Supiri Gossip

Category: සුපිරි Cases

  • අපි පාරක් ගැහුවේ නැති පුතා මැරුවේ ඔළුවට පරාල ඇණ ගහලා – ත්‍රිමාවිතානගේ මව

    පද්මසිරි ත්‍රිමාවිතානගේ මව ලෙබනනයේ යුද බිය මැද රැකියාවට ගොස් ඇත්තේ වසර 5 ක කොන්තරාත් කාලයක් සඳහාය. ත්‍රිමාවිතාන නිතරම තම ලිපි මගින් දන්වා සිටියේ වසර 5 ම සේවය කොට ත්‍රිමාත් තම නංගිලා මල්ලිලාටත් සමාජයේ යහපත් පුරවැසියන් ලෙස අධ්‍යාපනය ලබන්නට අවස්ථාව ලබා දෙන ලෙසය. තම නිවසින් වසර 4 1/2 ක් ගිය මුත් කිසිම දවසක ලංකාවට එන ලෙස දන්වා නැති නිසා ත්‍රිමාගේ මවට යම් ගුප්ත සිතුවිල්ලක් මෙන්ම සැකයක් ඇතිවන්නට විය.

    ‘‘මට ලොකුම ප්‍රශ්නය වුණේ ලෙබනනයේ මම සේවය කළ නිවසේ හිමියන් දාලා එන එක. මම අවුරුදු 4 1/2 ක් පවුලේම කෙනෙක් වගේ හිටියේ. මිනිස්සු මැද පෙරදිග ගිහින් අසරණ වුණාට මට නම් හොඳම තැනක් ලැබුණේ. මගේ දරුවන්ගේ වාසනාව නිසා වෙන්නැති. මං එනවා ආයි ලංකාවට කිව්වම ඒ ගෙදර අය ඔක්කොම ඇඬුවා. උඹ ආපහු ලංකාවට ගිහින් එනකම් උඹ වගේම හොඳ කෙනෙක් නවත්තලා යන්න කියලා මට කිව්වා. මට කිව්වෙම ආපහු වරෙන් කියලා. මට ලෙබනනයේ ඉන්න කොටම තේරුණා ත්‍රිමා පුතා වෛද්‍ය වෘත්තීය අධ්‍යාපන කඩ බවට පත් වීමට වගේම ඉන්දියාව ලංකාවට එල්ල කරන තර්ජන බලපෑම් ගැන කැකෑරෙන වෛරයෙන් ඉන්න බව. එයා එයට විරුද්ධව රත්නපුරේ පැත්තේ දේශන පවත්වනවා කියලා නම් කීයටවත් හිතුවේ නැහැ.’’

    කටුනායක ගුවන් තොටට පැමිණි සැණින් ත්‍රිමාගේ මව විමසා ඇත්තේ තම ලොකු පුතා පද්මසිරි ත්‍රිමාවිතාන ගැනය. තම සැමියාට අමාරු බව කිව්වත් තම පවුලේ අය හංගන යම් බලගතු කාරණයක් ඇති බව ත්‍රිමාගේ මවට දැනෙන්නට විය.

    මහ ගෙදර ඇවිත් දවස් 2-3 ක් ගත වූ මුත් පද්මසිරි පුතා තමන් බලන්නට නොපැමිණීම ත්‍රිමාගේ මවට මහත් ප්‍රශ්නාර්ථයක් විය.
    අහල පහල නිවැසියන් තමන් හමුවට පැමිණ කතා කරන විට යම් සංයමයකින් කතා කිරීම ඇය තුළ ඇති කළේ කුතුහලයකි.

    ටික දවසක් යන කොට ගෙදර කට්ටිය ගංගන්නම බැරි තැන මගේ ජීවිතයේ එකම බලාපොරාත්තුව පද්මසිරි පුතාට අත්වුණු ඉරණම මට කිව්වා. ඒක මට දරා ගන්න බැරි වේදනාවක් වුණා. පුතා දිවි පිදුවේ වෛද්‍ය උපාධිය පෞද්ගලීකරණයට එරෙහිව.

    මට ලෙබනනේට එන්න කියලා තිබ්බේ තුන් මාසේ දානේ දෙන්න. මගේ තරුණ ජීවිතයම මම ලෙබනනයේ කැඹුරුවේ මගේ දරුවන්ගේ අනාගතය වෙනුවෙන්. ඒ කාලේ මගේ පඩිය ඩොලර් 100 යි. ලංකාවේ සල්ලිවලින් රු. 2500 /- යි. පුතා පද්මසිරි කොහොමත් වැඩිය කතා කරන කෙනෙක් නොමෙයි. පවුලටම ආදරෙයි. මම ලෙබනන් ඉන්න කොට ඇටසැකිල්ලක් ගන්න රු. 500/- ක් ඉල්ලල එවල තිබුණා. මං ලංකාවට ආපු අලුත පුතාගේ කාමරේ ඒ ඇටසැකිල්ල එල්ලල තිබුණා. ලෙබනන් යුද්දෙ නිසා එහෙ වැඩ කරපු අපි වගේ අයගේ පඩිය 50% කින් කැපුවා. ඒත් පද්මසිරි පුතා වෛද්‍යවරයෙක් වෙන්න ඉගෙන ගන්නේ මේ පඩි සල්ලිවලින් කිව්වාම ලෙබනන් ගෙදර අය පඩිය සතයක් කපන්නැතුව අතටම දුන්නා. ගෙදර මහත්තයා මම එනකොටත් කිව්වේ ‘‘උඹේ ළමයි ඉගෙන ගන්නවනේ. ආපහු වරෙන් කියලා.’’

    පද්මසිරි ත්‍රිමාවිතාන අද ජීවතුන් අතර සිටියා නම් ඔහුගේ වයස 53 කි. ත්‍රිමාගේ මව කියන්නේ තම සැමියා මිය යනතුරුම ලොකු පුතා පද්මසිරි ගැන මතක් කළ බවය.

    ත්‍රිමාවිතාන යන නම මෙරට වෛද්‍ය සේවයේ කෙතරම් කිඳා බැස ඇති නමක්දැයි ඔහුගේ මව අපට කියූ කතාවකින් අපට මනාව වැටහී ගියේය.

    ඉස්පිරිතාලේ බේත් ගන්න පෝලිමේ ඉන්න කොට මගේ නම “ත්‍රිමාවිතාන” කියලා දැනගත්ත ගමන් දොස්තරලා මාව ඉස්සරහටම ගන්නවා පෝලිමෙන් අයින් කරලා. ත්‍රිමා පුතා වෛද්‍ය විද්‍යාලය පෞද්ගලීකරණයට එරෙහිව දිවි පුදපු එක ගැන දොස්තරලා පුදුම ගෞරවයක් තියෙන්නේ. සමහර දාට පුතා එක්ක ඉගෙන ගත්ත දොස්තරලත් කලාතුරකින් හම්බෙනවා. ත්‍රිමා පුතා හිටියා නම් මටත් වෙදකම් කරයි නේද කියලා මට එතකොට ඉබේම හිතෙනවා. පද්මසිරි පුතාට අපි පාරක් ගහල වත් හැදුවේ නැහැ. පත්තරවල තිබුණලු පුතාට පරාල ඇණ ගහලය මරලා පුච්චල තිබුණේ කියලා. අපි කොච්චර හොඳට දරුවෝ හැදුවත් දේශපාලනයට ගියාම හික්මීමක් නැති වෙනවා. අද ත්‍රිමා පුතා හිටියනම් දොස්තර කෙනෙක් විදියට රටටත් සේවයක් කරලා පවුලටත් සේවයක් කරනවා.’’
    ත්‍රිමාගේ මවගේ කතාව අසා සිටි විට අපට ප්‍රශ්නයක් වූයේ ත්‍රිමාවිතාන සමග දේශපාලනයේ යෙදුන පුද්ගලයින්ගෙන් ඇයට යම් රැකවරණයක් නොලැ​ෙබන්නේ ද යන පැනයයි. ඒ ගැන ඇය පවසා සිටියේ තමන් අසරණ මුත් තම අනෙක් දරුවන් සමග ඇය තෘප්තිමත් ජීවිතයක් ගත කරන බවය.

    ත්‍රිමා වෙනුවෙන් යුතුකම් ඉටු කිරීම එයාගේ සමකාලීනයින්ගේ යුතුකම. මම කාගෙන්වත් මුකුත් ඉල්ලන්නේ නැහැ. මට මහත්තයගේ පෙන්ෂන් එක තියෙනවා. ලොකු පුතා ඇඳපු චිත්‍ර, ලියපු ලිපි, කවි ගොඩක් මං ගාව තිබුණා. එක එක්කෙනා ගෙනත් දෙන්නම් කියලා ගෙනිහිල්ලා දැන් මුකුත් මං ගාව නැහැ. මට ඒ ටික ලැබුණොත් ඇති.

    ත්‍රිමාවිතාන වෛද්‍ය ශිෂ්‍ය ඝාතනය සිදු වී ඇත්තේ මීට වසර 29 කට පෙර 1988 දීය.

    මේ ඝාතනය ගැන මුලින්ම පුවත් පත් වාර්තාවක් පළ කොට ඇත්තේ 1988 ඔක්තෝබර් 27 වැනිදා දවස පුවත්පතේ මුල් පිටුවේය.
    මළ සිරුරු තුනම අද යළි ගොඩ ගනී.

    වැල්ලවායේ මැදගොඩ කොස්ලන්ද කැලෑවේදී මරා පුළුස්සා දමා තිබියදී ගොවියකුට හමු වූ නාඳුනන තරුණයින් තිදෙනාගේ මළ සිරුරු තුන අද උදේ යළි ගොඩ ගැනීමට පොලිසිය මගින් කටයුතු යොදා ගෙන යනු ලැබීය.

    ඉකුත් ඉරිදා (23 වෙනිදා) සොයා ගන්නා ලද මෙම නාඳුනන මළ සිරුරු තුනම වැල්ලවායේ පොදු සුසාන භූමියේදී ආරක්ෂක අංශ මගින් භූමිදානය කරනු ලැබ ඇත.

    මෙම මළ සිරුරු තුන පිළිබඳව රත්නපුර මන්ත්‍රී නන්ද එල්ලාවල මහතා විසින් පොලිසියට කරන ලද පැමිණිල්ලක් අනුව අධිකරණයේ නියමයක් මත මෙම ගොඩගැනීම සිදු කෙරෙනු ඇත.

    මරා දමා සිටි තරුණයින් තිදෙනාගේ කලිසම් කමිස ආදිය වැල්ලවාය පොලිසියට ඊයේ උදේ පැමිණි ඥාති මිත්‍රාදීන් කීප දෙනකු විසින් පරීක්ෂා කර බලා එම ඇඳුම් හඳුනා ගැනීමෙන් පසුව පොලිසිය විසින් මළ සිරුරු ගොඩගැනීම සඳහා අවශ්‍ය කටයුතු සූදානම් කරනු ලැබීය.

    ත්‍රිමා විතාන ඝාතන සිද්ධිය ගැන මුලින්ම පාර්ලිමේන්තුවේ ප්‍රශ්න කර ඇත්තේ විපක්ෂ නායක අනුර බණ්ඩාරනායක මහතාය. ඒ ගැන ද ඒ දින දවස පුවත්පත මුල් පිටුවේම වාර්තා කර ඇත්තේ මෙසේය.

    සිසුන් 3 ගේ මරණ ගැන පරීක්ෂා කරනවා ජාතික ආරක්ෂක ඇමැති කියයි.

    රත්නපුරයේදී පැහැර ගෙන ගොස් පුළුස්සා මරා දමන ලද ශිෂ්‍යයන් තිදෙනාගේ මරණ සම්බන්ධයෙන් අපක්ෂපාතී පරීක්ෂණයක් පැවැත්වීමට රජය පියවර ගෙන ඇතැයි ජාතික ආරක්ෂක ඇමැති ලලිත් ඇතුලත්මුදලි මහතා ඊයේ (26) පාර්ලිමේන්තුවේ දී පැවැසීය.
    විපක්ෂ නායක අනුර බණ්ඩාරනායක මහතා විසින් පාර්ලිමේන්තුවේ දී ඊයේ උදේ මතු කරන ලද ප්‍රශ්නයකට පිළිතුරු දෙමින් එසේ කී ඇතුලත්මුදලි මහතා මෙම පරීක්ෂණය කිසිදු හේතුවක් නිසා හෝ හෝ පසුබෑමකින් තොරව සිදු කරන බවත් මෙම සිද්ධියට අදාළ යම් පුද්ගලයින් සිටී නම් ඔවුන් වහාම අත්අඩංගුවට ගන්නා ලෙස පොලිස්පතිවරයා අදාළ නිලධාරීන්ට නියෝග කර ඇති බවත් කීය.
    1988 ඔක්තෝබර් 28 වැනි සිකුරාදා දවස පුවත් පතේ ප්‍රධාන පාඨයට පාදක වී ඇත්තේ ත්‍රිමාවිතාන ඇතුළු 3 දෙනෙකුගේ සිරුරු ගොඩ ගැනීමයි. එම ලීඩ් එක ලියා ඇත්තේ සමන් සුමනසේකර විසිනි. වැල්ලවායේදී ගොඩ ගත් සිරුරු 3 පරීක්ෂාවට කොළඹට ගෙනේ. සබරගමු මහ ඇමතිගේ පුතා රිමාන්ඩ් යනුවෙන් එහි සඳහන්ය. එහි වැඩිදුරටත් මෙසේ සඳහන්ය.

    රත්නපුර නගරයේ දී ඉකුත් 28 දා විශ්වවිද්‍යාල සිසුන් තිදෙනෙකු පැහැර ගෙන ගොස් මරා දැමීමේ සිද්ධිය සම්බන්ධයෙන් පෙරේදා (26 දා) සවස පොලිසිය විසින් සැකපිට අත්අඩංගුවට ගත් සබරගමුව පළාතේ මහ ඇමති ජී.වී. පුංචි නිළමේ මහතාගේ පුත් සුසන්ත පුංචිනිළමේ මහතා නොවැම්බර් 07 දා දක්වා රක්ෂිත බන්ධනාගාරයේ රඳවා තබන ලෙස රත්නපුර මහේස්ත්‍රාත් ටියුඩර් ගුණරත්න මහතා ඊයේ නියෝග කළේය.

    මෙම සිද්ධිය සම්බන්ධයෙන් මිය ගිය එක් සරසවි ශිෂ්‍යයකුගේ ඥාති සහෝදරයකු විසින් රත්නපුර පොලිසියට කරන ලද පැමිණිල්ලක් අනුව සුසන්ත පුංචි නිළමේ මහතා කොළඹදී පෙරේදා (26 දා) සවස සැකපිට අත්අඩංගුවට ගත් බව ජ්‍යෙෂ්‍ඨ පොලිස් නිලධාරියෙක් පැවසීය.

    රත්නපුර පොලිස් අධිකාරි සිරිසේන හේරත් මහතාගේ උපදෙස් මත පෙරේදා කොළඹ බලා පිටත් වූ විශේෂ පොලිස් කණ්ඩායමක් විසින් කොළඹදී පුංචි නිළමේ මහතා සැකපිට අත්අඩංගුවට ගත් අතර එදිනම රාත්‍රි ඒ මහතා රත්නපුරයට ගෙන ගොස් මහේස්ත්‍රාත්වරයා හමුවට පමුණුවන ලැබූ බව එම නිලධාරියා වැඩිදුරටත් කීය. වැල්ලවාය පොලිසියට සැතැපුම් භාගයක් පමණ ඈතින් වැල්ලවායේ සුසාන භූමියේ වළ දමා තිබූ මෙම සිසුන් තිදෙනාගේ මළ සිරුරු ඊයේ (27 දා) උදේ පොලිසිය විසින් නැවත ගොඩ ගනු ලැබූ බව පොලිසිය කියයි.

    ​ෙගාඩ ගනු ලැබූ මෙම මළ සිරුරු සිරිමල් විතාරණ, ඩී.ඩී. බන්ධුවර්ධන හා රංජිත් පෙරේරා යන සිසුන්ගේ බවට ඔවුන්ගේ ඥාතීන් විසින් ඊයේ උදේ වැල්ලවායේදී හඳුනා ගනු ලැබූ බව මොණරාගල ප්‍රදේශයේ ජ්‍යෙෂ්‍ඨ පොලිස් නිලධාරියෙක් කීය.

    සිසුන් තිදෙනාගේ මළ සිරුරු සම්බන්ධයෙන් ඊයේ උදේ මොණරාගල වැඩ බලන මහේස්ත්‍රාත් බී.එච්.එස්. ජයසේකර මහතා විසින් මළ සිරුරු ගොඩ ගත් ස්ථානයේදී මහේස්ත්‍රාත් පරීක්ෂණය පැවැත්වූ අතර වැල්ලවාය රෝහලේ දිස්ත්‍රික් වෛද්‍ය නිලධාරී දොස්තර කේ. තිස්වරම්පිල්ලේ මහතා විසින් පශ්චාත් මරණ පරීක්ෂණය පවත්වනු ලැබීය.

    මිය ගිය සිසුන් තිදෙනාගේ මළ සිරුරු වැඩිදුර පරීක්ෂණ සඳහා ඊයේ සවස හෙළිකොප්ටර් යානයකින් කොළඹ වෝහාරික වෛද්‍ය පීඨයට ගෙන ඒමට නියමිතව තිබූ බව මොණරාගල සහකාර පොලිස් අධිකාරි ලලිත් ලේකම්ගේ මහතා “දවස” ට පැවසීය.
    ඊයේ සවස වැල්ලවාය රෝහලේ දී කොළමට ගෙන ඒම සඳහා මළ සිරුරු පෙට්ටිවල දමා මුද්‍රා තැබූ බවද ඒ මහතා කීය. මෙම සිසුන් තිදෙනා ඉකුත් 22 දා රත්නපුර නගරයේදී කළු පැහැති පැජරෝ රථයක දමා ගෙන පැහැර ගෙන ගොස් ඇති අතර පසුව මරා පුළුස්සා දමා තිබූ ඔවුන්ගේ මළ සිරුරු වැල්ලවාය කොස්ලන්ද තිබී හමු වී ඇතැයි විපක්ෂයේ නායක අනුර බණ්ඩාරනායක මහතා පෙරේදා පාර්ලිමේන්තුවේ දී පැවසීය.

    සිසුන් තිදෙනාගේ මරණ සම්බන්ධයෙන් පොලිස්පතිවරයාගේ මෙහෙයවීම යටතේ අපක්ෂපාතී පරීක්ෂණයක් පැවැත්වීමට කටයුතු කරන බව මේ සම්බන්ධයෙන් පාර්ලිමේන්තුවේදී ජාතික ආරක්ෂක ඇමැති ලලිත් ඇතුලත්මුදලි මහතා පැවසීය.

    සිසුන් තිදෙනාගේ මරණ සම්බන්ධයෙන් ශෝකය පළ කිරීමට රත්නපුර හා වැල්ලවාය යන ප්‍රදේශවල වෙළෙඳසල් ඊයේ වසා දමා තිබූ අතර නිවෙස්වල සුදු කොඩි දමා තිබූ බව වාර්තාවේ.

    ත්‍රිමාවිතාන ඝාතනය කළ දිනය ලෙස සැලකෙන්නේ 1988 ඔක්තෝබර් 22 වැනිදාය. ඊට දින 9 කට පසු ඔහුගේ මරණ පරීක්ෂණ වාර්තාව ඔක්තෝබර් 31 වැනිදා දවස පුවත් පත වාර්තා කොට තිබුණි. එහි පරාල ඇණ හිසට ගැසීමක් ගැන සඳහන් නොවුණත් ඔහුගේ දෙපා කැඩී තිබූ බව නම් සඳහන්ය. මෙම අධිකරණ වාර්තාව හේමචන්ද්‍ර නානායක්කාර සහ ලොකු බණ්ඩාර මුණසිංහ විසින් වාර්තා කොට තිබුණි. එය වාර්තා කොට ඇත්තේ අධිකරණ වෛද්‍ය නිලධාරියාගේ කට උත්තරයක් ලෙසය.

    සිසුන් තිදෙනාගේ පශ්චාත් මරණ පරීක්ෂණය සිරුරුවල වෙඩි වැදුණ හා පිලිස්සුම් තුවාල තිබුණා.

    වැල්ලවායේ මරා දමා තිබි හමු වූ සිසුන් තිදෙනාගේ සිරුරුවල වෙඩි වැදුණ තුවාල හා පිලිස්සුම් තුවාල තිබූ බවද ත්‍රිමා විතානගේ සහ රංජිත් පෙරේරාගේ පාද කැඩී තිබූ බවද කොළඹ අධිකරණ වෛද්‍ය නිලධාරී දොස්තර ඇම්.ඇස්.ඇල්. සල්ගාදු මහතා සිය පශ්චාත් වෛද්‍ය පරීක්ෂණ වාර්තාවේ සඳහන් කර ඇත. කොළඹ ප්‍රධාන අධිකරණ වෛද්‍ය නිලධාරී දොස්තර සල්ගාදු මහතා මෙම මළ සිරුරු තුන සම්බන්ධව පෙරේදා දෙවන වරටත් පශ්චාත් වෛද්‍ය පරීක්ෂණය පැවැත්වීය.

    පද්මසිරි ත්‍රිමාවිතානගේ හිසට වෙඩි වැදුණ තුවාල සහ ඔහුගේ පාද දෙකේත් දණ හිසත් කඩා දමා ඇති බවද බන්ධුවර්ධන​ෙග් පිටට වෙඩි වැදුණ තුවාල සතරක් ද අත් දෙක කැඩී තිබූ බවද සිරුරු පුරා පිලිස්සුම් තුවාල තිබූ බවද එම වාර්තාවේ සඳහන් කර ඇත.
    රංජිත් පෙ​ෙර්රාගේ සිරුරේ වෙඩි වැදුණ තුවාල හා පිලිස්සුම් තුවාල තිබූ බවද කකුල් දෙකම කැබී බිඳී තිබූ බවද පශ්චාත් මරණ පරීක්ෂණ වාර්තාවේ සඳහන් වේ.

    සරසවි සිසුන් තිදෙනාගේ මරණ සම්බන්ධව දෙවන වරට කොළඹදී පවත්වන ලද පශ්චාත් වෛද්‍ය පරීක්ෂණයේ මෙම කරුණු සඳහන් වාර්තාව කොළඹ අධිකරණ වෛද්‍ය නිලධාරී දොස්තර ලක්ෂ්මන් සල්ගාදු මහතා ඉදිරි දින කීපය තුළ දී මොණරාගල මහේස්ත්‍රාත්වරයාට යැවීමට නියමිතය.

    මෙම මළ සිරුරු තුන පොලිතින් කඩදාසිවල ඔතා තිබුණ බව සිරුර ගොඩ ගත් අවස්ථාවේදී මොණරාගල දිස්ත්‍රික්ක වෛද්‍ය නිලධාරී සහ වැල්ලවාය පොලිසියේ නිලධාරීන් සොයා ගෙන ඇත.

    අවසානයේ ත්‍රිමාවිතානගේ සිරුර තැන්පත් කරන්නේ කොළඹ වෛද්‍ය විද්‍යාලයේය. ඔක්තෝබර් 31 වැනිදා අවමඟුල් පෙරහරට ලක්ෂයකට වැඩි පිරිසක් සහභාගී වූ බව වාර්තාවේ.

    ‘‘මගේ පුතාගේ මුහුණවත් මට බලා ගන්න බැරි වුණා’’ යි ත්‍රිමාවිතානගේ මව බලා ගත් අත සිතුවිලි සයුරේ කිමිදෙන්නට වූවාය. අපට ඉන් පසු දැනගන්නට ඕනෑ වූයේ පද්මසිරි ත්‍රිමාවිතානගේ දේහය අදාහනය කළේ කොළඹ බැවින් ඔහුගේ අළුවලට සිදු වූයේ කුමක්දැයි කියාය. අධි ​ෙචා්දනා 13 ක් මත රත්නපුර අධිකරණයේ විනිසුරු කේ.ටී. මිත්‍රසිරි ඉදිරියේ විභාගයට ගැනුන ත්‍රිමා, බන්දු, රංජිත් ත්‍රිපුද්ගල නඩුවේ සුසන්ත පුංචි නිළමේ අවසානයේ නිදොස් කොට නිදහස්වූ බව අද රහසක් නොවේ. ත්‍රිමාගේ අළු නිවසේ භූමියේ කොනක තැන්පත් කර ඇති බව දැන ගන්නට ලැබුණි.

    අපේ ගමනට ඡායාරූප ශිල්පී ඇලෙක්සැන්ඩර් බාලසූරිය සමග රියදුරු නන්දලාලුත් එක් විය. අප ආපසු පැමිණෙන විට පාර කියූ ත්‍රිමාගේ මව අපෙන් ඉල්ලීමක් කළාය.

    ‘‘ත්‍රිමා පුතාගේ අළු තැන්පත් කරපු තැන අදත් ඇන්තූරියම් මලක් පිපිලද බලන්න.’’

    ත්‍රිමාගේ භෂ්මාවශේෂ තැන්පත් කර ඇති තැන ඉහළට එසවුණ ඇන්තූරියම් ගහේ රතුම රතු ඇන්තූරියම් මලක් පිපී අප දෙස බලා සිටින්නේ දිගු කතාවක් කියාන්නාක් මෙන් යයි අපට හැඟිනි.

    ත්‍රිමාගේ මව වසර 29 පණ වගේ සඟවා ගෙන සිටි අතීතය “ඉරිදා ලංකාදීප” සුවහසක් පාඨකයන් වෙනුවෙන් පැහැර ගත් අපි ඇයට සමු දුන්නෙමු.

    [rns_reactions]

  • ලංකාවම නිදියද්දී ජනතාවට නොදැනී ලංකාවේ හැමතැනම පොලිසිය පරික්ෂා කරපු හැටි.

    ඊයේ රාත්‍රී 11.00 සිට අද අලුයම 03.00 දක්වා පැය 4 ක කාලයක් පොලිසිය දිවයින පුරා සිදු කළ විශේෂ සෝදිසි මෙහෙයුමක් පිළිබඳ වාර්තාවේ.අපරාධ හා රථවාහන මෙහෙයුමක් ලෙස දියත් කළ මෙය සාමාන්‍ය තත්ව යටතේ පොලිස් සංචාර අවම වශයෙන් කෙරෙන ප්‍රදේශ ඉලක්ක කර දියත් කළ බව වාර්තා විය.

    පොලිස් සේවයේ සියලුම මට්ටමේ නිලධාරීන් 11558 ක් මෙම මෙහෙයුමට එක්ව තිබේ.‍සාධාරණ හේතු දැක්වීමකින් තොරව රාත්‍රී කාලයේ නිකරුනේ හැසිරෙමින් සිටි 934 දෙනෙක්/ වරෙන්තුකරුවන් 595 ක් /විවිධ අපරාධ සඳහා පොලිසියට අවශ්‍ය කර තිබු පුද්ගලයන් 70 ක් / හෙරොයින් ළග තබාගෙන සිටි 94 ක් / ගංජා ළග තබාගෙන සිටි 372 ක් සහ නීති විරෝධී මත්පැන් ළග තබාගෙන සිටි 176 ක් ලෙස විවිධ වරදවල් සම්බන්ධයෙන් සැකකරුවන් 3214ක් මෙහිදී අත්අඩංගුවට ගෙන තිබෙන බව මාධ්‍ය නිවේදනයක් නිකුත් කරමින් පොලිසිය දන්වා ඇත.

    ඔවුන් එම අවස්ථාවේදීම කොළඹ අපරාධ කොට්ඨාශයට තොරතුරු යොමු කර නවතම  තාක්ෂණය ඔස්සේ ඇගිලි සලකුණු පරීක්ෂා කිරීමේදී අනාවරණ වී ඇත්තේ ඒ අතර ලියාපදිංචි අපරාධකරුවන් 62 ක් සහ විවෘත වරෙන්තු නිකුත් කළ 6 දෙනෙකුද සිටින බවයි.

    මීට අමතරව බීමත් රියපැදවූවන් 489 ක් බලපත් නොමැති 305 ක් අන්තරායකාරී ධාවනය 179 ක් සහිතව රථවාහන වැරදි 3647 ක්ද හඳුනාගෙන ඇත.

    ඉදිරියේදී ද අපරාධ හා රථවාහන අනතුරු නිවාරණය මුල්කර ගනිමින් මෙවැනි විශේෂ මෙහෙයුම් විවිධ වේලාවන් තුල දිවයිනම ආවරණය වන පරිදි පැවැත්වීමට පොලිස්පතිවරයා විසින් පියවර ගන්නා බවද දන්වා තිබේ.

    [rns_reactions]

  • රඹුටන් ලෙල්ලෙන් හොරා ඇල්ලුවේ මෙහෙමයි…..

     

    නිවෙසක් මංකොල්ල කා පලාගිය සොරෙකු , රඹුටන් ලෙල්ලකින් අල්ලා ගත් පුවතක් උඩුගම ප්‍රදේශයෙන් වාර්තා වෙනවා. උඩුගම දකුණ පියතිලක මාවතේ නිවෙසකට ඇතුළු වී රුපියල් හතළිස් දෙදහසක් වටිනා රන් අබරණ සහ මුදල් සොරකම් කරගෙන ගොස් ඇති පුද්ගලයකු කා දමා තිබූ රඹුටන් ලෙලි ඔස්සේ ඉව අල්ලා ගිය පොලිස් නිල සුනඛ ආටිස් විසින් සොරකමට සම්බන්ධ සැකකරු අල්ලා දී තිබේ.

    13 වැනි දින රාත්‍රි මෙම සොරකම කිරීම සඳහා පැමිණි සැකකරු නිවෙසට ඇතුළුවීමට පෙර එහි තිබූ රඹුටන් ගසකට නැඟ රඹුටන් කඩා ගෙන බිමට බැස රඹුටන් කා ලෙලි මිදුලේ දමා
    ඇත. ඊට පසු නිවෙසට ඇතුළු වූ මොහු එහි තිබූ මුදල් හා රන් අබරණ සොරකම් කර ගෙන පලා ගොස් තිබේ.

    මේ සොරකම පිළිබඳ නිවෙසේ අයිතිකරුවන් විසින් පොලිසියට කරන ලද පැමිණිල්ලක් අනුව ගාල්ල පොලිස් නිල සුනඛ ඒකකයේ ආටිස් නමැති නිල සුනඛයා මෙම ස්ථානයට ගෙන ගොස් ඇත. එහිදී නිල සුනඛයා භාර පොලිස් නිළධාරී මහතාගේ මෙහෙයවීම මත එහා මෙහා ගිය සුනඛයා මිදුලේ තිබූ රඹුටන් ලෙලිවලට ඉව අල්ලා තිබේ. ඉන් පසු එම රඹුටන් ලෙලි ඔස්සේ ඉව අල්ලමින් ඉදිරියට ගිය ආටිස් ත්‍රිරෝද රථයකින් පැමිණි පුද්ගලයෙකුට කඩා පැන ඇත. ඒ සමඟ ක්‍රියාත්මක වූ පොලිස් නිලධාරීන් ත්‍රිරෝද රථයේ සිටි පුද්ගලයකු අත්අඩංගුවට ගෙන ප්‍රශ්න කිරීමේදී සොරකමේ සියලු තොරතුරු අනාවරණය කරගෙන තිබේ.

    මේ විශ්මයජනක ක්‍රීයාව සිදු කල පොලිස් නිළ සුනඛ ආටිස් මෙහෙයවනු ලබන්නෙ ගාල්ල පොලිස් නිල සුනඛ ඒකකයේ කොස්තාපල් ගුණදාස (54387) මහතාය.

    [rns_reactions]

  • මුදල් නිසා මවුබිමට ද්‍රෝහි වෙන්න එපා..! අගරදගුරු හිමිගෙන් ඉල්ලීමක්

    ක්‍රිස්තියානි හෝ කතෝලික ආගමික ස්ථානයන්ට පහරදීම් සිදු වූ බවට කෙරෙන ප්‍රකාශයන්හි කිසිදු සත්‍යතාවයක් නැතැයි අගරදගුරු මැල්කම් කාදිනල් රංජිත් හිමියන් පවසනවා.

    ආගම අතකොලුවක් කරගනිමින් එකිනෙකා පහත්කොට සැලකීම හෝ ප්‍රචණ්ඩ ක්‍රියාවන්ට හොමු වීම රටට කරන ද්‍රෝහිකමක් බවත්, දශක තුනක යුද්ධය අවසන්ව රට යළි ගොඩනැගෙන පසුබිමක ආගම පදනම් කරගනිමින් දිගින් දිගටම භේද ඇති කරගැනීම සුදුසු නොවන බවත් රදගුරු හිමියන් පෙන්වා දෙනවා.

    පසුගියදා රූපවාහිනී වැඩසටහනකට එක්වෙමින් එක්තරා නීතිඥවරයෙකු ප්‍රකාශ කළේ කතෝලික පල්ලි 166 කට මේ වනවිට ප්‍රහාර එල්ල වී ඇති බවයි. එම ප්‍රකාශය සම්බන්ධයෙන් අදහස් දක්වමින් උන්වහන්සේ සඳහන් කළේ, කතෝලික දේවස්ථානවලට පහරදීම් ගැන හෝ එවැනි සිදුවීම් වාර්තා වී ඇතැයි කියන අදාල සංඛ්‍යාලේඛන පිළිබඳව තමන් කිසිවක් නොදන්නා බවයි.  කතෝලික සභාවට අදාලව පසුගිය සමයේ එවැනි සිදුවීම් කිසිවක් වාර්තා නොවූ බව ද කාදිනල් හිමියෝ සඳහන් කළා.

    දේශපාලනයට සම්බන්ධ බලවේග ආගම යොදාගනිමින් භේද ඇතිකිරීමට උත්සාහ ගැනීම ඉතිහාසය පුරා සිදු වූවක් බව ද පැවසූ උන්වහන්සේ වැඩිදුරටත් සඳහන් කළේ ආගම නිවැරදිව අදහන්නේ නම් ආගමික ගැටුම් හටගැනීමේ හැකියාවක් තිබිය නොහැකි බවයි.

    [rns_reactions]

  • සය වසරකට පසු නිදහස ලැබූ මුවම්මර් ගඩාෆිගේ පුත්‍රයා..

    “ලෝකය උඩු යටිකුරු වන කලට මිනීමරුවා අහිංසකයෙකු වී අහිංසකයා ත්‍රස්‌තවාදියෙකු වෙයි. ආගම වෙනුවෙන් දිවි පිදූ වීරයන්ගේ ලේ වියළී යන විට සයිෆ් අල් ඉස්‌ලාම් නිදහස්‌ මිනිසෙකු බවට පත්වෙයි.”

    මේ සටහන සයිෆ් අල් ඉස්‌ලාම් එසේත් නැතිනම් කර්නල් මුවම්මර් ගඩාෆිගේ පුතු සිරෙන් නිදහස්‌ වීම ගැන කිසිවෙකු විසින් තැබූ ට්‌විටර් සටහනකි.

    සයිෆ් අල් ඉස්‌ලාම් ගඩාෆි, කර්නල් මුවම්මර් ගඩාෆිගේ දෙවැනි පුතු වෙයි. මුවම්මර් ගඩාෆිගේ දරුවන් අටදෙනා අතුරෙන් ගඩාෆිගේ උරුමකරු ලෙසින් නම් ලද පුත්‍රයා ඔහුය. පසුගිය සය වසර තිස්‌සේ සින්ටෑන් නගරයේ හමුදා අත්අඩංගුවේ සිරභාරයේ උන් ඔහු “රාමදාන් මාසයේ දාහතර වැනි දිනය” නිමිත්තෙන් පසුගිය සිකුරාදා නිදහස්‌ කළ බව අබු බකර් අල් සිද්ධික්‌ බලකාය විසින් නිවේදනය කොට ඇත.

    ප්‍රසිද්ධියේ ජනතාව ඉදිරියට නොආවද, ඔහු නිදහස ලැබූ බව ඔහුගේ නීතිඥයා වූ ඛලීල් අල් සයිදි විසින්ද තහවුරු කොට ඇත.

    ආරක්‌ෂක හේතූන් මත සයිෆ් අල් ඉස්‌ලාම් ගඩාෆි මේ වන විට සිටින්නේ කුමන නගරයේ දැයි යන්න සඳහන් කොට නැති නමුත් මේ වන විට ඔහු නැගෙනහිර ලිබියාවේ ටෝබුක්‌ නගරයේ තම ඥාතීන් සමග සිටින බවත්, නුදුරේදීම ලිබියානු ජනතාව ඇමතීමට බලාපොරොත්තුවෙන් සිටින බවත් සඳහන් වෙයි.

    1972 වසරේදී ලිබියාවේදී උපන් සයිෆ් අල් ඉස්‌ලාම් ගඩාෆි, කර්නල් මුවම්මර් ගඩාෆිගේ දෙවැනි පුත්‍රයා වෙයි. ලන්ඩනයේ ආර්ථික විද්‍යා පාසලෙන් 2008 වසරේදී ආර්ථීක විද්‍යාව පිළිsබඳ දර්ශනපති උපාධිය ලැබූ ඔහු කර්නල් මුවම්මර් ගඩාෆිගේ උරුමක්‌කාරයා ලෙස හැඳින්විණ. මුවම්මර් ගඩාෆි රජයට පක්‌ෂ මිනිසුන් විසින් සයිෆ් අල් ඉස්‌ලාම් ගඩාෆි හැඳින්වූයේ “ලිබියාවේ බලාපොරොත්තුව” ලෙසිනි. 2011 වසරේ මුල් භාගයේදී ගඩාෆිගේ රජයට එරෙහි කැරලි ගැසීම් ඇරඹුණු පසුව 2011 වසරේ ජුනි මාසයේදී ජාත්‍යන්තර අපරාධ අධිකරණය විසින් සයිෆ් අල් ඉස්‌ලාම්ට එරෙහිව යුද අපරාධ චෝදනා යටතේ වරෙන්තු නිකුත් කරන ලදී.

    2011 අප්‍රේල් මාසයේදී රාජ්‍ය විරෝධී කැරලිකරුවන් විසින් ටි්‍රsපොලි නගරය යටත් කරගත් පසුව සයිෆ් අල් ඉස්‌ලාම් ටි්‍රපොලි නගරයෙන් බානි වාල්ඩ් වෙත පලා ගියේය.

    2011 ඔක්‌තෝබර් මාසයේදී සයිෆ් අල් ඉස්‌ලාම්ගේ පියා මුවම්මර් ගඩාෆි හා සයිෆ්ගේ සොහොයුරු කැරලිකරුවන් විසින් මරාදමන ලද අතර ඉන් පසු නයිජීරියාවට පලා යමින් සිටි සයිෆ් අල් ඉස්‌ලාම්ව නොවැම්බර් 19 වැනි දින හමුදාවන් විසින් අත්අඩංගුවට ගෙන සිරගත කරන ලදී.

    එයින් සිවු වසරකට පසුව කර්නල් මුවම්මර් ගඩාෆිගේ සමීපතමයන් තිස්‌ දෙනෙකුගේද සාක්‌ෂි ඇතිව ටි්‍රපොලි අධිකරණය හමුවට ගෙන එන ලද සයිෆ් අල් ඉස්‌ලාම්ට මරණ දණ්‌ඩනය නියම කෙරිණ.

    අවසානයේදී මෙසේ ඔහු නිදහස්‌ කරනු ලබන්නේ ලිබියාවේ තරගකාරී රජයන් දෙකෙන් එකකින් ලත් පොදු සමාවක්‌ හේතුවෙන් යෑයි කියවෙයි.

    සයිෆ් අල් ඉස්‌ලාම්ව නිදහස්‌ කිරීම ගැන ලිබියාවේ ඇතැම් පාර්ශවයන් අප්‍රසාදය පළ කරන නමුත් ගඩාෆි රජයට පක්‌ෂපාතව උන් බොහෝදෙනා මේ සිදුවීම සතුටින් සමරන බවද සමාජ ජාලා මාධ්‍ය මගින් දැකගත හැකිය.

    [rns_reactions]

  • මෙරට දේශපාලන ගෝලබාලයන් පිරිසකගේ රැවටීමකට හසුව මහපාරට වැටුණු සුද්දි

    මෙරටට ආයෝජනය කිරීම සදහා පැමිණ දෙවතාවක්‌ අපේ රටේ වංචාකාරයන්ට හසුවූ ඕස්‌ටි්‍රයානු ජාතික කාන්තාවක්‌ ගැන අපි ඉකුත් සතියක සටහන් කළෙමු. ඇය වංචාකරුවන්ට හසුවීම නිසා ඇයට ඇගේ සැමියා අහිමි විය. ඒ විතරක්‌ නොව ඇයට සිදුවූ පාඩුව කෝටි ගණනකි. ඇය ඉතා අසරණ තත්ත්වයට පත්ව සිටියදී ඇයට අයත් හෝටලයේ භුක්‌තිය අධිකරණය හරහා ලබාදීමට නීතිඥ තුෂාර ද සිල්වා මහතා කටයුතු කළේය. මෙම කාන්තාව රෝස්‌මරිය. ඇයව බලහත්කාරයෙන් විවාහ කරගත් පෙම්වතා රෝසමරිගේ ව්‍යාපාරික ස්‌ථානය බලහත්කාරයෙන් අල්ලාගෙන තිබිණි.

    ඇත්තටම මෙම විදේශීය කාන්තාව මට හමුවෙන විට කන්න බොන්න පවා නැතිව අසරණ තත්ත්වයට පත්වෙලා හිටියේ. විසා දිර්ඝ කරගන්න පවා මෙම කාන්තාවට මුදල් තිබුණේ නැහැ. පසුව ඇයට අධිකරණය මගින් යම්කිසි සහනයක්‌ ලබා දෙන්න මා කටයුතු කළා. හෝටලයේ භුක්‌තිය ලබාදුන්නා .පස්‌සේ ඇය ව්‍යාපාර කටයුතු කරගෙන ගිහින් යම් ආදායමක්‌ ලබා ගත්තා යෑයි නීතිඥ තුෂාර ද සිල්වා කීවේය. එහෙත් අප මේ කියන්නට යන්නේ රෝස්‌මරි තුන්වැනි වතාවටත් වංචාකරුවන් පිරිසකට හසුවූ කථාන්දරයයි. මෙවර ඇය හසුවූයේ එසේ මෙසේ පිරිසකට නොව ප්‍රබල දේශපාලනඥයකුගේ ගෝලබාලයන් පිරිසකටය.

    නීතිඥ තුෂාර ද සිල්වා මහතා විසින් අධිකරණය මගින් ඇයට යම් සහනයක්‌ ලබා දුන්නද ඇය ගැටලු රැසකට මුහුණ දී සිටියාය. ඇයව බලහත්කාරයෙන් විවාහකරගත් පුද්ගලයා නිසා රෝස්‌මරි දැඩි පීඩනයට ලක්‌ව සිටියාය. මේ අතරතුරේ රෝස්‌මරිට මෙරට ප්‍රබලතම දේශපාලනඥයකුගේ හිතවතෙකු අහම්බෙන් මුණගැසුණේය. ඔහු තම බලපුළුවන්කාරකම් ගැන රෝස්‌මරි සමග මහත් ආඩම්බරයෙන් කීවේය. අනේ මට උදව් කරන්න, මම ඉතා අසරණවෙලා ඉන්නේ. මෙරට ව්‍යාපාර පටන් ගන්න ඇවිත් කෝටි ගණනක මුදලක්‌ නැතිවුණා. මාව රවට්‌ටලා කසාද සහතිකයක්‌ද ලියාගෙන තියෙනවා. ඇය කියාගෙන ගියාය.

    කිසිදෙයකට භය වෙන්න එපා. මම ඇසුරු කරන්නේ ප්‍රබල දේශපාලනඥයෙක්‌. ඔහුට කරන්න බැරිදෙයක්‌ නැහැ. දේශපාලන බලය යොදාගෙන මට ඕන දෙයක්‌ කරන්න පුළුවන් දේශපාලනඥයාගේ හිතවතා තම දේශපාලන බලපරාක්‍රමය ගැන මහත් උජාරුවෙන් රෝස්‌මරිට කිවේය. එක්‌දිනක්‌ මෙම පුද්ගලයා තවත් පිරිසක්‌ සමග රෝසමරි හමුවීමට පැමිණියේ සුඛෝපභෝගි රථ පෙළකිනි. තමන්ට දේශපාලන බලය තිබෙන බව මෙම පිරිස රෝස්‌මරිට පෙන්වීය.

    ටික දිනකින් රෝස්‌මරි දේශපාලනඥයාගේ ගෝල බාලයන්ගේ සමීප හිතවතියක්‌ බවට පත්ව සිටියාය. ඇයට අවශ්‍ය වුයේ දේශපාලනඥයන්ගේ ගෝලබාලයන් යොදාගෙන තම ප්‍රශ්න විසඳා ගැනීමටය. දියේ ගිලෙන්න යන මිනිහා පිදුරුගහෙත් එල්ලෙන බවට කියමනක්‌ අපේ ජනවහරේ ඇත්තේය. රෝස්‌මරි ද ඒ තත්ත්වයට පත්ව සිටියාය. එක්‌ දිනක්‌ රෝස්‌මරි නීතිඥ තුෂාර ද සිල්වා හමුවිමට පැමිණියාය. හෝටලය සම්බන්ධව තියෙන ලිපි ලේඛන ඇතුළත් ලිපිගොනුව මට දෙන්න ඒක අපේ තානාපති කාර්යාලයට අවශ්‍ය වේලා තියෙනවා රෝස්‌මරි තුෂාරට කිවාය. රෝස්‌මරිට අවශ්‍ය වූයේ නීතිඥ තුෂාර ද සිල්වා මහතාගෙන්ද ඈත්වී දේශපාලනඥයාගේ හිතවතුන් සමග සම්බන්ධ වීමටය.

    අපි හදපු ලියවිලි ඇතුළු සියලු දේ තියෙන්නේ මේ ලිපිගොනුවේ ඔයා මේ අරගෙන යන එකට නම් මා කැමති නැහැ. ඔයාටත් හරි හැටි ආරක්‌ෂාවක්‌ නැතිව ඔයා කොහොමද මේ ලිපි ගොනුව ආරක්‌ෂා කරගන්නේ මම හිතන්නේ මේ ලිපිගෙනුව මගේ භාරයේ මගේ කාර්යාලයේ තිබෙන එක වඩා හොඳයි කියලා. තුෂාර ද සිල්වා රෝස්‌මරිට කිවේය.

    අනේ ටික දවසකට තමයි මේ ලිපිගොනුව අරගෙන යන්නේ මේ ගැන පරික්‍ෂා කරලා මම ඔයාට නැවත මේ ලිපිගොනුව ගෙනවිත් දෙන්නම් රෝස්‌මරි තුෂාර ද සිල්වාට කිවාය. ඔයා දෙවතාවක්‌ වංචාකාරයින්ට රැවටිලා ඉන්නේ. කල්පනා කරලා බලා සුදුසු දෙයක්‌ කරන්න තුෂාර කිවේය. රෝස්‌මරි තුෂාර භාරයේ තිබු ලිපිගොනුව රැගෙන ගියාය. ඉන්පසු රෝස්‌මරි තුෂාර සමග තිබූ සම්බන්ධකම් නතර කර දැමුවාය. ඇය දේශපාලඥයාගේ ගෝලබාලයන් මහ ඉහළින් පිළිගත්තාය. දේශපාලන බලපරාක්‍රමය පෙන්වමින් රෝස්‌මරිගේ විශ්වාසය දිනා ගැනීමට මෙම ගෝලබාලයන් සමත්ව සිටියහ. රෝස්‌මරි හෝටලය ගැනද මොවුන් සමග කථාබස්‌ කළාය.

    හරි හෝටලයේ තියෙන සියලු ප්‍රශ්න අපි නිරාකරණය කරලා දෙන්නම්. එලවන්න ඕන කෙනෙක්‌ ඉන්නවානම් එකත් කරලා දෙන්නම් කාගෙන්ද කරදර කියලා අපට කියන්න දේශපාලනඥයින්ගේ හිතවතුන් රෝස්‌මරිට කීහ. “හොර ඔප්පුවක්‌ හදාගෙන මාව බලහත්කාරයෙන් විවාහකරගත් පුද්ගලයා විවාහ සහතිකය හා හොර ඔප්පුව ඉදිරිපත් කරලා හෝටලය අයිති කරගන්න හදන්නේ. මට මේ ප්‍රශ්නය නිරාකරණය කරලා දෙන්න” රෝස්‌මරි කිවාය.

    ඕක සුළු දෙයක්‌ පොඩි ප්‍රශ්නයක්‌ තියෙනවා අපට මේ ස්‌ථානයට ඇතුල්වෙන්න ඔයාගේ පොඩි අවසරයක්‌ ඕන එක ලියවිල්ලකින් අපට දෙන්න දේශපාලනඥයාගේ හිතවතුන් කිහ. එක කිසි ප්‍රශ්නයක්‌ නැහැ. ඔයාලා වගේ පිරිසක්‌ ඉන්න එක මටත් හයියක්‌ මගේ නීතිඥවරයෙක්‌ ඉන්නවා. ඔහු හමුවේලා මේ වැඩකටයුතු කරමු රෝස්‌මරි දේශපාලනඥයාගේ හිතවතුන්ට කීවාය. නැහැ එක හරියන්නේ නැහැ. කොළඹ ඉන්නවා අපේ හිතවත් නීතිඥවරයෙක්‌. ඔයා එන්න කොළඹ යන්න අපි මේ විදියට කරමු අවුරුදු තුනකට බදු ඔප්පුවක්‌ ලියලා දෙන්න. ඔයාට හෝටලයේ සන්තකයත් අරන් දෙන්නම් බිස්‌නස්‌ එකත් හදලා ඔයාට මුදලකුත් දීලා අවුරුදු තුනකින් පසු නැවත ඔයාට හෝටලය භාර දෙනවා දේශපාලනඥයාගේ හිතවතුන් රෝස්‌මරිට කිහ.

    දේශපාලනඥයින්ගේ හිතවතුන් සැලසුම් කළේ රෝස්‌මරිට අයත් මෙම හෝටලය උපක්‍රමශීලී ලෙස අත්පත් කරගැනීමටය. රෝස්‌මරිගේ උපක්‍රමය වූයේ දැනට මෙකී හෝටලය අයිතිකර ගැනීමට වලිකන තම ප්‍රේමවන්තයා මොවුන් හරහා එලවා දැමීමටය. ඒ අනුව රෝසමරි කිසිදු චකිතයකින් තොරව වසර තුනකට දේශපාලනඥයන්ගේ ගෝලබාලයන්ට හෝටලය බදු දුන්නේය. හෝටලය බදු දුන්නද ඇය හෝටලයේ එක්‌ කාමරයක නතර වී සිටියාය. මේ අතර දේශපාලනඥයාගේ හිතවතුන් තම දේශපාලන බලය පමණක්‌ නොව පොලිසියේ ද සහයෝගය ලබාගෙන මෙකී හෝටයේ අයිතිකරගැනීමට වලිකන රෝස්‌මරිගේ ප්‍රේමවන්තයා එලවා දමනු ලැබිය. පසවු දේශපාලනඥයාගේ හිතවතුන් හෝටලය සිය භාරයට ගෙන එහි අලුත්වැඩියා කටයුතු කරනු ලැබීය.

    හෝටලයේ අලුත්වැඩියා කටයුතු කරනු ලැබුවේ මහා පරිමාණයෙනි. අවුරුදු තුනකට තමයි බදු දුන්නේ ඇයි මේ අය හෝටලය සම්පූර්ණයෙන් වෙනස්‌ කරලා අලුත්වැඩියා කරන්නේ රෝස්‌මරිට මේ ගැන සැකයක්‌ද ඇති වූවාය. ඕ මේ ගැන දේශපාලනඥයින්ගේ හිතවතුන්ගෙන් ඇසුවාය. නමුත් රෝස්‌මරිට ඒ ගැන හරිහැටි පිළිතුරක්‌ ලබා දුන්නේ නැත.

    ඔයා මේ හෝටලයේ ඉන්න එකත් අපට කරදරයක්‌ ඔයාගේ ප්‍රේමවන්තයා ඇවිත් ප්‍රශ්න ඇති කරන්න පුළුවන් ඔයා මරණ බවත් කියලා තියෙනවා. ඒ නිසා හෝටලයෙන් ඉවත්වෙලා වෙනත් තැනකට ගියොත් තමයි හොඳ. දේශපාලනඥයාගේ ගෝලබාලයින් රෝස්‌මරිට කීහ. මොවුන්ගේ කීම විශ්වාස කළ රෝස්‌මරි වෙනත් ස්‌ථානයකට ගියාය. එහෙත් ඇය වරින්වර හෝටලයට පැමිණ එහි කටයුතු පරීක්‌ෂා කළාය. නමුත් රෝස්‌මරිට හෝටලයට එන්නට ලැබුණේ ටික දිනකි. ඔයා මේ පැත්ත පළාතක එන්න එපා. මේ හෝටලය අයිති අපට දේශපාලනඥයාගේ හිතවතුන් රෝස්‌මරිට තර්ජනය කොට ඇයට හෝටලයට එන්නට ඉඩ ලබා දුන්නේ නැත. රෝස්‌මරිට සිදුවුයේ ගහෙන් වැටුණු මිනිහාට ගොනා ඇන්නා වගේ වැඩකි.

    මේ අයගේ දේශපාලන බලය කෙතරම්ද යත් රෝස්‌මරි විසින් දමනු ලබන පැමිණිලි පොලිසිය භාරගත්තේ නැත. ඇය පොලිසියට පැමිණි විට පොලිස්‌ නිලධාරීන් විසින් ඇය එළවා දමනු ලැබිය. නමුත් දේශපාලනඥයාගේ හිතවතුන්ට පොලිස්‌ ආරක්‌ෂාව පවා ලබාදීමට පොලිසිය කටයුතු කළේය. පසුව රෝස්‌මරි විසින් බදු ඔප්පුව ලියනු ලැබු නිතිඥවරයා හමුවුවාය. ඇය ලිපි ලේඛන පරික්‌ෂා කිරීමේ දි අනාවරණය වුයේ අවුරුදු තුන වෙනුවට බිංදුවක්‌ දමා බදු ඔප්පුව වසර තිහකට ලියාගෙන ඇති බවය. රෝස්‌මරිට වූයේ ඉඟුරු දී මිරිස්‌ ගත්තා වගේ වැඩකි.

    ඇය තමන්ට හැමවිටම පිහිට වූ නීතිඥවරයා වන තුෂාර ද සිල්වා හමුවීමට පැමිණියේ හඬාගෙනය. තුෂාර ද සිල්වා හමුවීමට පැමිණෙන විට ඇය මානසික වශයෙන් දැඩි ලෙස වැටී සිටියාය. සිරුර වැහැරි තිබුණාය.

    “මට බැහැ මේකට ඉදිරිපත්වෙන්න. උඹ මාවත් රවට්‌ටලා නේ ලිපිගොනුව අරගෙන ගියේ. වැඩේ අනාගත්ත නම් කරන්න දෙයක්‌ නැහැ” නීතිඥ තුෂාර ද සිල්වා කීවේය. මේ සඳහා ඉදිරිපත්වන ලෙස රෝස්‌මරි තුෂාර ද සිල්වාගෙන් බැගෑපත් ලෙස ඉල්ලා සිටියාය. ඒ අනුව නීතිඥ තුෂාර ද සිල්වා දේශපාලනඥයින්ගේ හිතවතුන්ට එරෙහිව අධිකරණයේ නඩුවක්‌ පවරා ඇයට හෝටලයේ සන්තකය යළි අත්පත් කරදීමට කටයුතු කළේය. ආණ්‌ඩු වෙනසත් එක්‌ක දේශපාලනඥයින්ගේ හිතවතුන්ගේ බලයත් බිඳුණා. ඒ නිසා සාමාන්‍ය රටේ නීතිය යටතේ නඩුවක්‌ පවරලා දේශපාලනඥයින්ගේ හිතවතුන් අධිකරණ බලය යටතේ හෝටලයෙන් අයින් කිරීමට හැකිවුණා. නමුත් මෙම කාන්තාවට තම දේපළ ආරක්‌ෂා කරගැනීම සදහා දැන් නඩු දෙකකට පෙනී ඉන්න සිදුවෙලා තියෙනවා. මේ වන විට ඇය රුසියානු ජාතිකයකු සමග හවුලේ හෝටලය කරගෙන යනවා. නීතිඥ තුෂාර ද සිල්වා කීවේය.

    [rns_reactions]

  • මොන මොන සෙල්ලං දැම්මත් බැඳුම්කර හොරේ වහන්න බෑ – විගණනාධිපතිගෙන් ප්‍රකාශයක්

     

    ප්‍රශ්නගත බැඳුම්කර නිකුතුවලට අදාළව රජයේ විගණාකාධිපතිවරයා සකස්‌ කළ විශේෂ විගණන වාර්තාව පසුගිය සතියේ කොමිසම හමුවේ සලකුණු කර ඒ පිළිබඳ රජයේ විගණාකාධිපති ගාමිණී විෙ-සිංහ මහතාගෙන් සාක්‍ෂි ලබා ගැනීම සිදු විය. එහිදී විගණකධිපතිවරයා විසින් තමන්ගෙන් අසන ලද ප්‍රශ්නවලට වාචිකව සහ ඔහු විසින් සකස්‌ කළ රූප රාහු ඇසුරින් පිළිතුරු ලබා දීම සිදු කරන ලදී. ඔහුගේ සාක්‍ෂි විමසීම ඉකුත් සඳුදා (12දා) ආරම්භ කරන ලද අතර එදින සිට පෙරේදා (16දා) දින දක්‌වා පුරා දින පහක්‌ තිස්‌සේම විගණකාධිපතිවරයාගෙන් සාක්‍ෂි විමසීම සිදු විය. අතිරේක සොලිසිටර් ජනරාල් ජනාධිපති නීතිඥ යසන්ත කෝදාගොඩ සහ ජ්‍යෙෂ්ඨ නියෝජ්‍ය සොලිසිටර් ජනරාල් ප්‍රියන්ත නාවාන මහතාගේ මෙහෙය වීම යටතේ රජයේ විගණකාධිපතිවරයා සාක්‍ෂි ලබා දීම සිදු කරන ලදී. එසේ කොමිසම හමුවේ ඉදිරිපත් වූ ප්‍රශ්න සහ ඒවාට ඔහු විසින් ලබා දුන් පිළිතුරු මෙසේය.

    ප්‍රශ්නය – විගණකාධිපතිට බලතල පැවරී ඇත්තේ කවරාකාරයෙන්ද?

    රජයේ විගණකාධිපති – ආණ්‌ඩුක්‍රම ව්‍යවස්‌ථාවේ 153 වන වගන්තිය යටතේ ව්‍යවස්‌ථාදායක සභාවේ අනුමැතිය මත ජනාධිපතිතුමා විසින් විගණකාධිපතිව පත් කරනවා. විගණකාධිපති දෙපාර්තමේන්තුව රජයේ කිසිදු අමාත්‍යාංශයක්‌ යටතට වැටෙන්නේ නැහැ. රාජ්‍ය අංශයේ ආයතනවල ගිණුම් විගණනයට ලක්‌ කර ඒවා වාර්ෂිකව පාර්ලිමේන්තුවට ඉදිරිපත් කිරීම ප්‍රධාන කාර්යයි. රජයේ විගණනකාධිපතිගේ වාර්තා පදනම් කරගෙන පාර්ලිමේන්තුවේ පොදු ව්‍යාපාර කාරක සභාව සහ ගිණුම් කාරක සභාව රාජ්‍ය ආයතනවල කාර්යසාධනය පරීක්‍ෂාවට ලක්‌ කරනවා. එහිදී එම කෝප් සහ කෝපා යන කමිටුවලට විගණකාධිපති සහාය ලබා දෙනවා.

    ප්‍රශ්නය – බැඳුම්කර නිකුතු ගැන ඔබගේ විගණාකාධිපති වාර්තාව ඉදිරිපත් කළේ කවදාද? රජයේ

    විගණකාධිපති – 08 වන පාර්ලිමේන්තුවේ 2016 මැයි 06 දින රැස්‌ වූ කෝප් කමිටුවේ උපදෙස්‌ අනුව 2016 ජුනි 29 වැනිදා විශේෂ විගණන වාර්තාව මම ඉදිරිපත් කළා. එහි වැඩිදියුණු කළ යාවත් කාලීන වාර්තාව 2016 සැප්තැම්බර් 30 දින කෝප් කමිටුවට ඉදිරිපත් කළා.

    ප්‍රශ්නය – එම විගණන වාර්තාවෙන් මූලික වශයෙන් අවධානය යොමු කළ කරුණු මොනවාද?

    රජයේ විගණකාධිපති – අදාළ භාණ්‌ඩාගාර බැඳුම්කර ගනුදෙනු එම මුදලට අගයක්‌ ලැබෙන පරිදි සිදු කර තිබෙනවාද, මහ බැංකුව රජය වෙනුවෙන් අවම පිරිවැයට ණය රැස්‌ කිරීම සිදු කර තිබෙනවාද, මහ බැංකු අධිපති ඇතුළු නිලධාරීන් මේ ගනුදෙනුවලදී සද්භාවයෙන් කටයුතු කර තිබෙනවාද, එහිදී නිසි ක්‍රමවේද අනුගමනය කරමින් විනිවිදභාවයෙන් කටයුතු කර තිබෙනවාද සහ භාණ්‌ඩාගාර බැඳුම්කර සෘජු ක්‍රමයට නිකුත් කිරීම අත්හිටුවීමට තීරණය ගෙන ඇත්තේ රටේ අවශ්‍යතාවට අනුවද යන කරුණු ගැන මෙහිදී මූලික අවධානය යොමු කළා.

    ප්‍රශ්නය – මෙම විගණන වාර්තාව සැකසීමට අනුගමනය කළ ක්‍රමවේදය කුමක්‌ද?

    රජයේ විගණකාධිපති – අදාළ ගනුදෙනු සම්බන්ධයෙන් නිකුත් කළ සහතික කරන ලද ලේඛන සහ මුල් පිටපත්, මහ බැංකුවේ වෙබ් අඩවිය මගින් ප්‍රකාශයට පත් කර ඇති භාණ්‌ඩාගාර බැඳුම්කර ගනුදෙනුවල ප්‍රාථමික සහ ද්විතියික වෙළෙඳපොළ තොරතුරු, නිලධාරීන් සමඟ සාකච්ඡා කර ලබා ගන්නා ලද තොරතුරු 07 වන සහ 08 වන පාර්ලිමේන්තුවේ කෝප් කමිටුවලට දෙන ලද සාක්‍ෂි සහ පිටිපන කමිටුවේ වාර්තාව ඇතුළු තොරතුරු මෙහිදී අප සැළකිල්ලට ගත්තා.

    විගණනයේදී 2015 පෙබරවාරි මාසයේ සිට 2016 මැයි මාසය දක්‌වා භාණ්‌ඩාගාර බැඳුම්කර නිකුතු ගැන අපේ අවධානය යොමු කළා. එයිනුත් මහ බැංකුව මුලින් ප්‍රකාශ කළ අගයට වඩා ලංසු වැඩියෙන්ම පිළිගත් අවස්‌ථා දෙකක්‌ අපි තෝරා ගත්තා. එනම් 2015.02.27 දින සහ 2016.මාර්තු 29 දින පැවැති වෙන්දේසි දෙකයි.

    ප්‍රශ්නය – 2015 මාර්තු මාසයේ රජයේ අරමුදල් අවශ්‍යතාව කොපමණද?

    රජයේ විගණකාධිපති – 2015 පෙබරවාරි 20 දිනට අනුව 2015 මාර්තු මාසයේ අරමුදල් අවශ්‍යතාව රු. බිලියන 261.683 ක්‌. ඉන් රු. බිලියන 172 ක්‌ භාණ්‌ඩාගාර බැඳුම්කරවලින් සහ ඉතිරි රු. බිලියන 89.683 භාණ්‌ඩාගාර බිල්පත් නැවත නිකුත් කිරීමෙන්ද ලබා ගැනීමට සැලසුම් කර තිබුණා. දේශීය ණය කළමනාකරණ කමිටුවේ නිර්දේශය වී තිබුණේ භාණ්‌ඩාගාර බැඳුම්කරවලින් ලබා ගත යුතු රු. බිලියන 172න් රු. බිලියන එකක්‌ වෙන්දේසියෙන් සහ ඉතිරි රු. බිලියන 171 සෘජු නිකුතු ක්‍රමයෙන් ලබා ගැනීමටයි.

    2015 මාර්තු 02 දිනට අවශ්‍ය පැවැති රු. බිලියන 13.55 ක අරමුදල් අවශ්‍යතාව සපුරා ගැනීමට අපේක්‍ෂා කළේ රු. බිලියනයක්‌ වෙන්දේසියෙන් සහ ඉතිරි රු. බිලියන 12.55 ක මුදල සෘජු නිකුතු ක්‍රමයෙනුයි. අධිපති 2015 මාර්තු 02 දින මාර්තු මස ණය වැඩසටහනට අනුමැතිය දී තිබුණා.

    2015.02.23 දින මුදල් මණ්‌ඩල රැස්‌වීමේ සටහන්වලට අනුව තිස්‌ අවුරුදු භාණ්‌ඩාගාර බැඳුම්කරයක්‌ නිකුත් කිරීමට තීරණය කර තිබෙනවා. මෙහිදී අධිපතිවරයාගේ (අර්ජුන මහේන්ද්‍රන්) අදහස වී තිබුණේ මීට විදේශ ආයෝජකයින් සහභාගී වනු ඇති බවයි. එහෙත් මහ බැංකු නියෝජ්‍ය අධිපති ආචාර්ය නන්දලාල් වීරසිංහ මහතා 2016 ජුනි 07 දින කෝප් එකට දී ඇති සාක්‍ෂි සටහන් අනුව එය අධිපතිවරයාගේ අදහස වුවත් තිස්‌ අවුරුදු බැඳුම්කරවලට විදේශ ආයෝජකයින්ගේ උනන්දුවක්‌ නැති බව සඳහන් කර තිබෙනවා. එසේම 2015 වසර වෙනුවෙන් නිකුත් කළ මහ බැංකු වාර්ෂික වාර්තාවේ සඳහන් වන්නේ 2015 වසරේදී විදේශ ආයෝජකයින් රාජ්‍ය සුරැකුම්පත් වෙළෙඳපොළෙන් බැඳුම්කර විකුණා ඔවුන් වෙළෙඳපොළෙන් ඉවත්ව ගොස්‌ ඇති බවයි.

    එම කරුණට අදාළ මහ බැංකු වාර්තාවේ උපුටා ගැනීම් ද රජයේ විගණකාධිපතිවරයා විසින් කොමිසමට ඉදිරිපත් කළේය.

    ප්‍රශ්නය – 2015.02.27 දින වෙන්දේසියේ කූපන් අනුපාතය කුමක්‌ද?

    රජයේ විගණාකාධිපති – එය සියයට 12.5 ක්‌. එහෙත් සියයට 12.5 ක අනුපාතය තීරණය කිරීමට කවර ක්‍රමයක්‌ අනුගමනය කළේද යන්නට තහවුරු කළ හැකි ලේඛන මහ බැංකුව විසින් විගණනයට ඉදිරිපත් කළේ නැහැ. ඒ වන විට පැවැති සාමාන්‍ය ඵලදා අනුපාතය සියයට 9.48 යි. ඒ 2015.02.18 දිනෙන් අවසන් වන සතියේ ද්විතියික වෙළෙඳපොළ දත්ත අනුවයි.

    ප්‍රශ්නය – 2015.02.27 දින භාණ්‌ඩාගාර බැඳුම්කර වෙන්දේසියේදී ලංසු ලැබී ඇත්තේ කවරාකාරයෙන්ද?

    රජයේ විගණකාධිපති – එදින රු. මිලියන 20708 ලංසු මහ බැංකුවට ලැබී තිබුණා. පර්පෙචුවල් ට්‍රෙෂරීස්‌ සමාගම මෙහිදී තමා විසින් සහ ලංකා බැංකුව හරහා ලංසු ඉදිරිපත් කර තිබුණා. පර්පෙචුවල් ට්‍රෙෂරීස්‌ සමාගම විසින්ම රු. මිලියන 200 ක (රු. බිලියන 2 ක) ලංසු සහ ලංකා බැංකුව හරහා තවත් රු. බිලියන 13,000 ක (රු. බිලියන 13 ක) ලංසු ඉදිරිපත් කර තිබුණා. එක්‌ ප්‍රාථමික අලෙවිකරුවෙක්‌ (Primary dealer) වෙනුවෙන් තවත් ප්‍රාථමික අලෙවිකරුවෙක්‌ ලංසු ඉදිරිපත් කළ ප්‍රථම අවස්‌ථාව මෙයයි. අනෙකුත් ප්‍රාථමික අලෙවිකරුවන් ඉදිරිපත් කර තිබූ ලංසු ප්‍රමාණය රු. මිලියන 5708 ක්‌. ඒ අනුව ඉදිරිපත්ව තිබූ මුළු ලංසු ප්‍රමාණයෙන් අනෙකුත් සියලුම ප්‍රාථමික අලෙවිකරුවන් ඉදිරිපත් කර තිබුණේ සියයට 27 ක්‌ පමණයි. පර්පෙචුවල් ට්‍රෙෂරීක්‌ සමාගම තමන් විසින්ම සහ ලංකා බැංකුව හරහා සියයට 73 ක මුළු ලංසු ප්‍රමාණයක්‌ වෙන්දේසියට ඉදිරිපත් කර තිබුණා.

    ඉදිරිපත්ව තිබූ ලංසු අතුරින් ලංසු පිළිගැනීම සැළකුවොත් මුළු පිළිගත් ලංසු ප්‍රමාණයෙන් සියයට 50 ක්‌ම පර්පෙචුවල් ට්‍රෙෂරීස්‌ සමාගම ඉදිරිපත් කළ ලංසුයි. (පර්පෙචුවල් ට්‍රෙෂර්ස්‌ සමාගම සහ එම සමාගම ලංකා බැංකුව හරහා ඉදිරිපත් කර තිබූ ලංසු) අනෙකුත් සියලුම ප්‍රාථමික අලෙවිකරුවන් ඉදිරිපත් කළ ලංසුවලින් පිළිගත් ප්‍රමාණය, එදින වෙන්දේසියේදී පිළිගත් මුළු ලංසුවලින් සියයට 50 ක්‌ පමණයි.

    2015.02.27 දින භාණ්‌ඩාගාර බැඳුම්කර වෙන්දේසියේදී ඉදිරිපත් කළ සියලු ලංසු පිළිබඳ විස්‌තර රජයේ විගණකාධිපතිවරයා කොමිසමට ඉදිරිපත් කළේය. මෙ දින වෙන්දේසියේ පළමු විනාඩි 146 දී රු. බිලියන 7.108 ක ලංසු ලැබෙන විට අන්තිම විනාඩි 08 දී රු. බිලියන 13.6 ක ලංසු ලැබී තිබෙනවා. පළමු විනාඩි 146 දී ඉදිරිපත්ව ඇති රු. බිලියන 7.108 ක ලංසු ප්‍රමාණයෙන් රු. බිලියන දෙකක ලංසු ඉදිරිපත් කර ඇත්තේ පර්පෙචුවල් ට්‍රෙෂරීස්‌ සමාගමයි. අනෙකුත් ප්‍රාථමික අලෙවිකරුවන් ඉදිරිපත් කර ඇති ලංසු ප්‍රමාණය රු. බිලියන 5.108 ක්‌.

    වෙන්දේසියේ අවසාන මිනිත්තු 08 දී ඉදිරිපත්ව ඇති රු. බිලියන 13.6 ක මුළු ලංසු ප්‍රමාණයෙන් පර්පෙචුවල් ට්‍රෙෂරීස්‌ සමාගම ලංකා බැංකුව හරහා රු. බිලියන 13 ක ලංසු අසාමාන්‍ය ඉහළ ඵලද අනුපාත යටතේ ඉදිරිපත් කර තිබෙනවා. එහෙත් එම අන්තිම විනාඩි 08 දී අනෙකුත් ප්‍රාථමික අලෙවිකරුවන් ඉදිරිපත් කර ඇති ලංසු ප්‍රමාණය රු. බිලියන 0. 6 ක්‌ පමණයි.

    මෙදින (2015.02.27දින) වෙළෙඳපොළ මෙහෙයුම් කමිටු රැස්‌වීම උදේ පැවැත්වෙනවා. එම කමිටු රැස්‌වීමට උදේ 9.00 යට පමණ ප්‍රථම වතාවට (හිටපු) අධිපති පැමිණෙනවා. ඔහු එම කමිටුවේ සාමාජිකයෙක්‌ නොවේ. එසේ පැමිණ නිත්‍ය තැන්පතු පහසුකම් පොළී අනුපාතය (SDFR) වෙනස්‌ කිරීමට උපදෙස්‌ දෙනවා. ඒ සඳහා සකස්‌ කළ චක්‍රලේඛනයට අධිපති අවසර දෙනවා. එම වෙනස්‌ කළ පොළි අනුපාතිකය 2015.03.02 දින සිට ක්‍රියාත්මක වෙනවා. එය 2015.03.06 දින මුදල් මණ්‌ඩලය පසුව අනුමත (Ratified) කරනවා.

    ප්‍රශ්නය – 2015.02.27 දින වෙන්දේසිය සඳහා රාජ්‍ය ණය දෙපාර්තමේන්තුවේ නිර්දේශය කුමක්‌ද?

    රජයේ විගණකාධිපති – ඔවුන් නිර්දේශ කර තිබුණේ රු. බිලියන 2.608 ක ලංසු පිළිගැනීමටයි. මෙහිදී අධිපතිතුමාගේ මැදිහත් වීම ගැන රාජ්‍ය ණය අධිකාරිවරිය නිර්දේශ ලේඛනයේ (Option sheet) සටහනක්‌ යොදා තිබෙනවා. එහි සඳහන් කර ඇත්තේ රු. බිලියන 10 ක්‌ දක්‌වා ලංසු පිළිගන්නා ලෙස අධිපතිවරයා උපදෙස්‌ දුන් දුන් බවයි. රාජ්‍ය ණය අධිකාරිවරිය කෝප් එකට දුන් සාක්‍ෂි අනුව ඇයි ඔබලා බිලියන 10 ක්‌ නොගන්නේ කියා විමසා තිබෙනවා. එවිට අතිරේක රාජ්‍ය ණය අධිකාරි ආචාර්ය ආසිම් මහතා එම ප්‍රමාණයන් වැඩි බව අධිපතිවරයාට ප්‍රකාශ කර තිබෙනා. බිලියන 10 පිළිගත්තා. කීමටත් පෙර අධිපතිවරයා බිලියන 20 කම ලංසු පිළිගන්න කියාත් මුලින් ප්‍රකාශ කර තිබෙනවා.

    මීට අදාළ කෝප් සාක්‍ෂි සටහන් ද රජයේ විගණකාධිපතිවරයා විසින් කොමිසමට ඉදිරිපත් කරන ලදී.

    ප්‍රශ්නය – 2015.02.27 දින වෙන්දේසියේදී කොපමණ ලංසු පිළිගෙන තිබෙනවාද?

    රජයේ විගණකාධිපති – කලින් සැලසුම් කළ පරිදි රුපියල් බිලියනයක්‌ වෙනුවට රු. බිලියන 10.058 ක ලංසු මහ බැංකුව විසින් පිළිගෙන තිබෙනවා. එය ඉදිරිපත් කළ වටිනාකම මෙන් සියයට 905 කින් ලංසු වැඩිපුර පිළිගැනීමක්‌. එසේම බිලියන 12.55 ක්‌ සෘජු නිකුතු ක්‍රමයෙන් ගැනීමට සැලසුම තිබුණත් අවසානයේදී සෘජු නිකුතු ක්‍රමයට බැඳුම්කර නිකුත් කර නැහැ. රු. බිලියන 2.608 ක මූලික නිර්දේශය පිළිගන්නා නම් ඵලදා අනුපාතය වන්නේ සියයට 10.724 යි. එහෙත් වෙන්දේසියෙන් බිලියන 10.058 ක ලංසු පිළිගත් නිසා එම ඵලදා අනුපාතය සියයට 11.727 දක්‌වා ඉහළ ගොස්‌ තිබෙනවා. වර්ෂ 2008 සිට වර්ෂ 2014 දක්‌වා ඉදිරිපත් කළ වටිනාකමට සාපේක්‍ෂව සියයට 905 ක වැඩිම ප්‍රතිශතයකින් ලංසු පිළිගෙන ඇත්තේ මේ අවස්‌ථාවේදීයි.

    මෙසේ සෘජු නිකුතු ක්‍රමයෙන් ලංසු පිළිනොගෙන ඇත්තේ තාවකාලිකව එම ක්‍රමය අත්හිටුවීමට ගත් තීරණයක්‌ නිසා බව කියා වෙනවා. ඒ බව 2015.03.02 දින හිටපු අධිපති අර්ජුන මහේන්ද්‍රන් මහතා මුදල් මණ්‌ඩලයට දැනුම් දී තිබෙනවා. එහෙත් භාණ්‌ඩාගාර බැඳුම්කර සෘජු නිකුතු ක්‍රමය අත්හිටුවීමට මුදල් මණ්‌ඩලය තීරණයක්‌ අරන් නැහැ. ඒ බව අධිපතිවරයා මුදල් මණ්‌ඩලයට දැනුම් දීමයි සිදුව ඇත්තේ. බිලියන 10.058 ක ලංසු මහ බැංකුව විසින් පිළිගත් නිසා ඵලදා අනුපාතය සියයට 9.35 සිට සියයට 11.727 දක්‌වා ඉහළ ගියා. ඉහළ වට්‌ටමකට යැමට සිදුවීම නිසා රු. බිලියන 10.058 ක මුහුණත වටිනාකම ඇති භාණ්‌ඩාගාර බැඳුම්කර සඳහා රජයට ලැබුණේ වෙන්දේසියෙන් රු. බිලියන 9.658 ක මුදලක්‌ පමණයි. එතනම රු. බිලියන 0.4 ක (රු. කෝටි 40 ක) අඩුවක්‌ සිදුව තිබෙනවා.

    ප්‍රශ්නය – මහ බැංකුව මුලින් ප්‍රකාශ කළ පරිදි රු. බිලියනයක ලංසු පිළිගත්තා නම් තත්ත්වය කොහොමද?

    රජයේ විගණකාධිපති-එහෙම නම් රු. බිලියන 1.3 ක්‌ දක්‌වා ලංසු 07 ක්‌ පිළිගැනීමට ලක්‌ වෙනවා. ඒ අතර පර්පෙචුවල් ට්‍රෙෂරීක්‌ සමාගමේ ලංසු නැහැ. මෙසේ ප්‍රකාශ කළ අගයට පමණක්‌ ලංසු පිළිගැනීම මහ බැංකුව විසින් සීමා කළා නම් රජයට පාඩුවක්‌ සිදු වන්නේ නැහැ.

    මේ අවස්‌ථාවේ අලාභ ගණනය කිරීම සඳහා යොදාගත් සූත්‍රය රජයේ විගණකාධිපතිවරයා විසින් කොමිසමට ඉදිරිපත් කරන ලදී. එම අලාභ ගණනය කිරීමේ පදනම 2017.03.06 දින පැවැති මුදල් මණ්‌ඩල රැස්‌වීමේදී පිළිගෙන ඇති බවද රජයේ විගණකාධිපති ගාමිණී විඡේසිංහ මහතා කොමිසමට කීවේය.

    ප්‍රශ්නය – එම පදනම මත රු. බිලියන 10.058 ක්‌ දක්‌වා ලංසු මහ බැංකුව විසින් පිsළිගැනීම නිසා රජයට සිදුව ඇති පාඩුව කොපමණද?

    රජයේ විගණකාධිපති – මුලින් ප්‍රකාශ කළ වටිනාකම වන රු. බිලියනයක්‌ ලබා ගැනීම සඳහා රු. බිලියන 1.308 ක ලංසු පිළිගන්නවා වෙනුවට රු. බිලියන 10.058 ක ලංසු පිළිගත් නිසා රජයට රු. 889,353,050 ක අලාභයක්‌ සිදුව ඇති බවට ගණනය කර තිබෙනවා. එසේම රාජ්‍ය ණය දෙපාර්තමේන්තුවේ රු. බිලියන 2.608 ක නිර්දේශ කළ අගය දක්‌වා ලංසු පිළිගන්නවා වෙනුවට රු. බිලියන 10.058 ක ලංසු පිළිගැනීම නිසා රජයට රු. 688,538, 600 ක අලාභයක්‌ සිදුව ඇති බවට ඇස්‌තමේන්තු ගත කර තිබෙනවා.

    අපට මේ බැඳුම්කර නිකුතුවලට අදාළ ද්විතියික වෙළෙඳපොළ දත්ත ලබාදීම මහ බැංකුව විසින් ප්‍රතිෂේප කළා. අප එම දත්ත ඉල්ලා සිටියත් එම දත්ත ඔවුන් සතුව නැති බව ලිකිතව අපට දැන්වුවා. එම දත්ත ලැබුණොත් අපට තවදුරටත් අපේ අලාභ ගණනය කිරීම ඉදිරියට ගෙන යන්න පුළුවන්.

    මේ අනුව රජයේ නීතිපති දෙපාර්තමේන්තුවේ නියෝජ්‍ය සොලිපිටර් ජනරාල් මිලින්ද ගුණතිලක මහතාගේ ඉල්ලීම අනුව අදාළ බැඳුම්කරවල ද්විතියික වෙළෙඳපොළ ගනුදෙනුවලින් රජයට සහ/ හෝ ව්‍යවස්‌ථාපිත ආයතනයකට යම් පාඩුවක්‌ සිදුව තිබේද එසේ නම් එම පාඩුව කොපමණ ද යන්නත් ගණනය කර කොමිසමට වාර්තාවක්‌ ඉදිරිපත් කරන ලෙස කොමිසමේ සභාපති ශ්‍රේෂ්ඨාධිකරණ විනිසුරු කේ. ටී. චිත්‍රසිරි මහතා රජයේ විගණකාධිපති ගාමිණී විෙ-සිංහ මහතාට නියෝග කළ අතර එම අලුත් විගණනය කිරීමට එරෙහිව පර්පෙචුවල් ට්‍රෙෂරීක්‌ සමාගම වෙනුවෙන් ඉදිරිපත් වන ජනාධිපති නීතිඥ නිහාල් ප්‍රනාන්දු සහ හිටපු මහ බැංකු අධිපති අර්ජුන මහේන්ද්‍රන් මහතා වෙනුවෙන් පෙනී සිටි නීතිඥ චානක ද සිල්වා යන මහත්වරුන් විසින් කොමිසම හමුවේ මතු කරන ලද විරෝධතා කොමිසම විසින් ප්‍රතික්‍ෂේප කළේය.

    [rns_reactions]

  • සෙංකෝලෙට අත තිබ්බොත් සති අටක්‌ ගෙදර – කතානායකගෙන් ප්‍රකාශයක්…

    පාර්ලිමේන්තු රැස්‌වීම් පවත්වන අවස්‌ථාවේදී කිසියම් මන්ත්‍රීවරයෙක්‌ සෙංකෝලය ස්‌පර්ශ කිරීම හෝ එසවීම කළහොත් එම මන්ත්‍රීවරයාගේ පාර්ලිමේන්තු සේවය සති අටක්‌ අත්හිටුවීමේ නීතියක්‌ ගෙන ඒමට තීරණය කර ඇත.

    සභා ගර්භය ඇතුළත සෙංකෝලය තබා ඇති අවස්‌ථාවකදී එය ස්‌පර්ශ කිරීම හෝ එසවීම මගින් බරපතළ විනය විරෝධී ක්‍රියාවක්‌ මන්ත්‍රීවරයා විසින් සිදුකරන බවද අදාළ මන්ත්‍රීවරයා එම වරද සිදු කරන්නේ පළමු වරට වුවත් සමාවක්‌ හිමි නොවනු ඇතැයිද පාර්ලිමේන්තුවේ යෝජිත නව ස්‌ථාවර නියෝග පිළිබඳ අවසන් කෙටුම්පතෙහි දැක්‌වේ.

    එමෙන්ම යම් මන්ත්‍රීවරයකු සභාව තුළ දිගින් දිගටම අශෝභන ලෙස හැසිරෙමින් ස්‌ථාවර නියෝග උල්ලංඝනය කරන්නේ නම් පාර්ලිමේන්තු සජීවී රූපවාහිනි විකාශනයද වහා අත්හිටුවීමේ නියෝගයක්‌ ලබාදීමට කථානායකවරයාට යෝජිත නව ස්‌ථාවර නියෝග අනුව බලය හිsමිව තිබේ

    [rns_reactions]

  • තජුදීන් සිදුවීම යලිත් සිදුවේවිද? රාජපක්ෂ පුතෙකු සහ පෙම්වතියක් අතර වලියක් කරලියට…

    මහින්ද රාජපක්ෂ මෙන්ම  රෝහිත රාජපක්ෂ හා ඔහුගේ පෙම්වතිය ගැන කාලෙන් කාලෙට විවිධ කතා මැවෙනවා. මහින්දගේ සල්ලි වලින් පෙම් ලෝකේ උන්මාදයෙන් සැරිසරන මේ දෙදෙනා ගැන පළවී ඇති ඡායාරූප කිහිපයක් මේ දිනවල හැමෝම අතර කතාබහට ලක්වෙනවා.

    ඒ රෝහිත රාජපක්ෂත් ඔහුගේ පෙම්වතිය වන ටටියානාත් රාණ්ඩු වුණු ඡායාරූප. ඒ අතරේ බේබි නාමලුත් මේ ප්‍රශ්නෙට මැදිහත් වෙලා ඉන්න ස්වරූපයක් තමයි එම ඡායාරූපවල පේන්න තිබුණේ. තජුදීන් සිදුවීම අපට මතක් උනත් මොවුන් මෙහෙම රණ්ඩුවෙලා තියෙන්නේ ඇත්තටම නම් නෙවෙයිලු. මේ රෝහිතගේ අලුත්ම මියුසික් වීඩියෝ එකේ ඡායාරූප කිහිපයක් කියලා තමයි අපට ආරංචි වුණේ.

    01p 01o

    [rns_reactions]

     

  • තව්හීද් ජමාආත්හි රෙදි ගලවමින් බාල වයස්කාර විවාහවලට එරෙහිව බි.බි.සිය සටනට..

    වයස අවුරුදු 18 ට අඩු දැරියන් විවාහ කරදීම ශ්‍රී ලංකාවේ සාමාන්‍ය නීතිය අනුව තහනම්ය. එහෙත් දශක ගණනාවක් පැරණි මුස්ලිම් විවාහ සහ දික්කසාද නීතිය මගින් වයස් සීමාවකින් තොරව දැරියන් විවාහ කරදීමට මුස්ලිම් දෙමාපියන්ට සහ භාරකරුවන්ට අවසර දී තිබේ යන්න අද බිබිසි සිංහල සේවය වාර්තා කොට ඇත.

    “විවාහයක් අවශ්‍ය වීම අදාල දැරියට තිබෙනා අවශ්‍යතාව තමයි ඒ නිර්ණායකය,” යන්න හැරුණු විට ඒ නිර්ණායකය කවරේ දැයි නිසි පැහැදිළි කිරීමක් ඉදිරිපත් කිරීමට තව්හීද් ජමාආත් සංවිධානයේ භාණ්ඩාගාරික බීඑම් අර්ශාඩ් අපොහොසත් වූ බවත් “සමහර දැරියන්ට වයස අවුරුදු 18 පිරුණට පසුවත් විවාහ වීමට අවශ්‍ය නොවිය හැකි බවත්  එම නිසා ශ්‍රී ලංකාවේ ළමා විවාහ ජාත්‍යන්තර මානව හිමිකම් ප්‍රඥ්ඥප්තිය උල්ළංගණය කරමින් තිබෙන බවත් බිබිසී සිංහල සේවය ලොවට ප්‍රකාශ කර තිබෙනවා.

    ”එහෙත් ඉස්ලාම් ධර්මය ප්‍රකාර දැරියක විවාහ විය යුත්තේ කවරෙකු සමග දැයි තීරණය කරනු ලැබිය යුත්තේ දෙමාපියන් හෝ භාරකරුවන් විසින්” බවත් තව්හීද් ජමාආත් සංවිධානය අවධාරණය කරන බව එහි දැක්වෙයි.

    [rns_reactions]

  • Page Hitකරන්න ජනපති මෛත්‍රීගේ රුව විකෘති  කලොත් වෙන දේ මෙන්න…

    ජනාධිපති මෛත‍්‍රීපාල සිරිසේන මහතාගේ පින්තූර විකෘති කර ෆේස්බුක්හි පල කලහොත් එම ගිණුම් අවහිර වනු ඇති බවට ජනාධිපති මාධ්‍ය අංශය උපුටා දක්වමින් අන්තර්ජාල පුවත් අඩවි කිහිපයක්ම වාර්තා කරයි.

    ජනාධිපතිවරයාගේ පින්තූරවල අයිතිය ජනාධිපති මාධ්‍ය අංශය විසින් මුදල් ගෙවා ලබා ගෙන ඇතැයිද විකෘති  කරන ලද එම පින්තූර පල කරන ගිණුම් සම්බන්ධයෙන් ෆේස්බුක් ආයතනයට පැමිණිලි කිරීමෙන් පසු වසා දමා ඇති බවත් එම වාර්තාවන්හි දැක්වෙයි.

    කෙසේ වෙතත් ජනාධිපතිවරයාගේ පින්තූර විකෘති නොකර යොදා ගන්නේ නම් ගැටළුවක් නොවනු ඇතැයිද තව දුරටත් සදහන්ය.

    [rns_reactions]

  • පොලිස් සුනඛයාගේ සහයෙන් ඇල්ලු මහා මුදල් හා රන්භාණ්ඩ කොල්ලයේ විත්ති මෙන්න..

    උඩුගම දකුණු පියතිලක මාවතේ නිවසක්‌ බිඳ මුදල් හා රන් භාණ්‌ඩ සොරකම් කළ සැකකරුවකු ගාල්ල පොලිසියේ නිල සුනඛ ඒකකයේ ආටිස්‌ නැමති නිල සුනඛයාගේ සහයෝගයෙන් අල්ලාගෙන ඇත.

    මෙකී නිවසට ඇතුල් වූ සැකකරු නිවසේ ඉදිරිපිට තිබූ රඹුටන් ගසට නැඟ රඹුටන් කඩාගෙන කා තිබේ. පසුව නිවසේ දොරට පා පහරක්‌ එල්ලකොට ඇති අතර එහිදී දොර කැඩී තිබේ. පසුව සැකකරු රඹුටන් ගෙඩි කෑමට ගනිමින් රඹුටන් ලෙලි නිවසේ දමා තිබේ. නිවසේ තිබූ මුදල් රු. 42000ක්‌ හා රන් භාණ්‌ඩ සැකකරු විසින් සොරකම් කොට පලාගොස්‌ තිබිණි.

    ඉකුත් 13 වැනි දින ආටිස්‌ නමැති නිල සුනඛයා සොරුන් විසින් බිඳිනු ලැබූ නිවසට ගෙන ගොස්‌ තිබේ. ඒ මෙම පොලිස්‌ නිල සුනඛයා රැක බලා ගන්නා පොලිස්‌ කොස්‌තාපල් (54387) ගුණදාස නමැති නිලධාරියා විසිනි. ආටිස්‌ නිවසට ඇතුල් වී සැකකරු විසින් කා බිම දමා තිබූ රඹුටන් ලෙලි ඉව කොට ඇත. රඹුටන් ලෙලි වලින් ලබා දුන් ඉව ආටිස්‌ නිවසින් එළියට පැමිණ ටික දුරක්‌ ගමන් කරනවිට ත්‍රී රෝදයක්‌ පැමිණ තිබේ. ආටිස්‌ එකවරම එම ත්‍රී රෝද රථයට කඩා පැන ඇත. එම ත්‍රී රෝද රථයේ සිට ඇත්තේ මෙකී නිවසට ඇතුල් වී මුදල් හා භාණ්‌ඩ සොරකම් කළ සැකකරුය. පොලිසිය විසින් ඔහු අත්අඩංගුවට ගෙන ප්‍රශ්න කිරීමේ දී මොහු මෙම සොරකමට සම්බන්ධ බවට අනාවරණය වී තිබේ.

    සැකකරු ආටිස්‌ නමැති නිල සුනඛයා බැලීම සඳහා මෙම නිවස අසලට පැමිණි අවස්‌ථාවේ දීද පොලිස්‌ නිල සුනඛයා සැකකරුගේ ඇඟට පැන තිබේ.

    [rns_reactions]

  • කතරගම රූමතියට යුක්තිය දිනාදුන් වීර මිනිසා සමුගෙන යයි..

    මෙරට ඉතිහාසයේ ආන්දෝලනාත්මක නඩුවක් වූ ප්‍රේමවතී මනම්පේරි (කතරගම රූමතිය) ඝාතන නඩු විභාගයේ ප්‍රධාන සාක්ෂිකරුවකු සහ වනජීවී  දෙපාර්තමේන්තුවේ ජ්‍යෙෂ්ඨ ක්ෂේත්‍ර  නිලධාරියකු වූ එඞ්වඞ් ඩෙස්මන්ඞ් වයිට් මහතා ඊයේ (15) පෙරවරුවේ අභාවප්‍රාප්ත විය.

    කතරගම රූමතිය යන නමින් හැඳින්වු ප්‍රේමවතී මනම්පේරී ඝාතනය සියැසින් දුටු කිහිපදෙනාගෙන් අයකු ලෙස සැලකෙන එඞ්වඞ් ඩෙස්මන්ඞ් වයිට් මහතා මියයනවිට 86 වැනි වියේ පසුවිය.

    තෙවැනි ශ්‍රේණියේ නිලධාරියකු ලෙස වසර 1956 දී වනජීවි සංරක්ෂණ දෙපාර්මේන්තුවේ සේවයට එක් වූ එඞ්වඞ් ඩෙස්මන්ඞ් වයිට් මහතා විශ්‍රාම යනවිට වනජීවි සංරක්ෂණ දෙපාර්මේන්තුවේ පළමු ශ්‍රේණියේ නිලධාරියෙක් විය.

    ප්‍රේමවතී මනම්පේරිගේ පියා එඞ්වඞ් ඩෙස්මන්ඞ් වයිට් මහතා යටතේ සේවය කළ වනජීවී දෙපාර්තමේන්තුවේ සේවකයකු බව ද පැවසේ.

    70 සහ 80 දශකවලදී යාල වන උද්‍යාන භාරකරු ලෙස දෙවරක් කටයුතු කර තිබෙන එඞ්වඞ් ඩෙස්මන්ඞ් වයිට් මහතා ඔලිම්පික් පදක්කම්ලාභී ඩන්කන් වයිට් මහතාගේ ඥාති සොහොයුරෙක් ද වෙයි.

    එඞ්වඞ් ඩෙස්මන්ඞ් වයිට් මහතාගේ දේහය මේ වනවිට කළුතර තිසරණ සරණ වැඩිහිටි නිවාසයේ තැන්පත් කර තිබෙන අතර දේහය පිළිබඳ අවසාන කටයුතු සෙනසුරාදා 17 ගොමගමුව, කුලියාපිටිය පවුලේ සුසාන භූමියේදී සිදුකිරීමට නියමිත ය.

    මේ කතරගම රූමතියට අත්වූ ඉරණම සහ වයිට් මහතා එම අපරාධය හෙලිකීරමට මූල්වූ අයුරු පිළිබඳව දිණමිණ මාංචු අතිරේකයේ පළවූ ලිපියකි.

    කතරගම ම හැඩවූ ප්‍රේමවතිය

    කතරගම දෙවියන්ගේ අඩවිය සිපගෙන ආ බක්මහේ සුළං රැල්ලක් ගම්මානය පුරා හමා ඇඳී ගියේය.අතු පතර ලැග සිටි කුරවි කෙවිල්ලන්ගේ පේ‍්‍රම ගීතිකාවන් ගම් දනව් පුරා නින්නාද දුන්නේය. අලුත් අවුරුද්ද සුවහසක් සතුට රැගෙන කතරගම් පුරයටත් සම්ප්‍රාප්ත වී තිබුණේ දිළිඳු අතුපැලත් මහා මන්දිරයත් එකසේ සලකාගෙන ය.තම දරු පැටවුන් රංචුවද පෙරටුකොට ගෙන අලුත් අවුරුද්දේ හා හා පුරා කියා ලීලාවති උභයසිංහ මාතාව මහත් ඕනෑකමින් පා තැබුවේ කතරගම තැපැල් කන්තෝරුව අසලම වු ‘ගුණසිරි’ හෝටලය අභිමුඛව පැවැත්වෙන අවුරුදු උළෙලට ය. ඇය දුරදීම තම දියණිය දුටුවාය.පුරහඳක් මෙන් පිරුණු වත මඬලේ සිනහව කඩාහැලෙන දිය ඇල්ලක් මෙන් ලාලිත්‍ය ට පැද්දෙන විසිතුරු වරලස ඇයට තම දියණිය ගැන තව තවත් ආදරයෙන් මෝදුවූයේ ඇයගේ රුව ගුණ වරුණ දුටු මොහොතේය.

    “අම්මේ අන්න අක්කා…..ලස්සනට ඇඳලා අර….අර….ඉන්නේ….අම්මේ අක්කා මේ පාරත් දිනයි ද අම්මේ”දෑත් දිගුකර වනමින් බාලම දරුවා වූ දයානන්ද හුරතලයට මොනවදෝ කියනවා ඇයට ඇසුණේය.

    ගම්තුලානේ බොහෝ තරුණියෝ වේදිකාව මත තාලයට පය තබමින් ඇවිද යනු ඇයට පෙනේ.අලුත් අවුරුද්දේ අවුරුදු කුමරියෝ දහසක් ප්‍රර්ථනා ඇතිව ඔබ මොබ ඇවිදින්නේ විනිසුරු මඬුල්ලේ නියමය පරිදිය. තවත් මොහොතකින් වේදිකාව මතට පායා ආවේ පේ‍්‍රමවතී ය.

    “ඇස්වහක් කටවහක් නැහැ මගේ කෙල්ල හෑබෑම ලස්සනයි. උඹට වරදින්නේ නෑ දුවේ….”

    1970 නව වසරේ කතරගම ර ෑමතිය…..ඇයයි. යකඩ කටෙන් ප්‍රේමවතීගේ නම ගම්මානය පුරා විහිදී යද්දී ලීලාවතීට ඉකිගැසුණේ සතුට දරාගන්නට බැරිවය.තම දියණිය පුරා හඳක් මෙන් වේදිකාව මත බැබළෙද්දි නැගූ ඔල්වරසන් හඬ මැද්දේ ලීලාවතී අම්මා මොහොතකට අන්දමන්දව බලා සිටියාය.

    වරක් නොව දෙවතාවක්ම බක්මහ කුමරිය ලෙස ප්‍රේමවතී කිරුළු පැළැන්දාය.

    අහිංසක ලීලාවතී අම්මාගේත් හෙන්ද්‍රික් අප්පුහාමි තාත්තාටත් එදා තම දියණිය ගෙන ආවේ එක්තරා අන්දමක සතුට මුසුවූ ආඩම්බරයකි.

    “මගේ ලොකු එකී මේ පාරත් රූප සුන්දරීවෙලා.ඇත්තටම මගේ ලොකු දුවට රූපෙන් මොනවද අඩු.අපි දුප්පත් තමයි දුවේ….එත්..උඹට හොඳකලක් යනවා නම් ඒ ඇති.” මුවින් නොදෙඩුවත් එදා ඒ මාපියන්ගේ හදවත් එසේ මුමුණන්නට ඇත.ඒ 1970 වසරේ අප්‍රෙල් මස 17 වැනි දිනකදීය.

    කතරගම දෙවොල ඇස පෙනෙනා මායිමේ සිටි ප්‍රේමවතී අසිහියෙන්මෙන් තම නිරුවත දෑසින් වසාගන්නට වෙර දරමින් ඉදිරියට පය ගෑටුවාය. අවිගත් අමනුෂ්‍යන් රැළක් මුවැත්තියක වට කරගෙන ඇය කීතු කීතු වලට ඉරා දමන්නට මෙන් බර සපත්තු අඩි බිම ගටමින් ඇයට පසුපසින් ගමන් කළහ. ඇගේ ගමන බාලවන විට බරැති අවි බඳ කින් ඇගේ හිරිමල් බඳ පෙදෙස හරහා වැදුණේ මරු පහරකි.

    “මරන්ට වුවමනා නම් මෙයට වඩා මරණය සැපතකි” එහෙත්….මහා නගරයක ජනී ජනයා මැද අමු නිරුවතින්…. ගමේ උපන් විළිබිය ඇති හිරිමල් කෙල්ලට මෙයටත් වඩා කළ හැකි අපරාධයක් තවත් ඇතිද?ඇය දිගුවරලසින් තම නිරුවත වසාගන්නට තැත් කළාය.

    “උස්සපන් අත් දෙක”ඒ මාරයාගේ අණය.

    “අනේ මාව මැරුවානම් මිට වඩා හොඳයි”ඇය ඔවුන් වෙත සෙමින් මිමුණුවා ය. හෙණ හඬ නගමින් තවත් මොහොතකින් වියරු රයිෆල් වෙඩි උණ්ඩයක් ඇගේ සියුමැලි ගත පසාරු කරගෙන ගියේය.අවට සිටි සුවහසක් සංවේදී මිනිසුන්ගේ දෙනෙත් පුරා කඳුළු කැට කඩා වැටුණහ.බිම ඇද වැටුණු ඇය නැවත නැගි සිටියාය.ඉවක් බවක් නැති නරුමයෝ ඇයට නැවතත් වෙඩ් තැබුහ.තමන්ගේම රුධිර ගංඟාව මත මොහොතක් වැතිරගත් ඇය යළිත් සෙවණක් ඇති තැනකට බඩගාගොස් කඳ කෙළින් කොට හිඳගන්නට තරම් ශක්තිමත් වූවාය.

    “අනේ මට වතුර ටිකක් දෙන්න”ගලායන රුධිර ගංඟාවෙන් අඩ පණව වැතිර ඇය ඉකිබින්දාය.

    ගුණසිරි හෝටලයේ සේවකයෙක් වතුර ටිකක් රැගෙන දුව ආවේය. “දෙන්න එපා වතුර ….දුන්න එවුන්ටත් වෙඩි තියනවා.”

    අවිගත්වුන්ගේ හඬට කවුරුත් බිය වුහ. තවත් ටිකකින් ඇය උපන් දා සිට හඳුනන ගමේ ‘ඇලඩින් මාමා’උන්ගේ අවසරය යැද ඇයට වතුර ටිකක් ගෙනැවිත් පෙව්වා ය.සෝඩා බෝතල් තුනක් පුරවා ඇය වතුර බීවාය.ඒ අතරතුර ඇය අමුම අමු රුධිරය පොදි පිටින් වමනය කරමින් දෙනෙත් විදහා අවට බැලුවාය.මුළු නගරයම භ්‍රමණය වෙමින් ඇගේ වටා කැරකෙණු ඇතැයි ඇය මරුවිකලයෙන් මෙන් සිතුවාය.ඇලඩින් මාමා මුහුණ ඔසවා මඳකට හෝ ඇය දෙස බැලුවේ නැත. ඔහුගේ නෙත් අගින් ගලායන කඳුළු සඟවාගන්නට ඔහු වෙර දැරුවාය.”අනේ ලීලාවතී අක්කගෙ ලොකු එකීට කළ අපරාධය”එහෙත් මුවින් දෙඩුවේ නැත.

    “ඔය කෙල්ලව වළලලා දාපන්”නරුම වෙස් ගත් ලුතිනන් ඇල්ෆඩ් විජේසූරිය ඇලඩින්ට පවරා යන්නයට ගියේය.

    “අනේ…. මාමේ මගේ කරාබු දෙක මං දුන්නා කියලා අම්මට දෙන්න. නංගිට දෙන්න කියලා.මේ මගේ පූරුවේ කළ පවක් වෙන්න ඇති මාමේ….මම කවුරුත් එක්ක තරහා නැහැ කියන්න මාමේ”

    ප්‍රේමවති මරණ මංචකයෙහි වැතිර සිටියදීම කණ පැළඳි අරුංගල් යුවළ ගලවා ඇළඩින් මාමාට දුන්නාය.

    මනුෂ්‍යත්වය අලුයම ලූ කෙළපිඬක් තරම්වත් නොතැකු මෘගයෝ වළක් කපා ප්‍රේමවතීගේ සිරුර වළලා දමන්නට නියම කළේ ‘ඇලඩින් මාමා ටය..’නිර්භීත පුද්ගලයෙකු වුවද ඇලඩින් මාමාද ප්‍රේමවතී දියණිය වෙනුවෙන් කම්පිතව තිබූ හදවතින් නිහඬව හැඬුවේය. “මේ කෙල්ල තවම මැරිලා නැහැ.ඒකි තාම ජිවත්වෙනවා.මං කොහොමද පණ තියෙද්දී ඒකිව වළලන්නේ”ඇලඩින් මාමා කියා සිටියේය. මොහොතකින් දිව ආ සොල්දාදුවකු හරියට එල්ලය බලා ඇගේ හිස දෙදරා යන සේ වෙඩි පහර දෙකක් ිඑල්ල කළේය.මොහොතකින් ප්‍රේමවතී ඒ වධකයන් ගෙන් අත් මිදී සංසාර සයුරේ ඈතම ඈත දුර ඉසව්වකට නික්ම ගියාය.

    එදා 1970 අප්‍රෙල් මස 17 වැනි දින කතරගම අවුරුදු කුමරිය ලෙස ප්‍රීති ඝෝෂා හඬ මැද වෙදිකාව මත කිරුළු පැළදි ප්‍රේමවතී හරියටම ඉන් වසරකට පසුව එනම් 1971 අප්‍රේල් මස 17 වැනි දිනක තැපැල් කන්තෝරුව ළඟ ගුණසිරි හෝටලය අසල කිරුළු පළන් බිමේදීම අවාසනාවේ කටු ඔටුන්න හිසදරා,අවිය බලය කොටගත් මෘග රැළකගේ මිනීමරු හස්තයන්ට මැදිව,ලේ ගලන ගොදුරක්ව අමු අමුවේ අවසන් හුස්ම හෙළුවාය. දෛවයේ පුදුමාකාර සැලසුමකට අනුව වයස 22 ක හිරිමල් යොවනයේ දොරකඩදීම එදා කිරළු පළන් බිමේදීම නින්දිත මරණයක් ඇයට උරුම කළේ එලෙසය.

    1971 වසරේ අප්‍රේල් මස ගෙවීයමින් තිබුණේ රාජ්‍ය විරෝධී සංවිධානයක රහසිගත පිබිදීමක් සහිතවය. මේ වනවිට කතරගම ප්‍රදේශය පුරාම මෙම පිබිදීම වැඩිවශයෙන් හොල්මන් කරමින් තිබිණි.1971 අප්‍රේල් අරගලය සන්සිඳවීමට කතරගම ප්‍රදේශය කැරලිකරුවන්ගෙන් මුදාගෙන තත්ත්වය සාමාන්‍ය අතට පත්කිරීමට භාරව කටයුතු පැවැරුණේ ලුතිනන් ඇල්ෆ්‍රඩ් විජේසූරියටය. ඔහු ඇතුළු කණ්ඩායම කතරගම නගරයට පැමිණියේ 16 වැනිදා සවස් වරුවේය. තුන්වැනි ගැමුණු ස්වේච්ඡා සේනාංකයේ නියමුවා ලෙස ඔහු කතරගම ලංගම විශ්‍රාම ශාලාව තම කඳවුර බවට පත්කරගෙන වැඩ කටයුතු ආරම්භ කළේය.කතරගම පොලීසියත් ඒකාබද්ධව කැරලි කරුවන් සෙවීමෙහි නිරත වුහ.

    එම උදෑසන ප්‍රේමවතී මනම්පේරි නම් 22 හැවරිදි තරුණිය තම හිස පීරමින් නිවෙසේ ආලින්දයේ රැඳි සිටියදී එහි පැමිණියේ කතරගම පොලිසියට අයත් ජීප් රියකි. එහි ඉදිරිපස අසුනේ පොලිස් පරීක්ෂක උඩවත්ත බොහෝ ගාම්භීරත්වයෙන් අසුන්ගෙන සිටි අතර කොස්තාපල් සිරිපාලත්,ඕපාතත් අවි දරමින් ප්‍රේමවතීගේ නිවෙසට ඇතුළු වුහ.එම මොහොතේ ඇගේ සොයුරි සොයුරියනුත් ලීලාවතී මාතාවත් නිවෙසේ පසු වුහ.

    “කෝ….උෙඕ දුව“ඔවුහු අකාරුණික ස්වරයෙන් අසද්දී ප්‍රේමවතී හිස පිරමින්ම එළියට ආවාය.ඇගේ මුදා හැර තිබු වරලසින්ම ඇද අල්ලාගත් පොලිස් කොස්තාපල්වරු තිදෙනා ඇය සාහසික ලෙස ජිප්රථය වෙත ඇදගෙන ගියහ.අතැති රයිෆල් බඳෙන් ඇගේ උරහිසට ද පහරක් එල්ල කළේය.

    තම වැඩිමහල් දියණිය මේ විපතින් මුදවාගන්නට ලීලාවතී අම්මා ඒ මෘගයන්ගේ පය පාමුල වැඳ වැටුණාය. ජිප් රථය පසු පස හැකි වේගයෙන් දිව ගියාය.රථයෙන් බිමට බැසගත් පොලිස් පරීක්ෂක උඩවත්තව ඇය හොඳින් දුටුවේ ඒ මොහොතේය.ඇය මෙහොතකට ගොළු වුවාය. තම දියණිය කතරගම රූමතිය වූ දිනට පසු ඔහුට තම දියණිය සමඟ ඇසුරක් ගොඩ නඟා ගන්නට වුවමනාවක් තිබිණි දින ගණනාවක්ම සිවිල් ඇඳුමින් සැරසීගෙන තම නිවෙස ඉදිරියේ ඔහු කරක්ගැසූ අයුරු ඇයට මතකයට ආවේය.එවන් හැම මොහොතකම ප්‍රේමවතී දියණිය ඔහුට කිවේ ‘අම්මලාගෙන් අහන්න’කියාය. එහෙත් එය නොමනා යොජනාවක් මිස සැබෑ ලෙස ඇය කෙරෙහි බැඳි ප්‍රේමයක් නොවන බව නම් ඒකාන්තය.සියල්ල සිතු පිරිදි ඉටු නොවූ තැන ඇගෙන් පළිගන්නට ඇත්තේ මෙලෙසය.

    “අනේ මහත්තයො මගෙ කෙල්ල බේරල දෙන්න.බුදුබව අත්වෙයි.මගෙ අහිංසක කෙල්ල කරපු වරදක් නැහැ..” පොලිස් පරීක්ෂක උඩවත්තගේ කකුල් දෙක ළඟ බිම පෙරලීගෙන විලාප දෙමින් හඬද්දී ඔහු කළේ උඩට වෙඩි දෙකක් තබා ජිප්රථයට නැඟ පවනට බඳු වේගයෙන් ඉගිල යාමය. ඇයද කිසාගෝතමියක සේ පටාචාරාවක සේ තම දරුවා ඉල්ලමින් පොලිසියට දිව ගියාය.එහෙත් ඇගේ දියණිය එහි සිටින බවට හොඩුවාවක් පවා නොවීය. කඳුළු දිය බොමින් වැළහින්නක සේ හඬා වැටෙමින් වැදු කුස උණුවෙමින් ඇඟ නහර පුරා ඇදී යද්දි ගොම්මනේ හිස් අතින් ඇය ගෙදර ආවාය.රාත්‍රිය අමාරුවෙන් ගෙවා දැමු ඇය පසු දින වනතුරු හූල්ලමින් මඟ බැලුවාය.ඇගේ දියණිය කොහේවත් නැත. දහවල් 11.00 ට පමණ ඇය තම නිවෙස ඉදිරිපිට අඔ ගස යට වාඩි වී දියණයගේ මුහුණ දකින්නට පෙරුම් පිරුවාය. ඈතින් බයිසිකලයක නැඟී කවුදෝ එනු ඇය දුටුවාය. “දෙවියනේ …. ඇලඩින් ..මගේ කෙල්ල ගැන ආරංචියක්වත් ගෙනාවද?”ඇය දෙපා ආයාසයෙන් ඔසවමින් දිව ආවාය.තවත් මොහොතකින් ඔහු කිසිවක් අත ගුලිකොට ඇයට දීමට අත දිගු කළේය.ඇය එය අතට ගත්තේ නැත. “මගේ දුවගේ කරාබු දෙක නේද?”එහෙත් ඇලඩින් කිසිවක් කීවේ නැත. ප්‍රේමවතීගේ දෙවනි නැගණියගේ අතට කරාබු ජෝඩුව දුන් ඇලඩින් රූරා වැටෙන කඳුළු පිටි අත්ලෙන් පිස දමමින් යනනට ගියේය.

    වසර 22 ක් කවා පොවා ඇති දැඩිකළ තම කුළුඳුල් දියණිය කොළු කුරුට්ටන්ගේ ආදරණිය ලොකු අක්කණ්ඩිය ඒ වන විටත් සංසාරගත කරුමයක් ගෙවා දමමින් මෙලොවින් තුරන්කර අවසාන ය.

    “දෙවියනේ කතරගම දෙවියන්ටවත් මේ අපරාධය පෙනුණේ නැද්ද?”ඇය අසරණව විමසුවාය. තවත් හඬන්නට කදුළු ඒ ඇස්වල නොතිබෙන්නට ඇත.

    එදා ප්‍රේමවතී ඇතුළු තවත් තරුණියන් කිහිප දෙනකුම කැරුලිකරුවන් ලෙස අත්අඩංගුවට ගෙන තිබිණි.රැයක් පුරා එම තරුණියෝ තිරිසන් රැළකගේ වියරු අධම අශාවන්ට ගොදුරු වී තිබිණි. එලෙස හදිසි තත්ත්වය යටතේ අරක්ෂක අංශවල ඇතැම් අයෙකු නීතියේ මායිම් නොව මනුෂ්‍යත්වයේ මායිම් ද ඉක්මවා කටයුතු කර තිබිම නිසා මෙවන් බියකරු සාහසික අපරාධ සිදුවිමකට ඉඩ සැලසී තිබිණි.කැරැල්ලේ බලමහිමයෙන් ප්‍රේමවතී තරුණිය අතිශය මිලේච්ජ ලෙස අඩන්තේට්ටම්කොට මරා දමා අතපිහිදා ගැනිමට ඔවුන් සිතුවා විය හැක. 
    එහෙත් හඬන හදවතකින් යුතුව මේ සියල්ල තම දෙනෙත ඉදිරියේම පැහැදිලිව දුටු තවත් එක්තරා මනුෂ්‍යයෙක් මේ අතර සිටියේය. ඔහු එවකට යාල වනෝද්‍යානයේ වනජීවී පාලකයා ලෙස ක්‍රියා කළ ඩෙස්මන් වයිට් මහතාය.අපරාධය සිදුවීමෙන් දිනකට පසු ඔහු කෙළින්ම ගියේ තම හිතවතෙකු සොයාය.ඒ අනුව එලෙස එවකට හම්බන්තොට හමුදා සම්බන්ධීකාරක නිලධාරියාව සිටි කර්නල් ඩෙරික් නුගවෙල මහතා හමුවී තමන් දුටු සාහසික අපරාධයක සුලමුල ඔහු වෙත ඉදිරිපත් කළේය.ඒ අනුව සිද්ධිය පිළිබඳව වාර්තාවක් ඉදිරිපත් කරන ලෙස ලුතිනන් ඇල්ෆඩ් විජේසුරියට නියම කළේය.

    තමන් කළ අපරාධය වසන් කරන්නට ඔහු සියලු උත්සාහයක්ම දැරැවේය.එහෙත් මේ පිළිබඳ අරංචිය මුළු රට පුරාම පැතිර ගියේ විදුලි වේගයෙනි.මේ පිළිබඳ ආන්දෝලනය සියලු බාධක මැඩගෙන ඉදිරියට ආවේය.ඒ අනුව එවකට පැවැති රජය ප්‍රේමවති මනම්පේරි තරැණියගේ මිලේච්ජ ඝාතනය පිළිබද සෙවීම සඳහා 1971 වසරේදී අපරාධ යුක්ති විනිශ්චය කොමිශන් සභාව පිහිටු විය. ශ්‍රෙෂ්ඨාධිකරණ විනිසුරු ඒ.සී අලස් මහතාගේ මූලිකත්වයෙන් කොමිසන් සභාව ක්‍රියාත්මක විය.ඒ අනුව පරීක්ෂණ පැවැත් වූ නිලධාරීන් විසින් 1971 මැයි 24 වැනි දින ප්‍රේමවතීගේ මිනිය ගොඩ ගෙන අදාල පරීක්ෂණ පවත්වද්දී ඇගේ නිරුවත් මෘත ශරිරය මත දක්නට ලැබුණේ එදා ඇය හැඳ සිටි දම්පාට මල් සහිත ගවුම කළු පැහැති තනපටත් සහ යට ගවුමකි.එදා ඇගේ මළ සිරුර ගොඩ ගත් අතරතුර දී ඇගේ මව විසින් ඒවා හඳුනා ගන්නා ලදි.නඩු විභාගය අතරතුර ප්‍රේමවතීගේ ජායාරූපයක් පෙන්වන ලදුව එම මොහොතේ ඇගේ මව මහ හඬින් වේදනා වෙන් හඬා වැළපුණේය. ඒ නිසා නඩු විභාගයේ කටයුතුද මඳ වේලාවක් නතර කරන ලදි. පුරා දින 11 ක් තිස්සේ ගාල්ල මහාධිකරණයේ විනිසුරු ඩී. කි්‍යු.එම් සිරිමාන්න මහතා ඉදිරියේ විභාග වූ මෙම නඩුවේදී ජූරි සභාවේ ඒකමතික තීරණය පරදි චූදිතයන්ට බරපතල වැඩ සහිතව වසර 16 බැගින් සිර දඬුවම් නියම විය.ලුතිනන් ඇල්ෆ්‍රඩ් විජේසූරිය හා සැරයන් අමරදාස රත්නායක යන අය මෙම ඝාතනයේ වරදකරුවන් බවට සැකයකින් තොරව ඔප්පු වීම නිසා දඬුවම් නියම විය.මුළු රටම නෙත් අයා බලාසිටි නඩු තීන්දුව 1973 මැයි 30 වැනි දින ප්‍රකාශයට පත් කළේය.

    චූදිතයන් විසින් එයට එරෙහිව අභියාචනාධිකරණය වෙත පෙත්සමක් ඉදිිරිපත් කළද ඒ.සී අලස් (සභාපති) වී.ටී තමෝදරම් සහ ඩී.විමලරත්න යන විනිසුරු මඩුල්ල ඉදිරියේ පෙත්සම විභාග කිරිමෙන් පසුව එකී තින්දුව තවදුරටත් තහවුරු කෙරිණි.ප්‍රේමවතී මරා දැමුවේ ඇයිද යන්න අවසන් මොහොතේ ද නිශ්චිත හේතුවක් ඉදිරිපත් කිරිමට චූදිතයන් අපොහොසත් විය.ඔවුහු නිහඬව සිටියහ.නඩු විභාගය අවස්ථාවේ සිද්ධිය සියැසින් දුටු සියලුදෙනාගේම සාක්ෂි ලබා ගත් අතර සිද්ධිය සියැසින් දුටු ඇල්.ඒ ඇලඩින් සිල්වා පැවැසුවේ “ප්‍රේමවතී වළලා දමන්න හමුදාව මට අණ කළා. පෙරුමාල් කාදර් සහ සයිමන් සමඟ එකතුව වළ කැපුවා.ප්‍රේමවතී ළඟට ගියාම ඇයට පණ තිබුණි පසුව වළලන්න බැහැ කිව්වම හමුදා ඇදුම් ඇඳගත්ත අයෙකු පැමිණ තවත් වෙඩි කිහිපයක් බිම වැටී සිටි ප්‍රේමවතිගේ සිරුරට තිබ්බා.ඊට පසුවත් ඇයට පණ තිබුණා.වළ ළඟට ගෙනියන කොටත් ඇය කිව්වා මාමේ කරාබු දෙක ගලවා ගෙන අම්මාට ගෙනිහින් දෙන්න කියලා.ආයෙමත් ඇගේ හිසට හමුදාවෙ අයෙක් වේඩි තැබුවා. ඉන්පස්සේ ඇය සදහටම දෙනෙත් පියා ගත්තා.අපි සිරුර වළදමලා එයාගේම ඇඳුම්වලින් වහලා පස් දමලා වැහුවා.කරාබු දෙක දෙන්න ප්‍රේමවතීගෙ ගෙදර යනකොට ඇගේ මව ගේ ඉස්සරහ අඹ ගහ යටවි අඬ අඬා හිිටියා.මම කරාබු දෙක දික්කලාට ගත්තේ නැහැ. පසුව ඇගේ දෙවැනි දුවගේ අතට දීලා මං හැරිලා ආවා.” ඇලඩින්ගේ සාක්ෂිය ඉතා බරපතල එකක් වුවාට සැක නැත.

    වැළලීයාමට තිබූ අපරාධය ලෝකය ඉදිරියට ගෙන ඒමට කටයුතු කළ වයිට් මහතාද මෙහිදී සාක්ෂි දුන්නේය.

    “එම තරුණිය කුඩා කල පටන් මම දැක තිබුණා.ඇගේ පියා මගේ යටතේ සේවය කළ වනජීවී පරීක්ෂකවරයෙකු වූ හෙන්ද්‍රික් අප්පුහාමි හමුවන්නට යන විට මා ඇය දැක තිබෙනවා.එදා රාත්‍රියේ මා හමුදා කඳවුරට ගියේ වෙනත් රාජකාරී කටයුත්තකටයි.එහි දී මා දුටුවා ප්‍රේමවතී තරුණිය තවත් තරුණියන් පිරිසක් සමග බිම වාඩිවී සිටිනවා.මා ඇය හඳුනාගත්තා.ඇය බිම බලාගෙන සිටියා.බොහෝ කරදරවලට මුහුණ දී සිටි බව මට වැටහුණා.ලුතිනන් විජේසූර්ය මගෙන් ඇසුවා ඇය හදුනනවද කියලා.ඇගේ පියා මා යටතේ සිටින අයෙකු බව කීවා.”

    1949 වසරේදී ලීලාවතී උබේසිංහ මාතාවටත් හෙන්ද්‍රික් අප්පුහාමි පියාටත් දාව තිස්ස කතරගම පාරේ දෙවටගම දී සොයුරු සොයුරියන් 12 දෙනෙකුගේ පවුලේ වැඩිමලිය ලෙස උපත ලද එවකට 22 හැවිරිදි තරුණියක වූ ප්‍රේමවතී මනම්පේරි 1971 අප්‍රේල් මස 17 වැනි දින අමානුෂික ලෙස වෙඩි තබා ඝාතනය කරන ලදී.1971 වසරේ රට කැළඹූ කැරලිකාර කණ්ඩායමකට නායකත්වය දෙන ලැදැයි සැකපිට ඇය පොලිසිය විසින් අත්අඩංගුවට ගෙන පසුව හමුදාවට භාරදී තිබිණි.

    නඩුවේ ප්‍රධාන චූදිත ලුතිනන් ඇල්ෆ්‍රඩි විජේසූරිය සිරගෙදරදීම හෘදයාබාධයකින් අවසන් හුස්ම හෙළු අතර වසර හයක් හිරගෙදර ගතකොට පසුව ජනාධිපති සමාව ලැබ නිදහස්ව ගෙදර ආ සැරයන් රත්නායක 1988 දී දේශපේ‍්‍රමි සංවිධානයක සාමාජිකයන් විසින් පහර දී පිහියෙන් ඇන වෙඩි තබා ඝාතනය කරනු ලැබීය.උ.පො.ප.උඩවත්ත කිසිදු බධාවකින් තොරව වෙනත් පොලිසියකට මාරුවී ගොස් රාජකාරි කළේය.පසුව විශ්‍රාමිකව තම ගම් පළාතට ගොස් දිවි ගෙවමින් සිටි 88 හැවිරිදි වියේදී ඔහු මිය පරලොව ගියේය.

    අතිශය නින්දිත හා මිලේච්ඡ ලෙස ප්‍රේමවතී මරා දැමූ අවිචාරවත් දේ කළ නරුම වෙස්ගත් මෘග මිනිසුන්ට නීතියේ මෙන්ම සොබා දහමේ නීතියෙන්ද ගැළවී යාමට අවසර ලැබුණේ නැත.දෙනෙත් ඉදිරියේම කළ පාපයේ දඬුවම ඔවුනට ලැබුණි.ඉතිහාසයේ ලෙයින් කඳුළින් නොමැකෙන කළු පැල්ලමක් සහිත සළකුනක් සනිටුහන් කළ ප්‍රේමවතී මනම්පේරි තරුණියගේ සංවේදී කතාන්දරය ඇසූ දුටු මෙන්ම අසන මුළු රටක් වේදනාවෙන් බරව උපන් කඳුළකින් සුසුමකින් තම ප්‍රණාමය ඇයට යුගයෙන් යුගයට පුදකරන්නීය. අද ඇය ජිවත්ව සිටියා නම් 64 වියැති මවකි. ආදරණීය අත්තම්මා කෙනෙකි.ඇය මරා දමා ගෙවීයන්නේ මේ 41 වැනි වසරයි.තම අදරණීය සොයුරිය ඥාතිවරිය පිළිබඳ ඇගේ පරම්පරාවේ මිනිසුනට අද ඇත්තේ කිසිදා නොනිමෙන කදුළින් ලෙයින් ලියු අදුරු මතකයක හද ගැස්ම පමණි.



    [rns_reactions]

  • මියගිය පබසරා ගැන ආන්දෝලනාත්මක පුවතක් කරලියට…..

    කොට්ටාව ප්‍රදේශයේදී දුම්රියට ගෙල තබා දිවි නසාගත් සිසුවියක් සම්බන්ධයෙන් ඉකුත් දා තොරතුරු වාර්තා වුණා.

    මෙලෙස මියගොස් ඇත්තේ පන්නිපිටිය මාකුඹුර ප්‍රදේශයේ පදිංචි සවින්දි පබසරා නැමති සිසුවියක්.

    ඇය ජීව විද්‍ය අංශයෙන් මෙවර උසස්පෙළ විභාගයට පෙනීසිටීමට නියමිතයි.

    ඇය නුගේගොඩ පුද්ගලික උපකාරක පන්තියකට ගොස් ආපසු එමින් සිටිදී මෙලෙස මියගොස් තිබෙනවා.

    මේ සම්බන්ධයෙන් අදහස් දක්වමින් ඇගේ පියා සඳහන්කර ඇත්තේ මෙම මරණය පිළිබද සැකයක් පවතින බවයි.

    ” මගේ දුවට කෝච්චියට බෙල්ල තියලා මැරෙන්න තරම් ප්‍රශ්ණ තිබුනෙ නෑ. මට මේ මරණය සැකයි. කවුරුහරි දුවව පැහැරගෙන ඇවිත් මේ මරණය කලාද කියලා මට හිතෙනවා. දුව පන්ති ඉවර වෙලා මගේ බිරිඳටයි පුතාටයි කෝල් කරලත් තියෙනවා ” මම දැන් එන ගමන් කියලා” යනුවෙන් පියා ප්‍රකාශ කර තිබෙනවා.

    කෙසේවෙතත් කැළණිවැලි දුම්රියේ රියදුරා ප්‍රකාශකර ඇත්තේ අදාල සිසුවිය දුම්රිය මාර්ගයට ගෙල තබාගෙන සිටි බවයි.

    දුවගේ උරහිසේ පොත් බෑග් එක තිබ්බා. කලිසම් සාක්කුවේ ෆෝන් එක තිබ්බා. දුම්රියට පනින අය බෑග් එල්ලන් පනින්නේ නෑ. අනික මගේ දුව ෆෝන් එක සාක්කුවේ දාගන්නෑ.. ඒක එයා බෑග් එකේ දාගන්නේ. දුවගේ පාවහන්වල මඩවත් නෑ. කවුරුහරි එයාව පැහැරගෙන ගිහින් තියෙනවා. මේ සිද්ධිය වෙන්න කලින් දුව යාලුවෙක් එක්ක එස් එම් එස් පණිවිඩ හුවමාරු කරගෙනත් තියෙනවා.

    [rns_reactions]

  • ආණ්ඩුව ඥානසාර හිමි සඟවලා – ඉෆ්තාර් සමරමින් මහින්දගෙන් අමුතු කතාවක්…

    ඥානසාර හිමියන් සඟවා ගෙන සිටින්නේ අන් කවරෙක් නොව ආණ්ඩුවම බව හිටපු ජනාධිපති මහින්ද රාජපක්ෂ  පවසයි.
    එමෙන්ම පවතින තත්ත්වය හමුවේ ජාතිවාදය වපුරන සංවිධාන මර්දනය කිරිමට නව නීති අවශ්‍ය නොවන බවත් පොලීසියට දැනට තිබෙන බලතල ප්‍රමාණවත් බවත් රාජපක්ෂ  මෙහිදී ප්‍රකාශ කළේය.
    මහින්ද රාජපක්ෂ මහතාගේ විජේරාම නිළ නිවසේ  පැවති ඉෆ්තාර් උත්සවයකට සහභාගී වූ අවස්ථාවේ මාධ්‍යවේදීන් යොමු කළ ප්‍රශ්නයකට පිළිතුරු ලබා දෙමින් ඔහු මේ බව කියා සිටියේය.
    [rns_reactions]

  • මම අහිංසකයි – මාව රැවට්ටුවා – ඇමති ජෝන් රටම හින්ස්සයි…

    බෝපිටිය ප්‍රදේශයට කුණු කසළ බැහැර කරලීම සම්බන්ධයෙන් මාධ්‍යවේදියෙකු විසින් ප්‍රශ්න කිරීමේ දී තමා බැන වැදුණේ උවමනාවෙන් නොවන බවත් ඔහු විසින් තමා කුපිත කළ අතර දරා සිටීමේ සීමාව ඉක්මවා ගිය නිසා එලෙස හැසිරීමට සිදු වු බවත් ඒ සම්බන්ධයෙන් කණගාටුවන බවත් සංචාරක සංවර්ධන හා ක්‍රිස්තියානි ආගමික කටයුතු අමාත්‍ය ජෝන් අමරතුංග මහතා පවසයි.
    අද එක්සත් ජාතික පක්ෂ මුලස්ථානයේ පැවති මාධ්‍ය සාකච්ඡාවකට එක් වෙමින් අමාත්‍යවරයා මේ බව කියා සිටියේය.
    තමාගේ නිවසේ මුතුරාජවෙල ජනතාවගේ කුණු කසළ ගැටළුව පිළිබඳ සාකච්ඡා කිරීම සඳහා ප්‍රාදේශිය ස්වෙච්ඡා සංවිධානයක් පැමිණ සිටි මොහොතක විවිධ ප්‍රශ්න අසමින් නැවත නැවත ජනතාව කුපිත කරලීමට එම මාධ්‍යවේදියා උත්සහ කළ බව ද අමාත්‍යවරයා පැවසීය.
    අද වන විට රටේ ඇති නිදහස යටතේ ජන මාධ්‍යවේදීන්ට කිසිදු සදාචාරයක් නොමැති බවත් මාධ්‍ය නිදහස අනිසි ලෙස භාවිතා කරමින් සිටින බවටත් අමාත්‍යවරයා මෙහිදී චෝදනා කර සිටියේය.
    [rns_reactions]