අග්රාමාත්ය රනිල් වික්රමසිංහ හොරෙකු බවට ඔප්පු කළහොත් තමන් වහන්සේ ගොල්ෆේස් එකට ගොස් බෙල්ල කපාගෙන මිය යෑමට සූදානම් බව පූජ්ය අඹන්වෙල ඥාණාලෝක හිමි ප්රකාශ කර තිබෙනවා. පසුගියදා ජාතික විද්වත් සංසදය මගින් පැවැත්වූ මාධ්ය හමුවකදී උන්වහන්සේ මේ බව ප්රකාශ කලා.
රනිල් වික්රමසිංහ අග්රාමාත්යවරයා රැකගැනීම සඳහා මහා සංඝරත්නය ඇතුලු විද්වතුන් එක්වී සිටින බවත් එය මහාසංඝරත්නට ගෞරවයක් බවත් උන් වහන්සේ එහිදී ප්රකාශ කලා.
එම වීඩියෝව පහතින්.
ගෙවීගිය කාලය බදු ඉහළ දැමීම හේතුවෙන් ත්රිරෝද රථ සහ අමතර කොටස් මිල 150% ඉහළගොස් තිබෙන බවත්, මාසයක කාලයක් තුළ බදු සහන ලබා දී අමතර කොටස් සහ ත්රිරෝද රථ මිල අඩු නොකළහොත් මාර්තු 26 වැනිදා සිට ගාස්තු ඉහළ දමන බවත් ලංකා ස්වයං රැකියා නියුක්තිකයන්ගේ ත්රිරෝද රථ සංගමයේ සභාපති සුනිල් ජයවර්ධන මහතා ප්රකාශ කරයි.
මේ අනුව මාර්තු 26 වැනිදා සිට දැනට දෙවැනි කිලෝමීටරයේ සිට අයකරන රුපියල් 40ක මුදල රුපියල් 50ක් බවට පත් කරීමට සිදුවන බවත් ඒ අනුව ත්රිරෝද රථ මගීන්ට ලැබී තිබූ එකම සහනය අහෝසි වී යන බවත්, එදින සිට පළමු කිලෝමීටරයේ සිට ගමනාන්තය දක්වා වූ සියලුම කිලෝමීටර්වලට රුපියල් 50 බැගින් අයකරන බවත් සභාපතිවරයා සඳහන් කළේය.
මිනිසුන් තම වගාවන් වැඩි කරගැනීමට,අස්වැන්න සාර්ථක කරගැනීමට විවිධ උපක්රම යොදාගන්නවා. තම වගාවන් ආරක්ෂා කරගැනීමටත් විවිධ දේ කරනවා.
නමුත් ගොවියෙකු තම විශාල වගාබිමේ සුවිශාල කාන්තා රුවක බැනරයක් සවිකර තිබුනා. එහි සිටියේ ජනප්රිය නිළියකි.
ටිකක කාලෙකින් ඔහුගේ වගා බිමේ පලදාවට සිදුවුයේ නොසිතු දෙයකි. ඔහු ඒ ගැන පැහැදිලි කළා. බලන්නකෝ ඔහු කීව විශ්මිත කතාව.
අද දිනයේ සිදුවනු ඇතැයි පැවසූ කැබිනට් මණ්ඩලයේ සංශෝධනය අද (21) සිදු නොවනු ඇතැයි දේශපාලන ආරංචි මාර්ග පවසනවා.
ඊයේ (20) පැවැති කැබිනට් මණ්ඩල රැස්වීමේදීද ඒ සම්බන්ධයෙන් සාකච්ඡා නොවූ බවයි ඊට සහභාගී වු එක්සත් ජාතික පක්ෂය මෙන්ම එක්සත් ජනතා නිදහස් සන්ධානයේ අමාත්යවරුන්ද මාධ්ය වෙත ප්රකාශ කළේ.
කැබිනට් සංශෝධනය සම්බන්ධයෙන් ජනාධිපති මෛතී්රපාල සිරිසේන මහතා සහ එක්සත් ජාතික පක්ෂයේ සභාපති මලික් සමරවීර අතර සාකච්ඡාවක්ද ඉකුත් දා පවත්වා තිබුණා.
ඉකුත් සඳුදා දිනයේදී කැබිනට් මණ්ඩලය විසුරුවා හැරීමට අදාළ ගැසට් පත්රයක් රජයේ මුද්රණාලය වෙත යොමු කර තිබූ බවයි මාධ්ය වෙත වාර්තා වුණේ. එහෙත් පසුව එය අවලංගු කෙරුණා.
මැතිවරණ ප්රතිඵල නිකුත් වීමත් සමග පාක්ෂිකයෙකුගෙන් එජාප නායකයා සහ පක්ෂයේ ඉහළ නිළධාරීන් නිරුවත් වන ලිපියක් යවා ඇත.
පලාත් පාලන මැතිවරණයෙන් පසුව හිටපු ජනාධිපති මහින්ද රාජපක්ෂ මහතා හමුවූ විචිත්ර ධර්ම කථිකයෙකු වන වියත් හිමිනමක් විසින් රට කැළඹෙන උපදෙසක් ලබාදී ඇතැයි වාර්තා වී තිබේ.
“මහින්ද, මේ අහනවා. තමුසෙට මේ මිනිස්සු ජන්දේ දීලා තියෙන්නේ ජනාධිපතිකම් වත්, අගමැතිකම්වත් කරන්න නෙමෙයි. නිදහසේ මැරෙන්න. හිතහදාගෙන නිදහසේ මැරෙනවා” යනුවෙන් එහිදී උන්වහන්සේ මහින්ද රාජපක්ෂ මහතාට ප්රකාශ කර ඇත.
මෛත්රීපාල සීරිසේන, රනිල් වික්රමසිංහ යන දෙපළ පිළිබඳව පසුගිය සමයේ දැඩි විවේචන කල උන්වහන්සේ දැඩි රාජපක්ෂවාදියෙකු වන අතර දැඩි යහපාලන ආණ්ඩු විරෝධී මතයක සිට කටයුතු කරයි.
ආවේගශීලී ධර්ම දේශකයෙකු වන උන්වහන්සේ නම කියූ සැනින් සියලු දෙනා දන්නා දකුණු පළාතට සම්බන්ධ හිමිනමකි.
කල් ඉකුත් වූ විදේශ ගමන් බලපත්රයකින් විදේශ ගත ගතවීම සඳහා උත්සාහ දැරීම සම්බන්ධයෙන් නිවාස සංවර්ධන සහ ඉන්ජිනේරු සේවා පිළිබඳ හිටපු අමාත්ය විමල් වීරවංශ මහතාට එරෙහිව අපරාධ පරීක්ෂණ දෙපාර්තුමේන්තුව පවරා ඇති නඩුව මීගමුව මහේස්ත්රාත් අධිකරණයේ යළි කැඳවූ අවස්ථාවේ ඔහුට විත්ති කූඩුවේ සිටගෙන සිටීමට නොහැකිවීම හේතුවෙන් විත්ති කූඩුවේ පුටුවක් තබා නඩුව අවසන් වන තුරු වාඩිවී සිටීමට ඔහුගේ නීතීඥයින් මාර්ගයෙන් අධිකරණයෙන් අවසර ඉල්ලා ඇත.
ඒ අනුව ඔහුට එහි වාඩිවී සිටීමට අදිකරණය අවසර ලබා දී තිබේ.
විමල් වීරවංස මහතා සන්තකයේ තිබූ විදේශ ගමන් බලපත්රයේ විස්තර පරිගණකයට ඇතුළත් කළ පසු එහි “අක්රීය (අවලංගු) විදේශ ගමන් බලපත්රයක් බව පරිගණක තිරයේ දිස්වුණා” යැයි එම නඩුව මීගමුව මහේස්ත්රාත් අධිකරණයේ යළි කැඳවූ අවස්ථාවේ පැමිණිල්ල වෙනුවෙන් සාක්කි දුන් ආගමන විගමන දෙපාර්තුමේන්තුවේ ජ්යෙෂ්ඨ බලයලත් නිලධාරි ජයන්ත රත්නායක ප්රකාහ කර තිබේ.
රජයේ අධිනීතිඥ දිස්නා වර්ණකුල මහත්මිය මෙහිදී පැමිණිල්ල මෙහෙය වූ අතර තවදුරටත් සාක්ෂි දුන් ජයන්ත රත්නායන මහතා…
“මම 2015 ඔක්තෝම්බර් 22 දින සවස 5ට පමණ රාත්රී සේවයට වාර්තා කළා. 23 දා අලුයම ප්රභූවරුන්ගේ පර්යන්තයෙන් කොළඹ දිස්ත්රික් පාර්ලිමේන්තු මන්ත්රී විමල් වීරවංශ මහතා විදේශ ගතවන බව මට දැනුම් දුන්නා.
අලුත් විදේශ ගමන් බලපත්රයක් නිකුත් කරන විට එය අලුත් ගමන් බලපත්රයක් බවට ඉංග්රිසි අක්ෂරයෙන් සදහන් කර මුද්රාවක් තබනවා. ලංකාවේ නීතිය අනුව එක් අයකුට භාවිතා කළ හැක්කේ එක් විදේශ ගමන් බලපත්රයක් පමණයි. ගමන් බලපත්රයක් නැතිවූ විට නැවත අලුත් ගමන් බලපත්රයක් නිකුත් කරනවා. පරණ ගමන් බලපත්රය අක්රිය කරනවා. අක්රිය වූ ගමන් බලපත්රයකින් විදේශ ගත වීමට බැහැ. විදේශ ගමන් බලපත්ර පිළිබඳ සියලුම විස්තර ආගමන විගමන දෙපාර්තුමේන්තුවේ ප්රාදේශීය කාර්යාලවල හා ප්රධාන කාර්යාලයේ පරිගණකවලට ඇතුළත් කර තිබෙනවා.”
රජයේ නීතිඥ :
“එම ගමන් බලපත්රය අක්රිය එකක් බව මන්ත්රීවරයාට දැනුම් දුන් විට සිදුවූයේ කුමක්ද ?”
සාක්කිකරු :
“මන්ත්රිවරයාගේ ස්වාභාවයේ වෙනස් වීමක් සිදුවුණා. මෙම විදේශ ගමන අත්යාවශ්ය ගමනත් බව ඔහු ප්රකාශ කළා. විමල් වීරවංශ මහතා අත ගමන් මල්ලක් තිබුණා. මන්ත්රීවරයා මගෙන් ඇසුවා වෙලා තියෙන්නේ කුමක්ද කියලා. ඔහු එමිරේට් ගුවන් සේවයට අයත් ඊ.කේ. 349 දරන ගුවන් යානයෙන් ඩුබායි බලා යෑමටයි පැමිණ සිටියේ. විමල් වීරවංශ මහතා සන්තකයේ තිබුණේ රාජ්යතාන්ත්රික විදේශ ගමන් බලපත්රයක්. විමල් වීරවංශ මහතා ඔහුගේ මුල් විදේශ ගමන් බලපත්රය අස්ථාන ගතවී වෙනත් ගමන් බලපත්රයක් ලබාගෙන තිබුණා. එය අක්රිය ගමන් බලපත්රයක් බැවින් එම අක්රිය ගමන් බලපත්රයෙන් විදේශ ගතවීමට ඔහුට නොහැකි බව දැනුම් දුන්නා. ඔහු විදේශ ගත වීමට පැමිණියේ නැතිවුණා යැයි කියන විදේශ ගමන් බලපත්රයද සමඟයි.”
අවිධිමත් ගමන් බලපත්රයකින් විදේශගත වීමට කටුනායක ජාත්යන්තර ගුවන්තොටුපළට පැමිණි විට ගුවන් තොටුපළ බළධාරින් විසින් වීරවංශ මහතා අත්අඩංගුවට ගන්නා ලද්දේ 2015 ඔක්තෝබර් 23 දීය.
නඩුව ආරම්භයේදීම සාක්ෂිකරු මීට පෙර දෙන ලද සාක්කිවල සටහන් කිහිපයක් නිවැරදි විය යුතු යැයි රජයේ අධිනීතිඥවරිය අධිකරණයේ අවධානය යොමුකර එය පැමිණිල්ලේ සහ විත්තියේ එකඟතාව මත නිවැරදි කරනු ලැබීය.
මෙදින විත්තියේ නීතිඥ මහත්වරුන්ගේ ඉල්ලීම පරිදි විමල් වීරවංශ මහතාට විත්ති කූඩුවේ පුටුවක් තබා නඩුව අවසන් වන තුරු වාඩිවී සිටීමට අධිකරණයෙන් අවසර ලැබිණි.
නැවත විභාගය ජුනි 14දා කැඳවීමට නියමිතය.
නවක රංගන ශිල්පිණි නයනතාරා වික්රමආරච්චි පුවත්පතක් සමග සංවාදයකට එක්වෙමින් සිය කලා කටයුතු පිළිබදව හෙළිකර තිබුණා. එම සංවාදය පහතින් ,
නයනතාරා හා හා පුරා කියලා මේ දවස්වල සිනමාවෙන් දකින්න ලැබෙනවා?
ඔව්. ‘එක දවසක අපි’ කියන්නේ මම සම්බන්ධ වුණු චිත්රපටවලින් මුලින්ම රිලීස් වුණු චිත්රපටය. ඒක ඇත්තටම මට අලුත් අත්දැකීමක්. මම සම්බන්ධ වුණු චිත්රපටවලින් මුලින්ම රිලීස් වුණු චිත්රපටය සම්භාව්ය මට්ටමේ චිත්රපටයක් වීමත් වෙනම අත්දැකීමක්.
පුංචි තිරයේ පෙනී ඉඳපු නයනතාරා සිනමාවට ආවට පස්සේ මොන වගේ ප්රතිචාරයක්ද ලැබුණේ?
මාව පුංචි තිරයේදී දැක්කේ දඟකාර, කටකාර, පාසල් වයසේ ඉන්න චරිතයක් විදියට. ඉතින් ‘එක දවසක අපි’ චිත්රපටයේදී මගේ වෙනස ගැන ගොඩක් හොඳ ප්රතිචාර ලැබුණා. ප්රවීණ ශිල්පීන් ශිල්පිනියන් මාව ගොඩක් ඇගයුවා.
සිනමාවේදී පුබුදුගේ ආදරේ නයනතාරාට කොහොමද දැනුණේ?
ඇත්තටම පුබුදු අයියාගෙන් මට ලොකු සහායක් ලැබුණා. එයා සිනමාවේ කාලයක් ඉඳලා වැඩ කරන කෙනෙක්. එයාගේ සහාය නොලැබුණා නම් මට මගේ චරිතය තුළ සාර්ථක වෙන්න බැහැ.
ඒ කියන්නේ පුබුදු හොඳ ප්රේමවන්තයෙක්?
ඔව්. පුබුදු අයියා හොඳ පෙම්වතෙක්.
අනුරුද්ධ ජයසිංහ වැනි අධ්යක්ෂවරයෙක් එක්ක වැඩ කරන්න නයනතාරාට පහසු වුණාද?
ඔව්. ඔහු අපේ චරිත ඇතුළේ නිදහස් වටපිටාවක් හදලා දුන්නා. ඒ වගේම මේ නිර්මාණය තුළ හැමෝම අතර හොඳ සන්නිවේදනයක් තිබුණා. චිත්රපටයේ සාර්ථකත්වයට මේ හැමදේම බලපෑවා.
පාරමී ආදරයෙදි අන්ධ වෙන චරිතයක්. නයනතාරාත් ආදරේදී අන්ධ වුණ කෙනෙක්ද?
අම්මෝ නැහැ.
හැබැයි ආදර කතාවක් නයනතාරගේ ජීවිතයෙත් ඇති?
එහෙම ආදර කතාවක් තාම නැහැ. නිසි වයස ආවම ඒ වගේ ආදර කතාවක් පටන් ගනියි.
ආරංචි විදියට තරුණයෝ නයනතාරා වටේ කැරකෙනවා වැඩියිලු?
පිරිමි ළමයිනේ ඉතින්. එයාලා එහෙම තමයි. පව්නේ ඉතින් එයාලා. පිරිමි ළමයි ආසයි ගැහැනු ළමයි එක්ක කතා කරන්න. මටත් පිරිමි යාළුවෝ ගොඩක් ඉන්නවා. ඉතින් එයාලගේ හිතේ වෙන අදහසක් තිබ්බත් වැඩක් නෑ. මම යාළුකම් තියා ගන්න අය එක්ක වෙන අදහසකින් ඉන්නේ නෑ.
ක්ෂේත්රයේ කෙනෙක් නයනතාරාගේ හිත ඉල්ලුවොත්?
ක්ෂේත්රයේ කෙනෙක්ද පිට කෙනෙක්ද කියන එක ගැන මම හිතන්නේ නෑ. හොඳ අනන්යතාවක් තියෙන, හොඳ කොලිටි එකක් තියෙන කෙනෙක් නම් සලකා බලනවා.
නයනතාරාගේ 20 වැනි උපන්දිනය සමරපු විදියත් ගොඩක් අයගේ කතාබහට ලක්වුණා?
ඔව්. මගේ ෆේස්බුක් යාළුවෙක් පොළොන්නරුවේ ආබාධිත මධ්යස්ථානයකට ගිහින් වීඩියෝවක් කරලා තිබ්බා. මම එදාම හිතුවා මගේ 20 වැනි උපන්දිනය සමරන්නේ එතැන කියලා. ඉතින් මම ඒ මධ්යස්ථානයට ගිහින් මගේ උපන්දිනය සැමරුවා. ගෙදර උපන්දිනය සමරනවට වඩා ඒ ළමයි එක්ක කතා කරලා, එයාලා එක්ක විනෝද වෙලා සමරපු උපන්දිනය මට වටිනවා. ඉතින් ඒක දැකලා ගොඩක් අය එතැනට දාන දෙන්න මගෙන් දුරකතන අංක ඉල්ලා ගත්තා.
අලුත් නිර්මාණවලට සම්බන්ධ වුණේ නැද්ද?
ආයේ මෙගාවලට සම්බන්ධ වෙන්නේ නෑ. චන්න පෙරේරාගේ කොටස් 50ක විතර නාට්යයකට සම්බන්ධ වුණා. ‘මා’ සහ ‘සිනෙ මා’ චිත්රපට දෙකටත් සම්බන්ධ වුණා.
දැන් නයනතාරා සිනමාවට මුල් තැන දෙයිද?
මම සිනමාවට කැමැතියි. ඒ නිසා සිනමාවට මූලිකත්වය දෙනවා. එහෙම වුණාට ටෙලි නාට්ය අතහරින්නේ නැහැ. මොකද මම ප්රේක්ෂකයන්ට ළං වුණේ ටෙලි නාට්යයෙන්. ටෙලි නාට්ය කියන්නේ ක්ෂේත්රයට එන අයට හොඳ අඩිතාලමක්. හොඳ දෙයක් කරලා ගියත් කමක් නෑ.
ඒ කියන්නේ නයනතාරා ක්ෂේත්රයෙන් යයිද?
නෑ නෑ. එහෙම යන්නේ නැහැ. හොඳ දෙයක් කරලා ප්රේක්ෂකයෝ අතර රැඳෙන්න මම කැමැතියි. නිදහස් පරිසරයක් ඇතුළේ හොඳ නිර්මාණවලට මම සම්බන්ධ වෙනවා.
අගමැති රනිල් වික්රමසිංහ මහතා එම තනතුරින් ඉවත් කිරීමේ අරගලය ව්යවස්ථානුකූල අරගලයක්, ජන අරගලයක් සහ අධිකරණ අරගලයක් ලෙස අරගල තුනක් ඔස්සේ ඉදිරියට ගෙන යාම ඒකාබද්ධ විපක්ෂයේ අරමුණ බව පිවිතුරු හෙළ උරුමයේ නායක පාර්ලිමේන්තු මන්ත්රී උදය ගම්මන්පිල මහතා ඊයේ (19) පැවැසීය.
ව්යවස්ථානුකූලව සහ අධිකරණය මගින් මෙය පළමුව විසදගන්න උත්සාහ කරන බවත් ඉන් නොහැකි වුවහොත් මහා ජන අරගලයක් බවට එය පත්කරන බවත් හෙතෙම කීවේය.
පිවිතුරු හෙළ උරුමයේ නායක උදය ගම්මන්පිල මහතා ඊයේ (19) එම අදහස් පළ කළේ පාර්ලිමේන්තු කමිටු කාමරයේ පැවැති මාධ්ය හමුවකදීය.
පසුගියදා පැවති ඡන්ද විමසීමේදී සමහර පළාත් පාලන ආයතනවලට පත්ව ඇති සභිකයින් සංඛ්යාව ඒවායේ සේවයෙහි නිරත කම්කරුවන් පිරිස ද ඉක්මවා යන බව අප කල සමීක්ෂණයකින් හෙළි වේ.
මාතර දිස්ති්රක්කයේ ප්රාදේශීය සභා බහුතරයක සිටින කම්කරුවන් සංඛ්යාවට වඩා පත්ව සිටින සභිකයින් සංඛ්යාව වැඩි වේ.
දෙවිනුවර ප්රාදේශීය සභාවට සභිකයින් 21 දෙනෙකු පත්ව සිටියදී, එහි සනීපාරක්ෂක කටයුතු සහ මාර්ග පිරිසිදු කිරීමට සිටින්නේ කම්කරුවන් 18 දෙනෙකු පමණි.
අකුරැස්ස ප්රාදේශීය සභාවේ කම්කරුවන් 24 සිටියදී පත්ව සිටින සභිකයින් ගණන 25කි.
මේ අතර, පත්ව සිටින සභිකයින් සංඛ්යාවන් පෙරට වඩා දෙගුණයක් වන බැවින් තම රැස්වීම් පැවැත්වීම සඳහා ශාලා කුලියට ගැනීමට පළාත් පාලන ආයතන උත්සාහ දරමින් සිටී.
නව පරපුරේ ගායන ශිල්පි චිත්රාල් සෝමපාල සිය ෆේස්බුක් ගිණුමේ තැබු සටහනක් මේවන විට කතාබහට ලක්ව තිබෙනවා. එහිදි චිත්රාල් සෝමපාල පවසා තිබුනේ රටේ නැති සතෙක් ජාතික කොඩියට දාගෙන , වෙන රටක ධර්මයක් ආගම කරගෙන මේ රටේ මිනිසුන් කාලය හා දැනුම විනාශ කරමින් සිටින බවයි.
චිත්රාල් සිය ගිණුමේ තැබු සටහන පහතින් ,
කෙසේ වෙතත්ග් පසුව මෙම සටහ්යන චිත්රාල් විසින් ඉවත් කර ගෙන තිබු අතර සමාජජාලා මාධ්ය වලින් ඔහුගේ මෙම ප්රකාශයට දැඩි ප්රතිරෝධයක් එල්ලව තිබුණා. එවැනි නිර්මාණ කිහිපයක් පහතින් ,
ශ්රී ලංකා නිදහස් පක්ෂය ඒකාබද්ධ විපක්ෂයේ සහාය ඇතිව පිහිටුවන රජයකට සම්බන්ධ වීමට කිසිසේත්ම නොහැකිවීමට නිසා තමන්ට කැමති වෙනත් පක්ෂයට බැඳීමට අවසර දෙන්නැයි ශ්රී ලංකා නිදහස් පක්ෂයේ මහ ලේකම් දුමින්ද දිසානායක මහතා ජනාධිපතිවරයාගෙන් ඉල්ලීමක් කර ඇති අතර අමාත්යවරයාගේ ඉල්ලීම තරයේම ප්රතික්ෂේප කර ඇති ජනපතිවරයා පක්ෂය වෙනුවෙන් තමන් පවරන ලද වගකීම ඉටුකරන ලෙස දුමින්ද අමාත්යවරයාට දන්වා ඇත.
පසුගිය වසරේ දෙසැම්බර් 31 වන දින වනවිට සයිටම් ආයතනය අහෝසි කරන බවට වෛද්ය පීඨ ශිෂ්ය දෙමාපිය සංගමය සිදුකළ මාරාන්තික උපවාසය මුල්කර ගනිමින් ආණ්ඩුව ලබාදුන් පොරොන්දුව දිගින් දිගටම කඩවීම නිසා වෛද්ය ශිෂ්යයන් මේ මස 21 වන දින සිට විරෝධතා ක්රියාමාර්ගවල නිතරවීමට සැලසුම් කර තිබෙන බවත්, මේ නිසා ලබාදුන් පොරොන්දු වහාම ඉටුකරන ලෙසට වෛද්යපීඨ ශිෂ්ය දෙමාපිය සංගමයේ මාධ්ය ප්රකාශක වෛද්ය නිමල් කරුණාසිරි මහතා සඳහන් කළේය.
සයිටම් ආයතනය අහෝසි කරන බවට පොරොන්දු ලබාදුන් දිනය පසු වී දින 50කට අධික කාලයක් මේ වනවිට ගත වී තිබුණත් මෙතෙක් එම පොරොන්දුව ඉටුකර නොමැති බවද ඔහු වැඩිදුරටත් සඳහන් කළේය.