මොහොමඩ් ෂාෆි වෛද්යවරයාගෙන් සීසේරියන් සැත්කම් සිදු කරගැනීමෙන් පසු තමන් ගැබ් නොගැනීම පිළිබඳ ගැටලුවලට මුහුණ දී සිටින බව පවසමින් මව්වරුන් 51 දෙනකු මේ වන විට පැමිණිලි ඉදිරිපත් කර තිබේ.
ඒ අතර කුරුණෑගල ශික්ෂණ රෝහලේ වෛද්ය සහ හෙද නිලධාරී සංගම් පවසන්නේ වෛද්ය මොහොමඩ් ෂාෆිට එරෙහි රෝහල් විමර්ශනවලට සෞඛ්ය අමාත්යංශයෙන් බලපෑම් එල්ල වෙමින් පවතින බවයි.
බලන්ගොඩ පින්නවල පොලිස් බල ප්රදේශයේ අවුරුදු එකොලොස් වයසැති පාසල් දරියක් ගැබිනියක් කල පහලොස් හැවිරිදි සිසුවෙක් අත්අඩංගුවට ගත් බව පින්නවල පොලිසිය පවසයි.
එම එකොලොස් හැවිරිදි දැරියට ක්ලාන්තය සහ වමනය හට ගැනිම හේතුවෙන් බලන්ගොඩ මුලික රෝහලට ඇතුලත් කර ඇති අතර එහිදි වෛද්ය පරික්ෂණ අනුව ඇය ගැබිණියක් බවට වෛද්ය වරැ හදුනාගෙන ඇති බව පොලිසිය පවසයි.
එම දැරිය බලන්ගොඩ පින්නවල මාරතැන්න නොමිබර් දෙක කොටසේ පදිංචි පාසල් දැරියක් වන අතර අදාල සැකකාර පාසල් සිසුවාද පින්නවල මාරතැන්න නොමිබර් දෙක කොටසේ පදිංචි කරැවෙක් බව පොලිසිය පවසයි. අදාල පාසල් සිසුවා විසින් බාප්පාගේ දුව මෙලෙස ගැබිණියක් කර තිබෙි.
පින්නවල පොලිසියේ ස්ථානාධිපති ප්රධාන පොලිස් පරික්ෂක එස්.පිි.අමරතුංග මහතාගේ උපදෙස් පරිදි පොලිස් පරික්ෂක ඒ.එම්.මයුර සිංහ යන නිළධාරීයා විසින් වැඩිදුර පරික්ෂණ පවත්වයි.
පාස්කු ඉරුදින ප්රහාර මාලාවේ ප්රධාන සැකකරු ජාතික තව්හිද් ජමාත් සංවිධානයේ නායක සහරාන් හෂීම් ෂැන්ග්රිලා හෝටල් මරාගෙන මැරෙන බෝම්බ ප්රහාරයෙන් ජීවිතක්ෂයට පත්වී ඇති බව ඩී.එන්.ඒ පරීක්ෂණවලින් තහවුරු වී තිබේ.
පොලිස් මාධ්ය ප්රකාශකවරයා පවසන්නේ, පාස්කු ප්රහාරවලට සම්බන්ධ වූ සියලු ත්රස්තවාදීන්ගේ අනන්යතාව ඩී.එන්.ඒ පරීක්ෂණ මඟින් තහවුරු වී ඇති බවයි.
පාස්කු ඉරු දින ප්රහාර මාලාවේ ප්රධාන සැකකරු ලෙස සැලකෙන ජාතික තවුහිද් ජමාත් සංවිධානයේ නායක සහරාන් හෂීම් ෂැන්ග්රිලා හෝටලයේ සිදුවූ ප්රහාරයෙන් මිය ගිය බව ප්රකාශ කෙරුණද ඔහු එහිදී මිය නොගිය බවටද අදහස් පළ විය. එවන් පසුබිමක සහරාන්ගේ ඩී.එන්.ඒ සාම්පල සහ ඔහුගේ දියණියගේ ඩී.එන්.ඒ සාම්පල සැසඳීමට අධිකරණ නියෝග ප්රකාරව පියවර ගැණුනි.
ඒ අනුව සිදු කළ පරීක්ෂාවේදී සහරාන් හෂීම් ෂැංග්රිලා ප්රහාරයේදී මිය ගිය බවට තහවුරු වී ඇති බව රජයේ රස පරීක්ෂක දෙපාර්තමේන්තු ආරංචි මාර්ග අද සඳහන් කළේය.
මේවන විට ත්රස්ත ප්රහාර මාලාවට සම්බන්ධ සියලුම බෝම්බකරුවන්ගේ ඩී.එන්.ඒ පරීක්ෂණ මඟින් ඔවුන්ගේ අනන්යතාවය තහවුරු කරගෙන ඇති බව පොලීසිය පැවසුවේය.
මෙවන් පසුබිමක ත්රස්ත ප්රහාර මාලාව එල්ල කළ ත්රස්තවාදී කණ්ඩායම සමඟ සබඳතා පැවැත්වූ තවත් පුද්ගලයින් තිදෙනෙකු අම්පාර පොලිසිය විසින් ඊයේ අත්අඩංගුවට ගනු ලැබීය.ඒ කල්මුණේ ප්රදේශයේදීයි.
කල්මුණේ සහරාන් හෂීම්ගේ ප්රධාන සංවිධායකවරයා වන සාවුල් හමීඩ් හමීස් මොහොමඩ් නොහොත් කල්මුණේ සියාම් නැමැත්තා ද ඒ අතර වන බව වාර්තා වෙයි. පොලිස් ආරංචි මාර්ග සඳහන් කළේ අනෙක් දෙදෙනා සයින්දමරුදුහී පදිංචි මොහොමඩ් ස්මයිල් මොහොමඩ් කාලිත් හා අබුබකර් මුජාහිත් අමිත් යන අය බවයි.
සහාරන්ගේ ප්රධාන අනුගාමියෙක් වන කල්මුනේ සියාම්, සහාරන්ගේ ආධාරකරුවන්ට නවාතැන් ගැනීමටත් සමන්තුරේ, නින්දවුර් සහ සයින්දමර්දු යන ප්රදේශවල නිවාස ලබා ගැනීමටත් සහාරන්ගේ ප්රධාන අධාරකරුවෙකු වන නියාස්ට සහය දී ඇති බව අනාවරණය වී තිබේ.
තව්හිද් ජමාත් සංවිධානයේ නායක සහරාන් හෂීම්ගේ ත්රස්තවාදී කටයුතුවලට ආධාර කිරීමේ චෝදනාව මත අත්අඩංගුවට ගෙන සිටින පාර්ලිමේන්තුවේ හැන්සාර්ඞ් දෙපාර්තමේන්තුවේ ජ්යෙෂ්ඨ නිලධාරියා දැඩි ආරක්ෂක රැකවල් මැද ඊයේ (21) පාර්ලිමේන්තුවට රැගෙනවිත් පරීක්ෂණ සිදුකරන ලදී.
මොහොමඞ් නවුෂාඞ් ජලාල්ඞීන් නමැති මෙම සැකකරු පාර්ලිමේන්තුවේ හැන්සාර්ඞ් දෙපාර්තමේන්තුවේ පැය දෙකහමාරක පමණ වේලාවක් රඳවා තබාගෙන පොලිස් නිලධාරීන් විසින් දීර්ඝ ලෙස විමර්ශනයන් සිදුකර තිබේ.
සැකකරු භාරයේ තිබූ ලිපිගොනු, ඔහු භාවිත කළ පරිගණකයේ ඇතුළත් තොරතුරු, මෙසේ ඔහු ලවා විවෘත කළ පොලිස් නිලධාරීන් ඒ පිළිබඳ දීර්ඝ ලෙස ප්රශ්න කර තිබේ.
අදාළ පරිගණකයේ දෘඪ තැටිය (හාර්ඞ් ඩිස්ක්) සහ ඔහු සතුව තිබූ පෞද්ගලික ලිපි ගොනු කීපයක් පොලිසිය භාරයට ගෙන ඇත. සැකකරු පිළිබඳ හැන්සාර්ඞ් සංස්කාරකවරියගෙන්ද ප්රශ්න කර තොරතුරු ලබාගෙන ඇත.
තම පෙම්වතිය නිවසකට රැගෙන ගොස් දුෂණය කළ බව කියන විසි එක් හැවිරිදි පෙම්වතකු සහ ඒ සදහා ආධාර අනුබල දීම, පෙම්වතියට ලිංගික අතවර කිරීමට තැත්කිරීම සම්බන්ධයෙන් දෙදරු පියකු අක්මීමන පොලිසිය විසින් අත්අඩංගුවට ගෙන ඇත.
පෙම්වතිය තිස්හතර හැවිරිදි වියේ පසුවන තරුණියකි. විසි එක් හැවිරිදි තරුණයකු විසින් ඇය සමග පේ්රම සම්බන්ධතාවක් පත්වාගෙන ගොස් ඇත. පෙම්වතා පෙම්වතියට තලගහ හන්දියට එන ලෙස පවසා යතුරුපැදියකින් තම මිතුරකු වන දෙදරු පියාගේ නිවසට රැගෙන ගොස් ඇත. තම පියා ව්යාපාරිකයකු බවත් මවට පෙන්වීම සදහා තම නිවසට රැගෙන යන බවත් පවසා පෙම්වතා විසින් මෙම තරුණිය මිතුරාගේ නිවසට රැගෙන ගොස් ඇති බව පොලිස් පරීක්ෂණවලදී අනාවරණය වී ඇත.
පසුව සැකකාර පෙම්වතා විසින් පෙම්වතිය මිතුරාගේ නිවසේදි දුෂණයට ලක්කොට ඇති බව පොලිසිය පවසයි. මේ අතරතුරේදී මිතුරාද නිවසට පැමිණ තිබේ. ඔහු ද මෙම තරුණියට ලිංගික අතවර කිරීමට උත්සාහ කොට ඇත. එයට සැකකාර පෙම්වතා හා පෙම්වතිය විරුද්ධවී ඇති බව පොලිසිය පවසයි. පසුව මේ සම්බන්ධව සැකකාර පෙම්වතා හා මිතුරා අතර ගුටිබැට හුවමාරුවක්ද සිදුවී ඇති බව පරීක්ෂණවලදී අනාවරණය වී ඇත. මේ අතරේ පෙම්වතිය යට ඇදුම් පිටින්ම ඒ අසල ඇති නිවසකට දිවගොස් ඇත. පසුව පෙම්වතිය පොලිසියට කරනු ලැබූ පැමිණිල්ලකට අනුව සැකකාර පෙම්වතා හා දෙදරු පියා වන මිතුරා අත්අඩංගුවට ගෙන ඇත. පෙම්වතිය වෛද්ය පරික්ෂණයකටද යොමු කළ බව පොලිසිය පවසයි.
අක්මීමන පොලිස් ස්ථානාධිපති මහේෂ් අමරසේන, අපරාධ අංශයේ ස්ථානාධිපති පො. ප. වික්රමතන්ත්රි, කා. පො. කො. 7941 පුෂ්පා, කා. පො. කො. 2903 උදයංගනී යන නිලධාරීන් හා නිලධාරිණියන් විසින් සැකකරුවන් අත්අඩංගුව ගනු ලැබීය.
-දිවයින-
බස්නාහිර පළාත් සභා හිටපු මෛත්රී සලෝචන ගමගේ මහතා බීමතිය රිය ධාවනය කර පිළියන්දල පොලීසිය මඟින් අතුඩංගවට ගත් ලෙසට හැඟවෙන වීඩියෝවක් පසුගිය දිනවල මාධ්ය නාලිකා වල සහ සමාජ ජාලා වල සංසරනය විය.
එම සිද්ධිය වූ ආකරය සහ පොලීසිය විසින් කල නොමනා කම් පිළිබදව වීඩියෝවක් සලෝචන ගමගේ මහතා සිය ෆේස්බුක් පිටුවට එක් කර ඇති අතර එම වීඩියෝව පහතින් නැරඹිය හැක.
එහිදී ඔහු පවසන ආකාරයට පොලීසිය විසින් හිතාමතා ඔහුව අපහසුතාවයට පත්කිරීම පිණිස දේශපාලනිකව මෙම ක්රියාව සිදුකර ඇත.
පාස්කු ඉරිදාවේ මෙරටට එල්ල කරන ලද බෝම්බ ප්රහාර සම්බන්ධයෙන් අත්අඩංගුවට ගත් පුද්ගලයකු සම්බන්ධයෙන් ඇමති රිෂාඩ් බදියුදීන් මහතා අවස්ථා තුනකදී තමනට කතා කලේ යයි යුද හමුදාපති මහේෂ් සේනානායක මහතා පවසයි.
එය බලපෑමක් නොව ඉල්ලීමක් යයි සඳහන් කිරීමට තමන් කැමති වුවද බලපෑමක් ලෙසද අර්ථ නිරූපනය විය හැකි බවද සදහන් කලේය.
දෙහිවලදී අත්අඩංගුවට ගත් සැකකරුවෙකු සම්බන්ධයෙන් ඇමති බදියුදීන් තමන්ට දුරකථන ඇමතුම තුනක් දුන් බවත් කී හමදාපතිවරයා පලමු ඇමතුමේදී තමන් දුන් පිලිතුර වූයේ ‘සැකකරු ගැන සොයා බලා ඉදිරියේදී දැනුම් දෙන්නම්’ බවත් පැවසීය.
දෙවනි වර විමසීමේදී තමන් දුන්නේ එම පිළිතුරම බවත් තුන්වැනි වර විමසද්දී ‘අත්අඩංගුවට ගත් පිරිස් අතර එවන් අයෙකු සිටින බවත් යලිත් වසර එකහමාරකට පසු තමනට මෙම දුරකථන ඇමතුම ගන්නා ලෙසත් පැවසූ බව සේනානායක මහතා කීය.
පසුගිය අපේ්රල් 21 වැනිදා පාස්කු ඉරිදා දිනයේ රට පුරා ස්ථාන කිහිපයක බෝම්බ ප්රහාර එල්ල කරන ලද ත්රස්තවාදීන් විසින් භාවිත කරන ලද නිවාස 17ක් සහ පුහුණු කඳවුරු 07ක් සොයාගත්තේ යයි පොලිස් මාධ්ය ප්රකාශක පොලිස් අධිකාරි රුවන් ගුණසේකර මහතා පවසයි.
කත්තන්කුඩි, වනාතවිල්ලුව, නුවරඑළිය, හම්බන්තොට, වාලච්චේන, මල්වාන, අරුත්පොළ, යන ප්රදේශවලින් පහුණු කදවුරු 07 සොයාගත් බවද ඔහු සදහන් කලේය.
පොලිස් මාධ්ය ප්රකාශකවරයා මෙම අදහස් පල කරන ලද්දේ කොළඹදී මාධ්ය අමතමිනි.
දූෂණ විරෝධී බලකායේ මෙහෙයුම් අධ්යක්ෂ ලෙස පෙනී සිටින නාමල් කුමාර සහ මහ සොහොන් බලකායේ අමිත් වීරසිංහ යන පුද්ගලයින් දෙදෙනා අත්අඩංගුවට ගෙන ඇති බව පොලීසිය පවසයි.
අදාළ පුද්ගලයින් දෙදෙනා අද(14) අත්අඩංගුවට ගෙන ඇති බව පොලිස් මාධ්ය ප්රකාශ කාර්යාලය සඳහන් කළේය.
දූෂණ විරෝධී බලකායේ මෙහෙයුම් අධ්යක්ෂ නාමල් කුමාර වාරකාපොළ ප්රදේශයේදී අත්අඩංගුවට ගෙන ඇති අතර මහ සොහොන් බලකායේ අමිත් වීරසිංහ යන අය මහනුවර තෙල්දෙණිය ප්රදේශයේදී අත්අඩංගුවට ගෙන ඇති බව වාර්තා වෙයි.
ප්රදේශ කිහිපයක සිදුවූ කලහකාරී සහ නොසන්සුන්කාරී සිද්ධීන් සම්බන්ධයෙන් ප්රශ්න කිරීම සඳහා අදාළ පුද්ගලයින් දෙදෙනා අත්අඩංගුවට ගෙන තිබේ.
පොලිස් මුලස්ථානය විසින් පත්කර ඇති පොලිස් අධිකාරීවරයෙතුගේ අධීක්ෂණයෙන් යුක්ක විශේෂ පොලිස් කණ්ඩායමක් විසින් මෙම අත්අඩංගුවට ගැනීම සිදුතර ඇති බව පොලීසිය පවසයි.
“Don’t laugh more 1 day u will cry” ලෙස දැමූ පෝස්ටුවක නිවැරදි නිර්වචනය හලාවත ප්රදේශයේ ජනතාවට අවබෝධ කර ගත නොහැකිව අද(12) සවස කලහාකාරී තත්වයක් උද්ගත වූ අතර එය ගැටුමක් දක්වා දුරදිග යෑමට ප්රථම එය මැඩපැවත්වීමට පොලිසිය සමත් විය.
තම ෆේස්බුක් ගිණුමේ එම පෝස්ට්ටුව දැමූ ව්යාපාරිකයා අත් අඩංගුවට ගත් අතර, සාමය පවත්වාගෙන යෑම සඳහා හෙට උදෑසන 4 දක්වා හලාවතට පොලිස් ඇඳිරිනීතිය පැනවීය.
ගම්පොළ පැරණි පාලම මත නවතා තිබූ මෝටර් රථයක දොර කඩා එහි තිබූ රුපියල් ලක්ෂ 10ක මුදලක් පැහැරගෙන ගොස් ඇතැයි ගම්පොළ පොලිසිය පවසයි.
මෙම මෝටර් රථයේ පැමිණි අය වාහන ධාවනය නොකරන පැරණි පාලම මත සිය මෝටර් රථය නවතා කොණ්ඩය කැපීමට ගොස් සිටියදී මෙම මුදල් සොරා ගෙන ගොස් තිබේ.
ගම්පොළ නගරයේ ඉල්ලවතුර මාර්ගයේ වාහන අලෙවිසැලක් පවත්වාගෙන යන ව්යාපාරිකයකු වන මෙම මෝටර් රථයේ හිමිකරු බැංකුවකින් ගත් මෙම මුදල රැගෙන පෙරේදා (08) සවස නිවස පිහිටි පුපුරැුස්ස ප්රදේශයට යමින් සිටියදි පැරණි පාලම මත මෙසේ මෝටර් රථය නවතා කොණ්ඩය කැපීමට ගොස් ඇති බව පොලිස් පරීක්ෂණවලින් අනාවරණය වී තිබේ.
මොහු අලෙවි කළ වාහනයක් සඳහා මෙම මුදල බැංකුව වෙත ලැබී ඇති අතර එය තවත් අයකුට දීම සඳහා මෙසේ රැගෙන ගොස් ඇති බවද හෙළි වී ඇත.
සිද්ධිය සැලවීමත් සමග ගම්පොළ කොට්ඨාස භාර පොලිස් අධිකාරි විකුම් ගිනිගේ මහතාගේ උපදෙස් මත පොලිස් අධිකාරි ෂ සී. ඩබ්ලිව්. රාජපක්ෂ ගම්පොළ මූලස්ථාන පොලිස් ස්ථානාධිපති ප්ර. පො. ප. ආර්. ජයන්ත යන මහත්වරු මෙම ස්ථානයට පැමිණ පරීක්ෂණ ආරම්භ කිරීමට පියවර ගත් අතර ඇඟිලි සලකුණු අංශය ගෙන්වීමට පියවර ගනු ලැබීය.
-දිවයින-
ඩුබායිහි සිට මෙරටට පිටුවහල් කිරීමෙන් අනතුරුව දැනට රැඳවුම් නියෝග මත පොලිසිය භාරයේ රඳවා සිටින පාතාල කල්ලි නායකයෙකු වන කංජිපානි ඉම්රාන් ඇතුළු සැකකරුවන් තුන්දෙනෙකු නිරීක්ෂණය සඳහා අද(08) කොළඹ මහේස්ත්රාත් අධිකරණයට ඉදිරිපත් කරනු ලැබීය.
කොළඹ අපරාධ කොට්ඨාශය විසින් මෙම සැකකරුවන් තුන්දෙනා අද කොළඹ අතිරේක මහේස්ත්රාත් කාංචනා සිල්වා මහත්මිය හමුවට පමණූවනු ලැබීය.
මෙහිදී පොලිසිය අධිකරණයට දන්වා සිටියේ ආරක්ෂක ලේකම්වරයාගෙන් ලබාගත් රැඳවුම් නියෝග මත මෙම සැකකරුවන් තුන් දෙනා දින 90 ක් රඳවා ගෙන ප්රශ්න කිරීමට අවසර ලබාගෙන ඇති බවයි.
මෙහි කංජිපානි ඉම්රාන් නමැත්තාට මිනීමැරීම, මිනි මැරීමට කුමන්ත්රණය කිරීම සහ ආධාර අනුබල දීම පිළිබඳව විවිධ අධිකරණවල නඩු 27 ක් පමණ පවතින බවද පොලීසිය අධිකරණයට දැනුම් දුන් අතර මොවුන් සම්බන්ධයෙන් තවදුරටත් පරීක්ෂණ සිදුකරන බවද කියා සිටියේය.
ඒ අනුව අදාළ සැකකරුවන් තුන්දෙනාගෙන් තවදුරටත් රඳවාගෙන ප්රශ්න කිරීමට අවසර දුන් විනිසුරුවරිය ඔවුන් නැවත නිරීක්ෂණය සඳහා ජුනි මස 12 වනදා අධිකරණය හමුවට ඉදිරිපත් කරන ලෙස ද කොළඹ අපරාධ කොට්ඨාශයට නියෝග කළේය.
ඉස්ලාම් අන්තවාදීන්ගේ මතවාදයන් මුහුණු පොත ඔස්සේ ප්රවර්ධනය කිරීමට අනුබල දුන් බව කියන අධ්යාපන අමාත්යාංශයේ ඉහළ නිලධාරියෙක් පොලිසිය විසින් පෙරේදා (06) අත්අඩංගුවට ගනු ලැබ ඇත.
අමාත්යාංශයේ ‘ළඟම පාසල හොඳම පාසල’ ව්යාපෘතියේ සේවය කරන මුස්ලිම් ජාතික මෙම නිලධාරියාට අයත් පරිගණකයක් ඇතුළු තවත් උපාංග කිහිපයක් ද පොලිසිය භාරයට ගෙන තිබේ. දින කිහිපයක් තිස්සේ මෙම නිලධාරියා සම්බන්ධයෙන් කළ සොයා බැලීමකින් පසු මෙලෙස අත්අඩංගුවට ගෙන ඇතැයි අමාත්යාංශ ආරංචි මාර්ග පැවසීය.
තව්හිද් ජමාත් ත්රස්ත සංවිධානයේ සාමාජිකයන්ට අයත් රුපියල් කෝටි 750 කට අධික වටිනාකමින් යුත් මුදල් සහ දේපළ රාජසන්තක කිරීමට අවශ්ය කටයුතු අපරාධ පරීක්ෂණ දෙපාර්තමේන්තුව විසින් මේවනවිට සිදුකරනු ලබයි.
එම ත්රස්තවාදීන්ට අයත් රුපියල් කෝටි 700 ක් වටිනා ඉඩම් සහ දේපළ රුපියල් ලක්ෂ 1400 කට අධික මුදලක් සහ කෝටි ගණන් වටිනා රන් ආභරණ අපරාධ පරීක්ෂණ දෙපාර්තමේන්තුව විසින් මේ වනවිට සොයාගෙන තිබේ.
එම දේපළ සම්බන්ධයෙන් ඉදිරි විමර්ශන කටයුතු අවසන් වනතෙක් අත්පත් කර ගැනීමට හෝ පරිහරණය කිරීමට නොහැකිවන ආකාරයට තහනම් නියෝගයක් ලබාගැනීමට අපරාධ පරීක්ෂණ දෙපාර්තමේන්තුව කටයුතු කරමින් සිටී. මෙසේ රාජසන්තක කිරීමට නියමිතව තිබෙන දේපළ අතර ෂැංග්රිලා හෝටලයේ බෝම්බය පුපුරවාගෙන සියදිවි හානිකරගත් මොහොමඞ් ඉන්සාම්ට අයත් වැල්ලම්පිටියේ පිහිටි තඹ කර්මාන්ත ශාලාව, දෙමටගොඩ පිහිටි සුවිසල් නිවස සහ තවත් ඉඩකඩම් විශාල ප්රමාණයක් ඇති බව අපරාධ පරීක්ෂණ දෙපාර්තමේන්තුව පවසයි.
එමෙන්ම මොවුන්ට අයත් බැංකු ගිණුම් රැුසක ඇති රුපියල් කෝටි ගණනක මුදල්, මැණික් සහ රන් ආභරණ මේ වනවිට සොයාගෙන තිබේ. මේ අතර තව්හිද් ජමාත් ත්රස්තයින්ගේ නායකයාව සිටි මොහොමඞ් සහරාන් ඔහුගේ සොහොයුරු මොහොමඞ් රිල්වාන් මෙන්ම මරාගෙන මැරෙන ප්රහාරය එල්ල කර දිවි හානි කරගත් ත්රස්තවාදීන් අට දෙනෙකුට අයත් රුපියල් කෝටි ගණන් වටිනා චංචල සහ නිශ්චල දේපළ මේ වනවිට සොයාගෙන ඇත.
මෙම දේපළ සම්බන්ධයෙන් සිදුකෙරෙන නීතිමය කටයුතු අවසන් කිරීමෙන් පසු අධිකරණ නියෝගයක් ලබාගෙන ඒවා රජසන්තක කිරීමට කටයුතු කරන බව අපරාධ පරීක්ෂණ දෙපාර්තමේන්තුව පවසයි.
පසුගිය කාලසීමාවේ රටපුරා සිදුවුණු සාහසික මිනිස් ඝාතන, මහා පරිමාණ කොල්ලකෑම්, හෙරොයින් ජාවාරම්, දරුණු ගණයේ අපරාධ සිද්ධීන් 23 ක් සම්බන්ධයෙන් මාකඳුරේ මධුෂ් නමැති පාතාල නායකයාගෙන් අපරාධ පරීක්ෂණ දෙපාර්තමේන්තුව නොනවත්වා ප්රශ්න කිරීම් සිදුකරමින් සිටී. මේ අතර මාකඳුරේ මධුෂ්ගේ ප්රධානත්වයෙන් සිදුකළ මහා පරිමාණ හෙරොයින් ජාවාරම් සම්බන්ධයෙන් ප්රශ්න කිරීම සඳහා පොලිස් මත්ද්රව්ය නාශක අංශයේ සහය ලබාගැනීමට කටයුතු කරන බව පොලිස් ආරංචි මාර්ග පවසයි.
මධුෂ්ට එරෙහිව එල්ලවී තිබෙන දරුණු ගණයේ අපරාධ සිද්ධීන් රැසක් සම්බන්ධයෙන් දීර්ඝ ලෙස ප්රශ්න කිරීමට අවශ්ය නිසා ඔහු රැඳවුම් නියෝග මත තබාගෙන ප්රශ්න කිරීම් සිදුකරන බවද අපරාධ පරීක්ෂණ දෙපාර්තමේන්තුව පවසයි.
කළුතර බන්ධනාගාර බස්රථයකට ප්රහාර එල්ල කර පාතාල නායකයකුව සිටි රණාලේ සමයං ඇතුළු හත්දෙනකු ඝාතනය කිරීම, පිළියන්දල පොලිස් මත්ද්රව්ය නාශක අංශයේ නිලධාරීන් පිරිසකට ප්රහාර එල්ල කිරීම, කොස් මල්ලී නමැති පාතාල සාමාජිකයා ඝාතනය කර අලූත්කඬේ අධිකරණය අසලට ඔහුගේ හිස ගෙනත් දැමීම ඇතුළු කොළඹට ආසන්න ප්රදේශවල සිදුවූ මිනිස් ඝාතන සම්බන්ධයෙන් මධුෂ්ගෙන් ප්රශ්න කරන බව පොලිස් ආරංචි මාර්ග පවසයි.
මහරගම ප්රදේශයේ ධනවත් ව්යාපාරිකයකුගෙන් රුපියල් කෝටි 700 කට අධික වටිනාකමින් යුත් දියමන්ති සහ මැණික් කොල්ලකෑම ඇතුළු ව්යාපාරික ස්ථාන රැසක් කොල්ලකෑම සම්බන්ධයෙන් මධුෂ්ගෙන් ප්රශ්න කිරීම, පසුගිය වසර කිහිපය තුළදී පොලිස් මත්ද්රව්ය නාශක අංශය මගින් වරින් වර අත්අඩංගුවට ගත් හෙරොයින් ටොන් එකකට ආසන්න ප්රමාණයක් එවා තිබුණේ මාකඳුරේ මධුෂ් බව හෙළිකරගෙන තිබේ. මධුෂ්ගේ හෙරොයින් ජාලය කි්රයාත්මක වූ ආකාරය පිළිබඳ පුළුල් විමර්ශනයක් ආරම්භ කරන බව පොලිස් ආරංචි මාර්ග කියා සිටී.
ඉස්ලාම් අන්තවාදයේ ආරම්භය දේශීයව මෙරටදී ආරම්භ වූවක් නොවන අතර එය මීට දශක කිහිපයකට පෙර විදේශීය ආරම්භ වී මෙරටට ඉතා සූක්ෂමව පැමිණ ඇති බව ශ්රී ලංකා නිදහස් පක්ෂ පාර්ලිමේන්තු මන්ත්රී තිලංග සුමතිපාල මහතා පවසයි.
ඔහු මේ බව පැවසූයේ රටේ මේ වන විට උද්ගතව ඇති තත්වය සම්බන්ධයෙන් විශේෂ රූපවාහිනී සාකච්ඡාවකට එක්වෙමිනි.
මෙම ඉස්ලාම් ත්රස්තවාදය අන්තවාදී නොවන ඉස්ලාම්වරුන්වම ඝාතනයෙන් ආරම්භ වී ඇති බවත් මෙහි ආරම්භය 1996 දක්වා අතීතයට ගමන් කරන බවත් ඔහු පැවසීය. මෙම ත්රස්තවාදී සංවිධානයේ ආරම්භයද එල්ටීටීඊ සංවිධානයේ ආරම්භයට සමාන බවත්, 1979 දී මතුව 1983 දී එල්ටීටීඊ සංවිධානය ආරම්භ වුවද එයට 1969 දක්වා අතීතයකට දිව ගිය අන්තවාදී මූලාරම්භයක් ඇති බව තිලංග සුමතිපාල මහතා පෙන්වා දෙයි.
සියවස් ගණනාවක් පැරණි දේශීය සංස්කෘතිය සමඟ බද්ධ වී පැවති මෙරට මුස්ලිම් සංස්කෘතිය විනාශ කරමින් ක්රමිකව මෙම ඉස්ලාම් අන්තවාදී ඉගැන්වීම් තුළින් මෙරට මුස්ලිම් ජනතාව සමඟ ගොඩනඟා ගෙන තිබූ එම සංස්කෘතික බැඳීම විනාශ වී ගිය බවත්, එය අද වන විට ත්රස්තවාදයක් බවට පත්ව මුළු රටටම හිසරඳයක් වී ඇති බවට මෙහිදී තිලංග සුමතිපාල මන්ත්රීවරයා කරුණු සහිතව ගෙනහැර දැක්වීය.
ඉස්ලාම් අන්තවාදී ත්රස්තවාදීන්ගේ දේශීය ව්යාප්තිය සිදූ වූ ආකාරය සම්බන්ධයෙන් මෙහිදී වැඩිදුරටත් අදහස් දැක්වූ පාර්ලිමේන්තු මන්ත්රී තිලංග සුමතිපාල මහතා,