Category: සුපිරි Walks

සෑම මුස්ලිම් ජාතිකයෙකුගෙන් නිවසකම කඩුවක් තිබෙන බව ශ්‍රී ලංකා මුස්ලිම් කවුන්සිලය නායක එන්.එම්. අමීන් මහතා සඳහන් කරයි.

සමස්ථ ලංකා ජමියතුල් උලමා සංවිධානය විසින් කොළඹදී කැදවි තිබූ මාධ්‍ය හමුවකදී ඔහු කියා සිටියේ එම කඩු ආදිය තබාගෙන සිටින්නේ ආත්මාරක්ෂාවට බවත්, විශේෂයෙන්ම නිවෙස් වල සිටින ගැහැනු දරුවන් ආරක්ෂා කර ගැනීමට මෙම කඩු තබාගෙන සිටින බවත්ය.

කඩුවක් නිවසේ තිබූ පරිදි පමණින් අත්අඩංගුවට ගැනීම සාධාරණ නැතැයි කී ඔහු ජනාධිපතිතුමන් ද මේ බව දන්වා ඇතැයි සඳහන් කළේය.

ඔහුගේ ප‍්‍රකාශය අනුව පෙනී යන්නේ මෙරට තුල ජීවත් වන ලක්‍ෂ 20ක් පමණ වන මුස්ලිම් ජනතාවගේව නිවාස වල ආත්මාරක්‍ෂාව සදහා කඩු වැනි ආයුද තබාගෙන සිටින බවයි. ආරක්‍ෂක අංශ විසින් අත්අඩංගුවට ගෙන ඇති ප‍්‍රමාණය ඒ හා සැසදීමේදී ඉතා සුළු ප‍්‍රමාණයකි.

මේ වන විට යම් පාර්ශවයක් විසින් රටේ නිර්මාණය කළ තත්වය හමුවේ රටේ අනෙකුත් ජනවර්ගයන්ට මුස්ලිම් නිවෙස් වලින් කඩු හමුවීම අතිෂෝක්තියක් ලෙස මාධ්‍ය මඟින්ද උද්දිපනය කොට පෙන්නුවද, සත්‍යම කථාව නම් මුස්ලිම් නිවෙසක කඩුවක් තබා ගැනීම ඔවුන්ගේ පමණක් නොව අපගේද සංස්කෘතියේ හැටියට සාමාන්‍ය දෙයක් බවයි.

මෙරට පාරම්පරික සිංහල-බෞද්ධ ගෙවල්වල තම නිදන කාමරයේ ඇඳයට, අල්මාරිය උඩ හෝ සාලයේ ප්‍රදර්ශනාත්මකව කඩුවක් තබා ගැනීම ආත්ම ආරක්ෂක ක්‍රියාමාර්ගයක පුරුද්දක් සහ සංස්කෘතික ලක්ෂණයක්ව තිබුණි.

එම නිසා මෙවැනි මොහොතක පටු ජාතිවාදී, අන්තවාදී අරමුණු වලට ගිනි අවුලුවමින් මෙවැනි ඊනියා මාතෘකා මාධ්‍ය මඟින් ලබාදෙන ප්‍රචාරණයද තහනම් කළ යුතුය.

බලය අවභාවිත කළ බවට චෝදනා කරමින් හිටපු අගවිනිසුරු නලින් පෙරේරා මහතා ඇතුළු ශ්‍රේෂ්ඨාධිකරණ විනිසුරුවරු පිරිසකට එරෙහිව නාගානන්ද කොඩිතුවක්කු මහතා ගොනුකළ පෙත්සමක් විභාගයට නොගෙන ප්‍රතික්ෂේප කිරීමට කොළඹ මහාධිකරණය නියම කර ඇත.

කොළඹ මහාධිකරණ විනිසුරු ගිහාන් කුලතුංග මහතා විසින් මෙම නියෝගය කර තිබේ. වසර තුනකට නීතිඥභාවය තහනමකට ලක් වී සිටින නාගානන්ද කොඩිතුවක්කු මහතා විසින් පෙත්සම ඉදිරිපත් කර තිබුණි.

එහි වගඋත්තරකරුවන් ලෙස හිටපු අගවිනිසුරු නලීන් පෙරේරා, විජිත් මළල්ගොඩ, සිසිර ද ආබෲ, ප්‍රසන්න ජයවර්ධන යන ශ්‍රේෂ්ඨාධිකරණ විනිසුරුවරුන් සහ නීතිපතිවරයා නම් කර තිබුණි.

නාගනන්ද කොඩිතුවක්කු මහතා අධිකරණය හමුවේ කියා තිබුණේ වගඋත්තරකාර විනිසුරුවරු සිය බලය අවභාවිතයට ලක් කරමින් තම නීතිඥ භාවය වසර 3කට තහනම් කිරීමට කටයුතු කළ බවයි.

ඒ තුළින් වගඋත්තරකරුවන් එක්සත් ජාතීන්ගේ සිවිල් හා දේශපාලන අයිතිවාසිකම් පිළිබඳව ප්‍රඥප්ති පනත යටතේ වරදක් සිදුකර ඇති බවද නාගනන්ද කොඩිතුවක්කු මහතා සිය පෙත්සමෙන් පෙන්වා දුන්නේය.

පෙත්සම කොළඹ මහාධිකරණ විනිසුරු ගිහාන් කුලතුංග මහතා ඉදිරි කැඳවු අවස්ථාවේදී මූලික විරෝධතා මතු කළ නීතිපතිවරයා වෙනුවෙන් පෙනීසිටි රජයේ නීතිඥවරයා පෙත්සමේ පාදක වන කරුණ අධිකරණ කටයුත්තක් බැවින් ඒ පිළිබඳ විභාගයක් පැවැත්වීමට මෙම අධිකරණයට බලයක් නොමැති බව තර්ක කළේය.

එම මූලික විරෝධතාව පිළිගත් මහාධිකරණ විනිසුරු ගිහාන් කුලතුංග මහතා මෙම පෙත්සම විභාග කිරීමට අධිකරණයට බලයක් නොමැති බව සඳහන් කරමින් එය කිසිඳු විභාගයකට නොගෙනම ප්‍රතික්ෂේප කිරීමට තීන්දු කළේය.

පවතින අර්බුදකාරී වාතාවරණය හමුවේ දිවයිනේ පාසල් සිසුන්ට දැඩි ආරක්ෂාවක් සැපයියයුතු බැවින්, ඒ සදහා සහායක් වශයෙන් තමාගේ ආරක්ෂාව තමා විසින් සපයා ගනිමින්, තම ඇමති ආරක්ෂක නිලධාරීන්ද ඒ සදහා අනුයුක්ත කිරීමට තමා අදහස් කර ඇතැයි විදුලිබල, බලශක්ති සහ ව්‍යාපාර සංවර්ධන අමාත්‍ය රවී කරුණානායක මහාත අවධාරණය කරයි.

ම්ලේච්ඡ ත්‍රස්තවාදී ක්‍රියා හමුවේ දින ගණනාවක් වසා තැබූ පාසල්, අද නැවතත් ආරම්භ කිරීමට රජය විසින් තීරණය කර ඇති බව පවසන අමාත්‍යවරයා, පාසල් දරුවන් ත්‍රස්තවාදීන්ගේ ඉලක්ක වීමට ඉඩ ඇතැයිද පවසයි. ඒ නිසා පාසල් නැවත ආරම්භ කිරීමට ප්‍රථම පාසල් සහ අදාළ භූමිය විශේෂ ආරක්ෂක සෝදිසියකට භාජනය කළයුතු අතර පාසල් ආරම්භ කිරීමෙන් පසුවද දරුවන්ගේ ආරක්ෂාව වෙනුවෙන් සුවිශේෂී ආරක්ෂක වැඩපිළිවෙලක් අනුගමනය කළයුතුයැයි අමාත්‍යවරයා පවසයි.

රටේ පවතින අර්බුධකාරී වාතාවරණය හමුවේ සමස්ථ දිවයිනේ ආරක්ෂාව වෙනුවෙන් ආරක්ෂක අංශ නිලධාරීන් දිවා රෑ නොබලා රාජකාරියේ යෙදී සිටින අතර දීපව්‍යාප්ත පාසල් ජාලයේ ආරක්ෂාව වෙනුවෙන් ආරක්ෂාව සැපයීමේදී ඊට සහායක් වශයෙන් තම ආරක්ෂාව සදහා රජය විසින් ලබාදී ඇති ඇමති ආරක්ෂක අංශ නිලධාරීන්ද ලබාදීමට තමා කටයුතු කරන බව අමාත්‍ය කරුණානායක මහතා වැඩිදුරටත් අවධාරණය කරයි.

රට පුරා සියළු පාසැල්වල 01 ශ්‍රේණියේ සිට 05 ශ්‍රේණිය දක්වා දෙවැනි වාරය සදහා ආරම්භ කිරීම යලිත් කල් දමා තිබේ.

ඒ අනුව එම පන්ති සදහා මැයි මස 13 වන දින දෙවැනි වාරය ආරම්භ කෙරේ.

06 ශ්‍රේණියේ සිට 13 වන ශ්‍රේණිය තෙක් පන්ති සදහා පමණක් අධ්‍යන කටයුතු 06 වන සදුදා දිනයේ ආරම්භ කරන බව රජය පවසයි.

නැතිවූ ජීවිතවල වටිනාකම මුදල් වලින් මිල කරන්න බැහැ. නමුත් නැතිවූ ජීවිත නැවතත් පට ලබාගත නොහැකි නිසා, අපගේ කණාටුව ප්‍රකාශ කිරීමක් වශයෙන් මිය ගිය පුද්ගලයෙක් වෙනුවෙන් ලක්ෂ 10ක් සහ රෝගී පුද්ගලයන් වෙනුවෙන් රෝගයේ බැරෑරුම්කම අනුව කොටස් 03 යටතේ වන්දි ලබාදීමට රජය තීරණය කර තිබෙන බව විදුලිබල, බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පවසයි.

අමාත්‍යවරයා මෙම අදහස් පළකළේ පසුගියදා සිදුවූ බෝම්බ ප්‍රහාරයට ලක්ව රෝහල්ගතව ප්‍රතිකාර ලබන පිරිසකගේ සුවදුක් විමසීම සදහා ඊයේ (03) පස්වරුවේ කොළඹ ජාතික රෝහලට පැමිණි අවස්ථාවේදී ය.

එහිදී වැඩිදුරටත් අදහස් දැක්වූ අමාත්‍ය කරුණානායක මහතා,

“යම්යම් අය කුමන්ත්‍රණශීලීව කටයුතු කරනවා අපේ වැඩකටයුතු කඩාකප්පල් කරන්න. නමුත් අපි ආණ්ඩුවක් වශයෙන් ලංවිම අදාළ අංශයන්ට උපදෙස් දීලා තියෙන්නේ මේ කාර්යය නිසි පරිදි ඉටු කරන්න. සමස්ත කැබිනට් එකම මේ දෙස විමසිලිමත්ව බලාගෙනයි ඉන්නේ. අපේ කටයුතු වලට දෙන්නෙක් තුන්දෙනෙක් හරස්වෙනවා. කුමන හෝ බාධාවක් ඇතිවුණොත්, මමයි සෘජුවම ඇවිත් කියන්නේ කව්ද ඒ බාධාව ඇති කලේ කියලා.

අපට අවශ්‍ය වන්නේ අඛණ්ඩ සේවයක් සැපයීමයි. හදිසි විදුලිය මිලදී ගැනීමේදී මීට ඉහත වතාවන් වලට වඩා මිලෙන් අඩුවටත්, විශේෂයෙන් දැනට ජනනය කරන මිලටත් වඩා අඩුවෙන් ප්‍රථම වතාවට අපට මිලදී ගැනීමට හැකිවීම තමයි අපට තිබෙන ලොකුම සතුට. කුමණ තත්ත්වයක් යටතේ වුවත්, විදුලිය අඛණ්ඩව දෙන්න අපි කටයුතු කරගෙන යනවා.

පසුගියදා ඇතිවු කෲර බෝම්බ පිපිරීමේ තුවාල ලැබූ පිරිසගේ සුවදුක් මෙන්ම රෝහලෙන් සිදුවන සේවය පිළිබදව අහන්නයි අද පැමිණියේ.

ඒ හදිසි අවස්ථාවේ අපේ සෞඛ්‍ය අමාත්‍යාංශය සහ ජාතික රෝහල් කාර්ය මණ්ඩලය විසින් ක්‍රියාකළ ආකාරය සම්බන්ධයෙන් ගොඩාක් සතුටුයි. අපේ අසරණ අහිංසක ජනතාව යාඥා කරන අවස්ථාවේ සිදුකළ ඒ කුරිරු ක්‍රියාව සම්බන්ධයෙන් අපේ කණගාටුව ප්‍රකාශ කරනවා.

අන්තවාදී මුස්‌ලිම් කල්ලියක්‌ මරාගෙන මැරෙන ප්‍රහාරයක්‌ එල්ල කිරීමට සැලසුම් කර ඇති බවට බුද්ධි අංශවලින් තොරතුරු ලැබී තිබියදීත් මහජනතාවගේ ආරක්‍ෂාව සඳහා නිසි පියවරක්‌ නොගැනීම ගැන චෝදනා කරමින් පොලිස්‌පතිට හා ආරක්‍ෂක ලේකම්ට (හිටපු) එරෙහිව ගොනු කර තිබූ මූලික අයිතිවාසිකම් පෙත්සම ඊයේ (03 වැනිදා) ශ්‍රේෂ්ඨාධිකරණය හමුවේ විභාගය සඳහා මුලින්ම කැඳවූ අවස්‌ථාවේදී ඒ දෙදෙනාම උසාවියට පැමිණ නොසිටි අතර ඔවුන් වෙනුවෙන් නීතිඥයකු පෙනී සිටියේ නැත.

එනිසා ඒ දෙදෙනාට රෙජිස්‌ට්‍රාර්වරයා මගින් යළි නොතීසි නිකුත් කරන ලෙස පෙත්සම්කාර පක්‍ෂයට දැනුම් දුන් ශ්‍රේෂ්ඨාධිකරණය පෙත්සම් විභාගය ලබන 21 දාට කල් තැබුවේය. පොලිස්‌පති පූජිත් ජයසුන්දර සහ ආරක්‍ෂක ලේකම් හේමසිරි ප්‍රනාන්දු පෙත්සමේ 01 සහ 02 වගඋත්තරකරුවෝ වෙති. නීතිපති 04 වෙනි වගඋත්තරකරු ලෙස නම් කර ඇත.

ජ්‍යෙෂ්ඨ රජයේ අධිනීතිඥ ඉඳුනිල් පුංචි හේවා මහත්මිය කියා සිටියේ තමා පෙනී සිටින්නේ නීථිපති වෙනුවෙන් පමණක්‌ බවයි. පොලිස්‌පති හා ආරක්‍ෂක ලේකම් වෙනුවෙන් ද පෙනී සිටින්නැයි නීතිපති දෙපාර්තමේන්තුවෙන් ඉල්ලීමක්‌ කර ඇති නමුත් දැනට උද්ගත වී ඇති තත්ත්වය අනුව එම ඉල්ලීමට කැමැත්ත පළවී නැතැයි ද රජයේ නීතිඥවරිය පැවසුවාය.

ඒ අනුව මේ නඩුවේදී පොලිස්‌පති හා ආරක්‍ෂක ලේකම්ට පුද්ගලික නීතිඥවරුන්ගේ සහය ලබාගැනීමට සිදුවනු ඇත.බුවනෙක අළුවිහාරේ සහ ප්‍රීති පද්මන් සූරසේන යන ශ්‍රේෂ්ඨාධිකරණ විනිසුරුවරුන් හමුවේ ඊයේ මෙම පෙත්සම කැඳවන ලදී. මෙහි පෙත්සම්කරු සංචාරක ව්‍යාපාරයට සම්බන්ධ ප්‍රධාන පෙළේ ව්‍යාපාරිකයකු වන ජනත් එස්‌. විදානගේ මහතායි.

අලුත් අවුරුද්දෙන් පසුව ඈත ගම්වල සිට කොළඹට පැමිණෙන මගී ජනතාව සඳහා ඒකාබද්ධ මෙහෙයුමක් ප්‍රවාහන සහ සිවිල් ගුවන්සේවා අමාත්‍යාංශය හඳුන්වා දෙයි.

එම මෙහෙයුම පිළිබඳව මාධ්‍ය දැනුවත් කරමින් විෂය භාර අමාත්‍ය අර්ජුන රණතුංග මහතා පැවසුවේ අවුරුද්දට ගම්බිම්බලා පිටත්ව ගිය ජනතාවට උපරිම සේවාවක් ලබා දීමට ශ්‍රී ලංකා ගමනා ගමන මණ්ඩලය, ශ්‍රී ලංකා දුම්රිය දෙපාර්තමේන්තුව සහ ජාතික ගමනාගමන කොමිසම් සභාව සමත්ව ඇති බවයි.

පසුගිය අටවැනිදා සිට 13 වැනිදා දක්වා කාලය තුළ ශ්‍රී ලංකා ගමනාගමන මණ්ඩලය ලැබූ රුපියල් මිලියන 400ක ආදායමත් එම කාලය තුළදී කිසිදු දුම්රියක් අවලංගු නොකිරීමත්, පෞද්ගලික බස්රථවල සේවාව ගැන ලැබුණු පැමිණිලි ඉතාම අඩු වීමත් එම සාර්ථකත්වය පෙන්නුම් කරන සාධක බවද අමාත්‍ය අර්ජුන රණතුංග මහතා පැවසීය.

එම සාර්ථකත්වය මත ලබා ගත් අත්දැකීම්ද උපයෝගි කර ගනිමින් ඉදිරි දින කිහිපයේදී ගම්වල සිට කොළඹ දක්වා පැමිණෙන මගීන්ටද උපරිම සේවාවක් ලබා දීමට කටයුතු යොදා ඇතැයිද අමාත්‍ය අර්ජුන රණතුංග මහතා කියා සිටියේය. ප්‍රවාහන අමාත්‍යාංශයේ අලුත් අවරුදු ඒකාබද්ධ මෙහෙයුම ලබන 22 වැනිදා දක්වා ක්‍රියාත්මක වේ.

ඒ යටතේ ශ්‍රී ලංකා ගමනාගමන මණ්ඩලයට අයත් බස්රථ 1350ක් ඈත ගම්වල සිට කොළඹ දක්වා ධාවනයට යොදවා ඇත. යොදවා ඇති පෞද්ගලික බස්රථ ගණන 3000ක් වේ.

ඊට සමගාමීව විශේෂ දුම්රිය 11ක් අප්‍රේල් 20, 21, 22 යන තෙදින තුළදී ධාවනයට දුම්රිය දෙපාර්තමේන්තුව අපේක්ෂා කරයි.

තවදුරටත් අදහස් දක්වමින් අමාත්‍ය අර්ජුන රණතුංග මහතා පැවසුවේ,

“ලංගම, දුම්රිය සහ ජාතික ගමනාගමන කොමිසම් සභාව එක්ව අවුරුදු ප්‍රවාහන සේවාවක් දියත් කළ පළමු අවස්ථාව මෙය වනවා. එහි සාර්ථකත්වය මතම ජනතාවට ලැබුණේ අඩු පීඩනයක්. එයින් ඇති වුණු සහනය ගම්වල සිට කොළඹට එන මගීන්ටත් ලබා දීමට අ‍පි අපේක්ෂා කරනවා.

විශේෂයෙන්ම අධිවේගී මාර්ගයේ කොළඹට එන විට කොට්ටාව පිවිසුමේ දැඩි තද බදයක් ඇති විය හැකි යි. ඒ ගැන සැලකිල්ට ගෙන අතුරුගිරිය, කහතුඩුව වැනි ස්ථාවලින් බස්රථ එළියට ගෙනවීත් කොළඹ දක්වා ධාවනයට කිරීමට අපි අපේක්ෂ කරනවා. ඒ වගේම බස්රථ මගීන් සඳහා අතරමග ක්‍රියාත්මක ආපන ශාලාවලින් අලෙවි කරන ආහාරවල ප්‍රමිතිය ගැනද අපේ අවධානය යොමු කර තිබෙනවා. මෙහිදී තවත් දෙයක් කිවයුතුයි.

පසුගිය අප්‍රේල් අටවැනිදා අපි බෙලි අත්ත දුම්රිය ස්ථානය විවෘත කළේ. ඒ දවසේ එම දුම්රිය ස්ථානයේ ආදායම රුපියල් 1945යි. නමුත් 17 වැනි දින පමණක් රුපියල් පන් ලක්ෂ හතලිස් දෙදාහක ආදායමක් බෙලිඅත්ත දුම්රිය ස්ථානයෙන් ලැබී තිබෙනවා. ඉදිරි දින කිහියේදී ශ්‍රී ලංගම වෙතින්ද තවත් මිලියන 400ක ආදායමක් ලැබෙනු ඇතැයි අපි අපේක්ෂා කරනවා. දුම්රියේ ආදායමත් එලෙස වර්ධනය වෙනු ඇතැයි මම අපේක්ෂා කරනවා”

ඔකඳ ජාතික වනෝද්‍යානයේ මාර්ග සංවර්ධන කටයුතු වල නිරතව සිටි කම්කරුවෙකු අද (18) දිවියෙකු විසින් ඩැහැගෙන ගොස් ඇති අතර බරපතල තුවාල ලැබූ තවත් කම්කරුවෙකු රෝහල් ගත කර ඇති බව පානම පොලිසිය පවසයි.

පස්දෙනෙකුගෙන් සමන්විත කම්කරුවන් පිරිසක් ට‍්‍රැක්ටරයකින් බොරළු පස් ප‍්‍රවාහනය කර ඇති අතර දිවා ආහාරය ගැනීමෙන් පසුව ඔවුන් තුරු සෙවන සහිත ස්ථානයක ගිමන් හරිමින් සිටියදී දිවියෙකු කඩාපැන එක් අයෙක් ඩැහැගෙන ගොස් ඇති බව කියති.

එවිට දිවියාගේ ප‍්‍රහාරයට ලක්වූ අනෙක් කම්කරුවා දිවා ගලවාගෙන ඇත. ඔකඳ ජාතික වනෝද්‍යානය භාර නිලධාරියෙකු පැවසුවේ මේ දින වල එහි අභ්‍යන්තර මාර්ග සංවර්ධනය කිරීම සඳහා කොන්ත‍්‍රාත්කරුවන් කටයුතු කරමින් සිටින අතරතුර මෙම අනතුර සිදුවී ඇති බවයි.

දිවි ගලවාගත් පුද්ගලයා පොතුවිල මූලික රෝහලට ඇතුල් කිරීමෙන් පසුව වැඩිදුර ප‍්‍රතිකාර සඳහා අක්කරපත්තුව රෝහලට මාරුකර යවා ඇත.

මහියංගනය-බදුල්ල මාර්ගයේ මහියංගනය ජාතික පාසැල ඉදිරියේදි අද(17) අළුයම 1.30 ට පමණ වෑන්රථයක් හා පුද්ගලික බස්රථයක් ගැටී සිදුවූ අනතුරින් වෑන්රථයේ ගමන් කළ එකම පවුලේ 10 දෙනෙක් මියගොස් ඇතැයි මහියංගනය පොලීසිය පවසයි.

මරණයට පත්ව ඇත්තේ මඩකලපුව පනිච්චි අඩි ප්‍රදේශයේ පදිංචිව සිටි ජෝශප් රෙලින්ටන් ජෝජස් (56) සහ ඔහු‍ගේ බිරිඳ වන සිල්වියා ජෝප්ස් (50) ඔවුන්ගේ බෑනාවරු දෙදෙනෙක්, දියණියන් දෙදෙනෙක් , මිනිබිරියන් තිදෙනෙක් හා මුනුබුරෙකි.

මඩකලපුව ඩව්බාර් පදිංචිව සිටි ලිස්ටර් ඇලෙක්සැන්ඩර් (32) ඔහුගේ බිරිඳ වන නිසාලින් ඇලෙක්සැන්ඩර් (27) සහ නිවුන් දියණියන් වන හනාලි (4) සහ පයිගා (4) ,රත්නම් පාර මඩලපුව පදිංචි යුටි ප්‍රින්ස් හෙන්ඩ්‍රික් (48) ඔහුගේ බිරිඳ වන මරියා පැන්සියා (42) , පුතා වන වෑන් රථය පැදවූ හෙයිඩ් හෙන්ඩ්‍රික් (19) හා සෙරබි හෙන්ඩ්‍රික් (10) යන අයයි.

යුනි ප්‍රින්ස් මහතාගේ පවුලේ අයගෙන් ජීවිතය බේරි ඇත්තේ වයස අවුරුදු 13 ක් වන ‍සෙගානිගේ පමණක් වන අතර ඇය බදුල්ල මහ රෝහලේ ප්‍රතිකාර ලබයි.

බදුල්ල මහ රෝහලේ ප්‍රතිකාර ලබන රෙසානි බර්ගසාල් නැමති 16 හැවිරිදි අනෙක් දැරිය ජාඇල පදිංචිකාරියකි. ඇය මෙම මේ අය සමඟ මඩකලපුවෙ යාමට පැමිණි ඥාති දියණියකගේ දියණියකි.

ඉකුත් සඳුදා මඩකලපුවෙන් පිටත්ව ජාඇල, පින්නවල ඇතුලු ස්ථාන කිපයක සංචාරය කර නැවත මඩකලපුවට යමින් සිටියදී මෙම අනතුර සිදුව තිබේ.

ත්‍රීකුණාමලය සිට දියතලාව දක්වා ධාවන වෙමින් තිබූ පුද්ගලික බස්රථයෙ මුහුණට මුහුණ ගැටුණ වෑන්රථය බස්රථයේ මීටර් 1 යි සෙ.මි. 80 ක් පමණ ඇතුළට කාවැදී තිබූ බවද පොලීසිය පවසයි.

වෑන්රථයේ 12 දෙනෙක් ගමන්කර ඇති අතර ඔවුන්ගෙන් ජීවතුන් අතර ඇත්තේ වයස අවුරුදු 13 ක් සහ 16 ක වන ගැහැණු දරුවන් දෙදෙනෙක් පමණි.

බස්රථය ත්‍රීකුණාමලසේ සිට එන අතර තුර අළුයම 1.30 ට පමන අනතුර සිදුවු ස්ථානයට නුදුරු හෝටලයක් ළඟ නතර කර මගීන් තේ පානය කිරිමෙන් පසු යළි ගමන් අරඹනවාත් සමඟම වැරැදි මංතිරුව ඔස්සේ වේගයෙන් පැමිණ වෑන් රථය බසයේ ගැටී ඇති බව විමර්ශනවලදි අනාවරණය වී තිබේ.

වෑන්රථයේ රියදුරා නින්ද ගොස් මාර්ගයේ වැරැදි මංතිරුවට ධාවනය වීම නිසා මෙම අනතුර සිදුවන්නට ඇතැයි පොලීසිය අනුමාන කරයි. අනතුරක් වළක්වා නොගැනිමේ චෝදනාව යටතේ බස් රථයේ රියදුරා පොලීසිය විසින් අත්අඩංගුවට ගෙන ඇත.

දේශපාලන පක්ෂ පාඨ භේදයකින් තොරව ජනාධිපති මෛත්‍රීපාල සිරිසේන මහතාත්, අග්‍රාමාත්‍ය රනිල් වික්‍රමසිංහ මහතාත්, විපක්ෂනායක මහින්ද රාජපක්ෂ මහතාත් ඊයේ(14) එකම වේලාවක තමන්ට පක්ෂ විපක්ෂ ජනතාව සමඟ එක්ව එකට එකම වේලාවක රටේ පුරවැසියන් සමඟ අවුරුදු චාරිත්‍ර ඉටුකළහ. සියල්ලන්ම එකම වේලාවක රටේ ජනතාව සමඟ කිරි ඉතිරවූහ.