇමැති සී. වී. විග්නේෂ්වරන් මහතා ප්රකාශ කර ඇත.
ද්රවිඩ ජාතීන්ට ස්වයංපාලන ලබාගැනීම සහ ශ්රී ලංකාවේ හමුදාවට එරෙහිව ජාත්යන්තර යුද අපරාධ පරීක්ෂණක් ලබා ගැනීම තම අරමුණ බවද ඔහු කියා සිටියේය.
යුද අපරාධ විමර්ශනය සඳහා ජිනීවා මානව හිමිකම් කවුන්සිලය ශී්ර ලංකාවට ලබාදුන් කාලය මාර්තු මස අවසන් වන බව පැවසූ විග්නේෂ්වරන් මහතා ද්රවිඩ හිමිකම් ලබාගැනීම සඳහා එක්සත් ජාතීන්ගේ මහලේකම් වෙත යෝජනාවලියක් ඉදිරිපත් කරන බවද සඳහන් කර ඇත.
ද්රවිඩ ජාතීන්ට එරෙහිව සමූල ඝාතන ක්රියාදාමය තවදුරටත් සිදුවන බවට චෝදනා කළ විග්නේෂ්වරන් ද්රවිඩ ජනතාවගේ ඉඩම් අත්පත් කරගෙන ඇති බවත් අයිතිය ලබාදීම පැහැර හැර ඇති බවත් කීය.
ද්රවිඩ අයිතීන් උදෙසා තමා ගජේන්ද්ර කුමාර් පොන්නම්බලම්, සුරේශ් ප්රේමචන්ද්රන්, අසන්තුරේසන් සහ ආනන්දි සසිතරන්ගේ සහය ද ලබාගන්නා බව විග්නේෂ්වරන් කීවේය.
කොළඹ 07 පිහිටි ජාතික රූපවාහිනි සංස්ථාවේ මේ වන විට උණුසුම් තත්වයක් ඇතිව තිබේ.
සේවකයක් විසින් සභාපතිනි ඉනෝකා සත්යාංගනීගේ කාර්යාලය වටලා විරෝධය පල කරමින් සිටිති.
දේශපාලන හේතුන් මත සේවකයන් 21 දෙනෙකු ස්ථාන මාරු කිරීමට විරෝධය පල කරන ඔවුන් ආයතනයේ අලෙවි කළමනාකාරැ වහා සේවයෙන් ඉවත් කරන ලෙසද ඉල්ලා සිටී.
එමෙන්ම අලෙවි කළමනාකරුගෙන් ආයතනයට මේ වන තෙක් සිදුව ඇති පාඩුව පියවා ගන්නැයිද ඔවුන් ඉල්ලති.
සිව් හැවිරිදි සිය දියණිය ඝාතනය කර කලාඔයට දැමූ සිද්ධිය සම්බන්ධයෙන් අත්අඩංගුවට ගැනුණු කරුවලගස්වැව, නීලබැම්ම ගම්මානයේ මවගෙන් පැය 48ක් රඳවාගෙන ප්රශ්ණ කිරීමට පුත්තලම මහේස්ත්රාත් අධිකරණයෙන් ඊයේ (04) අවසර හිමිවිය. අදාළ මව ඒ පිළිබඳ පාපොච්චාරණය කිරීමෙන් අනතුරුවයි ඇයව අත්අඩංගුවට ගෙන ඇත. අදාළ දැරියගේ මව අත්අඩංගුවට ගැනීමෙන් පසු ඇයගෙන් දීර්ඝ ලෙස ප්රශ්ණ කළ බවයි පොලීසිය පැවසුවේය. දැරියගේ මව මනෝවෛද්යවරයෙකු හමුවට යොමු කිරීමට ද කටයුතු කරන බව පොලීසිය වැඩිදුරටත් පවසා සිටියේය.
ඉකුත් 30වනදා මෙම දැරිය පෙරපාසල් යාමට සූදානම් කරමින් සිටින අවස්ථාවේ ඇතිවූ කෝපයක් නිසා මව විසින් පහරක් එල්ල කර ඇති බවත් එහිදී දැරිය සිහිමූර්ජා වී ඇති අතර යළි සිහිය නොපැමිණීම හේතුවෙන් තමන් දැරියව කලාඔයට විසි කළ බවත් මව විසින් පොලීසියට පාපොච්චාරණය කර ඇත. මව විසින් සිදු කළ ඇතැම් ප්රකාශවල පරස්පරතා ද තිබූ බව ද පොලීසිය පැවසන අතර ඉකුත් දින කිහිපයේදීම දැරියගේ සිරුර සොයා කලාඔය ඕලූමඩුව ප්රදේශයේ නාවික හමුදාවේ කිමිදුම්කරුවන් මෙහෙයුමක් ආරම්භ කළ ද, එහිදී ද දැරියගේ සිරුර සොයා ගැනීමට නොහැකි විය. දැරියගේ සිරුර සතෙකුගේ ගොදුරක් වන්නට ඇති බවටයි සැක පහල වී ඇත.
වර්ෂාව හේතුවෙන් කලාඔයේ දැරියගේ සිරුර සොයා කළ මෙහෙයුම්වලට ඊයේ දිනයේ බාධා එල්ල විය. ඒ අනුව එම මෙහෙයුම් අද උදෑසන යළි ආරම්භ කරන බවයි සාලියවැව පොලීසිය පැවසුවේය.
විවිධ ගනයේ අපරාධ රැසකට සම්බන්ධ පාතාල කල්ලි සාමාජිකයෙකු බව කියන කාරියවසම් අතුකෝරළගේ දොන් රොහාන් ඉන්දික නොහොත් මන්න රොෂාන් ඊයේ (04) අත්අඩංගුවට ගැනුනා. ඒ හංවැල්ල පොලීසිය පහත්ගම ප්රදේශයේ කල මෙහෙයුමකදීයි.
අත්අඩංගුවට ගන්නා අවස්ථාවේදී සැකකරු සතුව තිබී විදෙස් රටක නිෂ්පාදිත ජීව අත් බෝම්බයක් හා හෙරෝයින් මිලිග්රෑම් 640 සොයාගෙන තිබෙනවා. පුද්ගලයන් පැහැරගැනීම , කප්පම් ලබා ගැනීම , අවි ආයුධ වලින් පහරදීම හා සාමාන්ය වැසියන් බියගැන්වීම් වැනි සිද්ධීන් සම්බන්ධයෙන් සැකකරුට එරෙහිව පැමිණිලි ලැබී ඇති බවයි පොලීසිය පවසන්නේ. ෙ
ඉකුත් නොවැම්බර් මස හංවැල්ලේ මහපිහි කල්ලිය නමින් ප්රචාරය කෙරුණු බැලූම්ගල වැඩසටහනින් ද අනාවරණ කෙරුණේ මෙම පාතාල කල්ලි සාමාජිකයා පිළිබඳවයි. ඔහු අවිස්සාවේල්ල මහේස්ත්රාත් අධිකරණයට අද (05) ඉදිරිපත් කිරීමට නියමිතව තිබෙනවා.
ශ්රී ලංකා ක්රිකට් ආයතනයේ නිලධාරීන් පත්කරගන්නා නිලවරණයේ ඡන්ද 10ක් දක්වා අඩු කරන බවත් ඒ සඳහා කුමාර් සංගක්කාර සහ මහේල ජයවර්ධන යන හිටපු ක්රිකට් නායකයන් ඉදිරිපත් කළ කෙටුම්පත පිළිගෙන එය ක්රියාත්මක කරන බවත් ක්රීඩා අමාත්ය හරීන් ප්රනාන්දු මහතා පැවසීය.
අමාත්යවරයා මේ බව සඳහන් කර සිටියේ ශ්රී ලංකාව සහ ඔස්ට්රේලියාව අතර කැන්බරාහී මනුකා ඕවල් ක්රීඩාංගණයේ පැවැත්වෙන දෙවැනි ටෙස්ට් තරගයේ තෙවැනි දිනය අවසානයේ ශ්රී ලංකා ක්රිකට් ක්රීඩකයන්ට සහ තරගාවලිය ආවරණය කිරීම සඳහා ඔස්ට්රේලියාවට පැමිණ සිටින ශ්රී ලංකා ක්රීඩා මාධ්යවේදීන්ට ලබාදුන් විශේෂ රාත්රී භෝජන සංග්රහයෙන් අනතුරුවයි.
ශ්රී ලංකා ක්රිකට් සඳහා යෝජිත ව්යවස්ථාව මැයි මසට පෙර ක්රියාත්මක කිරීමේ අදහසක් පවතින බවත් මේ දිනවල එහි සංශෝධන පිළිබඳව සාකච්ඡා කරන බවත් අමාත්යවරයා වැඩිදුරටත් පවසා සිටියේය.
එමෙන්ම ශ්රී ලංකා ක්රිකට් ආයතනයේ නිලධාරීන් පත්කරගන්නා නිලවරණයේ ඡන්ද අඩු කිරීම සඳහා මහේල-සංගා ඉදිරිපත් කළ කෙටුම්පත මෙම සතියේදී කැබිනට් මණ්ඩලයට ඉදිරිපත් කිරීමට තමන් සූදානමින් සිටින බවත් ඡන්ද දඩමීමා කරගනිමින් ශ්රී ලංකා ක්රිකට් විනාශ කිරීමේ මාෆියාවට තමන් තිත තබන බවත් හෙතෙම පවසා සිටියේය.
රේගු නිලධාරීන් විසින් ආරම්භ කර තිබෙන අකුරට වැඩ කිරීමේ වෘත්තීය ක්රියාමාර්ගයට සහයෝගයක් වශයෙන් වාප්පු ලිපිකරුවන්, කන්ටේනර් රථ රියැදුරන් හා රේගු නියාමක නිලධාරීන් අද (05) දින සිට අකුරට වැඩ කිරීමේ ක්රියාමාර්ගය ආරම්භ කරන බව ශ්රී ලංකා නිදහස් රජයේ වෘත්තීය සමිති සන්ධානය සඳහන් කරයි.
තම සන්ධානය යටතේ සිටින සාමාජිකයන් උදෑසන 8.00 සිට මෙම ක්රියාමාර්ග දියත් කරන බවත්, මීට අමතරව අකුරට වැඩ කිරීමේ වෘත්තීය ක්රියාමාර්ගය වැඩවර්ජනයක් දක්වා ක්රියාත්මක වුවහොත් තම කණ්ඩායමද එම ක්රියාමාර්ගයම ක්රියාත්මක කරන බවත් එම සංගමයේ කැඳවුම්කරු රෝ විජේකෝන් මහතා සඳහන් කළේය.
පවතින ගැටලුකාරී තත්ත්වය පිළිබඳ අද (05) දින සවස ශ්රී ලංකා නිදහස් පක්ෂ මහලේකම් දයාසිරි ජයසේකර මහතා දැනුවත් කරන බවත්, ඉන් පසු ජනාධිපති මෛත්රීපාල සිරිසේන මහතා දැනුවත් කරන බවද හෙතෙම පවසා සිටියේය.
මෑත ඉතිහාසයේ රේගුවට පත්වූ අධ්යක්ෂ ජනරාල්වරුන්ගෙන් නීතිය අකුරටම ක්රියාත්මක කරනුයේ ස්ථාන මාරු ලබාදුන් අධ්යක්ෂ ජනරාල්වරිය බවත්, ඒ පිළිබඳ ජනාධිපති මෛත්රීපාල සිරිසේන මහතා දැනුවත් කරන බවත් කැඳවුම්කරු සඳහන් කළේය.
තම සන්ධානයේ සාමාජිකයන්ද අකුරට වැඩ කිරීම ආරම්භ කිරීමත් සමග දැනට දිනකට වරායෙන් ඉවතට යන කන්ටේනර් දෙසීයකට ආසන්න ප්රමාණය හරි අඩක් හෝ ඊට ආසන්න ප්රමාණයකින් අඩුවී යන බවද ඔහු පවසා සිටියේය.