Tag: featured

“අපි වගකීමෙන් කියනවා, මේ කොරෝනා තුන්වැනි රැල්ල නිර්මාණය කළේ ආණ්ඩුවයි. ඔවුන් එය දැනුවත්ව හිතාමතාම හැදුවා. ආණ්ඩුවට ඒ පිළිබඳව තොරතුරු ලැබී තිබුණා. ඒත් පාලනය කිරීමට පියවර ගත්තේ නැහැ. තමන්ගේ ගජමිතුරන්ට ව්‍යාපාරිකයින්ට මුදල් හම්බකරගැනීමට අවස්ථාව සලසා දුන්නා‘‘ ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා මේ බව ප්‍රකාශ කළේ අද (21) බත්තරමුල්ල, පැලවත්ත හි පිහිටි ජනතා විමුක්ති පෙරමුණේ ප්‍රධාන කාර්යාලයේදී අද (21) පෙරවරුවේ පැවති මාධ්‍ය හමුවේදීයි.

මෙහිදී වැඩි දුරටත් වත්මන් තත්ත්වය ගැන ජවිපෙ ස්ථාවරය පැහැදිලි කළ ටිල්වින් සිල්ව මහතා,

“අපි වගකීමෙන් කියනවා, මේ කොරෝනා තුන්වැනි රැල්ල නිර්මාණය කළේ ආණ්ඩුවයි. ඔවුන් එය දැනුවත්ව හිතාමතාම හැදුවා. ආණ්ඩුවට ඒ පිළිබඳව තොරතුරු ලැබී තිබුණා. ඒත් පාලනය කිරීමට පියවර ගත්තේ නැහැ. තමන්ගේ ගජමිතුරන්ට ව්‍යාපාරිකයින්ට මුදල් හම්බකරගැනීමට අවස්ථාව සලසා දුන්නා. අවුරුදු සමයේ විනෝද චාරිකාවලට ඉඩදුන්නා. ආණ්ඩුවේ නායකයින් ගිහින් විනෝද උත්සව සංවිධානය කළා. තවමත් ඔවුන් එය නිසි ලෙස පාලනය කරන්නේ නැහැ. වෛද්‍ය උපදෙස් ගණන් ගන්නේ නැහැ. අඩුම තරමින් එන්නත ලබාදීම සඳහා වුණු වැඩපිළිවෙළක් නැහැ. මිනිස්සුන්ට සහන ලබා දෙන්නෙත් නැහැ. දැන් කොරෝනා නිදහසේ පැතිරෙමින් යනවා. මේ රැල්ල පටන් ගනිද්දී දවසකට රෝගීන් හඳුනා ගත්තේ 1000ක් පමණයි. දැන් 3000 පැනලා රෝගීන් හමුවනවා. කොරෝනා භාර සුදර්ශනී ප්‍රනාන්දුපුල්ලේ රාජ්‍ය අමාත්‍යවරිය හඳුනාගන්නා රෝගීන් ප්‍රමාණය මෙන් තුන් ගුණයක් ආසාදිතයින් සමාජයේ සිටින බව කියනවා. ආරම්භයේදී දිනකට මිය යමින් තිබුණේ රෝගීන් 08-10 වගේ ප්‍රමාණයක්. නමුත් දැන් 38ක් 40ක් රෝගීන් වාර්තා වනවා. ලංකාවේ කොවිඩ් මරණ සංඛ්‍යාව 1000 ඉක්මවා තිබෙනවා. මේක ඇත්ත මරණ සංඛ්‍යාව නෙමෙයි කියලා අපි හැමෝම දන්නවා. ආණ්ඩුව කොරෝනා මර්දනය කිරීම සම්පූර්ණයෙන් අසාර්ථකයි. ආණ්ඩුව කොරෝනා පාලනය කිරීම වෙනුවට වෙන වැඩ කරමින් සිටිනවා. මෙවැනි තත්වයක් තිබියෙදී තමන් විරුද්ධ වන හඬවල් වැසීම සඳහා කොවිඩ් මර්දන නීති පාවිච්චි කරන්න හදනවා. මේකට ආණ්ඩුවට වගකියන්න සිද්ධ වෙන බවට අපි ආණ්ඩුවට අනතුරු අඟවනවා. මේ විරෝධයන් හැමදාම මෙහෙම තිබෙන්නේ නැහැ. මේවා පුපුරා යන වෙලාවල් එයි.”

“ආණ්ඩුව ඊයේ දිනයේ පාර්ලිමේන්තුවේදී වරාය නගර පනත සම්මත කරගත්තා. මෙය රටට අතිශය බලපෑම් සහගත පනතක්. ඒ පිළිබඳව සමාජය තුළ ප්‍රමාණවත් සාකච්ඡාවකට, විරෝධයකට ඉඩ නොතබා ආණ්ඩුව විසින් මේ කොරෝනා අස්සේම, කලබලයේ එය සම්මත කරගනු ලැබුවා. ආණ්ඩුවෙන් ගෙන එන ඕනෑම දෙයකට අත උස්සන් සූදානමින් සිග්නල් කණු වගේ සිටින මන්ත්‍රීවරුන් විසින් මෙය සම්මත කරනු ලැබුවා. දැන් ආණ්ඩුවේ සිටින ඇමතිවරුන්ට, මන්ත්‍රීවරුන්ට තවදුරටත් දේශප්‍රේමී කතා ගැන පම්පෝරි ගහන්න බැහැ. ඔවුන් කාලයක් පුරා දේශප්‍රේමී ලෙස පෙනී හිටියා. එම්සීසී එන එක වලක්වන්න දිවි පුදන්න කතා කළා. උපවාස කරපු අය හිටියා. නමුත් දැන් ඔවුන් කුඩා හෝ විරෝධයක් දැක්වීමකින් තොරව මේ රට පාවා දෙන පනත අත ඔසවා සම්මත කළා. මෙය පැහැදිලිවන රට පාවාදීමක්. මීට පසුව ඔවුන් කිසිදු අයෙකුට දේශප්‍රේමී කතා කියන්න බැහැ. ඒ කාලය අවසන්. ඔවුන් පාවා දුන් අය ලෙස ඉතිහාස ගත වෙනවා.

අත්තටම ආණ්ඩුව බලාපොරොත්තු වුණේ ගෙඩිය පිටින් චීනයට පාවා දෙන්නයි. අපේ රටේ ව්‍යවස්ථාව උල්ලංඝනය කර හැදූ පනතේ අනතුරුදායක බව අඩු කරන්න පුළුවන් වුණේ අපි ඇතුළු තවත් පක්ෂ හා පුද්ගලයන් ගණනාවක් ඊට එරෙහිව අධිකරණයට ගිය නිසයි. ඒ සඳහා ඉතිරි වී තිබුණේ එක් දිනක් පමණයි. ඒ වෙනුවෙන් අධිකරණය හමුවේ කරුණු දක්වා මේ මහා පාවාදීමෙන් යම් ප්‍රමාණයක් අඩු කරගන්න අපිට හැකිවුණා. ඒ අධිකරණ තීන්දුව ආණ්ඩුවේ පරාජයක් හා ජනතාවගේ යම් ජයග්‍රහණයක් ලෙස අපි දකිනවා. කෙසේ වුවත් ආණ්ඩුව සංශෝධන කිහිපයක් ඉදිරිපත් කර මෙය සම්මත කර ගත්තා. ඒ නිසා මැයි 20වැනිදා පාවාදීමේ දිනයක් ලෙස ඉතිහාසයේ සටහන් වේවි.

පනත ගෙන ආ මොහොතේ සිටම එහි හානිය දුටු නිසා ජනතා විමුක්ති පෙරමුණේ අපි එය විවේචනය කළා. අපි සීමිත ඉඩකඩ තුළ අධිකරණයට ගිහින් කරුණු දක්වලා පනතේ තිබූ ව්‍යවස්ථා විරෝධී කොටස් ඉවත් කර ගන්න අපේ දායකත්වය දුන්නා. ඒ වගේම ඡන්ද විමසීමේදී විරෝධය පළ කළා. මේ පනත පිළිබඳව මෙයට වඩා විරෝධයක් රට තුළ ගොඩනැගිය යුතුව තිබුණා. අධිකරණ තීන්දුව ආවට පසු මෙය කලබලේ සම්මත කර ගැනීමෙන් තොරව එය සංවාද කරගැනීමට කල් ලබා දෙන ලෙස අපි ආණ්ඩුවෙන් ඉල්ලීමක් කළා. ආණ්ඩුව එය නොතකා හැර කොරෝනා නිසා පැනවී තිබූ සීමාකම් මැදම එය අනුමත කර ගත්තා. වෙනත් කාලයක වුණානම් මීට එරෙහිව සම්මන්ත්‍රණ, රැස්වීම්, උද්ඝෝෂණ, පෙළපාලි තිබෙනවා. හරිනම් ඊයේ පාර්ලිමේනතුව වට කළ යුතු දවසක්.

එහෙත් එවැනි ක්‍රියාමාර්ග ගැනීමට හැකිවූයේ නැහැ. කොරෝනා ව්‍යාප්ත වෙමින් තිබූ නිසාත් නිරෝධායන නීති නිසාත් කිසිවෙකුට මේ පනතේ විනාශකාරී බවට සාපේක්ෂව දැවැන්ත විරෝධයක් පළ කිරීමට හැකි වූයේ නැහැ. කෙසේ වුවත් ජනතා විමුක්ති පෙරමුණේ අපි එවැනි තත්වයක් තිබියෙදීත් කිසියම් හෝ විරෝධයක් පළ කළ යුතු නිසා අපි පසුහිය 18වැනිදා මේ පනතට එරෙහිව සංකේතාත්මක විරෝධතාවක් සංවිධානය කළා. එය පැවැත්වූයේ නිරෝධායන නීතිවලට අනුකූළවයි. ඒත් අපි ප්‍රවෘත්තියක් දැක්කා, පොලිස් මාධ්‍ය ප්‍රකාශවරයා කියනවා ජනතා විමුක්ති පෙරමුණ පාර්ලිමේන්තු වටරවුම ආසන්නයේ උද්ඝෝෂණයක් තබා කොරෝනා නීති කඩකර තිබෙන නිසා උසාවියට කරුණු ඉදිරිපත් කිරීමට යනවා කියලා.

දැන් සිදු කරන්නට යන්නේ මොකක්ද? ආණ්ඩුව රට පාවා දීමේ පනතක් ගෙනැවිත් එයට කිසිදු විරෝධයක් පෑමට අවස්ථාව නොදී සම්මත කර ගනිද්දී නිරෝධායන නීතිවලට ගරු කරමින් විරෝධයක් පළ කළත් එම නීති ඊට එරෙහිව යොදා ගැනීමයි. දැන් විරෝධය පෑමට එරෙහිව අධිකරණ ක්‍රියාමාර්ග ගන්න හදනවා. මේ ආණ්ඩුව කරන්න හදන්නේ තක්කඩි වැඩක්. මේ හදනනේ විරුද්ධවාදීන් බියවැද්දීමටයි. නිරෝධායන නීති අවශ්‍ය වන්නේ කොරෝනා වසංගතය පාලනය කර ගැනීමටයි. නමුත් දැන් කාලයක් පුරා ආණ්ඩුව නිරෝධායන නීති පාවිච්චි කරමින් සිටින්නේ ආණ්ඩු විරෝධී මත යටපත් කිරීමටයි. ආණ්ඩු විරෝධීන් දඩයම් කර ගැනීමටයි. තමන්ගේ බැරිකම වසා ගැනීමටයි. ආණ්ඩුව කන්න ඕනැ වුණාම කබරගොයාත් තලගොයා කරගන්නවා. ආණ්ඩුව නිරෝධායන නීති පාවිච්චි කරමින් සිටින්නේ සත්‍ය ලෙසම කොරෝනා පාලනයට නෙමෙයි; ආණ්ඩුවට එරෙහි විරෝධයන් යටපත් කර මර්දනය කිරීම වෙනුවෙනුයි. මේ තත්වයට හොඳම උදාහරණයක් තමයි, සෞඛ්‍ය අමාත්‍යාංශයේ ලේකම්වරයා පහුගියදා නිකුත් කර තිබූ චක්‍රලේඛය. සෞඛ්‍ය අමාත්‍යාංශයේ අයට මාධ්‍යවලට ප්‍රකාශ දෙන්න එපායැයි එයින් නියම කර තිබෙනවා. කොරෝනාවල ඇත්ත තත්වය ආණ්ඩුව සඟවමින් තිබෙනවා. ඇත්ත රෝගීන් ගණන, ඇත්ත මරණ ගණන, ඇත්ත අර්බුදය ආණ්ඩුව කියන්නේ නැහැ. ආණ්ඩුවේ අසමත්කම වසා ගනිමින් ඉන්නවා. සෞඛ්‍ය ක්ෂේත්‍රයේ මේ පිළිබඳ අවබෝධයක් තිබෙන අය ප්‍රශ්නෙ බරපතළකම ජනමාධ්‍යවලට කිවුවා. රෝහල්වල ඇඳන් නැතිකම, පහසුකම් නැතිකම, එන්නත ලබාදීමේදී මතුවූ ගැටලු වෛද්‍යවරුන්, පීඑච්අයි මහත්වරුන් විසින් පෙන්වා දුන්නා. මේ ප්‍රහ්නයේ බරපතළකම සමාජය දැන ගත්තේ මේ තත්වය නිසයි. ආණ්ඩුව තමන්ගේ වගකීම පැහැර හරිමින් සිටින බව රට දැනගත්තා. ආණ්ඩුව කළ යුතුච තිබුණේ මේ විචේචන දැකලා තමන්ගේ අඩුපාඩු සම්පූර්ණ කරගැනීමයි. ඒ වෙනුවට ආණ්ඩුව කරමින් සිටින්නේ කතා කරන අයට මුඛවාඩම් දැමීමයි. කොරෝනා බෝවීමට අදාළව දමා ගත යුතු මුඛවාඩම ආණ්ඩුව විරුද්ධවාදීන්ගේ කටවල් වහන්න යොදා ගන්න හදනවා.

අපි වගකීමෙන් කියනවා, මේ කොරෝනා තුන්වැනි රැල්ල නිර්මාණය කළේ ආණ්ඩුවයි. ඔවුන් එය දැනුවත්ව හිතාමතාම හැදුවා. ආණ්ඩුවට ඒ පිළිබඳව තොරතුරු ලැබී තිබුණා. ඒත් පාලනය කිරීමට පියවර ගත්තේ නැහැ. තමන්ගේ ගජමිතුරන්ට ව්‍යාපාරිකයින්ට මුදල් හම්බකරගැනීමට අවස්ථාව සලසා දුන්නා. අවුරුදු සමයේ විනෝද චාරිකාවලට ඉඩදුන්නා. ආණ්ඩුවේ නායකයින් ගිහින් විනෝද උත්සව සංවිධානය කළා. තවමත් ඔවුන් එය නිසි ලෙස පාලනය කරන්නේ නැහැ. වෛද්‍ය උපදෙස් ගණන් ගන්නේ නැහැ. අඩුම තරමින් එන්නත ලබාදීම සඳහා වුණු වැඩපිළිවෙළක් නැහැ. මිනිස්සුන්ට සහන ලබා දෙන්නෙත් නැහැ. දැන් කොරෝනා නිදහසේ පැතිරෙමින් යනවා. මේ රැල්ල පටන් ගනිද්දී දවසකට රෝගීන් හඳුනා ගත්තේ 1000ක් පමණයි. දැන් 3000 පැනලා රෝගීන් හමුවනවා. කොරෝනා භාර සුදර්ශනී ප්‍රනාන්දුපුල්ලේ රාජ්‍ය අමාත්‍යවරිය හඳුනාගන්නා රෝගීන් ප්‍රමාණය මෙන් තුන් ගුණයක් ආසාදිතයින් සමාජයේ සිටින බව කියනවා. ආරම්භයේදී දිනකට මිය යමින් තිබුණේ රෝගීන් 08-10 වගේ ප්‍රමාණයක්. නමුත් දැන් 38ක් 40ක් රෝගීන් වාර්තා වනවා. ලංකාවේ කොවිඩ් මරණ සංඛ්‍යාව 1000 ඉක්මවා තිබෙනවා. මේක ඇත්ත මරණ සංඛ්‍යාව නෙමෙයි කියලා අපි හැමෝම දන්නවා. ආණ්ඩුව කොරෝනා මර්දනය කිරීම සම්පූර්ණයෙන් අසාර්ථකයි. ආණ්ඩුව කොරෝනා පාලනය කිරීම වෙනුවට වෙන වැඩ කරමින් සිටිනවා. මෙවැනි තත්වයක් තිබියෙදී තමන් විරුද්ධ වන හඬවල් වැසීම සඳහා කොවිඩ් මර්දන නීති පාවිච්චි කරන්න හදනවා. මේකට ආණ්ඩුවට වගකියන්න සිද්ධ වෙන බවට අපි ආණ්ඩුවට අනතුරු අඟවනවා. මේ විරෝධයන් හැමදාම මෙහෙම තිබෙන්නේ නැහැ. මේවා පුපුරා යන වෙලාවල් එයි.

දැන් ඇත්තටම කොරෝනා නීති උල්ලංඝනය කරන්නේ කවුද? ජනතා විමුක්ති පෙරමුණ වගකීමක් සහිත දේශපාලන ව්‍යාපාරයක් ලෙස කොරෝනා මර්දනය සඳහා උදව් කළා. පළමු රැල්ලේදී අපි උපරිම දායකත්වය ලබා දුන්නා. අදත් අපි අපිට හැකි උදව් කරමින් සිටිනවා. ජනතාවට මෙයින් ආරක්ෂා වන ලෙස කිවුවා. අපි අපේ වැඩකටයුතු බොහොමයක් සීමා කර ගත්තා. පහුගිය මැයි දිනය අපි තියන්න බලාපොරොත්තු වුණත් කොරෝනා බරපතළ වුණාම අපි එය ප්‍රසිද්ධියේ නොතියන්න තීරණයක් ගත්තා. අපේ සියලු උත්සව නතර කළා. අපි වගකීම් වරහිත ලෙස නීති කඩාගෙන වැඩකරන්න ගියේ නැහැ. ඇත්තටම මේ නිරෝධායන නීති කඩමින් සිටින්නේ ආණ්ඩුවමයි. පොලීසිය භාර ඇමතිවරයාට අපි කියන්නේ උසාවි අරගෙන යනවා නම් ආණ්ඩුවේ අයම අරගෙන යන්න කියලා.

පළමු රැල්ල තිබියෙදී තොන්ඩමන් මහතා අවමඟුල් උත්සවය ආණ්ඩුව ඉහලින්ම ගත්තා. විශාල අවමඟුලක් තිබ්බා. ආණ්ඩුව ඒකට ක්‍රියාමාර්ග ගත්තේ නැහැ. ආණ්ඩුව තමන්ට අවශ්‍ය වුණාම නීති කඩා වැඩ කරන්නත් දඩයම් කිරීමට අවශ්‍ය වූ විට නීති ක්‍රියාත්මක කරන්නත් යන්නේනම් අපි මෙම නීති දඩයම් නීති බවට පත් කරගන්න සූදානම් නොවන ලෙස ආණ්ඩුවට කියනවා. දැන් මැයි දිනය ආපු වෙලාවේ මැයි දින සැමරුම්වලට අවසර නොලැබුණාට ප්‍රේමදාස සමරුව වෙනුවෙන් උත්සවයක් තිබ්බා. ආණ්ඩුව ඒ වෙනුවෙන් අවසර දී තිබුණා. නීතියක් නම් එය සියලු දෙනාට එකක් විය යුතුයි. සජිත් ප්‍රේමදාස මහත්මයලා කොළඹ ආර්. ප්‍රේමදාස පිළිරුව ළඟ සෙනඟ ගෙනත් උත්සවයක් තිබ්බා. මේ ඡායාරූප ඊට සාක්ෂි දරනවා. ආණ්ඩුවේ එන්නත්කරණ වැඩපිළිවෙළ තුළ පිස්සුවක් තිබුණා. එන්නත් ඇති ප්‍රමාණයට ජනතාව කැඳවනවා වෙනුවට ආණ්ඩුව එය දේශපාලනීකරණය කළා. ලංකාව තුළ තවමත් ප්‍රමුඛතාවට අනුව එන්නත් ලබා දී නැහැ. සාත්තු සේවිකාවන්ට, ලංගම හා පෞද්ගලික බස් රියදුරන්ට කොන්දොස්තරවරුන්ට, ජනමාධ්‍යවේදීන්ට මෙය ලබා දී නැහැ. නමුත් දේශපාලන නායකයින්ට ටික ටික ගමේ බෙදීම සඳහා ලබා දී තිබෙනවා. ඔවුන් එයට ප්‍රචාරය දී සෙනඟ කැඳවනවා. විශාල පිරිසක් පෝලිමේ සිට එන්නත් නොමැතිව හැරී යනවා. මේ ඡායාරූප ඒවාට සාක්ෂි දරනවා. මෙවැනි අවදානමකට ජනතාව ඇද දැමීම ගැන ආණ්ඩුව ගත් ක්‍රියාමාර්ග මොනවාද? ඒත් අපි නිරෝධායන නීති ආරක්ෂා කර ගනිමින් අත්‍යාවශ්‍ය කටයුත්තක්ට, රට බේරා ගැනීමට, පවත්වන ලද විරෝධතාවයට එරෙහිව නීතිය ක්‍රියාත්මක කරන්න හදනවා.

ආණ්ඩුව මේ තුන්වැනි රැල්ලට දාපු නම අලුත් අවුරුදු පොකුරයි. මේ පොකුර හැදුවේ කවුද?. නුවරඑළියේ වසන්ත සැණකෙළියක් තිබ්බා. මේ වසන්ත සැණකෙළියේ සිටින්නේ මහින්ද රාජපක්ෂ මහතාගේ බිරිඳ ශිරන්ති රාජපක්ෂ මහත්මියයි. ඔවුන් මුව ආවරණවත් පැළඳ නැහැ. ඔවුන්ට එරෙහිව ක්‍රියාමාර්ගත් නැහැ. පොලීසිය භාර ඇමති සරත් වීරසේකර මහතා මැයි 10වැනිදා විශේෂ කාර්යබලකායේ උත්සවයක මුව ආවරණ නොමැතිව සිටිනවා. අපි පොලිස් මාධය ප්‍රකාශකතුමාට කියන්නේ ප්‍රසිද්ධියේ මුව ආවරණ නොමැතිවය සිටීමට මොහුව උසාවියට අරගෙන යන්න කියලා. දඹදෙනිය රෝහලට ඇඳන් දීලා නාමල් රාජපක්ෂ ඇතුළු පිරිසක් එය විවෘත කිරීමට උත්සව තබනවා. රාජගිරියේ හොස්ටල් එකක් පවරාගෙන රෝගීන් දාන්න සකස් කළා. ඒක විවෘත කිරීමට උත්සවයක් තියනවා. ඒකට නාමල් රාජපක්ෂ. බන්දුල ගුණවර්ධන ඇතුළු මැති ඇමති පිරිසක් එනවා. විපක්ෂයේ අයට පාරේ විරෝධතාවයක් පළ කරන්න බැරි වුණාට ආණ්ඩුව උත්සව තබමින් සිටිනවා. පහුගිය දවසක් ආණ්ඩුව ධාවනය වන දුම්රිය ප්‍රමාණය හදිසියේම අඩු කළා. ඒ නිසා ජනතාවට පැමිණි දුම්රියවල විශාල ලෙස තෙරපෙමින් ගමන් කිරීමට සිදුවුණා. කොරෝනා නීති උල්ලංඝනය වුණා.

මේවායින් පැහැදිලි වන්නේ ආණ්ඩුවේ තක්කඩි හැසිරීමයි. ආණ්ඩුව කොරන්ටයින් නීති තබාගෙන සිටින්නේ විපක්සයේ වැඩකටයුතු සීමා කරන්නයි. මේවා කොරෝනා මර්දනය කිරීමට පාවිච්චි කළනම් රෝගීන් ප්‍රමාණය ක්‍රමානුකූලව අඩුවිය හැකිව තිබුණා. ගෝඨාභය රාජපක්ෂ මහතා පහුගිය කාලේ කිවුවේ තමන් තමයි හොඳටම කර තිබෙන්නේ කියලා. ඒ බව අපිට හොඳින්ම පෙනෙන්නට තිබෙනවා. පළමුවැනි රැල්ලටම සිටියේ රෝගීන් 3000යි. දැන් දවසට 3000යි. හොඳටම කළ බව කියමින් රට විනාශ කර තිබෙනවා. දෙවැනි වර කොවිඩ් රටට ගෙන්නුවා. කොරෝනා පලනය වෙනුවෙන් හැමෝගෙම සහයෝගය ගන්නේ නැතුව විපක්ෂය පාලනයට කොරෝනා නීති පාවිච්චි කර ගන්න හදනවා. විරෝධතාවය පැවැත්වූ අවස්ථාවේ අප සියලු දෙනා මුව ආවරණ පැළඳ සිටියා, දුරස්ථභාවය රැක්කා. ඒ අවස්ථාවේ කිසිදු පොලිස් නිලධාරියෙක් මෙයින් නිරෝධායන නීති කඩවෙන බව කිවුවේ නැහැ. දැන් හදන්නේ මේ විරෝධය නිසා අපව බියවැද්දීමටයි.

අපි ආණ්ඩුවට අවධාරණය කරන්නේ නිරෝධායන නීති පාවිච්චි කරලා තමන්ගේ විරුද්ධවාදීන් හඬ යටපත් කිරීමට උත්සාහ දැරීම නතර කරන ලෙසයි. මෙවැනි ආකාරයේ කුඩා කෙනිත්තිලිවලින් අපව බියවැද්දීමට හිතනවානම් ඒ ගැන කණගාටුයි. අපිට එහෙම කරන්න බැහැ. මේ මව්බිම ආරක්ෂා කිරීම වෙනුවෙන් අපට කළ හැකි මැදිහත්වීම අපි අනිවාර්යයෙන් කරනවා. ඒ වෙනුවෙන් හිරේ යන්න වෙනවානම් අපි සතුටින් භාරගන්න ලෑස්තියි. අපි ජනතාවට කියන්නේ ඔබව රකින්න ආණ්ඩුවක් නැහැ. ආණ්ඩුව රටත් ජනතාවත් බිලි දෙනවා. ඒ නිසා ඔබ ආරක්ෂා වෙන්න. ආණ්ඩුවේ මේ තක්කඩිකමට ඔබට හැකි අයුරින් විරෝධය පළ කරන්න.”

චීනය ශ්‍රී ලංකාවේ සහන සේවා වේගවත් කරමින් සිටින අතර විශේෂඥයන් පවසන්නේ එහි බලපෑම තවදුරටත් ශක්තිමත් කළ හැකි බවයි

බිලියන දෙකකට ආසන්න ජනගහනයක් සිටින දකුණු ආසියාව, මෑත කාලීන මතකයේ දරුණුතම සෞඛ්‍ය අර්බුදයට මුහුණ දී සිටී. ඉන්දියාව සහ එහි අසල්වැසියන් කොරෝනා වයිරස් ආසාදනවල දරුණු වැඩිවීමක් දකින අතර ශ්‍රී ලංකාව වැනි කුඩා රටවල් විශේෂයෙන් අවදානමට ලක්ව ඇත. කෙසේ වෙතත්, චීනය මෙම රටවල සිය සහන කටයුතු වේගවත් කරමින් සිටින අතර විශේෂඥයන් පවසන්නේ එහි බලපෑම ශක්තිමත් කළ හැකි බවයි.

සිකුරාදා සිට දින කිහිපයක් ශ්‍රී ලංකාව දැඩි සංචරණ සීමා පනවනු ඇති අතර ඒ සමග ශ්‍රී ලංකාව පුරා නගර සහ නගරවල වීදි නැවත වරක් නිහඩ වනු ඇත.

අසල්වැසියන් මෙන්ම, ශ්‍රී ලංකාවද පසුගිය වසරේදී මෘදු පළමු රැල්ල හරහා ගමන් කළ නමුත් මෑතදී කෝවිඩ් රෝගීන්ගේ වැඩිවීමක් දක්නට ලැබුණේ එහි සෞඛ්‍ය සේවා පද්ධතිය අභිබවා යාමට තර්ජනය කරමිනි. ශ්‍රී ලංකාව දැන් දිනකට රෝගීන් 3,000 ක් පමණ වාර්තා කරමින් සිටින අතර මාසයකට පෙර තත්ත්වය අනුව එය 1000% කට වඩා වැඩි වීමකි.

ශ්‍රී ලංකාවට කලාපයේ හොඳම මහජන සෞඛ්‍ය පද්ධතිය ලෙස සැලකෙන නිදහස්, පුළුල් ලෙස ප්‍රවේශ විය හැකි මහජන සෞඛ්‍ය පද්ධතියක් තිබියදීත්, මිලියන 21 ක ජනගහනයක් සිටින දිවයිනේ රෝහල් වසංගතයට මුහුණ දීමට මහත් පරිශ්‍රමයක් දරයි.

“ඉහළ යාමක් පාලනය කිරීමට අපට සීමිත ධාරිතාවක් තිබෙනවා. වසංගතයේ වැඩිවීමක් නොපවතින තාක් කල් සියල්ල යහපත්. අපේ සෞඛ්‍ය පද්ධතිය විශිෂ්ටයි. ඒත් ඒ සියල්ල සෞඛ්‍ය පද්ධතිය එතරම් අභියෝගයට ලක් නොවන තාක් කල් පමණයි ” මහජන සෞඛ්‍ය විශේෂඥ ශෂික බණ්ඩාර මහතා බී.බී.සී ය සමග පැවසීය.

එහෙත් පැතිරීම පාලනය කිරීමට ප්‍රමාණවත් නොවීම සම්බන්ධයෙන් ශ්‍රී ලංකා රජය ද විවේචනයට ලක්ව තිබේ. නව වෛරස් ප්‍රභේදවල ප්‍රමාණවත් ජානමය අනුක්‍රමයක් නොමැත, එක්සත් රාජධානියේ ප්‍රභේදය පැතිරීමට වගකිව යුතු යැයි පුළුල් ලෙස විශ්වාස කෙරේ.

ශ්‍රී ලංකාවේ සෞඛ්‍ය ප්‍රතිපත්ති පිළිබඳ ආයතනයේ විධායක අධ්‍යක්ෂ වෛද්‍ය රවී රන්නන්-එලියා වැනි විශේෂඥයින් පවසන්නේ පසුගිය අප්‍රේල් මස සිට බ්‍රිතාන්‍ය ප්‍රභේදය වන B.1.617.2 හෝ ඉන්දියානු ප්‍රභේදය ද ප්‍රජාව තුළ පවතින බවයි‘‘

ඉන්දියාවේ වාර්තාගත ලෙස වසංගතයේ ඉහළ යාමක් තිබියදීත්, දෙරට අතර “සංචාරක බුබුල” මැයි මස මුල වන තෙක් ක්‍රියාත්මක වූ අතර එය මහජනතාවගේ කනස්සල්ලට හේතු විය.

ශ්‍රී ලංකාව ඉතා ඉක්මනින් “ඉන්දියාව හා සමාන තත්වයකට” මුහුණ දෙන බවට මහජන සෞඛ්‍ය නිලධාරීන්ගේ අනතුරු ඇඟවීම් නොතකා, සංචාර සහ ගමන් බිමන් සඳහා සීමා පැනවීමට රජය සති ගනනාවක් පසුබට විය.  ශ්‍රී ලංකික සිංහල බෞද්ධ සහ හින්දු බැතිමතුන් සාම්ප්‍රදායික නව වසර සමරන බැවින් බොහෝ අය අප්‍රේල් මාසයේදී නිදහසේ සංචාරය කළහ. ආසාදිතයින් වැඩිවීමට එරෙහිව එන්නත් ලබා ගැනීමට ගත් උත්සාහයන් ද විවිධ බාධකවලට ගොදුරු වී තිබේ.

ශ්‍රී ලංකාව මේ වසර මුලදී ජනතාවට එන්නත ලබා දීම ආරම්භ කළ අතර බොහෝ දුරට ඇස්ට්‍රාසෙනෙකා එන්නත සැපයීම සඳහා ඉන්දියාව මත යැපුණි. එහෙත් ඉන්දියාවේ නරක අතට හැරීමත් නැව්ගත කිරීම නැවැත්වීමත් නිසා වැඩසටහන නතර කිරීමට සිදුවිය.

මැයි 19 වන විට ජනගහනයෙන් 6% කට වඩා වැඩි පිරිසකට එක් එන්නතක් ලබා දී ඇති අතර ඇස්ට්‍රාසෙනෙකා පළමු මාත්‍රාව ලබාගත් අයට දෙවන මාත්‍රාව ලැබෙන්නේ කෙසේද හෝ කවදාද යන්න පිළිබඳව විශාල අවිනිශ්චිතතාවයක් පවතී.

චීනයට ඇතුළු වන්න

මේ වන විටත් ශ්‍රී ලංකාව ඇතුළු ඉන්දියාවේ බොහෝ අසල්වැසි ප්‍රදේශවල සැලකිය යුතු මට්ටමක සිටින ආසියානු දැවැන්තයා සහන සේවා කටයුතුවලදී පෙරමුණ ගෙන ඇති අතර, එන්නත්, පුද්ගලික ආරක්ෂක උපකරණ (පීපීඊ), මුහුණු ආවරණ සහ පරීක්ෂණ කට්ටල පරිත්‍යාග කරමින් සිටී. “මුහුණු ආවරණ” රාජ්‍ය තාන්ත්‍රිකභාවය ලෙස හැඳින්වේ.

එන්නත් ලබා දීමට ඉන්දියාවට නොහැකි වීමෙන් පසුව ඉතිරිව ඇති එන්නත් හිඟය පියවා ගැනීමට ද චීනය සමත් වී තිබේ. චීනය විසින් සීනෝෆාම් එන්නත් මිලියන 1.1 ක් ශ්‍රී ලංකාවට පරිත්‍යාග කර ඇති අතර එය එන්නත් කිරීමේ වැඩසටහන නැවත ආරම්භ කිරීමට උපකාරී වී ඇති අතර රුසියානු ස්පුට්නික් එන්නත සමඟ තවත් මිලදී ගැනීමට ශ්‍රී ලංකා රජය සැලසුම් කර තිබේ.

ප්‍රවීණයන් පවසන්නේ අතීතයේදී බෝවන රෝග සඳහා එන්නත් යෙදවීමේදී ශ්‍රී ලංකාව ආදර්ශවත් වී ඇති බැවින් ආසියාවේ වෙනත් තැන්වල මෙන් කෝවිඩ් -19 එන්නත පිළිබඳව ජනතාව පසුබට නොවන බවයි. චීන හා රුසියානු එන්නත් පිළිබඳව යම්කිසි කනස්සල්ලක් ඇති වූ නමුත්, සිද්ධීන් ඉහළ ගොස් ඇති හෙයින්, ඒවා ලබා ගැනීම සඳහා ජනතාව පෝලිම්වල සිටිති.

වසංගතයේ පීඩනය යටතේ ආර්ථිකය අරගල කරන බැවින් බීජිනය දැනටමත් ශ්‍රී ලංකාවට මූල්‍ය ආධාර සපයයි. නමුත් සමහර ප්‍රතිපත්ති විශේෂඥයන් කනස්සල්ලට පත්වන්නේ මෙය ශ්‍රී ලංකාව පිළිබඳ චීනයේ “ග්‍රහණය” ලෙස විචාරකයින් හඳුන්වන දේ පමණක් ශක්තිමත් කරනු ඇති බවයි.

ගෝලීය වෙළඳ සබඳතා පුළුල් කිරීම අරමුණු කරගත් පුළුල් යටිතල ව්‍යාපෘතියක් වන බීජිං හි බෙල්ට් ඇන්ඩ් රෝඩ් වැඩසටහනට ශ්‍රී ලංකාව අත්‍යවශ්‍ය වේ. ඇත්ත වශයෙන්ම, බීජිනය වසර ගණනාවක් තිස්සේ ශ්‍රී ලංකාවේ යටිතල පහසුකම් හා සංවර්ධනය සඳහා ඩොලර් බිලියන ගණනක් ආයෝජනය කර ඇත.

චීන සමාගම් සහ චීන අරමුදල් විසින් හම්බන්තොට ඉදිකරන ලද වරාය සහ (එහි ණය වාරික ශ්‍රී ලංකාවට ආපසු ගෙවීමට නොහැකි වූ අතර එම නිසා එය බීජිනයට භාර දී ඇත) චීන ආයෝජන මතම රැදී සිටීමට නියමිත කොළඹ වරාය නගරය විපක්ෂයේ සහ වත්මන් ආණ්ඩුව බලයට පත් කළ ඇතැම් ජාතිකවාදීන්ගේ කෝපයට හේතු වී ඇත.

චීනයේ ඊනියා උපායමාර්ගය (දකුණු ආසියාව තුළ සිය බලපෑම පුළුල් කිරීමේ උත්සාහයක්) මතභේදාත්මක වන අතර, කලාපීය ප්‍රතිවාදියා වන ඉන්දියාව ඒ දෙස බොහෝ කලක සිට විශේෂ සැකයකින් යුතුව බලා සිටියි. නමුත් ඉන්දියාව මේ මොහොතේ මාරාන්තික ලෙස කොවිඩ් වසංගතය සමග සටන් කරන හෙයින් කලාපීය ගැටලු ගැන යොමු කළ හැක්කේ අල්ප අවධානයකි.

“චීනයේ එන්නත් රාජ්‍ය තාන්ත්‍රිකභාවය ශ්‍රී ලංකාවේ පවත්නා චීන යටිතල පහසුකම් රාජ්‍ය තාන්ත්‍රිකත්වයට තවත් තට්ටුවක් එක් කරනු ඇත. එන්නත් රාජ්‍ය තාන්ත්‍රිකභාවය සමඟ දිවයිනේ චීන බලපෑම් ක්ෂේත්‍රය තවදුරටත් වර්ධනය වනු ඇත” යැයි දේශපාලන විශ්ලේෂක අසංකෙ අබේගුණසේකර බීබීසීයට පැවසීය.

එහෙත් ආචාර්ය රන්නන්-එලියා පවසන්නේ ශ්‍රී ලංකාව වැනි රටවලට මේ වන විට චීනය අවශ්‍ය බවයි. මන්දයත් අවශ්‍ය පරිමාණයෙන් කොවිඩ් එන්නත් නිපදවන එකම රට එය වන අතර වසංගතය පාලනය කිරීමේ සාර්ථකත්වයට එන්නත්කරණය අතිෂයින්ම වැදගත්ය.

“විශාල වැරැද්ද නම් අපි චීන ක්‍රීඩා පොත බැරෑරුම් ලෙස නොසලකන” බවයි. බීජිංහි අගුලු දැමීම්, සම්බන්ධතා සොයා ගැනීම, දේශසීමා වසා දැමීම සහ මහා පරිමාණයෙන් එන්නත් ලබා දීම පිළිබඳ බහුවිධ ප්‍රවේශය ගැන ඔහු සඳහන් කළේය.

“අපි බ්‍රිතාන්‍ය ක්‍රීඩා පොත පිටපත් කළා. නමුත් ඔබ නවසීලන්තය වැනි රටවල් දෙස බැලුවහොත් ඔවුන් චීනයද පිටපත් කළා”.

බීබීසී ඇසුරිණි – දළ පරිවර්තනය – තීක්ෂණ වෙළෙන්එගොඩ