පකිස්තානයේ ලාහෝර් සහ කරච්චි වෙත හෙට (28) දිනයේ සිදු කිරීමට නියමිතව තිබූ ගුවන් ගමන් අත්හිටුවීමට ශ්රී ලංකන් ගුවන් සමාගම තීරණය කර තිබෙනවා. ඒ, පකිස්තාන සිවිල් ගුවන් සේවා අධිකාරිය විසින් එරට ගුවන් කලාපය තාවකාලිකව වසා දැමීමට ගත් තීරණය හේතුවෙන්.
පකිස්තානය එවැනි තීරණයක් ගනු ලැබුවේ ඉන්දියාව සමඟ හටගෙන ඇති අර්බුදකාරී තත්වයත් සමඟයි.
විරෝධතාවයක් හේතුවෙන් ඊයේ(23) නාවල මාර්ගය විවෘත විශ්වවිද්යාලය අසල මාර්ගය අවහිරව තිබේ.
පාඨමාලා ගාස්තු අඩු කරන ලෙස ඉල්ලමින් විවෘත විශ්වවිද්යාල සිසුන් පිරිසක් මෙම විරෝධතාවය නිරත වන බව වාර්තා විය.
මේ හේතුවෙන් අදාල මාර්ගයේ දැඩි රථ වාහන තදබදයක්ද වාර්තාවිය.
මාකඳුරේ මධුෂ් පොලිස් වෙසින් කණ්ඩායම් යවා කළ රට හොල්ලන අපරාධ බොහොමයක් ඇත. කළුතර එතනමඩලදී රණාලේ සමයං ඉලක්ක කර බන්ධනාගාර බස් රථයට වෙඩි තබා හත්දෙනකු ඝාතනය කිරීම, මහරගම අරැව්වල නිවෙසකින් රුපියල් කෝටි හත්සියයක් වටිනා දියමන්තියක් කොල්ලකෑම, දෙවුන්දරදී කුඩු කිලෝ එකසිය විස්සක් පැහැර ගැනීම ඒ අතරින් ප්රධාන සිදුවීම්ය.
කළුතර, එතනමඩලදී රණාලේ සමයං ඝාතනය කරන්නට යැවූ අංගොඩ ලොක්කාගේ කල්ලිය පොලිස් නිල ඇඳුමෙන් ප්රහාරයට යැව්වේ මධුෂ්ය. අංගොඩ ලොක්කා පොලිස් පරීක්ෂකවරයකුගේ නිල ඇඳුමෙන්ය. සෙසු සාමාජිකයන් නව දෙනා අතරින් කිහිප දෙනකුද පොලිස් නිල ඇඳුමින්ය. 2007 පෙබරවාරි 27දා කඩුවෙල උසාවියට සමයං රැගෙන එනදා පොලිස් වෙසින් ගොස් වෙඩි තබා ඝාතන ඉලක්කය ගන්නට පෙර මධුෂ් වීඩියෝ දුරකථන ඇමතුමකින් දුන් උපදෙස් මත ගොස් ප්රහාරය එල්ල කරන්නේය. මෙම ප්රහාරයෙන් බන්ධනාගාර නිලධාරීන් දෙදෙනකු ඇතුළු හත් දෙනකු ඝාතනය වන්නේය.
පාකිස්තාන් මත්කුඩු ජාලය හරහා රැගෙන එන කුඩු කිලෝ එකසිය විස්සක් සොයා පොලිස් මත්ද්රව්ය නාශක අංශය දකුණට යන්නේ පෑලියගොඩ මත්ස්ය වෙළෙඳ සංකීර්ණයේ මාළු වෙළන්දන් අතරේ කුඩු ජාවාරම කරගෙන ගිය කෝටිපති ව්යාපාරිකයන් ගැන කළ විමර්ශනයකදීය. පිය, පුතු, දෙදෙනකු මත්ස්ය ව්යාපාර අතරේ කුඩු ජාවාරම සිදු කරන බව හෙළිවන්නේ පොලිස් මත්ද්රව්ය නාශක අංශය කරන විමර්ශනයකදීය. මාළු රැගෙන එන ලොරි අස්සේ මත්කුඩු රැගෙන එන මෙම ජාවාරම සොයා දෙවුන්දරට යද්දී මාකඳුරේ මධුෂ් වෙනත් කණ්ඩායමක් යොදවා එම කුඩු තොගය පැහැර ගත්තේය. එය මෙහෙය වූයේ දෙවුන්දර ප්රදේශයේ ප්රාදේශීය දේශපාලනඥයෙකි. පොලිස් මත්ද්රව්ය නාශක අංශය කුඩු තොගය සොයා දකුණට යන විටත් ඔවුන් ලෙසින් ගිය මධුෂ්ගේ කණ්ඩායම එය පැහැරගෙන අවසන්ය. මෙදින මධුෂ්ගේ නියෝග මත පැහැර ගන්නේ පාකිස්තාන් මත්කුඩු ජාවාරමේ නිරත ප්රබලයකු වන අන්නාසි මොරිල්ගේ කුඩු තොගයකි.
මව්බිම පුබුදු වික්රමතිලක
අත්යාවශ්යය නවීකරණ කටයුත්තක් හේතුවෙන් අද (13) බදාදා පෙරවරු 8.00 සිට පසුදා පෙරවරු 5.00 දක්වා පැය 21ක කාලයක් මහරගම, බොරලැස්ගමුව, කොට්ටාව, පන්නිපිටිය, රුක්මල්ගම, පැලැන්වත්ත, මත්තේගොඩ, හෝමාගම, මීපේ සහ පාදුක්ක යන ප්රදේශවල ජලය අත්හිටුවන බව ජාතික ජල සම්පාදන හා ජලාපවාහන මණ්ඩලය සඳහන් කරයි.
මේ පිළිබඳව වැඩි විස්තර විමසීම සඳහා ජාතික ජල සමිපාදන හා ජලාපවාහන මණ්ඩලයේ කෙටි දුරකථන අංකය වන 1939 ඇමතීමෙන් ලබාගත හැකි බවද එම මණ්ඩලය වැඩිදුර අදහස් දක්වයි.
පසුගිය දින වලදී නිවාස සංවර්ධන අධිකාරයේ සිදුවූ විශාල ප්රමාණයේ අක්රමිකතා පිළිබඳව නිවාස සංවර්ධන අධිකාරිය සුරැකීමේ සංවිධානය විසින් මාධ්ය හමු ගනනාවක් පවත්වමින් තොරතුරු අණාවරනය කල අතර එම තොරතුරු වලින් සජිත් ප්රේමදාස මහතා දුගී මිනිසුන්ට නිවාස දී දෙවියෙකු මෙන් වැජඹෙමින් සිටි කාලය අහවර විය.එම නිවාස දෙන ආකාරය ගැන මේ වන විට රටම දැනගෙන සිටින අතර සජිත් ප්රේමදාස වෙත ජනතා අප්රසාදය සීග්රෙයන් වැඩි වෙමින් ඇත.
එවන් වකවානුවක මේ කරුණු ඉස්මතු කරමින් මුහුණුපොත වැනි සමාජ මාධ්ය වල සජිත් ප්රේමදාසට එදිරිව සිය මත පල කරන්නන් නිහඬ කිරීමේ රහස් වෑයමක් මේ වන විට එළිවෙමින් පවතී.එනම් එසේ සජිත් ප්රේමදාස මහතාව විවේචනය කරන්නවුන් හට ව්යාජ මුහුණුපොත් ගිණුම් මගින් අමු තිත්ත කුණුහරුයෙන් බැන වැදීමත් ඔවුන්ගේ මව පියා බිරිඳ දරුවන් සහ පෙම්වතිය හෝ පෙම්වතා වැනි අතිශය සමීපමයන්ගේ මුහුණු පොත් ගිණුම් වලට ගොස් ඔවුන්ගේ ඡායාරූප ලබාගෙන එම ඡායාරූප එඩිට් කර ඔවුන්ට මඩ ගැසීමේ සූක්ෂම උපායයි. මෙමගින් එසේ සජිත් ප්රේමදාසට විරුද්ධව මත පල කරන්නන් නිහඬ කිරීමට SPG 2020 නමින් සයිබර් මඩ බලකායක් පවත්වාගෙන යන අතර ඊට අමතරව මෙම SPG -2020 කණ්ඩායමට පැවරී ඇති කාර්ය නම් නගරවලින් ඔබ්බට ඈත ගම්මාන වලට ගොස් ඒ ගම් වල වෙසෙන අහිංසක ජනතාව අතර එජාප වත්මන් පක්ෂ නායකයා වන රනිල් වික්රමසංහ සහ ඉදිරියේදී ජනාධිපති අපේක්ෂකයින් ලෙස දැනට කරලියේ නිතර නම් කියවෙන පාඨලී චම්පික රණවක / කරූ ජයසූරිය / නවීන් දිසානායක යන මහත්වරුන් එජාප අනාගතය විනාස කරන බවත් එජාපය ගොඩගැනීමට හැක්කේ සජිත් ප්රේමදාසටම පමණක් බවත් මතයක් සමාජගත කිරීමය.
එජාප වේදිකාවේ පක්ෂ නායක රනිල් වික්රමසිංහගේ ගුණ ගයන සජිත් මෙසේ සිය කණ්ඩායම් නගරවලින් පිට ගම්මාන වලට යවා ඉතා සූක්ෂම ලෙස රනිල්ගේ සහ ඉහත කී අයගේ රෙදි ගලවන්නේ කිසිම හිරිකිතයකින් තොරවය.සජිත් මේ ගෙනියන්නේ 2015 වන විට මංගල ගෙන ගිය තියරියම බව යාන්තමින් ඇස් ඇරිය බළල් පැටියෙකුට උවද තේරෙනවා නොඅනුමානය.සජිත් විසින් මීට කලින් දෙවරකදී එජාපය හයිජැක් කිරීමට උත්සාහ කලද සජිත්ගේ සුකුමාල ළඳ බොළද කම් හමුවේ ඒ වෑයම් අසාර්ථක වූ අතර මෙවර අහිංසක ජනතාව බළලා කර ජනපති අපේක්ෂක කොස් ඇටය බා ගැනීමට සැළසුම් කර ඇත.තමන්ගේ ජනපති සිහිනය වෙනුවෙන් පක්ෂයේම නමක් තියාගෙන ඉන්න කරූ ජයසූරිය නවීන් දිසානයක වැනි අයත් රනිල් සහ පාඨලී යන අයවත් සමස්ථයක් ලෙස එජාපයම මේ යන ක්රමය වැරදියි එය නිවැරදි කිරීමට හැක්කේ සජිත්ට පමණක් යැයි කීමෙනුත් සජිත් විසින් කරන මෙම පක්ෂ විරෝධී ක්රියාවලිය නතර කිරීම පිරිසිදු එජාප පාක්ෂිකයාගේ වගකීමකි.
එලෙස මෙම SPG -2020 මඩ බලකාය විසින් ඉහත කී ආකරයේ ගසන ලද මඩ සහ කුණුහරුප වල ස්කීන් ෂොට් කිහිපයක් පහතින්,
තමන්ට ලබාදී ඇති මරණ දඩුවම අභියොගයට ලක් කරමින් ගම්පොල විදානගේ සමන්ත කුමාර නොහොත් වෙලේ සුදා නැමැත්තා ගොනු කළ අභියාචන පෙත්සම පෙබරවාරි මස 15 වනදා වැඩිදුර විභාගයට ගැනීමට අභියාචනාධිකරණය අද නියෝග කරන ලදී.
ඒ, අදාළ පෙත්සම දීපාලි විජේසූරිය සහ අචල වෙන්ගප්පුලි යන ද්විපුද්ගල විනිසුරු මඩුල්ල හමුවේ කැදවූ අවස්ථාවේදීය.
2008 වර්ෂයේ ගල්කිස්ස ප්රදේශයේ දී හෙරොයින් ග්රෑම් 7කට අධික ප්රමාණයක් සන්තකයේ තබාගෙන ජාවාරම් කිරීමේ චෝදනාවට කොළඹ මහාධිකරණය විත්තිකරුට මරණ දණ්ඩණය නියම කරන ලද අතර ඒ, 2015 වසරේ ඔක්තොම්බර් මස 14 වනදායි.
හිටපු කළුතර ප්රාදේශිය සභාපති ලක්ෂ්මන් විදානපතිරණ මහතා අල්ලස් චෝදනාවකට අවුරුදු 5ක සිරදඩුවමක් අද ( 7) නියම කළේය.
ඒ කොළඹ මහාධිකරණය විසින් නඩුව කැඳවු අවස්ථාවේදිය.
ද්රවිඩ ජනතාවගේ අයිතීන් නොදීම සම්බන්ධයෙන් එක්සත් ජාතීන්ගේ මහලේකම් ඇන්ටෝනියෝ ගුටාරෙස් හමුවී සාකච්ඡා කරන බව උතුරු පළාත් සභාවේ හිටපු මහ ඇමැති සී. වී. විග්නේෂ්වරන් මහතා ප්රකාශ කර ඇත.
ද්රවිඩ ජාතීන්ට ස්වයංපාලන ලබාගැනීම සහ ශ්රී ලංකාවේ හමුදාවට එරෙහිව ජාත්යන්තර යුද අපරාධ පරීක්ෂණක් ලබා ගැනීම තම අරමුණ බවද ඔහු කියා සිටියේය.
යුද අපරාධ විමර්ශනය සඳහා ජිනීවා මානව හිමිකම් කවුන්සිලය ශී්ර ලංකාවට ලබාදුන් කාලය මාර්තු මස අවසන් වන බව පැවසූ විග්නේෂ්වරන් මහතා ද්රවිඩ හිමිකම් ලබාගැනීම සඳහා එක්සත් ජාතීන්ගේ මහලේකම් වෙත යෝජනාවලියක් ඉදිරිපත් කරන බවද සඳහන් කර ඇත.
ද්රවිඩ ජාතීන්ට එරෙහිව සමූල ඝාතන ක්රියාදාමය තවදුරටත් සිදුවන බවට චෝදනා කළ විග්නේෂ්වරන් ද්රවිඩ ජනතාවගේ ඉඩම් අත්පත් කරගෙන ඇති බවත් අයිතිය ලබාදීම පැහැර හැර ඇති බවත් කීය.
ද්රවිඩ අයිතීන් උදෙසා තමා ගජේන්ද්ර කුමාර් පොන්නම්බලම්, සුරේශ් ප්රේමචන්ද්රන්, අසන්තුරේසන් සහ ආනන්දි සසිතරන්ගේ සහය ද ලබාගන්නා බව විග්නේෂ්වරන් කීවේය.
කොළඹ 07 පිහිටි ජාතික රූපවාහිනි සංස්ථාවේ මේ වන විට උණුසුම් තත්වයක් ඇතිව තිබේ.
සේවකයක් විසින් සභාපතිනි ඉනෝකා සත්යාංගනීගේ කාර්යාලය වටලා විරෝධය පල කරමින් සිටිති.
දේශපාලන හේතුන් මත සේවකයන් 21 දෙනෙකු ස්ථාන මාරු කිරීමට විරෝධය පල කරන ඔවුන් ආයතනයේ අලෙවි කළමනාකාරැ වහා සේවයෙන් ඉවත් කරන ලෙසද ඉල්ලා සිටී.
එමෙන්ම අලෙවි කළමනාකරුගෙන් ආයතනයට මේ වන තෙක් සිදුව ඇති පාඩුව පියවා ගන්නැයිද ඔවුන් ඉල්ලති.
රේගු නිලධාරීන් විසින් ආරම්භ කර තිබෙන අකුරට වැඩ කිරීමේ වෘත්තීය ක්රියාමාර්ගයට සහයෝගයක් වශයෙන් වාප්පු ලිපිකරුවන්, කන්ටේනර් රථ රියැදුරන් හා රේගු නියාමක නිලධාරීන් අද (05) දින සිට අකුරට වැඩ කිරීමේ ක්රියාමාර්ගය ආරම්භ කරන බව ශ්රී ලංකා නිදහස් රජයේ වෘත්තීය සමිති සන්ධානය සඳහන් කරයි.
තම සන්ධානය යටතේ සිටින සාමාජිකයන් උදෑසන 8.00 සිට මෙම ක්රියාමාර්ග දියත් කරන බවත්, මීට අමතරව අකුරට වැඩ කිරීමේ වෘත්තීය ක්රියාමාර්ගය වැඩවර්ජනයක් දක්වා ක්රියාත්මක වුවහොත් තම කණ්ඩායමද එම ක්රියාමාර්ගයම ක්රියාත්මක කරන බවත් එම සංගමයේ කැඳවුම්කරු රෝ විජේකෝන් මහතා සඳහන් කළේය.
පවතින ගැටලුකාරී තත්ත්වය පිළිබඳ අද (05) දින සවස ශ්රී ලංකා නිදහස් පක්ෂ මහලේකම් දයාසිරි ජයසේකර මහතා දැනුවත් කරන බවත්, ඉන් පසු ජනාධිපති මෛත්රීපාල සිරිසේන මහතා දැනුවත් කරන බවද හෙතෙම පවසා සිටියේය.
මෑත ඉතිහාසයේ රේගුවට පත්වූ අධ්යක්ෂ ජනරාල්වරුන්ගෙන් නීතිය අකුරටම ක්රියාත්මක කරනුයේ ස්ථාන මාරු ලබාදුන් අධ්යක්ෂ ජනරාල්වරිය බවත්, ඒ පිළිබඳ ජනාධිපති මෛත්රීපාල සිරිසේන මහතා දැනුවත් කරන බවත් කැඳවුම්කරු සඳහන් කළේය.
තම සන්ධානයේ සාමාජිකයන්ද අකුරට වැඩ කිරීම ආරම්භ කිරීමත් සමග දැනට දිනකට වරායෙන් ඉවතට යන කන්ටේනර් දෙසීයකට ආසන්න ප්රමාණය හරි අඩක් හෝ ඊට ආසන්න ප්රමාණයකින් අඩුවී යන බවද ඔහු පවසා සිටියේය.
පුත්තලම කරුවලගස්වැව නීලබැම්ම ගම්මානයේ අතරුදන් වූ දැරිය සොයා විල්පත්තු වනෝද්යානය තුළ ඊයේ(2) දා ද විශේෂ මෙහෙයුමක් සිදු කරන ලදී. එහෙත් ඊයේ දිනය තුළත් දැරිය පිළිබඳ කිසිඳු තොරතුරක් හෙළි කර ගැනීමට හැකි වී නොමැති බව වාර්ථා වේ
පොලීස් නිලධාරීන් සහ සිවිල් ආරක්ෂක නිලධාරීන් ඇතුළු 200කට වැඩි කණ්ඩායමක් මෙම මෙහෙයුමට එක්ව සිටි අතර වනෝද්යානය තුළට කිලෝ මීටර් 09ක පමණ දුරක් ඔවුන්ගේ සෝදිසියට ලක්වූ බව වාර්ථාවේ.
දැරියගේ අතුරුදන් වීම සම්බන්ධයෙන් ඇගේ මව සහ පවුලේ සෙසු පිරිස් විසින් වරින්වර පරස්පර විරෝධී තොරතුරු සැපයීම ද පරීක්ෂණවලට බාධාවක් වී ඇත. දැරියගේ පියා පවුල අතහැර ගොස් වෙනත් විවාහයක් කර ගැනීමට අපේක්ෂාවෙන් සිටින්නෙක් වන අතර මෙම දැරිය සිව්වන වියේ පසුවේ.
ශ්රී ලංකාවේ ලාඳුරු රෝගින්ගේ ප්රමාණය ආසන්න වසර 10ක කාලයේදී වසරකට 2000 බැගින් වර්ධනය වී ඇති බව සෞඛ්ය ප්රවර්ධන කාර්යාංශය සඳහන් කරයි.
2018 වසරේදී ශ්රී ලංකාවේ සෑම දිස්ත්රික්කයකින්ම ලාඳුරු රෝගින් 1683ක් වාර්තා වී ඇති බවත් එසේ හඳුනාගත් රෝගීන්ලේ වැඩිම ප්රමාණයක් බස්නාහිර පළාතෙන් (691/ 41%) වාර්තා වී ඇති බවත් එම කාර්යාංශය පෙන්වා දෙයි.
ලාඳුරු යනු බැක්ටීරියාවකින් බෝවන නිදන්ගත රෝගයක් බවත් ශ්වසන මාර්ගයෙන් නිකුත්වන ආසාදිත බිඳිති මඟින් රෝගය ව්යාප්ත වෙන බවත් කාර්යාංහය සඳහන් කරයි.
එසේම නිසි ප්රතිකාර ලබාගැනීමෙන් රෝගය සුව කළ හැකි බවත් රෝග ලක්ෂණ මතුවී මාස 6ටත් වඩා ප්රමාද වී ප්රතිකාර සඳහා පැමිණෙන සංඛ්යාව 30%ක් දක්වා ඉහළ ගොස් ඇති බවත් එම කාර්යාංශය වැඩිදුරටත් පවසයි.
වැඩිහිටි සුරැකුම් මධ්යස්ථාන ආරම්භ කරන්නන්ට රාජ්ය හා පෞද්ගලික බැංකු වලින් සහන පොලි පදනම යටතේ රුපියල් කෝටියක ණය මුදලක් ලබාදීමට මුදල් අමාත්යාංශය කටයුතු යොදා තිබේ.
අයෝජනයක් ලෙස වැඩිහිටි සුරැකුම් මධ්යස්ථාන ආරම්භ කර ඒවා මුදල් අය කිරීමේ පදනම මත ක්රියාත්මක කරගෙන යාමට අපේක්ෂා කරන්නන්ට එම ණය ඉල්ලුම් කළ හැකි බවද එම අමාත්යාංශය සඳහන් කරයි.
ඒ අනුව සියයට 75ක සහන පොලියක් මත රජයේ හා පෞද්ගලික අංශයේ බැංකු මගින් එම ණය නිකුත් කරන බවද මුදල් අමාත්යාංශය පවසයි.
මෙරට ජනගහණයෙන් වැඩිහිටි ජනගහණය ක්රමයෙන් වැඩි වෙමින් පවතින අතර 2050 වන විට මුළු ජනගහණයෙන් සියයට 28ක් වැඩිහිටි ජනගහණයක් අපේක්ෂා කරන බවද මුදල් අමාත්යාංශය කියයි.
කෘතීම වැසි මඟින් ජල විදුලිය නිලදවීම ගැන මීට ඉහත නියඟ කාලයන් වලදී කතාබහට ලක්වූවත් ඒ ඒ කාලවල විදුලිබල ඇමතිව සිටි කිසිම අමාත්යවරයෙකුට එම අදහස සාක්ෂාත් කරගැනීමට නොහැකි විය.එසේ තිබියදී නියඟයක් ඇතිවීමට පෙර ඒයට සූදානම් වීමක් වශයෙන් දුරදිග බලා වැඩ කරන අමාත්ය රවී කරුණානායක මහතා විසින් පලමු වරට මෙරට තුල කෘතිම වැසි ඇතිකිරීම සදහා ගිවිසුම් අත්සන් කිරීමක් ඊයේ දිනයේ සිදු විය.
විදුලිබල, බලශක්ති අමාත්යංශය හා ශ්රී ලංකා ගුවන් හමුදාව අතර මෙම ගිවිසුම අත්සන් තැබූ අතර මෙහි ප්රතිඵල පෙබරවාරි මස අග භාගයේදී දක්නට හැකි වනු ඇති බව ඇමති රවි කරුණානායක මහතා සදහන් කලේය.
නියග පවතින කාලයේදී ජලවිදුලි බලාගාර ප්රදේශවලට කෘතිම වර්ෂා ඇති කර ජල විදුලිය විපදවීමට මෙයින් හැකියාව ලැබෙන බව ගුවන් හමුදාපතිවරයා එහිදී පැවසූ අතර රවී කරුණානායක මහතාගේ දුරදක්නා නුවන ඇගයීමටද අමතක කලේ නැත.
නල්ලතණ්නියේ පොදු රථ ගාලේ ජල සැපයුම විසන්ධි කර ඇත. මේ නිසා ශ්රී පාද වන්දනාවේ පැමිණෙන සැදැහැවතුන් දුෂ්කරතාවන්ට මුහුණ දෙන බවයි වාර්තා වේ.
එළඹෙන සති අන්තයේ දුරුතු පොහොය ද යෙදී ඇති බැවින් ඒ හේතුවෙන් සැදැහැවතුන් වැඩි පිරිසක් එම සති අන්තයේ දී ශ්රීපාද වන්දනාවේ පැමිණෙනු ඇතැයි අපේක්ෂිතයි. ඒ බව සැලකිල්ලට ගනිමින් හෝ විසන්ධි කර ඇති ජල සැපයුම නැවත ලබාදෙනු ඇතැයි බලාපොරෙත්තු වේ.
මේ සම්බන්ධයෙන් ජලසම්පාදන හා ජලාපවහන මණ්ඩලයේ නුවරඑළිය දිස්ත්රික් ඉංජිනේරු තරිඳු නිරෝෂන්ගෙන් ද විමසීමක් කල අතර ඔහු පැවසුවේ අදාළ ජල සැපයුම සඳහා ගෙවීම් නියමිත පරිදි සිදු කර නොමැති බවයි. ජල සැපයුම විසන්දි කර ඇත්තේ ද ඒ අනුව බව ඔහු පැවසන ලදී.
මෙම ජල සැපයුම විසන්ධි කෙරුණ ද ශ්රීපාද වන්දනාවේ පැමිණෙන සැදැහැවතුන්ට දුෂ්කරතාවක් ඇති නොවීම සඳහා එහි ඇති නොමිලේ ජල සැපයුම් සේවා තවදුරටත් පවත්වාගෙන යන බවද මෙහිදී ප්රකාශ කෙරුණි.
මේ අතර විසන්ධි කර ඇති නල්ලතණ්නිය පොදු රථ ගාලේ ඇති ජල සැපයුම්වල ගෙවීම් නියමිත පරිදි සිදු නොවීම පිළිබඳව ද විමසා බැලීමක් කල විට අනාවරණ වුයේ පරිපාලන ගැටළුවක් නිසා මෙම ගෙවීම් නිසි පරිදි සිදුව නොමැති බවයි.
අදහස් දැක්වූ අයෙක් සඳහන් කළේ “කලින් මේක තිබ්බේ අඹගමුව ප්රාදේශීය සභාව යටතේ.. එතකොට බිල ගෙවලා තිබ්බේ නෑ.. නමුත් දැන් තියෙන්නේ මස්කෙලිය ප්රදේශීය සභාවට..ගියපාර ටෙන්ඩර් සල්ලි ඔක්කොම ගත්තේ අඹගමුව ප්රාදේශීය සභාව.” යනුවෙනි.
නිලධාරීන්ගේ හෝ බලධාරීන්ගේ ක්රියා නිසා ඇති වන පරිපාලන ගැටළුවලින් මහජනතාව පීඩා විදින්නේ නම් එය අනුමත කළ නොහැකි තත්වයකි. ඒ නිසා ශ්රීපාද වන්දනාවට පැමිණෙන සැදැහැවතුන්ට දුෂ්කරතාවක් ඇති නොවන පරිදි නල්ලතණ්නියේ මෙම ජල ගැටළුව විසදීමට සියලූදෙනා යුහුසුළු විය යුතු වන බව දන්වා සිටිමු.
පැරණි මනාප ක්රමයට පළාත් සභා මැතිවරණ පවත්වන්නේ නම් එමගින් සිදු වන්නේ ජනමතය යටපත් කිරීමක් බව ජනතා විමුක්ති පෙරමුණ පවසයි.
මීට පෙර කළ විමසීමක දී පළාත් සභා හා පළාත් පාලන අමාත්යංශයේ ලේකම් කමල් පද්මසිරි පැවසුවේ පැරණි ක්රමයට පළාත් සභා මැතිවරණ පැවැත්වීමට මේ වනවිටත් කෙටුම්පත් සකස් කෙරෙමින් ඇති බවයි. සති 02ක් ඇතුළත නීති කෙටුම්පත් දෙපාර්තමේන්තුව එහි කටයුතු අවසන් කරනු ඇතැයි ද එහිදී ප්රකාශ කෙරුණි.
කෙසේවෙතත් ජනතා විමුක්ති පෙරමුණ පෙන්වා දෙන්නේ පළාත් සභා මැතිවරණ කඩිනමින් පැවැත්විය යුතු නම් ඊට ඇති සුදුසුම ක්රමය නැවත පැරණි ක්රමය බල ගැන්වීම නොවන බවයි. පාර්ලිමේන්තු මන්ත්රී බිමල් රත්නායක ඒ පිළිබඳ සඳහන් කරන ලද අතර එහිදී “ඡන්දය නිසි කලට පවත්වන්නට නොහැකි වී ඇත්තේ එජාපයත් රාජපක්ෂ කණ්ඩායමත් සහ මෛත්රිපාල කණ්ඩායමත් සීමා නීර්ණ වාර්තාව පරාජයට පත් කරපු නිසා” යනුවෙන් ද සඳහන් කලේය.
කෙසේවෙතත් එක්සත් ජනතා නිදහස් සන්ධානය පවසන්නේ පළාත් සභා මැතිවරණ පැරණි ක්රමයට පැවැත්වීම සඳහා පාර්ලිමේන්තුවේ පක්ෂ නායකයින් එකගතාවකට එළඹ ඇති බවයි. එහි මහ ලේකම්, පාර්ලිමේන්තු මන්ත්රී මහින්ද අමරවීර මේ බව සඳහන් රෙන ලදී.
පළාත් සභා 09න් පළාත් සභා 06ක නිල කාලය මේ වනවිට අවසන්ව ඇති අතර ඒ, උතුරුමැද, නැගෙනහිර, සබරගමුව, මධ්යම, වයඹ සහ උතුර යන පළාත් සභාවලයි. බස්නාහිර, දකුණ සහ ඌව යන පළාත් සභාවල පමණක් නිල කාලය තවත් ඉතිරිව ඇත. එසේ තිබියදීත් පළාත් සභා මැතිවරණ පැවැත්වීමට නොහැකි වී ඇත්තේ එම මැතිවරණ සමානුපාත සහ කොට්ඨාශ මිශ්ර නව ක්රමයට පැවැත්වීමට පාර්ලිමේන්තුව විසින් නීති සම්මත කර ඇතත් ඊට අවශ්ය සීමා නිර්ණයන් පාර්ලිමේන්තුව විසින් තවමත් සම්මත කර නොමැති නිසාය. ඒ අනුව සීමා නිර්ණයන් සම්මත කිරීම තවදුරටත් ප්රමාද වන්නේ නම් පැරණි ක්රමයට හෝ පළාත් සභා මැතිවරණ පැවැත්විය යුතු බවට මත ඉදිරිපත් වී ඇත.