ජනාධිපතිවරණය කල් දැමිය යුතු බවට මීට පෙර යෝජනා කළ එක්සත් ජාතික පක්ෂයේ මහලේකම් පාලිත රංගේ බණ්ඩාර, එම ඡන්දය කඩිනමින් පවත්වන්නැයි අද (ජූලි 17) මැතිවරණ කොමිසමෙන් ඉල්ලීමක් කිරීම දේශපාලන කරළිය තුළ කුකුසක් ඇතිකර තිබේ.
රංගේ බණ්ඩාර සමග එම සාකච්ඡාවට එක්සත් ජාතික පක්ෂයේ සභාපති වජිර අබේවර්ධන ද සහභාගී විය.
මැ.කො. හමුවෙන් අනතුරුව මාධ්යවේදීන් සමග ඔවුන් සඳහන් කළේ රනිල් වික්රමසිංහ ජනාධිපතිවරණය තරග කරන අතර ජනාධිපතිවරණය කල් දැමීමේ සුදානමක් එක්සත් ජාතික පක්ෂයට නොමැති බවය.
බස්නාහිර පළාත ලක්ෂ 50ක පමණ ජනතාවක් ජීවත් වන විශාල නගරයක් ලෙස සංවර්ධනය කිරීමට සැලසුම් කර තිබෙන බව ජනාධිපති රනිල් වික්රමසිංහ මහතා පැවසීය.
ගමත්, නගරයත්, වතුකරයත් ආවරණය වන පරිදි ජනතාවට සින්නක්කර ඉඩම් සහ නිවාස අයිතිය ලබාදීමට කටයුතු කරන බවත්, කිසිදු ආණ්ඩුවක් ක්රියාත්මක නොකළ මෙම විප්ලවීය වැඩපිළිවෙල රජය ආරම්භ කළේ රටේ ජනතාවට සහනයක් ලබාදීමට බවත් ජනාධිපතිවරයා පැවසීය.
ජනාධිපති රනිල් වික්රමසිංහ මහතා මේ බව සඳහන් කර සිටියේ කොළඹ, සුගතදාස ගෘහස්ත ක්රීඩාංගණයේදී අද පස්වරුවේ (17) පැවති කොළඹ නගරයේ මහල් නිවාසවල ජීවත්වන අඩුආදායම්ලාභී පවුල් 50,000කට සින්නකර ඔප්පු ලබාදීමේ “රන්දොර උරුමය” වැඩසටහනට එක්වෙමිනි .
ජනාධිපති රනිල් වික්රමසිංහ මහතාගේ සංකල්පයකට අනුව 2024 අයවැය යෝජනා මඟින් ලක්ෂ 20ක ජනතාවට සින්නක්කර ඉඩම් අයිතිය ලබාදීමේ උරුමය වැඩසටහන සහ කොළඹ නගරයේ මහල් නිවාසවල ජීවත්වන අඩු ආදායම්ලාභී පවුල් ලක්ෂ දෙක හමාරකට එම නිවාසවල පූර්ණ අයිතිය ලබාදීමේ වැඩසටහන ක්රියාවට නැංවිණි.
මෙහි පළමු අදියර යටතේ කොළඹ නගරයේ මහල් නිවාසවල ජීවත්වන අඩුආදායම්ලාභී පවුල් 50,000කට සින්නකර ඔප්පු ලබාදීමට නියමිත අතර නාගරික සංවර්ධන අධිකාරිය යටතේ ඇති නිවාස 937 ක් හා ජාතික නිවාස සංවර්ධන අධිකාරිය යටතේ ඇති නිවාස 180 ක් ඇතුළු හිමිකම් ඔප්පු 1117ක් ප්රදානය කිරීම අද සංකේතවත්ව සිදු විය.
ඒ අනුව නාගරික සංවර්ධන අධිකාරියට අයත් මිහිඳු සෙත්පුර, සිරිසර උයන, මෙට්ට්රෝ නිවාස සංකීර්ණවල නිවැසියන්ට හා ජාතික නිවාස සංවර්ධන අධිකාරිය යටතේ ඇති, මහල් නිවාස 31 නිවැසියන්ට මෙම “රන්දොර උරුමය” හිමිකම් ඔප්පු ලබා දීමට නියමිතය.
මෙහිදී අදහස් දැක්වූ ජනාධිපති රනිල් වික්රමසිංහ මහතා වැඩිදුරටත් මෙසේ ද පැවසීය,
අද ඔබේ එක ප්රශ්නයක් විසඳී තිබෙනවා. තමන්ගේ නිවසේ සින්නකර අයිතිය ඔබට ලැබී තිබෙනවා. නිවසක අයිතිය නැති වීම ජනතාවට විශාල ගැටළුවක් බව අප දන්නවා. කොළඹ දිස්ත්රික්කය නියෝජනය කළ මන්ත්රීවරයෙක් ලෙස එහි ජනතාවගේ ගැටළු පිළිබඳ මට හොඳ අවබෝධයක් තිබෙනවා.
අපි ආණ්ඩුව භාරගත්තේ ඉතා අසීරු කාලයක. පසුගිය ආර්ථික ගැටලුකාරී තත්ත්වය හමුවේ මෙම ජනතාව විශාල පීඩාවකට පත් වුණා. නමුත් මේ රටේ ආර්ථිකය නැවත ගොඩගැනීමට ආණ්ඩුව කටයුතු කරනු ඇති බව ඔබ විශ්වාස කළා. එම විශ්වාසය නිසාම එම වැඩකටයුතු සාර්ථක කර ගැනීමට අපට අවස්ථාව ලැබුණා. අප කෙරෙහි විශ්වාසය තබමින් ඉවසීමෙන් කටයුතු කළ ඔබ සියලුදෙනාට මම ස්තූතිවන්ත වෙනවා.
අද රට ආර්ථික වශයෙන් ඉදිරියට පැමිණෙමින් තිබෙනවා. මෙම ආණ්ඩුව එක පක්ෂයකින් ගොඩනැඟුවක් නොවෙයි. ඇතැම් අය වගකීම් පැහැර හරින විට ඉතා හදිසියේ එක් එක් පක්ෂවලින් පිරිස එක් කරගෙන මෙම ආණ්ඩුව නිර්මාණය කළා. මීට පෙර මේ රටේ මෙවැනි ආණ්ඩුවක් තිබුණේ නැහැ.
රටක් වශයෙන් අප අද ගොඩනැඟෙමින් සිටින අවස්ථාවේ එහි ප්රතිලාභය සාමාන්ය ජනතාවට ද හිමි විය යුතුයි. මෙම මහල් නිවාසවල පූර්ණ අයිතිය ඔබට ලබාදීමට කටයුතු කර තිබෙන්නේ ඒ නිසයි. අපි දැන් රටක් ලෙස ඉදිරියට පැමිණ තිබෙනවා. නමුත් රටේ ආර්ථිකය ගොඩනැඟීම වෙනුවෙන් තවත් ඉදිරියට යා යුතුයි. ජනතාවට හොද ජීවන තත්ත්වයක් ඇති කර දිය යුතුයි.
මේ ආණ්ඩුව ඉටුකර තිබෙන්නේ වෙනත් කිසිදු ආණ්ඩුවක් ඉටු නොකළ වැඩකටයුත්තක්. අපි සාමාන්ය ජනතාව වෙනුවෙන් අයිතිය ලබා දී තිබෙනවා. අපි මේ රටේ අයිතිය පුළුල් කර තිබෙනවා. අනෙකුත් ආණ්ඩු අයිතිය දෙස බැලුවේ කොටස් වෙළෙඳපොළේ පමණයි. ඔවුන් බැලුවේ කී දෙනෙක් කොටස් ගන්නවද, කොටස් වටිනාකම වැඩි වෙනවද, අඩු වෙනවද කියලයි. නමුත් අපි බැලුවේ සාමාන්ය ජනතාව දෙසයි.
මේ රටේ ගොවි ජනතාව පසුගිය කන්නවලදී අපට හොඳ අස්වැන්නක් ලබා දුන්නා. එසේ නොමැති වූවානම් අපට මෙම ආර්ථික කඩාවැටීමෙන් ගොඩ එන්න ලැබෙන්නේ නැහැ. ඒ නිසා අපි ඔවුන්ගේ ඉඩම් අයිතිය තහවුරු කළයුතුයි. අප මෙතෙක් කාලයක් එම ජනතාවට ඉඩම් අයිතිය දුන්නේ නැහැ. මෙතෙක් සිදු වුණේ බලපත්ර ලබාදීම පමණයි. දැන් අප ඉඩම් අයිතිය ලබාදීම ආරම්භ කර තිබෙනවා. මේ කාලය අවසන් වන විට ලක්ෂ 20කට වඩා ජනතාවට ඉඩම් අයිතිය ලබාදීමට සහ තට්ටු නිවාසවල ජීවත්වන ජනතාවට එම නිවාසවල අයිතිය ලබාදීමට කටයුතු කරනවා. එවිට මේ රටේ ඉඩම් සහ නිවාස අයිතිය තිබෙන ජනතාවගේ ප්රමාණය වැඩි වෙනවා. අප සිදු කර තිබෙන එම විප්ලවය කිසිදු ආණ්ඩුවකට කිරීමට නොහැකි වූවක් බව කිවයුතුයි. මෙම වැඩපිළිවෙල ආරම්භ කළේ මේ රටේ ජනතාවට සහනයක් ලබාදීමටයි.
ඒ වගේම වතු ජනතාවට නිවාස ලබාදීමේ වැඩසටහන ඉදිරියේදී ක්රියාත්මක කරනවා. මේ පිළිබඳ අදාළ මන්ත්රිවරුන් කැඳවා මම සාකච්ඡා කළා. අලුත් නීතියක් සකස් කර සියලුදෙනා සමග සාකච්ඡා කරමින් එම වැඩකටයුතු ක්රියාත්ම කරන ලෙස මම එහිදී උපදෙස් දුන්නා.
ගමත්,නගරයත් වැවිලි ප්රදේශ යන තුනේම සියලු ජනතාවගේ නිවාස හා ඉඩම් අයිතිය තහවුරු කිරීමට අප කටයුතු කරනවා. එය මේ ආණ්ඩුවේ ප්රධාන වැඩසටහන වන බවද කිවයුතුයි. රට තුළ වෙනසක් ඇති කිරීමේ වැඩපිළිවෙළ අප එතනින් ආරම්භ කරමු.
මේ මහල් නිවාස ඉදිකිරීම සඳහා හිටපු නායකයන් තුන් දෙනෙක් විශාල කැප කිරීම් කළා. ශ්රීමත් ජෝන් කොතලාවල අග්රාමාත්යවරයා බම්බලපිටියේ පළමු මහල් නිවාස සංකීර්ණය ඉදි කළා. ඉන්පසුව රණසිංහ ප්රේමදාස ජනාධිපතිවරයා කොළඹ විශාල මහල් නිවාස ව්යාපෘති ඇතිකළා. ඒ වගේම ගෝඨාභය රාජපක්ෂ මහතා මහල් නිවාස වැඩපිළිවෙළ ඉදිරියට ගෙන යාමට කටයුතු කළා. මේ තිදෙනාට ඒ සම්බන්ධව ස්තූතිවන්ත විය යුතුයි. අද මේ ඔබට ලබාදෙන සින්නක්කර නිවාස ඔප්පුවල වටිනාකම තව වසර දහයකින් දෙගුණයක් වෙනවා. එම නිසා මෙම දේපළ නිසියාකාරයෙන් කළමනාකරණය කරගෙන ජීවිතය සාර්ථක කරගන්න කියා මම ඉල්ලා සිටිනවා.
අද ඔබට ලැබෙන ඔප්පුව උකස් කරන්න එපා. තව අවුරුදු 10 කින් කොළඹ දියුණු වෙනවා. බස්නාහිර පළාත ලක්ෂ 50ක් ජීවත් වන විශාල නගරයක් බවට පත් කිරීමට අප බලාපොරොත්තු වෙනවා. එහිදී රජයේ ඉඩම්වල තිබෙන පැරණි ගොඩනැගිලි ඉවත් කරනවා. ඒ වගේම මේ පළාතේ නව වරායක් ඉදිකළ හැකියි. ප්රසන්න රණතුංග ඇමතිතුමා ඇතුළු කණ්ඩායම දැනටමත් එම වැඩකටයුතු කරගෙන යනවා. ඒ වගේම කොළොන්නාව ප්රදේශයේ අලුතින් පාසල කිහිපයක් ඉදිකිරීමට අප තීරණය කළා. අප එම වැඩපිලිවෙල ඉදිරියට ක්රියාත්මක කිරීමට නියමිතයි.
නව විදුලි ගාස්තු සංශෝධනයට සමගාමීව ජල ගාස්තුව ද අඩු කිරීම සම්බන්ධව අධ්යයනය කරමින් සිටින බවත්, මෙම සතිය තුළ ඒ සම්බන්ධව තීරණයක් ගැනීමට හැකිවනු ඇති බවත් ජල සම්පාදන සහ වතු යටිතල පහසුකම් සංවර්ධන අමාත්ය ජීවන් තොණ්ඩමන් මහතා පැවසීය.
එසේම මාසිකව රුපියල් බිලියන 2.8ක අලාභයක් ලැබූ ජල සම්පාදන මණ්ඩලය අද වන විට රුපියල් බිලියන 6.2ක ලාභ ලබන තත්ත්වයකට පත් කර ගැනීමට හැකි වූ බවද අමාත්යවරයා පෙන්වා දුන්නේය.
ජල සම්පාදන සහ වතු යටිතල පහසුකම් සංවර්ධන අමාත්ය ජීවන් තොණ්ඩමන් මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (17) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමිනි.
එළැඹෙන ජනාධිපතිවරණය සඳහා ඉදිරිපත් වන අපේක්ෂකයින්ගේ මෙන්ම හිටපු ජනාධිපතිවරුන්ගේ පෞද්ගලික ආරක්ෂක විධිවිධාන අධීක්ෂණය කිරීම සඳහා කමිටුවක් පත් කිරීමටත්, එම සියලු ආරක්ෂක කටයුතු සම්බන්ධීකරණය කිරීම සඳහා නියෝජ්ය පොලිස්පතිවරයෙකු පත් කිරීමටත් යෝජනා කරමින් ජනාධිපති රනිල් වික්රමසිංහ මහතා විසින් අමාත්ය මණ්ඩල සංදේශයක් ඉදිරිපත් කර තිබේ.
ඇමෙරිකා එක්සත් ජනපදයේ පෙන්සිල්වේනියා ප්රාන්තයේ බට්ලර් හි පැවති ජනාධිපතිවරණ ප්රචාරක රැලියක් අතරතුර රිපබ්ලිකන් පක්ෂ ජනාධිපතිවරණ අපේක්ෂක හිටපු ජනාධිපති ඩොනල්ඩ් ට්රම්ප් මහතාට එල්ල වූ ප්රහාරය සැලකිල්ලට ගනිමින් මෙරට ඉදිරියේදී පැවැත්වීමට නියමිත ජනාධිපතිවරණය සඳහා ඉදිරිපත් වන අපේක්ෂකයින්ගේ පුද්ගලික ආරක්ෂාව සහතික කිරීමේ අරමුණින් මෙම යෝජනාව ඉදිරිපත් කර ඇත.
ඒ අනුව, ජනාධිපතිවරණයේ නාමයෝජනා පිළිගැනීමෙන් පසුව අදාළ අපේක්ෂකයින්ගේ මෙන්ම හිටපු ජනාධිපතිවරුන්ගේ පුද්ගලික ආරක්ෂක විධිවිධාන අධීක්ෂණය කිරීම සඳහා මහජන ආරක්ෂක අමාත්යාංශයේ ලේකම්වරයාගේ සභාපතීත්වයෙන් යුතුව මෙම කමිටුව පත් කිරීමට යෝජනා කර තිබේ.
කමිටුවේ සෙසු සාමාජිකයින් ලෙස ආරක්ෂක මාණ්ඩලික ප්රධානී, පොලිස්පතිවරයා, ජාතික බුද්ධි ප්රධානී සහ ජ්යෙෂ්ඨ නියෝජ්ය පොලිස්පති (මැතිවරණ) නම් කිරීමට යෝජනා කර තිබේ.
තවද, ජනාධිපතිවරණ සමයේදී ජනාධිපති අපේක්ෂකයින්ගේ සහ හිටපු ජනාධිපතිවරුන්ගේ පුද්ගලික ආරක්ෂාව සම්බන්ධ සියලු කටයුතු සම්බන්ධීකරණය කිරීම සඳහා නියෝජ්ය පොලිස්පති නිලයට නොඅඩු මට්ටමේ පොලිස් නිලධාරියෙකු නම් කරන ලෙස පොලිස්පතිවරයාට නියෝග කිරීමට ද යෝජනා කර ඇත.
මෙම ආරක්ෂක විධිවිධාන බාධාවකින් තොරව සම්බන්ධීකරණය කිරීම සඳහා ඉහත සඳහන් කළ කමිටුව සහ නම් කරන ලද පොලිස් නිලධාරියා මැතිවරණ කොමිෂන් සභාව සමඟ සමීපව කටයුතු කළ යුතු බවද අදාළ යෝජනාවේ සඳහන් ය.
2024 ජනාධිපතිවරණය පැවැත්වෙන දිනය සහ නාම යෝජනා කැඳවීමේ නිල ප්රකාශය මෙම මස අවසානයට පෙර ප්රකාශයට පත් කරන බව මැතිවරණ කොමිෂන් සභාවේ සභාපති ආර්.එම්.ඒ.එල්.රත්නායක අද (ජුලි 16 වැනිදා) ප්රකාශ කළේය.
ඉදිරියේදී පැවැත්වීමට නියමිත ජනාධිපතිවරණය සම්බන්ධයෙන් දේශපාලන පක්ෂ මෙන්ම, මහජනතාව සහ සිවිල් සංවිධාන අතර විශේෂ උනන්දුවක් පවතින බව මැතිවරණ කොමිෂන් සභාවේ සභාපතිවරයා මාධ්ය හමුවකට එක්වෙමින් පැවසුවේය.
ආණ්ඩුක්රම ව්යවස්ථාවට අනුව ජනාධිපතිවරණය පැවැත්වීම සිදුකළ හැකි දින වකවානු සම්බන්ධයෙන් කොමිෂන් සභාවේ සභාපතිවරයා මෙහිදී කරුණු පැහැදිලි කිරීමක් කළේය.
“මේ ඡන්ද විමසීම කොයි ආකාරයෙන්ද පවත්වාගෙන යන්නේ කියන එක සහ විශේෂයෙන් ඡන්ද විමසීමේ දිනය, නාමයෝජනා ලබා ගන්නා දිනය සහ ඡන්ද විමසීමේ ප්රකාශනය නිකුත් කරනු ලබන දිනය ගැන නොයෙකුත් කතා පැතිරෙනවා.”
“ආණ්ඩුක්රම ව්යවස්ථාවේ පැහැදිලිවම සඳහන් වෙනවා ජනාධිපතිවරණය පැවැත්විය යුතු දිනය සම්බන්ධයෙන්.”
“ඒ අනුව ඡන්ද විමසීම පැවැත්වීමට නියමිතව තිබෙන්නේ සැප්තැම්බර් මාසේ 14 වෙනිදාත් ඔක්තෝම්බර් මාසයේ 16 වෙනිදා අතර දිනයක.”
“මේ කාරණයේ පළමු දේ තමයි ඡන්ද විමසීමේ දැන්වීම නිකුත් කිරීම. ඒ ඡන්ද විමසීමේ දැන්වීම නිකුත් කිරීමේ දිනයේ සිට දින 16ත් දින 21ක් අතර දිනයක ජනාධිපතිවරණය සඳහා නාම යෝජනා කැඳවීම සිදු කරන්න ඕන.”
“නාමයෝජනා භාර ගත් දිනයේ සිට සති 04 ත් සති 06ක් අතර කාලයක වන දිනයක ජනාධිපතිවරණ ඡන්ද විමසීම පැවැත්විය යුතුයි. මේ තමයි ආණ්ඩුක්රම ව්යවස්ථාවට අනුව ජනාධිපතිවරණය පැවැත්වීම සිදුකළ යුතුව තිබෙන්නේ.” ඔහු පැවසීය.
මේ අතර බොහෝ දෙනෙක් අතර කතා බහට ලක්වන හෙට (ජුලි 17 වෙනිදා) දිනය ජනාධිපතිවරණය ප්රකාශයට පත් කළ නොහැකි බව මැතිවරණ කොමිෂන් සභාවේ සභාපතිවරයා මෙහිදී අවධාරණය කළේය.
“එතකොට හෙට දිනය ඇවිල්ලා තියෙන්නේ ඡන්ද විමසීම පැවැත්විය යුතු මුල් දිනය, ඒ කියන්නේ සැප්තැම්බර් 17 වෙනිදා සහ එදා ඉදන් උපරිම දින 63ක් ගත්තම.”
“ඡන්දය ප්රකාශයට පත් කරන දිනයේ සිට නාම යෝජනා භාර ගැනෙන උපරිම දින ගණනත් සහ ඡන්දය පැවැත්වෙන දිනය දක්වා වූ උපරිම දින ගණනත් එක්ක තමයි මේ සැප්තැම්බර් 17 කියන දිනය ඇවිල්ලා තියෙන්නේ. ඒ නිසයි මැතිවරණ කොමිෂන් සභාවට බලය ලැබෙන දිනය කියලා ඒක ප්රකාශයට පත්වෙලා තියෙන්නේ.”
“නමුත් සැප්තැම්බර් 17 වෙනිදා නෙමෙයි ඊට පසු දිනයක තමයි අපට ඡන්දය විමසීම තියන්න පුළුවන් වෙන්නේ.” යනුවෙන් ඔහු පැවසීය.
මේ අතර ජනාධිපතිවරණ ඡන්ද විමසීමට අදාළ දින ප්රකාශයට පත් කිරීමේදී ඊට අදාලව විශේෂ කරුණු රැසක් ගැන අවධානය යොමු කිරීමට සිදුවන බව මැතිවරණ කොමිෂන් සභාවේ සභාපතිවරයා මෙහිදී පැවසුවේය.
“ඡන්ද විමසීමේ දිනය තීරණය කිරීමේදී අප සලකා බලන්න ඕන එක් කරුණක් ඡන්ද විමසීම ප්රකාශයට පත් කරන දිනයේ සිට ඡන්දය පැවැත්වෙන දිනය දක්වා තියෙන කාල සීමාව කොපමණද කියලා.”
“විශේෂයෙන් නාම යෝජනා භාර දීමෙන් පසුව ඡන්ද විමසීමේ දිනය දක්වා ඒ අපේක්ෂකයින්ට ප්රචාරණ කටයුතු කරගෙන යෑම සඳහා කාල සීමාවක් අවශ්යයි. ඒ සඳහා අපට හැකි උපරිම කාල සීමාවක් ලබා දෙනවා.”
“ඡන්ද විමසීම සම්බන්ධයෙන් රාජකාරි රාශියක් තිබෙනවා නිලධාරීන්ට. තැපැල් ඡන්ද ලකුණු කිරීම ඇතුළු රාජකාරි සම්බන්ධයෙන්. ඒ ගැනත් අපි දින වකවානු බලන්න ඕන.”
“ඊළගට ඡන්ද විමසීම සඳහා යොදා ගන්නා දිනය විශේෂයෙන්ම සියලුම ඡන්ද දායකයින්ට පහසු දිනයක් වෙන්න ඕන. පෞද්ගලික අංශයේ සේවකයින් විශාල සංඛ්යාවක් ඉන්න නිසා ඔවුන්ටත් පහසු දිනයක් වෙන්න ඕන.”
“ශ්රී ලංකාව වගේ රටක නාමයෝජනා දිනය ගැන බලද්දී සිරිත් විරිත් ගැනත් බලන්න ඕන. නාම යෝජනා දෙන දිනයේදී නැකත් බලනවා. ඒ නිසා නාම යෝජනා භාර ගන්නේ අදාළ දිනයේ පැය දෙකක් පමණයි. උදේ 9 සිට 11 දක්වා. විරෝධතා දක්වන්න මිනිත්තු 30ක් ලබා දෙනවා.”
“මේ නිසා එම පැය දෙක ඇතුලත සියලුම දෙනාට නාම යෝජනා භාර දිය හැකි විදිහට රාහු කාලය වාගේ දේවල් බලලා සුදුසු දිනයක් තමයි යොදා ගන්නේ. ඒ සියලු දේවල් සලකා බලලා මේ මස අවසානයේදී ඡන්දයට අදාළ නිවේදනය නිකුත් කරනවා.” සභාපතිවරයා පැවසුවේය.
මෙවර පැවැත්වෙන ජනාධිපතිවරණය සඳහා භාවිත කරනු ලබන්නේ 2024 වසරේ ඡන්දහිමි නාම ලේඛණය බවත්, එය මේ වන විට සහතික කොට මැතිවරණ කොමිෂන් සභාවේ වෙබ් අඩවියට ඇතුළත් කර ඇති බවද සභාපතිවරයා පැවසුවේය.
“මේ ඡන්ද හිමි නාම ලේඛනය කොටස් දෙකකින් සකස් කරලා තියෙන්නේ. 2024 සකස් කරපු ප්රධාන නාම ලේඛනය වගේම අවුරුදු 18 සම්පුර්ණ වෙන අලුත් ඡන්ද දායකයින්ට අවස්ථාව සැලසීම සඳහා පරිපුරක ජන්ද හිමි නාම ලේඛනයක් සකස් කරනවා.”
“පෙබරවාරි 01 වැනිදාට ප්රධාන ඡන්ද හිමි නාමලේඛනය සකස් කරන්න තොරතුරු ලබා ගත්තට පස්සේ ඒ තොරතුරු වලින් ඡන්ද නාම ලේඛනය සකස් කරනවා.”
“නමුත් ඊට පස්සේ අවුරුදු 18 සම්පුර්ණ වෙන ඡන්ද දායකයින්ට අවස්ථාව ලබා දෙනවා සෑම වසරකම අවස්ථා 3-4ක් තමන්ගේ නම ඡන්ද නාම ලේඛනයට ඇතුලත් කර ගන්න.”
“2024 ප්රධාන ඡන්ද හිමි නාම ලේඛනයට අමතරව පෙබරවාරි 01 වෙනිදා සිට මැයි 31 දක්වා කාලයේදී අවුරුදු 18 සම්පුර්ණ වූ අයට මේ ඡන්ද හිමියන්ගේ නාම ලේඛනයට ඇතුල් වෙන්න.”
“ඒ අනුව මුළු ඡන්ද හිමියන් සංඛ්යාව එක් කෝටි හැත්තෑ එක් ලක්ෂ හතලිස් දාහක් දල වශයෙන් සිටිනවා. ඒ අතර පරිපුරක ඡන්ද හිමි නාම ලේඛනයේ අඩංගු 76,000කට ආසන්න සංඛ්යාවක් සිටිනවා.” මැතිවරණ කොමිෂන් සභාවේ සභාපතිවරයා සඳහන් කළේය.
ජනාධිපතිවරණය පැවැත්වීමට අදාළ මුලික වැඩකටයුතු මැතිවරණ මහ ලේකම් කාර්යාලය සහ දිස්ත්රික් කාර්යාල මගින් ආරම්භ කර ඇති බව මැතිවරණ කොමිෂන් සභාවේ සභාපතිවරයා පැවසුවේය.
” ඡන්දය සඳහා වන නිලධාරින් පිළිබඳව සහ ඡන්දයට යොදා ගන්නා රජයේ වාහන ගැන සංගණනයක් මේ දිනවල සිදුකරගෙන යනවා.”
“ඊලඟට ඡන්ද මධ්යස්ථාන පැවැත්වීම සඳහා සුදුසු ස්ථාන සෙවීමේ කටයුතු අදාළ දිස්ත්රික්කවල සිටින ග්රාම නිලධාරිවරුන් හරහා සිදුකර ගෙන යනවා.”
“ඡන්ද පෙට්ටි සහ අනෙක් අවශ්යතා පිළිබඳ ඇස්තමේන්තු සකස් කිරීම සිදුකරනවා.”
“ඒ වගේම ප්රධාන කාර්යාලය මට්ටමින් ඡන්ද විමසීම සඳහා මැතිවරණ කොමිෂන් සභාවට සේවා සපයන සහ ආයතන සමග සාකච්ජා පවත්වමින් සිටිනවා.”
“මේ වන විට පොලිස්පතිවරයා, රජයේ මුද්රණාල අධිපතිනිය, තැපැල්පතිවරයා යන අය සමග සාකච්ඡා කරලා තියෙනවා. ඉදිරියේදී බලාපොරොත්තු වෙනවා මුදල් අමාත්යංශයේ නිලධාරින් සමග සාකච්ජා කරන්න.”
“එමෙන්ම මැතිවරණයට අදාළ සහය වන ගමනා ගමන මණ්ඩලය සහ පෞද්ගලික බස් ප්රවාහන, විදුලිබල සහ ජල සම්පාදනය ඇතුළු අනෙක් කණ්ඩායම් සමග සාකච්ජා කරන්න නියමිතයි.” සභාපතිවරයා කියා සිටියේය.
මෙවර ඡන්ද විමසීමේදී 2023 වසරේ දී අනුමත කරන ලද මැතිවරණ වියදම් නියාමනය මෙවර ජනාධිපතිවරණයේ දී ක්රියාත්මක කිරීමට නියමිත බවත් ඊට අදාළ අංශ සමග දීර්ඝ ලෙස සාකච්ජා කරමින් සිටින බව කොමිෂන් සභාවේ සභාපතිවරයා පැවසුවේය.
“ශ්රී ලංකා පොලිසිය, ආදායම් බදු දෙපාර්තමේන්තුව, නීතිපති දෙපාර්තමේන්තුව, අල්ලස් කොමිෂන් සභාව වගේ ආයතන සමග සාකච්ජා කරමින් යනවා මේ වැඩපිළිවෙල ක්රියාත්මක කිරීම සම්බන්ධයෙන්.”
“ඒ වගේම මැතිවරණ ප්රචණ්ඩ ක්රියා නිරීක්ෂණය කිරීම සඳහා අවශ්ය මෙහෙයුම් මධ්යස්ථාන පිහිටුවීම සිදුකරනු ලබනවා.”
2023 වසරේ අයවැය දී ජනාධිපතිවරණය සඳහා බිලියන 10ක් ඉල්ලා සිටිය බවත් එම මුදල් වලින් දැනට අවශ්ය වියදම් සිදුකරමින් පවතින අතර මුදල් ලබා ගැනීම සම්බන්ධයෙන් මේ දක්වා ගැටලුවක් පැන නැගී නොමැති බව මැතිවරණ කොමිෂන් සභාවේ සභාපතිවරයා මාධ්යවේදියෙකු නැගු පැනයකට පිළිතුරු දෙමින් පැවසුවේය.
මේ අතර ජනාධිපතිවරණ ඡන්ද විමසීම පිළිබඳව දැන්වීම නිකුත් කිරීමෙන් පසුව ජනාධිපතිවරණය පැවැත්වීම සඳහා වූ නියාමන සහ උපමාවන් අපේක්ෂකයින්ට සහ මාධ්ය වෙත නිකුත් කිරීමට මැතිවරණ කොමිෂන් සභාව කටයුතු කරන බව කොමිෂන් සභාවේ සභාපතිවරයා පැවසුවේය.
සම්පූර්ණ උපුටා ගැනීම – බී.බී.සී සන්දේශය
විදුලි මිල සංශෝධනය කිරීමට සාපේක්ෂව වෙළඳපළේ ඇති භාණ්ඩ හා සේවා ගාස්තු 20%කින් පමණ අඩු කළ හැකි බව විදුලිබල හා බලශක්ති අමාත්ය කංචන විජේසේකර මහතා ප්රකාශ කළේය.
විදුලිබිල වැඩිවන දින මධ්යම රාත්රියේම ඉහළ දැමෙන භාණ්ඩ හා සේවා ගාස්තු මිල ගණන් විදුලිබිල අඩු කරන දිනයේ සිට පහත දමමින් ජනතාවට සහන සලසන ලෙස ව්යාපාරික ප්රජාවගෙන් ඉල්ලා සිටින බවද අමාත්යවරයා පැවසීය.
විදුලිබල හා බලශක්ති අමාත්ය කංචන විජේසේකර මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (16) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමිනි.
නව විදුලි සංශෝධනයෙන් වැඩිම සහනයක් ලැබී තිබෙන්නේ ඒකක 90ට වඩා අඩුවෙන් පාරිභෝජනය කරන ජනතාවට බවද ඒ මහතා පෙන්වා දුන්නේය.
මෙහිදී වැඩිදුරටත් අදහස් දැක්වූ විදුලිබල හා බලශක්ති අමාත්ය කංචන විජේසේකර මහතා මෙසේද පැවසීය,
සෑම වසරකම ජනවාරි, අප්රේල් ,ජූලි, ඔක්තෝබර් යන මාසවල විදුලි ගාස්තුව සංශෝධනය කළ යුතු බවට රජය තීරණයක් ගෙන තිබෙනවා. පසුගිය මාර්තු මාසයේ කළ මිල සංශෝධනයෙන් පසුව මහජන උපයෝගීතා කොමිසමේ ඉල්ලීම මත අප්රේල් මාසයේ විදුලි මිල සංශෝධනයක් සිදු නොකර එය ජුලි මාසයේ සිදු කිරීමට එකඟතාවක් ඇති කර ගත්තා. ඒ අනුව මෙම නව විදුලි ගාස්තු සංශෝධනය ජූලි මස 16 වෙනිදා සිට ක්රියාත්මක වනවා. මීළඟ විදුලි ගාස්තු සංශෝධනය ඔක්තෝබර් මාසයේදී සිදු කිරීමට බලාපොරොත්තු වෙනවා.
2022 වසරේදී සිදුවුණු ආර්ථික අර්බුදය සමඟ බැංකු පොලී අනුපාතය 36%ක් දක්වා ඉහළ ගියා. රුසියානු – යුක්රේන යුද තත්ත්වය නිසා ගල් අඟුරු, දැවි තෙල් ආදියෙහි මිල ඉහළ යාමක් සිදුවුණා. අමෙරිකානු ඩොලරයට ගෙවීමට සිදුවූ රුපියල් ප්රමාණය විශාල ලෙස ඉහළ ගියා. ඒ අනුව වසර 09කට පසුව විදුලි මිල සංශෝධනය කරන්න සිදුවුණා. ඒ අනුව 2014 වසරට පසුව විදුලිමිල සංශෝධනයක් සිදු වුණේ 2022 වසරේ අගෝස්තු මාසයේදී යි.
නමුත් මෙවර 22.5% කින් විදුලි මිල පහත දැමීමට හැකියාව ලැබුණු ප්රධාන හේතු කිහිපයක් තිබෙනවා. ඒ අතර ආර්ථික තත්ත්වය යහපත් අතට පත් කර ගැනීම විශේෂයි. ඒ වගේම පසුගිය වසර දෙක දෙස බැලූ විට වැසි තත්ත්වයේ වැඩි වීමක්ද දක්නට ලැබෙනවා. එම නිසා ජල විදුලිබල උත්පාදනය වැඩි වී තිබෙනවා. ඒ වගේම පුනර්ජනනීය බල ශක්ති උත්පාදනය ද වැඩිවී තිබෙනවා. පසුගිය අප්රේල් මාසයේදී උමා ඔය ජල විදුලි බලාගාරයේ විදුලියද ජාතික ජනන පද්ධතියට එක් කෙරුණා. පසුගිය මාස 18ක කාලය තුළ ලංකා විදුලිබල මණ්ඩලය සිය මෙහෙයුම් වියදම් අඩු කරගැනීමට ද කටයුතු කර තිබෙනවා. පසුගිය වසර දෙකක කාලය තුළ ලංකා විදුලි බල මණ්ඩලයට කිසිදු සේවකයෙකු බඳවා ගෙන නැහැ. එහි සිටි 26,000 ක සේවක මණ්ඩලය වෙනුවට මේ වන විට සිටින්නේ 22,000ක සේවක සංඛ්යාවක් පමණයි.
මෙම විදුලි ගාස්තු සංශෝධනයෙන් වැඩිම සහනය ලැබී තිබෙන්නේ ඒකක 90 කට වඩා අඩුවෙන් විදුලිය පාරිභෝජනය කරන ජනතාවටයි. ගෘහස්ථ කාණ්ඩය නියෝජනය කරන 79%ක කොටසට මේ අනුව විශාල සහනයක් ලැබී තිබෙනවා.
විදුලි බිල ඉහලටම යන අවස්ථාවේදි විදුලි ඒකකයක් සඳහා නිෂ්පාදිත වියදම රුපියල් 48ක් පමණ වුණා. එය අද වන විට රුපියල් තිස් පහක මට්ටමකට පැමිණ තිබෙනවා. හෝටල් සහ කර්මාන්ත වෙනුවෙන් 25%-26%ක පමණ විදුලි මිල සහනයක් ලබාදී තිබෙනවා. ආගමික ස්ථාන සඳහා 30%ක සමස්ත කාණ්ඩය වෙනුවෙන් අඩු කිරීමක් සිදු කර තිබෙනවා.
ඉදිරියේදී තවදුරටත් විදුලි ගාස්තු පහත හෙළිමට හැකියාවක් තිබෙන්නේ ජනන ගාස්තු අඩු කර ගැනීමෙන් පමණයි. ඒ සඳහා අඩු වියදම් බලාගාර සීඝ්රයෙන් ඇති කළ යුතුයි. මෙම නව බලාගාර ඉදිරි වසර තුන ඇතුළත ඉදිකර අවසන් කිරීමට බලාපොරොත්තු වෙනවා. ඒ අනුව ඉදිරි අවුරුදු තුනෙන් පසුව මීටත් වඩා විදුලි ගාස්තු අඩු කිරීමට අපේක්ෂා කරනවා.
විදුලි ඒකක 180ට වඩා වැඩියෙන් පරිභෝජනය කරන පිරිස සිටින්නේ 189,000ක් පමණයි. ඒකක 30ක් භාවිතා කරන පාරිභෝගිකයන්ට ගෙවන්න සිදුවෙන්නේ රුපියල් 290ක් පමණයි. ඒකක 1- 60 අතර විදුලි පරිභෝජනයක් සිදුකරනවා නම් රුපියල් 790ක පමණ මුදලක් ගෙවිමට සිදු වෙනවා.
ඒ වගේම කර්මාන්ත ශාලා, කුඩා ව්යාපාර සඳහා මෙම විදුලි මිල සංශෝධනයේදී අවම වශයෙන් 20%ක මිල අඩුවීමක් සිදුව තිබෙනවා. විදුලි මිල ඉහළ දමන අවස්ථාවේදී එදින රාත්රියේම වැඩිකරනු ලබන භාණ්ඩ හා සේවා ගාස්තු විදුලි මිල පහත දැමීමත් සමඟ අඩු කිරීමට කටයුතු කරන බවක් පෙනෙන්ට නැහැ. පසුගිය කාලයේ ඉන්ධන මිල, භූමිතෙල් මිල අඩුවුණා. ඒ අවස්ථාවන්වලදීත් භාණ්ඩ හා සේවා ගාස්තු අඩු වීමක් අප දුටුවේ නැහැ. එම නිසා මෙවර විදුලි මිලෙහි විශාල අඩුවීමක් සිදුව ඇති බැවින් එහි වාසිය ජනතාවට ලබාදෙන ලෙස ඉල්ලා සිටිනවා. අඩුම වශයෙන් 20% මිල අඩු කිරීමක් සිදු කිරීමට හැකියාව තිබෙනවා.
විදුලි මිල වැඩිවීමේදී එය කලාපයේ අනෙකුත් රටවල විදුලි ගාස්තු සමඟ සංසන්දනය කරමින් මාධ්ය වාර්තා ඉදිරිපත් වනු දක්නට ලැබුණා. ඒ නිසා මෙවර මිල අඩු කිරීම පිළිබඳවද කලාපීය විදුලි මිල ගණන් සමඟ සංසන්දනය කිරීමක් මෙන්ම අඛණ්ඩ විදුලිය ලබාදීම පිළිබඳ කතිකාවතක් නිර්මාණය කරන ලෙස මාධ්යවලින් මා ඉල්ලා සිටිනවා. මේ විදුලි මිල සංශෝධනය සිදු කළේ මැතිවරණ කාලයක් නිසා බව ඇතැම් මාධ්ය ආයතන හා මාධ්යවේදීන් පවසනවා. නමුත් අප මේ ප්රතිපත්ති සකස් කළේ 2022වසරේදීයි. ඒ අනුව විධිමත් ක්රමවේදයක් ඔස්සේ කටයුතු කළ නිසා මේ සංශෝධනය කරගත හැකි වුණා. අප ජනප්රිය තීන්දු ගත්තේ නැහැ. නමුත් නිවැරැදි ප්රතිපත්ති මත පිහිටා කටයුතු කළ නිසා එහි ප්රතිඵල ලැබී තිබෙනවා. එබැවින් විදුලි මිල වැඩි වීමේදී ජනාධිපතිවරයාට සහ ආණ්ඩුවට ලබාදුන් ආකාරයේ ප්රසිද්ධියක්ම විදුලි මිල අඩු කරන විටත් ලබාදීමට කාරුණික වන ලෙස මා ඉල්ලා සිටිනවා .
ඒ වගේම කාර්යක්ෂමතාවයෙන් හා මෙහෙයුම් වියදම් අඩු ජනන සැලැස්මක් ඉදිරියේදී හඳුන්වාදීමට අප කටයුතු කරනවා. 2022 වසරට පෙර විදුලිබල ක්ෂේත්රය ලබා තිබුණේ අලාබ පමණයි. නමුත් 2023 හා 2024 වසරවල මෙහෙයුම් ලාභ වාර්තා කිරීමට අප සමත්ව තිබෙනවා.
ජාත්යන්තර මූල්ය අරමුදල සමඟ ගිවිසුම් ගතවීම නිසා විදුලිබල මණ්ඩලයට භාණ්ඩාගාරයෙන් ලැබුණු මුදල් නැවතී තිබෙනවා. ඒ අනුව පසුගිය වසරේ අගෝස්තු මාසයේ සිට මහ භාණ්ඩාගාරයෙන් මුදල් විදුලිබල මණ්ඩලයට ලබාගෙන නැහැ. මේ සමඟ විදුලිබල මණ්ඩලය ලාභ ලබන තැනකට පැමිණිය යුතු වුණා. ඒ අනුව නිසි මූල්ය විනයක් සහිතව අප කටයුතු කළ නිසා මෙහෙයුම් ලාභයක් ලැබීමට හැකි වුණා. විදුලිබල මණ්ඩලය අනෙක් ආයතනවලට ගෙවීමට තිබූ ණය ප්රමාණයෙන් සැලකිය යුතු කොටසක් ගෙවා අවසන් කිරීමට ද කටයුතු කර තිබෙනවා.
තවද පුනර් ජනනීය බලශක්ති සැපයුම ප්රචලිත කර ගැනීම වෙනුවෙන් සූර්ය පැනල සවිකරන පුද්ගලයින් දිරිමත් කිරිමට ආණ්ඩුව කටයුතු කළා. වහලය මත සවිකර ලද සූර්ය පැනල මඟින් ජාතික පද්ධතියට වසරකට මෙගාවොට් 150ක් ලබා ගැනීමට සැලසුම් කර තිබුණා. ඒ යටතේ මේ වන විට වහලය මත සවිකර ලද සූර්ය පැනල මඟින් වසරකට මෙගාවොට් 149ක් ජාතික පද්ධතියට ලබා ගැනීමට සමත්ව තිබෙනවා.
අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්රිකට් ක්රීඩකයනට අවස්ථාවක් උදාවන්නේ නම් එය කෙතරම් අගනේ ද?
දැන් පැවැත්වෙන ලංකා ප්රිමියර් ලීග් තරගාවලියට සමගාමීව ශ්රී ලංකා ක්රිකට් ආයතනය මාළිගාවත්ත ආර්.ප්රේමදාස ක්රීඩාංගණයේදී ඉරිදා (14) හඳුන්වා දුන් රෝස දිනය (PINK DAY ) සමාජ සේවා ව්යාපෘතිය පිළිකාවන් වැළඳී රෝගාතුර වී සිටින පිපෙන කැකුළු වන් පුංචි දරුවන්, මව්වරුන්ගේ සහ සොහොයුරියන්ගේ මුවට වේදනා මැද බලාපොරොත්තු සහගත සිනහවක් ඇති කරවන්නක් විය.
මේ ව්යාපෘතියට මුල් අඩිය තබන ලද්දේ දඹුල්ල සික්සර්ස් කණ්ඩායම විසිනි. කලක් ජාත්යන්තර ක්රිකට් කවුන්සිලයේ තරග තීරකවරයකු ලෙසින් කටයුතු කරන ලද හිටපු ටෙස්ට් ක්රිකට් ක්රීඩක මහානාම මහතාගේ අනුශාසකත්වය යටතේ මෙවර ලංකා ප්රිමියර් ලීග් තරගාවලිය නියෝජනය කරනු ලබන දඹුල්ල සික්සර්ස් මෙම මහඟු කර්තව්යයට පළමුව දායකත්වය ලබා දුන් අතර ඔවුන් පසුපස යමින් සෙසු කණ්ඩායම්ද මෙම මහඟු කාර්යය වෙනුවෙන් තමන්ට හැකි අයුරින් සහයෝගය දැක්වීම සැබැවින්ම අගය කළ යුතු කරුණක් වන්නේය.
ශ්රී ලංකා ක්රිකට් ආයතනය මෙතෙක් පැවැති සෑම ලංකා ප්රිමියර් ලීග් ක්රිකට් තරගාවලියකදීම ක්රිකට් ක්රීඩාවට අමතරව සමාජ මෙහෙවරක් සඳහා ද දායකත්වය ලබා දී තිබීම විශේෂත්වයකි. ඉකුත් වර මහරගම අපේක්ෂා රෝහලෙහි කටයුතු පවත්වාගෙන යෑම සඳහා සහයෝගය දුන්නා සේම මෙම වසරේ අපේක්ෂාව වී ඇත්තේ සමාජයේ අවශ්යතා ඇති පියයුරු පිළිකා කාන්තාවන් පිළිබඳව සමාජය දැනුවත් කර රෝගීනට සහනයක් ලබාදීමට අත්වැළක් ලබාදීමට සූදානම් වී සිටියි.
මේ පිළිබඳව තරගාවලි අධ්යක්ෂක සමන්ත දොඩන්වෙල මහතා ද සදහන් කර සිටියේ ගිය වසරේ පරිදිම මෙම වසරේදීද මෙම සමාජ සත්කාරක කාර්යය සාර්ථක කර ගැනීම වෙනුවෙන් තරගාවලියේදී එල්ල වනු ලබන සෑම හයේ පහරකටම, හතරේ පහරකටම මෙන්ම කඩුල්ලක් දැවී යෑමකට අදාළව මුදල් මෙම අරමුදල සඳහා බැර කිරීමට කටයුතු කරනු ලබන බවයි.
අද දින මෙම සමාජ සත්කාරක වැඩසටහන වර්ණවත් වූයේ දඹුල්ල සික්සර්ස් සහ ගෝල් මාවල්ස් අතර තරගය සම්පූර්ණයෙන්ම රෝස පැහැ ගැන්වෙමිනි. මෙහිදී දඹුලු සික්සර්ස් කණ්ඩායමේ ක්රීඩකයින් රෝස පැහැති ඇඳුමින් සැරසී පිටියට අවතීර්ණ වද්දී ගෝල් මාවල්ස් කණ්ඩායමද ඔවුනගේ සාම්ප්රදායික කොළ පැහැති ඇඳුමට අමතරව රෝස වර්ණය එකතු කරමින් වූ ටීෂර්ටයකින් සැරසී තරගයට අවතීර්ණ වීම කාගෙත් අවධානය දිනා ගනු ලැබූ කටයුත්තක් බවට පත්විය.
ඊට අමතරව රාත්රියේ පැවැති ජැෆ්නා කින්ග්ස් කණ්ඩායම රෝස බෝ එකක් පැලඳීමෙන් ද කළම්බු සික්සර්ස් රෝස ඇඳුමෙන් සැරසීගෙන ද මීට සහය දැක්වුහ. කැන්ඩි ෆැල්කන්ස්ට මෙදින (14) තරගයක් නොමැති වුවත් ඔවුන් ඊට සහය දැක්වුයේ රෝස පැහැති ඇඳුමින් සැරසී ඊට එක්වෙමිනි. නරඹන්නන් රැසක් ද රෝස පැහැති ඇඳුමෙන් සැරසී මේ අවස්ථාවට එක්ව සිටියේ රෝගීන් දිරිගැන්වීමේ අපේක්ෂාවෙනි.
මෙම තරගය ආරම්භයට පෙර පිළිකා රෝගයෙන් පෙළෙන ඉන්දිරා පිළිකා සුව අරේණ් සෙවණ ලබන දරුවන් ක්රීඩාංගණයට පිවිසිමේ, මෙම කර්තව්යයට පළමුවෙන්ම දායකත්වය දැක්වීමට ඉදිරිපත් වුණු දඹුල්ල සික්සර්ස් කණ්ඩායම සමඟ ඡායාරූපයකට පෙනී සිටීමටයි. අනතුරුව ඔවුන් සියලු දෙනා ඔවුනටම වෙන්වුණු විශේෂ කුටියක සිට තරගය නැරඹීම, බොහෝ දෙනාගේ අවධානය දිනා ගනු ලැබූ සිදුවීමක් විය. ඊට ප්රථම සමූහ ඡායාරූපයට මුහුණ දීමෙන් පසු ඔවුන් වෙත විශේෂ මුදල් ත්යාගයක් පිරිනැමීමටද දඹුල්ල සික්සර්ස් කණ්ඩායම පියවර ගනු ලැබීය. කණ්ඩායම් කළමනාකාරීත්වය විසින් එය ඉන්දිරා පිළිකා භාරයේ වෛද්යවරිය ලෙසින් කටයුතු කරන වෛද්ය ලංකා ජයසූරිය දිසානායක මහත්මිය පිළිගන්වමිනි.
ඉහතින් සඳහන් කළ ආකාරයට “රෝස දින“ ව්යාපෘතියට ලංකා ප්රිමියර් ලීග් තරගාවලිය දායකත්වය ලබාදෙනුයේ හයේ පහරකට රුපියල් දස දහසක් ද හතරේ පහරකට රුපියල් හාරදහසක් ද දවාලන කඩුල්ලකට රුපියල් හයදහසක් ද ලෙසිනි. තරගාවලියේ අවසාන තරගය පැවැත්වෙන ජුලි 21 වැනිදා තරගය නිමාවට පත් වනතෙක්ම මෙය ක්රියාත්මකය. බලාපොරොත්තු සහිතව පහර දීමෙන් ලබා ගන්නා ප්රතිඵලයන් එල්.පී.එල්. හි පිළිකා නිවාරණය වෙනුවෙන් ගනු ලබන වෑයමට මහඟු දායකත්වයක් ගෙනෙනු නියතය.
සාම්ප්රදායික දේශපාලනයෙන් ඉවත්ව රට ගැන සිතා කටයුතු කරන දේශපාලන සංස්කෘතිකයක් රටේ ඉදිරි ගමන වෙනුවෙන් අත්යාවශ්ය බව ජනාධිපති රනිල් වික්රමසිංහ මහතා අවධාරණය කළේය.
එහිදී පක්ෂ, විපක්ෂ සියලු දේශපාලන නායකයන්ට පැවරී ඇති වගකීම සුළුකොට තැකිය නොහැකි බව පැවසූ ජනාධිපතිවරයා දේශපාලන අමුණුවලින් බැහැරව රටේ ආර්ථිකය නඟා සිටුවීමේ වැඩපිළිවෙළට එම සියලුදෙනාගේ සහාය හිමිවිය යුතු බවද සඳහන් කළේය.
ජනාධිපති රනිල් වික්රමසිංහ මහතා මේ බව සඳහන් කර සිටියේ නීතිඥවරු සමඟ පසුගියදා ජනාධිපති කාර්යාලයේ පැවති හමුවේදීය.
දේශපාලනය කිරීමට ඕනෑම අයෙකුට අයිතිය තිබෙන නමුත් රට ඉදිරියට ගෙන යන ආර්ථික රාමුව බිඳ දැමීමට කිසිවෙකු කටයුතු නොකළ යුතු බව පැවසූ ජනාධිපතිවරයා, ජාත්යන්තර මූල්ය අරමුදල සමඟ ගිවිසුමට අත්සන් තැබීමත් සමඟ පසුගිය සති කිහිපය තුළ මෙන්ම ඊට පෙර සිදු වූ වැඩවර්ජන ඉදිරි ජනාධිපතිවරණය ඉලක්ක කර ගනිමින් ක්රියාත්මක වූ ඒවා බවද පෙන්වා දුන්නේය.
මෙහිදී වැඩිදුරටත් අදහස් දැක්වූ ජනාධිපති රනිල් වික්රමසිංහ මහතා මෙසේද පැවසිය,
පසුගිය වසර දෙක තුළ මේ රටේ දේශපාලන සංස්කෘතිය වෙනස් වුණා. එහිදී රට ගැන සිතා වැඩකරන කණ්ඩායමක් බිහි වුණා. ඔවුන් සම්ප්රදායික දේශපාලනයෙන් ඉවත්ව කටයුතු කළා. ඒ නිසා අද විවිධ පක්ෂවලට අයත් අය වගේම කිසිදු පක්ෂයකට අයත් නැති අයත් මෙම ස්ථානයේ සිටිනවා. 2022 මැයි 09 වනදා සිදුවීම පිළිබඳ මම අලුතින් සඳහන් කළයුතු නැහැ. රටේ ජනතාව පීඩාවට පත්වීම නිසා උද්ඝෝෂණ ඇති වුණා. ඇතැම් අය එම උද්ඝෝෂනවලින් ප්රයෝජන ගැනීමට උත්සාහ කළා. අවසානයේ සිදු වුණේ සාම්ප්රදායික පක්ෂවලට රටේ නායකත්වයට පැමිණීමට නොහැකි වීමයි.
2021 දෙසැම්බර් මාසයේ ජාත්යන්තර මූල්ය අරමුදලේ කළමනාකරණ අධ්යක්ෂවරිය සමඟ සාකච්ඡා කිරිමට මට අවස්ථාව ලැබුණා. රට තුළ ඉදිරියේ දී ආර්ථික ගැටළුවක් ඇති විය හැකි බවත්, ඒ පිළිබඳ කඩිනමින් කටයුතු කරන ලෙස ජනාධිපතිතුමාට දැනුම් දෙන ලෙසත් එතුමිය මා සමඟ ප්රකාශ කළා.
මම ඒ බව හිටපු ජනාධිපතිතුමාට දැනුම් දුන්නා. ඒ වගේම ලෝක බැංකුවේ නියෝජිතයන් පැමිණි අවස්ථාවේදීත් අප මේ පිළිබඳ සාකච්ඡා කළා. ඒ සමඟම ජනාධිපතිතුමා පාර්ලිමේන්තුවේ සිටින දේශපාලන පක්ෂ කැඳවා මේ පිළිබඳ සාකච්ඡා කිරීමට කටයුතු කළා. එහිදී හැම පක්ෂයක්ම විවිධ අදහස් ඉදිරිපත් කර තිබුණා.
ඒ සඳහා විපක්ෂයෙන් සහභාගී වුණේ ද්රවිඩ සන්ධානයේ ආර්. සම්බන්ධන් මහතා සහ එම්.ඒ. සුමන්තිරන් මහතා පමණයි. එක්සත් ජාතික පක්ෂයෙන් සම්බන්ධ වුණේ මා පමණයි. විපක්ෂයේ අනෙකුත් පක්ෂ ඒ සඳහා සහභාගී වුනේ නැහැ. එය වැරිදි ක්රියාවක් බව කිවයුතුයි.
එම අවස්ථාවේ රට ඉදිරියේ අර්බුදයක් තිබුණා. ඒ සඳහා ගතයුතු පියවර කුමක්ද කියා සොයා බැලීම අප සියලුදෙනාගේ වගකීම වුණා. එම වගකීමෙන් කිසිවෙකුට ඈත් වෙන්න බැහැ. විපක්ෂ නායකයා කියන්නේ විකල්ප අගමැතිවරයායි. ඔහු බස් රියදුරෙකු නොවෙයි. ඒ නිසා මේ සඳහා සහභාගිවීමට ඔහුට වගකීමක් තිබුණා. නමුත් ඒ පිළිබඳ එක් දේශපාලන පක්ෂයක්වත් කිසිදු පියවරක් ගත්තේ නැහැ.
ඉන් පසුව මැයි 09 දා මහින්ද රාජපක්ෂ අගමැතිවරයා ඉල්ලා අස් වුණා. එම අවස්ථාවේදී පොහොට්ටුවට ආණ්ඩු බලය පවත්වා ගැනීමට හැකි තත්ත්වයක් පැවතුණේ නැහැ. අප එය පිළිගත යුතුයි. ඇමතිවරුන් ඉල්ලා අස් වුණා. අප බ්රිතාන්ය ක්රමය ගැන කතා කරන නිසා විකල්ප අගමැතිවරයාට එය භාර ගැනීමට තිබුණා.
බොහෝ අය කිව්වා මහින්ද රාජපක්ෂ මහත්මයා ඉල්ලා අස් වුණොත් සම්ප්රදාය අනුව විපක්ෂනායකතුමාට එම පළමු අවස්ථාව ලබාදිය යුතුයි කියලා. මම කිව්වා මට ඒ ගැන ප්රශ්නයක් නැහැ, අපි ඕන කෙනෙකුට උදව් කරන්නම් කියලා. නමුත් මැයි 10 වනදා පැමිණෙන ලෙස දැනුම් දුන්නත් ඔහු පැමිණියේ නැහැ. අගමැති ධූරය භාර ගන්නේ නැහැ කියලා ඔවුන් තීරණය කර තිබුණා. ඔහු තමන්ගේ යුතුකම ඉටු කළේ නැහැ. කෙටි දේශපාලනයෙන් යන්න උත්සාහ කිරීම නිසා ඉදිරියට එන්න බැරි වුණා.
ඇතැමුන් අය වැය විවාදයේදී රට ගොඩගන්නේ කොහොමද කියලා අදහස් ඉදිරිපත් කළා. නමුත් වගකීම භාරගන්න අකමැති වුණා. ජනතා විමුක්ති පෙරමුණ ඊට උත්සාහයක්වත් දැරුවේ නැහැ. නමුත් අප මේ වගකීම භාරගත්තා. ඒ වන විට රටේ බංකොළාත්භාවය ප්රකාශ කර තිබුණා. එයින් රට ගොඩගන්න පුළුවන් කියන විශ්වාසය මා තුළ තිබුණා. ජනාධිපති කවුද කියන එක මට ප්රශ්ණයක් වුණේ නැහැ. නමුත් ඒ වෙලාවේ මට රට බේර ගැනීමට අවශ්ය වුණා.
අප විටින් විට මෙවන් අභියෝගවලට මුහුණ දී තිබෙනවා. 1971 කැරැල්ල තිබු අවස්ථාවේ ජේ.ආර්. ජයවර්ධන මැතිතුමා විපක්ෂනායක ලෙස සිටිමින් සිරිමාවෝ බණ්ඩාරනායක මැතිණියට සහාය ලබා දුන්නා. එතුමාගේ පුතත් එක් අවස්ථාවක අත්අඩංගුවට ගත්තා. නමුත් ස්ථාවරය වෙනස් කළේ නැහැ. 1989 දී සිරිමාවෝ බණ්ඩාරනායක මැතිණිය සහ රත්වත්තේ ඇමතිතුමා පැමිණ රටේ නීතිය හා සාමය ඇති කිරීමට සහයෝගය ලබා දෙන බව ප්රේමදාස ජනාධිපතිවරයාට ප්රකාශ කළා. එවිට එම දෙදෙනාගෙන්ම හමුදාපතිවරයා ඇහුවා අපි මේ වැඩේ කරන්නම් පස්සේ අපට දොස් කියන්න එපා කියලා. දෙදෙනාම එකඟතාව පළ කළා. මේ ආකාරයට විවිධ අවස්ථාවල අප සාකච්ඡා කර කටයුතු කර තිබෙනවා.
ඉන්දු – ලංකා ගිවිසුම අත්සන් කරන විට සිරිමාවෝ බණ්ඩාරනායක මැතිණිය සහ ඩඩ්ලි සේනානායක මැතිතුමා එකට කටයුතු කළා. අනෙකුත් වෙලාවට ගැටුම් තිබෙනවා, නමුත් එය ප්රශ්නයක් නොවෙයි. කොච්චර ගැටුනත් ඡන්ද ප්රතිඵල අනුව බලය ජයග්රාහකයාට ලබා දී ඉවත්ව යන ආසියාවේ එකම රට ශ්රී ලංකාව පමණයි.
අධිකරණ නිදහස ගැන කොච්චර කතා කළත් අධිකරණය ක්රියාත්මක වන්නේ ලංකාවේ පමණයි. ඉන්දිරා ගාන්ධි මැතිණිය යටතේ ඉන්දීය ශ්රෙෂ්ඨාධිකරණයේ ඇති වූ ප්රශ්න අප දන්නවා.
මේ වැඩකටයුතු කරන අතරතුර ජූලි 09දා සිදුවීමට මුහුණදීමට අපට සිදු වුණා. ජුලි 09වනදා හිටපු ජනාධිපතිවරයා ජනාධිපති මන්දිරයෙන් පිටවෙලා ගියා. එම අවස්ථාවේ අගමැතිවරයා ලෙස මටත් ඉල්ලා අස්වෙන්න කියලා කිව්වා.
මම කාටද අස්වීමේ ලිපිය භාර දෙන්නේ. මහ මුහුදුට ගිහින් ජනාධිපතිවරයා සොයන්නද, මම කිව්වා මට ඉවත්වීමට නම් බහුතරයක් ඇති කෙනෙක් ඉදිරිපත් කරන්න කියලා. විපක්ෂ නායකයා අපිට කියනවා නැහැ අපට කවුරු හරි ගන්න ඔබ ඉවත් වෙන්න කියලා.
එහිදී මම කිව්වේ ඉන්න කෙනා පළමුව ඉදිරිපත් කරන්න කියලයි. ඊට පස්සේ ඔවුන් කියනවා කථානායකතුමාට භාර ගන්න කියලා. කථානායක තුමා කිව්වා මට පාර්ලිමේන්තුව පාලනය කරන්න පුළුවන්, ඒත් ආර්ථිකය පාලනය කිරීමේ වගකීම මට ගන්න බැහැ කියලා. මේ විදියට රටේ දේශපාලන ක්රමය කැඩී ගියා.
අවසානයේ පාර්ලිමේන්තුව වැටලීමට උත්සාහ කළා. එම අවස්ථාවේ පක්ෂ නායකයන් සියලුදෙනා පාර්ලිමේන්තුව ඇතුලේ සිටියා. හමුදාපතිවරයා ඒ බව දැනුම් දුන් විට ඔවුන් පැවසුවේ අගමැතිවරයා ඉවත්විය යුතුයි කියලා. එම අවස්ථාවේ හමුදාපතිවරයාට පණිවිඩයක් ලැබුණා විරෝධතාකරුවන් පාර්ලිමේන්තුවට පැත්තට එනවා කියලයි. ඉන් පසුව මිනිත්තු 05න් සියලු දෙනා පාර්ලිමේන්තුවෙන් පිට වෙලා ගියා. පාර්ලිමේන්තුව ආරක්ෂා කරන්න කියලා හමුදාපතිවරයාට දැනුම් දෙන්න මට සිදු වුණා. මම ඒ පිළිබඳ කථානායකවරයාටත් දැනුම් දුන්නා.
ඔවුන් අවශ්ය අවස්ථාවේ වගකීම් භාර නොගෙන සටන් පාඨ ඉදිරිපත් කරමින් සිටියා. සාකච්ඡාවක් සඳහා පැමිණෙන ලෙස කිහිප අවස්ථාවකදීම දැනුම් දුන්නත් එක්කෙනෙක්වත් ආවේ නැහැ. ඉන් පසුව මේ රටේ අලුත් දේශපාලන සංස්කෘතියක් ගොඩනැගුණා. මම ජනාධිපති ධූරය භාර ගන්නා විට සෑම පක්ෂයකින්ම මට සහාය ලබා දුන්නා. ඒ වගේම සෑම පක්ෂයකින්ම මට විරුද්ධවත් ඡන්දය ලබා දුන්නා. පොහොට්ටුවේ සභාපතිවරයා ඇතුළු කණ්ඩායමක් විරුද්ධ පක්ෂයට ගියා. සජබෙ කණ්ඩායමක් මට ඡන්දය දුන්නා. අපි ආණ්ඩුවක් හැඳුවා. හිටපු ඇමතිවරු සමඟ මම වැඩ ආරම්භ කළා. මම ඒ කිසිවෙක් මාරු කිරීමට ගියේ නැහැ. ඇතැම් අය අයින් වුණා. ඒක වෙනම කාරණයක්. නමුත් මම කිසි කෙනෙක් මාරු කරන්න ගියේ නැහැ.
දේශපාලන පක්ෂ ගණනාවකට අයත් පිරිස එකතු වී රට වෙනුවෙන් වැඩ කළා. පාර්ලිමේන්තුවේ මන්ත්රීවරුන් පක්ෂ බේදයෙන් තොරව තමන්ගේ සහාය ලබා දුන්නා. ඒ වගේම පිටිනුත් සහයෝගය ලැබුණා. එදා ඉදලා අරුම පුදුම ආණ්ඩුවක් විදියට මේ ආණ්ඩුව ඉදිරියට පැමිණියා. අද අප පක්ෂ බේදයෙන් තොරව එකට වැඩ කර මෙම ජයග්රහණ ලබාගෙන තිබෙනවා. මේ වන විට අපි බංකොලොත් භාවයෙන් ඉවත් වුණා විතරයි. දැන් ණය ගෙවීමට හැකි හැකි රටක් ලෙස අපව ලෝකය පිළිගෙන තිබෙනවා.
අප ජාත්යන්තර මූල්ය අරමුදල සහ ශ්රී ලංකාවේ ණය හිමියන්ගේ කමිටුව, චීන එක්සීම් බැංකුව හා පුද්ගලික බැදුම්කරුවන් සමඟ එකඟ වූ ගිවිසුම් ඒ අයුරින් ක්රියාත්මක කරනවා. අපිට විවිධ පෙරොන්දු දෙන්න බැහැ. තවදුරටත් පැරණි දේශපාලනයේ නිරතවීමට අවස්ථාවක් නැහැ. අප එය වටහා ගෙන තිබෙනවා. ඒ වගේම රට ඉදිරියට ගෙන යනවා නම් රට තුළ ආර්ථික පරිවර්තනයක් ඇති කළ යුතුයි. එහිදී අපනයන ඉලක්ක කරගත් නවීන ආර්ථික රටවාවකට ගමන් කළ යුතුයි. ඩොලර් බිලියන 85ක් වූ දළ දේශීය නිෂ්පාදනය 2048 වන විට ඩොලර් බිලියන 350ක් දක්වා ඉහළ නංවාගත යුතුයි. හරියට වැඩ කළොත් අපට එම ඉලක්කයට යන්න පුළුවන්. සිංගප්පූරුව, වියට්නාමය, වැනි රටවල් එක් ස්ථාවරයක සිට කටයුතු කිරීම නිසා අද දියුණු වී තිබෙනවා. දේශපාලනය කරන විට මූලික ස්ථාවරත්වයක් ඇති කර ගැනීමට අප කටයුතු කළ යුතුයි.
පාර්ලිමේන්තුව තුළ විවිධ අදහස් තිබෙන්න පුළුවන්. නමුත් රටේ ආර්ථික රාමුව නොකඩා ඉදිරියට ගෙන යා යුතුයි. අද බොහෝ දෙනෙකුට අවශ්යව ඇත්තේ මෙම රාමුව බිඳ දැමීමටයි. අප ජාත්යන්තර මූල්ය අරමුදල සමඟ ගිවිසුමට අත්සන් කළ පසු පසුගිය සතියේ සහ ඊට පෙර වැඩ වර්ජන කීයකට මුහුණ දුන්නද, එහෙම වෙන්නේ මේ වසරේ සැප්තැම්බර්, ඔක්තෝබර් වල ජනාධිපතිවරණයක් පැවැත්වෙන නිසායි. වැඩ වර්ජන කරන්න අවශ්ය නැහැ. තමන් එක් පක්ෂයකට කැමති නැත්නම් වෙනත් පක්ෂයකට ඡන්දය දෙන්න. ඔවුන් උත්සාහ කළේ මෙම ආර්ථික රාමුව බිඳ දැමීමටයි. නමුත් ජනතාව ඊට විරුද්ධ වුණා. දැන් අපට තිබෙන්නේ රට ලබාගත් ජයග්රහණය තහවුරු කරගෙන රට අලුත් මාර්ගයක ගෙන යනවාද, නැත්නම් පැරණි ක්රමය අනුව කටයුතු කරනවාද කියා තීරණය කිරීමයි.
අද මෙම අවස්ථාවට ඔබ සියලුදෙනාගේ පැමණීම විශාල ශක්තියක් බව ප්රකාශ කළ යුතුයි. අපි සියලුදෙනා එකතුවෙලා රට ඉදිරියට ගෙන යමු. ඉන්පසු නැවතත් වසර 05කින් පසු පක්ෂ දේශපාලනයේ නිරත වෙමු.
රටට ස්ථාවර ආර්ථික ක්රමයක් අවශ්යයි. ප්රංශයේ පාර්ලිමේන්තු මැතිවරණයේ පළමු වටයේදී සියලුදෙනා සිතුවේ අන්තවාදී දක්ෂිණාංශය ජයග්රහණය කරනු ඇති බවයි. නමුත් එහි මැද අවස්ථාවේදී දක්ෂිණාංශයක්, වමත් තිරණය කළා අපි තරගයකට යන්නේ නැතිව ඒ ආසනවල තුන්වැනියා ඉවත් කරමු කියලා. මගේ පක්ෂය නම් තුන්වැනියා මගේ පක්ෂයෙන් අයින් කරනවා, ඔබේ පක්ෂයෙන් ඔබ අයින් කළ යුතුයි කියලා. දැන් මේක අනෙක් පැත්තට පෙරළී තිබෙනවා. ඒ අනුව එකට වැඩ කර ඉදිරියට යාමට අවස්ථාවන් තිබෙනවා. අප මේ රට තුළ ඇතිකළ යුත්තේ එම තත්ත්වයයි.
අපි රට තුළ සිදු කළ දේශපාලන පෙරළිය තහවුරු කරගෙන ඉදිරියට ගොස් රටේ අනාගතය ගොඩනඟමු. අපට හැමදාම සිඟමන් යදින ජාතියක් වෙන්න බැහැ. ආර්ථික වශයෙන් පහළට යන්නත් බැහැ, රට ශක්තිමත් ආර්ථිකයක් තුළ ඉහළට ඔසවා තැබිය යුතුයි. එම වගකීම ඉටුකිරීමට සියලුදෙනා එක්වෙමු කියා ආරාධනා කරනවා. අද ඔබේ පැමිණීම පිළිබඳවද අප ස්තූතිවන්ත වෙනවා
19 වන ආණ්ඩුක්රම ව්යවස්ථා සංශෝධනයට අදාළව ජනමත විචාරණයකින් තොරව ජනාධිපතිවරණය නොපැවැත්විය යුතු බවට ප්රකාශ කරන ලෙස ඉල්ලා නීතීඥයෙකු ගොනු කළ මූලික අයිතිවාසිකම් පෙත්සම ශ්රේෂ්ඨාධිකරණය විසින් රුපියල් 500,000ක නඩු ගාස්තුවක් සමග නිෂ්ප්රභ කරන ලදී.
අගවිනිසුරු ජයන්ත ජයසූරිය, විනිසුරු අර්ජුන ඔබේසේකර සහ ප්රියන්ත ප්රනාන්දු යන ශ්රේෂ්ඨාධිකරණ ත්රිපුද්ගල ශ්රේෂ්ඨාධිකරණ විනිසුරු මඩුල්ල මෙම පෙත්සමේ කිසිදු සාධාරණත්වයක් නොමැති බව පවසමින් පෙත්සම නිෂ්ප්රභ කිරීමට තීරණය කළේය.
එම මුදල මේ වසරේ ජූලි 31 වැනිදාට පෙර ගෙවන ලෙස පෙත්සම්කරුට නියෝග කෙරිණි.
19 වැනි ආණ්ඩුක්රම ව්යවස්ථා සංශෝධනය ජනමත විචාරණයකින් නිසි ලෙස සම්මත නොවූ බවට තමන් විශ්වාස කරන බැවින් 19 වැනි ආණ්ඩුක්රම ව්යවස්ථා සංශෝධනයේ විධිවිධාන යටතේ මෙවර ජනාධිපතිවරණයක් පැවැත්වීම අභියෝගයට ලක් කරමින් නීතිඥ අරුණ ලක්සිරි මහතා සිය පෙත්සමෙන් ඉල්ලා සිටියේය.
දුක, වෛරය හෝ දුකට වඩා ක්රෝධය යනු අප වසා ගන්නා හෝ පලා යන දෙයකි. එය අපගේ සබඳතා, අපගේ සතුට සහ අපගේ ආරක්ෂාව අනතුරේ හෙළයි
මට කාලෙක ඉඳන් තරහ ගැන ලියන්න හිතුනා. මෙම තීරුව ආරම්භ කිරීමට වාඩි වී සිටින විට, මෑතකදී මනෝ විශ්ලේෂණ සැසියක් සිහිපත් වුණා. මා කෝපයට පත් කළ හැකි දෙයක් ගැන මම මගේ විශ්ලේෂකයාට පවසමින් සිටියා. නමුත් ඒ වෙනුවට, මම ඇයට කතා කරන විට, මට හදිසියේම නොවැළැක්විය හැකි නිදිමතක් ඇති වුණා. මම මේ හදිසියේ හටගත් තෙහෙට්ටුව විස්තර කළේ, මගේ ඇහිබැමිවල අධික බර දැනීමත්, ඒවා විවෘතව තබා ගැනීමට උත්සාහ කිරීම අත්හැරීමත්, ඒ නිසා මා කතා කළ දේ පිළිබඳ විශ්වාසය නැතිවීමත් සමඟයි.
“සමහරවිට ඔබ ඔබේ කෝපය නින්දට යවනවා විය හැකියි,” මට මගේ විශ්ලේෂකයා පැවසුවා.
මනෝචිකිත්සාවේදී මා ප්රතිකාර කරන රෝගීන් වැඩි වන තරමට සහ රෝගියෙකු ලෙස මට ලැබෙන මනෝ විශ්ලේෂණය වැඩි වන තරමට, කෝපය බොහෝ විට දැනීමට අපහසුම හැඟීම බව මම සිතමි.
දුකට වඩා, ආදරයට වඩා, වෛරයට වඩා, ශෝකයට වඩා, ක්රෝධය යටපත් කරයි, නැතහොත් ක්රියා කරයි, නැතහොත් මත්ද්රව්ය පානය කරයි, නැතහොත් මරාදමා හෝ නින්දට යවයි. ඕනෑම දෙයක්, එය පෙනෙන්නට පුළුවන, නමුත් අපගේ මනසට සහ දැනීමට ඉඩ ඇත.
බොහෝ විට, මෙයට හේතුව අපගේ කෝපය පිළිබඳ දෘශ්ය භීෂණයක් ඇති බැවිනි. සමහර විට, මෙය යමෙකුගේ ළමා කාලයේ අපයෝජන ඉතිහාසයට සම්බන්ධ වේ. ඔවුන් හැදී වැඩුණේ දෙමව්පියන්ගේ කෝපය ප්රචණ්ඩත්වය තුළින් ප්රකාශ වූ නිවසක නම් මෙය බහුලව සිදුවේ. නමුත් බොහෝ විට එය නොවේ. සමහර විට, මෙම භීතිය හැඟීම් දිරවා ගත නොහැකි සහ අධික ලෙස දකින මනසක මුල් බැස ගත හැකි අතර, කෝපාවිෂ්ට හැඟීම් ප්රචණ්ඩකාරී ක්රියාවන්ට සමාන බවත්, කෝපයම හානිකර බවත්, මෙම හානිය සැමවිටම යථා තත්ත්වයට පත් කළ නොහැකි බවත් නොදැනුවත්වම ව්යාකූලත්වයට හේතු වේ.
භීතිය පැමිණෙන්නේ ජාතිවාදී සහ ස්ත්රී ද්රෝහී ත්රස්තවාදයේ අභ්යන්තරීකරණයෙනි: පුද්ගලයෙකු නොදැනුවත්වම “කෝපාවිෂ්ට කාන්තාව” හෝ “ආක්රමණශීලී කළු මිනිසා” ලෙස පෙනී සිටීමට බිය වේ. එවැනි ඒකාකෘති ද්රෝහී වන අතර, ඔවුන්ගේ ඉලක්කවල මනස තුළට රිංගන අතර, ඔවුන්ට අසාධාරණයක් වූ විට කෝපයට පත්වීමේ සාමාන්ය හා වැදගත් අත්දැකීම ප්රතික්ෂේප කළ හැකිය.
මම සාමාන්ය සහ අත්යවශ්ය යැයි පවසන්නේ අපට අසාධාරණයක් වූ විට කෝපයට පත්වීම නිර්මාණාත්මක හා පොහොසත් චිත්තවේගීය අත්දැකීමක් විය හැකි බැවිනි. එය යහපත් මානසික සෞඛ්යයක් සඳහා සහ සබඳතා සඵල කර ගැනීම සඳහා ඉතා වැදගත් වේ. අපට හොඳින් නොසලකන සබඳතා අත්හැරීම එම වටිනා සහජ බුද්ධියේ මුලයි. අපි එම සහජ බුද්ධිය නැති කරන විට, අපි අපගේම කොටසක් ද මරා දමමු… අපි අපගේ ආරක්ෂාව අවදානමට ගනිමු.
මගේ සැමියා සමඟ ආරවුලක් ඇති බව මට හැඟෙන සෑම විටම මම කාමරයෙන් පිටව ගියෙමි.
කෝපයට ගෙන ආ හැකි සජීවී, ගතික ශක්තිය ඉතා පහසුවෙන් දත් මිරිකන අමනාපය, වර්ණ රහිත, පාෂාණමය හැඟීමක්, ප්රාණ පරිත්යාගයක් සහ දුක්ගැනවිලි, අවබෝධයට නොබිඳිය හැකිය. ඒ කෝපයට යටින් සැඟවී ඇති සියලු ආකාරයේ වැදගත් හැඟීම් ඇති විය හැකිය. එම කෝපය මුලින්ම දැනිය නොහැකි නම් වචනයක්වත් නොලැබේ.
මෙය අවබෝධ කර ගැනීම (මගේ අත්දැකීම් අනුව) හොඳ සබඳතා සඳහා ඉතා වැදගත් වේ. මීට වසර කිහිපයකට පෙර, මගේ ස්වාමිපුරුෂයා සමඟ ආරවුලක් ඇති බව මට හැඟෙන සෑම විටම (ඔහුගේ කටහඬ නැඟෙන්නට පටන් ගත් විට හෝ මගේ පපුවේ ගැහෙන ගැස්මක් දැනුණු විට) මම කාමරයෙන් පිට වී දොර වසා ගත්තෙමි.
මෙහි බරපතලකම මට අවබෝධ වීමට හේතු වූ එක් කරුණක් නම් මනෝ විශ්ලේෂක ජෝෂ් කොහෙන් සමඟ කළ සාකච්ඡාවකි. “ස්වාමිපුරුෂයා සමඟ අමනාප විය නොහැකි කාන්තාවක් ගැන මට ඇත්තේ වචන දෙකයි. “ටික් සහ ටොක්.”
ඕනෑම ආදරණීය සම්බන්ධතාවයකදී (මවක් වූ දා සිට මෙය වඩා පැහැදිලිව මා කිසි දිනෙක දැක නැත) ගැටුම් සහ කෝපය නොවැළැක්විය හැකි අතර පැවැත්ම සඳහා අත්යවශ්ය බව තේරුම් ගැනීමට එය මට උපකාරී විය.
කාමරයෙන් පිටව ගොස් මේ තර්කවලට පදනම කපා හැරීමට උත්සාහ කිරීමේදී, ඇත්ත වශයෙන්ම මම මගේම කෝපයෙන් දොර වසා ගැනීමට උත්සාහ කළ බව මට තේරුම් ගැනීමට බොහෝ ප්රතිකාර අවශ්ය විය. මම මගේ ස්වාමිපුරුෂයාගේ මෙන්ම මගේම හැඟීම් හුස්ම හිරකරමින් සිටියෙමි. (සහ අපගේ සම්බන්ධතාවය) එය වාද කිරීමට, අපගේ අදහස් ප්රකාශ කිරීමට, එකිනෙකා තේරුම් ගැනීමට සහ නැවත එකට පැමිණීමට ඇති අවස්ථාව අපෙන් උදුරා ගත්තේය. ඔබට ඔබේ සහකරු සමඟ සැබවින්ම කෝපයක් දැනිය නොහැකි නම්, ඔබට අර්ථවත් ලෙස අලුත්වැඩියා කළ නොහැකි බව මම අවසානයේ තේරුම් ගත් විට එය පරිවර්තනයක් විය.
මට දැන් මගේ ස්වාමිපුරුෂයා සමඟ කෝපයක් ඇති වී එය ප්රකාශ කිරීමට හැකි වුව ද, සාමාන්යයෙන් කෝපයක් දැනීමෙන් මම සැහැල්ලුවෙන් සිටින බව එයින් අදහස් නොවේ. මෙම කාර්යය බොහෝ දුරට සිදුවෙමින් පවතී. මගේ විශ්ලේෂකයාගේ වචන වලට සවන් දී, මගේ දෑස් බලහත්කාරයෙන් විවර කර, නොසන්සුන් බවක් පෙනුන නින්ද සමඟ සටන් කරන විට ඇගේ වචනවල සත්යය මට දැනුනි. මම නොදැනුවත්වම මගේ කෝපය නින්දට යවමි.
අපි අවදි වන කාලය ආසන්නයි.
ද ගාර්ඩියන් ඇසුරිණි
සකස් කළේ – මධූ වික්රමසිංහ
19 වන ආණ්ඩුක්රම ව්යවස්ථා සංශෝධනයට අදාළව ජනමත විචාරණයකින් තොරව ජනාධිපතිවරණය නොපැවැත්විය යුතු බවට ප්රකාශ කරන ලෙස ඉල්ලා නීතීඥ අරුණ ලක්සිරි විසින් ගොනු කරන ලද මූලික අයිතිවාසිකම් පෙත්සමේ පැවැත්ම අභියෝගයට ලක් කරමින් නීතිපතිවරයා අද (15) මූලික විරෝධතා මතු කළේය.
නියෝජ්ය සොලිසිටර් ජනරාල් කණිෂ්ක ද සිල්වා ශ්රේෂ්ඨාධිකරණයට දන්වා සිටියේ 2015 මැයි 15 වැනි දින කථානායකවරයා විසින් 19 වැනි ආණ්ඩුක්රම ව්යවස්ථා සංශෝධනය සහතික කළ බවත් එබැවින් මෙම පෙත්සම ඉදිරියට ගෙන යාමට නීතිමය පදනමක් නොමැති බවත්ය.
මෙම මූලික අයිතිවාසිකම් පෙත්සම අගවිනිසුරු ජයන්ත ජයසූරිය, විනිසුරු අර්ජුන ඔබේසේකර සහ ප්රියන්ත ප්රනාන්දු යන ශ්රේෂ්ඨාධිකරණ ත්රිපුද්ගල විනිසුරු මඩුල්ල හමුවේ කැඳවූ අවස්ථාවේදී නියෝජ්ය සොලිසිටර් ජනරාල්වරිය මේ බව ප්රකාශ කළාය.
පාස්කු ඉරිදා බෝම්බ ප්රහාරයෙන් විපතට පත් වූවන් සඳහා සම්පූර්ණ වන්දි මුදල ගෙවීමට වසර හයක කාලයක් ලබා දෙන ලෙස හිටපු ජනාධිපති මෛත්රීපාල සිරිසේන ශ්රේෂ්ඨාධිකරණයෙන් ඉල්ලා තිබේ.
මෛත්රීපාල සිරිසේන මහතා වෙනුවෙන් පෙනී සිටි ජනාධිපති නීතීඥ ෆයිසර් මුස්තාපා මහතා ශ්රේෂ්ඨාධිකරණයට දන්වා සිටියේ තම සේවාදායකයා මේ වන විටත් විපතට පත්වූවන්ට රුපියල් මිලියන 58ක වන්දි මුදලක් ලබා දී ඇති අතර ඉතිරි රුපියල් මිලියන 42ක ඉදිරි වසර හය ඇතුළත ගෙවා දමන බවයි.
2023 ජනවාරි 12 දිනැති සිය තීන්දුවෙන් ශ්රේෂ්ඨාධිකරණය එම සිදුවීම් සිදුවන අවස්ථාවේ ආරක්ෂක අමාත්ය ධුරය දැරූ හිටපු ජනාධිපති සිරිසේනට රුපියල් මිලියන 100ක වන්දියක් පාස්කු ඉරිදා ප්රහාරයෙන් විපතට පත්වූවන්ට ගෙවන ලෙස නියෝග කළේය.
කෙසේ වෙතත්, එක් පෙත්සමක පෙත්සම්කරුවෙකු වෙනුවෙන් පෙනී සිටි ජනාධිපති නීතීඥ සංජීව ජයවර්ධන මහතා අධිකරණයට දන්වා සිටියේ හිටපු ජනාධිපති සිරිසේන මහතාට දිවුරුම් ප්රකාශය අනුව දේපළ 3ක් හිමිව තිබුණ ද එම මුදල ගෙවීමට ඔහු සැබෑ උත්සාහයක් ගෙන නොමැති බවයි.
මේ අතර පෙත්සම්කරුවන් වෙනුවෙන් පෙනී සිටි නීතිඥයින් අධිකරණයට දන්වා සිටියේ පාස්කු ඉරිදා ප්රවාහරයෙන් විපතට පත්වූවන්ට රුපියල් මිලියන 75ක වන්දියක් ගෙවන ලෙස නියම කරනු ලැබ සිටින හිටපු පොලිස්පති පූජිත් ජයසුන්දර මේ දක්වා අදාළ වන්දි මුලදින් ගෙවා ඇත්තේ රු. මිලියන 1.9ක් පමණක් බවයි.
ශ්රේෂ්ඨාධිකරණය නියෝග කළ මුළු වන්දි මුදල එවක ආරක්ෂක ලේකම් හේමසිරි ප්රනාන්දු සහ හිටපු ජාතික බුද්ධි ප්රධානී සිසිර මෙන්ඩිස් විසින් ගෙවා ඇති බව ද ශ්රේෂ්ඨාධිකරණය දන්වා සිටියේය.
ශ්රී ලංකාව ඇතුළු රටවල් 93 ක සහ ප්රදේශවලින් පැමිණෙන සංචාරකයින් සඳහා හෙට (ජුලි 15) සිට වීසා රහිතව ඇතුළුවීමට අවසර ලබා දෙන බව තායිලන්තයේ අභ්යන්තර කටයුතු අමාත්යාංශය පවසයි.
තායිලන්තයේ අභ්යන්තර කටයුතු අමාත්යාංශය විසින් ප්රකාශයට පත් කරන ලද නව ප්රතිපත්තිය, වීසා රහිත රැඳී සිටීම දින 30 සිට 60 දක්වා දීර්ඝ කර ඇත. නමුත් තායිලන්තයට පැමිණෙන අමුත්තන්ට අරමුදල්, නවාතැන් සහ ආපසු පැමිණීමේ හෝ ඉදිරි ටිකට්පත් පිළිබඳ සාක්ෂි තිබිය යුතු අතර ගුවන්තොටුපළවල ආගමන විගමන නිලධාරීන්ගේ අභිමතය පරිදි ඇතුල්වීම පවතී.
තායිලන්තයේ අභ්යන්තර කටයුතු අමාත්යාංශයේ ප්රකාශිකා ට්රේසුරී ටයිසරනාකුල් පවසන පරිදි මෙම වෙනස සංචාරකයින්ට සහ කෙටි කාලීන ව්යාපාරික සංචාරකයින්ට ප්රයෝජනවත් වනු ඇත. පැමිණීමෙන් පසු වීසා බලපත්ර සඳහා සුදුසුකම් ලබන රටවල් සංඛ්යාව 31 දක්වා වැඩි වනු ඇත. තායිලන්තය වෙත මේ වසරේ විදේශ පැමිණීම් සියයට 35කින් ඉහළ ගොස් ඇති අතර, මුළු සංචාරකයින් සංඛ්යාව මිලියන 18.2 කි. මේ හරහා ඇමරිකානු ඩොලර් බිලියන 24ක් උපයා ඇත. 2024 දී චීනය, මැලේසියාව සහ ඉන්දියාව විශාලතම සංචාරක ප්රභවයන් වී ඇති අතර වාර්ෂිකව ශ්රී ලාංකිකයන් 350,000ක් පමණ තායිලන්තයට ගමන් කරයි.
එසේම, තායිලන්තය ජුලි 15 වෙනිදා ගමනාන්ත තායිලන්ත වීසා (DTV) හඳුන්වා දෙනු ඇති අතර ඩිජිටල් නාමිකයන්, නිදහස් සේවකයින් සහ ඉවුම් පිහුම් සහ සටන් කලාව වැනි කුසලතා ඉගෙන ගැනීමට අපේක්ෂා කරන අය මෙහිදී ඉලක්ක කර ගනී.
මෙම වීසා බලපත්රය දින 180ක් දක්වා රැඳී සිටීමට ඉඩ ලබා දෙන අතර එය වසර පහක් සඳහා වලංගු වේ. අයදුම්කරුවන් තම රටේ තායි තානාපති කාර්යාලයේ DTV සඳහා ඉල්ලුම් කළ යුතුය. එපමණක් නොව, තායිලන්තයේ උපාධියක් හෝ ඊට වැඩි උපාධියක් ලබා ගන්නා සිසුන්ට රැකියාවක් සෙවීමට, සංචාරය කිරීමට හෝ පර්යේෂණ කිරීමට වසරක පශ්චාත් උපාධියක් මත එහි රැඳී සිටීමට ද අවසර ලැබේ.
වීසා බලපත්රයක් නොමැතිව ශ්රී ලාංකිකයින්ට තායිලන්තයට යාමට හැකි පළමු අවස්ථාව මෙයයි. තායි පුරවැසියන්ට දැනටමත් ඩොලර් 10 සැකසුම් ගාස්තුවකට යටත්ව වීසා රහිතව ශ්රී ලංකාවට පැමිණිය හැකිය.
Gallup style ‘Mood of the Nation’ නවතම මත විමසුමට අනුව රජයේ ප්රතිපත්ති අනුමත කරන ජනතාවගේ (සමීක්ෂණයට ලක් වූ) ප්රතිශතය 2024 පෙබරවාරි මාසයේදී 7% සිට ජූලි මාසයේදී 24% දක්වා තුන් ගුණයකින් වැඩි වී ඇති බව Verité Research පවසයි.
“වර්තමාන ආර්ථික තත්ත්වය ප්රතිචාර දැක්වූවන්ගෙන් 28%ක් විසින් “හොඳ” හෝ “විශිෂ්ට” ලෙස ශ්රේණිගත කර ඇති අතර, එය 2024 පෙබරවාරි මාසයේ 9% සිට තුන් ගුණයක වැඩිවීමක් සනිටුහන් කර ඇත. රටේ ආර්ථික තත්ත්වය “යහපත් වෙමින් පවතී” යැයි විශ්වාස කරන පුද්ගලයින්ගේ කොටස ප්රතිචාර දැක්වූවන්ගෙන් 30%ක් වන අතර එය 2024 පෙබරවාරියේ 9%ක් විය.
Verite Research පවසන්නේ 2024 ජුලි මාසයේ ධනාත්මක බව 2023 ජූනි මාසයට වඩා සමාන මට්ටමක හෝ මඳක් වැඩි වන අතර එය 2022 ජනවාරි සිට වාර්තා වූ ඉහළම මට්ටම බවයි.
“රජයේ අනුමැතිය ශ්රේණිගත කිරීම | 24% | වත්මන් රජය ක්රියා කරන ආකාරය ඔබ අනුමත කරනවාද ප්රතික්ෂේප කරනවාද?” යන ප්රශ්නයට ප්රතිචාර දැක්වූවන්ගෙන් 24%ක් කියා සිටියේ තමන් අනුමත කරන බවයි (± 2.73% ක දෝෂ ආන්තිකයක් සහිතව) අනුමත ශ්රේණිගත කිරීම 2023 ජුනි මාසයට වඩා වැඩි විය.
ආර්ථික කොන්දේසි ශ්රේණිගත කිරීම | “හොඳ” හෝ “විශිෂ්ට”: 28% | “අද රටේ ආර්ථික තත්ත්වය විශිෂ්ට, හොඳ හෝ දුප්පත් ලෙස ශ්රේණිගත කරන්නැයි විමසූ විට, 28% එය “හොඳ” හෝ “විශිෂ්ට” (± 2.87% ක දෝෂ ආන්තිකයක් සහිතව) කියා ඇත. මෙය 2023 ජුනි මාසයට (27%) සමාන විය.
ආර්ථික ඉදිරි දැක්ම | “යහපත් වෙමින්”: 30% |“රටේ සමස්තයක් ලෙස ආර්ථික තත්ත්වය යහපත් වෙමින් හෝ නරක අතට හැරේ යැයි ඔබ සිතනවාද?” යන ප්රශ්නයට, ප්රතිචාර දැක්වූවන්ගෙන් 30%ක් විශ්වාස කළේ ආර්ථිකය “යහපත්” වෙමින් පවතින බවයි. දෝෂ ආන්තිකය ± 2.91%). මෙය 2023 ජුනි මාසයට සමාන වන අතර එය 29% කි.
ඩේලි මිරර් ඇසුරිණි
සැබෑ විප්ලව යනු මිනිසුන් මරා දැමීම හෝ ගෙවල් ගිනි තැබීම නොව ජනතාවට ආඩම්බරයෙන් ඉදිරියට යා හැකි පසුබිමක් රට තුළගොඩනඟා දීම බව ජනාධිපති රනිල් වික්රමසිංහ මහතා පැවසීය.
“උරුමය” වැඩසටහන මඟින් මෙරට ජනතාවට එම පසුබිම උදා කරදීමට හැකි වී ඇති බව පෙන්වා දුන් ජනාධිපතිවරයා සැබෑ සමාජවාදී වැඩපිළිවෙළ ජනගත කෙරෙන උරුමය වැඩසටහන සමඟ දේශපාලනයෙන් තොරව සියලුදෙනා එක්විය යුතු බවද පැවසීය.
ජනාධිපති රනිල් වික්රමසිංහ මහතා මේ බව සඳහන් කර සිටියේ තඹුත්තේගම මහවැලි ක්රීඩාංගණයේදී ඊයේ (13) පැවති උරුමය සින්නක්කර ඉඩම් ඔප්පු ප්රදානෝත්සවයට එක්වෙමිනි.
අනුරාධපුර දිස්ත්රික්කයේ මහවැලි එච් සහ හුරුළුවැව යන කලාප දෙකෙහි මහවැලි කොට්ඨාශ 09ක 4012 දෙනෙකුට සින්නක්කර ඉඩම් ඔප්පු ප්රදානය කිරීම මෙහිදී සිදු විය.
ජනාධිපති රනිල් වික්රමසිංහ මහතා අතින් සංකේතාත්මකව ඉඩම් ඔප්පු 47ක් ප්රදානය කෙරිණ.
මෙහිදී අදහස් දැක්වූ ජනාධිපති රනිල් වික්රමසිංහ මහතා වැඩිදුරටත් මෙසේද පැවසීය,
මම මීට වසර 50කට පෙර 1974 වසරේදී වරක් මෙම තඹුත්තේගම ප්රදේශයට පැමිණියා. එවකට මෙහි සිටි වාමාංශික පෙරමුණේ මන්ත්රී රත්නමලාන මැතිතුමාගේ මරණයෙන් පසු ඒ සඳහා ඉදිරිපත්වීමට බණ්ඩාරනායක පවුල ඇතුළේ ගැටළුවක් පැන නැඟුණා. අනුර බණ්ඩාරනායක කිව්වා එතුමා ඉදිරිපත් වෙනවා කියලා. විපක්ෂ නායක ජේ.ආර්. ජයවර්ධන මැතිතුමාගෙන් ඇහුවා සහාය ලබා දෙනවද කියලා. ජේ.ආර්. ජයවර්ධන මැතිතුමා එම අවස්ථාවෙම ඔව් කියා ප්රකාශ කළා. එවිට චන්ද්රිකා මැතිණිය සහ විජය කුමාරතුංග මහත්මයා ඊට විරුද්ධ වුණා. අවසානයේ බණ්ඩාරනායක මැතිණිය රත්නමලාන මැතිතුමාගේ පුතා ඉදිරිපත් කළා. එක්සත් ජාතික පක්ෂයෙන් අධිකාරි මැතිතුමා ඉදිරිපත් කර අප අතුරු මැතිවරණය සඳහා මෙම පළාතට පැමිණියා.
එදා මේ පළාත්වල කිසිදු දියුණුවක් තිබුණේ නැහැ. මින් වසර 10කට පසු 1984 වසරේ මම නැවත තඹුත්තේගමට පැමිණියා. ඒ වන විට අපි ආණ්ඩුවක් ගොඩනඟා තිබු අතර ගාමිණි දිසානායක ඇමතිතුමාගේ නියෝජ්ය ඇමතිවරයා ලෙස අධිකාරි මැතිතුමා පත් කර තිබුණා. ගාමිණි දිසානායක මහතා මහවැලි එච් කලාපය එතුමාට භාර දුන්නා. එදා අප සියලුදෙනාගේ සහාය ලබාගෙන එය දියුණු කිරීමට එතුමා කටයුතු කළා.
මහවැලි සංවර්ධන වැඩපිළිවෙළ යටතේ කලාවැව ප්රදේශයේ ප්රධාන නගරය ලෙස තඹුත්තේගම නව නගරය ගාමිණි දිසානායක මැතිතුමා විසින් විවෘත කළා. මධ්ය මහා විද්යාලය, නව බස් නැවතුම්පොළ, අංග සම්පූර්ණ රෝහල, උප දිසාපති කාර්යාලය සහ වෙළෙඳ සැල් එදා ආරම්භ කළා.
මම අධ්යාපන ඇමතිවරයා ලෙස ඊට සහභාගී වු අතර එම්.එච්. මොහොමඩ් මහතා ප්රවාහන අමාත්යවරයා ලෙසත්, රංජිත් අතපත්තු මහතා සෞඛ්ය ඇමතිවරයා ලෙසත් ඊට සහභාගී වූණා. ඊට පෙර අධිකාරි මහතා කළ ඉල්ලීම පරිදි තඹුත්තේගම මහා විද්යාලයට උසස් පෙළ අධ්යාපනය ලබාදීමට මම කටයුතු කළා. ඒ වගේම අලුතින් ගොඩනැගිල්ලක් ලබාදීමට ද කටයුතු කළා.
අද තඹුත්තේගම ඉතා දියුණු නගරයක් බවට පත්ව තිබෙනවා. මම 1984 මෙම පළාතට පැමිණෙන විට මගේ මිත්ර අනුර දිසානායක මන්ත්රීතුමා එම පාසලේ සිටියා. අප එම විද්යාලයට උසස් පෙළ අධ්යාපනය ලබා දුන් නිසා එතුමාට උසස් පෙළ විභාගය සමත් වී, පසුව අප අලුතින් ඇති කළ කැළණිය විශ්වවිද්යාලයට ද ගොස් සාර්ථක වී දැන් අප සමග පාර්ලිමේන්තුවේ එකට වැඩ කිරීමට අවස්ථාව ලැබී තිබෙනවා.
එදා ධවල පත්රිකාව ඉදිරිපත් කළ අවස්ථාවේ ජනතා විමුක්ති පෙරමුණේ විශාල විරෝධයක් එල්ල වුණා. කෙසේ හෝ මෙම ධවල පත්රිකාවෙන් බිහි වූ එතුමා අද ජනාධිපති අපේක්ෂකයෙකු ලෙස ඉදිරිපත් වීම පිළිබඳ මම ආඩම්බර වෙනවා. මෙයින් පෙනී යන්නේ අධ්යාපන ක්රමයේ සාර්ථකත්වයයි.
අද මම පැමිණි අවස්ථාවේ විදුහල්පතිතුමා සඳහන් කළා තවම පාසලේ සම්පත් ප්රමාණවත් නැහැ කියලා. ඒ නිසා තඹුත්තේගම විද්යාලයට නව ගොඩනැඟිල්ලක් ලබා දීමට කටයුතු කරනවා. අප මෙම පළාත්වල විශාල දියුණුවක් ඇති කර පසුව එය ඉදිරියට ගෙන ආවා. වාරිමාර්ග ඇමතිවරු, මහවැලි ඇමතිවරු මේ පළාතෙන් බිහි වුණා.
අනුර දිසානායක මැතිතුමා සහ මම පාර්ලිමේන්තුවේ එකට වැඩකටයුතු කළත් අපේ දේශපාලනය වෙනස්. ඒ බව මීට දින කිහිපයකට පෙර එතුමා පාර්ලිමේන්තුවේ ප්රකාශ කළා. එතුමා කිව්වා මේ දේශපාලනයේ ගේම් කාරයා මහින්ද රාජපක්ෂ කියලා. ඒක මට ප්රශ්නයක් නොවෙයි. එතුමා රාජපක්ෂවාදියෙකු වීම මට ප්රශ්නයක් නොවෙයි. ආණ්ඩුවේ රාජපක්ෂවාදීන් ඕනතරම් ඉන්නවා. ඒ වගේම එක්සත් ජාතික පක්ෂවාදීන් සිටිනවා. ඒ වගේම අනිත් පක්ෂවල අයත් සිටිනවා. අප සියලුදෙනා එකට වැඩ කළයුතුයි.
මට මතකයි චන්ද්රිකා බණ්ඩාරනායක මැතිණිය ජනාධිපති ධූරය අතහරින අවස්ථාවේ අනුර බණ්ඩාරනායක මහත්මයාට එය ලබාදීමට සිටියා. එහිදී අනුර දිසානායක මන්ත්රිතුමන්ලා නිර්භීතව ඉදිරියට පැමිණ පැවසුවා මහින්ද රාජපක්ෂ මහත්මයාට එය ලබා දෙන්න කියලා. මැතිවරණයේදී එතුමා වෙනුවෙන් වැඩ කළා. එය මට ගැටළුවක් නොවෙයි. අද අප සියලුදෙනා එකතුවෙලා සිටින්නේ දේශපාලනයකින් තොරවයි. රාජපක්ෂවාදින්ද, එක්සත් ජාතික පක්ෂ වාදීන්ද කියා ප්රශ්නයක් නැහැ. අප සියලුදෙනා එකතු වෙලා වැටුණු රට ගොඩගත්තා. අද ඇමරිකාව ප්රකාශ කර තිබෙනවා ලංකාව වගේ වැටුණු තැනින් වේගයෙන් ඉදිරියට පැමිණි වෙනත් රටක් නැහැ කියලා. අනෙක් රටවල් මෙය ආදර්ශයට ගත යුතුයි කියලා.
මීට වසර දෙකකට පෙර මේ රටේ දේශපාලන ක්රමය කඩා වැටුණා. කොයි රටේද අගමැතිකම හිඟමනේ යන්නේ. දින 03ක් අගමැතිවරයෙක් සෙව්වා. දේශපාලනයේදී එය සිදු විය නොහැකියි. ඒ වගේම කොයි රටේ ද තනි ආසනයක් තිබෙන කෙනෙක් ජනාධිපතිවරයා වෙන්නේ. මෙම බිඳ වැටුණු දේශපාලන ක්රමය මත අද අප සියලුදෙනා එකතුවෙලා රටේ ආර්ථිකය ස්ථාවර මට්ටමකට ගෙනවිත් තිබෙනවා. දේශපාලනයෙන් තොරව වැඩ කළ නිසා එම ජයග්රහණය ලබා ගැනීමට හැකි වුණා.
ඊට පෙර අප අතර විවිධ දේශපාලන ගැටුම් තිබුණා. නමුත් රට වැටෙනකොට එහෙම කරන්න බැහැ. එම අවස්ථාවේ අප එකතු වන්නේ නැත් නම් අපට දේශපාලනය කරන්න රටක් ඉතිරි වන්නේ නැහැ. පසුගිය වසර දෙකේ ජනතාව වෙනුවෙන් සහන ලබාදීමට අප කටයුතු කළා. මේ බංකොළොත් වූ රටේ සමෘද්ධිය වෙනුවට ඒ වගේ තුන් ගුණයක් වැඩිකර අස්වැසුම ලබා දුන්නා. ඒ වගේම රජයේ සේවකයන්ට රුපියල් දස දහසක දීමනාවක් ලබා දුන්නා. 2015 වසරේ මම අගමැතිවරයා ලෙස වැටුප් වැඩි කිරීමක් සිදු කළාට පසුව පළමු වතාවටයි එම දීමනාව හිමි වුණේ. ඒ වගේම ගොවි ජනතාවට අවශ්ය පොහොර ප්රමාණය ලබා දීලා අද රටේ කෘෂිකර්මාන්තය ඉදිරියට ගෙනැවිත් තිබෙනවා.
පසුගිය ආර්ථික අර්බුද හමුවේ රටේ සියලු ජනතාව පීඩාවට පත් වුණා. දැන් රටේ ආර්ථිකය ගොඩනැගෙන විට ඔවුන්ව අමතක කරන්න බැහැ. මේ පළාතේ ගොවි ජනතාව අපට පසුගිය කන්නවලදී හොඳ අස්වැන්නක් ලබා දුන්නා.
ඒ නිසා තමයි අපට ආර්ථිකය ශක්තිමත් කරගෙන ඉදිරියට පැමිණීමට හැකියාව ලැබුණේ. එම ජනතාවට කෘතගුණ සැලකීමක් ලෙස අද අප සින්නක්කර ඉඩම් අයිතිය ලබාදීමේ වැඩසටහන ක්රියාත්මක කර තිබෙනවා. මෙය විප්ලවීය පියවරක්. මෙයයි නියම සමාජවාදය. අප ප්රජාතන්ත්රවාදී සමාජවාදී රටක්. ඒ නිසා අයිතිය ලබා දිය යුතුයි. චීනයත් සමාජවාදය අනුව ආර්ථිකය දියුණු කර ජනතාවගේ අතට ආදායම් ලබා දුන්නා.
රට තුළ අපනයන ආර්ථිකයක් ඇති කිරීමේ වැඩපිළිවෙළ අප දැන් ක්රියාත්මක කර තිබෙනවා. මේ සියල්ල තුළින් සිදුවන්නේ ජනතාවට අයිතිය ලබා දීමයි. මීට වඩා සමාජවාදයක් සහ විප්ලවයක් නැහැ. විප්ලව කියන්නේ මිනිස්සු මරා දැමීම, පන්සලේ සිටින ස්වාමීන්වහන්සේට වෙඩි තැබීම හෝ ගෙවල් ගිනි තැබීම නොවෙයි. මෙයය නියම විප්ලවය. උරුමය වැඩසටහන හරහා මේ රටේ ලක්ෂ 20ක ජනතාවට ඉඩම් අයිතිය හිමි වෙනවා. මෙම අයිතිය ලබාගෙන ආඩම්බරයෙන් ඉදිරියට යන ලෙස මම ජනතාවගෙන් ඉල්ලනවා. මෙය ඔබේ විමුක්තියයි. දැන් ඔබට නිලධාරින් පසුපස යාමට අවශ්ය වන්නේ නැහැ. ඒ නිසා මෙම වැඩපිළිවෙළ දේශපාලනයෙන් තොරව ඉදිරියට ගෙන යමු කියා මම සියලුදෙනාට ආරාධනා කරනවා.
ඇමෙරිකානු හිටපු ජනාධිපති ඩොනල්ඩ් ට්රම්ප් පෙන්සිල්වේනියාවේ පැවති ජන රැලියක් අමතමින් සිටියදී අද (14) උදෑසන වෙඩි ප්රහාරයකට ලක්ව ඇති අතර ඔහුට කිසිම අනතුරක් නැතැයි වාර්තා වේ.
ප්රහාරය එල්ල වීමට පෙර ඔහු සිනහවෙන් හා ඔහුගේ දකුණු කනට අතක් ඔසවන අයුරු දර්ශනවල දැක්විණි.
ප්රහාරය සමග වහාම ක්රියාත්මක වූ ආරක්ෂක අංශ ට්රම්ප් ආරක්ෂා සහිතව වේදිකාවෙන් ඉවත් කර ගෙන මෝටර් රථයක් වෙත ගෙන ගියේය.
සිය සමාජ මාධ්ය පිටුවේ සටහනක් තබමින් ට්රම්ප් කියා සිටියේ උණ්ඩයක් තමාගේ දකුණු කනේ “ඉහළ කොටස” සිදුරු කළ බවයි.
ට්රම්ප් ප්රාදේශීය වෛද්ය මධ්යස්ථානයක ප්රතිකාර ලබන බව මීට පෙර ඔහුගේ ප්රකාශකයා පැවසීය.
“මොකක් හරි වැරදී ඇති බව මම වහාම දැන ගත්තා. මට වෙඩි හඬක් ඇසුණු අතර, උණ්ඩය සම හරහා ඉරී යන බව මට වහාම දැනුණා. සැලකිය යුතු ලේ ගැලීමක් සිදු වුණා, ඒ නිසා මට තේරුණා මොකක්ද වෙන්නේ කියලා.”ට්රම්ප් සටහන් කළේය.
ආරක්ෂක නිලධාරීන් ට්රම්ප් ඉවතට ගෙන යන විට ඔහුගේ කනේ සහ මුහුණේ රුධිරය පැහැදිලිව දැකගත හැකි විය.
එක්සත් ජනපද රහස් සේවා නිලධාරීන් විසින් සැකකරු එම ස්ථානයේදීම වෙඩි තබා ඝාතනය කර ඇති බව ඒජන්සියේ ප්රකාශක Anthony Guglielmi පැවසීය. වෙඩි තැබීමෙන් අසල සිටි අයෙකු මිය ගොස් තවත් දෙදෙනෙකු බරපතල තුවාල ලබා ඇති බව ඔහු වැඩිදුරටත් පැවසීය.
මියගිය තිදෙනාම පිරිමින් බව නිලධාරීන් පසුව අනාවරණය කළේය.
බලධාරීන් BBC හි US සහකරු CBS ප්රවෘත්ති වෙත පැවසුවේ ප්රහාරකයා රයිෆලයකින් සන්නද්ධව සිටි බවත්, ස්ථානයෙන් පිටත මීටර් සිය ගණනක් එපිටින් වූ උස් ගොඩනැගිල්ලක සිට වෙඩි තබා ඇති බවත්ය.
විමර්ශනයට නායකත්වය දෙන එෆ්බීඅයි ඒජන්තයින් බට්ලර්හි වාර්තාකරුවන්ට පැවසුවේ මියගිය තුවක්කුකරු “තාක්ෂණිකව හඳුනාගෙන ඇති” නමුත් තවමත් චේතනාවක් තහවුරු කර නොමැති බවයි.
විශේෂ නියෝජිත කෙවින් රොජෙක් මෙම වෙඩි තැබීම ඝාතන උත්සාහයක් ලෙස සලකන බව තහවුරු කළේය.
සැකකරු හැඳුනුම්පත රැගෙන නොසිටි බවත්, ඔහු විධිමත් ලෙස හඳුනා ගැනීමට විමර්ශන නිලධාරීන් ඩීඑන්ඒ භාවිතා කරමින් සිටින බවත් ඔහු පැවසීය.
රිපබ්ලිකන් පක්ෂයේ ජනාධිපති අපේක්ෂකයා වෙඩි ප්රහාරය ආරම්භ වන විට පෙන්සිල්වේනියාවේ බට්ලර් හි ඔහුගේ ආධාරකරුවන් ඇමතීමට පටන් ගෙන තිබුණි.
ට්රම්ප් ඔහුගේ අනුප්රාප්තික ජනාධිපති ජෝ බයිඩන් සහ ඔහුගේ පරිපාලනය ගැන කතා කරන විට බහුවිධ පිපිරුම් ශබ්ද ඇසුණි. විරෝධතා පුවරු අතැතිව සහ ට්රම්ප් පිටුපසින් සිටි ආධාරකරුවන් කිහිප දෙනෙකු වෙඩි හඬ ඇසීමත් සමඟම දිව ගියහ.
බීබීසීයට කතා කළ නරඹන්නන් ප්රකාශ කළේ ට්රම්ප් කතා කරන වේදිකාවට දකුණු පසින් ඇති එක් මහල් ගොඩනැගිල්ලක සිට වෙඩි ප්රහාර එල්ල වන්නට ඇති බවයි.
එක් සාක්ෂිකරුවෙක් – ග්රෙග් – බීබීසීයට පැවසුවේ ට්රම්ප් වේදිකාවට නැග විනාඩි පහකට පමණ පසු සැක සහිත පෙනුමක් ඇති පුද්ගලයෙකු ගොඩනැගිල්ලේ වහලය මත “වලසෙකු ලෙස බඩගාමින්” සිටිනු දුටු බවයි. ඔහු පැවසුවේ එම පුද්ගලයා පොලිසියට පෙන්වා දුන් බවයි.
“ඔහුට රයිෆලයක් තිබුණා, අපට ඔහු රයිෆලයක් සමඟ පැහැදිලිව දැකගත හැකි වුණා. අපි ඔහුට ඇඟිල්ල දිගු කරනවා, පොලිසිය බිම දිගේ ඒ වෙත දුවනවා . නමුත් පොලීසියට මොකද වෙන්නේ කියලා දැනගෙන හිටියේ නැහැ.” ඔහු වැඩි දුරටත් පැවසීය.
වොරන් සහ ඩෙබී එම ස්ථානයේ සිටි අතර ඔවුන්ට අවම වශයෙන් වෙඩි හඬ හතරක්වත් ඇසුණු බව බීබීසීයට පැවසීය.
පැමිණ සිටි පිරිසට බැස යන ලෙස කෑගසමින් සෙනඟ අතරින් රහස් ඔත්තු සේවා නියෝජිතයන් පැමිණි නිසා ඔවුන් දෙදෙනා බිමට බැස ගත් බව ඔවුහු පැවසූහ. ජනතාව සන්සුන්ව සිටි බව ඔවුහු පැවසූහ.
“එය සිදුවෙමින් පවතින බව අපට විශ්වාස කළ නොහැකි වුණා” වොරන් පැවසීය.
ඩෙබී පැවසුවේ ඔවුන් අසල සිටි කුඩා දැරියක් තමාට මිය යාමට අවශ්ය නැතැයි අඬමින් සිටි බවයි.
“එය දුටු මගේ හදවත බිඳී ගියා” ඩෙබී පැවසීය.
රිපබ්ලිකන් කොන්ග්රස් සභික රොනී ජැක්සන් බීබීසීයට පැවසුවේ වෙඩි තැබීමෙන් තම බෑණනුවන් තුවාල ලැබූ බවයි. ඔහුගේ ගෙලෙහි සුළු තුවාලයක් සිදුවී ඇති අතර, එම ස්ථානයේදීම ප්රතිකාර ලැබූ බව ජැක්සන් මහතා නිවේදනයක් නිකුත් කරමින් කියා සිටියේය.
ඔහුගේ උපන් ප්රාන්තය වන ඩෙලවෙයාර් හි සිට කතා කරමින් ජනාධිපති බිඩෙන් ප්රහාරය හෙළා දැක්කේය.
“මෙවැනි ප්රචණ්ඩත්වයට ඇමරිකාවේ ඉඩක් නැහැ. හැමෝම එය හෙළා දැකිය යුතුයි.” ජනපතිවරයා පැවසීය.
ධවල මන්දිරය පසුව පැවසුවේ ජනාධිපති බිඩෙන් වොෂින්ටන් ඩීසී වෙත ආපසු යාමට පෙර ට්රම්ප් සමඟ කතා කළ බවයි.
පැහැදිලිව පෙනෙන ප්රහාරය හෙළා දැකීමට පක්ෂ දෙකේම දේශපාලනඥයෝ Biden මහතා සමඟ එක් වූහ.
“අපගේ ප්රජාතන්ත්රවාදය තුළ දේශපාලන ප්රචණ්ඩත්වයට කිසිසේත්ම ඉඩක් නොමැති” බවත්, “හිටපු ජනාධිපති ට්රම්ප්ට බරපතල හානියක් සිදු නොවීම ගැන තමාට සහනයක් දැනෙන බවත්” හිටපු ජනාධිපති බැරැක් ඔබාමා ප්රකාශ කළේය.
ට්රම්ප්ගේ හිටපු උප ජනාධිපති මයික් පෙන්ස් කියා සිටියේ ඔහු සහ ඔහුගේ බිරිඳ ඔහුගේ හිටපු සගයා වෙනුවෙන් යාඥා කරන බවත්, “සෑම ඇමරිකානුවෙකුම අප හා එක්වන ලෙස” ඔහු ඉල්ලා සිටින බවත්ය.
කොන්ග්රසයේ සුළුතර නායක හකීම් ජෙෆ්රිස් ප්රකාශයක් නිකුත් කරමින් කියා සිටියේ: “මගේ සිතුවිලි සහ යාඥාවන් හිටපු ජනාධිපති ට්රම්ප් සමඟයි. තීරනාත්මක නීතිය ක්රියාත්මක කිරීමේ ප්රතිචාරය සඳහා මම ස්තුතිවන්ත වෙනවා. ඇමරිකාව ප්රජාතන්ත්රවාදී රටක්. කිසිම ආකාරයක දේශපාලන ප්රචණ්ඩත්වය කිසිවිටෙක පිළිගත නොහැකියි‘
එක්සත් රාජධානියේ අගමැති ශ්රීමත් කීර් ස්ටාර්මර් මෙම වෙඩි තැබීම හෙළා දැකීමට නායකත්වය දුන්නේ “ජනාධිපති ට්රම්ප්ගේ රැලියේ කම්පන සහගත දර්ශනවලින් තමා කම්පනයට පත් වූ” බව ඔහු පැවසුවේය.
“ඕනෑම ආකාරයක දේශපාලන ප්රචණ්ඩත්වයකට අපගේ සමාජවල ඉඩක් නොමැති අතර මගේ සිතුවිලි මෙම ප්රහාරයට ගොදුරු වූ සියලුම දෙනා සමඟ යි” යනුවෙන් ඔහු නිවේදනයක් නිකුත් කරමින් කියා සිටියේය.
“ප්රජාතන්ත්රවාදයට අභියෝග කරන” ප්රචණ්ඩත්වයට විරුද්ධ වන ලෙස ජපාන අගමැති ෆුමියෝ කිෂිඩා ජනතාවගෙන් ඉල්ලා සිටියේය.
එමෙන්ම කැනේඩියානු නායක ජස්ටින් ටෘඩෝ පැවසුවේ “හිටපු ජනාධිපති ට්රම්ප්ට වෙඩි තැබීමෙන් තමා කම්පනයට පත් වූ” බවයි.
හෙට (සඳුදා) මිල්වෞකිහි පැවත්වීමට නියමිත සමුළුවේදී ට්රම්ප් සිය පක්ෂයේ ජනාධිපති අපේක්ෂකත්වය පිළිගැනීමට නියමිතව තිබුණි. බට්ලර් රැලියේදී ඔහු තම උප ජනාධිපති අපේක්ෂකයා හෙළි කිරීමට සූදානම්ව සිටි බවට ඇතැමුන් අනුමාන කර තිබුණි.
සමහර රිපබ්ලිකානුවන් වෙඩි තැබීම සම්බන්ධයෙන් ජනාධිපති බිඩෙන්ට දොස් පැවරීමට ඉක්මන් වූ අතර, ට්රම්ප්ගේ නැවත ධුරයට පත්වීමේ විභවය පිළිබඳ භීතිය ඇති කළ බවට ඔහුට චෝදනා කළේය.
ට්රම්ප්ගේ උප ජනාධිපති අපේක්ෂකයා වීමට බොහෝ විට ඉඩ ඇතැයි සැලකෙන සෙනෙට් සභික ජේඩී වැන්ස් පැවසුවේ බිඩෙන් ප්රචාරක ව්යාපාරයේ වාචාල කතා මෙම සිදුවීමට සෘජුවම හේතු වී ඇති බවයි.
රිපබ්ලිකන් කොන්ග්රස් සභික මයික් කොලින්ස් ජනාධිපතිවරයාට “ඝාතනයක් උසිගන්වන” බවට චෝදනා කළේය.
මේ අතර ආරක්ෂක අධීක්ෂණ කමිටුවේ සභාපති ජේම්ස් කොමර් පැවසුවේ රහස් ඔත්තු සේවයේ අධ්යක්ෂවරයා තම මණ්ඩලය හමුවට කැඳවන බවයි.
බී.බී.සී. වාර්තාවක් අසුරිණි.
පරිවර්තනය – මධූ වික්රමසිංහ