ආසියා පැසිෆික් ආර්ථික සමුළුව හෙවත් ඇපෙක් සමුළුවට සහභාගීවීමට ඇමෙරිකා ජනාධිපති ඩොනල්ඞ් ට්රම්ප් වියට්නාමය බලා යද්දී, චීනයේ නතර වුණු බිරිය මෙලානියා ට්රම්ප් චීන මහා ප්රාකාරය නැරැඹීමට ගියාය.
ලෝකයේ පුදුම අතරට ද එක් වී ඇති චීන මහා ප්රාකාරය පිහිටා ඇත්තේ බීජීං අගනුවරට ඔබ්බෙනි. තමා ඇපෙක් සමුළුවට සහභාගී වීමට වියට්නාමය බලා යන්නේ තනිවම බවත්, මෙලානියා තමා සමඟ පැමිණෙන්නේ නැති බවත් ට්රම්ප් නිවේදනය කළේ ට්විටර් පණිවුඩයකිනි.
[rns_reactions]
වියට්නාමයේ පැවැත්වෙන ‘ඇපෙක්’ හෙවත් ආසියා පැසිෆික් රටවල ආර්ථික සමුළුවේදී ඇමෙරිකා ජනපති ඩොනල්ඞ් ට්රම්ප් සහ රුසියානු ජනාධිපති ව්ලැදිමීර් පුටින් එකිනෙකා හමුවූහ.
‘ඇපෙක්’ සමුළුවේ සම්ප්රදාය වන්නේ, සමුළුවට සහභාගී වන ජනපතිවරුන් සමුළුව පැවැත්වෙන සත්කාරක රටේ විශේෂ ඇඳුමින් සැරැසී සමුළුවට ඉදිරිපත් වීමය.
ඒ අනුව, වියට්නාම් බලධාරීන් විසින් නිර්මාණය කළ නිල් පැහැති සාම්ප්රදායික සිල්ක් රෙද්දෙන් මැසූ ඇඳුම් කට්ටලයෙන් සැරැසීමට සමුළුවට සහභාගී වුණු රාජ්ය නායකයෝ කටයුතු කළහ.
ට්රම්ප් සහ පුටින් මෙසේ එකිනෙකා හමුවූයේ දෙවැනි වරටය. දෙදෙනා සමූහ ඡායාරූපයට පෙනී සිටියේ ද එක ළඟ සිට ගනිමිනි.
ට්රම්ප් ඇමෙරිකාවේ ජනාධිපති වූයේ, පසුගිය නොවැම්බරයේ පැවැති ඇමෙරිකන් ජනපතිවරණයේ ප්රතිඵල වෙනස් කිරීම රුසියානු පරිගණක හැකර්වරුන් කටයුතු කළ නිසා යැයි චෝදනා එල්ල වී ඇත.
එම හැකර්වරුන් මෙහෙයවීම සිදු කළේ පුටින් බව ද පැවැසෙයි.
ඇමෙරිකාවේ ජනපති වෙන්න ට්රම්ප්ට පුටින්ගේ සහාය හිමිවුණු බව ද පැවැසෙයි.
ට්රම්ප්ගේ කාර්ය මණ්ඩලය මැතිවරණයට පෙර රුසියානු නියෝජිතයන් සමඟ සබඳතා පැවැත්වූයේ යැයි මේ වනවිට තහවුරු වී තිබේ.
ට්රම්ප් සහ පුටින් අතර වියට්නාමයේ මෙම හමුව පැවැත්වෙන්නේ මෙවැනි වාතාවරණයක් යටතේය.
මීට පෙර දෙදෙනා ජර්මනියේ හැම්බර්ග් නුවර පැවැති ජී 20 සමුළුවේදී මේ අයුරින්ම හමුවිය.
එම අවස්ථාවේදී ට්රම්ප් පුටින්ගෙන් කෙළින්ම විමසා සිටියේ, තමා ඇමෙරිකන් ජනාධිපතිවරණයට මැදිහත් වුණාද නැද්ද කියාය. එහිදී පුටින් කෙළින්ම කියා සිටියේ එසේ මැදිහත් වීමක් නොකළ බවය.
මීට අමතරව සමුළුවට සහභාගී වුණු සෙසු රාජ්ය නායකයන් සමඟ ද ට්රම්ප් සුහදත්වයක් වාර්ධනය කර ගත්තේය. වියට්නාම් ජනපති ට්රාන් දායි ක්වංග් සහ බිරියගෙන් ඇමෙරිකන් ජනපති ට්රම්ප්ට ලැබුණේ උණුසුම් පිළිගැනීමකි.
[rns_reactions]
ඉන්දියාවේ බෙංගාලුරූස්හි ජීවත්වන රාජාලක්ෂ්මීට උපතින් ම සුන්දර රූ සපුවක් සහ තියුණු බුද්ධියක් හිමි විය. ඇගේ අනාගත බලාපොරොත්තුව වූයේ දන්ත වෛද්ය විශේෂඥවරියක් වීමය. ඇය පාසැල් කාලයේ සිටම උනන්දුවෙන් එම විෂය ක්ෂේත්රය පිළිබඳව අධ්යනය කළා ය. එහෙත් අවාසනාවකට අවුරුදු 21 වන විට ඇය දරුණු රිය අනතුරකට ගොදුරු වුවා ය. අනතුරින් පසුව ශල්ය කර්ම කිහිපයක්ම කළ ද ඇගේ සුසුම්නාවේ ආබාධිත තත්ත්වය සුව කළ කොහැකි විය. ඒ හේතුවෙන් ඇය ජීවිත කාලය රෝද පුටුවේ ගත කිරීමට සිදු විය. ඒ වුවත් රාජාලක්ෂ්මී දන්ත වෛද්ය විශේෂඥවරියක වීමේ සිහිනය අමතක නොකළා ය. ආබාධිත ජීවිතය පිළිබඳ පසුතැවිලි නොවී ධනාත්මකව සිතා කටයුතු කළ ඇය මේ වන විට දී තමන්ගේම දන්ත වෛද්ය මධ්යස්ථානයේ දන්ත වෛද්ය විශේෂඥවරිය ලෙස කටයුතු කරන්නී ය. ඊට අමතරව ඇය සතුව විවිධ දක්ෂතා රැසකි.
වෘත්තීමය උපදේශිකාවක් මෙන් ම පරිසර ගවේෂිකාවක්, අසරණයින්ට පිහිටවන දානපතිනියක් මෙන් ම මෝස්තර නිරූපිකාවක් ලෙස ඇය වර්තමානයේ දී රෝද පුටුවකට වී ජීවිතය දිනු ඉන්දියාවේ ප්රසිද්ධතම කාන්තාව වශයෙන් හඳුන්වති. ඇය ආබාධිත කාන්තාවන්ගේ අයිතිවාසිකම් සුරැකීමේ පදනමේ සභාපති වශයෙන් ද කටයුතු කරන්නී ය. තමන්ගේ ජීවිත කථාව ආදර්ශයක් ලෙස ගෙන ඇය අනිකුත් කාන්තාවන්ට ද තමන්ට හිමිව ඇති දෑ තුළින් ජීවිතය ජයගන්නා ආකාරය කියා දෙන්නීය.
රාජාලක්ෂ්මීට 2014 වර්ෂයේ දී Miss Wheelchair India තරගාවලියෙන් ජයග්රහණය හිමි කර ගත්තා ය. එමෙන් ම 2015 වර්ෂයේ දී Orion මෝස්තර නිර්මාණ සතියට සහභාගී වූවාය. ඇය 2014 වර්ෂයේදී රූ රැජීණික් වී ලබා ගත් අත්දැකීම් 2015 වසරේ තරඟාවලියට සහභාගී වු යුවතියන්ට ද කියා දුන්නේ සමාජ මෙහෙවරක් ලෙසිනි. අබාධිත තත්ත්වය කොතරම් දරුණු වුවද ඇය හා සමාන සුන්දර එහෙත් ආබාධිත නොවූ යුවතියන්ට ද ඇය කිසිඳු උපදෙස් දෙන්නීය.
ගෟහ නිර්මාණකරණය,ගායනය,චිත්ර ඇදීම,පිහිනීම වැනි විවිධ අංශයන්හි තරග සඳහා සඳහා රටවල් 11 කට පමණ ගොස් ඇතැම් තරගවලින් ජයග්රහණය හිමි කර ගෙන ඇත. ඉන්දියාවේ යටිතල පහසුකම් පිළිබඳව සොයා ලබා ඒ පිළිබඳව මිනිස් ප්රජාව දැනුවත් කිරීමේ වැඩසටහන් ඇය විසින් මෙහෙය වන්නේ සාමාන්ය කාන්තාවක පරිද්දෙනි. බාහිරින් ඇය රෝද පුටුවකට වී සිටිය ද ඇගේ සිත ශක්තිමත්ය.
“මම කැමතියි මගේ මෝටර් රථය පඳවා ගෙන ගොස් මගේ එදිනෙදා රාජකාරී කරන්න. ඒක මට ලොකු සතුටක්. මම මගේ දන්ත වෛද්ය මධ්යස්ථානයේ රෝගීන් පැමිණෙන තෙක් සිටින විට බොහෝ රෝගීන් මා දෙස පුදුමයෙන් බලනවා. ඔවුන් හිතන්නේ මමත් රෝගීයෙක් කියලා.” යනුවෙන් ඇය ප්රකාශ කළා ය.
අහිමි වු දෑ පසුපස ගොස් නිකරුණේ ජීවිතය විනාශ කර ගන්නා තරුණ පරම්පරාවට රාජාලක්ෂ්මී ආදර්ශයකි. මිනිසුන්ගේ දත් හා සම්බන්ධ ගැටලු විසඳාලීමට ඇය විවිධ ප්රදේශවලට ගොස් වැඩමුළු පවත්වයි.
පොතපතින් ලබා ගන්නා දැනුමටත් වඩා රාජාලක්ෂ්මීගේ ජීවිතයෙන් සෑම කාන්තාවකටම ගත යුතු යමක් අන්තර්ගතව ඇත. ඇගේ ජීවිතයෙන් එක් පුද්ගලයෙකුට වුව ද තම ජීවිතය ධනාත්මකව ජය ගැනීමට අස්වැසිල්ලක් වන බව මාධ්ය වර්තා කරයි.
[rns_reactions]
ඝන මීදුමක් හට ගැනීම හේතුවෙන් ඉන්දියාවේ දිල්ලි නුවර ජන ජීවිතය මේ වන විට අඩාලව ඇත. මීදුම ඇති වී තිබෙන්නේ දිල්ලි නගරය කේන්ද්ර කරගත් වායු ගෝලයෙහි ඇති දූෂ්ය අංශු හේතුවෙන් බව තහවුරු කරගෙන තිබේ. මේ නිසා දිල්ලි නගරය ආශ්රිත වායුගෝලයේ ගුණාත්මකභාවය බෙහෙවින්ම පහත වැටී ඇති බව මහජන සෞඛ්ය සම්බන්ධයෙන් කටයුතු කරන විශේෂඥයෝ පෙන්වා දෙති. ඒ නිසාම මහජන සෞඛ්යය ආපදා තත්ත්වයක ද එහි ප්රකාශයට පත් කර තිබේ. දිල්ලි නගරයේ ජීවත් වන ජනයාට තම නිවෙස්වලින් බැහැරට නොඑන ලෙස සෞඛ්යය බලධාරීහු පසුගියදා උපදෙස් ලබා දුන්හ. එකී වාතාවරණය යටතේ පාසල් ආදිය වසා දමන්නට ද තීරණය කෙරිණ. මීදුම දිගින් දිගටම පැවතියහොත් දිල්ලි නගරයේ ජන ජීවිතය අන්තරාදායක තත්ත්වයකට පත් වනු ඇති බව දිල්ලි ප්රධාන අමාත්යය අරවින්ද් කෙජ්රිවාල් පසුගියදා ප්රකාශ කළේය. මේ වනවිට දිල්ලි නගරය “ගෑස් කුටියක්”බවට පත්ව ඇති බවත් ප්රධාන අමාත්යවරයා එහිදී ප්රකාශ කර තිබිණ.
දිල්ලි නගරය තුළ දැනට පවතින්නේ සෙමෙන් හමා යන සුළං සහිත ශීතල කාලගුණ තත්ත්වයකි. එනිසා වායු ගෝලයේ ඉහළ ස්ථරවල පවත්නා දූෂ්ය අංශු පොළොව ආසන්නයට පැමිණේ. එම කාලගුණ තත්ත්වය තුළ මීදුම තවත් කොපමණ කාලයක් එහි පවතිනු ඇත්දැයි කියා කිව නොහැකිය. දිල්ලිය ආශ්රිත වායුගෝලයෙහි පවත්නා දූෂ්ය කොටස් ප්රමාණය සම්බන්ධයෙන් පරික්ෂා කර බැලීම් මේ වන විටත් නිරන්තරයෙන් සිදු කෙරේ. දැනට කර ඇති පරික්ෂා කර බැලීම්වලින් තහවුරුව තිබෙන්නේ දිල්ලි වායු ගෝලයේ ඝන මීටරයක සරියක් තුළ දූෂ්යය අංශු මයික්රෝග්රෑම් 710ක් අඩංගු බවකි. නමුත් ලෝක සෞඛ්ය සංවිධානය පවසන්නේ වායු ඝන මීටරයක් තුළ මයික්රෝන 2.5ක විශ්කම්භය සහිත අංශු මයික්රෝග්රෑම් 35ක් අන්තර්ගත වීම පවා බරපතල සෞඛ්යය ගැටලු ඇති කරවන්නට හේතුවක් වන බවකි. එනිසා වායු ඝන මීටරයක අඩංගු එම අංශු ප්රමාණය සාමාන්යයෙන් මයික්රෝග්රෑම් 10ක මට්ටමෙන් පැවතිය යුතුය යන්න එම සංවිධානයේ නිර්දේශයයි. හිතකර මට්ටමට වඩා කොපමණ ගුණයක් දූෂ්ය අංශු දිල්ලි වායු ගෝලයේ මේ වන විට අඩංගුද යන්න ඔබට ගණනය කරගන්නට අපහසුවක් නැත.
වායුගෝලයක අඩංගු මයික්රෝන 2.5හෝ එයට වඩා කුඩා ප්රමාණයේ හෝ අංශුවල සාන්ද්රණය මිනිස් සෞඛ්ය කෙරෙහි තීරණාත්මක සාධකයක් බැව් විද්යාඥයෝ පවසති. ප්රමාණයෙන් ඉතාමත් කුඩා එම අංශු මනුෂ්යය ශරීරය තුළට ඇතුළු වී ශරීරයේ පවත්නා ස්වභාවික පෙරීමේ යාන්ත්රණයට හසු නොවී සිරුර තුළ සංසරණය වන්නට පටන් ගනී. මේ තත්ත්වය මොළය ආදී වැදගත් ඉන්ද්රියයන්ට රුධිරය සංසරණය වීමේ ක්රියාවලියට බාධාවක් වනු නිසැක බව විද්යාඥයෝ පවසති. අනෙක් භයානක තත්ත්වය මතු වන්නේ එවැනි ක්ෂුද්ර අංශුවල පිළිකාකාරක රසායනිකයන් අඩංගුව පැවතීමට බෙහෙවින්ම ඉඩකඩ තිබීමය. එවැනි රසායනිකයන් අතර ඊයම්, ආසනික්, කැඩ්මියම් සහ රසදිය ඇත.
පවත්නා වාතාවරණය තුළ ක්ෂණිකවම දිල්ලි වැසියන් පිළිකාවලට ගොදුරු වන්නේ නැත. එසේ වුවත් කාලයත් සමඟ පිළිකා සහ වෙනත් බරපතල සෞඛ්ය ගැටලුවලට ඔවුන්ට මුහුණ දෙන්නට සිදුවනු ඇති බවට තර්කයක් නැත. දිල්ලියේ ශ්රීමත් ගංඟා රාම් රෝහලේ ළය රෝග පිළිබඳ විශේෂඥ වෛද්යය අරවින්ද් කුමාර් පවසන්නේ දිල්ලියේ දැනට පවත්නා වායුගෝලීය තත්ත්වය මනුෂ්ය ශරීරයේ සෑම කොටසකටම දැඩි අයහපත් බලපෑම් එල්ල කරනු ඇති බවකි. මෙය පුද්ගලයකු දිනකට දුම්වැටි 50ක් භාවිතයට ගන්න තත්ත්වයකට සමාන බව හෙතෙම වැඩි දුරටත් පෙන්වා දෙයි.
“… මේ දවස්වල මෙහි සෑම රෝහලකම දැඩි සත්කාර ඒකක නියුමෝනියා රෝගීන්ගෙන් පිරි ඉතිරී ගොස් තිබෙනවා. ප්රතිකාර සඳහා පැමිණෙන හුඟක් රෝගීන්ට කැස්ස සහ ශ්වසන අපහසුතා තිබෙනවා. මේ පාරිසරික තත්ත්ව දිගින් දිගටම පැවතියහොත් මිනිසුන්ට ඇදුම ඇතිවෙන්න පුළුවන්. ඒ වගේම අනාගතයේදී ඔවුන් පෙනහළු පිළිකාවලට ගොදුරු වීමේ අවදානමකුත් තියෙනවා. …” යැයි කියා හෙතෙම පවසයි.
වෛද්යය අරවින්ද් කුමාර් පවසන අන්දමට මීදුම නිසා වඩාත්ම පීඩාවට පත්වන්නේ එළිමහනේ රැකියාවල නියුතු පිරිසයි. ඒ අතර කම්කරුවෝත් රික්ෂා පදවන්නෝත් සිටිති. දූෂ්යය කොටස් සහිත වාතය ආඝ්රාණය කිරීම වයස්ගත උදවියටත්, කුඩා දරුවන්ටත් රෝගී අයවලුන්ටත් අයහපත් ප්රතිඵල අත් කර දෙනු ඇති බව මේ වන විට එහි ප්රචාරය කර හැර තිබේ. එනිසා එවැනි අයට නිවෙස් තුළටම වී සිටින ලෙස උපදෙස් ලබා දී ඇත. ඒ හැරුණු විට අනෙක් අය වුව මුහුණු ආවරණයක් රහිතව එළිමහනේ ගැවසීම හිතකර නොවන බව ප්රකාශයට පත් කර තිබේ. දූෂ්යය වාතය ආඝ්රාණය කිරීමෙන් ශරීරයට ඇතුළුවන කරදරකාරී අංශු ශරීරයෙන් යළි ඉවත් කරගැනීමට ක්රමයක් නැත. එම අංශු ශරීයෙන් පහ වේයැයි සිතා වැඩියෙන් ජලය පානය කිරීම මිථ්යාවක් බව වෛද්යවරු පෙන්වා දෙති. කෙනෙකුට දිනකට ජලය ලීටර 2ත් 4 ත් අතර ප්රමාණයකට වඩා පානය කරන්නට පුළුවන්කමක් නැත. නමුත් දිල්ලියේ දවසක් සිටින කෙනෙකු ආශ්වාස ක්රියාවලිය හරහා සිරුරට ඇතුළු කරගන්නා විෂ සහිත වායු ප්රමාණය ලීටර 16,000ක් පමණ වන බව ගණන් බලා ඇත. මේ අනුව පැන නැඟී ඇති තත්ත්වය සිතා ගැනීම ඔබට අපහසු නොවනු නිසැකය.
විෂ්කම්භය මයික්රෝන 2.5 හෝ එයට වඩා කුඩා අංශු ප්රමාණය දිල්ලි නගරය කේන්ද්ර කරගෙන මේ සා ඉහළ යෑමක් සිදු වුෙය් හදිසියේම ය. එසේ නොවූවත් දිල්ලි නගරයේ වායුගෝලය පිරිසිදු එකක් හැටියට හඳුන්වන්නට ඉඩක් නැත. නමුත් ලොව වායු දූෂණය ඉහළම නගරය හැටියට ලෝක සෞඛ්ය සංවිධානය නම් කර තිබෙන්නේ ඉරානයේ සබෝල් නගරයයි. මේ නගරය එසේ නම් කර තිබෙන්නේ මුළු මහත් වසර පුරාම එහි වායු ගෝලයේ වායු ඝන මීටරයක් තුළ යටකී ප්රමාණයේ ක්ෂුද්ර අංශූන් මයික්රෝග්රෑම් 217ක පමණ සාමාන්යයක් පවතින බැවිනි. දිල්ලි වායු ගෝලයේ දූෂ්යය අංශු ප්රමාණය දැනට මේ අන්දමට ඉහළ ගොස් තිබුණ ද වසර පුරාම එහි වායු ගෝලයේ වායු ඝන මීටරයක් තුළ යටකී ප්රමාණයේ ක්ෂුද්ර අංශූන් සාමාන්යයෙන් පවතින්නේ මයික්රෝග්රෑම් 122ක පමණ ප්රමාණයකි. අද මේ වනවිට දිල්ලිය නම් කෙරෙන්නේ වායු දූෂණය අතින් ඉහළම තැනට පත් නගරය හැටියටය. එසේ වුවත් වායු ගෝලයේ වසර පුරා දැකිය හැකි ක්ෂුද්ර අංශුවල සාමාන්ය අනුව දිල්ලි නගරය දූෂණය අතින් ලොව 11 ස්ථානයේ පසුවන නගරයයි. කෙසේ වුවත්, දිල්ලිය වායු ගෝලීය දූෂණය අතින් දිගින් දිගටම අවදානම් මට්ටමක ඇති නගරයක් ලෙස නම් කරන්නට පුළුවන. ගල් අඟුරු බලාගාර, කර්මාන්ත පුර, රථවාහන ආදියෙන් නිකුත් වන දූෂ්ය අංශු නිසා දිල්ලි වායු ගෝලය එලෙස අපවිත්ර වී තිබේ. වගා බිම්වල කෙරෙන පුළුස්සා දැමීම්, උත්සව සමයේදී දල්වන රතිඥ්ඥා සහ ගිනිකෙළි නිෂ්පාදන ආදිය නිසාත් දිල්ලි වායු ගෝලයේ ගුණාත්මකභාවය පහළ වැටේ.
දූෂණය සහ සෞඛ්ය පිළිබඳ ලන්සෙට් කොමිසම් වාර්තාව පසුගිය මාසයේදී නිකුත් කෙරිණ. මේ වාර්තාව පෙන්වා දෙන කරුණු අනුව පරිසර දූෂණය නිසා ඉන්දියාවේ පමණක් වසරකට ජීවිතක්ෂයට පත්වන පුද්ගලයන් සංඛ්යාව මිලියන 2.5ක් පමණ වේ. එය ලොව සෙසු රාජ්යයන් අභිබවා යන තත්ත්වයක් බැව් එහි වැඩි දුරටත් සඳහන් වේ.
[rns_reactions]
ඇමෙරිකා එක්සත් ජනපදයට සංක්රමණය වීම සඳහා පිටරැටියනට ලැබෙන අවස්ථාවක් වන ග්රීන් කාඩ් ලොතරැයි වැඩසටහන (Green Card Lottery Program) නවතා දමන ලෙස කොංග්රසයෙන් ඉල්ලීමට අදහස් කරන බව ඇමෙරිකානු ජනාධිපති ඩොනල්ඩ් ට්රම්ප් ප්රකාශ කර ඇත.
ට්රක් රථයක් පාපැදි ධාවන පථයට ධාවනය කරවමින් අට දෙනකුට මරු කැඳවූ ත්රස්ත ක්රියාවෙන් පසුව ජනාධිපති ඩොනල්ඩ් ට්රම්ප් මෙම ප්රකාශය කළේ එම ත්රස්ත ක්රියාව සම්බන්ධයෙන් සිය කෝපය පළ කරමිනි.
ත්රස්ත ක්රියාව කළ බවට සැකකරන උස්බෙකිස්තාන් ජාතික සායිෆුල්ලෝ සායිපොව් (Sayfullo Saipov) සතෙක්
(an Animal) ලෙසද ජනාධිපති ට්රම්ප් විසින් හඳුන්වන ලදී.
අමාත්ය මණ්ඩල රැස්වීමක් අමතමින් මෙම අදහස් ප්රකාශ කළ ට්රම්ප් ජනාධිපතිවරයා ග්රීන් කාඩ් ලොතරැයි පත් ක්රමය අවසන් කිරීමේ කටයුතු එදින සිටම පටන් ගන්නා බව පැවැසීය.
ග්රීන් කාඩ් ලොතරැයිය හොඳ නැති බව පැවැසූ ජනාධිපති ට්රම්ප් ‘අපි එයට එරෙහිව සිටියා’ යනුවෙන්ද පැවැසීය.
ග්රීන් කාඩ් ලොතරැයි ක්රමය අවසන් කොට ලකුණු ලබාදෙන ක්රමවේදයක් මත (Merit-based Program) සංක්රමණිකයන්ට ඇමෙරිකාවට ඇතුළු වීමට ඉඩකඩ ලබාදීමට තම පරිපාලනය කටයුතු යෙදීමට බලාපොරොත්තු වන බවද පැවැසීය.
ට්රක් රථ අනතුර මඟින් ත්රස්ත ක්රියාවක නිරතවූ සැකකරුව කියුබාවේ ගුවන්තනාමෝ බේ (Guantanamo Bay) හි පිහිටි හමුදාවේ රැඳවුම් කඳවුරට යැවීම ගැනද තමා අවධානය යොමු කරන බවද ජනාධිපති ට්රම්ප් මෙහිදී පවසා ඇත.
ගුවන්තනාමො කඳවුර කෘෘර වධහිංසාවන්ට සිරකරුවන් බඳුන් කිරීම සම්බන්ධයෙන් අපකීර්තියක් ලැබූ රැඳවීමේ කඳවුරක් වෙයි.
[rns_reactions]
වසර අටකට පසු පාකිස්තානයට නැවතත් ක්රිකට් වසන්තය උදා කරවමින් පාකිස්තානයේ ලාහෝර් ගඩාෆී අන්තර්ජාතික ක්රීඩාංගණයේ ශ්රී ලංකා කණ්ඩායම අද (29) විස්සයි විස්ස තරගයක් ක්රීඩා කරනවා. 2009 වසරේ ශ්රී ලංකා කණ්ඩායමට එල්ල වූ ලාහෝර් ත්රස්ත ප්රහාරයෙන් පසු ප්රධාන ටෙස්ට් කණ්ඩායමක් පාකිස්තානයේ සංචාරය කරන පළමු අවස්තාව ලෙස මේ අවස්ථාව සටහන් වෙනවා.
එලෙස පාකිස්තානයේ සංචාරය කරනා ශ්රී ලංකා කණ්ඩායමට ඉහළ පිළිගැනීමක් ලබා දීමට පාකිස්තාන බලධාරීන් ක්රීයා කර තිබුනා. එහිදි ඔවුන් ශ්රී ලංකා කණ්ඩායමට සුභ පැතුම් එක්කරමින් විදී දෙපස විශාල පුවරු සවිකර තිබුනා,
එම ඡායාරූප පහතින්
මයික්රොසොෆ්ට් සමාගමේ තාක්ෂණික උපදේශක බිල් ගේට්ස් මහතා සහ සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්න මහතා අතර විශේෂ හමුවක් ලබන නොවැම්බර් මස 15 දින අබුඩාබියේ දී පැවැත්වීමට නියමිත බව අමාත්යාංශය නිවේදනය කරයි.
ඒ අබුඩාබියේ පැවැත්වෙන ගෝලීය සෞඛ්ය රැස්වීමෙන් අනතුරුවය. බෝවන රෝග මැඩපැවැත්වීම සදහා ශ්රී ලංකාව ගෙන ඇති ක්රියාමාර්ග අගය කිරිම සහ අධ්යයනය කිරිම සඳහාය.
බෝවන රෝග මැඩපැවැත්වීම සදහා ශ්රී ලංකාව ගෙන ඇති ක්රියාමාර්ග අධ්යයනය කිරිමට තමන්ට අවශ්ය බව බිල්ගේට්ස් මහතා සෞඛ්ය අමාත්යවරයාට දැනුම් දී ඇති අතර, ඒ සදහා පැයක කාලයක් ද වෙන් කර ලබා දී ඇති බවත් අමාත්යාංශය නිවේදනය කරයි.
මෙම සාකච්ඡාවට අබුඩාබියේ ඔටුන්න හිමි කුමාරයා වන ජිමී කාටර් (Mr. Jimmy Carter) මහතා ද සහභාගීවීමට නියමිතය.
දකුණු කොරියාවේ පැවැති සංගීත ප්රසංගයකදී ජනප්රිය නිරූපණ ශිල්පිණියකට එල්ලවූ කෙසෙල් හා ගල් මුල් ප්රහාරය පිළිබඳ මේ වන විට බොහෝ දෙනා අතර කතා බහට ලක්වනවා.
ප්රවීණ ගායන ශිල්පියෙකුට අපහාස වන අයුරින් පසුගියදා මහත් ආන්දෝලනයට තුඩුදුන් ගීත වීඩියෝවක පෙනී සිටි ඇයට විරෝධය පෑමක් ලෙස මෙම ප්රහාරය එල්ලවී ඇති බව වාර්තාවනවා.
මෙරට කලා ක්ෂේත්රයට අති විශාල මෙහෙයක් කළ එවැනි මිනිසෙකුගේ පෞද්ගලික ජීවිතය අලලා නිර්මාණය වූ එම වීඩියෝවට සමාජයේ දැඩි විරෝධයක් එල්ල වුණා.
කෙසේ වෙතත් මෙම ප්රසංග මාලාවේ තවත් ප්රංසග දෙකක් පැවැත්වීමට නියමිත බවත් එම ප්රංසග වලදී එම ශිල්පිණියට දැඩි විරෝධය පාන්නට බොහෝ දෙනා සූදානමින් සිටින බවත් ආරංචි මාර්ග සඳහන් කරනවා.
රාවණා යනු ශ්රී ලාංකීය ඉතිහාසය තුල හමුවන බලසම්පන්න මෙන්ම වැදගත් රජතුමෙක්.නමුත් අසල්වැසි ඉන්දියාවනම් රාවණා රජතුමාට සලකන්නේ ඊට හාත්පසින්ම වෙනස් විදිහටයි.ඔවුන්ට අනුව නම් රාවණා යනු යක්ෂයෙකු මෙන්ම මිහිමතින් තුරන්කල යුතු පුද්ගලයෙකුද වෙනවා.වාර්ෂිකව ඔවුන් රාවණා විනාශ කිරීමේ උත්සවයක්ද පවත්වන්නේ එම නිසයි.මෙම උත්සවය සඳහා ඉන්දීය නායකයින්ද සහභාගී වෙනවා. පසුගියදා ඉන්දීය අග්රාමාත්ය නරේන්ද්ර මෝදි මහතාගේ ප්රාධානත්වයෙන් එවැනි උත්සවයක් පැවති අතර එහිදී රාවණාට දුන්නෙන් විදීමට දුන්නක් සහ ඊතලයක් උත්සවයේ සංවිධායකයින් විසින් එතුමාට ලබා දී තිබුනා.
නමුත් ඊතලය විදීමට උත්සාහ කිරීමේදී ඉන්දීය අග්රාමාත්යවරයා අතින් දුන්නේ නූල කැඩී ගිය අතර මෙම සිදුවීම ඉන්දීය මාධ්ය ඇතුලුව ජාත්යන්තර මාධ්ය විසින්ද වාර්තාකොට තිබුනා.
‘ඩයනා කුමරිය’ ඇය ජනතාවගේ කුමරියයි. ඇය අසරණ මිනිසුන්ට ආලෝකයක් වූවාය. මුළුමහත් බ්රිතාන්ය ජනතාවම වාගේ ඇයට ආදරය කළහ. ඇයගේ සුන්දරත්වය මෙන්ම කාරුණික සුන්දර හදවතද මුළු ලෝකයේම සිත් වසඟ කරවන්නට සමත් විය. එහෙත් ඇයට ආදරය කරන මිනිසුන්ගෙන් ඇයව උදුරා ගන්නට තරම් ලෝකය සැහැසි විය. තරුණ වයසේදීම ඇගේ දිවිය ජීවිතය උදුරා ගන්නට තරම් ජීවිතය කුරිරු විය. ඇගේ මරණය පිළිබඳ පුවත සැලවුණු වහාම මුළු ලෝකයම ශෝකයෙන් ඇලලී ගියේය. ඇයගේ මරණයෙන් අවුරුදු විස්සකට පසුව අදටත් ඒ ශෝකී කැළල තවමත් මිනිසුන්ගේ හදවත් තුළ ඉතිරිව ඇත. ඇය මියගියේ පැපරාසීන් ඈ පසුපස හඹා ඒමේදී ඇතිවූ රිය අනතුරකිනි. ලෝකය දැන සිටියේ එලෙසය. පරීක්ෂණ කළ ලෝකයට පෙන්වා දුන් කාරණය ද එයය. එහෙත් එය එසේ නොවන බවට ද ඩයනා කුමරියගේ මරණය සැලසුම් සහගතව සිදු කළ ඝාතනයක් බවට ද වරින් වර සැක මතුවිය. අද වන විට එක් පුද්ගලයකු ඒ සැකය තහවුරු කරයි.
ඒ ඔහුගේ මරණ මංචකයේ සිට කරන අවසන් පාපොච්චාරණයෙනි.
ඔහුගේ නම ජෝන් හොප්කින්ස්ය. ජෝන් හොප්කින්ස් M15 හෙවත් එක්සත් රාජධානියේ ආරක්ෂක හා බුද්ධිඅංශ අනු ආයතනයේ තිස්අට වසරක් සේවය කර විශ්රාම ලැබූ නිලධාරියෙකි. මේ වන විට අසූ වැනි වියේ පසුවන ඔහුට ජීවත්වීමට ඉතිරිව ඇත්තේ තව සති කිහිපයකි. ලන්ඩන්හි රෝහලක ගිලන් ඇඳක වැතිරී තම ජීවිතයෙහි අවසන් දවස් කිහිපය ගෙවන ඔහු පසුගිය බදාදා ‘ඩයනා කුමරියව මැරූ අයුරු’ පාපොච්චාරණය කළේය. 1973 සිට 1999 දක්වා තමන් බ්රිතාන්ය බුද්ධි අංශය වෙනුවෙන් සේවය කළ කාලය තුළ බ්රිතාන්ය රජයේ නියමයෙන් බ්රිතාන්ය බුද්ධි අංශයේ රාජකාරි ලෙසින් මිනිස් ඝාතන විසි තුනක් සිදු කළ බවද ඩයනා කුමරියව ඝාතනය කිරීම ද එලෙසින් පැවරුණු එක් රාජකාරියක් බව ද ඔහු පැවසුවේය. මෙසේ ඝාතනයට ලක්වූ සියලුම දෙනා බ්රිතාන්යයේ ජාතික ආරක්ෂාවට තර්ජනයක් වූ පුද්ගලයන් ලෙසින් සැලකුණු නිසා ඔවුන්ව ඝාතනය කරන්නට තීරණය වුණු බව ද මෙකී පුද්ගලයන් ඝාතනය කිරීම සූක්ෂමව සැලසුම් කිරීම තමන්ට පැවරී තිබුණ බව ද ඔහු පැවසීය.
“මේ සියල්ල සිදුවුණේ ඉතා රහසිගතවයි. බ්රිතාන්ය රජය වෙනුවෙන් දේශපාලන ඝාතන කරන්නට පත් කර තිබු විශ්වාසවන්ත නිලධාරීන් හත්දෙනකුගෙන් යුතු රහසිගත කණ්ඩායමේ මමත් එක් සාමාජිකයෙක්. මෙසේ ඝාතනය කෙරුණු අය අතරින් බහුතරයක් දේශපාලනඥයන්, සමාජ ක්රියාකාරීන්, ජනමාධ්යවේදීන් හා වෘත්තීය සමිති නායකයන්..” හොප්කින්ස් විස්තර කළේය.
“මගේ සැලසුම් වලින් ඝාතනය කරපු අය අතරින් සුවිශේෂීම කෙනා තමයි ඩයනා කුමරිය.. මම කරපු ඝාතන අතරින් එකම කාන්තාව ඇයයි. එකම රාජකීයයාත් ඇයයි. රජ පවුල විසින්ම ‘ඉවත් කර දැමිය යුතුයි’ කියලා තීරණය කරපු රාජකීයයාත් ඇයයි. මම ඒ ඝාතනය සැලසුම් කළේ හරිම වරදකාරී හැඟීමෙන්. දෙගිඩියාවෙන්. ඩයනා කුමරිය කරුණාවන්ත හදවතක් ඇති සුන්දර කාන්තාවක්. එතරම් අඩු වයසකින් ඇගේ ජීවිතය පැහැරගැනීම අපරාධයක්. ඒත් ඇයගෙන් බ්රිතාන්ය රජ පවුලටත් කිරීටයටත් තර්ජනයක් එල්ල වෙලා තිබුණා.. ඒ නිසයි ඒ ඝාතනය කරන්න සිද්ද වුණේ..”
හොප්කින්ස් පාපොච්චාරණය කරන්නේ එසේය.
“ඩයනා කුමරිය ඕනෑවටත් වැඩියෙන් රජ පවුලේ රහස් දැනගෙන හිටියා. ඒ වගේම ඇය රජ පවුලත් සමඟ තිබූ අමනාපය නිසා ඒ රහස් මාධ්යයට එළිකරන්නටත් මාන බලමින් හිටියා. “ඇයව මරා දමන්න ඕනෑ” කියලා මගේ ප්රධානියා මට කිව්වා. මගේ ප්රධානියාට අණ ලැබිලා තිබුණේ පිලිප් කුමරුන්ගෙන්. ඒක සාමාන්ය රිය අනතුරක් ලෙස පෙනෙන ආකාරයට සිදු කරන්නට අපිට අණ ලැබිලා තිබුණා. මම ඊට කලින් රජ කුමරියක් තියා සාමාන්ය ගැහැනියක්වත් ඝාතනය කරලා නෑ.. කිසිම කාන්තාවක් ඝාතනය කරලා තිබුණේ නෑ.. එහෙත් මට ලැබුණු අණට කීකරු වෙන්නට මා බැඳී සිටියා. මට පැවරුණු රාජකාරිය මා ඉටු කළ යුතුමයි. මම එය කළේ මගේ රට සහ රැජන වෙනුවෙන්..”
ඊළඟට ඔහු හෙළිදරව් කළේ බ්රිතාන්ය රජයේ මාධ්ය මර්දනය පිළිබඳවය. බ්රිතාන්ය තුළ කිසිදු මාධ්ය නිදහසක් නැති බව ඔහු පවසා සිටියි.
“බ්රිතාන්ය මාධ්යවේදීන් හැම දෙනාම ඔවුන්ගේ මාධ්ය ආයතන ප්රධානීන්ට හා කර්තෘවරුන්ට පිළිතුරු දෙන්නට බැඳී සිටිනවා.. ඒ මාධ්ය ආයතන ප්රධානීන් සියලුදෙනා බකිංහැම් මාලිගයේ රජ පවුලේත් නයිට්වරු කිහිප දෙනකුගේත් පාලන බලයට යටත්. නිදහස් යෑයි කියන්නට පුළුවන් කිසිදු මාධයයක් බ්රිතාන්ය තුළ නැහැ.” හොප්කින්ස් එහිදී පැවසීය. මේ රාජකාරිය භාරගත්තේ ඇයිදැයි විමසූ විට ඔහු පැවසූයේ තමා රැකියාවේදී බ්රිතාන්ය කිරීටයට පක්ෂපාතී වන බවට දිවුරා ඇති බවත්, තමාට පැවරුණු රාජකාරිය නිසි ලෙස ඉටු නොකළහොත් මරණයටත් වඩා බියකරු දඬුවම් වලට මුහුණ දෙන්නට සිදුවන බවත්ය. මේ ඩයනා කුමරියගේ මරණය රජ පවුලෙන්ම සැලසුම් කළ ඝාතනයක් බවට කියෑවුණු පළමු අවස්ථාව නොවේ. ඩයනා කුමරිය මියයන්නට පළමු ඇයගේ අත් අකුරින්ම ලියා තිබුණු ලිපියකත් “රජ පවුල විසින් තමාව ඝාතනය කරන්නට සැලසුම් කරන බව” සඳහන් කොට තිබිණ.
“මා වැළදගෙන මාව දිරිමත් කරන්නටත්, නොබියව හිස ඔසවා හිදින්නට මගේ හිත හදන්නටත් කවුරුන් හෝ හිටියානම් කියා ඔක්තෝබර් මාසයේ දිනයක් වන අද මම මෙසේ මගේ ලියන මේසය අසල හිඳගෙන සිතමි. මේ ගෙවී යන්නේ මගේ ජීවිතයේ බියකරුම කාලපරිච්ඡේදයකි. මගේ මෝටර් රියෙහි තිරිංග බිඳදමා, මාව රිය අනතුරකට ලක්කොට, මගේ හිස බරපතළ තුවාලවලට ලක්කොට මා මරා දමන්නට මගේ සැමියා සැලසුම් කරමින් සිටී. ඔහු මාව මරාදමන්නට සැලසුම් කරන්නේ ඔහුගේ අනියම් භාර්යාව කැමිලා විවාහ කරගන්නට ඇති බාධාව මා බැවිනි….” ඩයනා කුමරියගේ ඒ ලිපියේ සඳහන් විය.
ඩයනා කුමරියගේ මෙම ලිපිය පසු කලකදී ඩයනා හිතවාදීන් විසින් අධිකරණයට ඉදිරිපත් කරන ලද මුත් ඒ පිළිබඳව රජ පවුලේ සම්බන්ධයක් තහවුරු කරගන්නට නීතිය අසමත් වූ බැවින් මේ පිළිබඳව ක්රියාමාර්ග ගැනුණේ නැත. වර්තමානයේ මේ විශ්රාමික බුද්ධි අංශ නිලධාරි ජෝන් හොප්කින්ස්ගේ පාපොච්චාරණය ද එම කතාව තහවුරු කරයි. එහෙත් ජෝන් හොප්කින්ස්ගේ කතාව ව්යාජ එකක් බව ද එය බ්රිතාන්ය රජ පවුලට එරෙහිව කරන කුමන්ත්රණයක් බව ද කියමින් මේ පුවත දැනටමත් වාරණය කෙරෙමින් පවතියි. එසේ පැවසුව ද ජෝන් හොප්කින්ස්ගේ පාපොච්චාරණයෙහි වීඩියෝ පටය තවමත් යූ ටියුබ් වෙබ් අඩවියෙහි සංසරණය වෙනු දැකිය හැකිය
[rns_reactions]
පෘතුවිය හා සමාන ජීවය හා ජලය පැවතිය හැකි තවත් ග්රහ ලෝක 10ක් සෞර ග්රහ මණ්ඩලය තුළ පිහිටා ඇති බව ඇමරිකාවේ ජාතික ගගනයාත්රා හා අභව්යාකාශ පරිපාලන මධ්යස්ථානය (NASA) නිවේදනය කරයි.
නාසා ආයතනය විසින් ඊයේ (19) පැවැත්වූ ප්රවෘත්ති සාකච්ඡාවකදී මේ බව නිවේදනය කර ඇත.
කෙප්ලර් අභව්යාකාශ දුරේක්ෂය භාවිතා කරන තාරකා විද්යාඥයන් පිරිසක් අපගේ සෞරග්රහ මණ්ඩලයේ පවතින නව ග්රහලෝක 219ක් හඳුනාගෙන ඇති අතර එයින් 10ක් වාසයට සුදුසු විය හැකි බවට අනුමාන කරන බව නාසා ආයතනය සඳහන් කරයි.
සෞරග්රහ මණ්ඩලයේ ජන විකාශය සහ එහි පවතින ග්රහලෝක සොයා බැලීම සඳහා මෙම කෙප්ලර් දුරේක්ෂය 2009 වසරේදී කක්ෂගත කර ඇති අතර පෘතුවි අභව්යාකාශයේ සිට ආලෝක වර්ෂ 100-200 අතර කලාපයේ පිහිටා ඇති සියළුම ග්රහලෝක මේවන විට හඳුනාගෙන අවසන් බවද නාසා ආයතනය නිකුත් කළ එම නිවේදනයේ සඳහන් වේ.
නාසා ආයතනය ඊයේ (19) පැවැත්වූ මෙම ප්රවෘත්ති සාකච්ඡාවට සහභාගි වුණු කෙප්ලර් වැඩසටහනේ විද්යාඥ මාරියෝ පෙරෙස් මහත්මිය “පෙනෙන හැටියට අපි තනිවම නොවෙයි” යනුවෙන් පැවසීය.
පෘතුවිය හා සමාන තවත් ග්රහලෝක 10ක් සෞරග්රහ මණ්ඩලය තුළ නියත වශයෙන්ම පිහිටා ඇති බව මෙම ප්රවෘත්ති සාකච්ඡාවට එක් වුණු කෙප්ලර් පර්යේෂක විද්යාඥ සූසන් තොම්සන් මහත්මිය සඳහන් කරයි.
[rns_reactions]
“ලෝකය උඩු යටිකුරු වන කලට මිනීමරුවා අහිංසකයෙකු වී අහිංසකයා ත්රස්තවාදියෙකු වෙයි. ආගම වෙනුවෙන් දිවි පිදූ වීරයන්ගේ ලේ වියළී යන විට සයිෆ් අල් ඉස්ලාම් නිදහස් මිනිසෙකු බවට පත්වෙයි.”
මේ සටහන සයිෆ් අල් ඉස්ලාම් එසේත් නැතිනම් කර්නල් මුවම්මර් ගඩාෆිගේ පුතු සිරෙන් නිදහස් වීම ගැන කිසිවෙකු විසින් තැබූ ට්විටර් සටහනකි.
සයිෆ් අල් ඉස්ලාම් ගඩාෆි, කර්නල් මුවම්මර් ගඩාෆිගේ දෙවැනි පුතු වෙයි. මුවම්මර් ගඩාෆිගේ දරුවන් අටදෙනා අතුරෙන් ගඩාෆිගේ උරුමකරු ලෙසින් නම් ලද පුත්රයා ඔහුය. පසුගිය සය වසර තිස්සේ සින්ටෑන් නගරයේ හමුදා අත්අඩංගුවේ සිරභාරයේ උන් ඔහු “රාමදාන් මාසයේ දාහතර වැනි දිනය” නිමිත්තෙන් පසුගිය සිකුරාදා නිදහස් කළ බව අබු බකර් අල් සිද්ධික් බලකාය විසින් නිවේදනය කොට ඇත.
ප්රසිද්ධියේ ජනතාව ඉදිරියට නොආවද, ඔහු නිදහස ලැබූ බව ඔහුගේ නීතිඥයා වූ ඛලීල් අල් සයිදි විසින්ද තහවුරු කොට ඇත.
ආරක්ෂක හේතූන් මත සයිෆ් අල් ඉස්ලාම් ගඩාෆි මේ වන විට සිටින්නේ කුමන නගරයේ දැයි යන්න සඳහන් කොට නැති නමුත් මේ වන විට ඔහු නැගෙනහිර ලිබියාවේ ටෝබුක් නගරයේ තම ඥාතීන් සමග සිටින බවත්, නුදුරේදීම ලිබියානු ජනතාව ඇමතීමට බලාපොරොත්තුවෙන් සිටින බවත් සඳහන් වෙයි.
1972 වසරේදී ලිබියාවේදී උපන් සයිෆ් අල් ඉස්ලාම් ගඩාෆි, කර්නල් මුවම්මර් ගඩාෆිගේ දෙවැනි පුත්රයා වෙයි. ලන්ඩනයේ ආර්ථික විද්යා පාසලෙන් 2008 වසරේදී ආර්ථීක විද්යාව පිළිsබඳ දර්ශනපති උපාධිය ලැබූ ඔහු කර්නල් මුවම්මර් ගඩාෆිගේ උරුමක්කාරයා ලෙස හැඳින්විණ. මුවම්මර් ගඩාෆි රජයට පක්ෂ මිනිසුන් විසින් සයිෆ් අල් ඉස්ලාම් ගඩාෆි හැඳින්වූයේ “ලිබියාවේ බලාපොරොත්තුව” ලෙසිනි. 2011 වසරේ මුල් භාගයේදී ගඩාෆිගේ රජයට එරෙහි කැරලි ගැසීම් ඇරඹුණු පසුව 2011 වසරේ ජුනි මාසයේදී ජාත්යන්තර අපරාධ අධිකරණය විසින් සයිෆ් අල් ඉස්ලාම්ට එරෙහිව යුද අපරාධ චෝදනා යටතේ වරෙන්තු නිකුත් කරන ලදී.
2011 අප්රේල් මාසයේදී රාජ්ය විරෝධී කැරලිකරුවන් විසින් ටි්රsපොලි නගරය යටත් කරගත් පසුව සයිෆ් අල් ඉස්ලාම් ටි්රපොලි නගරයෙන් බානි වාල්ඩ් වෙත පලා ගියේය.
2011 ඔක්තෝබර් මාසයේදී සයිෆ් අල් ඉස්ලාම්ගේ පියා මුවම්මර් ගඩාෆි හා සයිෆ්ගේ සොහොයුරු කැරලිකරුවන් විසින් මරාදමන ලද අතර ඉන් පසු නයිජීරියාවට පලා යමින් සිටි සයිෆ් අල් ඉස්ලාම්ව නොවැම්බර් 19 වැනි දින හමුදාවන් විසින් අත්අඩංගුවට ගෙන සිරගත කරන ලදී.
එයින් සිවු වසරකට පසුව කර්නල් මුවම්මර් ගඩාෆිගේ සමීපතමයන් තිස් දෙනෙකුගේද සාක්ෂි ඇතිව ටි්රපොලි අධිකරණය හමුවට ගෙන එන ලද සයිෆ් අල් ඉස්ලාම්ට මරණ දණ්ඩනය නියම කෙරිණ.
අවසානයේදී මෙසේ ඔහු නිදහස් කරනු ලබන්නේ ලිබියාවේ තරගකාරී රජයන් දෙකෙන් එකකින් ලත් පොදු සමාවක් හේතුවෙන් යෑයි කියවෙයි.
සයිෆ් අල් ඉස්ලාම්ව නිදහස් කිරීම ගැන ලිබියාවේ ඇතැම් පාර්ශවයන් අප්රසාදය පළ කරන නමුත් ගඩාෆි රජයට පක්ෂපාතව උන් බොහෝදෙනා මේ සිදුවීම සතුටින් සමරන බවද සමාජ ජාලා මාධ්ය මගින් දැකගත හැකිය.
[rns_reactions]
මෙරටට ආයෝජනය කිරීම සදහා පැමිණ දෙවතාවක් අපේ රටේ වංචාකාරයන්ට හසුවූ ඕස්ටි්රයානු ජාතික කාන්තාවක් ගැන අපි ඉකුත් සතියක සටහන් කළෙමු. ඇය වංචාකරුවන්ට හසුවීම නිසා ඇයට ඇගේ සැමියා අහිමි විය. ඒ විතරක් නොව ඇයට සිදුවූ පාඩුව කෝටි ගණනකි. ඇය ඉතා අසරණ තත්ත්වයට පත්ව සිටියදී ඇයට අයත් හෝටලයේ භුක්තිය අධිකරණය හරහා ලබාදීමට නීතිඥ තුෂාර ද සිල්වා මහතා කටයුතු කළේය. මෙම කාන්තාව රෝස්මරිය. ඇයව බලහත්කාරයෙන් විවාහ කරගත් පෙම්වතා රෝසමරිගේ ව්යාපාරික ස්ථානය බලහත්කාරයෙන් අල්ලාගෙන තිබිණි.
ඇත්තටම මෙම විදේශීය කාන්තාව මට හමුවෙන විට කන්න බොන්න පවා නැතිව අසරණ තත්ත්වයට පත්වෙලා හිටියේ. විසා දිර්ඝ කරගන්න පවා මෙම කාන්තාවට මුදල් තිබුණේ නැහැ. පසුව ඇයට අධිකරණය මගින් යම්කිසි සහනයක් ලබා දෙන්න මා කටයුතු කළා. හෝටලයේ භුක්තිය ලබාදුන්නා .පස්සේ ඇය ව්යාපාර කටයුතු කරගෙන ගිහින් යම් ආදායමක් ලබා ගත්තා යෑයි නීතිඥ තුෂාර ද සිල්වා කීවේය. එහෙත් අප මේ කියන්නට යන්නේ රෝස්මරි තුන්වැනි වතාවටත් වංචාකරුවන් පිරිසකට හසුවූ කථාන්දරයයි. මෙවර ඇය හසුවූයේ එසේ මෙසේ පිරිසකට නොව ප්රබල දේශපාලනඥයකුගේ ගෝලබාලයන් පිරිසකටය.
නීතිඥ තුෂාර ද සිල්වා මහතා විසින් අධිකරණය මගින් ඇයට යම් සහනයක් ලබා දුන්නද ඇය ගැටලු රැසකට මුහුණ දී සිටියාය. ඇයව බලහත්කාරයෙන් විවාහකරගත් පුද්ගලයා නිසා රෝස්මරි දැඩි පීඩනයට ලක්ව සිටියාය. මේ අතරතුරේ රෝස්මරිට මෙරට ප්රබලතම දේශපාලනඥයකුගේ හිතවතෙකු අහම්බෙන් මුණගැසුණේය. ඔහු තම බලපුළුවන්කාරකම් ගැන රෝස්මරි සමග මහත් ආඩම්බරයෙන් කීවේය. අනේ මට උදව් කරන්න, මම ඉතා අසරණවෙලා ඉන්නේ. මෙරට ව්යාපාර පටන් ගන්න ඇවිත් කෝටි ගණනක මුදලක් නැතිවුණා. මාව රවට්ටලා කසාද සහතිකයක්ද ලියාගෙන තියෙනවා. ඇය කියාගෙන ගියාය.
කිසිදෙයකට භය වෙන්න එපා. මම ඇසුරු කරන්නේ ප්රබල දේශපාලනඥයෙක්. ඔහුට කරන්න බැරිදෙයක් නැහැ. දේශපාලන බලය යොදාගෙන මට ඕන දෙයක් කරන්න පුළුවන් දේශපාලනඥයාගේ හිතවතා තම දේශපාලන බලපරාක්රමය ගැන මහත් උජාරුවෙන් රෝස්මරිට කිවේය. එක්දිනක් මෙම පුද්ගලයා තවත් පිරිසක් සමග රෝසමරි හමුවීමට පැමිණියේ සුඛෝපභෝගි රථ පෙළකිනි. තමන්ට දේශපාලන බලය තිබෙන බව මෙම පිරිස රෝස්මරිට පෙන්වීය.
ටික දිනකින් රෝස්මරි දේශපාලනඥයාගේ ගෝල බාලයන්ගේ සමීප හිතවතියක් බවට පත්ව සිටියාය. ඇයට අවශ්ය වුයේ දේශපාලනඥයන්ගේ ගෝලබාලයන් යොදාගෙන තම ප්රශ්න විසඳා ගැනීමටය. දියේ ගිලෙන්න යන මිනිහා පිදුරුගහෙත් එල්ලෙන බවට කියමනක් අපේ ජනවහරේ ඇත්තේය. රෝස්මරි ද ඒ තත්ත්වයට පත්ව සිටියාය. එක් දිනක් රෝස්මරි නීතිඥ තුෂාර ද සිල්වා හමුවිමට පැමිණියාය. හෝටලය සම්බන්ධව තියෙන ලිපි ලේඛන ඇතුළත් ලිපිගොනුව මට දෙන්න ඒක අපේ තානාපති කාර්යාලයට අවශ්ය වේලා තියෙනවා රෝස්මරි තුෂාරට කිවාය. රෝස්මරිට අවශ්ය වූයේ නීතිඥ තුෂාර ද සිල්වා මහතාගෙන්ද ඈත්වී දේශපාලනඥයාගේ හිතවතුන් සමග සම්බන්ධ වීමටය.
අපි හදපු ලියවිලි ඇතුළු සියලු දේ තියෙන්නේ මේ ලිපිගොනුවේ ඔයා මේ අරගෙන යන එකට නම් මා කැමති නැහැ. ඔයාටත් හරි හැටි ආරක්ෂාවක් නැතිව ඔයා කොහොමද මේ ලිපි ගොනුව ආරක්ෂා කරගන්නේ මම හිතන්නේ මේ ලිපිගෙනුව මගේ භාරයේ මගේ කාර්යාලයේ තිබෙන එක වඩා හොඳයි කියලා. තුෂාර ද සිල්වා රෝස්මරිට කිවේය.
අනේ ටික දවසකට තමයි මේ ලිපිගොනුව අරගෙන යන්නේ මේ ගැන පරික්ෂා කරලා මම ඔයාට නැවත මේ ලිපිගොනුව ගෙනවිත් දෙන්නම් රෝස්මරි තුෂාර ද සිල්වාට කිවාය. ඔයා දෙවතාවක් වංචාකාරයින්ට රැවටිලා ඉන්නේ. කල්පනා කරලා බලා සුදුසු දෙයක් කරන්න තුෂාර කිවේය. රෝස්මරි තුෂාර භාරයේ තිබු ලිපිගොනුව රැගෙන ගියාය. ඉන්පසු රෝස්මරි තුෂාර සමග තිබූ සම්බන්ධකම් නතර කර දැමුවාය. ඇය දේශපාලඥයාගේ ගෝලබාලයන් මහ ඉහළින් පිළිගත්තාය. දේශපාලන බලපරාක්රමය පෙන්වමින් රෝස්මරිගේ විශ්වාසය දිනා ගැනීමට මෙම ගෝලබාලයන් සමත්ව සිටියහ. රෝස්මරි හෝටලය ගැනද මොවුන් සමග කථාබස් කළාය.
හරි හෝටලයේ තියෙන සියලු ප්රශ්න අපි නිරාකරණය කරලා දෙන්නම්. එලවන්න ඕන කෙනෙක් ඉන්නවානම් එකත් කරලා දෙන්නම් කාගෙන්ද කරදර කියලා අපට කියන්න දේශපාලනඥයින්ගේ හිතවතුන් රෝස්මරිට කීහ. “හොර ඔප්පුවක් හදාගෙන මාව බලහත්කාරයෙන් විවාහකරගත් පුද්ගලයා විවාහ සහතිකය හා හොර ඔප්පුව ඉදිරිපත් කරලා හෝටලය අයිති කරගන්න හදන්නේ. මට මේ ප්රශ්නය නිරාකරණය කරලා දෙන්න” රෝස්මරි කිවාය.
ඕක සුළු දෙයක් පොඩි ප්රශ්නයක් තියෙනවා අපට මේ ස්ථානයට ඇතුල්වෙන්න ඔයාගේ පොඩි අවසරයක් ඕන එක ලියවිල්ලකින් අපට දෙන්න දේශපාලනඥයාගේ හිතවතුන් කිහ. එක කිසි ප්රශ්නයක් නැහැ. ඔයාලා වගේ පිරිසක් ඉන්න එක මටත් හයියක් මගේ නීතිඥවරයෙක් ඉන්නවා. ඔහු හමුවේලා මේ වැඩකටයුතු කරමු රෝස්මරි දේශපාලනඥයාගේ හිතවතුන්ට කීවාය. නැහැ එක හරියන්නේ නැහැ. කොළඹ ඉන්නවා අපේ හිතවත් නීතිඥවරයෙක්. ඔයා එන්න කොළඹ යන්න අපි මේ විදියට කරමු අවුරුදු තුනකට බදු ඔප්පුවක් ලියලා දෙන්න. ඔයාට හෝටලයේ සන්තකයත් අරන් දෙන්නම් බිස්නස් එකත් හදලා ඔයාට මුදලකුත් දීලා අවුරුදු තුනකින් පසු නැවත ඔයාට හෝටලය භාර දෙනවා දේශපාලනඥයාගේ හිතවතුන් රෝස්මරිට කිහ.
දේශපාලනඥයින්ගේ හිතවතුන් සැලසුම් කළේ රෝස්මරිට අයත් මෙම හෝටලය උපක්රමශීලී ලෙස අත්පත් කරගැනීමටය. රෝස්මරිගේ උපක්රමය වූයේ දැනට මෙකී හෝටලය අයිතිකර ගැනීමට වලිකන තම ප්රේමවන්තයා මොවුන් හරහා එලවා දැමීමටය. ඒ අනුව රෝසමරි කිසිදු චකිතයකින් තොරව වසර තුනකට දේශපාලනඥයන්ගේ ගෝලබාලයන්ට හෝටලය බදු දුන්නේය. හෝටලය බදු දුන්නද ඇය හෝටලයේ එක් කාමරයක නතර වී සිටියාය. මේ අතර දේශපාලනඥයාගේ හිතවතුන් තම දේශපාලන බලය පමණක් නොව පොලිසියේ ද සහයෝගය ලබාගෙන මෙකී හෝටයේ අයිතිකරගැනීමට වලිකන රෝස්මරිගේ ප්රේමවන්තයා එලවා දමනු ලැබිය. පසවු දේශපාලනඥයාගේ හිතවතුන් හෝටලය සිය භාරයට ගෙන එහි අලුත්වැඩියා කටයුතු කරනු ලැබීය.
හෝටලයේ අලුත්වැඩියා කටයුතු කරනු ලැබුවේ මහා පරිමාණයෙනි. අවුරුදු තුනකට තමයි බදු දුන්නේ ඇයි මේ අය හෝටලය සම්පූර්ණයෙන් වෙනස් කරලා අලුත්වැඩියා කරන්නේ රෝස්මරිට මේ ගැන සැකයක්ද ඇති වූවාය. ඕ මේ ගැන දේශපාලනඥයින්ගේ හිතවතුන්ගෙන් ඇසුවාය. නමුත් රෝස්මරිට ඒ ගැන හරිහැටි පිළිතුරක් ලබා දුන්නේ නැත.
ඔයා මේ හෝටලයේ ඉන්න එකත් අපට කරදරයක් ඔයාගේ ප්රේමවන්තයා ඇවිත් ප්රශ්න ඇති කරන්න පුළුවන් ඔයා මරණ බවත් කියලා තියෙනවා. ඒ නිසා හෝටලයෙන් ඉවත්වෙලා වෙනත් තැනකට ගියොත් තමයි හොඳ. දේශපාලනඥයාගේ ගෝලබාලයින් රෝස්මරිට කීහ. මොවුන්ගේ කීම විශ්වාස කළ රෝස්මරි වෙනත් ස්ථානයකට ගියාය. එහෙත් ඇය වරින්වර හෝටලයට පැමිණ එහි කටයුතු පරීක්ෂා කළාය. නමුත් රෝස්මරිට හෝටලයට එන්නට ලැබුණේ ටික දිනකි. ඔයා මේ පැත්ත පළාතක එන්න එපා. මේ හෝටලය අයිති අපට දේශපාලනඥයාගේ හිතවතුන් රෝස්මරිට තර්ජනය කොට ඇයට හෝටලයට එන්නට ඉඩ ලබා දුන්නේ නැත. රෝස්මරිට සිදුවුයේ ගහෙන් වැටුණු මිනිහාට ගොනා ඇන්නා වගේ වැඩකි.
මේ අයගේ දේශපාලන බලය කෙතරම්ද යත් රෝස්මරි විසින් දමනු ලබන පැමිණිලි පොලිසිය භාරගත්තේ නැත. ඇය පොලිසියට පැමිණි විට පොලිස් නිලධාරීන් විසින් ඇය එළවා දමනු ලැබිය. නමුත් දේශපාලනඥයාගේ හිතවතුන්ට පොලිස් ආරක්ෂාව පවා ලබාදීමට පොලිසිය කටයුතු කළේය. පසුව රෝස්මරි විසින් බදු ඔප්පුව ලියනු ලැබු නිතිඥවරයා හමුවුවාය. ඇය ලිපි ලේඛන පරික්ෂා කිරීමේ දි අනාවරණය වුයේ අවුරුදු තුන වෙනුවට බිංදුවක් දමා බදු ඔප්පුව වසර තිහකට ලියාගෙන ඇති බවය. රෝස්මරිට වූයේ ඉඟුරු දී මිරිස් ගත්තා වගේ වැඩකි.
ඇය තමන්ට හැමවිටම පිහිට වූ නීතිඥවරයා වන තුෂාර ද සිල්වා හමුවීමට පැමිණියේ හඬාගෙනය. තුෂාර ද සිල්වා හමුවීමට පැමිණෙන විට ඇය මානසික වශයෙන් දැඩි ලෙස වැටී සිටියාය. සිරුර වැහැරි තිබුණාය.
“මට බැහැ මේකට ඉදිරිපත්වෙන්න. උඹ මාවත් රවට්ටලා නේ ලිපිගොනුව අරගෙන ගියේ. වැඩේ අනාගත්ත නම් කරන්න දෙයක් නැහැ” නීතිඥ තුෂාර ද සිල්වා කීවේය. මේ සඳහා ඉදිරිපත්වන ලෙස රෝස්මරි තුෂාර ද සිල්වාගෙන් බැගෑපත් ලෙස ඉල්ලා සිටියාය. ඒ අනුව නීතිඥ තුෂාර ද සිල්වා දේශපාලනඥයින්ගේ හිතවතුන්ට එරෙහිව අධිකරණයේ නඩුවක් පවරා ඇයට හෝටලයේ සන්තකය යළි අත්පත් කරදීමට කටයුතු කළේය. ආණ්ඩු වෙනසත් එක්ක දේශපාලනඥයින්ගේ හිතවතුන්ගේ බලයත් බිඳුණා. ඒ නිසා සාමාන්ය රටේ නීතිය යටතේ නඩුවක් පවරලා දේශපාලනඥයින්ගේ හිතවතුන් අධිකරණ බලය යටතේ හෝටලයෙන් අයින් කිරීමට හැකිවුණා. නමුත් මෙම කාන්තාවට තම දේපළ ආරක්ෂා කරගැනීම සදහා දැන් නඩු දෙකකට පෙනී ඉන්න සිදුවෙලා තියෙනවා. මේ වන විට ඇය රුසියානු ජාතිකයකු සමග හවුලේ හෝටලය කරගෙන යනවා. නීතිඥ තුෂාර ද සිල්වා කීවේය.
[rns_reactions]
මහා ලොකු කතා කියාගෙන ඇවිල්ලා ජනාධිපති තනතුරට පත් වුණාට මේ වෙද්දී ඇමෙරිකානු ජනපතිවරයා මිනිස්සුන්ගෙ උපහාසයට ලක් වෙන චරිතයක් බවට පත් වෙන්න පටන් අරගෙන. පහළ පිංතූරයේ තියෙන්නේ මෙක්සිකෝවෙ නිෂ්පාදනය වුණු, උණු කැවුම් වගේ විකිණෙන ටොයිලට් පේපර්ස් වර්ගයක්. ඒකෙ නම ට්රම්ප්. ඒ විතරක් නෙවෙයි ඔවුන්ගේ සන්නාම ලාංඡනය විදියට යොදා ගෙන තියෙන මුහුණේ රූපයක් බොහෝ දුරට ඩොනල්ඞ් ට්රම්ප්ට සමානයි.
මෙක්සිකෝව සහ ඇමෙරිකාව වෙන් කරලා තාප්පයක් බඳින්න පියවර ගත්තු ඩොනල්ඞ් ට්රම්ප් වෙනුවෙන් මෙක්සිකන් ජනතාව විරෝධය පළ කරන්නේ මේ කියන ට්රම්ප් ටොයිලට් පේපර්ස් වැඩි වැඩියෙන් පාවිච්චි කිරීමෙන්ලූ. බටහිර ජනතාව ටොයිලට් පේපර්ස් පාවිච්චි කරන්නේ මොනවා පිහිදාන්න ද කියලා ඉතින් අමුතුවෙන් කියන්න ඕනේ නැහැනේ.
[rns_reactions]
රුසියාවට සහ ඉරානයට සම්බාධක පැනවීම සඳහා ඇමෙරිකා සෙනට් සභාව නව යෝජනාවක් සම්මත කරගෙන තිබේ. ඇමෙරිකා ජනාධිපති ඩොනල්ඞ් ට්රම්ප් රුසියාවට දැනට පනවා තිබෙන සම්බාධක ලිහිල් කිරීමට පෙර යෝජනාව සම්මත කරගැනීමට සෙනට් සභාව කටයුතු කර ඇතැයි වාර්තා විය.
මෙම තීරණයත් සමඟ ඇමෙරිකාවේ වත්මන් ජනාධිපතිවරයා රුසියාව සමඟ සමීප සබඳතා පැවැත්වීමට දරන උත්සාහයට බාධා එල්ල වනු ඇතැයි පැවසේ. රුසියාවට සහ ඉරානයට සම්බාධක පැනවීම සඳහා පැවැති ඡන්ද විමසීමේදී ඊට පක්ෂ ඡන්ද 98ක් ලැබී ඇති අතර විපක්ෂව ලැබී ඇත්තේ ඡන්ද 2ක් පමණි. විපක්ෂව ඡන්දය ලබා දී තිබෙන්නේ රිපබ්ලිකන් පක්ෂ සෙනට් සභික රෑන්ඞ් පෝල් සහ ඩිමොක්රටික් පක්ෂය සමඟ කටයුතු කරන බර්නි සැන්ඩර්ස් පමණි.
පසුගිය වසරේ පැවැති ඇමෙරිකා ජනාධිපතිවරණයට රුසියාවේ මැදිහත්වීම, යුක්රේනයේ ක්රිමියා අර්ධද්වීපය බලෙන් අත්පත් කරගැනීම සහ වසර හයක් තිස්සේ පවතින සිරියානු සිවිල් යුද්ධයේදී සිරියානු ආණ්ඩුවට සහාය දීම යන කරුණුවලට චෝදනා කරමින් ඇමෙරිකාව මෙලෙස රුසියාවට සම්බාධක පැනවීමට තීරණය කර තිබේ
[rns_reactions]
තිස් හැවිරිදි බොලිවුඩ් නිළියක වන ක්රිතිකා චෞඩ්ද්රීගේ මළසිරුර හමු වී තිබේ.
සුබුර්බන් අන්දීරිඓහි ඇගේ නිවසේදී මෙසේ ඇයගේ මළසිරුර 12 හමු වූ බව පොලිසිය පැවසීය.
ඝාතනයක් වශයෙන් පොලීසිය මෙම මරණය සැක කරන බව ඒ සම්බන්ධයෙන් පරීක්ෂණ පවත්වන නිලධාරියකු ඉන්දීය මාධ්ය වෙත පවසා ඇත. මෘත ශරීරය පශ්චාත් මරණ පරීක්ෂණය සඳහා යොමු කර තිබේ.
ක්රිතිකා චෞද්රිගේ නිවස දෙසින් දුර්ගන්ධයක් එන බවට අසල්වාසීන්ගෙන් ආ පැමිණිලි අනුව මළ සිරුර සොයා ගෙන ඇත.
අන්දීරෛ බටහිර බංගලා හතරකින් සමන්විත භෛරවනාත් නිවාස පෙළෙහි පදිංචිකාරියක වී සිට ඇත.
නිවසේ දොර කඩා එහි පොලිසිය ඇතුළු වුවද ගෙවුණු දින තුනක් හෝ හතරක කාලයක් තුළදී නිවස අඟුළු ලා තිබුණේ පිටතින් බවද හඳුනා ගෙන ඇතැයි වාර්තා වේ.
දිරාපත් වෙමින් තිබූ ක්රිතිකාගේ මළසිරුර පසුව රංගන ශිල්පිනියගේම බව හඳුනාගෙන ඇත.
අම්බෝලි පොලිසිය පවසන්නේ තවමත් මිනීමරුවා හඳුනාගෙන නොමැති බව ය.
ක්රිතිකා චෞද්රි, හරිද්වාර්හි සිට පැමිණ රංගන වෘත්තීයේ නිරත වූ අතර මෑතකදී කන්ගනා රනෝත් සමග රඟපෑ ‘රජ්ජෝ’ ඇගේ රසික ප්රතිචාර වැඩියෙන් ලබා ගත් නිර්මාණය වේ.