එංගලන්තයේ යෝක්ෂර් ප්රාන්තයේ ගොඩනැගිල්ලක් ආශ්රිත කැණීම් භූමියකින් අශ්වයින් දෙදෙනෙකුගේ ඇටසැකිලි සමග අශ්ව රියක නටබුන් සොයාගැනීමට බ්රිතාන්ය විද්යාඥයන් පිරිසික් සමත්වී තිබේ.
මෙය වසර 2500ක් පමණ පැරණි අැතැයි පුරා විද්යාඥයෝ පවසන අතර එමෙන්ම මෙම විශ්මිත සොයාගැනීම මගින් යකඩ යුගය පිළිබඳ වැදගත් තොරතුරු රැසක් සොයාගැනිමට ඉවහල් වනු ඇති බවත් ඔවුන් පවසා තිබේ.
ඔබ මේ දකින්නේ මේ නේපාලයේ පාරම්පරික මී වද දඩයම්කරුවන්ගේ විශ්මිත ඡායාරූප එකතුවක් වන අතර ඔවුන් සෑම වසරකම දෙවතාවක් නේපාල කඳු ආශ්රීත ප්රදේශ වෙත ගොස් මී වද කඩති.
ඔවුන් මේ සඳහා භාවිත කරන්නේ සිය ආදි මුතු මිත්තන් මී වද කැඩීම සඳහා භාවිත කළ, අතින් වියන ලද ලණු ඉනිමං,දිගු උණ බට වැනි මෙවලම් වන අතර අඩි සිය ගණනක් ඉහළ ලණු ඉනිමගක එල්ලී, කඩන මී වදය යටින් විශාල කූඩයක් එල්ලා, දිගු උණ බටයකින් මීවද කඩන අයුරු සැබැවින්ම ඉතා ත්රාසජනක ක්රියාවක් බව මේ ඡායාරූප නරඹන ඔබට පැහැදිලි වනු ඇත.
නේපාලයේ වෙසෙන හිමලයානු මී මැස්සා ලොව විශාලතම මී මැස්සා බවද කියැවෙයි.ට ඔවුන් ප්රමාණයෙන් සෙන්ටි මීටර 3ක් පමණ විශාලය.
ඉන්දියාවේ, පචේයිද්රම් රාමනගර්හි, කොවායි වනසංරක්ෂණ ප්රදේශයේ දී කොස් ගසකින් ඉදුණු ගෙඩි කැඩීමට යාමේදී ඉදිරි පාදය ගස් දෙබලක සිරවීමෙන් සිදුවුණු අනතුරකින් ඉතා අවාසනාවන්ත ලෙස දළ ඇතෙකු මියගිය ගොස් තිබේ.
ආසියාවේ වැඩිම වන අලි ගහණයකට හිමිකම් කියන ඉන්දියාවේ වනගත දළ ඇතුන් ඉතා සුලබ අතර කේරළ ප්රදේශයේ පමණක් වන අලි ගහණය 6,000කට ආසන්න වේ.
ජර්මනියේ බර්ලින් කෞතුකාගාරයේ ප්රදර්ශනයට තබා තිබු ඇමෙරිකානු ඩොලර් මිලියන 4ක් වටිනා, එලිසබත් රැජිනගේ උඩුකය රුව සහිත දඹ රන් කාසියක් සොරුන් කල්ලියක් සොරකම් කොට ඇතැයි විදෙස් මාධ්ය වාර්තා කරයි.
කැනඩාවේ නිෂ්පාදිත මෙම කාසියෙහි මුද්රණය කර ඇති අගය ඩොලර් මිලියන 1ක් නමුත්, කිලෝ ග්රෑම් 100ක් බර කැරට් 24 සුපිරිසිදු රනින් තනා ඇති නිසා එය සත්ය වශයෙන්ම එම අගයට වඩා බෙහෙවින් වටිනා බව සඳහන් වෙයි.
මෙම සොරකම 27දා අළුයම 3.30ට පමණ සිදුවී ඇති නමුත් සොරුන් විසින් ස්වයංක්රිය අනතුරු ඇඟවීම් පද්ධතිය අක්රිය කළ ආකාරය හෝ මීටර් බාගයක් පමණ දිගු කාසිය කෞතුකාගාරයෙන් පිටතට රැගෙන ගිය ආකාරය පිළිබඳව නිසි පැහැදිලිකිරීමක් මෙතෙක් සිදුකොට නොමැත.
කාසිය තනි පුද්ගලයෙකුට එසවිය නොහැකි තරම් බරකින් යුක්ත වන අතර එරට පොලිසිය පවසන පරිදි සොරුන් ජනේලයකින් කෞතුකාගාරයට ඇතුළුවන්නට ඇත. ඒ සඳහා යොදාගත් ඉනිමග අසල පිහිටි දුම්රිය මාර්ගයක තිබී සොයාගෙන ඇත.
ප්රදේශයේ පොලිස් ස්ථානාධිපතිවරයා ජාත්යන්තර මාධ්ය වෙත කියා සිටියේ කාසිය වෙඩි නොවදින වීදුරුවකින් ආවරණය කර තිබු බව පමණකි. එම අවස්ථාවේ කෞතුකාගාරයේ සේවයේ නියුතු ආරක්ෂක නිළධාරීන් සහ අනතුරු ඇඟවීමේ පද්ධතිය පිලිබඳ අදහස් දැක්වීම ඔහු විසින් තරයේ ප්රතික්ෂේප කර තිබේ.
මංකොල්ලකෑ කාසිය “big maple leaf” යන නමින් හඳුන්වනු ලබන අතර සෙන්ටිමීටර් 3ක ගනකමකින් සහ සෙන්ටිමීටර් 53ක විශ්කම්භයකින් යුතු වේ. එහි එක් පසෙක කැනේඩියානු ජනපදයේ ප්රධානියා වූ දෙවන එලිසබත් රැජිනගේ රුව සහ අනෙක් පස කැනඩාවේ ජාතික සංකේතය වන මේපල් කොලය මුද්රණය කර තිබේ.
කෞතුකාගාරයේ කාසිය තබා තිබු කොටස තුල තවත් 540,000ක් පමණ කෞතුක භාණ්ඩ ප්රදර්ශනයට තබා තිබු නමුත් සොරුන් විසින් පැහැරගෙන ගොස් ඇත්තේ එම කාසිය පමණක් වීම විමතියට කරුණකි.
පිඹුරෙකුගේ උදරයකින් මිය ගිය පුද්ගලයෙකුගේ මළ සිරුරක් හමුවූ පුවතක් ඉන්දුනීසියාවෙන් වාර්තාවෙයි. 25 හැවිරිදි අක්බාර් සලුබිරෝ අතුරුදන් වී තිබුනේ පසුගිය ඉරිදා දිනයේදීය.අතුරුදන් වෙද්දී ඔහු සිට ඇත්තේ සුලාවේසි නම් දූපතේ දුෂ්කර ගමකය.
කෙසේ වෙතත් ඔහු ගැන කිසිදු තොරතුරක් නොමැති කළ සිදුකල සොයාබැලීමේදී ,ඔහුගේ මිතුරන් හා ගම්වැසියන් මෙම පිඹුරා ඔහුගේ වත්තේ සිටියදී සොයාගෙන ඇති අතර අනතුරුව ඔවුන්ට මතුවූ සැකයක් මත පිඹුරාගේ බඩ කපා බැලීමේදී අක්බාර්ගේ මියගිය සිරුර දැකගැනීමට ලැබී ඇත.
මෙම පිඹුරා මීටර් 7ක් පමණ දිග යැයි විදෙස් වාර්තා පවසයි.
කාන්තා හිංසනයන් වැළැක්වීම සඳහා ඉන්දියාවේ උත්තර් ප්රදේශ් ප්රාන්තයේ විශේෂ පොලිස් බලකායක් පිහිටුවා තිබෙන අතර එය නම් කර ඇත්තේ ඇන්ටි රෝමියෝ ස්කොඩ් හෙවත් රෝමියෝ විරුද්ධවාදී බලකාය ලෙසයි.
මෙම බලකායට අනියුක්ත පොලිස් නිළධාරීනියන් රාජකාරියේ යෙදී සිටින්නේ බොහෝ විට සිවිල් ඇඳුමින් සැරසි වන අතර කාන්තාවන් හිංසනයට ලක් වන අවස්ථාවලදි ඔවුන් වහාම ක්රීයාත්මක වි වි හිංසන සිදු කරන අයට පියවර ගන්නවා.
කෙසේ වෙතත් මෙම පොලිස් බලකාය සම්බන්ධයෙන් ඇතැම් අය තුළ පවතින්නේ විරෝධ ආකල්පයක්.
කාන්තා හිංසනයන්ට කිසිසේත් අදාළ නොමැති පුද්ගලයින්ගෙන් පවා මෙම බලකායට අනියුක්ත නිළධාරීන් අනවශ්ය ලෙස ප්රශ්න කරන බව ඇතැම් කාන්තාවන්ද කියා සිටි අතර එය පුද්ගලයන්ගේ නිදහසට බාධාවක් බවයි ඔවුන් වැඩිදුරටත් පවසන්නේ.
බි්රතාන්යයේ රැකියාවලින් සියයට 30ක ප්රමාණයක් වසර 2030 වනවිට රොබෝවරුන් සහ පරිගණක බුද්ධිය යොදා ගෙන ස්වයංකී්රයකරණය වනු ඇතැයි නවතම අධ්යයනයකින් අනාවරණ වී තිබෙන අතර එහි දැක්වෙන්නේ රැකියාවන්හි ස්වභාවය වෙනස් වුව ද රැකියා සම්පූර්ණයෙන්ම අහෝසි වීමක් සිදු නොවනු ඇති බවයි.
නව තාක්ෂණය භාවිතයට පැමිණීමෙන් වඩාත් අවදානමකට ලක්ව ඇත්තේ නිෂ්පාදන සහ වෙළඳ ක්ෂේත්රය වන අතර මීට අමතරව තොග හා සිල්ලර වෙළඳාම, පරිපාලන හා සහයක සේවා මෙන්ම මූල්ය හා රක්ෂණ ක්ෂේත්රයේද රැකියා මෙහිදී අවධානමට ලක්වනු ඇති.
මේ අයුරින්ම රැකියා ස්වයංක්රීයකරණය කිරීම හේතුවෙන් අමෙරිකාවේ සියයට 38ක්, ජර්මනියේ සියයට 35ක් සහ ජපානයේ සියයට 21ක් දැනටමත් අවදානමට ලක්ව ඇති බවද එහි සඳහන්.
වයස්ගත වීම වැළැක්වීම සඳහා නව පෙරළිකාර සොයාගැනීමක් කිරීමට විද්යාඥයෝ සමත්ව සිටිති. නව ඖෂධය මඟින් හානි වූ ඩී.එන්.ඒ අණු ආශ්චර්යමත් ලෙස නැවත ප්රකෘතිමත් කෙරෙන අතර අඟහරු ග්රහයා වෙත යන නාසා අභ්යවකාශගාමීන් සූර්ය විකිරණවලින් ආරක්ෂා ගැනීමටත් මෙම නව ඖෂධයට හැකියාව ඇතැයි පැවැසේ.
ඩී.එන්.ඒ ප්රකෘතිමත් කිරීම සහ සෛල වයස්ගත වීම තුළ තිබෙන සංඥා ක්රියාවලියක් අනාවරණය කරගැනීමෙන් අනතුරුව මෙම නව ඖෂධය සංවර්ධනය කිරීමට පර්යේෂක කණ්ඩායමක් සමත්වී තිබේ. පර්යේෂණාගාර මීයන් යොදාගනිමින් මෙම නව ඖෂධය අත්හදා බලා ඇති අතර එහිදි නව ඖෂධය වයස් ගතවීම නිසා හෝ විකිරණවලට නිරාවරණය වීම නිසා හෝ හානිවන ඩී.එන්.ඒ අණුව සෘජුවම ප්රකෘතිමත් (නැවත පිළිසකර) කරන බව අනාවරණය වී ඇත.
‘සතියක ප්රතිකාරවලින් පසු තරුණ මීයන්ගේත් වයස්ගත මීයන්ගේත් සෛල හඳුනාගත නොහැකි’ යැයි ප්රධාන කර්තෘ මහාචාර්ය ඩේවිඩ් සින්ක්ලෙයාර් ප්රකාශ කර ඇත. මාස හයකට මෙම නව ඖෂධය මිනිසුන්ට ලබා දී පර්යේෂණ සිදුකිරීමට නියමිතය. ‘වයස්ගත වීම වළක්වන ආරක්ෂාකාරී ඖෂධයක් සොයාගත් ආසන්නම අවස්ථාව මෙයයි. ඉදිරි පර්යේෂණ සහ අත්හදා බැලීම් සාර්ථකව වුවහොත් තවත් වසර තුනත් හතරත් අතර කාලයකදී මෙම නව ඖෂධය වෙළෙඳපොළට ලබාදිය හැකියි’ යැයි මහාචාර්ය සින්ක්ලෙයාර් පැවැසීය.
මෙම නව සොයාගැනීම නාසා ආයතනයේ අවධානයට ද යොමු ව ඇත. අඟහරු මත කෙරෙන සිවු අවුරුදු මෙහෙයුමදී අභ්යාවකාශගාමීන්ගේ සෞඛ්ය සම්පන්න බව රැකගැනීමේ අභියෝගයට සාර්ථකව මුහුණදීම සඳහා නාසා ආයතනය මෙම නව ඖෂධය සලකා බැලීමට නියමිතය. අභ්යාවකාශ විකිරණ (කොස්මික් විකිරණ) හේතුවෙන් ඉතා කෙටි මෙහෙයුම්වලදී පවා අභ්යාවකාශගාමීන්ගේ වයස්ගතවීමේ වේගය ඉක්මන් වන අතර එම විකිරණවලට නිරාවරණය වීම නිසා මාංශපේශී දුර්වල වීම, මතකය අහිමි වීම සහ අනෙකුත් රෝගාබාධවලට ඔවුහු ගොදුරුවෙති. අඟහරු ග්රහයාට ගිය අවස්ථාවකදී එය වෙනස්වීමට ඉඩ ඇත. අභ්යවාකාශගාමීන්ගේ සෛලවලින් සියයට පහක් විනාශ වන අතර ඔවුන්ට පිළිකා ඇතිවීමේ අවදානම සියයට සියයකි.
ඉකුත් දෙසැම්බර් මාසයේදී නාසා ආයතනය සංවිධානය කළ ‘නාසා අයිටෙක්’ තරගයේ ජයග්රහකයන් වූයේ ද මහාචාර්ය සින්ක්ලෙයාර් සහ ඔහුගේ මිතුරා වන ආචාර්ය ලින්ඩ්සේ වූ ‘ජීව විද්යාත්මක ගැටලුවකට අපි පිළියම් සොයාගත්තා. ඒ නිසා 300ක් අතරින් අපට ජයග්රහණය හිමිවුණා’ යැයි ආචාර්ය වූ පැවැසීය.
අභ්යාවකාශ විකිරණ (කොස්මික් විකිරණ) ගගනගාමීන් මුහුණ දෙන ගැටලුවක් පමණක් නොවේ. ගුවන් ගමන්වලදී විකිරණවලට නිරාවරණය වන අතර ලන්ඩන් – සිංගප්පූරුව – මෙල්බන් යන ගුවන් ගමනකදී අපි සියලු දෙනා පපුවට ගමන් කරන එක්ස් කිරණ විකිරණයකට මුහුණ දුන්නා හා සමානය.
න්යායාත්මකව නව වයස්ගත වීම වළක්වාලන ඖෂධය නිතර ගුවන් ගමනවල යෙදීමෙන් ඩී.එන්.ඒ අණුවලට බලපෑම් එල්ල වූ මඟීන්ට ද ප්රතිකාර කිරීමට භාවිත කළ හැකිය. ළමා වියේදී පිළිකාවලින් බේරෙන පිරිස මෙම නව ඖෂධයෙන් ප්රතිලාභ ලැබිය හැකි තවත් කොට්ඨාසයකි.
ළමා වියේදී පිළිකාවලින් බේරෙන පිරිස්වලින් සියයට 96කට ආසන්න පිරිසකට වයස අවුරුදු 45 පමණ වන විට නිදන්ගත රෝගවලින් පීඩා විඳින බව ආචාර්ය වූ පැවැසීය. ඔවුන්ගෙන් බොහෝ දෙනා හදවත් රෝග, දෙවැනි වර්ගයේ දියවැඩියා රෝගී තත්ත්වය, ඇල්ෂයිමර් රෝගී තත්ත්වය, මුල් තත්ත්වයට වඩා වෙනස් පිළිකා රෝග තත්ත්වලට ගොදුරු වෙති. ‘ඔවුන්ගේ වයස්ගත වීමේ වේගය ද ඉක්මන් වනවා. එය ඉතා බරපතළ තත්ත්වයක්’ යැයි ආචාර්ය වූ පැවැසීය. ‘අපට ඒ වෙනුවෙන් යමක් කරන්න පුළුවන් නම් එය විශිෂ්ටයි. මේ අණුවලින් අපට යමක් කරන්න පුළුවන්. අපට එය විශ්වාසයි. මීයන් යොදාගනිමින් නිව් සවුත් වේල්ස් විශ්වවිද්යාලයේදී කරන ලද පර්යේෂණ සාර්ථකයි. නව ඖෂධය ඔස්සේ කලින් කී රෝගවලටත් ප්රතිකාර කිරීමේ හැකියාවක් තිබෙනවා’ ආචාර්ය වූ සඳහන් කළේය.
ස්වභාවිකවම අපගේ සෛලවල සූර්ය නිසාත් විවිධ හේතු නිසාත් හානිවන ඩී.එන්.ඒ අණු නැවත ප්රකෘතිමත් තත්ත්වයට පත් කරගත හැකි වුවත් වයස් ගත වීමත් සමඟ එම හැකියාව නැති වී යනවා. සිරුරේ තිබෙන සෑම සෛලයකම ස්වභාවිකම තිබෙන සෛල සංඥා සපයන NAD+ අණුව ඩී.එන්.ඒ අණු ප්රකෘති තත්ත්යට පත් කරන ප්රෝටීන අන්තර් ක්රියාවලියේදී ප්රධාන කාර්යභාරයක් ඉටු කරන බව සොයාගැනීමට විද්යාඥයන් සමත්ව තිබේ. මීයන්ට NAD+ අණුව , වර්ධකයක් (එන්.එම්.එන්, තමන්ගේ සෛල වර්ධනයක්) යොදා ගනිමින් ප්රතිකාර කර ඇති අතර එහිදි වයස්ගත වීම නිසා හෝ විකිරණවලට නිරාවරණය වීම නිසා හෝ හානි වූ ඩී.එන්.ඒ අණු ප්රකෘතිමත් කිරීමේ හැකියාව ඇති බව සොයාගෙන ඇත.
මේ වසරේදීම බ්රිගහම් සහ බොස්ටන් හි පිහිටි කාන්තා රෝහලේදී මිනිසුන් යොදාගෙන මෙම නව සොයාගැනීම අත්හදා බැලීමට නියමිතය.
ඉන්දීය සුපිරි නළු රැජිනිකාන්ත් ලබන මස 9සහ 10දිනට යෙදී තිබුණු ශ්රී ලංකා සංචාර අවලංගු කර ඇත. ඒ කොටි හිතවාදීන්ගෙන් එල්ල වන දැඩි විරෝධය හේතුවෙන්.
විදුතලෙයි චිරුතායිගල් කාචි එම්ඩ්එම්කේ පක්ෂ විසින් එල්ල කරන ලද දැඩි චෝදනා නිසා ලබන මස 9වන දින යාපනයේ පැවතෙන උත්සවයට තමන් සහභාගී නොවන බව නිළ වසයෙන් ලිපියක් මගින් දැනුම් දී ඇත.
යාපනයේ දෙමල ජනතාව ජිවත් වන ආකාර දැකබලා ගැනීමටත්, ඉන්දියානු ධිවර ජනතාව මුනුන දෙන ගැටළු පිළිබඳව මෛත්රීපාල සිරිසේන ජනාධිපතිතුමා සමග සාකච්චා කිරීමට ද තමන් බලාපොරොත්තු වූ බව රැජිනිකාන්ත් සිය ලිපිය මගින් කියා තිබෙනවා. එමෙන්න්ම ඔහු කියා සිටියේ “මම ඒ උත්සවයට සහභාගී වෙන්නේ නෑ. නමුත් තිරුමාලවන් සහ වයිකෝ කියන කාරනා වලට මං එකග නෑ” යනුවෙනි.
ලීසා ආයතනය විසින් පසුගිය දවසක නිවේදනයක් ඉදිරිපත් කරමින් කියා සිටියේ රැජිනිකාන්ත් යාපනය ප්රදේශයේ සංචාරයකට සහභාගී වන අතර එහිදී දෙමළ ජනතාවට ඉදිකළ නිවාස විවෘත කිරීමේ උත්සවයකට එක්වන බවත්ය. යම් හෙයකින් රැජිනිකාන්ත් මෙම සංචාරය සඳහා එක්වුව හොත් ලීසා ආයතනය මගින් නිෂ්පාදිත චිත්රපට තමිල්නාඩුව තුල තහනම් කිරීමට කොටි හිතවාදී දේශපාලන විරෝධකරුවෝ ක්රියා කරන බවට ඔවුන් දැනුම් දී තිබේ.
ෆේස්බුක් නොමැති ලොවක ජීවත් වීම ගැන වර්තමානයේ වෙසෙන ඔබට සිතන්නටවත් පුළුවන් ද? ඔබ හිතන්නවත් අකැමැති එම අත්දැකීමට මුහුණදෙන බිලියන 1.3ක ජනගහනයක් ලොව එකම රටක වෙසෙන බවත් ඔබට සිතන්නට පුළුවන්ද?
මහජන චීන ජනරජය නැතහොත් ඔබ හොඳින් හඳුනන චීනය, ගූගල්, ෆේස්බුක් වැනි වර්තමානයේ මහජනයාට සමීප සේවා කිහිපයකටම තම රටේ වාරණයක් පනවා තිබෙනවා. එහි නවතම බිල්ල බවට පත්වී තිබෙන්නේ පින්ටරස්ට් (Pinterest) නම් සමාජ මාධ්ය ජාලයයි. පින්ටරස්ට් (Pinterest) හරහා පාවිච්චි කරන්නන් හට තමන් කැමැති දේ, අතථ්ය (virtual) බෝඩ් එකක බෙදාගන්න. නැතහොත් පින් කරන්න (අල්පෙනිත්තකින් ඔබ යම් දෙයක් බෝඩ් එකක රඳවන සේ) පුළුවන්කම ලැබෙනවා. මෙම පින්ටරස්ට් කියන නම හැදුණෙත් Pin සහ Interest යන නම් දෙක එකතු වීමෙන්.
මීට ප්රථම පින්ටරස්ට් චීනයේ නිදහසේ හැසිරුණා. ගෙවල් අලංකරණය, කොණ්ඩා සැකසුම්, විලාසිතා, ඉවුම් පිහුම්, මංගල උත්සව සැලසුම් කිරීම, විලාසිතා ආදී කටයුතුවලට උපදෙස්, හෝඩුවා ලබා ගැනීම සහ ලබාදීම සඳහා මහජනතාව එය පාවිච්චි කළ නිසා, චීන රජයට එහි වාරණය කිරීමට තරම් නුසුදුසු දෙයක් සොයා ගැනීමට හැකි වූයේ නැහැ.
චීනයේ සංචාරය කර ඇති පාඨක ඔබට හෝ ඔබේ හිතවතකුට හෝ චීනයේ දී මුහුණදෙන්නට සිදුවූ දුෂ්කරම ගැටලුව ලෙස ඇසුවොත්, බොහෝ දුරට පිළිතුර වන්නේ (වායු දූෂණය හැරුණු විට) මන්දගාමී ඉන්ටර්නෙට් සේවාවයි.
සංචාරකයෝ මැසිවිලි නඟන චීනයේ මේ මන්දගාමී ඉන්ටර්නෙට් සේවයට හේතු වන්නේ, චීන රජය, අනතර්ජාලයේ වාරණයක් පවත්වාගෙන යෑම සඳහා මුළු චීනයම ආවරණය වන පරිදි දැවැන්ත ෆයර්වෝල් එකක් දමා ඇති බැවිණි.
එම නිසා සංචාරකයෝ මෙය හඳුන්වන්නේ ගේර්ට් ෆයර්වෝල් ඔෆ් චයිනා (Great firewall of China) යනුවෙනුයි. චීනය එහි ඇති චීන මහා පවුර නිසා (Great firewall of China) ලොව සුප්රකට බැවින් මෙම වාරණය චීනය කුප්රකට කිරීමට මුල්වන නිසා සරදමට එම නාමය යොදා තිබෙනවා.
පින්ටරස්ට්ට අමතරව චීනය ගූගල්, ෆෙස්බුක්, ට්විටර්, ස්නැප්චැට්, ඉන්ස්ටග්රෑම් වර්තමානයේ චීනයේ ඉන්ට(ර්)නෙට් භාවිත කරන්නන් මිලියන 731ක් සිටින අතර එයින් සියයට 95ක්ම වෙබ් එකට පිවිසෙන්නේ ජංගම දුරකතන හරහායි.
සුපිරි බොලිවුඩ් නිලි අයිශ්වර්යාගේ පියා මිය යයි. අවසාන ගෞරවය දැක්වීමට බොලිවුඩ් තරු විශාල පිරිසක් පැමිණ සිටියා
සියලු විස්තර, වීඩියෝ, නැරඹීමට ඔබටත් හැකියි.
බොලිවුඩ් නිළි ප්රියංකා චොප්රා සාදයකට සහබාගි වි තිබෙනවා. එම සාදය සඳහා ඇය විශේෂ ඇඳුමකින් සැරසී පැමිණ තිබෙනවා. පැමිණ සිටි අමුත්තන් පුදුමයට පත්කළ ඒ සුවිශේෂී ඇඳුම් මෝස්තරය ඇඳගත් චොප්රාගේ ඡායාරූප කිහිපයක් අප වෙත ලැබී තිබෙනවා..
කොහොමද මේ ඇඳුම ????
ඊයේ දිනයේදී ඇමරිකානු ජනාධිපති ඩොනල්ඩ් ට්රම්ප් ජර්මානු චාන්සලර් ඇන්ජලා මර්කල් ප්රථම රාජත්රාන්ත්රික හමුව ධවල මන්ධිරයේදී පැවැත්වුවා.
එම හමුවේදී වත්පිළිවෙත්වලට ගරු කරමින් ජර්මානු චාන්සලර්වරියට අතට අත දීම ඇමරිකානු ජනාධිපතිවරයා විසින් ප්රසිද්ධියේම ප්රතික්ෂේප කිරීම ජාත්යන්තර මාධ්ය දැඩි උද්යෝගයකින් යුතුව වාර්තා කලා.
එම වීඩියෝව ඔබට පහතින් නැරඹිය හැක.