Category: සුපිරි Cases

තමාගේ කීර්ති නාමය බොදුබල සේනාව වැනි අන්තවාදී පිරිස් සමඟ සම්බන්ධ කරමින් හා අධිකරණ ඇමති විජේදාස රාජපක්ෂ සම්බන්ධ කරමින් ප්‍රචාරයක් යන බව ගෝඨාභය රාජපක්ෂ නිල ෆේස්බුක් පිටුව ඔස්සේ ප්‍රකාශ කර තිබෙනවා.

මෙම ගෝඨාභය රාජපක්ෂගේ ප්‍රකාශය බළලා මල්ලෙන් එලියට පැනීමක් බවයි දේශපාලන විශ්ලේෂකයන් ප්‍රකාශ කරන්නේ. බොදුබලසේනාව හා විජේදාස රාජපක්ෂ සමඟ කිසිඳු සම්බන්ධයක් නොමැති නම් ගෝඨාභය රාජපක්ෂ මේ ආකාරයෙන් කල බල නොවන බවයි ඔවුන් ප්‍රකාශ කරන්නේ.

අභියාචනාධිකරණයට හොර වෛද්‍ය සහතික ලබාදෙමින්, අධිකරණයේ පෙනීසිටීම පැහැර හරිමින් සිටින බොදුබල සේනාවේ මහ ලේකම් ගලගොඩඅත්තේ ඥානසාර අත්ඩංගුවට නොගන්නේ මන්දැයි රජයේ ප්‍රබල අමාත්‍යවරයෙකු පොලිස්පතිගෙන් කළ විමසීමකදී ඔහු පවසා ඇත්තේ “කොහෙද සර් ඥානසාරව අත්අඩංගුවට ගන්නෙ..? එයාව තියං ඉන්නෙ අපේ අධිකරණ ඇමති රාජපක්ෂ මහත්තයානේ” කියාය.

එකී ඇමතිවරයාට වැඩිදුරටත් කරුණු දක්වමින් ඔහු පවසා ඇත්තේ “ආණ්ඩුවෙ ලොක්කො එක එක්කෙනා එක්ක ඩීල් දාගන්නවා. අන්තිමට සේරම පව් යන්නෙ අපේ කරපිටින්. අපිට නිදහසේ රාජකාරි කරන්න ඉඩ දෙනව නං අපි දන්නවා කරන්න ඕන දේ” යනුවෙනි.

කෙසේ වුවද පොලිස්පතිවරයා එකී ඇමතිවරයාට පවසා ඇත්තේ මහරගම මුස්ලිම් ව්‍යාපාරික ස්ථානයකට සිදුවූ පහරදීම “ඉන්ෂුවරන්ස් කේස් එකක්” කියාය. එවිට පෙරලා අදාල ප්‍රබල ඇමතිවරයා පොලිස්පතිවරයාගෙන් අසා ඇත්තේ “ඕක ඉන්ෂුවරන්ස් කේස් එකක් නම් අනිත් 20ත් ඉන්ෂුවරන්ස් කේස්ද..? ” යනුවෙනි. ඉන්පසු අදාල ගිනිතැබීමේ CCTV කැමරා දර්ශන එකී මුස්ලිම් ව්‍යාපාරිකයා විසින් ඇමතිවරයාට පෙන්වාදීමෙන් අනතුරුව ඇමතිවරයා පොලිස්පතිවරයාට පවසා ඇත්තේ එම පුද්ගලයන්ට එරෙහිව නීතිය ක්‍රියාත්මක කරන ලෙසයි. ඉන් අනතුරුව ඊයේ දිනයේ අදාල පුද්ගලයන් අත්අඩංගුවට ගැනීමට පොලීසිය සමත්ව තිබේ.

තමා තනතුරේ සිටිනා තාක් හිටපු ආරක්ෂක ලේකම්වරයා අත්අඩංගුවට ගැනීමට ඉඩ නොදෙමියි අධිකරණ අමාත්‍ය විජයදාස රාජපක්ෂ මහතා සඳහන් කළ ද ජනාධිපතිවරයාගේ සෘජු තීරණය වී ඇත්තේ මැතිවරණයේදී ජනතාවට පොරොන්දු වූ පරිදිම පසුගිය ආණ්ඩුවේ සහ මෙම ආණ්ඩුවේ දූෂිතයන්ට එරෙහිව නීතිය ක්‍රියාත්මක කිරීම බවත් ඒ අනුව කෙලින් තීරණයක සිට ජනාධිපතිවරයා පොලිස්පතිවරයාට උපදෙස් දී ඇත්තේ ඕනෑම අයෙකු තරාතිරම නොබලා කැඳවා ප්‍රශ්න කරන ලෙසත් ඔවුන් යම් වැරදි කළ ඇත්නම් ඒ සඳහා නිසි දඬුවම් ලබා දෙන ලෙසත්ය.

[rns_reactions]

පොලිස්පති පුජිත් ජයසුන්දර මහතා පිළිබඳව පොලිස් කොමිසමට සිවිල් සංවිධාන හා වෙනත් විවිධ පාර්ශව ගණනාවක් පැමිණිලි කොට ඇති බව වාර්තා වනවා. මෙයට හේතුව දිගින් දිගටම පොලිස්පති වරයා විසින් සිදුකරන තම තනතුරට අයත් රාජකාරි පැහැර හැරීම් සහ ස්වාධීන ලෙස නීතිය ක්‍රියාත්මක නොකිරීම් බවයි පැවසෙන්නේ.

රටේ දිගින් දිගටම හිස ඔසවන අපරාධ හා පාතාල කල්ලි මර්ධනය කරන බවට කොතෙකුත් ප්‍රකාශයන් සිදුකලත් එය ප්‍රායෝගිකව සිදු කිරීමට අවශ්‍ය කිසිවක් නොකිරීම නිසා පාතාලය විසින් පිළියන්දල ප්‍රදේශයේදී පොලිස් නිලධාරියකු මරා දැමීම දක්වා පාතාලය හිස ඔසවා තිබේ. එමෙන්ම කළුතරදී බන්ධානාගාර බස් රථයකට ප්‍රහාර එල්ල කිරීම, දිගින් දිගටම ජාතිවාදී හා ආගම්වාදී ගැටුම් උත්සන්න වෙමින් පවතින තත්වයක් ඇති වීම, උද්ගෝෂණ හා පාගමන් නිසි අයුරින් කළමනාකරණය නොකොට ඔවුන්ට අමානුෂික ලෙස පහරදීම්, මෙන්ම රටේ වංචාව දුෂණය වැනි දේ වලදී නිසි ලෙස පොලිසිය නීතිය ක්‍රියාත්මක නොකර සිටින තත්වයකට පත් වීමත් පසුගිය රජය කාලයේ වංචා දුෂණ පිළිබඳව සෙවීමට පත් කල FCID ආයතනයටද මැදිහත් වීම් සිදුකිරීම නිසා ජනතාව පොලිසිය පිළිබඳව කලකිරීම හා ඔවුන් නිතිය සියතට ගන්නා තත්වයකට පත්වෙමින් පැවතීම ආදියට පොලිස්පතිතුමන් වගකිව යුතු බැවින් ඔහුට විරුද්ධව මෙසේ පැමිණිලි රැසක් ලැබී ඇති බවයි වාර්තා වන්නේ.

මේ අතර පසුගිය මාසේ 20 වෙනිදා  ශ්‍රී ලංකාව පුරා සෑම කොට්ඨාශයකම නියෝජ්‍ය පොලිස්පතිවරුන් හා ජේෂ්ඨ පොලිස් අධිකාරීවරුන් කොළඹට කැඳවා උදේ 8.30 සිට රාත්‍රී 9.40 දක්වා පුරා පැය 13 කුත් විනාඩි 10 ක් පුරා පොලිස්පතිවරයා විසින් පවත්වන ලද සම්මන්ත්‍රණය ගැන පොලිස් කොමිසමට හා ජනාධිපති මෛත්‍රීපාල සිරිසේන මහතාට අදාළ නිලදාරින් ලිකිතව පැමිණිලි කර ඇති වාර්තා වෙයි

රටේ තත්වය එසේ තිබියදී පොලිස්පතිතුමන් තැනින් තැන පවතින දේශපාලනමය උත්සව වලට සහභාගී වෙමින් සමාජ ජාල මාධ්‍ය ඔස්සේ ඔහුට ජනප්‍රියත්වයක් ලබා ගැනීමට වෙහෙසෙන බවටද ජනතාව චෝදනා කරයි. විටෙක මහනුවර ප්‍රදේශයේ පැවති විදේශ අග්‍රාමාත්‍යවරයකු පැමිණි උත්සවයකදී ජනාධිපති තුමන් හා එම අගමැති තුමන්ටත් වඩා වැඩි වාහන පෙළපාලියකින් එතනට පැමිණීමටද උත්සාහ කල බවටද වාර්තා වුණා.

පසුගියදා ආරක්ෂක මණ්ඩලයේදී ජනාධිපති මෛත්‍රිපාල සිරිසේන මහතාටද මෙම සිදුවීම් පිළිබඳව වාර්තාවක් ඉදිරිපත් වි ඇති අතර රටේ ඉහල යන ඝාතන රැල්ල හා පාතාල ක්‍රියාකාරකම් ඇතුළු වෙනත් අපරාධ හා ජාතින් අතර ඇතිවන විවිධ ගැටුම් ආදිය මැඩලීමට පොලිසිය අපොහොසත් වේ නම් හමුදාව හෝ ඒ වෙනුවෙන් යොදාගෙන ජනතාවට නිදහසේ ජීවත්වීමේ අයිතිය ලබාදීමට කටයුතු කරන ලෙස ජනාධිපතිතුමන් උපදෙස් ලබා දී ඇති බව වාර්තා වනවා.

කෙසේ වෙතත් පොලිපතිවරයා තම රාජකාරිය ඉටු නොකර දේශපාලනය කිරීම සඳහා අවශ්‍ය තම ප්‍රතිරූපය ගොඩනගා ගැනීමේ මාර්කටිං ව්‍යාපෘතියක් ක්‍රියාත්මක කරන බවයි බොහෝ දෙනා පවසන්නේ. අපට කීමට ඇත්තේ පොලිස්පති තුමනි ඔබ රාජකාරිය හරියට නොකරන්නේ නම් ඉන් ඉවත්ව සුදුස්සකුට ඒ තැන ලබා දී ඔබට අවශ්‍ය දේශපාලනය පමණක් කරන ලෙසයි නැතිනම් ඔබ පොලිස්පති තනතුර හෑල්ලුවට ලක් කර එයට නිගා දෙන බැවිනි.

අප මෙසේ පවසන්නේ ඔබව පත් කිරීමටද සමාජ ජාල තුල හඬ නැගු නිසා එසේ කීමට අපට අයිතියක් ඇතැයි හැඟෙන බැවිනි!

[rns_reactions]

රුපියල් මිලියන තිහක මුදලක් අයුතු ලෙස උපයාගැනීම මඟින් මුදල් විශුද්ධිකරණය වැළැක්වීමේ පනත යටතට ගැනෙන වැරැදි සිදු කළ බවට අධිචෝදනා 11 යටතේ නීතිපතිවරයා පවරා ඇති නඩුව ප්‍රකාරව එම චෝදනා ඔප්පු වුව හොත් පාර්ලිමේන්තු මන්ත්‍රී නාමල් රාජපක්ෂ මහතාට සහ සෙසු විත්තිකරුවන්ට සිව්දෙනාට වසර 20 ක සිර දඬුවමක් ප්‍රකාශයට පත් විය හැකි බව එම පනතෙහි දක්වා ඇති විධි විධාන අනුව දැක්වේ. පසුගිය අප්‍රේල් මස දී මෙම චෝදනා ගොනු කිරීම සිදුවිය.

ඒ අනුව ප්‍රථම වරට මහාධිකරණය හමුවේ පෙනී සිටි නාමල් රාජපක්ෂ මහතා ඇතුළු විත්තිකරුවන් තිදෙනෙකුට කොළඹ මහාධිකරණ විනිසුරු ගිහාන් කුලතුංග මහතා විසින් පසුගිය 06 දා අධිචෝදනා පත්‍ර භාර දෙන ලදී.

විත්තිකරුවන් 06 දෙනෙකුට එරෙහිව නීතිපතිවරයා මෙම නඩුවෙන් අධිචෝදනා නඟා ඇති අතර අධිකරණය නිකුත් කළ සිතාසි මත එදින අධිකරණය හමුවේ පෙනී සිටියේ පාර්ලිමේන්තු මන්ත්‍රී නාමල් රාජපක්ෂ, සුජානි බෝගොල්ලාගම හා නිත්‍යා සේනානි සමරනායක යන විත්තිකරුවන් පමණි.

නඩුවේ දෙවැනි විත්තිකරු වූ ඉන්දික ප්‍රභාත් කරුණාජීව හා හතර වන විත්තිකරු ඉන්දික ප්‍රභාත් කරුණාජීව යන අයගේ බිරිය වන ඔරනෙලා ඉරේෂා සිල්වා විදේශගතව ඇති බැවින් ඔවුනට සිතාසි බාරදීමට නොහැකි බවට සිතාසි වාර්තා හා ඔවුන් විදේශගතව පැමිණ නැති බව තහවුරු කිරීමට ගුවන් ගමන් වාර්තා ද අධිකරණයට ඉදිරිපත් කර තිබුණි.

මෙම දෙවන හා සිව්වන විත්තිකරුවන් වෙනුවෙන් පෙනී සිටි නීතිඥ සම්පත් මෙන්ඩිස් හා නීතිඥ ප්‍රේමනාත් දොළවත්ත යන මහත්වරු පවසා සිටියේ විදේශගතව සිටින මෙම විත්තිකරුවන් වෙනුවෙන් අධිකරණය හමුවේ පෙනී සිටීමට තමනට බලය පවරා ලිපි ‍ලබා දී ඇති බවයි.
අධිකරණය වෙත ඉදිරිපත් කෙරුණු එම ලිපි විනිසුරුවරයා විසින් බාර ගන්නා ලදී.

මේ වන විට විදේශ ගතව සැඟව සිටින ඉන්දික ප්‍රභාත් කරුණාජීව සහ ඔරනෙලා ඉරේෂා සිල්වා යන දෙදෙනා තවත් නඩුවකට අදාලව අත්අඩංගුවට ගැනීමට පසුගිය පෙබරවාරී 09 වන දින කොළඹ අතිරේක මහෙස්ත්‍රාත්වරයා ජාත්‍යන්තර පොලිසිය හරහා එලෙස විවෘත වරෙන්තුවක් නිකුත් ද නිකුත් කර තිබිණි.

විත්තිකරුවන් හට ඇප නියම කිරීම සඳහා නඩුව ස්ථිර විනිසුරුවරයා ඉදිරියේ කැඳවීමට මෙම 28 වැනිදාට දින ලබා දුන් විනිසුරුවරයා එදින තෙක් විත්තිකරුවන් මහේස්ත්‍රාත් අධිකරණය ඔවුනට නියම කළ පෙර ඇප වූ රුපියල් ලක්ෂයක මුදල් හා රුපියල් ලක්ෂ 10 බැගින් වූ ශරීර ඇපකරුවන් සිව් දෙනෙකුත් ඇප මතම මුදා හැරීමට ද නියෝග කළේය.

අධිකරණය හමුවේ පෙනී නොසිටි ඉන්දික ප්‍රභාත් කරුණාජීව, ඔරනෙලා ඉරේෂා සිල්වා හා නඩුවේ හයවන විත්තිකරු වූ සී/ ස ගවර්ස් කෝපරේට් සර්විස් (පුද්ගලික) සමාගම සම්බන්ධව ඉදිරි පියවර ගැනීමද විනිසුරුවරයා විසින් මෙම මස 28 වැනිදාට කල් තබන ලදී.

2013 ඔක්තෝබර් මස 01 දින හා 2014 අගෝස්තු මස 31 අතර කාලයේදී කොළඹදී පැමිණිල්ල නොදත් අන් අය සමඟ එක් වී රුපියල් මිලියන තිහක් අයුතු ලෙස උපයා ගැනීමෙන් මුදල් විශුද්ධිකරණ පනත යටතට ගැනෙන වැරැදි සිදු කිරීම, ඒ සඳහා ආධාර අනුබල දීම ඇතුළු අධිචෝදනා 11ක් යටතේ විත්තිකරුවනට එරෙහිව නීතිපතිවරයා මෙම නඩුව පවරා ඇත.

පාර්ලිමේන්තු මන්ත්‍රී නාමල් රාජපක්ෂ මහතාට අයත් සී / ස ගවර්ස් කෝපරේට් සර්විසස් (පුද්ගලික) සමාගම වෙනත් සමාගමක් සමඟ සිදු කළ ගනුදෙනුවකදී මෙම රුපියල් මිලියන තිහක මුදල අයුතු ලෙස උපයාගෙන ඇති බව චෝදනාවන්හි සඳහන් වෙයි.

[rns_reactions]

අමාත්‍ය ජෝන් අමරතුංග මහතාගේ ප්‍රධානත්වයෙන් අද කඳාන පක්ෂ කාර්යාලයේදී කෙරවලපිටිය ප්‍රදේශයට කසළ බැහැර කිරීම සම්බන්ධයෙන් සාකච්ඡාවක් පැවැත්වුණා.

සාකච්ඡාවෙන් අනතුරුව වත්තල, බෝපිටිය ප්‍රදේශයට කසළ බැහැර කිරීම පිළිබඳව මාධ්‍යවේදීන් ප්‍රශ්න කළ අවස්ථාවේදී අමාත්‍යවරයා කුපිතවී  මාධ්‍යවේදියාට ප්‍රතිචාර දැක්වූ අයුරු කැමරා කාචයේ සටහන්ව තිබෙනවා.

කෙසේවෙතත් වගකිවයුතු මහජන නියෝජිතයින් ලෙස මෙවැනි විදියට හැසිරීම සම්බන්ධයෙන් බොහෝ දෙනෙකු තුළ ඇත්තේ දැඩි පිළිකුළක්.

මාධ්‍යවේදීන් නියෝජනය කරන්නේ රටේ සාමාන්‍ය ජනතාවයි. ඉතින් මාධ්‍යවේදියෙකුට මහජන නියෝජිතයෙකු මෙවන් ආකාරයෙන් බැන වැදීම කොතරම් ශිෂ්ඨ සම්පන්නදැයි නැවත වරක් විමසා බැලිය යුතුයි.

[rns_reactions]

පසුගිය ජුනි 05 වන දින මව්බිම මුල් පිටුවේ “සත්ත්ව ආහාර හදන්න බඩඉරිඟු දේශීය ගොවීන්ගෙන් ගන්න එපා. කෘෂිකර්ම ඇමතිගෙන් නියෝගයක්” සිරස්තලය යටතේ පළ වූ පුවත සම්බන්ධයෙන් මේ වන විට උද්ගත වී ඇති තත්ත්වය පිළිබඳ විශේෂ තීරණයක් ගෙන ඇතැයි කෘෂිකර්ම අමාත්‍ය දුමින්ද දිසානායක මහතා විශේෂ නිවේදනයක් නිකුත් කරමින් සඳහන් කර තිබේ.

කෘෂිකර්ම අමාත්‍යවරයාගේ සම්බන්ධීකරණ ලේකම් ධම්මික පීරිස් මහතා විසින් නිකුත් කර ඇති එම නිවේදනයේ මේ බව සඳහන් වේ.

එම නිවේදනයේ වැඩිදුරටත් මෙසේ සඳහන් කර ඇත.

“ඒ අනුව පුවතේ සඳහන් වන්නේ, ස්වභාවික පීඩා මධ්‍යයේ මිනිස් පරිභෝජනයටවත් ප්‍රමාණවත් බඩඉරිඟු අස්වැන්නක් නොමැති වකවානුවක සත්ත්ව ආහාර සඳහා බඩඉරිඟු මිලදී නොගන්නා ලෙස අමාත්‍යතුමා උපදෙස් ලබා දුන් බවයි.

මේ සම්බන්ධයෙන් ලබාගත් නීති උපදෙස් මත කෘෂිකර්ම අමාත්‍ය සහ ශ්‍රී ලංකා නිදහස් පක්ෂයේ මහලේකම් ගරු දුමින්ද දිසානායක මැතිතුමාගේ කීර්ති නාමයට හානියක් වී ඇති බැවින්, ඊට වගකිවයුතු මව්බිම කර්තෘ මණ්ඩලයට වහාම අමාත්‍යතුමා ප්‍රකාශ නොකළ දෙයක් ප්‍රකාශ කළ බව ප්‍රසිද්ධ පුවත්පතක පළකිරීම සම්බන්ධයෙන් නීතිමය පියවර ගැනීමට සිදු වී තිබේ. මෙහිදී ගරු දුමින්ද දිසානායක මැතිතුමාගේ කීර්ති නාමයට හානි සිදු කිරීම සම්බන්ධයෙන් රුපියල් මිලියන 100ක වන්දි මුදලක් ඉල්ලා නඩු පැවරීමට අවශ්‍ය නීතිමය උපදෙස් ලැබී ඇත.

එහිදී එම ප්‍රවෘත්ති නිවැරදි කරමින් එම පුවත සාවද්‍ය බවට මව්බිම පුවත්පත මඟින් නැවත ප්‍රසිද්ධියේ ප්‍රවෘත්තියක් මඟින් ජනතාව වෙත දැනුම් දිය යුතු අතර මව්බිම වෙබ් අඩවියේ පළ වූ පුවත ද නිවැරදි කළ යුතු බව කර්තෘ මණ්ඩලය වෙත දැනුම් දී ඇත. ඒ සම්බන්ධයෙන් මේ වන විට අදාළ කර්තෘ මණ්ඩලය වෙත එන්තරවාසි යවා ඇති අතර මේ පිළිබඳව නිසි පියවරක් නොගන්නේ නම් කිසිදු පූර්ව දැනුම් දීමකින් තොරව, ඉදිරි නීතිමය පියවර ගැනීමට සිදුවන බවට අදාළ පාර්ශවයට දැනුම් දී තිබේ.

[rns_reactions]

රුපියල් මිලියන තිහක මුදලක් අයුතු ලෙස උපයා ගැනීම මඟින් මුදල් විශුද්ධිකරණය වැළැක්වීමේ පනත යටතට ගැනෙන වැරැදි සිදු කළ බවට අධිචෝදනා 11 යටතේ නීතිපතිවරයා පවරා ඇති නඩුවට ප්‍රථම වරට මහාධිකරණය හමුවේ පෙනී සිටි පාර්ලිමේන්තු මන්ත්‍රී නාමල් රාජපක්ෂ මහතා ඇතුළු විත්තිකරුවන් තිදෙනකුට කොළඹ මහාධිකරණ විනිසුරු ගිහාන් කුලතුංග මහතා විසින් ඊයේ (06) අධිචෝදනා පත්‍ර භාර දෙන ලදී.

ඊයේ (06) අධිකරණය හමුවේ පෙනී සිටි පාර්ලිමේන්තු මන්ත්‍රී නාමල් රාජපක්ෂ මහතා ඇතුළු විත්තිකරුවන් තිදෙනාගේ ඇඟිලි සලකුණු ලබා ගැනීමට නියෝග කළ විනිසුරුවරයා ඔවුන් මේ මස 28 වැනි දා තෙක් මහේස්ත්‍රාත් අධිකරණය මගින් නියම කරන ලද පෙර ඇප මත මුදා හැරීමට ද නියෝග කළේය.

විත්තිකරුවන් 06 දෙනකුට එරෙහිව නීතිපතිවරයා මේ නඩුවෙන් අධිචෝදනා නඟා ඇති අතර, අධිකරණය නිකුත් කළ සිතාසි මත ඊයේ (06) අධිකරණය හමුවේ පෙනී සිටියේ පාර්ලිමේන්තු මන්ත්‍රී නාමල් රාජපක්ෂ, සුජානි බෝගොල්ලාගම හා නිත්‍යා සේනානි සමරනායක යන විත්තිකරුවන් පමණි.

නඩුවේ දෙවැනි විත්තිකරු වූ ඉන්දික ප්‍රභාත් කරුණාජීව හා ඔරහෙලා ඉරේෂා සිල්වා විදේශගතව ඇති බැවින් ඔවුනට සිතාසි බාරදීමට නොහැකි බවට සිතාසි වාර්තා හා ඔවුන් විදේශගතව පැමිණ නැති බව තහවුරු කිරීමට ගුවන් ගමන් වාර්තා ද අධිකරණයට ඉදිරිපත් කර තිබුණි.

මේ දෙවැනි හා සිවුවැනි විත්තිකරුවන් වෙනුවෙන් පෙනී සිටි නීතිඥ සම්පත් මෙන්ඩිස් හා නීතිඥ ප්‍රේමනාත් දොළවත්ත යන මහත්වරු පවසා සිටියේ විදේශගතව සිටින මේ විත්තිකරුවන් වෙනුවෙන් අධිකරණය හමුවේ පෙනී සිටීමට තමනට බලය පවරා ලිපි ‍ලබාදී ඇති බවයි.

අධිකරණය වෙත ඉදිරිපත් කෙරුණු එම ලිපි විනිසුරුවරයා විසින් බාර ගන්නා ලදී.

විත්තිකරුවන් හට ඇප නියම කිරීම සඳහා නඩුව ස්ථිර විනිසුරුවරයා ඉදිරියේ කැඳවීමට මේ 28 වැනිදාට දින ලබා දුන් විනිසුරුවරයා එදින තෙක් විත්තිකරුවන් මහේස්ත්‍රාත් අධිකරණය ඔවුනට නියම කළ පෙර ඇප වූ රුපියල් ලක්ෂයක මුදල් හා රුපියල් ලක්ෂ 10 බැගින් වූ ශරීර ඇපකරුවන් සිවු දෙනකුත් ඇප මතම මුදා හැරීමට ද නියෝග කළේය.

අධිකරණය හමුවේ පෙනී නොසිටි ඉන්දික ප්‍රභාත් කරුණාජීව, ඔරහෙලා ඉරේෂා සිල්වා හා නඩුවේ හයවැනි විත්තිකරු වූ සී/ ස ගවර්ස් කෝපරේට් සර්විස් (පුද්ගලික) සමාගම සම්බන්ධව ඉදිරි පියවර ගැනීම ද විනිසුරුවරයා විසින් මේ මස 28 වැනිදාට කල් තබන ලදී.

2013 ඔක්තෝබර් මස 01 දින හා 2014 අගෝස්තු මස 31 අතර කාලයේ දී කොළඹ දී පැමිණිල්ල නොදත් අන් අය සමඟ එක්වී රුපියල් මිලියන තිහක් අයුතු ලෙස උපයා ගැනීමෙන් මුදල් විශුද්ධිකරණ පනත යටතට ගැනෙන වැරැදි සිදු කිරීම, ඒ සඳහා ආධාර අනුබල දීම ඇතුළු අධිචෝදනා 11ක් යටතේ විත්තිකරුවනට එරෙහිව නීතිපතිවරයා මේ නඩුව පවරා ඇත.

පාර්ලිමේන්තු මන්ත්‍රී නාමල් රාජපක්ෂ මහතාට අයත් සී / ස ගවර්ස් කෝපරේට් සර්විසස් (පුද්ගලික) සමාගම වෙනත් සමාගමක් සමඟ සිදු කළ ගනුදෙනුවක දී මේ රුපියල් මිලියන තිහක මුදල අයුතු ලෙස උපයාගෙන ඇති බව චෝදනාවන්හි සඳහන් වෙයි.

පාර්ලිමේන්තු මන්ත්‍රී නාමල් රාජපක්ෂ මහතා ඇතුළු විත්තිකරුවන් වෙනුවෙන් ජනාධිපති නීතිඥ ජයන්ත වීරසිංහ, අනිල් සිල්වා යන මහත්වරු සමඟ නීතිඥවරු මඬුල්ලක් පෙනී සිටියහ.

ජ්‍යෙෂ්ඨ රජයේ අධිනීතිඥ හංස අබේරත්න මහතා නීතිපතිවරයා වෙනුවෙන් පෙනී සිටියේය.

නඩුව නැවත කැඳවීම මේ මස 28 වැනිදාට කල් තැබුණි.

[rns_reactions]

මාර්ග සංවර්ධන අධිකාරිය මගින් ඉදිකෙරෙන මහනුවර පිටත වටරවුම් මාර්ගය හා මාතර කතරගම අධිවේග මාර්ගහී රක්ෂණ ආවරණ හොර පාරේ ලබා දෙමින් මහාමාර්ග අමාත්‍ය ලක්ෂ්මන් කිරිඇල්ල අමාත්‍යවරයාගේ දියණිය මෙන්ම පෞද්ගලික ලේකම් චාන්දණී කිරිඇල්ල රුපියල් මිලියන 300ක් උපයා ඇතිබව වාර්තාවේ.

මේ සදහා ඇයට සහාය ලබාදී ඇත්තේ කිරිඇල්ලගේ රක්ෂණ උපදේශකවරයා වන චමින්ද ඩී සිල්වා විසිනි. මෙම චමින්ද ඩී සිල්වා හැරී ජයවර්ධනට අයත් කොන්ටිනන්ටල් රක්ෂණ සමාගමේ කළමනාකාර අධ්‍යක්ෂවරයා වන අතර ඔහුගේ මැදිහත්වීම මත ඔහුගේ හිතවතියක විසින් පවත්වාගෙන යන රක්ෂණ තැරැව්කාර සමාගමක් වන PRO SITE INSURANCE BROKER Company හරහා සෙලින්කෝ රක්ෂණ සමාගම වෙත අදාල ඉදිකිරීම් රක්ෂණය ලබාදී ඇත.

[rns_reactions]

නාරම්මල ප්‍රදේශයේ හෝටලයක මහජනතාව වෙත ලබාදෙන ලද ආහාර පාර්සල්වල වඳ බෙහෙත් අඩංගුව තිබූ බවට සමාජ ජාල ඔස්සේ පළවූ පුවත් සම්බන්ධයෙන් ‍පොලිස් විමර්ශනයක් ආරම්භ කර ඇති බව ‍පොලිස් මූලස්ථානය පවසයි.

සංහිඳියාව බිඳ දමන වෛරී ප්‍රකාශන සමාජ ජාල වබේ අඩවිවලට ඇතුළු කරන පුද්ගලයින්ට එරෙහිව 2007 අංක 56 දරණ සිවිල් හා දේශපාලනික අයිතිවාසිකම් සුරැකීමේ පනත යටතේ නීතිය ක්‍රියාත්මක කරන බව ‍පොලිස් මූලස්ථානය වැඩිදුරටත් සඳහන් කර සිටියි.

[rns_reactions]