මහ බැංකු අධිපති මහාචාර්ය ඩබ්ලිව්.ඩී.ලක්ෂ්මන් මහතා රුපියල් දහසේ නව මුදල් නෝට්ටුව අද (24) දින අග්රාමාත්ය මහින්ද රාජපක්ෂ මහතාට පිළිගැන්වූයේය.
අග්රාමාත්ය මහින්ද රාජපක්ෂ මහත හා මහ බැංකු අධිපති මහාචාර්ය ඩබ්ලිව්.ඩී.ලක්ෂ්මන් මහතා අතර මෙම හමුව පැවැතියේ විජේරාම අග්රාමාත්ය නිල නිවසේදීය.
එහිදී අග්රාමාත්යවරයා සහ මහ බැංකු අධිපතිවරයා රටේ ආර්ථික තත්ත්වය සහ අනාගත සංවර්ධන කටයුතුවලට අදාළව සුහද කතා බහක ද නිරත වූහ.
චීනයේ ධනවත්ම පුද්ගලයා ලෙස පානීය ජල බෝතල් අලෙවි සමාගමක හිමිකරුවෙක් වන ෂොං ෂාන්ෂාන් Zhong Shanshan පත්ව සිටිනවා. ඒ අනුව දීර්ඝ කාලයක් චීනයේ ලොකුම ධනපතියා බවට පත්ව සිටි ‘අලිබබා’ හිමිකරු ජැක් මා දෙවැනි තැනට පත්වෙනවා.
බ්ලූම්බර්ග් බිලියනපතියන්ගේ දර්ශකයට අනුව ෂන්ෂාන් සතු වත්කම ඩොලර් බිලියන 58.7ක්.
ෂොං ෂාන්ෂාන් 1996 දී චීනයේ නැගෙනහිර වෙරළ තීරයේ ෂෙජියැන්ග් පළාතේ Nongfu Spring ආරම්භ කළ අතර ඔහු ඉතා කෙටි කාලයක් තුළ සාර්ථකත්වය අත්පත්කර ගත්තා.
ඔහුගේ බෝතල් කළ ජල සමාගමෙහි මෑත කාලීන කොටස් වෙළඳපොළ වර්ධනය සහ එන්නත් නිෂ්පාදන ආයතනයක කොටස් හිමිකම ඔහුගේ ධනය ඉහළ නැංවීමට උපකාරී වුණා.
පසුගිය අපේ්රල් මාසයේදීල ෂොං බීජිං වන්ටායි ජීව විද්යාත්මක ඖෂධ
සමාගමක කොටස් විශාල ප්රතිශතයක් අත්පත්කර ගත්තා. ඒ සමග අගෝස්තු මාසය වන විට ඔහුගේ සමස්ත ධනය ඩොලර් බිලියන 20ක් තරම් වේගයෙන් ඉහළ ගොස් තිබෙනවා.
ඖෂධ සමාගම පවසන්නේ කොවිඩ් -19 සමඟ සටන් කිරීම සඳහා අපේක්ෂක එන්නතක් නිපදවීම සඳහා විශ්ව විද්යාල දෙකක් සමඟ හවුල් වී ඇති බවයි.
‘ Lone Wolf යන අන්වර්ථ නාමයෙන් හඳුන්වන ෂොන්ග් මේ සමග ඉන්දියාවේ මුකේෂ් අම්බානිට පසුව ආසියාවේ දෙවන ධනවත්ම පුද්ගලයා බවට පත් වෙන අතර ලොව හොඳම ධනවත්ම පුද්ගලයින් 500 දෙනාගේ ලැයිස්තුවේ 17 වන ස්ථානයට හිමිකම් කියනවා.
text by bbc
ඔබේ බාර්බි බෝනික්කාගේ (Barbie doll) පෙනුම මොන වගේද කියා ඔබට මතකද? අපි හැමෝමට එයාගේ කපාපු කොණ්ඩය මතකයි. සම්භාව්ය නිල් ඇස්, රෝස තොල්, අපූරු වේශ නිරූපණය, ඇඳුම් අපට මතකයි.
නමුත් ඔබ දන්නවාද ඒ සෑම බාර්බි කෙනෙකුගේම අපි කිසිවෙකුගේ අවධානය දිනා නොගත් කුඩා කොටසකුත් තිබුණ බව.
බොහෝ බාර්බිවරු 60 ගණන්වල පසු වූ අතර පසුව පවා “ජපානයේ සාදන ලද” හෝ රටේ නම ඔවුන්ගේ පාදවල මුද්රා තබා තිබුණි. සුපිරි ජනප්රිය නැවත පැමිණීමක් ලබා ගත හැකි විස්තරය එය බව කවුද දැන සිටියේ?
‘බාර්බි පච්ච ප්රවණතාවය‘ (The Barbie tattoo trend) අන්තර්ජාලය පුරා පැතිරෙමින් පවතින අතර, එයින් අපි අදහස් කරන්නේ බොහෝ දෙනෙක් ඔවුන්ගේ යටිපතුල් මත පච්ච කොටා ගැනීමට තෝරාගෙන ඇති බවයි. බොහෝ අය තමන් ඉපදුණු රට හෝ ඔවුන්ගේ ජාතිකත්වයේ රට පච්ච කොටා ගැනීමට තෝරා ගනී.
කෙනෙකුගේ මූලයන්හි හිමිකාරිත්වය ලබාගෙන ඔවුන්ගේ උරුමය වැලඳ ගැනීම සිත්ගන්නා ක්රමයකි.
සෑම දෙයක්ම ඇමරිකානු කේන්ද්රීය වන බහු සංස්කෘතික ලෝකයක, ඔබ කොහෙන්දැයි සඳහන් කරන ස්ථිර පච්චයක් ඔබට ලබා දීමට නිර්භීත ය. ජීවිතය ඔබව කොතැනට ගෙන ගියත්, ඔබ කුමන ස්ථානයකට ගියත්, ඔබ පැමිණියේ කොතැනින්ද යන්න ඔබට සැමවිටම මතක තබා ගත හැකි අතර ඒ පිළිබඳ හැඟීමක් ඇති බව ද එය හොඳ මතක් කිරීමකි.
එළියට පෙනෙන ආකාරයට පච්ච කොටා ගැනීමට සුදානම් නැති අයටත්, තමන්ටම රහස්ය වූ පච්චයක් පමණක් තබා ගැනීමේ අදහස ඇති අයටත්, තම පච්චය අනවශ්ය ලෙස අවධානයට ලක් කිරීමට අකමැති අයටත් මේ පච්ච ප්රවණතාව ආශිර්වාදයකි.
ඔබ පාවහන් නොමැතිව ඇවිදින්නේ නම් මිස බොහෝ විට පාද පච්චයක් නොපෙනේ. එවිට පවා ඔබේ පාදය ඔසවා එය දෘශ්යමාන කිරීමට යොමු කළ යුතුය. මෙම පච්චය ඔබ අඳින මේස් හෝ සපත්තු තුළ 99,9% ක් සඟවනු ඇත.
කෙසේ වෙතත්, පාද පච්චයක එක් අඩුපාඩුවක් නම් එය නිර්මාණය කිරීම අතිශයින් වේදනාකාරී වීමයි. බොහෝ පච්ච කලාකරුවන් ඔබට කියනු ඇත්තේ පාද පච්ච ඉතා සංවේදී වන අතර ඒවා සමඟ සුවවීමේ කාලය වැඩි විය හැකි බැවින් ඒ ගැන නැවත නැවත සලකා බලන ලෙසයි.
ඔබ මීට පෙර කිසි දිනෙක පච්ච කොටා නොතිබුණි නම් හෝ ඒවා ඔබේ ශරීරයේ මාංසමය කොටස් මත පමණක් තබා තිබේ නම්, මෙය කොතරම් දුර්ගන්ධයක් විය හැකිද යන්න ගැන ඔබ පුදුමයට පත් විය හැකිය.
පාදවල ස්නායු අවසානයක් ඇති බැවින් වේදනා මට්ටම ඒ මගින් පමණක් විස්තාරණය වන අතර, ඊට ඉහළින්, පාද තරමක් අස්ථි වන අතර ඇත්ත වශයෙන්ම මේද තට්ටුවක් නොමැති බව සැලකිල්ලට ගත යුතුය.
මෙම බාර්බි පච්චය පාදයේ තබා ඇති වඩාත් ප්රසිද්ධ පුද්ගලයෙක් වන්නේ Made In Britain – බ්රිතාන්යයේ නිෂ්පාදිත” පච්චය කොටා ගෙන ඇති කාරා ඩෙලිවිංග් ය. නැවතත්, ඔබ රටක් ගැන ම සදහන් කළ යුතු නැත. බොහෝ අය තම උපන් ගම, ඔවුන්ගේ උපන් වර්ෂය, දේවානුභාවයෙන් යුත් උපුටා දැක්වීම්, ඔවුන්ගේ ප්රියතම සංගීත කණ්ඩායම්වල සංකේත සහ ඔවුන්ට පෞද්ගලික අරුතක් ඇති අවම මෝස්තර පවා පච්ච කොටා ගැනීමට තෝරාගෙන ඇත.
පච්ච ප්රවණතා පැමිණ ඉදිරියට යයි. පසුව අභාවයට යයි. එබැවින් ඔබ කැමති පච්චයක් ලබා ගැනීම සැමවිටම වැදගත් වන අතර ප්රවණතාවය නැති වී අමතක වූ පසුව පවා එය මුළු ජීවිත කාලය පුරාම ඔබ සමග රැදී සිටිනු ඇත. ( ඔබ එය ලේසර් සමඟ ඉවත් කිරීමට තෝරා ගන්නේ නැත්නම්)
නමුත් පච්ච කොටා ගැනීම කොතරම් වේදනාකාරීද යන්න සලකා බැලීමේදී, එයින් මිදීමට වේදනාකාරී ලේසර් ප්රතිකාර හරහා යාමට ඔබට අවශ්ය නොවනු ඇත.
The Fashion – by – Thushadhavi
රෝග ලක්ෂණ මුලින්ම දක්නට ලැබෙන්නේ පසට වඩාත් ළංව පිහිටන පත්ර ප්රදේශ වලිනි. තෙල් පැල්ලමක් වැනි ස්වභාවයෙන් ඇරඹෙන රෝග ලක්ෂණ දින දෙක තුනක් ගතවෙත්දී පත්රය පුරාම පැතිර යයි. පත්රය කහ පැහවී කුණුවී ගැලවී යාම අවසන් ප්රතිඵලය වන්නේය.
කෝමාරිකා ශාකය කලකට ඉහතදී මෙරට භාවිතා කෙරුවේ අලංකාරය උදෙසා වවන ශාකයක් හා දේශීය ඖෂධීය පැලෑටියක් වශයෙනිග මෙම ශාකයේ ඖෂධීය ප්රයෝජන වලට අමතරව වෙනත් ප්රයෝජන රාශියක් පසුගිය දශක කීපයක් තුළදී සමාජගතවීම හේතුවෙන් කෝමාරිකා වගාව අද දවසේ ආර්ථික වගාවක් බවට පත්වී තිබේ.
අරාබි අර්ධද්වීපය තුළ සම්භවය ලැබුවායි විශ්වාස කෙරෙන මෙම සදාහරිත බහුවාර්ෂික ශාකය මේ වනවිට ලොව පුරා බොහොමයක් ප්රදේශයන්හි වගා කරනු ලබන්නේ උදාවී ඇති මෙම වාසිදායක තත්වය නිසාය.
පැලෑටියේ ස්වභාවය අනුව බොහොමයක් කෘමි පළිබෝධකයින්ට ප්රතිරෝධී බවට වාර්තා පැවතුනත් ‘මකුළු මයිටාවුන්, පිටිමකුණන්, ශල්ක කෘමීන් හා කූඩිත්තන් වැනි සතුන්ගේ ආසාදනයන්ට යම් තරමකට කෝමාරිකා පාත්ර වන බවද පෙනීගොස් තිබේ.
මීට අමතරව ගොවි ක්ෂේත්ර වලින් පසුගිය දිනවලදී වාර්තා වූ කෝමාරිකා පත්ර කුණුවීමේ රෝගී තත්වයක් කෙරෙහි කෘෂි ව්යාධි විද්යාඥයින්ගේ අවධානය යොමුවී ඇත්තේ මේ හරහා වෙනත් කෘෂි බෝගයන් කෙරෙහි බලපෑමක් ඇතිවේද යන සාධාරණ සැකය මතය.
කෝමාරිකා යනු කෘෂිකාර්මික බෝගයක් යනුවෙන් තවමත් නිශ්චිතව ස්ථානගත කිරීමක් කර නැත. අවදානම වන්නේ වගාකරුවන් මහත් උනන්දුවකින්, ඇතැම්විට තම කෘෂිකාර්මික ඉඩම් පවා යොදාගනිමින් කෝමාරිකා වගාවට පෙළඹීම නිසා. යම් රෝග කාරකයෙක් මෙම වගාවන් හරහා වගා ඉඩම් කරා පැමිණීමේ හැකියාවක් ද තිබීමයි.
අනෙක් අතට ඉල්ලූම ඉක්මවා යන වගාවක් රට පුරා ස්ථාපනය වීම හමුවේ මේ වනවිටත් අලෙවියේ ගැටළු පවතින බවටද වගාකරුවෝ මැසිවිලි නගති. එවන් පසුබිමක හා රෝග පැතිරීම මත යමෙකු කෝමාරිකා වගාව අතහැරිය හොත් අවසන් ප්රතිඵලය ලෙස ඉතිරි වනු ඇත්තේ රෝගකාරකයින්ගෙන් කෙලෙසුණු බිම්කඩක් පමණි. වෙනත් ගොවිතැනක් උදෙසා එය පිරිසිදු කරගැනීම ද අභියෝගාත්මක විය හැකිය. මේ නිසා කරුණු නිසි ලෙස දැනගෙන වගාවට පිවිසීම සැමගේ වගකීමකි.
අනෙක් අවදානම් තත්වය වන්නේ බඩඉරිඟු, එළවලූල සහ කෙසෙල් වැනි පලතුරු බෝග සමග කෝමාරිකා වැවීමයි. උතුරේ කෙරෙන අර්තාපල් වගාව සමගද කෝමාරිකා වැවීමේ අවදානමක් තිබේ. පොල් වගාව තුළ වැවීමේ නම් අනතුරක් නොමැති බවද සඳහන් කළ යුතුය.
රෝගකාරකයෙකුට වෙනත් ආර්ථික වගාබිමක් ආක්රමණය කිරීමට මෙම මිශ්ර වගාව හොඳ අවස්ථාවක් වේ. කෘෂිකර්ම දෙපාර්තමේන්තුවේ පාලනයට යටත් නොවන බෝගයක් වුවද කෝමාරිකා පිළිබඳව කෘෂි විද්වතුන්ගේ අවධානය යොමුවී ඇත්තේ මෙම කරුණු හේතුවෙන්ය.
‘2019 වසරේ සැප්තැම්බර් මාසයේදී පුත්තලම් දිස්ත්රික්කයේ මුන්දලම ප්රදේශයෙන් අපිට වාර්තා උනා වාණිජ කෝමාරිකා වගාවක ‘මෘදු කුණුවීම’ නමැති රෝගී තත්වය තිබෙනවා කියලා. අපි එහි සාම්පල ගෙනත් අනුක ජීව තාක්ෂණ වැනි වඩාත් නිවැරදි ක්රම භාවිතා කරලා මෙම රෝගී තත්වය ස්ථිර කරගත්තා. රෝගකාරක බැක්ටීරියාව ඩික්කෙයා ක්රිසැන්තෙමි Dickeya chrysanthemi වශයෙනුයි හඳුනාගත්තේ. කලින් මෙය නම් කරලා තිබුනේ අර්වීනියා ක්රිසැන්තෙමි Erwinia chrysanthemi කියලයි”
රෝගකාරකය පිළිබඳව එසේ කරුණු දක්වන්නේ ගන්නොරුව උද්යාන බෝග පර්යේෂණ හා සංවර්ධන ආයතනයේ ව්යාධි විද්යාඥ ගීතානි වීරරත්න මහත්මියයි.
ඒ අනුව මෙතෙක් විවිධ මාධ්යය මගින් මෙම රෝග තත්වය හඳුන්වා දුන් පරිද්දෙන් මෙය බැක්ටීරියා හිටුමැරීම සාදන බැක්ටීරියාවේ අසාදනය නම් නොවේ.
රෝග ලක්ෂණ මුලින්ම දක්නට ලැබෙන්නේ පසට වඩාත් ළංව පිහිටන පත්ර ප්රදේශ වලිනි. තෙල් පැල්ලමක් වැනි ස්වභාවයෙන් ඇරඹෙන රෝග ලක්ෂණ දින දෙක තුනක් ගතවෙත්දී පත්රය පුරාම පැතිර යයි. පත්රය කහ පැහවී කුණුවී ගැලවී යාම අවසන් ප්රතිඵලය වන්නේය.
වගාකරුවන් විසින් මෙතැනදී සිදුකරන අකටයුත්තක් වන්නේ විනාශ වූ මෙම ශාක වලින් ගලවා ගන්නා මොරෙයියන් පැලකර අලෙවි කිරීම වන අතර මේවා නිරෝගී පැල නොවේ. රෝගය පැතිරීමට මෙවැනි ක්රියාවන් ඉවහල් වන නිසාත්, රෝපණ ද්රව්යය ප්රමිතිගත කිරීමේ ක්රමවේදයක් කෝමාරිකා බෝගය වෙනුවෙන් නොමැති නිසාත්, රෝගය නොමැති වගාවකින් නිපදවන නිරෝගී පැල තෝරා මිලදී ගැනීමට අලූතින් වගාකරන්නන් උනන්දු විය යුතුය.
” අපි රෝගය වැඩිපුරම දැක්කේ වතුර රැඳෙන තැන්වල. විසිරුම් ජල සම්පාදනය යහමින් කරන, වැලි පසක් නොමැති තැන්වලත් රෝගය තිබුණා. ඒ නිසා ජලවහන ක්රම හොඳින් සැකසූ ඉඩම් මේ වගාව සඳහා තෝරා ගන්න ඕනෑ. කුඹුරු ඉඩම් සුදුසු නෑ. වැලි සහිත පසක් තමයි වගාවට සුදුසු වන්නේ. ජලවහනය දුර්වල නම්, පාත්ති පටු කරලා, වටේ කාණු ගැඹුරු කරලා, කෝමාරිකා වගාවකට සුදුසු පරිදි භූමිය සකසා ගන්න ඕනෑ” ගීතානි මහත්මිය තවදුරටත් ප්රකාශ කර සිටී.
ඇය පෙන්වාදෙන තවත් ආරක්ෂිත පියවරක් වන්නේ, කෝමාරිකා පත්ර කැබලි මගින් වර්ධක ප්රචාරණයෙන් පැල නිෂ්පාදනය කරන විට භාවිතා කරන පිහියා වැනි ආයුධ බැක්ටීරියා පැතිරවීමේ මෙවලම් බවට පත්වීම හැකිතාක් අවම කරගත යුතු බවයි. විෂබීජනාශක දියරයන්ගෙන් ජීවානුහරණය කරගන්නා ලද කැපුම් උපකරණ භාවිතය මෙහිදී යෝජනා කළ හැකිය.
කෙසෙල්ල ගෝවා, මාළුමිරිස් වැනි වගාවන් සමග මිශ්ර බෝගයක් ලෙස කෝමාරිකා වැවීම වඩාත් අවදානම් සහිත වන්නේ ඉහත කී බැක්ටීරියා ප්රභේදයන් හමුවේ එම ශාකයන්ද සංවේදී වෙමින් රෝගයන්ට ගොදුරුවීමේ හැකියාවක් ඇති නිසාය. මේ නිසා ඵලදායී කෘෂිකාර්මින සරු ඉඩම් වලින් බැහැරව මෙවැනි වගාවන් සඳහා ආන්තික භූමි යොදාගැනීමත්, රෝපණ ද්රව්යය නිෂ්පාදකයින් වඩාත් සැලකිලිමත්ව ජීවානුහරන තත්වයන් යටතේ නිරෝගී පැල නිපදවීමත්, වගාකරුවන් කෝමාරිකා වලට ගැලපෙන වගාබිම් තෝරාගෙන, නිසි ලෙස බිම් සකසා, නිරෝගී පැල වලින් වගා ස්ථාපනය කිරීමත් රෝගී ශාක අවශේෂයන් සම්පූර්ණයෙන් විනාශකිරීමට පියවර ගැනීමත් වැනි කරුණු කෙරෙහි සැලකිලිමත් වන්නේ නම් කෝමාරිකා වගාවේ ප්රසාරණය කෘෂිකාර්මික නිෂ්පාදනයන් කෙරෙහි ඇතිකෙරෙන බලපෑම අවම මට්ටමකින් පවත්වා ගත හැකිවනු ඇත.
වගා ක්ෂේත්රයක රෝගය මුලින්ම මතුවන්නේ තැන තැන විසිරුණු රෝගී ශාක වශයෙනි. එවැනි අවස්ථාවකදී යුහුසුළුව කටයුතු කරමින් රෝගය පැතිරීම වළක්වා ගත යුතුය. රෝගී පැලල ඒවා අශ්රිතව ඇති මොරෙයියන්ද සමග මුලින්ම ගලවා විනාශ කළ යුතුවේ. ඒ අවට පසද හැකි තරමින් ඉවත් කිරීම වඩාත් සුදුසුයග මෙම රෝගයට ප්රතිකාර නොමැත. රෝගය වැළඳීම හා පැතිරීම වැලැක්වීම එකම ප්රතිකර්මයයි. මේ දිනවල සමාජගතව පවතින මෙම මාර්ගෝපදේශය කෝමාරිකා වෙනුවෙන්ද මැනවින් ගැළපෙන්නේය.
පිටපත : සනත් එම්. බණ්ඩාර – සහකාර කෘෂිකර්ම අධ්යක්ෂ, ජාතික කෘෂිකර්ම තොරතුරු හා සන්නිවේදන මධ්යස්ථානය, ගන්නොරුව
තාක්ෂණික කරුණු : ගීතානි වීරරත්න – ප්රධාන කෘෂි විද්යාඥ (ශාක ව්යාධිවේදී*, උද්යාන බෝග පර්යේෂණ හා සංවර්ධන ආයතනය, ගන්නොරුව
අපනයන සංවර්ධන සභාව වසර 28කට පසු ජනාධිපති ගෝඨාභය රාජපක්ෂ මැතිතුමාගේ සහ අග්රාමාත්ය මහින්ද රාජපක්ෂ මැතිතුමාගේ ප්රධානත්වයෙන් රැස් වෙයි.
1979 අපනයන සංවර්ධන පනතින් “අපනයන සංවර්ධන සභාව” ස්ථාපනය කෙරිණ. අපනයන කරුවන් ශක්තිමත් කර ක්ෂේත්රයේ ගැටළු විසඳීම ඉන් අපේක්ෂා කරනු ලැබීය. ප්රතිපත්ති සම්පාදනය, අනුමැතිය සහ නිර්දේශ දීම අපනයන සංවර්ධන සභාවට අයත් කාර්යන්ය.
රාජ්ය, පෞද්ගලික දෙඅංශයේ අපනයන ක්ෂේත්ර සංවර්ධනය කොට, ගෝලීය වෙළෙඳපොළ ජය ගනිමින් ජනතා කේන්ද්රීය ආර්ථයක් ගොඩනැගීම වේගවත් කිරීම සභාවේ විෂය පථයට අයත් බව ජනාධිපතිතුමා සඳහන් කරයි.
අපනයන සංවර්ධන සභාව යළි සක්රීය කරමින් පළමු හමුව අද (23) පස්වරුවේ ජනාධිපති කාර්යාලයේ දී පැවැත්විණ.
පනත ප්රකාර සභාපති ධූරය ජනාධිපතිතුමාට හිමි වේ. ක්ෂේත්රයේ ගැටළු විසඳමින් ගත යුතු ඉදිරි පියවර සමාලෝචනයට අපනයන සංවර්ධන සභාව මසකට වරක් රැස්විය යුතු බව යෝජනා කෙරිණ.
අපනයනකරුවන්ට නව වෙළෙදපොළ අවස්ථා උදාකර දීම සඳහා අපනයන සංවර්ධන සභාවට පැවරී ඇති වගකීම අවධාරණය කළ ජනාධිපතිතුමා ඒ ඒ රටවල අවශ්යතා අනුව අපනයන ක්ෂේත්රයේ විවිධාංගීකරණයක අවශ්යතාව පැහැදිළි කළේය.
අත්සන් කර ඇති ජාත්යන්තර වෙළෙඳ ගිවිසුම් බොහොමයක් රටට හිතකර නැත. රටට වාසිදායක සහ වැඩි ප්රතිලාභ අත්කරගත හැකි අන්දමින් මේ ගිවිසුම් කඩිනමින් සමාලෝචනය කිරීමේ අවශ්යතාව ජනාධිපතිතුමා අවධාරණය කළේය.
අපනයන ක්ෂේත්රයේ ගැටළු විසඳීම සහ එහි ප්රගමනය උදෙසා ජාතික වෙළෙඳ ප්රතිපත්තිය කඩිනමින් සංශෝධනයට සහ නව්යකරණයට ලක් කිරීමේ අවශ්යතාව ද එතුමා විසින් පෙන්වා දෙනු ලැබීය.
ගොවීන්ගේ ප්රාථමික නිෂ්පාදන අපනයන වෙළෙඳ පොළට ගැළපෙන පරිදි ප්රවර්ධනය කිරීම පිණිස අපනයන නිෂ්පාදන ගම්මාන ස්ථාපනය ද සාකච්ඡාවට ලක් විය.
ප්රතිඅපනයනය නිසා පසුගිය යුගයේ අපනයන ක්ෂේත්රයට සිදු වූ හානිය බරපතළය. ගොවියාගේ නිෂ්පාදකයාගේ සහ මෙරටට ආවේණික ඉහළ ගුණාත්මක අගයෙන් ඉහළ බෝගවල සුරක්ෂිතතාව තහවුරු වන අයුරින් ප්රති අපනයන සකස් විය යුතු බව ජනාධිපතිතුමා අවධාරණය කළේය.
අගය එකතු කළ නිෂ්පාදනවලට අවශ්ය අමුද්රව්ය ආනයනය ඉහළම ප්රමිතියකින් සහ මනා අධීක්ෂණයෙන් විය යුතුය.
ලෝක වෙළෙඳ පොළේ දේශීය නිෂ්පාදන ප්රවර්ධනයටත්, ආයෝජකයන් ආකර්ශණය කර ගැනීමටත් උද්යෝගයෙන් ක්රියාකරන්නැයි තමා පෞද්ගලිකවම තානාපතිවරුන්ට උපදෙස් දී ඇතැයි ජනාධිපතිතුමා කීය.
ඉදිරියේ දී සපුරාගත යුතු ඉලක්ක සියලුදෙනාට නියම කරන බව කී එතුමා තානාපති කාර්යාලවල සිටින වෙළෙඳ ප්රවර්ධන නිලධාරීන්ගේ කාර්යක්ෂමතාව වැඩිදියුණු කිරීමේ අවශ්යතාව පෙන්වා දුන්නේය.
ගුවන් තොටුපොළ පහසුකම් පුළුල් කර ව්යාපාරිකයන් සහ ආයෝජකයන් උදෙසා ආකර්ශණීය පසුබිමක් සැකසීමේ අවශ්යතාව අග්රාමාත්ය මහින්ද රාජපක්ෂ මැතිතුමා විසින් පෙන්වා දෙනු ලැබීය.
අපනයනකරුවන් අධෛර්යමත් කරන අනවශ්ය නීති රීති ඉවත් කළයුතු යැයි ආර්ථික පුනර්ජීවනය පිළිබඳ ජනාධිපති කාර්ය සාධක බලකායේ ප්රධානී බැසිල් රාජපක්ෂ මහතා පැවසීය.
දිනේෂ් ගුණවර්ධන, බන්දුල ගුණවර්ධන, ඩග්ලස් දේවානන්දා, විමල් වීරවංශ, මහින්දානන්ද අලුත්ගමගේ, රමේෂ් පතිරණ, රෝහිත අබේගුණවර්ධන යන අමාත්යවරු සහ රාජ්ය අමාත්යවරුන් වන දයාසිරි ජයසේකර, ප්රසන්න රණවීර, ජනාධිපති ලේකම් පී.බී. ජයසුන්දර සහ කැබිනට් සහ රාජ්ය අමාත්යාංශවල ලේකම්වරු සහ ආයතන රැසක ප්රධානිහූ සාකච්ඡාවට එක්ව සිටියහ.( ඡායාරූප : උපුල් නිලංග – ජනාධිපති මාධ්ය අංශය)
මේ දිනවල ඇමෙරිකා එක්සත් ජනපදයේ නිව් යෝර්ක් නුවර පැවැත්වෙන එක්සත් ජාතීන්ගේ 75 වැනි මහා සමුළුව ඇමෙරිකා – චීන එදිරිවාදිකම එළිපිට ප්රදර්ශනය කරන ‘සටන් බිමක්‘ බවට පත්ව ඇතැයි විදෙස් දේශපාලන විශ්ලේෂකයෝ සදහන් කරති.
මෙවර එක්සත් ජාතීන්ගේ මහා සමුළුව පැවැත් වුණේ නවීන සන්නිවේදන තාක්ෂණ ඔස්සේ දුරස්ථවයි. ශ්රී ලංකා ජනාධිපති ගෝඨාභය රාජපක්ෂ මහතා ද අද (23) මහ සමුළුව ඇමතුවා.
එක්සත් ජාතීන්ගේ හිටපු මහලේකම් බෑන් කී මූන් නිරීක්ෂණය කළ පරිදි එක්සත් ජාතීන් තුළ වර්තමානයේ බහුපාර්ශ්වීයත්වය බරපතල අවුල් ජාලයක පවතී.
ජනාධිපති ඩොනල්ඩ් ට්රම්ප් ‘ඇමරිකාව පළමු‘ විදේශ ප්රතිපත්තිය (America First foreign policy), පැරිස් දේශගුණික ගිවිසුමේ සිට ඉරාන න්යෂ්ටික ගිවිසුම දක්වා වූ බහුපාර්ශ්වික ගිවිසුම්වලට එරෙහිව ඒකපාර්ශ්වීය අත්තනෝමතිකත්වය ප්රදර්ශනය කරමින් සිටින අතර චීනය එක්සත් ජාතීන්ගේ නව ආධාරකරුවා ලෙස පෙනී සිටී.
එහෙත් වර්ධනය වන චීන බලපෑම හමුවේ, (විශේෂයෙන් ලෝක සෞඛ්ය සංවිධානය වැනි) එක්සත් ජාතීන්ගේ ආයතන සඳහා අරමුදල් සැපයීමට බීජිනය වැඩි මුදලක් කැප කරන්නේ නම් ඒ තුළ චීන අභිලාෂයන් සහ ඕනෑ එපාකම් ප්රමුඛ තැනකට පත් වීම වැළැක්විය නොහැකි වනු ඇත.
එක්සත් ජාතීන්ගේ මහලේකම් ඇන්ටෝනියෝ ගුටරෙස් එක්සත් ජාතීන් මුහුණ දෙන වත්මන් අභියෝග ගැන කතා කරමින් කියා සිටියේ, එක්සත් ජාතීන්ගේ සංවිධානය ගොඩනඟා ගත් අය එක්සත්කමේ වටිනාකම දැන සිටි බවයි.
‘ ඔවුන් යුද්ධයෙන් හා වසංගතවලින් බැට කෑ ලෝකයක ජීවත් වුණේ. නැවත එවැනි දෙයක් අනවශ්ය බව ඔවුන් කල්පනා කළා. එක්සත් ජාතීන් එහි ප්රතිඵලයක්‘ ඔහු සදහන් කළා.
ගෝලීය ස්ථාවරත්වය සඳහා බාධාකාරී වෙමින් තිබෙන එක්සත් ජනපද චීන එදිරිවාදිකම් පිළිබඳ කනස්සල්ල ලෝක නායකයින්ගේ මෙම දුරස්ථ රැස්වීමේදී එළිපිට ප්රකාශ කිරීම විශේෂත්වයක්.
ප්රංශ ජනාධිපති එමානුවෙල් මැක්රොන්ගේ ස්වරයේ වෙනසක් නොවූ අතර චීනය සහ එක්සත් ජනපදය අතර එදිරිවාදිකම්වලට අද ලෝකය පරදුවට තැබිය නොහැකි බව ඔහු කලින් පටිගත කළ ප්රකාශවල සඳහන් කළේය.
එක්සත් ජනපද මැතිවරණයට දින 40 කට වඩා අඩු කාලයක් තිබියදී, බෙජිං පහර දීම ට්රම්ප්ගේ මැතිවරණ ව්යාපාරයේ කේන්ද්රීය සාධකය වේ.
කොරෝනා වෛරසය ව්යාප්ත කිරීමට මුල්වීම සම්බන්ධයෙන් චීනයට අපහාස කරමින් ජනාධිපතිවරයා විසින් කළ විවේචන මග හැරීමට ගෝලීය වශයෙන් සාමූහික ප්රයත්නයක් පවතින බව පෙනේ.
එක්සත් ජනපදය හා චීනය ආධිපත්යය සඳහා තරඟ කරන ද්වි-ධ්රැවීය ලෝකයක් අවසානයේ මිලිටරි ගැටුමකට තුඩු දෙනු ඇත්ද? පැහැදිලිවම එක්සත් ජාතීන්ගේ මහලේකම්වරයා ඉදිරි “සීතල යුද්ධයක්” ගැන අනතුරු අඟවමින් ඉදිරියේ ඇති දේ ගැන සැලකිලිමත් වන බව පැවසීය.
“අපි ඉතා භයානක දිශාවකට ගමන් කරමින් සිටිමු,” ගුටරෙස් මහතා පැවසීය.
“විශාලතම ආර්ථිකයන් දෙක මහා බිඳවැටීමකින් ලෝකය බෙදී යන අනාගතයක් අපේ ලෝකයට දැරිය නොහැකිය. ගැටුමට මැදිව සිටින දෙපාර්ශ්වයම තමන්ගේම වෙළඳ හා මූල්ය නීති සහ අන්තර්ජාල හා කෘතිම බුද්ධි හැකියාවන්ගෙන් යුක්තය. තාක්ෂණික හා ආර්ථික බෙදීම් අවදානම අනිවාර්යයෙන්ම භූ මූලෝපායික හා මිලිටරි බෙදීමක් බවට පත්වේ. අපි මෙය කෙසේ හෝ වළක්වා ගත යුතුයි.
“මහා බිද වැටීමක ” ප්රතිවිපාක පිළිබඳ මෙම විවෘත සාකච්ඡාවෙන් පෙන්නුම් කරන්නේ ලෝකය කෙතරම් වේගයෙන් වෙනස් වනවාද යන්න සහ රාජ්ය තාන්ත්රිකයින් දිගින් දිගටම පොරකන ආකාරයයි.
අතථ්ය පොදු විවාදයේදී චීන ජනාධිපති ෂී ජින් පිං ඇත්ත වශයෙන්ම ප්රකාශ කළේ “සීතල යුද්ධයක් හෝ ඕනෑම රටක් සමඟ උණුසුම් ගැටුමක් නිර්මාණය කිරීමට චීනයට කිසිදු අදහසක් නැත” යනුවෙනි.
පළපුරුදු රාජ්ය තාන්ත්රිකයෙක් බී.බී.සී ය සමග ප්රකාශ කර ඇත්තේ එක්සත් ජාතීන්ගේ මහා විවාදය සැමවිටම නිර්මාණාත්මක ව්යාකූලත්වයක් ලෙස දකින බවයි.
ලෝක නායකයන් එකට එකතු වී සතුටින් පෞද්ගලිකව හමුවීමත් සමඟම සැබෑ රාජ්ය තාන්ත්රික කටයුතු සිදු විය. දැන්, එය හුදෙක් අවුල් සහගත ය, මේ පැරණි අත කණගාටුවෙන් යුතුව, වාචාල ලෙස විමසන්නේ කවුරුන් භාරව සිටිනවාද යන්න සහ කුමන ලෝක නායකයාට හදවතේ පටු ආත්මාර්ථකාමීත්වයට වඩා වැඩි යමක් තිබේද යන්නයි.
කොරෝනා වසංගතය ලෝකයේ අයුක්තිය සූරාකෑමට ලක්ව ඇති බව එක්සත් ජාතීන්ගේ මහලේකම්වරයා නිරීක්ෂණය කළේය. ඔහු කියා සිටියේ ගෝලීය වසංගතයට එරෙහිව පොදු සහයෝගීතාවක් අවශ්ය බවයි.
‘එය ආත්මාර්ථකාමීත්වයෙන් තොර විය යුතුයි‘ ඔහු අවධාරණය කළේය.
ගුටරෙස් මෙසේ අවධාරණය කර පැයක් ඇතුළත ජනාධිපති ට්රම්ප් ප්රකාශ කළේ, සියලුම ලෝක නායකයින් ඔහුගේ ආදර්ශය අනුගමනය කර ඔවුන්ගේ රටවලට මුල් තැන දිය යුතු බවයි.
ඔහු නැවත තේරී පත්වුවහොත් ඔහුගේ ඒකපාර්ශ්විකත්වය වඩාත් පැහැදිලි වනු ඇති අතර එක්සත් ජාතීන්ගේ සංවිධානය වොෂිංටනය විසින් තවදුරටත් කොන් කරනු ඇත.
නේටෝව සඳහා එක්සත් ජනපදයේ කැපවීම ද දුර්වල වේද? ජෝ බිඩෙන් ජනාධිපති ධුරයට පත්වුවහොත් වොෂිංටනය සහ බීජිනය අතර ආතතිය අඩු විය හැකි නමුත් එක්සත් ජනපදයේ මූලික න්යාය පත්රය තුළ තව දුරටත් චීනයේ එදිරිවාදිකම් නොනැසී පවතිනු ඇත.
ලෝකය යථා තත්ත්වයට පත්වෙමින් පවතින අතර දැන් ප්රශ්නය වන්නේ පැරණි බහුපාර්ශ්වික අනුපිළිවෙල අනුවර්තනය වන්නේ කෙසේද – සහ එයට නායකත්වය දෙන්නේ කවුද යන්නයි.
බී.බී.සී. වාර්තාවක් ඇසුරිණි – සකස් කළේ – තීක්ෂණ වෙළෙන්එගොඩ
නිවාස සංවර්ධන අධිකාරියට අයත් නාරාහේන්පිට කාර්යාලය ජනාධිපති ගෝඨාභය රාජපක්ෂ මහතාගේ හදිසි නිරීක්ෂණයට ලක් වෙයි.
සේවා ලාභියෙකු කළ පැමිණිල්ලකට අනුව ජනාධිපතිවරයා අද (23) පස්වරුවේ කාර්යාලය වෙත ගියේය.
රාජකාරි අවශ්යතාවක් සඳහා අවස්ථා ගණනාවක දී පැමිණිය ද එය ඉටු කිරීමට නිලධාරීන් අපොහොසත්ව ඇති අතර කාර්ය මණ්ඩලය ප්රමාණවත් නොවන බව පවසමින් සේවා ඉටු නොකරන බව පැමිණිලිකාරිය සඳහන් කරයි.
කාර්යාලය අධීක්ෂණය කළ ජනාධිපතිවරයාට ප්රමාණවත් සේවක පිරිසක් එහි සිටින බව නිරීක්ෂණය විය.
සේවා ලබා ගැනීමට පැමිණි අබාධිත පුද්ගලයෙකු දැඩි අපහසුතාවට පත්වී සිටි අයුරු දුටු ජනාධිපතිවරයා ඔහුගේ අවශ්යතාව සහ තොරතුරු විමසීය.
මහජන අවශ්යතා කාර්යක්ෂමව හා නොපිරිහෙලා ඉටු කිරීම රාජ්ය සේවකයන්ගේ මූලික වගකීම බව කාර්ය මණ්ඩලය හමු වූ ජනාධිපති අවධාරණය කළේය
20 වැනි ව්යවස්ථා සංශෝධනයට එරෙහිව අද (23) සමගි ජන බලවේගය විසින් ද ශ්රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කළා.
ආණ්ඩුව විසින් ඊයේ (22) පාර්ලිමේන්තුවට ඉදිරිපත් කළ ආණ්ඩුක්රම ව්යවස්ථාවෙ 20 වන සංශෝධන පනත් කෙටුම්පතේ ඇතැම් වගන්ති වත්මන් ආණ්ඩුක්රම ව්යවස්ථාව තුළින් සහතික කර තිබෙන මූලික අයිතිවාසිකම් සහ වෙනත් ප්රතිපාදන ගණනාවක් උල්ලංඝනය කරන බවත් එය සම්මත කිරීමට අවශ්ය නම් පාර්ලිමේන්තුවේ තුනෙන් දෙකක බහුතර ඡන්දයකින් සහ ජනමත විචාරණයකින් අනුමත විය යුතු බවට තීන්දුවක් ලබාදෙන ලෙස සමගි ජන බලවේගයේ මහ ලේකම් පාර්ලිමේන්තු මන්ත්රී රංජිත් මද්දුමබණ්ඩාර මහතා විසින් ශ්රේෂ්ඨාධිකරණය හමුවේ ගොනු කළ පෙත්සම මගින් ඉල්ලා තිබෙනවා.
එහි වගඋත්තරකරු ලෙස නීතිපතිවරයා නම් කර තිබෙනවා.
මේ අතර දෙමළ ජාතික සන්ධානයේ නායක ආර්. සම්බන්ධන් මහතා ද 20 වැනි ව්යවස්ථා සංශෝධනය මගින් සිය මූලික අයිතිවාසිකම් සහ ව්යවස්ථා උල්ලංඝනය වන බව පවසමින් අද ශ්රේෂ්ඨාධිකරණය හමුවේ මූලික අයිතිවාසිකම් පෙත්කමක් ගොනු කළා.
පෙත්කම්කාර දෙමළ ජාතික සන්ධාන නායකයා තම මූලික අයිතිවාසිකම් පෙත්සම මගින් කියා සිටින්නේ රජය විසින් ඊයේ පාර්ලිමේන්තුට ඉදිරිපත් කරන ලද ආණ්ඩුක්රම ව්යවස්ථාවේ 20වන සංශෝධන පනත් කෙටුම්පතේ අඩංගු ඇතැම් වගන්තිවලින් වත්මන් ආණ්ඩුක්රම ව්යවස්ථාව තුළින් සහතිකකර තිබෙන මූලික අයිතිවාසිකම් සහ වෙනත් ප්රතිපාදන ගණනාවක් උල්ලංඝනය කරන බවයි.
ඒ අනුව, අදාළ පනත් කෙටුම්පතේ ප්රශ්නගත වගන්ති සම්මත කිරීමට අවශ්ය නම් පාර්ලිමේන්තුවේ තුනෙන් දෙකක බහුතර ඡන්දයකින් ඒවා අනුමත වී පසුව ජනමත විචාරණයකින් ද අනුමත වියයුතු බවට තීන්දුවක් ලබාදෙන ලෙස පෙත්සම්කරු ශ්රේෂ්ඨාධිකරණයෙන් ඉල්ලා සිටිනවා.
අද දින 20 වැනි ව්යවස්ථා සංශෝධනයට එරෙහිව ඉදිරිපත් වූ මූලික අයිතිවාසිකම් පෙත්සම් දෙකත් සමග 20 වැනි ව්යවස්ථා සංශෝධනයට එරෙහිව මූලික අයිතිවාසිකම් පෙත්සම් 07ක් ඉදිරිපත්ව තිබෙනවා.
සමගි ජන බලවේගය, දෙමළ ජාතික සන්ධානය, නීතිඥ ඉන්දික ගාල්ලගේ, අනිල් කාරියවසම්, ශ්රී ලංකා විනිවිද පෙරමුණේ ලේකම් නාගානන්ද කොඩිතුවක්කු, විකල්ප ප්රතිපත්ති කේන්ද්රය සහ එහි ප්රධාන විධායක පාක්යසෝති සරවනමුත්තු යන පාර්ශව විසින් අදාළ පෙත්සම් ගොනු කර තිබෙනවා.
ජාතික පාසැල්වල අතරමැදි ශ්රේණි සඳහා සිසුන් ඇතුළත් කිරීම නැවත දැනුම්දෙනතුරු අත්හිටුවීමට අධ්යාපන අමාත්යංශය තීරණය කළා. සිසුන් ඇතුළත් කිරීම සමාලෝචනය කිරීම සඳහා දැනට පවත්නා ක්රමවේදය යටතේ මෙම ක්රියාවලිය අත්හිටුවීමට තීරණය කළ බවයි අධ්යාපන අමාත්යාංශය නිවේදනයක් නිකුත් කරමින් සඳහන් කළේ.
ප්රජාතන්ත්රවාදීව තේරි පත්වූ ආණ්ඩුවලට සහය වීම එක්සත් ජාතීන්ගේ වගකීම බව වීඩියෝ තාක්ෂණය ඔස්සේ මහා මණ්ඩල සැසිවාරය අමතමින් ජනාධිපති ගෝඨාභය රාජපක්ෂ මහතා අවධාරණය කරයි.
ප්රජාතන්ත්රවාදීව බලයට පත් ආණ්ඩු සිය ජනතාවගේ හද ගැස්ම සහ අවශ්යතා මනාව වටහාගෙන සිටී. ජනතා අවශ්යතාවන්ට තිරසාර විසඳුම් දීමට රාජ්යයන් ගෙන යන ක්රියාදාමයට සහාය වීම එක්සත් ජාතීන්ගෙන් අපේක්ෂා කරන බව ජනාධිපතිතුමා සඳහන් කරයි.
කිසියම් රටකට හෝ බලවේගයකට කිසිදු ආකාරයකින් ගැති නොවී මධ්යස්ථ විදේශ ප්රතිපත්තියක් අනුගමනය කිරීමට ශ්රී ලංකාව කැපවී සිටින බව ද රාජපක්ෂ මැතිතුමා කියා සිටී.
එක්සත් ජාතීන්ගේ මහා මණ්ඩලයේ 75 වන සැසියේ රාජ්ය නායක සමුළුව ශ්රී ලංකා වේලාවෙන් ඊයේ (22) රාත්රී 9.00 ට නිව්යෝර්ක් නුවර එක්සත් ජාතීන්ගේ මූලස්ථානය කේන්ද්ර කර ගනිමින් වීඩියෝ තාක්ෂණය භාවිතයෙන් ආරම්භ කෙරිණ.
“අපට අවශ්ය අනාගතය, අපට අවශ්ය එක්සත් ජාතීන්: බහුපාර්ශ්විකත්වය සඳහා අපේ සාමූහික කැපවීම යළිත් තහවුරු කිරීම” (The Future We Want, the UN We Need: Reaffirming our Collective Commitment to Multilateralism) සමුළුවේ මෙවර තේමාවයි.
එක්සත් ජාතීන්ගේ මහ ලේකම් අන්තෝනියෝ ගුතේරස්, මහා මණ්ඩල සැසිවාරයේ සභාපති වොල්කන් බොස්කීර් යන මහත්වරුන් සභාව ආමන්ත්රණය කිරීමෙන් සමුළුව ආරම්භ විය.
බ්රසීල ජනාධිපති ජායිර් බොල්සොනාරෝ සහ ඇමරිකා එක්සත් ජනපදයේ ජනාධිපති ඩොනල්ඩ් ට්රම්ප් යන මහත්වරු පළමු සහ දෙවන දේශන කළහ.
ශ්රී ලංකා වේලාවෙන් අද (23) අළුයම 4.45 ට පමණ ගෝඨාභය රාජපක්ෂ මැතිතුමා සමුළුව ඇමතීය.
මත්ද්රව්ය ආශ්රිත සමාජ, ආර්ථික ගැටළු විසඳීමට ශ්රි ලංකාව දැඩි කැපවීමකින් ක්රියා කරයි. දරුවන් සහ තරුණයින් අතර මත්ද්රව්ය භාවිතය වැළැක්වීම, ශ්රී ලංකාව මත්ද්රව්යවලින් තොර රටක් බවට පත් කිරීමත් තම අවශ්යතාව බව ජනාධිපතිතුමා සඳහන් කළේය.
නීති විරෝධී මත්ද්රව්ය නිෂ්පාදනය හා ජාවාරමේ නිරත අන්තර්ජාතික අපරාධ කණ්ඩායම් පිළිබඳව ශ්රී ලංකාව දැඩි විමසිල්ලෙන් පසුවන බවද රාජපක්ෂ මැතිතුමා පැවසීය.මත්ද්රව්ය උවදුර තුරන් කර, සුරක්ෂිත රටක් නිර්මාණය කිරීමේ අරමුණින් ජනාධිපති කාර්ය සාධක බලකායක් ස්ථාපනය කළ අතර, එය ප්රශංසනීය ප්රතිඵල අත්කරගෙන ඇතැයි ජනාධිපතිතුමා පෙන්වා දුන්නේය.
“දශක 03කට ආසන්න කාලයක් බෙදුම්වාදය හා ත්රස්තවාදය අත්විඳි ශ්රී ලංකාව දේශීය හෝ අන්තර්ජාතික හෝ සියලු ආකාරයේ ත්රස්තවාදී ක්රියා තරයේ හෙලා දකිනවා” ජනාධිපතිතුමා පැවසීය.
ශ්රී ලංකා භූමියෙන් ත්රස්තවාදය තුරන් කළද කුරිරු මතවාදය ප්රචලිත කරමින් හා පදනම් විරහිත අසත්ය ප්රචාරණ ගෙන යමින් ත්රස්තවාදී සංවිධානයේ අන්තර්ජාතික ජාලය තවමත් ක්රියාත්මකව ඇතැයි ජනාධිපතිතුමා පෙන්වා දුන්නේය. විවිධ දුර්මත සහ ප්රකාශ තුළින් ප්රචණ්ඩ දෘෂ්ටිවාදය අඛණ්ඩව පවත්වාගෙන යන මේ ජාත්යන්තර ජාලයේ ක්රියාකාරකම් කිසිදු රාජ්යයක් නොඉවසනු ඇතැයි අපේක්ෂාව පළ කළේය.
“පටු දේශපාලනික ප්රේරණ නොතකා ත්රස්තවාදයට එරෙහිව සටන් කිරීමට ලෝක ප්රජාව ශ්රි ලංකාව සමග සහයෝගයෙන් නැගී සිටිය යුතුයි” එතුමා කීය.
“මෙවර මහා මණ්ඩල සැසිවාරයේ තේමාව කොවිඩ් 19හි බලපෑම අවම කිරීම සඳහා ජාතික දේශසීමා අතර සහයෝගීතාවේ වැදගත්කම පිළිබිඹු කරයි. “කොවිඩ් -19 ගෝලීය මානුෂීය ප්රතිචාර සැලැස්ම” සහ කොවිඩ් 19 ප්රතිචාර සහ ප්රතිසාදන අරමුදල පිහිටුවීම ඇතුළු අභියෝගයට ප්රතිචාර ලෙස එක්සත් ජාතීන් ගත් ව්යායාමය අගය කළයුතුය. වැඩිදියුණු කළ පසු මූලික සෞඛ්ය පහසුකමක් ලෙස නම් කළ යුතු කොවිඩ්-19 එන්නත සියලුදෙනාට ගත හැකි එන්නතක් වනු ඇති බව සහතික කිරීම ලෝක සෞඛ්ය සංවිධානයේ වගකීමක්” යැයි එතුමා පැවසීය.
රාජ්යයන්ගේ ස්වෛරීභාවය, බහුවිධ අඛණ්ඩතාව ආරක්ෂා කරන සහ එම රාජ්යයන්ගේ අභ්යන්තර කටයුතුවලට මැදිහත් නොවීම අගයන එක්සත් ජාතීන්ගේ ප්රඥප්තියේ වැදගත්කම අවධාරණය කරන බව සිය දේශනය අවසන් කරමින් ජනාධිපතිතුමා කියා සිටියේය.
සබඳතාවලදී “ප්රේම ත්රිකෝණය Love Triangle” යන වාක්ය ඛණ්ඩය අපට බොහෝ විට අසන්නට ලැබේ. ඒ් තුන්වන පුද්ගලයකු එකතු කිරීමත් සමඟ ප්රේම සම්බන්ධතාවයක් සංකීර්ණ වන විට ය. එවැනි ත්රිකෝණයක සාමාන්යයෙන් පුද්ගලයන් දෙදෙනෙකු එකිනෙකා වෙනුවෙන් කැපවී සිටින නමුත් ඔවුන්ගෙන් එක් අයෙකු තවත් පුද්ගලයෙකු සමඟ ප්රේම සම්බන්ධයක් ඇති කර ගනී.
සමහර විට සම්බන්ධතාවයක් තේරුම් ගැනීමට අපහසුය. ඔබට එයට නමක් දීමට නොහැකි නමුත් ඔබට යන්නට අපහසුය.
එකම ව්යාකූලත්වය ඔබව සිදු කිරීමෙන් වලක්වන අතර එබැවින් එය සදහටම පාහේ පවතී. ප්රේම ත්රිකෝණයක් සමහර විට “සදාකාලික ත්රිකෝණයක්” ලෙසද හඳුන්වන්නේ එබැවිනි. බොහෝ අය මේ ආකාරයේ මැදිහත්වීමක් අත්විඳින නමුත් ප්රේම ත්රිකෝණයක් භයානකද? මෙම ලිපියෙන් අප සොයා ගැනීමට යන්නේ මෙයයි.
ප්රේම ත්රිකෝණ බොහෝ විට භයානක වන්නේ ඊට සම්බන්ධ පුද්ගලයින් තිදෙනාගෙන් එක් අයෙකු සෑම විටම පාහේ රිදවන බැවිනි. අනෙක් අතට, මෙම පුද්ගලයා ඔවුන්ගේ සම්බන්ධතාවය කිසි විටෙකත් ක්රියාත්මක නොවන බවට සාමය සොයා ගන්නේ නම්, මෙම ත්රිකෝණය කිසිවෙකුට හානියක් නොකර එහි සිටිය හැකිය. කෙසේ වෙතත්, විශේෂයෙන් ප්රේම සම්බන්ධතාවයක් ඇති වන විට ප්රතිවාදියෙකු ඉවසීම එතරම් පහසු නැත.
තවත් කාන්තාවක් තම සහකරුවාට ඇලුම් කරන්නේ නම් කාන්තාවන්ට විශේෂයෙන් ඊර්ෂ්යාවක් දැනේ. පිරිමින් සාමාන්යයෙන් චිත්තවේගීය වශයෙන් දුර්වල ලිංගිකයන් ලෙස සලකනු ලබන බැවින්, කාන්තාවන් සෑම විටම පාහේ සියලු ආකාරයේ නිගමනවලට එළඹේ.
එවැනි තත්වයක් සමඟ කටයුතු කිරීමට ඇති හොඳම ක්රමය එය ඔබේ සහකරු සමඟ සාකච්ඡා කිරීමයි. ඔවුන් වෙනත් කෙනෙකු සමඟ ප්රේම සම්බන්ධතාවයක සිටින විට කිසිවෙකුට බොරු කීමට නොහැකිය. ඔවුන් ඇත්ත කියන්නේ නම් ඔබට එය ඔවුන්ගේ ඇස්වලින් දැකිය හැකිය. කෙසේ වෙතත්, වඩාත්ම අනපේක්ෂිත දේවල් පවා ඇසීමට සූදානම්ව සිටින්න.
ආදර ත්රිකෝණයකට සම්බන්ධ පුද්ගලයින් තිදෙනාගෙන් කිසිවෙකු කැපවී නොසිටීමට ද හැකිය. සමහර අය කිසි විටෙකත් ඔවුන්ගේ හැඟීම් පෙන්වීමට ඉඩ නොදෙන නමුත් එවැනි අවස්ථාවක ඔවුන් පරාජිතයන් හෝ ජයග්රාහකයින් නොවේ. බොහෝ විට, ප්රේම ත්රිකෝණය යන යෙදුම සඳහන් වන විට, සාමාන්යයෙන් එයට සම්බන්ධ වන්නේ දෙදෙනෙකු හා අනියම් සම්බන්ධයක් ඇති පුද්ගලයන් දෙදෙනෙකු සම්බන්ධයෙනි.
කාලය ගෙවී යත්ම එවැනි සම්බන්ධතාවයක් වඩ වඩාත් සංකීර්ණ වේ. ඔවුනට එකට සිටීමට අවශ්ය නමුත් ඒ සමඟම ඔවුන් කැපවී සිටින අනෙක් පුද්ගලයාට රිදවීමට ඔවුන් කැමති නැත.
සමහර විට ප්රේම ත්රිකෝණයක් මානසික ගැටලුවක් ලෙසද හඳුන්වනු ලබන්නේ ඔබ යමක් ගැන වැඩි වැඩියෙන් සිතන තරමට ඔබ එයට සම්බන්ධ වන බැවිනි. අනෙක් අතට, ඔබ එය ඔබේ හිසෙන් ඉවතට ගත්තොත්, එය සමඟ කටයුතු කිරීම පහසු වේ. මෙම ගැටළුව මානසික ගැටලුවක් බවට පත්වන අතර ඒ සමඟ කටයුතු කළ යුතු විට වෘත්තීය උපදේශනය උපකාරී වේ. ඔබ ඒ ගැන අවධානය යොමු නොකරන්නේ නම්, එය ඔබව විනාශ කරයි.
බොහෝ විට, එය අපගේ හිසෙහි පමණක් ඇති මනංකල්පිත දෙයක් පමණි. අනෙක් පුද්ගලයා අපගේ හැඟීම් ගැන නොදැන සිටිය හැකිය. එවැනි අවස්ථාවක, ඔබට රිදවීමට අවශ්ය නැතිනම් ඔබ ජීවිතය සමඟ ඉදිරියට යා යුතුය.
ඔබේ හැඟීම් සැඟවීම සැමවිටම නිවැරදි තේරීමක් නොවේ, විශේෂයෙන් අනෙක් පුද්ගලයා ඔබ ගැනද හැඟෙන විට. කෙසේ වෙතත්, විවෘත හා අවංක වීම යන්නෙන් අදහස් කරන්නේ මෙම ත්රිකෝණයට සම්බන්ධ තුන්වන පුද්ගලයා ගැන ඔබ අමතක කළ යුතු බවයි.
පුද්ගලයෙකුට හානියක් නොවී බේරා ගැනීම සඳහා සමහර විට ඔබ ඔබේ සුවපහසු කලාපයෙන් ඉවත් විය යුතුය. ඔබ එය ආරම්භ නොකළද, විශේෂයෙන් ඔබ තේරීමක් කිරීමට ප්රමාද වූ විට ඔබට ගොදුරක් ලෙස හැඟෙන්නට පටන් ගනී. එවැනි තීරණ ගැනීමට සම්බන්ධතා උපදේශනය ඉතා උපකාරී වේ. නමුත් ඒවා හුදෙක් පහසු නොවේ. ඒවා ඉතා භයානක විය හැකිය.
ඔබ යන්නට තීරණය කළහොත්, ඒ සමඟම රැඳී සිටින්න. ඔබට හරියටම කිරීමට අවශ්ය දේ පිළිබඳව සැකයක් තිබියදීත් තීරණයක් ගැනීමේ කිසිදු තේරුමක් නැත. ඔබ ඔබටම මුහුණ නොදෙන්නේ නම්, අවසානයේදී තුවාල වූ පුද්ගලයා ඔබත් විය හැකිය.
ආදර ත්රිකෝණයක ආදරය අසල ඇති ප්රබලතම හැඟීම වන්නේ වරදකාරි හැඟීමයි. ඔබ එවැනි සංකීර්ණ සම්බන්ධතාවයක කොටසක් නම් වරදකාරි හැඟීමක් ඇති කර ගත යුතු නැත. එතන ඉන්න ගොඩක් අයට ඒක වෙනවා. ඔබට වරදකාරි හැඟීමක් ඇති වූ විට, ඔබ කිසි වැදගැම්මකට නැති කෙනෙකු යැයි සිතීමට පටන් ගනී. මෙම හැඟීම් ඔබව ජය ගැනීමට ඉඩ නොදෙන්න.
අවසානයේදී, අසාර්ථක සම්බන්ධතාවයක් සමඟ කටයුතු කිරීමට හොඳම ක්රමය වන්නේ ජීවිතය සමඟ ඉදිරියට යාමයි. ඔබට කාර්යබහුල විය හැකි බොහෝ දේ ඇත. ඊටත් වඩා හොඳ නම්, ඔබට ත්රිකෝණය ගැන මුළුමනින්ම අමතක කර දැමිය හැකි තවත් අයෙකු සොයා ගත හැකිය.
ආදර ත්රිකෝණ බොහෝ විට තනිවම සෑදී ඇති බව මතක තබා ගන්න. නමුත් ඔබ ඒ ගැන දැනගත් වහාම ඔබ වහාම පියවර ගත යුතුය. එයින් අදහස් කරන්නේ ඔබ බැඳී සිටින පුද්ගලයාට මුහුණ දීම, ඔබේ හැඟීම් ගැන අවංක වීම හෝ හැකි ඉක්මනින් මෙම ත්රිකෝණයෙන් ඉවත් වීම ය.
ඉහත සඳහන් පියවර මගින් ආදර ත්රිකෝණයක් සම්බන්ධ තත්වයක් සමඟ කටයුතු කිරීමේදී සුළු වේදනාවක් හා ප්රායෝගික බවක් ඇති බව සහතික කරයි.
“ආදර ත්රිකෝණය” යන යෙදුම අප සැවොම හුරු පුරුදු වී ඇති හෙයින් එය අප විසින්ම අත්විඳ නොතිබුණද අප බොහෝ චිත්රපට දැක ඇති හෝ ආදර ත්රිකෝණ කතාවක් පදනම් කරගත් නවකතා කියවා තිබිය යුතුය.
ආදර ත්රිකෝණයක බොහෝ වෙනස්කම් තිබිය හැකි අතර ඇතැම් විට පුද්ගලයින් තිදෙනෙකුට වඩා එවැනි සම්බන්ධතාවයකට සම්බන්ධ වේ. සාමාන්යයෙන් එයින් අදහස් කරන්නේ කැපවී සිටින පුද්ගලයින් තම සහකරුගේ අනුදැනුම ඇතිව හෝ නැතිව වෙනත් කෙනෙකු සමඟ අනියම් සම්බන්ධතාවයක් පවත්වන බවයි.
ආදර ත්රිකෝණයක් භයානකද? මෙය බොහෝ අය අසන ප්රශ්නයකි, මන්ද එවැනි මැදිහත්වීමක යෙදීම ශෝකය ගෙන එන්නේද යන්න දැන ගැනීමට ඔවුන්ට අවශ්ය නිසාය. මෙම ලිපිය ගවේෂණය කරන්නේ හරියටම ප්රේම ත්රිකෝණයක සිදුවන අතර එය සමඟ කටයුතු කරන්නේ කෙසේද යන්නයි. මෙහි සාකච්ඡා කර ඇති පියවර මඟින් ඔබට තීරණයක් ගැනීමට ඉඩ සලසයි. එය දුෂ්කර නමුත් හැකි ය.
Leosystem news සැකසුම – තුෂාධවි
කාන්තාවක් කොපමණ සුන්දර වුණත් ඇය ඇවිදින විලාසය එතරම් සුන්දර නැතිනම් ඇය සතු සුන්දරත්වයෙන් කිසිම ප්රයෝජනයක් නැහැ. මොකද කාන්තා සෞන්දර්යය ඔපනංවන ප්රමුඛ සාධකයක් වන්නේ ඇය ඇවිදින විලාසයයි.
රාජකීය පවුලේ කාන්තාවන්ට හැසිරීම් රටා උගන්වන විට, ඔවුන් හොඳින් ගමන් කළ යුතු ආකාරය පිළිබඳව ද පුහුණු කරනු ලැබේ. රාජකීය ඉරියව්වක් පවත්වා ගත යුතු ආකාරය පිළිබඳ පුහුණුවක් ද ඔවුන්ට ලබා දී ඇත.
මනාව ගමන් කිරීමට කාන්තාවකට ශක්තිමත් මාංශ පේශි පද්ධතියක් අවශ්ය වේ.
කාන්තාවක් නොසන්සුන් හෝ කනස්සල්ලට පත්ව සිටී නම්, ඇය ඇවිදීමේදී බොහෝ වැරදි කරයි. නමුත් මේ සියල්ල වැඩිදියුණු කළ හැක්කේ ලස්සන කාන්තා ඇවිදීමේ රහස් ඉගෙන ගැනීමෙන් පමණි.
මෙම ලිපියෙන්, අපි කාන්තාවන් සඳහා ‘රාජකීය ඇවිදීමක’ ලක්ෂණ කිහිපයක් ගවේෂණය කිරීමට බලාපොරොත්තු වන අතර එමඟින් ඔබට මෙම පියවර පහසුවෙන් පුහුණු කර මනාව ගමන් කිරීමට ඉගෙන ගත හැකිය.
කවුරු හරි ඔයාට ලස්සනට ඇවිදින්න කිව්වොත්, ඔයා කොහොමද ඇවිදින්නේ?
තනිකරම ස්ත්රී ස්වරූපයෙන් ගමන් කරන කාන්තාවන් පිරිමින් විසින් ආකර්ශනීය හා සරාගී ලෙස සලකනු ලබන අතර කාන්තාවකගේ සමස්ත පෞරුෂය තුළ කාන්තා ඇවිදීම එතරම් වැදගත් වන්නේ එබැවිනි.
ගැහැණු ඇවිදීමක කළ යුතු හා නොකළ යුතු දෑ කිහිපයක් දෙස බලමු.
නිසි ඇවිදීම කාන්තාවකගේ සමස්ත සෞඛ්යය හා යෝග්යතාවය පිළිබඳ ඉඟි ලබා දෙනවා පමණක් නොව, ඇය වඩාත් ආකර්ෂණීය හා ප්රියජනක පෙනුමක් ලබා දෙයි.ඒනිසා ඔබේ ඇවිදීම වැඩිදියුණු කර වඩාත් ආකර්ෂණීය පෙනුමක් ලබා ගැනීම සඳහා ඔබේ චලනයන් ටිකක් වෙනස් කළ හැකිය.
කාන්තාවක් නිසි ලෙස ඇවිදීමට දන්නේ නම්, ඇය විශ්වාසයෙන්, ආත්ම විශ්වාසයෙන් හා නිහතමානීව සලකනු ලැබේ. අනෙක් අතට, හිස පිටුපසට විසි කරන කාන්තාවන් ආකල්ප හා අහංකාර වාතාවරණයක් ඇති වීදි ගැහැණු ළමයින් ලෙස සැලකේ.
සුන්දර කාන්තා ඇවිදීමේ රහස් දෙස බැලීමෙන් ඕනෑම කෙනෙකුට එම නවීන ආකාරයෙන් ගමන් කරන්නේ කෙසේදැයි ඉගෙන ගත හැකිය.
පිරිමින්ට සාමාන්යයෙන් නිරෝගී, දීප්තිමත් හා සජීවී කාන්තාවන් ආකර්ෂණීය මෙන්ම සරාගී ලෙස පෙනේ. ඔවුන් සොයන්නේ තම අනාගත සහකරියට ජීවිතයේ බර දරා ගැනීමට හැකි වන ලක්ෂණ ය.
නිසි ඇවිදීම යනු කාන්තාවක් තමන්ට සුදුසු දැයි පිරිමියාට පවසන එක් ලක්ෂණයකි. කාන්තාවක් තවම වචනයක්වත් කතා කර නැතත්, ඇගේ ඉරියව්ව සහ ඇවිදීම ඇය ගැන බොහෝ දේ කියයි.
කාන්තාවකගේ ඇවිදීම මගින් ලබා දෙන වැදගත්ම පණිවිඩය නම් ඇය නිරෝගීද, සතුටින්ද, විශ්වාසයෙන්ද යන්නයි. ඔබේ කොඳු ඇට පෙළ ඔබේ ආත්ම අභිමානය සහ විශ්වාසනීය මට්ටම පිළිබිඹු කරයි, එබැවින් ඔබ ඇවිදීමේදී නිසි ඉරියව්වක් පවත්වා ගත යුතුය.
ඔබේ ඇවිදීම වැඩිදියුණු කිරීමට මෙම ලිපියේ සාකච්ඡා කර ඇති ඉඟි අනුගමනය කරන්න.
The Woman – Text by – තුෂාධවි
ජෝන්ස් හොප්කින්ස් විශ්ව විද්යාලයේ (JHU) දත්ත වලට අනුව එක්සත් ජනපදයේ කොරෝනා වෛරස් මරණ සංඛ්යාව 200,000 ඉක්මවා ඇත. වෙනත් කිසිදු රටකට වඩා කොවිඩ් ආසාදිතයින් මිලියන 6.8 කට වැඩි පිරිසක් එක්සත් ජනපදයෙන් වාර්තා වීම ද විශේෂ සිද්ධියකි.
උතුරු ඩැකෝටා සහ ඌටා ඇතුළු ප්රාන්ත ගණනාවක ආසාදිතයින් වැඩිවීම මධ්යයේ මෙම සන්ධිස්ථානය පැමිණ තිබේ.
මාර්තු මාසයේ දී ජනාධිපති ඩොනල්ඩ් ට්රම්ප් කියා සිටියේ මරණ 100,000 ත් 200,000 ත් අතර නම් රට රට “ඉතා හොඳ කාර්යයක්” කරනු ඇති බවයි.
පසුගිය මාසයේ දී, රට තුළ ආසාදිතයින් 15 ක් වාර්තා වූ විට, දින කිහිපයක් ඇතුළත එම සංඛ්යාව “බිංදුවට ආසන්න” වනු ඇතැයි ඔහු පුරෝකථනය කළේය.
JHU විසින් අඟහරුවාදා (22)නව මරණ සංඛ්යාව 200,005 ක් ලෙස වාර්තා කරන ලදී. පසුගිය වසරේ අගභාගයේදී චීනයේ පුපුරා යාම ආරම්භ වූ දා සිට විශ්ව විද්යාලය එක්සත් ජනපද හා ගෝලීය කොරෝනා වෛරස් දත්ත රැස් කරමින් සිටී. එක්සත් ජනපදයේ පළමු ආසාදිතයා පසුගිය ජනවාරි මාසයේදී තහවුරු විය.
පුපුරා යාම පාලනය කිරීම සම්බන්ධයෙන් ජනාධිපති ට්රම්ප්ගේ පරිපාලනය නැවත නැවතත් විවේචනයට ලක්විය.
“පසුගිය මාස හය තුළ ඩොනල්ඩ් ට්රම්ප්ගේ බොරු සහ නොහැකියාව හේතුවෙන්, ඉතිහාසයේ ඇමරිකානු ජීවිතයේ විශාලතම පාඩුවක් අප දුටුවා” යැයි ඩිමොක්රටික් ජනාධිපති අපේක්ෂක ජෝ බිඩෙන් සඳුදා (21) පැවසීය.
“මෙම අර්බුදය සැබෑ අර්බුදයක්. බරපතළ ජනාධිපති නායකත්වයක් අවශ්ය වූ අර්බුදයක් සමඟ ඔහු එයට එකඟ වුණේ නැහැ. ඔහු නායකත්වය දුන්නේ නැහැ. ඔහු වගකීම පැහැර හැරියා. ඔහු ක්රියා කිරීමට අසමත් වුණා. ඔහු කලබල වුණා. ඇමරිකාව ලෝකයේ ඕනෑම රටක නරකම මිල ගෙවා ඇත‘ බිඩෙන් වැඩි දුරටත් කීවේය.
එහෙත් එදිනම ට්රම්ප් කියා සිටියේ තමා සහ තම පරිපාලනය “විශිෂ්ට කාර්යයක්” කර ඇති අතර වසංගතය පාලනය කිරීම සඳහා තමාටම “A +” ලබා දිය යුතු බවයි.
එක්සත් ජනපදය “එන්නතක් සමඟ හෝ නැතිව වසංගතයේ කෙළවර වටකරමින් සිටින” බව ඔහු පැවසීය.
උතුරු ඩැකෝටා හි මෑත සතිවල කොරෝනා වයිරස් රෝගීන්ගේ තියුණු වැඩිවීමක් දක්නට ලැබේ. සඳුදා වන විට ප්රාන්තයේ ක්රියාකාරී රෝගීන් 3,200 කට වැඩි සංඛ්යාවක් වාර්තා වී ඇති අතර 87 දෙනෙකු රෝහල් ගතව සිටින බව නිලධාරීහු පවසති.
ඇසෝසියේටඩ් ප්රෙස් ප්රවෘත්ති ඒජන්සිය උපුටා දක්වන ලද දත්ත වලට අනුව, පසුගිය සති දෙක තුළ ඒක පුද්ගල රෝගීන් සංඛ්යාව සම්බන්ධයෙන් උතුරු ඩැකෝටා රට තුළ පළමු ස්ථානයට පත්ව ඇත.
ඌටා, විස්කොන්සින්, ටෙක්සාස් සහ දකුණු ඩැකෝටා ඇතුළු ප්රාන්තවල ද ආසාදිතයින් ඉහළ යමින් පවතී. ශීත ඍතුවේදී ආසාදන අඛණ්ඩව ඉහළ යනු ඇතැයි යන කනස්සල්ල වැඩි වෙමින් පවතී.
එක්සත් ජනපද බෝවන රෝග විශේෂඥ ඇන්තනි ෆවුසි මේ මස මුලදී අනතුරු ඇඟවූයේ සරත් ඍතුව හා ශීත ඍතුව සඳහා ඇමරිකානුවන් “සැඟවී සිටිය යුතු” බවයි.
පසුගිය සිකුරාදා යාවත්කාලීන කරන ලද කොරෝනා වයිරසය සම්ප්රේෂණය කිරීම පිළිබඳ මග පෙන්වීම සඳුදා රෝග පාලන හා වැළැක්වීමේ මධ්යස්ථාන (සීඩීසී) විසින් ඉවත් කරන ලදී. දැන් ඉවත් කර ඇති උපදෙස් අනුව සීඩීසී පැවසුවේ වෛරසය වාතයේ පවතින අංශු හරහා පැතිරී අඩි 6 (මීටර් 1.8) ට වඩා ගමන් කළ හැකි බවයි. ගෘහස්ථව වායු පවිතකාරක භාවිතා කිරීම පිළිබඳව ද එය උපදෙස් දී තිබේ.
මෙය යෝජිත වෙනස්කම් වල කෙටුම්පත් අනුවාදයක් බවත් එය වැරදීමකින් පළ කර ඇති බවත් සීඩීසී පවසයි.
රෝග පාලන මධ්යස්ථාන (The Centers for Disease Control – CDC)යනු එක්සත් ජනපදයට මහජන සෞඛ්ය මාර්ගෝපදේශන සපයන ගෞරවනීය ආයතනයකි. තවත් බොහෝ රටවල් උපදෙස් සඳහා CDC වෙත යොමු වේ. එබැවින් එය පසුගිය සතියේ කොරෝනා වයිරස් මාර්ගෝපදේශය යාවත්කාලීන කළ විට කොරෝන වයිරසය වාතයේ සැරිසරන කුඩා ජල බිඳිති හරහා පැතිරෙන බවට මත ඉදිරිපත් වීම පුදුමයට කරුණක් විය.
ලෝක සෞඛ්ය සංවිධානය (WHO) කියා සිටියේ වෛරසය පැතිරෙන්නේ කෙසේද යන්න යෝජනා කිරීමට නව සාක්ෂි කිසිවක් නොදන්නා බවයි. සීඩීසී පසුව “කෙටුම්පත් අනුවාදයක්” වැරදීමකින් පළ කර ඇති බව පවසමින් එම මඟ පෙන්වීම ඉල්ලා අස්කර ගත්තේය.
ලෝක සෞඛ්ය සංවිධානය පවසන්නේ වාතය හරහා aerosol සම්ප්රේෂණය සඳහා සාක්ෂි ශක්තිමත් නොවන අතර ප්රධාන මාර්ගය වන්නේ පුද්ගලයාට පුද්ගලයා කැස්ස සහ කිවිසුම් වලින් විශාල ශ්වසන ජල බිඳිති හරහා පැතිරීම බවයි. නමුත් ප්රමාණවත් වාතාශ්රයක් නොමැති ජනාකීර්ණ අවකාශයන්හි වාතය හරහා aerosol සම්ප්රේෂණය සිදුවිය හැකි බව එය පිළිගනී.
එක්සත් ජනපදය විසින් කොරෝනා වයිරසය පිළිබඳ පළමු තහවුරු කරන ලද සිද්ධිය ජනවාරි 21 වන දින නිවේදනය කරන ලදී. දිනකට පසුව ට්රම්ප් මහතා තත්ත්වය මුළුමනින්ම පාලනය කර ඇති බව පැවසූ අතර එය “හොඳ වනු ඇතැයි” ජනතාවට සහතික විය.
නමුත් ආසාදිතයින් ඉතා ඉක්මණින් ඉහළ යාමට පටන් ගත් අතර අපේ්රල් මාසය වන විට එක්සත් ජනපදය වසංගතයේ ගෝලීය කේන්ද්රස්ථානය වූ අතර, වෛරසය ආරම්භ වූ චීනයේ සහ එවකට වඩාත්ම පීඩාවට පත් යුරෝපීය රට වූ ඉතාලියේ රෝගීන් සංඛ්යාව ඉක්මවා ගියේය.
ට්රම්ප් මේ මස මුලදී ඡන්ද දායකයින්ට කියා සිටියේ පුපුරා යාමේ මුල් අවධියේදී ඔහුගේ ක්රියාව “ඉතා ශක්තිමත්” බවයි.
පෙබරවාරි මුලදී බලාත්මක වූ චීනයේ මෑතකදී පැමිණි විදේශීය සංචාරකයින්ට තහනමක් සහ ඊළඟ මාසයේ යුරෝපීය රටවලින් පැමිණෙන සංචාරකයින්ට තහනමක් පැනවීම ඔහුගේ උත්සාහයට සාක්ෂියක් ලෙස ඔහු සඳහන් කළේය.
“මම තහනම නොතැබුවා නම් අපට තවත් දහස් ගණනක් අහිමි වීමට ඉඩ තිබුණි. අප එසේ කරන විට අපි බොහෝ ජීවිත බේරා ගත්තෙමු,” ඔහු පැවසීය.
එහෙත් වෛරසය මැඩපැවැත්වීම සඳහා පියවර ගැනීම මන්දගාමී බවට ට්රම්ප්ට චෝදනා එල්ල වී තිබේ.
පසුගිය සතියේ නිවේදනයක් නිකුත් කරමින් එක්සත් ජනපද සඟරාවක් වන Scientific American පවසා සිටියේ ජනවාරි සහ පෙබරවාරි මාසවල අනතුරු ඇඟවීම් තිබියදීත්, එක්සත් ජනපද ජනාධිපතිවරයා “ආරක්ෂක උපකරණ, කොරොන වයිරස් පරීක්ෂාව හෝ පැහැදිලි සෞඛ්ය මාර්ගෝපදේශ සැපයීම සඳහා ජාතික උපාය මාර්ගයක් සකස් නොකළ” බවයි.
ට්රම්ප් වසංගතය පාලනය කිරීම සම්බන්ධයෙන් පරස්පර විරෝධී පණිවිඩ ලබා දී ඇත.
ඔහු පෙබරවාරි මාසයේ දී මාධ්යවේදී බොබ් වුඩ්වර්ඩ්ට පැවසුවේ වෛරසය “මාරාන්තික දේවල්” බවයි, නමුත් ඊළඟ මාසයේ ඔහු භීතිය වළක්වා ගැනීම සදහා එහි බරපතළකම අවම කළ බවයි‘‘
“මට නිතරම එය(කොරෝනා වසංගතය) සමග සෙල්ලම් කිරීමට අවශ්ය විය. මම තවමත් එය සමග සෙල්ලම් කිරීමට කැමතියි, මන්ද මට භීතියක් ඇති කිරීමට අවශ්ය නැත,” ඔහු වාර්තාගත සම්මුඛ සාකච්ඡාවකදී මාධ්යවේදියාට පැවසීය.
මේ මාසයේ ඡන්දදායකයින් අමතමින් ඔහු එය සිදු කිරීම ප්රතික්ෂේප කරමින් කියා සිටියේ තමා එය ‘ඉහළ මට්ටමක‘ පවත්වා ගත් බවයි.
ට්රම්ප් මුහුණු ආවරණ සම්බන්ධයෙන් පරස්පර විරෝධී මග පෙන්වීමක් ලබා දී ඇති අතර, එක් අතකින් ඒවා අපිරිසිදු යැයි පහත් කොට සලකන අතර අනෙක් පැත්තෙන් ඇමරිකානුවන්ගෙන් ඉල්ලා සිටින්නේ ඒවා පැළඳීමෙන් දේශප්රේමය පෙන්වන ලෙසයි.
ඔහු CDCයට පටහැනි එන්නත් පිළිබඳ පණිවිඩ ලබා දී ඇත. ලබන මස මුලදී ඇමරිකානුවන්ට එන්නතක් ලබා ගත හැකි බව ඔහු මෑතකදී පැවසූ අතර CDC අධ්යක්ෂ රොබට් රෙඩ්ෆීල්ඩ් පවසා ඇත්තේ 2021 මැද භාගයට පෙර එන්නතක් බහුලව ලබා ගත නොහැකි බවයි.
බී.බී.සී. වාර්තාවක් ඇසුරිණි – සකස් කළේ – තීක්ෂණ වෙළෙන්එගොඩ
බස් ප්රමුඛතා මංතීරුවේ හෙට (23) සිට ධාවනය කළ හැක්කේ මගී ප්රවාහන බස්රථ, පාසල් සේවා බස් රථ, කාර්යාල සේවා බස් රථ සහ වෑන් රථවලට පමණක් බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරී ජාලිය සේනාරත්න මහතා කොළඹ අද (22) පැවති ප්රවෘත්ති සාකච්ඡාවක දී ප්රකාශ කළා.
ත්රීරෝද රථ සහ යතුරුපැදි සඳහා දෙවැනි මංතීරුව භාවිත කරන ලෙස ඔහු අදාළ පාර්ශ්වයන්ගෙන් ඉල්ලා සිටියා.
ධනාත්මක විවේචන අනුව නව රථවාහන මංතීරු නීතියේ වෙනස්කම් සිදු කිරීමට ඉදිරියේදී අවශ්ය වුවහොත් කටයුතු කරන බවද පොලිස් මාධ්ය ප්රකාශකවරයා වැඩි දුරටත් සදහන් කළා.
පොලිස් මාධ්ය ප්රකාශකවරයා පැවසුවේ නව රථවාහන මංතීරු නීතිය ක්රියාත්මක කළ පළමු දිනට වඩා අද (22) වන විට රථවාහන ගමනාගමයේ වේගය වැඩි වී ඇති බවත් රථවාහන අනතුරු සිදුවන ප්රමාණය ද අඩු වී ඇති බවයි.
අද (22) දින රජය විසින් පාර්ලිමේන්තුවට ඉදිරිපත් කළ ආණ්ඩුක්රම ව්යවස්ථාවේ 20 වන සංශෝධන පනත් කෙටුම්පත තුළින් තම මූලික අයිතිවාසිකම් උල්ලංඝණය වීමක් සිදුවන හෙයින් එම පනත් කෙටුම්පත ජනමත විචාරණයකින් අනුමත විය යුතු බවට තීන්දුවක් ලබාදෙන ලෙස ඉල්ලා නීතිඥ ඉන්දික ගාල්ලගේ මහතා විසින් අද (22) දින ශ්රේෂ්ඨාධිකරණයට මූලික අයිතිවාසිකම් පෙත්සමක් ගොනු කළා.
පෙත්සමේ වගඋත්තරකරු ලෙස නීතිපතිවරයා නම් කර තිබෙනවා.
යෝජිත 20 වන ආණ්ඩුක්රම ව්යවස්ථා සංශෝධන පනත් කෙටුම්පත තුළින් ආණ්ඩුක්රම ව්යවස්ථාව මගින් සහතික කර තිබෙන මූලික අයිතිවාසිකම් මෙන්ම වෙනත් වගන්ති ද උල්ලංඝනය වීමක් සිදුවන හෙයින් එම පනත් කෙටුම්පත සම්මත කිරීමට අවශ්ය නම් පාර්ලිමේන්තුවේ තුනෙන් දෙකක බහුතර ඡන්දයකින් සහ පසුව එය ජනමත විචාරණයකින් ද අනුමත විය යුතු බවට තීන්දුවක් ලබාදෙන ලෙස ද පෙත්සම්කරු ශ්රේෂ්ඨාධිකරණයෙන් ඉල්ලා තිබෙනවා.
ආණ්ඩුක්රම ව්යවස්ථාවේ 19 වන සංශෝධනය මාර්ගයෙන් හඳුන්වාදුන් ජනාධිපතිවරයාට එරෙහිව මූලික අයිතිවාසිකම් පෙත්සම් ගොනු කිරීමට තිබෙන අවස්ථාව අහිමි කිරීම, මැතිවරණ කොමිසම මගින් නිකුත් කරන නියෝගයක් උල්ලංඝනය කළ අවස්ථාවක අපරාධ නඩු පැවරීම සඳහා එම කොමිසමට ලබාදී තිබු බලය කප්පාදු කිරීම සහ ජනාධිපති සහ අග්රාමාත්ය කාර්යාල මෙන්ම රාජ්ය සමාගම් විගණනයන් ඉවත් කිරීම ද්විත්ව පුරවැසිභාවය සහිත පුද්ගලයින්ට පාර්ලිමේන්තුව සහ ජනාධිපතිවරණයට ඉදිරිපත් වීමට තිබූ බාධාව ඉවත් කිරීම යනාදී මහජනතාවට දැඩි ලෙස අගතිගාමි වන ප්රතිපාදන යෝජිත විසිවන සංශෝධන පනත් කෙටුම්පතෙහි අන්තර්ගතව තිබෙන බව පෙත්සම්කරු චෝදනා කරනවා.
එමෙන්ම ආණ්ඩුක්රම ව්යවස්ථාවේ 19 වන සංශෝධනය මගින් අහෝසි කෙරුණු හදිසි පනත් කෙටුම්පත් ගෙන ඒමට තිබූ අවස්ථාව යෝජිත විසිවන සංශෝධනය තුළින් යළි හඳුන්වා දී ඇතැයි ද පෙත්සම්කරු සඳහන් කර තිබෙනවා.
එමෙන්ම අල්ලස් කොමිසමට පැමිණිල්ලකින් තොරව අල්ලස් සිද්ධියක් විමර්ශන කිරීමටත් තිබෙන අවස්ථාව ද යෝජිත විසි වන ව්යවස්ථා සංශෝධන කෙටුම්පත තුළින් අහෝසි කර ඇති බවත් විගණකාධිපති තනතුර සඳහා තේරීපත්වීමට තිබිය යුතු සුදුසුකම් ද ඒ තුළින් ඉවත් කර ඇති බව ද පෙත්සම්කරු සිය පෙත්සමින් කියා සිටිනවා.
නීතිඥ දර්ශන වේරදුවගේ මහතා මාර්ගයෙන් මෙම මූලික අයිතිවාසිකම් පෙත්සම ගොනුකර තිබෙනවා.
20 වන ආණ්ඩුක්රම ව්යවස්ථා සංශෝධන පනත් කෙටුම්පත අධිකරණ අමාත්ය අලි සබ්රි මහතා විසින් අද (22) පාර්ලිමේන්තුවට ඉදිරිපත් කළේය.
අධිකරණ ඇමැතිවරයා 20 වැනි ව්යවස්ථා සංශෝධන පනත් කෙටුම්පත පාර්ලිමේන්තුවට ඉදිරිපත් කරන අවස්ථාවේදී විපක්ෂය විසින් ඊට දැඩි විරෝධයක් පළ කළේය. සමගි ජන බලවේගයේ මන්ත්රීවරු “20 එපා” යනුවෙන් දැක්වෙන ස්ටිකර් අලවාගෙන, කළුපටි පැළඳ සිටිනු දක්නට ලැබිණි. විපක්ෂයේ සමහර මන්ත්රීවරු විරෝධතා පුවරු ද ප්රදර්ශනය කළහ.
19 වන ව්යවස්ථා සංශෝධනයෙන් හඳුන්වාදුන් ඇතැම් වගන්ති ඉවත් කරමින් සකස් කළ 20 වැනි ආණ්ඩුක්රම ව්යවස්ථා සංශෝධන පනත් කෙටුම්පතට කැබිනට් අනුමැතිය හිමි වූයේ සැප්තැම්බර් 02 වැනිදා ය. අනතුරුව සැප්තැම්බර් 03 වැනිදා එය ගැසට් කරනු ලැබීය.
20 වැනි සංශෝධනයේ ඇතැම් සංශෝධන පිළිබඳ ව එල්ල වූ විවේචන හේතුවෙන් තවදුරටත් සිදුකළ යුතු සංශෝධන සලකාබැලීම සඳහා අග්රාමාත්යවරයා කමිටුවක් පත්කළේය. එම කමිටුවෙන් යෝජනා ඉදිරිපත් කෙරුණ ද පළමුවෙන්ම ඉදිරිපත් කෙරුණු 20 වැනි සංශෝධන කෙටුම්පතම වෙනසකින් තොරව එලෙසම පාර්ලිමේන්තුවට ඉදිරිපත් කිරීමට පසුව ජනාධිපතිවරයා සහ කැබිනට් මණ්ඩලය තීරණය කළහ.
ඒ අනුව ව්යවස්ථානුකූලව, ගැසට් කර දින 14ක් සම්පූර්ණ වී ඇති 20 වන සංශෝධන පනත් කොටුම්පත පාර්ලිමේන්තුවට අද ඉදිරිපත් කෙරිණි.
අද සිට දින හතක් ඇතුළත ඕනෑම පුරවැසියෙකුට එහි ව්යවස්ථානුකූලභාවය අභියෝග කරමින් අධිකරණයේ පෙත්සම් ගොනු කිරීමට අවස්ථාව පවතී. එලෙස විරෝධතා ගොනු නොවන්නේ නම් 20 වන සංශෝධනය දින 7 කට පසු පාර්ලිමේන්තුවේදී දෙවන වර කියවීමේ විවාදයට ගත හැකිය.
කිසියම් පාර්ශවයක් අදාළ කාලය තුළ 20 වන සංශෝධනය අභියෝගයට ලක් කළහොත්, ශ්රේෂ්ඨාධිකරණය පෙත්සම ඉදිරිපත් කළ දින සිට දින 21ක් ඇතුළත සිය තීන්දුව ඉදිරිපත් කිරීම සම්ප්රදාය වේ.
දෙවන වර කියවීමේ ජන්ද විමසීමෙන් අනුමත වීමෙන් පසු සංශෝධන ඇතොත් කාරක සභා අවස්ථාවේදී ඒවා එක් කෙරෙන අතර තුන්වන වර කියැවීමේ ඡන්ද වීමසීමේදී එය පාර්ලිමේන්තුවේ තුනෙන් දෙකක බහුතරයකින් සම්මත විය යුතුය.
අවසාන වශයෙන් කථානායකවරයා පනතට අත්සන් තැබූ විට එය ව්යවස්ථානුකූල නීතිය බවට පත් වේ.