Category: සුපිරි Cases

තම ෆේස්බුක් ගිණුමට ලැබුණු මිතුරු ඇරයුමක් පිළිගැනීම නිසා අවසානයේ විශාල ගැටළු තොගයකට මුහුණ දීමට සිදු වූ පුවතක් මීගම, දියහොර‍‍‍‍‍‍‍‍‍‍‍‍‍‍‍‌‌‌‌‌ඩුව ප්‍රදේශයෙන් වාර්තා වෙනවා.

මෙවර අ.පො.ස උසස් පෙළ විභාගයට බාහිර අයදුම්කරුවෙකු ලෙස පෙනී සිටීමට නියමිතව සිටින ඇය පසුගියදා මුහුණුපොතේ සැරිසරමින් සිටින විට නාඳුනන පුද්ගලයෙකු විසින් එවන ලද මිතුරු ඇරයුමක් දැක තිබෙනවා. එයට යහපත් ප්‍රතිචාරක් දැක්වූ මෙම තරුණිය  පසුව දිගින් දිගටම අදාල පුද්ගලයා සමඟ අදහස් හුවමාරුකරගෙන තිබෙනවා.

නමුත් මෙම පුද්ගලයා විවාහක අයෙකු බවත් මෙම තරුණියගේ ගමේම ජීවත්වෙන අයෙකු බවත් කිසි දිනක පවසා තිබුනේ නැහැ. නමුත් පසුව ඇය ඒ පිළිබඳ දැන ගැනීමත් සමඟ ඔහුගෙන් ලැබෙන සියලු පණිවිඩ අවහිර කරන්නට කටයුතු කර තිබෙනවා.

පසුව තමන් සමඟ දැඩි හිතවත් කමකින් සිටි මෙම තරුණිය ගත් ක්‍රියා මාර්ගය නිසා උරණ වූ මෙම තරුණයා ඇයගෙන් පළි ගැනීමට ඇයගේ ගිණුමේ තිබුණු ඡායාරුපයක් අසභ්‍ය වදන් සමඟ අන්තර්ජාලයට එකතු කර තිබුණා.

ඇයගේ ඡායාරුපයක් අසභ්‍ය වදන් සමඟ අන්තර්ජාලයේ තිබෙන බව ඇයගේ මිතුරියක් විසින් පැවසීමත් සමඟ ඇය දැඩිසේ අපහසුතාවයට පත්වෙනවා.  පසුව දෙමාපියන් සමඟ වැලිපැන්න පොලිසියට ගොස් මේ පිළිබඳ පැමිණිලි කිරීමත් සමඟ සැකකාර තරුණයා අත්අඩංගුවට ගෙන තිබෙනවා.ඔහු මීගම, දියහොර‍‍‍‍‍‍‍‍‍‍‍‍‍‍‍‌‌‌‌‌ඩුව ප්‍රදේශයේ පදිංචි ධීවර වෘත්තියේ යෙදෙන 24 හැවිරිදි විවාහක තරුණයෙක්.

[rns_reactions]

ශ්‍රී ලංකා රක්ෂණ සංස්ථාවේ සම කළමනාකාර අධ්‍යක්ෂවරයකු ලෙස කටයුතු කළ ටී එම් ආර් බංස ජයා මහතා එම තනතුරින් ඉවත් කළ බව රාජ්‍ය ව්‍යවසාය සංවර්ධන අමාත්‍යංශයේ ආරංචි මාර්ග කියයි.

එහි සිටි අනෙක් සම කළමනාකාර අධ්‍යක්ෂවරයා වූ අරුණ සිරිවර්ධන මහතා ඇතුළු අධ්‍යක්ෂ මණ්ඩලය ද ඉල්ලා අස්වී ඇතැයි එම ආරංචි මාර්ග සදහන් කරයි.

ශ්‍රී ලංකා රක්ෂණ සංස්ථාවේ ප්‍රතිව්‍යූහ ගත කිරීමකට වෘත්තීමය නිලධාරීන් පත් කිරීමේ අවශ්‍යතාවක් මත අධ්‍යක්ෂ මණ්ඩලය ඉල්ලා අස්වී ඇතැයි ද, සම කළමනාකාර අධ්‍යක්ෂ බංස ජයා මහතා ඉල්ලා අස්නොවූයෙන් ඔහු එම ධුරයෙන් ඉවත් කළ බව ද දැනගන්නට තිබේ. බංස ජයා මහතා කළමනාකාර අධ්‍යක්ෂ ධුරයෙන් ඉවත් කර ඇතත් ඔහු අධ්‍යක්ෂ මණ්ඩලයෙන් තවමත් ඉවත් කර නැත.

එක්සත් ජාතික පක්ෂය බලයට පත්වීමෙන් පසු දින 100 ආණ්ඩු සමයේ බංස ජයා මහතා එම තනතුරට පත් කරනු ලැබුවේ හිටපු මුදල් ඇමැති රවී කරුණානායක මහතා විසිනි.  එම තනතුරට තවත් පුද්ගලයකු පත් කරනු ලැබූ අතර ඔහු ද ඉල්ලා අස්වීමෙන් පසු අරුණ සිරිවර්ධන මහතා එම තනතුරට පත් කරනු ලැබීය.

රක්ෂණ සංස්ථාව ප්‍රතිව්‍යූහගත කිරීමට එකග වෙමින් නව අධ්‍යක්ෂ මණ්ඩලයක් පත් කර ගැනීමට ගත් තීරණය අනුව අරුණ සිරිවර්ධන මහතා පෙරේදා (09) එම තනතුරින් ඉවත් වී ඇත. ඒ සමග අධ්‍යක්ෂ මණ්ඩලයේ සෙසු සාමාජිකයන් ද සිය ඉල්ලා අස්වීම් බාර දී තිබෙන බව අමාත්‍යංශ ආරංචි පවසයි. 

රක්ෂණ සංස්ථාවේ සභාපතිවරයා ලෙස කටයුතු කරන හේමක ඩී එස් අමරසූරිය මහතා දිගටම එම තනතුරේ තැබීමට දැනට තීරණය කර ඇතැයි අමාත්‍යංශ නිලධාරියෙක් පැවසීය. 

ටී එම් ආර් බංස ජයා මහතා හිටපු අමාත්‍ය රවී කරුණානායක මහතාගේ මස්සිනා වේ.

[rns_reactions]

පිවිතුරු හෙළ උරුමයේ නායක උදය ප්‍රභාත් ගම්මන්පිල විසින් අයථා ලෙස උපයන ලද මුදල් තම හිතවත් වෛද්‍යවරුන් දෙදෙනෙක් වන අංක 03 Austral Court Wheelers Hill Vic 3150 හි පදිංචි වෛද්‍ය සමන් අලූත්බදුගේ සහ වෛද්‍ය අබේකෝන් ගුණරත්න යන අය එක්ව ‘සමන් සහ අබය පුද්ගලික සමාගම’ නමින් සමාගමක් ඕස්ට්‍රේලියාවේ ලියාපදිංචි කර (ලියාපදිංචි අංකය 13/2/14ABN 168039147), එම සමාගම නමින් විශාල දේපල ප‍්‍රමාණයක් මිලදී ගෙන ඇති බවත්, එම දේපලවල වත්මන් වටිනාකම ශ‍්‍රී ලංකා රුපියල් 781,538,385.97ක් පමණ වන බවත් හෙළිදරව් කරමින් ශ්‍රේෂ්ඨාධිකරණ නීතීඥ නාමල් රාජපක්ෂ මහතා විසින් පසුගියදා (සැප්තැම්බර් 29) පොලිස් විශේෂ විමර්ශන අංශය(SIU) දැනුවත් කරමින් අදාළ තොරතුරු සහ සාක්ෂි ලබාදීමට කටයුතු කළේය.

මේ පිළිබඳව ප්‍රකාශයක් කරමින් පිවිතුරු හෙළ උරුමයේ නායක උදය ගම්මන්පිල සඳහන් කර සිටියේ එය අසත්‍ය පැමිණිල්ලක්  බවත්, මේ සම්බන්ධයෙන් නීතීඥ නාමල් රජපක්ෂ මහතාගෙන් වන්දි ඉල්ලා නඩු පවරන බවයි. එමෙන්ම මේ සම්බන්ධව අනාවරණය කළ පෞද්ගලික රූපවාහිනී නාලිකාවකට විරුද්ධව නඩු පවරා වන්දි ලබාගැනීමට කටයුතු කරන බවද ගම්මන්පිල මහතා මාධ්‍ය හමුවේ පවසා තිබුණි.

කෙසේ වෙතත්, මේ සම්බන්ධයෙන් අදහස් පළ කරමින් නීතීඥ නාමල් රාජපක්ෂ මහතා විසින් අද(12) ප්‍රස්තකාල හා ප්‍රලේඛන සේවා මණ්ඩල ශ්‍රවණාගාරයේදී මාධ්‍ය හමුවක් කැඳවා තිබුණි.

එහිදී නාමල් රාජපක්ෂ මහතා සඳහන් කර සිටියේ, ගම්මන්පිල සහ ඔහුගේ හිතවත් වෛද්‍යවරු දෙදෙනෙක් විසින් ඕස්ට්‍රේලියාවේ දේපල මිලදී ගැනීමට අති විශාල මුදලක් වැය කර ඇති අතර, කෙටි කාලයක් තුළ එම මුදල් ඉපයූ ආකාරය පිළිබද සාධාරණ සැකයක් මතුව තිබෙන බවයි. එමෙන්ම එම දේපල මිලදී ගැනීම සම්බන්ධයෙන් වන ඕස්ට්‍රේලියාවේ ඉඩම් ලියාපදිංචි කාර්යාලයේ ලිඛිත තොරතුරුද තමා සතුව පවතින බවත් ඒවා අදාළ පැමිණිල්ල සිදුකිරීමේදී ඉදිරිපත් කළ බවයි.

එමෙන්ම අධිකරණයට අවශ්‍ය කර සිටින උදය ගම්මන්පිලගේ බිරිඳ වන දිනේෂා ගම්මන්පිල ඕස්ට්‍රේලියාවේ නතරවී සිටිනුයේද මෙම දේපල මිලදීගැනීමට සම්බන්ධ එක් වෛද්‍යවරයෙකුගේ නිවසේ බවද නාමල් රාජපක්ෂ මහතා හෙළිදරව් කර සිටියේය. තවද, නීතීඥ නාමල් රාජපක්ෂ පෙන්වා දෙන පරිදි උදය ගම්මන්පිලගේ බිරිඳ වන දිනේෂා ගම්මන්පිල සහ දරුවන් දෙදෙනාද මේ වනවිට ඕස්ට්‍රේලියානු පුරවැසියන්ය.

තමන්ගේ වංචා දූෂණ එකිනෙක හෙළිදරව්වීමත් සමඟ වියරු වැටී සිටින උදය ගම්මන්පිල සිදු කරන ප්‍රකාශ තුළ කිසිදු සත්‍යතාවයක් නොමැති බව  සඳහන් කරන නාමල් රාජපක්ෂ මහතා, මීට පෙරද තමා විසින් ගම්මන්පිලගේ වංචා දූෂණ හෙළිදරව්කිරීමකදී තමන්ට විරුද්ධව නඩු පවරන බවට ප්‍රකාශ කළද අද වනතෙක් කිසිදු නඩුවක් පවරා නොමැති බවද සඳහන් කර සිටියේය.

ඔස්ට්‍රේලියානු ජාතික ව්‍යාපාරිකයෙක්ට අයත් මුදල් හා දේපල කූට ලේඛණ සකස් කර විකුණා කෝටි ගණනක මුදල් වංචා කිරීම පිළිබද උදය ගම්මන්පිලට එරෙහිව කොළඹ මහාධිකරණයේ නඩු දෙකක් විභාග වෙමින් පවතින අතර එමගින් ගම්මන්පිලගේ වංචා දූෂණ හෙළිදරව් වෙමින් පවතින බවද නාමල් රාජපක්ෂ මහතා පවසයි.

ඕස්ට්‍රේලියානු ජාතික ව්‍යාපාරික බ‍්‍රයන් ෂැඞ්ඩික් මහතාට අයත්ව තිබූ
·         මෙට්ල් රීසයික්ලින් කලම්බු ලිමිටඞ් ආයතනය,
·         සිලෝන් ටී ගාර්ඞ්න්ස් ආයතනය,
·         ට්‍රිපල් එස් ආයතනය, සහ තවත් ආයතන ගණනාවක්

වංචනික අයුරින් විකුණා මුදල් උපයාගෙන තිබෙන බව අනාවරණය වී තිබෙන බවද නාමල් රාජපක්ෂ මහතා පෙන්වා දෙයි.

එමෙන්ම උදය ගම්මන්පිල තම ව්‍යාපාරික සගයා වන සිඞ්නි ජයසිංහ නම් ව්‍යාපාරිකයා සමඟ එක්ව තාක්ෂණික ඇගයීම් කමිටුව විසින් අසමත් කර තිබූ Anrorchi බුරුතකන්ද හා Irish බුරුතකන්ද යන මෙම සූර්ය බලාගාර ව්‍යාපෘතීන් දෙක පවිත‍්‍රා වන්නිආරච්චි මැතිණිය විදුලිබල ඇමතිනිය ලෙස වැඩ භාරගැනීමෙන් පසුව 2014-03-18 වන දින වංචනික ලෙස අනුමත කරවා ගෙන, 2014-09-24 දින එංගලන්තයේ ලිවේරා හෝල්ඩින්ග්ස් සමාගමට ඇමරිකානු ඩොලර් මිලියන 07 කට විකුණා මුද්ල උපයාගෙන තිබෙන බව අනාවරණය වී ඇති බවද නාමල් රාජපක්ෂ මහතා හෙළිදරව් කරයි.

ගම්මන්පිලගේ මෙවැනි වංචා දූෂණ හෙළිදරව්වීමත් සමඟ ජනතාවට උක්ත දේපල මිලදී ගත් ආකාරය සහ ඒ සදහා යොදාගනු ලැබූ මුදල් පිළිබද සාධාරණ සැකයක් ඇතිව ඇති හෙයින්, ඒ පිළිබද විධිමත් පරීක්ෂණයක් කර අවශ්‍ය නීතිමය පියවර ගන්නා ලෙසත්, අප රටින් වංචනිකව උපයාගෙන විදෙස් රටවලට යවනු ලැබූ අදාල මුදල් නැවත අයකරගෙන අප රටට ගෙන ඒමට කටයුතු කරන ලෙසත් තමා විසින් පැමිණිල්ලක් මගින් ඉදිරිපත් කළ බවද රාජපක්ස මහතා සඳහන් කර සිටියේය.

එමෙන්ම පසුගිය සමයේ විවිධ හේතු දක්වමින් උදය ගම්මන්පිල මහතා වරින් වර ඕස්ට්‍රේලියාවට ගොස් ඇති බව වාර්තා වන අතර, ඒ මහතාගේ විදේශ ගමන් බලපත‍්‍රය පරික්ෂා කළහොත් ඒ බව තහවුරු වනු ඇති බවත්, එමෙන්ම අදාල වෛද්‍යවරු දෙදෙනාගේ බැංකු ගිණුම් හා ආයතනවල බැංකු ගිණුම්වල ඉතිහාසය පරික්ෂා කිරීමෙන් මුදල් පැමිණ ඇත්තේ කිනම් මූලාශ‍්‍රයකින්ද යන්න පිළිබදව තහවුරු කරගත හැකිවනු ඇති බවද නාමල් රාජපක්ෂ මහතා වැඩිදුරටත් සඳහන් කර සිටියේය.

[rns_reactions]

රජයේ කඩිනම් මුදල් අවශ්‍යතාවය ප්‍රශ්නගත බැඳුම්කර නිකුතුවෙන් සපයා ගැනීමට උපදෙස් ලබා නොදුන් බව මලික් සමරවික්‍රම මහතා සහ කබීර් හෂීම් මහතා යන අමාත්‍යවරුන් ඊයේ (11) බැඳුම්කර කොමිසම හමුවේ ප්‍රකාශ කළේය.

ඒ ප්‍රශ්නගත බැඳුම්කර නිකුතුවට පෙර ශ්‍රී ලංකා මහ බැංකුවේ පැවති හමුවක් සම්බන්ධයෙන් සාක්ෂි ලබා දෙමිනි.

සාක්ෂි කූඩුවට නැගී මලික් සමරවික්‍රම අමාත්‍යවරයා පැවසුවේ 2015 පෙබරවාරි මස 26 වැනිදා මහ බැංකුවේ පැවති හමුවකට අග්‍රාමාත්‍යවරයාගේ ජේෂ්ඨ උපදේශකයෙකු ලෙස තමන් සහභාගී වූ බවයි.

මාර්ග සංවර්ධන ව්‍යාපෘති යලි ක්‍රියාවට නැංවීමට අවශ්‍ය රුපියල් බිලියන 15ක් සපයා ගැනීම පිළිබඳව මහ බැංකුව සමඟ සාකච්ජා කරන ලෙසට අග්‍රාමාත්‍යවරයා උපදෙස් දුන් බව අමාත්‍යවරයා සඳහන් කළහ.

ඔහු පැවසුවේ එම අරමුණෙන් එවක මහ බැංකු අධිපති අර්ජුන් මහේන්ද්‍රන් හා හිටපු මුදල් අමාත්‍ය රවී කරුණානායක යන අය සමඟ පැවති හමුවේදී බැඳුම්කර වෙන්දේසියෙන් අදාළ මුදල් සපයා ගැනීම පිළිබඳ සහතික ලෙසම සාකච්ජා නොකළ බවයි.

එද්චිනට පසු ප්‍රශ්නගත බැඳුම්කර වෙන්දේසිය පැවැත්වුණු අතර මෙම හමුවෙන් පසුව දුරකථනයෙන් හෝ හිටපු මහ බැංකු අධිපතිවරයා ඇමතුවේ දැයි මෙහිදී අමාත්‍යවරයාගෙන් ප්‍රශ්න කරන ලදී.

ඔහුගේ පිළිතුර වුයේ එවන් මතකයක් නොමැති බවයි.

මිනිත්තු 10කට පමණ සිමා වූ මලික් සමරවික්‍රම අම්ත්යවරයාගේ සාක්ෂියේදී සියලු ප්‍රශ්න කොමිසමේ විනිසුරුවන් විසින් විමසීමද විශේෂත්වයකි.

ඉන් අනතුරුව සාක්ෂි ලබා දුන් කබීර් හෂීම් අමාත්‍යවරයා පැවසුවේ එවක මහාමාර්ග අමාත්‍යවරයා ලෙස තමන්ද අදාළ සාකච්ජාවට සහභාගී වූ බවයි.

ප්‍රශ්නගත බැඳුම්කර නිකුතුවෙන් රජයේ කඩිනම් මුදල් අවශ්‍යතාව සපයා ගැනීම සම්බන්ධයෙන් එම සාකච්ජාවේදී තීරණයක් නොගත් බව පිළිබඳව අමාත්‍යවරයා ප්‍රශ්න කළහ.

ඊට අමතරව එක්සත් ජාතික පක්ෂයේ සභාපති හා මහ ලේකම් ලෙස කටයුතු කරන අමාත්‍යවරුන් දෙදෙනාම ප්‍රකාශ කර ඇත්තේ 2015 හා 2016 වර්ෂවලදී අර්ජුන් අලෝසියස්ගෙන් ඔහුගේ සමාගමකින් හෝ ඔහුගේ පවුලේ ඥාතීන් කිසිවෙකුගෙන් සිය පක්ෂයට අරමුදල් නොලැබුණු බවයි.

අර්ජුන් අලෝසියගේ පෞද්ගලික ලේකම් ස්ටීව් සැමුවෙල් ඊයේ කොමිසම හමුවට කැඳවා තිබුණද ඔහුගේ නීතිඥවරයා ප්‍රකාශ කළේ හදිසියේ පපුවේ ඇති වූ වේදනාවක් හේතුවෙන් සිය සේවාදායකයා ඊයේ පෙරවරුවේ පෞද්ගලික රෝහලකට ඇතුළත් කළ බවයි.

ඒ.එම් සහ ආර්.කේ යනුවෙන් පර්පචුවෙල් ට්‍රෙෂරිස් සමාගම පවත්වාගෙන ගිය ලිපි ගොනු ලබා ගැනීමට ඔහු කැඳවූ බව කොමිසම ප්‍රකාශ කළේය.

එම නිසා අදාළ ලිපි ගොනු ඊයේ භාරදෙන ලෙස කොමිසම නියෝග කළ අතර එවන් ලිපි ගොනුවක් සිය සේවාදායකයා සතුව නොමැති බවට ඔහුගේ නීතිඥවරයා ප්‍රකාශ කළ අවස්ථාවේදී කොමිසම පැවසුවේ ඒ.එම් සහ ආර්.කේ යනු කවුරුන්දැයි දැන ගැනීමට තමන්ට අවශ්‍ය බවය.

අර්ජුන් ඇලෝසියස් සහ ඔහුගේ පියවන ජෙෆ්රි ඇලෝසියස් යන අය සොයාගත නොහැකි නිසා එම ලිපිගොනු ලබා දෙන ලෙස ඔවුන්ටද දැන්විය නොහැකි බව කොමිසම සඳහන් කළේය.

කොමිසම හමුවේ සාක්ෂි ලබා දීමෙන් අනතුරුව එක්සත් ජාතික පක්ෂ මහ ලේකම් අමාත්‍ය කබීර් හෂීම් මහතා මාධ්‍ය වෙත අදහස් පල කරමින් මෙසේ පැවසීය.

“මට හරි පුදුමයි.සමහර හිටපු ඇමතිවරු චෝදනා කරලා තිබුණා ඊයේ මලික් සමරවික්‍රම ඇමැතිතුමයි මමයි ජනාධිපතිතුමා ළඟට ගිහිල්ලා වැදලා මේක කල් දාන්න කියලා ඉල්ලීමක් කරයි කියලා.මම කියන්නේ ජනාධිපති කාර්යාලයට ගිහිල්ල පොත බැලුවානම් ඇතුළත් වෙන පිටත්වෙන වෙලාවල් ලියනවා ඇතිනේ.මම ඊයේ කැබිනට් රැස්වීමට ගියේ පැය භාගයක් පරක්කු වෙලා.ඒ නිසා මේ සමහර අය එයාලා තීන්දුව දෙනවා අපි අපේ ප්‍රකාශයන් කරන්න ඉස්සෙල්ලා ඒක වැරදියි.අද කොමිෂන් සභාවට එන්න කිව්වා.අපි බොහොම සතුටෙන් ආවේ.පරීක්ෂණයක් කරනවා නම් ඒ පරීක්ෂණයට අපේ සහයෝගය ලබා දීම අපේ යුතුකමක්.”

[rns_reactions]

එල්.ටී.ටී.ඊ ත‍්‍රස්ත හමුදාවට එරෙහිව 2009 වසරේ දී ශ‍්‍රී ලංකාව ලබාගත් දැවැන්ත යුද ජයග‍්‍රහණයට පියවරු දහසක් නැත. එකී ජයග‍්‍රහණයේ පීතෘත්වය මහින්ද රාජපක්ෂ මහතා සියතින්ම පවරාගත්තේ උගන්ඩාවේ හිටපු ඒකාධිපති ඉඩි අමීන් අනුදත් මග යමිනි. හමුදා කුමන්ත‍්‍රණයක් මගින් බලය ලබාගත් පසු එරට හමුදාවේ ඉහළම නිලයට හිමි නිල ලාංඡන තමා විසින්ම පළදවා ගත් ඉඩි අමීන් හතරේ පන්තියටවත් ගොස් නොතිබුණ ද හරාරේ විශ්වවිද්‍යාලයේ උපකුලපති ධුරය ද ඔහු විසින්ම ඔහුටම ප‍්‍රදානය කරගත්තේය.

ඉන්පසු ඊට සමාන දෙයක් වී නම් එවැනි දේවල් සිදුව ඇත්තේ ලංකාවේ වියයුතුය. යුද හමුදාවට අණ දෙමින් යුද්ධය විජයග‍්‍රහණයක් කරා ගෙන ගිය එවකට හමුදාපතිව සිටි සරත් ෆොන්සේකා බලහත්කාරයෙන් කුදලාගෙන ගොස් සිරගත කළ මහින්ද රාජපක්ෂ අවසන් සටනට නායකත්වය දෙනු තබා ඒ මොහොතේ ලංකාවේවත් නොසිටි බව බොහෝ දෙනෙකු නොදන්නා කාරණයකි. මේ රටට අතිදැවැන්ත විජයග‍්‍රහණයක් ලබාදුන් අවසන් යුද සටන සිදුවන කාලවකවානුවේ මේ රටේ වැඩබලන ආරක්ෂක අමාත්‍යවරයා ලෙස කටයුතු කළේ මෛත‍්‍රීපාල සිරිසේන මහතා බව අද පවා බොහෝදෙනෙක් නොදන්නේ ද ඒ නිසාය.

අද මේ සටහන තබන්නේ ඒ ගැන කියන්නට නොවේ. එල්.ටී.ටී.ඊ ත‍්‍රස්තවාදීන් විසින් බිලිගැනීමට සූදානම් වූ මේ රටේ ප‍්‍රමුඛතම දේශපාලනඥයෙකු ඉලක්ක කරගත් පස්වන ප‍්‍රහාරය සිදුවී අදට වසර 09 ක් ගතවන නිසාය. දිනය – 2008 ඔක්තෝබර් 09 වනදාය. පිළියන්දල පැවති රාජ්‍ය වප් මගුල් උත්සවයට සහභාගී වී ආපසු එමින් සිටි ඔහුගේ රථය ඉලක්ක කරගත් මරාගෙන මැරෙන එල්.ටී.ටී.ඊ කාන්තාවක් කඩාපනිද්දි ඇතැමෙකු සිතන්නට ඇත්තේ එකී ප‍්‍රහාරය සාර්ථක ඇතැයි යන්නය. ජාතියේ වාසනාවකට එය එසේ සිදුනොවීය. එහෙත් එකී මරාගෙන මැරෙන බෝම්බ ප‍්‍රහාරය හේතුවෙන් ජීවිත ගණනාවක් රටට අහිමි වූ අතර තවත් විශාල පිරිසකට බරපතළ තුවාල සිදුවිය.

ඒ මෛත‍්‍රීපාල සිරිසේන මහතාට එල්ල වූ පස්වන ඝාතන සැලසුම ව්‍යාර්ථ වූ ආකාරයයි.

මෛත‍්‍රීපාල සිරිසේන මහතා ඉලක්ක කරගනිමින් එල්.ටී.ටී.ඊ ය හතරවන ඝාතන සැලැස්ම දියත් කරන්නේ 2007 සිංහල අලූත් අවුරුදු දිනයේදී ය. ඔහුට සුබපැතීම සදහා එන පොළොන්නරුවේ ඡන්දදායකයෙකුගේ වෙස්ගන්නා එල්.ටී.ටී.ඊ සංවිධානයේ සාමාජිකයෙක් කේක් පාර්සලයක පෙනුම ඇති බෝම්බයක් ද සමග ඔහුගේ නිවසට එන්නේ නියත බිල්ලක අරමුණකින් යුතුවය. එහෙත් ආරක්ෂක අංශ වල උකුසු ඇස නිසා ඝාතක දූතයා ආරක්ෂක අංශ වල අත්අඩංගුවට පත්විය.

ඔහු මරාදැමීමේ අරමුණ ඇතිව එල්.ටී.ටී.ඊ ය දියත් කරන තුන්වන සැලැස්ම ක‍්‍රියාවට නැගීමට නියමිතව තිබුණේ හරියටම ඊට වසරකට පෙරදී ය. එය ද අප්‍රේල් මාසයේ එක් දිනක් විය. ඒ 2006 වසරේදී ය. අලූතෙන් ඉදිකරන ලද වැලිකන්ද ප‍්‍රාදේශීය සභා ගොඩනැගිල්ල විවෘත කිරීමට නියමිතව තිබුණේ එදිනය. මෛත‍්‍රීපාල සිරිසේන මහතා එනතෙක් මගබලා සිටි එල්.ටී.ටී.ඊ ත‍්‍රස්තවාදීන් දෙදෙනෙකු පිළිබද ඔත්තුවක් කලින්ම ලැබී නොතිබෙන්නට ඇතිවිය හැකිව තිබූ ප‍්‍රථිඵලය බොහෝ සේ ඛේදනීය වන්නට ඉඩතිබිණ. ඒ අනුව ඝාතකයන් දෙදෙනා අත්අඩංගුවට පත්වන්නේ උත්සව භූමිය තුළදීම ය. අත්අඩංගුවට පත්වීමත් සමග ත‍්‍රස්තවාදීන් දෙදෙනාම සයනයිඞ් කා සියදිවි නසාගැනීම තුළ ඊට අදාළ බොහෝ රහස් ත‍්‍රස්තවාදීන්ගේ මරණ ද සමග වැළලී ගියේය.

මෛත‍්‍රීපාල සිරිසේන මහතා ඉලක්ක කරගනිමින් දෙවන ඝාතන සැලසුම දියත්වන්නේ 2000 වසරේදී ය. ඒ සොරුවිල දෙමළ ගම්මානයේ විදුලිය විවෘත කිරීමේ උත්සවය පැවති දිනයේදී ය. මරාගෙන මැරෙන්නට පැමිණි සිටි කාන්තාව අදාළ උත්සව භූමියේදිම අත්අඩංගුවට ගැනීම නිසා එල්.ටී.ටී.ඊ එම උත්සාහය ද ව්‍යාර්ථ විය.

මෛත‍්‍රීපාල සිරිසේන මහතාගේ ජීවිතය පමණක් නොව එතුමන්ගේ ආදරණීය භාර්යාවගේ හා පුතණුවන්ගේ ජීවිත අනූනමයෙන් ගැලවුණ අවස්ථාවක් ද විය. ඒ 2000 වසරේ මාර්තු මාසයේදී ය. එදා එල්.ටී.ටී.ඊ ය සිය මරාගෙන මැරෙන සෙබළුන් ගණනාවක්ම යොදවන්නේ රාජගිරියට ය. එදින එම වේලාව ඔහු කලින්ම වෙන්කරගෙන තිබී ඇත්තේ සිය මිතුරෙකු මෙන්ම ප‍්‍රවීන ලේඛකයෙකු ද වන මළල්ගොඩ බන්දුතිලක මහතා හමුවීමට ය. එහිදී සිය බිරිද හා පුතණුවන් වේලාසනම සිය මිතුරු නිවසට පිටත්කර හරින ඔහු පාර්ලිමේන්තුවට යන්නේ නියමිත වේලාවට එතැනට එන්නටය. එහෙත් නියමිත වේලාවට පෙරම එල්.ටී.ටී.ඊ මරාගෙන මැරෙන භට කණ්ඩායමක් රාජගිරිය වටරවුම අත්පත් කරගනිමින් බලා සිට ඇත්තේ මෛත‍්‍රීපාල සිරිසේන මහතා එතැනට එනතුරුය. ඔහුගේ පැමිණීය තරමක පමාවීමත් සමග ත‍්‍රස්තවාදීහු වෙනත් ප‍්‍රභූ රථ පෙලක් ඉලක්ක කරගත්හ. වෙඩි හඩ හා මරලතෝනි සමග මුළු රාජගිරියම කැළඹෙද්දි මළල්ගොඩ බන්දුතිලක මහතාගේ නිවසේ සිටි මෛත‍්‍රීපාල සිරිසේන මැතිණිය හා කුඩා පුතු පැය කිහිපයක්ම ගතකර ඇත්තේ එල්.ටී.ටී.ඊ ත‍්‍රස්ත ගහණයට මැදි වූ පිරිසක් අතරය. එක් අවස්ථාවක දී එකී ත‍්‍රස්ත පිරිස ඔවුන් රැදී සිටි නිවස තුළට ද කඩා වැදී ඇතත් ඔවුන් කවුදැයි නිශ්චිතව හදුනාගැනීමට ත‍්‍රස්තවාදීන්ට නොහැකිවීම තුළ සිදුව හැකිව තිබූ තවත් ව්‍යසනයක් වැළකී තිබේ. එහෙත් එකී ත‍්‍රස්ත ප‍්‍රහාරය මගින් විශාල ජීවිත පිරිසක් රටට අහිමි වූ බව මෙහිදී සිහිපත් කළයුතුය.

ඒ අනුව එල්.ටී.ටී.ඊ සංවිධානය මරගෙන මැරෙන ත‍්‍රස්තවාදී ප‍්‍රහාර පහක්ම සැලසුම් කර ඇති දේශපාලන නායකයන් අතර මෛත‍්‍රීපාල සිරිසේන මහතා ද සිටින්නේ පළමු තැනකය. ඒ සියලූ අනතුරු හමුවේ හාස්කමකට මෙන් ඔහුගේ ජීවිතය නිරුපද්‍රිත වන්නේ එල්.ටී.ටී.ඊ යේ දුර්වලතාවයක් නිසා වියනොහැකිය. දෛවය විසින් ඔහු වෙත භාරදීමට නියමිතව තිබූ උදාරතර කාර්යභාරය උදෙසා ඔහු අත්‍යවශ්‍ය පුද්ගලයෙක් වූ නිසා වියයුතුය.

[rns_reactions]

පාර්ලිමේන්තු මන්ත්‍රී නාමල් රාජපක්ෂ මහතා අයථා ලෙස උපයාගත් රුපියල් මිලියන 30ක මුදලක් සීමාසහිත ගවර්ස් කොපරේෂන් සර්විසස් පුද්ගලක සමාගමේ යෙදවීමෙන් මුදල් විශුද්ධි කිරීමේ චෝදනාවට ලක්ව සැකකාරියකව සිටි ඔහුගේ සුරූපී ලේකම්වරිය අඩුඩාබිහිදී අත්අඩංගුවට ගෙන ලංකාවට එවීමට කටුයුතු යොදා ඇතැයි වාර්තා වේ.

මෙසේ අත්අඩංගුවට පත්ව ඇත්තේ බටපොළ ආරච්චිගේ ඔරනෙලා ඉරේෂා සිල්වා නැමැත්තියයි.

රතු නිවේදනයට අත්අඩංගුවට ගත් පළමු රාජපක්ෂ

ඇයට එරෙහිව රතු නිවේදනයක් නිකුත්කර තිබූ අතර රාජපක්ෂවරුන්ගේ චෝදනා වලට සම්බන්ධව රතු නිවේදනයකට අත්අඩංගුවට ගත් පළමු සැකකාරියද මැය වේ.

මෙම සැකකාරිය හෙට පෙරවරුවේ ගුවන් යානයකින් ලංකාවට ගෙනඒමට නියමිත බව ආරක්ෂක අංශ ආරංචි මාර්ගවලින් වාර්තා වේ.

නඩුව හෙට !

අදාළ චෝදනාව සම්බන්ධ නඩුව ( HC 129/ 17) හෙට (10) අංක 7 මහාධිකරණයේදී විභාගයට ගැනීමට නියමිතය.

ලක්ෂ්මන් නාමල් රාජපක්ෂ, ඉන්දික ප්‍රභාත් කරුණාජීව, චන්ද්‍රසේකර පවිත්‍රිකා සුජානි බෝගොල්ලාගම, බටපොළ ආරච්චිගේ ඔරනෙලා ඉරේෂා සිල්වා, නිත්‍යා සේනානි සමරණායක හා සීමාසහිත ගවර්ස් කෝපරේට් සර්විසස් පුද්ගලික සමාගම ඇතුළු විත්තිකරුවන් 6 දෙනෙකුට එරෙහිව මෙම නඩු පවරා තිබේ.

අබුඩාබිහිදී අත්අඩංගුවට පත් බටපොළ ආරච්චිගේ ඔරනෙලා ඉරේෂා සිල්වා සීමාසහිත ගවර්ස් කෝපරේට් සර්විසස් පුද්ගලික සමාගමේ කොටස් කාරියක්, අධ්‍යක්ෂ මණ්ඩල සාමාජිකාවක් මෙන්ම එම සමාගමේ ලේකම්වරියද වේ.

කෙසේවුවද, අදාළ සමාගමට අයථා ලෙස උපයාගත් මුදල් යෙදවීම ඇතුළු චෝදනා ගණනාවක් සම්බන්ධයෙන් පාර්ලිමේන්තු මන්ත්‍රී නාමල් රාජපක්ෂ මහතාට නඩු ගණනාවක්ම මේවන විට අධිකරණයේ විභාගවෙමින් පවතී.

පිටුවහල් කලේ පොලිස් ඉල්ලීමට !

ඔනෙලාව මෙසේ අත්අඩංගුවට ගෙන පිටුවහල් කරනු ලැබුවේ ශ්‍රී ලංකා පොලිසියේ ඉල්ලීම අනුව ජාත්‍යන්තර පොලිසිය නිකුත්කරන ලද රතු නිවේදනයකට අනුවය.

රාජපක්ෂවරුන් හා සම්බන්ධව සිට දූෂණ චෝදනා එල්ලවී පසුව රටෙන් පැනගොස් සැඟව සිටින කිහිපදෙනෙකුම ශ්‍රී ලංකා පොලිසියේ ඉල්ලිම අනුව ඉදිරියේදී එම රටවලින් ලංකාවට පිටුවහල් කිරීමට නියමිත බව පැවසේ.

[rns_reactions]

ඉරාජ් වීරරත්න සහ පියුමි හංසමාලිගෙන් රංගන ශිල්පී පින්පොන් හෙවත් රාජිත හිරාන් සමාව අයද සිටිනවා.ඒ ඉකුත් දා ඔහු කළ ප්‍රකාශයක් හේතුවෙන්. ඉකුත්දා කොරියවේදී පියුමි හංසමාලි හට ප්‍රහාරයක් එල්ල වුණා.ඒ සම්බන්ධයෙන් සමාජ ජාල වෙබ් අඩවි තුල දැඩි කතාබහක් ඇති වුණා. ඒ සමග කලාකරුවෙකු මෙන්ම විකට රංගන ශිල්පියෙක් ලෙස කටයුතු කරන රාජිත හිරාන් ෆේස්බුක් ඔස්සේ සජීවීව කියා සිටියේ එලෙස කිරීම සම්බන්ධයෙන් තමන් සතුටු වන බවත් තමන් ඒ පිළිබද ආඩම්බර වන බවයි.

එමෙන්ම එලෙසම ඉරාජ් වීරරත්න හට ද එම ආකාරයෙන්ම සිදු කරනු ඇතැයි තමන් විශ්වාස කරන බව රාජිත වැඩිදුරටත් පැවසුවා.එසේ තිබියදී හිරාන් යලිත් අද ෆේස්බුක් ඔස්සේ සජීව එක්වෙමින් පවසා ඇත්තේ එම සිද්ධිය සම්බන්ධයෙන් තමන් කණගාටු වන බවත් තමන්ගෙන් කියවුණු වචන සම්බන්ධයෙන් කණගාටු වන බවත් එම සිදුවීම සම්බන්ධයෙන් සමාව දෙන ලෙසත් ඉල්ලා සිටියා.එම වීඩියෝ පටය පහතින් බලන්න.

[rns_reactions]