යොවුන් වියේදී සහ තරුණ වියේදී ලිංගික හැගීම් ඇතිවීම අතිෂයින්ම ස්වභාවික දෙයක් බව අපි කවුරුත් දන්නවා. ඒත් අපි බොහෝ දෙනෙක් ඒක පිළිගන්න අකමැති වෙනවා පමණක් නොව ඒකට අභියෝගත් කරනවා.
ඒ වගේම යොවුන් වියේ දී ඇතිවන ලිංගික රුචිකත්වය ගැන අපි බොහෝ දෙනකුට නිවැරදි, නිරවුල්, විශ්වාසනීය දැනුමක් නැහැ. නිසි විද්යාත්මක දැනුමක් නැහැ. ඒ නිසා මිත්යා මතවල දැඩිව එල්බ ගෙන සිටිනවා.
මේ නිසා ඇතිවන ගැටලු හා සංකීර්ණතාවල නිමක් නැහැ. ඒ නිසා අපි තීරණය කළා ‘යෞවනයන් සහ තරුණයන්ගේ ‘ලිංගික රුචිකත්වය’ ගැන ඔබ දැනගත යුතුම දේ !ඔබ වෙත ඉදිරිපත් කිරීමට.
ලිංගික යොමුව
පුද්ගලයෙකු තුළ (මිනිසුන්ට ගැහැණුන්ට හෝ දෙවර්ගයටම) ඇතිවන හැගීම්, ප්රේමය හා ලිංගික ආකර්ෂණය ලෙස මෙම වචනය විග්රහ වේ. වෙනත් අයුරකින් කිවහොත් මෙය එවැනි ආකර්ෂණයක් ඇති සමාජයකට සම්බන්ධ එවැනි හැසිරීම් සහ ආකර්ෂණ පෙන්වන අනන්යතාවයන් ඇති පුද්ගලයින් හැදින්වීම සදහා යෙදුමකි.
ලිංගිකත්වය පිළිබදව අනිකුත් අංග වලින් එනම් ජීව විද්යාත්මක, ගැහැණුන් හා පිරිමින් අතර ඇති ශාරීරික ,මානසික සහ ජානමය ලක්ෂණ, ලාංකික අනන්යතාවය, ගැහැණිය හා පිරිමියා පිළිබදව ඇති මානසිකත්වය සහ ස්ත්රී පුරුෂ සමාජභාවය මගින් පහසුවෙන් වෙන් කර ගත හැකිය.
හැගීම් සහ ස්වයං සංකල්පයක් වන බැවින් ලිංගික යොමුවීම ලිංගික හැසිරීම් වලින් වෙනස් වේ. කෙනෙකුගේ ලිංගික යොමුවීම තම ක්රියාකාරකමින් හෝ ලිංගික හැසිරීම් වලින් පෙන්විය හැකි හෝ නොහැකි විය හැකිය.
ලිංගික යොමුවීම සාමාන්යයෙන් වර්ග 3කට වෙන් කර දැක්විය හැකිය.
- විරුද්ධ ලිංගික
- ද්වි ලිංගික
- සම ලිංගික
ලිංගික යොමුවීම පුද්ගලයෙකුගේ හැගීම් සහ අනන්යතාවයට සම්බන්ධ වන අතර එය පුද්ගලයාගේ පෙනුමෙන් හෝ හැසිරීම් වලින් කිව නොහැක.
පුද්ගලයන් තුළ විරුද්ධ හෝ සමලිංගිකත්වය ආකර්ශනයක් ඇති වුවද ඒ තුලින් ම ඔවුන් ක්රියාත්මක නොවනු ඇත. උදාහරණයක් ලෙස ද්වි ලිංගික පුද්ගලයෙකු ඒක ලිංගිකයෙකු සමග සම්බන්ධයක් පැවැත්වුවද අනික් ලිංගයේ අය සමග කිසිදු සම්බන්ධකමක් නොපවත්වනු ඇත.
කිසියම් ලිංගික යොමුවීමක් ඇතිවීමට හේතු වන්නේ මොනවාද ?
පුද්ගලයයින්ගේ ලිංගික යොමුවීම පිළිබදව බොහෝ මතවාද ඇත. බොහෝ විද්යාඥයින් විශ්වාස කරනු ලබන්නේ මෙය පරිසරය, හැගීම් සහ ජිව විද්යාත්මක කරුණු යන සියල්ලන්ගේ ම බලපෑම්වල එකතුවක් නිසා ඇතිවන බවයි. මෙය ජිව විද්යාත්මක, ජානමය හෝ හෝර්මෝන ක්රියාකාරිත්වය නිසා ඇති වන්නක් බවට කිසිදු නවතම විද්යාත්මක සාක්ෂි නොමැත.
කෙසේ වුවත් සමලංගික බව හෝ ද්විලිංගික බව දෙමාපියන් විසින් දරුවන් ඇති දැඩි කිරීමේ හෝ තරුණ වයසේ දී ඇති වු සමලිංගිකයෙකුගෙන් ඇති වූ ලිංගික බලපෑමක් නිසා හෝ සිදු නොවේ.
සම ලිංගයකයෙකු හෝ ද්වි ලිංගිකයෙකු වීම නොදැනුවත්කම නිසා හෝ සමාජයේ ඇති මුල් බැසගත් මතයක් අනුව කරදර ඇතිවිය හැකි නමුත් ඔහු මානසික රෝගියකු හෝ කිසියම් අසමානතාවයකින් පෙලෙන බව නොපෙන්වයි.
තමාගේ ලිංගික යොමුවීම කෙනෙකු වටහා ගන්නේ කෙසේද ?
බොහෝ දෙනෙකුට තමාගේ ලිංගික යොමුව දැනගැනීමට හැකි වන්නේ නව යොවුන් වියේදී වන අතර බොහෝවිට එවිට ඔවුනට ඒ වන විට කිසිදු ලිංගික සබදතාවයක් නොපවතියි. උදාහරණයක් ලෙස සම ලිංගිකයකු තමාගේ ලිංගික සිතුවිලි සහ ක්රියාකාරකම් තමාගේම ලිංගයේ අය කෙරෙහි ඇතිවන බව දැනගනියි.
සමහර අය වෙනත් පුද්ගලයන් ඇසුරු කිරීමට බොහෝ කලකට පෙර තමා සමලිංගික හො ද්විලිංගික බව දැනගෙන සිටියි. සමහර අය ලිංගික යොමුවීම ගැන කිසිදු අදහසක් නොමැතිව තමාගේම හෝ වෙනස් ලිංගියකුයකු සමග ලිංගික ක්රියාකාරකම්වල යෙදීමට පටන් ගනී.
වැරදි ලිංගික හැසිරීමක් ලෙස තමා වෙත වරද පැටවේය යන බිය හේතුවෙන් බොහෝ දෙනෙකුට තම ලිංගික යොමුවීම සහ අනන්යතාවය පිළිගැනීමට ද නොහැකිවන බැවින් සම ලිංගික හෝ ද්වි ලිංගික බව හදුනා ගැනීම දිර්ඝ කාලයක් ගත වන ක්රියාවලියක් වේ.
නමුත් සමහර අවස්ථාවලදී සමලිංගික හෝ ද්වි ලිංගිකයකු යැයි සිතින් මවාගෙන සිටීම හෝ තමාගේම අය පිලිබදව කතුහලයක් ඇතිවීම සම හෝ ද්වි ලිංගික නොවන කෙනෙකුට සිදුවිය හැකි අතර ඔවුන් එසේ ක්රියාත්මක වීම වුවද සිදුවිය හැක.
කෙනෙකුගේ ලිංගික යොමුවීම වෙනස් කළ හැකිද ?
බොහෝ විද්යාඥයින් එකග වන්නේ ලිංගික යොමුවීම තේරීමක් නොවන නිසා වෙනස් කල නොහැකි බවයි. බොහෝ දෙනෙකුට ලිංගික යොමුවීම ලිංගික වශයෙන් කිසිදු විට පුරුද්දක් නොලබාම නව යොවුන් වයසේදීම ඇතිවේ.
හංවඩු ගැසීම සහ වෙනස්වීම් කිරීමෙන් වැලකීම සදහා සමහර සම ලිංගික හෝ ද්වි ලිංගික අය හැංගි සිටීම හෝ විරුද්ධ ලිංගික සබදකම් පවත්වමින් ජීවත්වීම සිදුකරයි.
තමාගේම හර පද්ධතියට සහ පුද්ගල සිතුම් පැතුම් වලට අනුව ලිංගික යොමුවීම, කෙනෙකුගේ ලිංගික හැසිරීම වෙනස් කිරීමට යෑම තමාට සුදුසු නොවන අතර ඔවුන් ඇති සැටියෙන් බාරගැනිම සිදු කල යුතුයි. එසේ ඔවුන්ට තමාට වඩා වෙනස් ලිංගික යොමුවීමක් ඇතිවීම රෝගී තත්ත්වයක් නොවන බව හැම විටම අවධාරණය කල යුතුයි.
ශ්රී ලංකා පවුල් සැලසුම් සංගමයේ happylife.lk වෙබ් අඩවිය ඇසුරිණි
