දිනක්ෂි ප්රියසාද් කියන්නේ රූපවාහිණියට ළබැඳි චරිතයක්. සිනමාවෙන් ද ඇයගේ සුවිශේෂී දක්ෂතා දකින්න ලැබෙනවා. කලා පවුලකට සම්බන්ධ ඇයගේ උපන්දිනය පසුගිය දිනෙකට යෙදී තිබුණා.
කලා ලොවේ ජනප්රිය තරු රැසක් ඒ සඳහා සහභාගී වුණා. ඒ වගේ ම එහි දී ඔවුන් දිනක්ෂි ව පුදුමයට පත් කරන්නත් කටයුතු කරලා තිබුණා.
එහි ඡායාරූප පහතින්…..
හිටපු ජනපති බිල් ක්ලින්ටන්ගේ පාලනය යටතේ ගෙවුණු 1998 වසර ඇමරිකානු ඉතිහාසයේ සටහන් වන්නේ ව්යසනකාරී සමයක් ලෙස ය. ඒ සාමාන්යයෙන් එවන් අර්බුදයකට හේතුපාදක වන ආකාරයේ ත්රස්ත ප්රහාරයක්, බෝවන රෝග වසංගතයක ව්යාප්තියක්, ස්වභාවික ආපදාවක්, යුදමය වාතාවරණයක් හෝ වෙනත් එවැනි භෞතිකමය විනාශකාරී තත්ත්වයක් නිසාවෙන් නොවේ. ජනපති බිල් ක්ලින්ටන් කේන්ද්රකර ගත් අපවාදයක් නිසාය. භෞතික වශයෙන් අලාභ හානි සිදුනොවුණද ත්රස්ත ප්රහාරයකට හෝ ස්වභාවික ආපදාවකට වඩා ප්රබල ලෙස එය ලෝක බලවතා කැළඹීමට සමත් විය. ඉන් හටගත් ආන්දෝලනය කෙතරම් දරුණු වුවාද යත් ජනපති ක්ලින්ටන් බලයෙන් පහා කිරීමට දෝශාභියෝගයක් ගෙන ඒම දක්වාවූ අන්තයකට එය විහිද ගියේය.
මාස දහතුනක කාලයක් පුරා ඇමරිකාව වෙළාගෙන තිබූ මෙම ‘අවාසනාවන්ත බන්ධනයෙන්‘ එල්ලවූ බලපෑම අදටද පහව ගොස් නැත. එවක් පටන් ගෙවුණු විසි වසර තුළදී, ‘ඇය‘ පවසන ආකාරයට එම අපවාදය පිළිබඳ මාධ්ය ඔස්සේ අවම වශයෙන් එක්වරක් හෝ සඳහන් නොකෙරුණු දිනයක් නැත. ඇය ක්ලින්ටන්ගේ ජනපති ධුරය තර්ජනයට ලක් කිරීමට හේතුවූ අපවාදය සම්බන්ධයෙන් චෝදනාවට ලක්වූ තැනැත්තියයි. ඇය ‘මොනිකා ලෙවින්ස්කි‘ ය. ධවල මන්දිරයේ සේවයේ නියුතු ළාබාල නිලධාරිනියක ලෙස, ලෝක බලවතා වූ, වයස අවුරුදු විසිහතකින් වැඩිමහලු තමාගේ ප්රධානියා සමඟ අනියම් පෙම් දමක පැටලී ලෝකයෙන් ගැරහුමටත්, අපවාදයටත් ගොදුරුවූ තැනැත්තියයි.
හිටපු ඇමරිකානු ජනපති බිල් ක්ලින්ටන් හා මොනිකා ලෙවින්ස්කි අපවාදය ලොවට හෙළිකළ ‘ස්ටාර් විමර්ශනය‘ කරළියට පැමිණ හරියටම විසි වසරක් සම්පූර්ණ වන්නේ මෙම මාසයේදී ය. විසි වසරක් ගෙවුණද අදටත් ක්ලින්ටන්- ලෙවින්ස්කි අපවාදය ජගත් මාධ්යන්ට උණුසුම් පුවතකි. ලෙවින්ස්කි පවසන පරිදිම එම සිදුවීම පිළිබඳව ජාත්යන්තර මාධ්ය විසින් සඳහන් නොකළ දිනයක් තවමත් උදාවී නැත. එම අපවාදය කරළියට පැමිණි මුල් දින දහයේදී පමණක් ‘ද වොෂින්ටන් පෝස්ට්‘ පුවත්පත ඒ සම්බන්ධයෙන් ලිපි එකසිය විසිපහක් පළකොට තිබිණි. ප්රසිද්ධියේ ලෝකයාගෙන් ගැරහුමටත්, අපහාසයටත් ලක්වීම නිසාවෙන් හටගත් මානසික ආතතිය හේතුවෙන් ලෙවින්ස්කි පුරා වසර දහසයක් ලොවෙන් සැඟවී හුදකලාව සිටියාය.
මාධ්ය විසින් ඇගේ ආත්ම ගෞරවය කීතුකර දැමු එම චිත්ත ව්යසනකාරී සමයේදී ඇගේ ළඟින්ම සිටියේ ඇගේ මව, පියා ඇතුලු පවුලේ සමීපතමයින් පමණි. 2014 වසරේදී ඇය පළමුවරට ‘වැනිටි ෆෙයාර්‘ සඟරාවේ ලිපියක් පළ කරමින් සිය වේදනාකාරී අත්දැකීම පිළිබඳව ප්රසිද්ධියේ කතා කිරීමට පෙළඹුණා ය. එම අපවාදය කරළියට පැමිණ විසි වසරක් සම්පූර්ණ වන මෙම මාසයේදී යළිත් ඒ පිළිබඳ විවරණයක යෙදීමට වඩාත්ම සුදුසු කාලය එළැඹ ඇති බවට සැකයක් නැත. ඒ එම යටගියාව සම්බන්ධයෙන් ලෙවින්ස්කි ලබාගෙන ඇති පරිණතභාවය නිසා පමණක්ම නොව ‘MeToo’ ව්යාපාරය කරණකොටගෙන ලිංගික අපයෝජනයට ලක්වූ කාන්තාවන් වෙනුවෙන් ලෝක ප්රජාව අතර වර්ධනය ඇති සහයෝගීතාවද නිසාය. පසුගියදා මොනිකා ලෙවින්ස්කි වැනිටි ෆෙයාර් සඟරාවේ පළකළ ලිපියකින් එම අපවාදයෙන් විසි වසරකට පසු ආත්ම හා සමාජ විවරණයක යෙදුණේ ‘MeToo’ ව්යාපාරයෙන් දළුලා ඇති ජාත්යන්තර උද්යෝගය එඩියක් කර ගනිමිනි.
පසුගිය වසරේ නත්තල උදාවට පෙරදින රාත්රියේදී ලෙවින්ස්කි කිසිදා බලාපොරොත්තු නොවූ ආකාරයේ අත්දැකීමකට මුහුණ දුන්නාය. ඊට වසර දහයකට පෙර ඇය ඊට මුහුණ දුන්නා නම් ඇය පැන දුවන්නට බෙහෙවින් ඉඩ තිබිණි. සිය මවුපියන් සමඟ මෑන්හැටන් නුවර ග්රැමර්සි උද්යානයේ පැවති කැරොල් ගායනයකට සහභාගිවී රාත්රී භෝජනයට අසළවූ අවන්හලකට ගොඩවැදුණු ඇගේ දෙනෙත් එක්වරම නතරවූයේ ‘ඔහු‘ වෙතය. මෙවැන්නකට තමා පෙළඹේයැයි කිසි දිනක නොඇදහු ලෙවින්ස්කි ‘ඔහු‘ හමුවට ගොස් කතා කළේ විශ්වාසයකින් තොරවය. කිසිදා මුහුණට මුහුණ හමුව නොතිබුණද අසා හා දැක තිබු දේ ඇසුරින් තමා කළ හඳුනාගැනීම නිවැරදි බැව් ඇයට තහවුරුවූයේ තමා ‘කෙන් ස්ටාර්‘ ලෙස ඔහු තමා හඳුන්වා දුන් විටය. කෙන් ස්ටාර් යනු බිල් ක්ලින්ටන් ජනපතිවරයා බලයෙන් පහා කිරීම දක්වා අන්තයකට රට ගෙන ගිය ආන්දෝලනයට මුල්වූ ‘ස්ටාර් විමර්ශනයේ‘ පුරෝගාමියා ය.
“අපි දෙන්නගේ ප්රේමයේ අපවාදය ජාත්යන්තරය හමුවට ආවේ ඔහු නිසයි…එතකොට මගේ වයස අවුරුදු 22යි. මගේ ජිවිතේ අපායක් කළේ ඔහුයි…අපි දෙන්නගේ ප්රේම සම්බන්ධය ගැන ධවල මන්දිර නිලධාරියකු වූ කෙන් ස්ටාර්ගේ කාර්ය මණ්ඩලයට ඒ සඳහා එෆ්.බී. අයි. ආයතනයේ සහාය නොමඳව ලැබුණු ලැබුනා කියලා මට මතකයි.. මාව පෙන්ටගනය අසළවූ හෝටලයකට බලහත්කාරයෙන් අරගෙන ගිහින් විමර්ශයට සහාය නොදැක්වුවහොත් වසර විසිහතක් සිරගෙට යවන බවට තර්ජනය කළා..”
ඇය එසේ කියන්නීය.
ක්ලින්ටන් ජනපති ධුරයෙන් පහ කිරීමට ඔහු ගෙන ආ චෝදනා වූයේ අධිකරණයට බාධා කිරීම හා ලෙවින්ස්කි සමඟ අනියම් සම්බන්ධයක් පැවැත් වූයේ නැති බව කියමින් ජනපති ලෙස දුන් දිවුරුමට බොරු කිරීමය. ඔහු සිය ආධිපත්යයෙන් ත්රස්ත කළේ ලෙවින්ස්කි පමණක් නොවේ. ඔහු ඇගේ මව, පියා, නැන්දණිය ඇතුලු පවුලේ සාමාජිකයින්ද එම අපවාදයේ ශාපයට ඇද දැමුවේය. එවන් කඨෝර පුද්ගලයකු ‘මනුෂ්ය ජිවියකු‘ ලෙස ලෙවින්ස්කි පළමුවරට හඳුනා ගත්තේ එදිනය. ඒ එදින කෙන් ස්ටාර්ද එහි පැමිණ සිටියේ ඔහුගේ පවුලේ සාමාජිකයින් සමඟ බැවිනි. විසි වසරකට පෙර සිදුවූ දෙය ගැන කණගාටුව පළ කරන බවක් ඇඟවූවද කෙන් ස්ටාර් කිසිවිටෙක ලෙවින්ස්කිගෙන් සමාව ඉල්ලා සිටියේ නැත. විසි වසරකට පෙර සිටි කෙන් ස්ටාර්ට වඩා අද සිටින කෙන් ස්ටාර්ගේ වැඩි වෙනසක් සිදුව නැති බව ඇය වටහා ගත්තාය. නමුත් එදා බියෙන් හා ලජ්ජාවෙන් ලෝකයෙන් මුලුගැන්වුණු මොනිකා ලෙවින්ස්කිට වඩා අද එම අපවාදයෙන් පන්නරය ලබා, එහි අලු දූලි මතින් නැඟී සිටින මොනිකා ලෙවින්ස්කි බෙහෙවින් ශක්තිමත් බව එම සිදුවීම ඇයට අවබෝධ කෙරෙව්වාය. එම ශක්තිය ඇයට ලබා දුන්නේ ‘සැටනික් වර්සස්‘ ලියා මරණ තර්ජනයට ලක්වූ සුප්රකට සම්මානනීය ලේඛක ‘සල්මන් රුෂ්ඩිගේ‘ දැක්මය.
“තමාගේ ජිවිතය පුරා බල පවත්නා කතාව මතත්, එය යළි පැවසීමටත්, ඒ ගැන නවතාවයකින් සිතන්නටත්, එය බිඳ දමන්නටත්, ඒ දෙස උපහාසයෙන් බලන්නටත්, කාලයත් සමඟ එය වෙනස් කිරීමටත් බලයක් නැත්තෝ සැබවින්ම දුර්වලයන් ය. මොකද එයාලට බැහැ අලුතින් දෙයක් හිතන්න“
විසි වසරක් ලෙවින්ස්කි ගතකළේ මෙම සත්යතාව පිළිගනිමින් එය සිය ජීවිතයට බද්ධ කරගැනීමටය. එය ඇයට කිසිසේත් පහසු නොවීය. මහජනතාව වෙතින් ප්රතික්ෂේප වීම හා කොන්කිරීමට ලක්වීම නිසාවෙන් ඇය අත්විඳි චෛතසික කම්පනය ඇය ‘පශ්චාත් කම්පන ආතතිමය සංකූලතාවේ‘ ගොදුරක් බවට පත් කළේය. නමුත් එම මානසික රෝගයත් සමඟ ඇය අත්විඳි කම්පනය ජාතික වශයෙන් ඇමරිකාව අත්විඳි කම්පනයක ක්ෂුද්ර නියෝජනයක් විය. ඉන් විසි වසරකට පසු ජනපති ට්රම්ප්ගේ නායකත්වය යටතේ ගෙවෙන දෙවන වසරේදී ඇමරිකාව මුහුණ දෙමින් සිටින තත්ත්වයේ එදාට වඩා වැඩි වෙනසක් සිදුව නැත. එකම දෙය එදා ක්ලින්ටන්-ලෙවින්ස්කි අපවාදයෙන් ඇති කළ කම්පනය තරම් කම්පනයක් අද ‘බිල් කොස්බි-අයිල්ස්-ඕ රෙයිලි-වෙයින්ස්ටයින් හා ස්පේසි‘ යන පුද්ගලයන් කේන්ද්රකරගත් ලිංගික අපචාරවලින් පිරිපුන් මෙකල ඇති නොවීමය.
වෙබ් අඩවි ජාල හඳුන්වාදී වසර පහකට වඩා ගතව නොතිබුණු එම යුගයේදී ලෙවින්ස්කි-ක්ලින්ටන් අපවාදය අන්තර්ජාලය ඔස්සේ ප්රසිද්ධියට පත්කිරීමට තීරණය කළේ නියෝජිත මණ්ඩලයේ රිපබ්ලිකන් පාක්ෂික අධිකරණ කමිටුව විසිනි. එවිට කෙන් ස්ටාර් කොමිසම විසින් එකී තොරතුරු ඔවුන් අතට පත්කොට ගතව තිබුණේ දෙදිනක් පමණි. අන්තර්ජාලය නැතිව වුවද ඒ වන විටත් මුද්රිත හා විද්යුත් මාධ්ය ඔස්සේ කරුණු හා මතවාදත්, ප්රවෘත්ති හා ඕපාදූපත්, පෞද්ගලිකත්වය හා මඩගැසීමත් අතර වෙනසක් නැතිවන තරමට සත්ය විකෘතිකොට තිබිණි. එහෙව් තත්ත්වයකදී මෝඩමයක් ඇති ඕනෑම අයකුට අන්තර්ජාලයට පිවිස තමාගේ අතිශයින්ම පෞද්ගලික ‘කුණු කන්දල්‘ බාගත කිරීමට ලැබීම ලෙවින්ස්කිට ගෙනදුන් කම්පනය අමුතුවෙන් කිව යුතු නොවේ. සිය සැමියාගේ අනඟ රැඟුම් එළිවත්දී හිටපු රාජ්ය ලේකම්වරියවූ හිලරි ක්ලින්ටන් ආත්ම ගරුත්වය රැකගත්තේ එම සමස්ත සිදුවීම ‘දක්ෂිණාංශිකයන්ගේ දැවැන්ත කුමන්ත්රණයක්‘ ලෙස හුවා දක්වමිනි.
ඉන් අනතුරුව ගෙවුණු දශක දෙකක කාලය ලෙවින්ස්කි ගතකළේ බිඳී විසිරුණු ආත්මය සුවපත් කර ගැනීමටය. පවුලේ සාමාජිකයින්ගේ හා මිත්ර සහාය කොතෙකුත් ලැබුණද ඇයට දැණුනේ පුදුමාකාර තනිකමකි. ඊට ප්රධානම හේතුව වූයේ එම වේදනාකාරී සිදුවීමට මුල්වූ, කලකදී ඇය සමඟ අතිශයින්ම සමීප ලෙස සබඳකමක් ගෙනගිය එම පුද්ගලයාද ඇය අත්හැර දැමීමය. මෙබදු සිදුවීමකදී හුදකලා කිරීම යනු පැමිණිලිකාර පාර්ශ්වය සතු ප්රබලම අවියකි. එසේ වුවද මෙම සිද්ධිය අද වැනි කාලයක සිදුවූවා නම් තමා මෙතරම් හුදකලා නොවන බැව් ලෙවින්ස්කිට විශ්වාස ය. ඒ ‘MeToo’ ව්යාපෘතියත් සමඟ ලිංගික අපයෝජනයට ලක්වූ කාන්තාවන් අප්රමාණ සංඛ්යාවක් එකිනෙකාගේ සහාය පතා පෙරට පැමිණෙන්නට පටන් ගැනීමෙන් ඇතිව තිබෙන ප්රබෝධය නිසාවෙනි. එලෙස විශාල පිරිසක් තම තමන්ගේ කතා ප්රසිද්ධියේ බෙදාහදා ගැනීමට ඉදිරිපත්වීම නිසා එය මහජන මතයක් ගොඩනැඟීම දක්වා දුරදිග යාමට ඉවහල්ව තිබේ. පසුගිය දිනකදී ‘MeToo’ ව්යාපාරයට පුරෝගාමී වූ කාන්තා නායිකාවක විසින් ලෙවින්ස්කිට එදා විඳි තනිකම පිළිබඳව අවංකවම කණගාටුව පළකොට තිබුණාය. එදා 1998 වසරේදී තමාට පිළිලයක් වූ අන්තර්ජාලයේම සුළුදරුවකු බඳුවූ සමාජ මාධ්ය ජාල අදවන විට තමා වැනි මිලියන සංඛ්යාවක්වූ කාන්තාවන්ගේ ගැලවුම්කරුවකු බවට පත්ව තිබීම ලෙවින්ස්කි දකින්නේ ජයග්රහණයක් ලෙසය. අද සමාජ මාධ්ය ජාල සතු මෙම බලය ඇය හඳුන්වන්නේ එදා තමා වැනි වින්දිතයන්ට අහිමි, එහෙත් ජනපති හා ඔහුගේ අතකොලුවලටත්, කොංග්රසයටත්, අභිචෝදකයින්ට හා මාධ්යවලට සීමා වූවක් ලෙසය.
‘MeToo’ ව්යාපෘතිය හුදෙක් ලිංගික අපයෝජනයන්ට ගොදුරුවූ කාන්තාවන් නියෝජනය කෙරෙන්නක් වන බැවින් ලෙවින්ස්කිගේ ධවල මන්දිර අත්දැකීමට එහි තැනක් නැති බව ඇතමුන්ගේ අදහසයි. නමුත් ලෙවින්ස්කි පවසන පරිදි එය ‘බලයෙන් අයුතු ලෙස අයථා ප්රයෝජන ගැනීමක්‘ බව ප්රතික්ෂේප කළ නොහැක. 2014 වසරේදි ප්රථම වරට ඒ ගැන ප්රසිද්ධියේ කතා කරමින් ඇය තරයේම කියා සිටියේ බිල් ක්ලින්ටන් හා තමා අතර වූයේ දෙපාර්ශ්වයේම කැමැත්ත ඇතිව හටගත් සම්බන්ධයක් බවයි. අපයෝජනයක් සිදුවූවා නම් එය සිදුවූයේ සියල්ල හෙළි වීමෙන් පසු ඔහුගේ තනතුර හා තත්ත්වය රැක ගැනීමේ අරමුණින් ඇය පිට වරද පැටවීමේදීය. ‘MeToo’ නිසා නොවේ නම් හතළිස්හතර වන වියේදී වුවද එම සිදුවීම සම්බන්ධයෙන් තමාගේ මතය වෙනස් නොවන්නට බෙහෙවින් ඉඩ තිබූ බව ඇය පිළිගන්නීය. දෙපාර්ශ්වයේම කැමැත්ත ඇතිව එවැනි සම්බන්ධයක් ඇතිවු බව ඇය කියා තිබිණි. නමුත් ලොව ප්රබලම ජනපතිවරයා හා සිය පළමු රැකියාව ලෙස ධවල මන්දිරයේ සේවයට පැමිණි තමා අතර තත්ත්වයෙන් හා බලතලවලින් තිබු අහසට පොළව වන්වූ පරතරය, ඇගේ පාර්ශ්වයෙන් එකඟතාවක අවශ්යතාව නිෂේධ කරන්නට ඇති බවද ඇය පිළිගන්නීය.
‘MeToo’ යනු මොනිකා ලෙවින්ස්කි වැනි පුරුෂාධිපත්යය විසින් යට ගසන්නට උත්සාහ කළ දහස් සංඛ්යාත කාන්තාවන්ගේ නැඟී සිටීමේ සංකේතයකි. එය එලෙස බලහත්කාරයෙන් නිහඬ කෙරූ ඇය වැනි කාන්තාවන්ගේ එඩිතර ආත්ම ශක්තියේ හඬයි. ‘MeToo’ හි නැඟි සිටිම මෙම පුරාණ මෙක්සිකානු කියමනේ සත්යතාව කදිමට ඔප්පු කරන්නකි.
“ඔවුන් අප වළලන්නට උත්සාහ කළා. නමුත් එයාලා දැනන් හිටියේ නැහැ අපි රෝපණය වන්නට පෙරුම් පුරන බීජ කියලා“
ඔයාලට මතක ඇති ඉරාජ්ගේ ගිනියම් රෑ. මෙහි රංගනයේ යෙදුනු චමත්කා ලක්මිණි පසුගිය කාලයේ ලංකාවේ තරුණ පරපුරේ වැඩිම ආකර්ෂණයක් ලැබූ කෙනෙක් වුනා. අද අපිට වාර්තා වෙන්නේ පසුගිය දිනක හොර රහසේම විවාහ ගිවිස ගෙන ඇති බවටයි. වැඩි සද්දයක් නැතිව සිදුවුණු මෙම ගිවිසගැනීම මාධ්ය වලින් වසන් කිරීමට ඔව්න් වග බලා ගෙන තිබුනා. පෞද්ගලිකත්වය සියළුම දේට වඩා වටිනා නිසාම මෙසේ සිදු කරන්න ඇති බවටයි අපි විස්වාස කරන්නේ. අපිට ආරංචි විදිහට ලබන වසරේ චමත්කා ගේ විවාහය සිදුවීමට නියමිතයි. තුන්මුල්ල අපි, චම්ත්කාට ඇයගේ මේ අළුත් ජිවිතයට සුභපතනවා.
ගිවිසගැනීමේ චයාරුප පහතින් බලන්න,
අව්ස්සාවේල්ලේ තල්දුවත් දෙහිඔව්ටත් අතර පිහිටා ඇති අමරස හොටලයේ පසුගිය දිනක සවස කොත්තු අනුබව කරමින් සිටියදි කරවුනු හැකරැල්ලකු හමුවිය.
අනතුරුව මේ පිලිබදව අයිති කරුට දැනුම් දුන් නමුත් ඔහු ගනන් ගත්තෙද නැත.
අහර සකස්කිරිමෙදි මුදල් ගැනම නෝසිතා මිනිස්සු මේවා අනුබව කරන බව දැනුනානම් මෙවන් අප්පිරියාජනක් සිදුව්ම් සිදු ව්මට ඉඩ නොතිබෙනු ඇත.
අපි වෙනත් රටකදි ප්රේක්ෂකයන්ගේ සහයක් බලාපොරොත්තු වෙන්නෙ නෑ. අපි ඒ ගැන අවධානය යොමු කරන්නේ නෑ යනුවෙන් බංගලාදේශ නායක ෂකීබ් අල් හසන් පවසනවා.
ඔහු මේ බව පැවසුවේ නිමාවූ නිදහස් කුසලාන අවසන් තරඟය පිළිබඳ අදහස් දක්වමිනුයි.
අවසාන තරගය නැරඹීමට 20000 අධික ප්රෙක්ෂක පිරිසක් ප්රේමදාස පිටියට රැස්ව තිබූ අතර ඔවුන්ගේ සහය ඉන්දියානු කණ්ඩායමට හිමිවුණා.
ඒ, ශ්රී ලංකාව හා බංගලාදේශය අතර පැවති තරඟයේදී බංගලාදේශ පිලේ නොමනා හැසිරීම බවයි බොහෝ දෙනා කියා සිටියේ.
“ඔවුන් අපට සහයෝගය දැක්වුවා නම් හොඳයි. ඒත් මේ වගේ දේවල් වෙන්න පුලුවන්.කවුරු කාටද සහයෝගය දක්වනවාද කියන එක ගැන අපි කණගාටු වෙන්නේ නෑ.පිටිය මැදදි හොඳින් ක්රීඩා කිරීමයි අපේ අරමුණ‘ යැයි ෂකීබ් වැඩිදුරටත් සඳහන් කළා.
කෙසේ වෙතත් එම තරඟයේදී ශ්රීලංකා ක්රීඩා ලෝලීන්ගෙන් ලද සහය පිළිබඳ රෝහිත් ෂර්මා විශේෂයෙන් සඳහන් කළා.
ඔවුන් විශිෂ්ඨයි.අපිට දැනුනේ ඉන්දියාවේ ක්රීඩා කරනවා වාගෙයි.ඔවුන් විශාල වශයෙන් පැමිණ අපට සහයෝගය දක්වුවා.එය ඉතා වැදගත් වුණා. පන්දුවාර 40ම අපට ඔවුන්ගේ සහය නොමදව ලැබුණා.අපි පන්දු යවද්දිත් පහරදෙද්දිත් නෙකඩාවා එය ලැබුණා.
පසුගිය කාලසීමාවේදී විවිධ උපක්රම භාවිතා කරමින් ෆේස්බුක් වැනි සමාජ ජාල වෙත පිවිසුණු පිරිස් වෙත ඔවුන්ගේ ඊමේල් වෙත විශේෂිත ඊමේල් පණිවුඩයක් ලැබී තිබෙන්නේදැයි යන්න පිළිබඳ අවධානයෙන් සිටිය යුතු බව ශ්රී ලංකා පරිගණක හදිසි ප්රතිචාර සංසදය පෙන්වා දෙයි.
එවැනි ඊමේල් පණිවුඩයක් ලැබී තිබෙන්නේ නම් ඊට ආරක්ෂා කාරී ලෙස ප්රතිචාර දැක්විය යුතු බව එහි ප්රධාන තොරතුරු ආරක්ෂණ ඉංජිනේරු රොෂාන් චන්ද්රගුප්ත සඳහන් කියා සිටී.
ජුනි මාසයේදී දියත් වීමට නියමිත බටහිර ඉන්දීය කොදෙව් සංචාරයට අදාළව පැවැත්වෙන ටෙස්ට් තරගාවලිය 2-0ක් ලෙස ජයගැනීමට ශ්රී ලංකා කණ්ඩායමට හැකි වුවහොත් ටෙස්ට් ශේ්රණිගත කිරීම්හි එංගලන්තය අභිභවා ගොස් පස්වැනි ස්ථානයට පත්වීමට ශ්රී ලංකාවට හැකිව තිබේ.
එහෙත් එසේ වන්නේ එළැඹෙන මැයි මාසයේදී පැවැත්වෙන එංගලන්ත-පාකිස්තාන ටෙස්ට් තරගාවලියේදී එංගලන්ත කණ්ඩායම පාකිස්තානය හමුවේ පරාජය වුවහොත් පමණි.
ඒ අනුව මේ වනවිට ශේ්රණිගත ලකුණු 99ක් ලබා පස්වැනි ස්ථානයේ පසුවන එංගලන්තය පාකිස්තානය හමුවේ තරග දෙකකින් සමන්විත ටෙස්ට් තරගාවලිය 1-0ක් ලෙස පරාජය වුවහොත් ඔවුන්ගේ ශේ්රණි ලකුණු 3ක් අඩු වී 96ක් දක්වා ශේ්රණිගත ලකුණු අඩුවන අතර, 2-0ක් ලෙස පරාජය වුවහොත් එය 95 දක්වා තවදුරටත් අඩු වෙයි.
මේ හේතුවෙන් මේ වනවිට ශේ්රණිගත ලකුණු 95ක් ලබා හයවැනි ස්ථානයේ පසුවන ශ්රී ලංකා කණ්ඩායමට කොදෙව් සමඟ පැවැත්වෙන තරග තුනකින් සමන්විත ටෙස්ට් තරගාවලිය 2-0ක් ලෙස ජයගතහොත් එක් ශේ්රණිගත ලකුණක්ද (ශේ්රණි ලකුණු 96), තරගාවලිය 3-0ක් ලෙස ජයගතහොත් ශේ්රණිගත ලකුණු 2ක්ද (ශේ්රණි ලකුණු 97) වැඩි කරගැනීමට හැකිය.
එහෙත් එංගලන්ත-පාකිස්තාන තරගාවලිය ජය පැරදුමෙන් තොරව අවසන් වුවහොත් කොදෙව්වන් සමඟ පැවැත්වෙන ටෙස්ට් තරගාවලිය 3-0ක් ලෙස ජයගැනීමට ශ්රී ලංකාව සමත්වුවද එංගලන්තය අභිභවා යෑමට නොපුළුවන.
මේ අතර පසුගියදා අවසන් වූ නිදහස් කුසලාන විස්සයි-20 ක්රිකට් තරගාවලියේදී ලකුණු අතරට පැමිණි කුසල් ජනිත් හා කුසල් මෙන්ඩිස් ලොව විස්සයි-20 පිතිකරණ ශේ්රණිගත කිරීම්හි ඉදිරියට පැමිණීමට සමත්ව තිබීමද විශේෂත්වයකි.
ඒ අනුව නිදහස් කුසලාන ක්රිකට් තරගාවලියට පෙර විස්සයි-20 පිතිකරු ශේ්රණිගත කිරීම්හි 40 වැනි ස්ථානයේ පසුවූ කුසල් ජනිත් මේ වනවිට 20 වැනි ස්ථානය දක්වාත්, 75 වැනි ස්ථානයේ පසුවූ කුසල් මෙන්ඩිස් 48 වැනි ස්ථානය දක්වාත් ඉදිරියට පැමිණ සිටී.
ඕනෑම කෙනෙක් රැකියාවකට යද්දී මුලින්ම තමන්ට ලැබෙන වැටුප ගැන බැලුවට ගිහින් ටික දවසක් යද්දී වැඩ කරන්න තියන පරිසරය අවුල් නම් වැඩේ මඟ දාලා එන අවස්ථා අපිට ඕන තරම් දකින්න ලැබෙනවනේ,ඒ විදියේ සිද්දියකට උදාහරණයක් තමයි චන්දික බංගලාදේශයේ පුහුණුකාර ධුරය අත්හැරලා ආපු එකත්.ලෝකයේ වැඩිම වැටුපක් ලැබෙන පුහුනුකරුවෙක් විදියට හිටපු චන්දික තමන්ගේ සේවා පරිසරය නරක වේගෙන එද්දී තනතුරෙන් අස් වෙන්නේ ලැබෙන වැටුප ගැන හිතන්නේ නැතුව.
කොහොම හරි චන්දික වැඩ කරපු කාලේ බංගලාදේශයේ ක්රිකට් තිබුනේ චන්දිකගේ අතේ කියල කිව්වොත් හරි,මොකද ඔහු තීරණ ගනිද්දී ක්රීඩකයන්ගේ තරාතිරම ගැන බැලුවේ නෑ,කණ්ඩායමට ඒ අවස්ථාවේ වෙන්න ඕන හොඳම දේ තමයි කලේ.
කොහොම හරි මේ විදියේ පාලනයක් ගෙනගිය චන්දිකගේ සමු ගැනීම එක්ක බංගලි ක්රිකට් අවුල් වෙලා කියල තමයි ආරංචි වෙන්නේ චන්දිකගේ සමු ගැනීම එක්ක බංගලාදේශයේ ප්රධාන පුහුණුකාර ධුරයට තවමත් හරි හමන් පුහුණු කරුවෙක් සොයා ගන්න බැරුව තමයි ඉන්නේ.
බංගලාදේශය පහු ගිය කාලේ තමන්ගේ ප්රධාන පුහුණු කරුවා විදියට ඇන්ඩ් ෆ්ලවර් ,ටොම් මුඩි සහ ජස්ටින් ලැන්ගර් වගේ පුහුණු කරුවන්ට කතා කරලා තිබුන,ඒ උත්සාහය අසාර්ථක වුනාට පස්සේ මහේලටයි සංගටයිත් මේ තනතුරට අරාධනා කළා කියල තමයි පහු ගිය කාලේ ආරංචි වුනා .හැබැයි මේ දෙන්නත් වැඩේට කැමති වෙලා තිබුනේ නෑ.පස්සේ බංගලාදේශය හැරුනේ එංගලන්ත කණ්ඩායමේ සහය පුහුණුකරු විදියට හිටපු පෝල් ෆ්රාබේස් පැත්තට.හැබැයි දැන් ආරංචි වෙන්නේ පෝලුත් මේ වැඩේට කැමති නෑ කියල.
පෝල් කියන්නේ ශ්රී ලංකාවේ අපිටත් අමතක නොවන පුහුණු කරුවෙක්,අපි T20 ලෝක ශුරතාවය දිනද්දී ශ්රී ලංකාව පුහුණු කලෙත් මේ පුහුණු කරුවා,ඊට පස්සේ තමන්ගේ රටේ සහය පුහුණු කාර ධුරය ලැබීම එක්ක,ලංකාවට සමුදෙන පෝල් තීරණය කලා.
අවසාන වුන නිදහස් කුසලානයේ පුහුණුකරු විදියට හිටපු ක්රිකට් ක්රීඩාවේ මහත්මයෙක් විදියට හඳුන්වන්න පුළුවන් කර්ට්නි වොල්ෂ් බංගලියෝ තරඟාවලියේ හැසිරුණ විදිය ගැන කල කිරීමෙන් බලාගෙන ඉන්න විදිය දැක්කනම් බංගලාදේශයේ පුහුණුකාර ධුරය කියන කටු ඔටුන්න දා ගන්න විදෙස් පුහුණුකරුවෝ සුදානම් වෙයිද කියල ප්රශ්නයක් තියනවා.
ලෝකයේ අති දූෂිතම රටවල් 4න් එකක් බවට ලංකාව පත්වී ඇති බව සමාජ සුබසාධන නියෝජ්ය ඇමැති රන්ජන් රාමනායක මහතා පවසයි.
“ලෝකයේ අති දූෂිතම රටවල් හතරෙන් එකක් බවට ශ්රී ලංකාව පත්වෙලා අවසන්. මේවාට සම්බන්ධ හොර ජාවාරම්කාරයෝ තමන්ගේ රාජකාරිය හොඳට කරලා තිබෙනවා. ඒවට නඩු භාණ්ඩත් තිබෙනවා. දැන් මල්වානේ ගෙදර තිබෙනවා. තාජුඩීන්ගේ මළමිනිය තිබෙනවා. ඒත් මේ නඩු භාණ්ඩ සියල්ල තිබෙද්දී ඒ අපරාධකරුවන්ව නීතිය ඉදිරියට ගෙනඒම හා දඬුවම් දීම සිදුකෙරිලා නෑ. මහ බැංකු වංචාකාරයොත් ඉන්නවා. ඒ හොරු අල්ලන්නැත්තේ ඇයි.
මේ හොරුන්ව ආරක්ෂා කරන්නේ අධිකරණය, නීතිඥයන්, පූජකයන්, පාලකයන්, ජනතාව අපේ රට විනාශ වෙලා තිබෙන්නේ හරි කෙලින් වැඩකරන අධිකරණයක් නැති නිසයි. මේවා එළියේ කිව්වහම මට නඩු වැටෙනවා. ඒත් මේවා කියන්න ඕන. මහ හොරු රකින්න දූෂිත නීතිඥයෙක් ඉන්නවා. ඒ හොරුන්ව රකින්න සුදු හුණු ගාන නීතිඥයන් දැක්කහම ලැජ්ජා හිතෙනවා.
ගෝඨාභය රාජපක්ෂ අධිකරණයට යන්න බයයි. අත්අඩංගුවට ගන්න එපා කියනවා. අද අපි එක්ක ඉන්න 75% ක්ම හොරු මාත් එක්ක වාදයකට ආවොත් ඒ ගැන කියන්නම්. හැම කෙනාගෙම පයිල් මම ළඟ තිබෙනවා. මේ පක්ෂ දෙකේම හොරු ඉන්නවා. ෙජ්වීපී ය සුපිරිසිදු පක්ෂයක් කියනවා ඒත් මුලින්ම බැංකු කැඩුවේ කවුද? පක්ෂ බේදයක් නැතුව හොරු අල්ලන්න අපි කවුරුත් එකතු වුණොත් මේ රට හදන්න පුළුවන්. ඒ වගේම කොන්ද කෙළින් තියාගෙන තීන්දු දුන්නොත් විනිසුරුවරුන්ට මේ රට සුරපුරයක් කරන්න පුළුවන්.”
අග්රාමාත්ය රනිල් වික්රමසිංහ මහතාට එරෙහිව ඒකාබද්ධ විපක්ෂය ගෙන එන විශ්වාසභංග යෝජනාවට සහාය දැක්වීමට ශ්රී ලංකා නිදහස් පක්ෂය තීරණය කර තිබේ.ඊයේ (20) රාත්රියේ පැවැති ශ්රී ලංකා නිදහස් පක්ෂ මධ්යම කාරක සභාවේදී මෙම තීරණය ගෙන ඇත.
ඒකාබද්ධ විපක්ෂයේ පක්ෂ නායකයන්ගේ රැස්වීමක් හිටපු ජනාධිපති මහින්ද රාජපක්ෂ මහතාගේ ප්රධානත්වයෙන් ඊයේ (20) රාත්රියේ පැවැත්වුණි. අග්රාමාත්යවරයාට එරෙහි විශ්වාසභංග යෝජනාව කථානායකවරයා වෙත භාර දෙන දිනය සම්බන්ධයෙන් මෙහිදී සාකච්ඡා වී තිබෙන බව වාර්තා වේ.
පසුගිය රාජපක්ෂ පාළන සමය තුල සිදු වූ පැහැර ගැනීම්,ඝාතන,දූෂණ වංචා පිළිබද ලේඛණයක් ඉදිරියේ දී රටට හෙළි කරන බව සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්න මහතා පවසයි.
පසුගිය රජය සමයේ දුෂණ වංචා සහ මනුෂ්ය ඝාතන රැසක් සිදුව තිබෙන අතර පැහැර ගැනීම් පමණක් පරිගණක ගත කළ පිටු 04 ක් තිබෙන බවත් එම තොරතුරු ලේඛණය ඉදිරියේ දී ප්රකාශයට පත් කරන බවත් අමාත්ය රාජිත සේනාරත්න මහතා කෑගල්ලේ පැවති උත්සවයකදී ප්රකාශ කර ඇත.
අද දිනය වන විට පැහැරගැනීම් කිසිවක් සිදු වන්නේ නැති බවත් ජනතාවට නිදහස ලබා දී තිබෙන බවත් ඔහු විසන් එහිදී වැඩිචුරටත් ප්රකාශ කර ඇත.
ඊයේ (20) කිරිබත්ගොඩ නගර මධ්යයේ පෞද්ගලික බැංකුවක් වෙත යතුරුපැදියකින් පැමිණි පුද්ගලයෙක් තියුණු අවියක් පෙන්වා නිළධරිණියක් බියවද්දා රුපියල් නම ලක්ෂ පනස්දහසක මුදලක් පැහැරගෙන ඇතැයි වාර්තා වේ.
සැකකරු මෙතෙක් අත්අඩංගවට ගෙන නැති අතර මේ සම්බන්ධයෙන් කිරිබත්ගොඩ පොලිසිය වැඩිදුර පරීක්ෂණ මෙහෙයවයි.
ජාතික පොලිස් කොමිෂන් සභාවේ ලේකම් ආරියදාස කුරේ මහතා වහාම ක්රියාත්මක වන පරිදි එම ධුරයෙන් ඉවත් කර ඇත. පොලිස් කොමිෂන් සභාවේ සාමාජිකයන් රැස්වී ගත් තීන්දුවක් ලෙස කොමිෂන් සභා ලේකම්වරයාගේ සේවය අවසන් කර ඇති අතර මේ සම්බන්ධව ලේකම්වරයාට ලිපියක් මගින් දැනුම් දී ඇත.
වයස අවුරුදු 60 ඉක්මවූ පුද්ගලයන් සේවයේ යොදා නොගන්නා ලෙස ගත් තීන්දුවක් මත මෙම තීරණය ගෙන ඇති බව වාර්තා වෙයි.
වස විසෙන් තොර ගොවිතැන් පද්ධතියක් රට තුළ නිර්මාණය කිරීම අරමුණු කර ගනිමින් ඒ සඳහා අවශ්ය විද්යාත්මක පර්යේෂණ සිදුකිරීම වෙනුවෙන් විද්යා , තාක්ෂණ හා පර්යේෂණ රාජ්ය අමාත්ය ලක්ෂ්මන් සෙනෙවිරත්න මහතාගේ සභාපතිත්වයෙන් යුත් ජනාධිපති මෙහෙයුම් කමිටුවක් ස්ථාපිත කර ඇත.
මෙම පර්යේෂණ මෙහෙයුම් කමිටුවේ කැඳවුම්කරු ලෙස විද්යා, තාක්ෂණ හා පර්යේෂණ රාජ්ය අමාත්යාංශයේ ලේකම්, ජේ.එම්.මංගලතිස්ස මහතා කටයුතු කරන අතර කමිටුවේ සෙසු සාමාජිකයන් ලෙස ජනාධිපති ව්යාපෘති අධ්යක්ෂ ඩබ්ලිව්.සකලසූරිය මහතා, කෘෂිකර්ම, වාරිමාර්ග, ජන හා සංඛ්යාලේඛන යන දෙපාර්තමේන්තු වල සහ මධ්යම පරිසර අධිකාරිය, කාර්මික තාක්ෂණ ආයතනය, ශ්රි ලංකා ප්රමිති ආයතනය, පාරිභෝගික කටයුතු පිළිබඳ අධිකාරිය යන අයතන වල අධ්යක්ෂ ජනරාල්වරුන් විශ්වවිද්යාල වල පීඨාධිපතිවරුන් සහ මහාචාර්යවරුන් කිහිපදෙනෙකු ද ඇතුළත් වේ.
සියලු දෙනාට නීතිය සමාන විය යුතු බවට වන කතාබහ පසුගිය කාලයේ අපේ රටේද වැඩිපුරම අසන්නට ලැබුනු අතර ජාත්යන්තර ක්රිකට් පිටියේද පසුගිය කාලයේ මෙම කථාව අසන්නට ලැබිණි.
ඒ දකුණු අප්රිකා වේගපන්දු යවන ක්රීඩක කාගීසෝ රබඩාඔස්ට්රේලියාව පැවති ටෙස්ට් තරඟය අතරතුර ස්ටීවන් ස්මිත් සමඟ ඇතිකරගත් ගැටුමක් සම්බන්ධයෙන් ඔහුට තරඟ මුදලින් 50 % ක දඩයක් සහ තරඟ දෙකක තහනමක් හිමිවීමත්, නිදහස් කුසලාන තරගමාලාවේදී ක්රීඩා පිටියේ යකා නැටු බංගලාදේශ ක්රීඩකයන්ට හිමිවූ දඬුවම ක්රීඩකයන් දෙදෙනෙකු සඳහා තරඟ මුදලින් 25% ක් පමණක් වීමත් නිසාවෙනි.
කෙසේ නමුත් මෙම සිද්දි දෙක එකිනෙකට සම්බන්ද නොවුවද බංගලාදේශ සිද්දිය වූ පසුව ජාත්යන්තර මාධ්යද මෙම දඬුවම් දෙක එකිනෙකට පරස්පර වීමේ ICCයේ ඒක පාර්ශවික ක්රියා පිලිවෙත දැඩි ලෙස දෝෂ දර්ශනයට ලක් කර තිබෙනු දැක ගත හැකි විය.
කගිසෝ රබඩාද ලිපියක් මගින් ක්රිකට් කවුන්සලයෙන් මේ පිළිබදව අදහස් විමසා තිබුණා.
එහිදි රබඩා කරුණු දක්වමින් ” තමන් විසින් ඕස්ට්රෙලියානු කණ්ඩායමේ කඩුල්ලක් දවාගෙන එය සැමරීම ICCය විසින් නොපිලිගන්නේ නම් , බංග්ලාදේශ කණ්ඩායමේ “නාග නර්ථනය” පිළිබදව ICCය දරන්නේ කුමන මතයක්දැයි” රබඩා අන්තර්ජාතික ක්රිකට් කවුන්සලයෙන් ප්රශ්න කර තිබුණා.
එම ලිපියේ රබඩා සදහන් කර තිබුනේ ” මාගේ හැසිරීම යකෙකු වගේ නම් , රූපවාහිනියට ගැලපෙන්නෙ නැත්නම් , විශේෂයෙන්ම දරුවන්ට ගැලපෙන්නෙ නැති නම් , බංග්ලාදේශයේ නර්ථනය ගැන කුමක්ද කියන්නේ ? කණ්ඩායමේ නායකයා හැටියට ශකීබ්ට එහෙම හැසිරෙන්න පුලුවන්ද ? මම වීදුරු බින්දද ? එහෙම නැතිනම් පිට්ටනියේ ගහගත්තද ?” යනුවෙනි.
ඉන්දීය ක්රිකට් විචාරකයෙකු වන හර්ෂා බෝග්ලේ විමසා තිබුනේ ICC ය මෙලෙසින් ආකාර දෙකකින් ක්රීඩකයන්ට සලකන්නේ ඇයිද යන්නයි. මෙම කතාබහ ජාත්යන්තර මාධ්යය මගින් දුරදිග යාම සමඟම ICCය රබාඩාට පනවා තිබූ දඬුවම අඩු කරමින් තරඟ තහනම ඉවත් කර තරඟ මුදලින් 25% ක දඩයකට තම දඬුවම හකුලාගෙන ඇත.
ICC ය මෙලෙස තම තීරණය වෙනස් කර ඇත්තේ අන්තර්ජාතික ක්රිකට් කවුන්සිලයේ ක්රීඩකයින්ගේ නීති මාලා පද්ධතියට අදාළ ඇපෑල සලකා බලන කොමසාරිස් මයිකල් හෙරොන් විසිනි. ඒ පැය හයක කාලයක් පුරාවට දකුණු අප්රිකානු නීතිඥ ඩාලි පෝෆු විසින් සිදු කරන ලද වීඩියෝ කතාබහක් අවසානයේදීයි.
ජනප්රිය නළු පුබුදු චතුරංගගේ ගුරුවරයෙකු විසින් ඔහුගේ අතීතය ගැන මතක් කරමින් අපූර සටහනක් තබා තිබුණා.
පාසල් යන අවධියේ පටන් මේ දක්වා නළුවෙකු ලෙස ගොඩනැගුණු පුබුදුගේ ඒ අතීත කතාවයි මේ…
“2001 අවුරුද්දෙදි මගේ මාතර පන්තියට ළමයෙක් එයාගේ යාලුවෝ කණ්ඩායමත් එක්ක ආවා. නම පුබුදු චතුරංග. එයා ආවේ ගාල්ලේ ඉඳලා. ඒ දවස්වල මම ගාල්ලේ පන්ති නොකරපු නිසා තමයි එයාට ගාල්ලේ ඉඳලා මාතරටම එන්න සිද්ධ වුනේ. ටික කාලයක් යනකොට මම ඒ ළමයව අඳුරගත්තේ පන්තියේ ඉන්න දක්ෂතම ළමයා විදිහට. ඒ එයාට Tests වලට ගොඩක් ළකුණු තිබුනු නිසා නෙමෙයි. අනිත් එක ඒ දවස්වල මම වැඩිය මගේ පන්තියේ Tests තිබ්බෙත් නෑ. ඒත්, ගානක් හදන්න දුන්නු වෙලාවට එහෙම ඒ ළමයා අනිත් අයට කලින් ගාන හදලා ඉවර කරනවා. ඒ වගේ දෙවල් නිසා කාලයත් එක්ක පන්තියේ ඉන්න දක්ෂතම ළමයා විදිහට මම එයාව අඳුරගත්තා. කාලය ගතවෙලා විභාගය ආවා. මේ ළමයත් විභාගේ ලිව්වා. ප්රතිඵල ආවා. ඒත් එයාට හිතපු තරම් හොඳ ප්රතිඵලයක් නෑ. නමුත්, එයා අසමත් වෙලා තිබුනේ නෑ. ඒත්, ගොඩක් හොඳ ප්රතිඵලයක් එයාට තිබුනෙත් නෑ. දෙවනි සැරේටත් විභාගේ කරන්න හිතාගෙන මෙයා ආපහු මගේ පන්ති ආවා. දෙවනි පාරත් විභාගේ කලා. ඒත් වෙනසක් නෑ. කලින් පාර වගේමයි. හොඳින් සමත් වෙලා තිබුනේ නෑ.
ඊට පස්සේ මම ඒ ළමයගෙන් ඇහුවා ඇයි මෙහෙම වෙන්නේ කියලා. එයා හරි අපූරු උත්තරයක් දුන්නා. “සර්, මට නළුවෙක් වෙන්න ඕන.” ඒක එයාගේ උත්තරය වුනා. මට අදහගන්නත් බෑ. මෙච්චර හොඳට ඉගෙනගන්න පුළුවන්, මෙච්චර දක්ෂ ළමයෙක්ට මේ වගේ බලාපොරොත්තුවක් හිතේ තියෙන එක පුදුමයක්. එයා තුන්වෙනි පාර විභාගේ කරන එකත් ප්රතික්ෂේ කලා. මම ඇහුවා ඒකට ගෙදරින් කැමතිද කියලා. “නෑ.” ඒ ළමයගේ උත්තරය වුනා. “සර්, මට උදව් කරනවද?” මම, මම ගැනම හිතුවා. ඉංජිනේරුවෙක් වෙන්න පුළුවන්කම තිබුනත් මම තොරගත්තෙත් ගුරුවෘත්තිය. මොකද මම කැමති වුනේ ඒ දේට නිසා. මට මේ ළමයත් එහෙම වෙන්න ඇති කියලා හිතුනා. මම මගේ ගාව තිබුනු රු.7000න් රු 1000ක් මගේ ළඟ තියාගෙන ඉතිරි රු.6000 එයාට දීලා “උඹ කවදහරි හොදම නලුවා වෙලා වරෙන්” කියලා කිව්වා.
කාලය ගෙවිල ගියා. මෙන්න අවුරුදු කිහිපයකට පස්සේ චිත්රපටියක සුළු චරිතයකට මෙයා ඉන්නවා මම දැක්කා. මම කවදාවත් චිත්රපටි බලන්නෙ නැති කෙනෙක් වුනත් මම ඒ චිත්රපටියනම් බලන්න ගියා. තව ටික කාලෙකට පස්සේ මෙයා ටෙලිනාට්යයකත් ඉන්නවා මම දැක්කා. මම ඒ නාට්යත් බැලුවා. කලින් චිත්රපටියෙට වඩා එයාගේ ලොකු දියුණුවක් මම නාට්යයෙදි දැක්කා. මම එයාගේ නම්බරේ හොයාගෙන කෝල් එකක් ගත්තා. “සර්, මට සර්ව හම්බවෙන්න එන්න ඕන. ඒත් දැන්ම බෑ. මම කවදහරි එන්නේ හොඳම නලුවා සම්මානේ අරන්.” එදා එයා දුරකතනයෙන් මට කිව්වා. තවත් අවුරුදු පහක් විතර ගෙවිලා ගියා. පසුගිය දවසක මගේ ගාල්ලේ පන්තියට ඔහු ආවා. නිකන්ම නෙමෙයි හොඳම නලුවාට හිමි සම්මානෙත් අරගෙන. මම පුදුම වුනා. එදා රු.6000ක් දීලා මම නිකමට “උඹ හොඳම නලුවා වෙලා වරෙන්.” කියපු දේ ඔහු සැබෑවක් කරලා. ඔහු මට, ඔහු දිනාගත් සම්මානය දීලා කිව්වා “සර්, මේක සර් මාව මතක් වෙන්න තියාගන්න කියලා.” ඒත් මම ඒ සම්මානේ ආපහු ඔහුටම දුන්නා. මොකද ඒක අයිති ඔහුටමයි. අවුරුදු 10ක් කට්ට කාලා ඒ සම්මානේ දිනාගත්තේ ඔහුමයි.”
එදා ජනක අබේවර්ධනයන්, බුද්ධිමත්ව කටයුතු නොකලානම් පුබුදු චතුරංග අද සිනමා නලුවකු නොවීමට ඉඩ තිබුනා. තමා තුල සිටින සැබෑ පුද්ගලයා හඳුනාගන්න. තමාගේ ඉරණම තමාම වෙන්න. තමාගේ ඉරණම තමාම තීරණය කරන්න. ඔබේ ජීවිතයේ ජයග්රහණය අත පොවන මානයේ ඇත.
උපුටා ගැනීමකි.