ජනාධිපති කොමසම මගින් ලබාදුන් බැඳුම්කර වාර්තාවෙන් එ.ජා.ප යේ කිසිම මන්ත්රීවරයෙකුට ගැටලුවක් නොමැති බව හෙළි වී ඇතැයි හිටපු මුදල් අමාත්ය රවි කරුණානායක මහතා අද (19දා) අගරදගුරු මැල්කම් රංජිත් හිමියන් හමුවීමෙන් අනතුරුව මාධ්ය වෙත අදහස් දක්වමින් ප්රකාශ කළේය.
එහිදී “යම් අය වෙවුලන්න පටන් අරගෙන තිබෙනවා. චරිත ඝාතනය කළා කියලා එක්සත් ජාතික පක්ෂය විනාශ වෙන්නේ නෑ. සියලු දෙවිවරු අපිව ආරක්ෂා කරනවා. මෙහයුම රට සුද්ධ කිරීමටද? විධායකය අහෝසි කිරීමටද?” යනුවෙන් ඔහු විසින් වැඩි දුරටත් කියා සිටියේය.
පාර්ලිමේන්තු මන්ත්රී උදය ගම්මන්පිලට එරෙහිව පවරා ඇති ඕස්ට්රේලියානු ජාතික බ්රයන් ෂැඩික් නම් ව්යාපාරිකයෙකුට අයත් සමාගම් කොටස් ව්යාජ ලෙස සකස් කරන ලද ඇටෝර්නි බලපත්රයක් භාවිත කර විකුණා රුපියල් මිලියන 20ක මුදලක් වංචා කරන ලදැයි මූල්ය වංචා නඩුවට අදාළව සාක්ෂිකරුවන් 20 දෙනකු ඉදිරිපත් කරන බව නීතිපති දෙපාර්තමේන්තුව අධිකරණයට දැනුම් දී තිබේ.
බ්රයන් රොස් ෂැඩික් මහතා හා ජැනට් එලිසබෙත් ෂැඩික් මහත්මිය ඩිජිටල් නොමිනීස් පුද්ගලික සමාගමේ අධ්යක්ෂවරුන් ලෙස සේවය කළ වකවානුවේ අත්සන් නොකළ බව දනිමින්ම හා ඔවුන් අත්සන් කළ බවට විශ්වාස කිරීමට කිසිදු සාධාරණ හේතුවක් නොමැතිව, ව්යාජ ලෙස සකස් කළ ඇටෝර්නි බලපත්රයක්, ප්රසිද්ධ ව්යාපාරික ධම්මික පෙරේරා මහතා හට සත්ය ලේඛනයක් ලෙස ඉදිරිපත් කිරීම සම්බන්ධයෙන් නීතිපතිවරයා එක් නඩුවක් පවරා තිබූ අතර, වර්ෂ 2000 ජූලි මස 27 දින හෝ ඊට ආසන්න දිනයකදී, ඩිජිටල් නොමිනීස් සමාගම විසින් මිලදීගෙන තිබූ කොළඹ පෑන් ඒෂියා බැංකුව විසින් නිකුත් කරන ලද ව්යාපාර කොටස් ප්රසිද්ධ ව්යාපාරික ධම්මික පෙරේරා මහතාට විකිණීමෙන් රුපියල් මිලියන 20ක මුදලක් වංචා කරන ලදැයි ද තවත් නඩුවක් නීතිපතිවරයා විසින් පවරා තිබුණු අතර මෙම නඩුව සනාථ කිරීමට සාක්ෂිකරුවන් 20ක් සහ ලේඛනයන් 14ක් ඉදිරිපත් කරන බව ද නීතිපති විසින් අධිකරණයට දැනුම් දී ඇත.
පිවිතුරු හෙළ උරුමය නැමැති සංවිධානයක් නියෝජනය කරන පාර්ලිමේන්තු මන්ත්රී උදය ගම්මන්පිළ මහතා ඊයේ (18) යළිත් සුපුරුදු පරිදි අඥාන, සිඟිති කථාවක් සිදු කොට ඇන ගෙන ඇත. ඒ බැඳුම්කර ජනාධිපති කොමිසමේ වාර්තාවේ පිටු ගණන අඩු බව පවසමින් සිදු කළ බොරුව හෙළිදරව් වීමත් සමඟය.
බැඳුම්කර වාර්තාවේ පිටු 1257 ඇති බව ජනාධිපතිවරයා පැවසුව ද මේ වන විට ඇත්තේ පිටු 1154 ක් බවත් එහි පිටු 103 ක් අතුරුදන් වී ඇති බව ඊයේ(18) ගම්මන්පිළ මාධ්ය හමුවක් පවත්වමින් පැවසීය.
නමුත් මෙය සම්පූර්ණ අසත්යයක් බව මේ වන විට අනාවරණය වී තිබේ.
පරිච්ඡේද 34 කින් සමන්විත බැඳුම්කර ජනාධිපති කොමිසම් වාර්තාවේ පළමු කොටස පිටු 946 කින් යුක්ත වන අතර එහි උපග්රන්ථය පිටු 206 කින් සමන්විත වේ. එසේම ඇමුණුම පිටු 105 කි. ඒ අනුව මුළු බැඳුම්කර වාර්තාවේ මුළු පිටු ප්රමාණයේ එකතුව පිටු 1257 කි. ජනාධිපතිවරයා පසුගියදා බැඳුම්කර ජනාධිපති කොමිසමේ වාර්තාව ජනගත කරමින් මෙහි පිටු 1257 ක් ලෙස සඳහන් කරන ලද්දේ මෙම මුළු පිටු ප්රමාණයේම සංඛ්යාත්මක අගයවේ.
මෙහි හාස්යජනක කරුණ නම් උදය ගම්මන්පිළ උගත් නීතිඥ මහතෙකු ලෙස සමාජය ඉදිරියේ පෙනී සිටියද, ඔහු තම විෂය ගෝචර පොතක් හෝ වාර්තාවක් පරිශීලනයට නොදන්නා විමල්ගේ පන්තියේම තවකෙකු බවට මුළු මහත් රටක් ඉදිරියේ අනාවරණය කිරීමයි.
ගම්මන්පිළලා වැනි සුද්දන් පවා සුද්ද කළ හොරුන් මෙතෙක් බැඳුම්කර ජනාධිපති කොමිසමේ පිටු ගණන ගනන් කරමින් කවට කතා කියමින් ජනතාව මුලා කළද එහි අන්තර් ගත බැංකු කොල්ලය පිළිබඳ කිසිඳු කරුණක් මෙතෙක් ජනතාවට පවසා නැත. මෙය ප.ප.වි.ජ.කු.පා.ම. මහින්ද රාජපක්ෂ මහතා සහ ඔහුගේම ඉත්තෙකු වන උදය ගම්මන්පිළලා එක්සත් ජාතික පක්ෂයේ බළල් අත් ලෙස ක්රියාකරන බවට කදිම උදාහරණයකි.
[googlepdf url=”http://supirigossip.com/wp-content/uploads/2018/01/table-of-contents-1.pdf” width=”100%” height=”600″]
[googlepdf url=”http://s.readsrilanka.com/wp-content/uploads/2018/01/table-of-contents-2.pdf” width=”100%” height=”600″]
සේනානි සමරනායක කියන්නෙ සරලවම කිව්වොත් මූල්ය වංචා කරල හිරේ ගිය කෙනෙක්.
වැඩි විස්තර කියනවනම්,සේනානි කියන්නෙ නාමල් බේබි නීතීඥයෙක් විදිහට දිව්රුම් දීල මාසෙකින් පටන් ගත්තු NR කන්සල්ටන්ස් පෞද්ගලික සමාගමේ පළමු අධ්යක්ෂක වරියක්.නාමල් විසින් හෙලෝ කොප් සමාගම මිලදී ගැනීමට NR කන්සල්ටන්ස් පෞද්ගලික සමාගම හරහා අවුරුද්දක් තුල ඉපයූ මුදල් රුපියල් කෝටි එකහමාරක්ද ඔහුට අයත් ගවර්ස් කෝපරේට් සර්විස් සමාගමෙන් කෝටි 3 ක්ද ලබා දුන් බව හෙළිවූ අතර එම මුදල් ලැබුනේ කෙසේදැයි කීමට නාමල් මෙන්ම එහි අධ්යක්ෂවරුන්ද අසමත් වීම හේතුවෙන් අංක 66, උයන, මොරටුව පදිංචි සේනානි සමරනායකට මුදල් විශුද්ධිකරණය හේතුවෙන් සිරගතවිමකට පවා ලක්වීමට සිදුවිය.
මෙසේ ජනතා මුදල් කොල්ල කා එම කලු සල්ලි සුදු කරමින් සියළු සැප සම්පත් විඳි වංචා කාරියක්, සරලවම කිව්වොත් පට්ට හෙරක් අද නාමල්ගේ ආශිර්වාදයෙන් කොළඹ පුරපතිනි සිහින දකිමින් සිටී.
දේශපාලන පාට පක්ෂ බේදයක් නැතිව මිලින්ද රාජපක්ෂ වැනි උගත් බුද්ධිමත් රටට වැඩක් කල හැකි දක්ෂ තරුණයින් එක්ක මෙවන් වංචාකාරී ලිංගිකත්වයෙන් ලොවම දිනන්න දත කන නින්දිත ගැහැණියක් තරඟ කරවීමට කටයුතු කිරීම ගැන මේ වන විට පොහොට්ටු පාක්ෂිකයින් මෙන්ම පොහොට්ටුවේ ක්රියාකාරීන්ද නාමල් හා බැසිල් සමඟ දැඩි අප්රසාධයෙන් පසුවෙන බවට ආරංචි ලැබී ඇත.
පසුගිය දිනක ළමයකු පාසලට ඇතුළත් කිරීමේ සිද්ධියක් මුල්කරගනිමින් ඌව මහ ඇමැතිවරයා හමුවේ විදුහල්පති තුමියකට වැඳ සමාව ගැනීමට සිදුවූ පුවතක් මාධ්ය ඔස්සේ ප්රචාරය වීමත් ඊට පසු දිනක එම විදුහල්ලතිනිය මාධ්ය ඉදිරියට ඇවිත් එවැනි සිද්ධියක් නොවූ බවට ප්රකාශ කලාය.
කෙසේ වෙතත් නැවත එම විදුහල්පතිනිය තමාට මහ ඇමති වරයාගෙන් වැඳ සමාව ගැනීමට සිදු වූවා යයි අද හඬා වැටෙමින් පිළිගත්තාය.
ඒපළාත් අධ්යාපන ලේකම් සන්ධ්යා අඹන්වල මහත්මිය ඇතුළු පිරිසක් ඉදිරිපිටදීය.එහිදී ඇය පැවසුවේ තමා මාද්ධ්යට එසේ පැවසුයේඅධ්යාපන බලධාරීන්ගෙන් පැමිණි බලපෑම් නිසා බව ද තමා ඒසිද්ධිය වූ දිනයේම ඒ ගැන පාසල් ලොග් සටහන් පොතේ සටහනක් දමා ඇති අතර ඉන් පසුව පළාත් අධ්යාපන බලධාරීන් ඇය කැඳවා එවැනි සිදුවීමන් නොවූ බවට ප්රකාශයක් කරන්නැයි කළ බලපෑම් ගැනද විදුහල්පතිනිය ලොග් සටහනක් තබා ඇති බව කියා සිටියේය.
ඌව පළාත් අධ්යාපන ලේකම්වරිය, පළාත් අධ්යාපන අධ්යක්ෂවරයා සහ බදුල්ල කලාප අධ්යාපන අධ්යක්ෂවරයා දුල්ල දෙමළ බාලිකා විදුහලේ විදුහල්පතිනියට බලපෑම් කිරීම සම්බන්ධයෙන් කඩිනම් පරීක්ෂණයක් කරන ලෙස ලංකා ගුරු සංගමය පොලිසියට සහ ශ්රී ලංකා මානව හිමිකම් කොමිෂන් සභාවට පැමිණිල්ලක් කර තිබේ. ජනවාරි නව වැනි දා විදුහල්පතිනිය පළාත් සභාවට කැඳවූ පළාත් අධ්යාපන ලේකම්වරිය විදුහල්පතිනිය පළාත් සභාවට යෙමු කොට මාධ්යයට ප්රකාශයක් ලබා දෙන ලෙස ඇයට දැනුම් දී ඇතැයි ලංකා ගුරු සංගමයේ ලේකම් ජෝසප් ස්ටාලින් මහතා කියා සිටින අතරමේ සම්බන්ධයෙන් කළ විමසීමකදී ශ්රී ලංකා මානව හිමිකම් කොමිෂන් සභාවේ ප්රකාශකයකු පැවසුවේ විදුහල්පතිනිය දණගැස්සවීමේ සිද්ධිය සම්බන්ධයෙන් පළ වූ ජනමාධ්ය වාර්තා සැලකිල්ලට ගෙන විමර්ශනයක් ආරම්භ කළ බවයි. ලංකා ගුරු සංගමය ද ඒ ගැන පැමිණිල්ලක් කර ඇති බව ද කොමිෂන් සභා ප්රකාශකයා කියා සිටියේය.
රටේ නමගිය අපරාධකරුවෙකු වන මෝදර වැල්ලේ පාතාල ඒකාධිකාරය හිමි වැල්ලේ සුරංගගේ සහයෙන් ඇමති මනෝ ගනේෂන් කොළඹ අවට භීෂණය පතුරවන බව දැනගන්නට ඇත. එක්වරක් නෙත් එෆ්එම් බැලුම්ගල තුලින්ද මෙම මෝදර වැල්ලේ පාතාල ක්රියාකාරකම් පිළිබඳ අනාවරණයක් සිදුකරන ලද අතර, එහි පාතාල ඒකාධිකාරය පතුරවන මනෝ ගනේෂන්ගේ හිතවතා පිළිබඳව තොරතුරු හෙලිදරව් කෙරිණි.
දැනට පවතින පාලාත් පාලන මැතිවරනයෙහි ක්රියාකාරකම් අරභයා වැල්ලේ සුරංග නැමති පාතාල සාමාජිකයා ඉඳුරාම මනෝ ගනේෂන් වෙත සහය දක්වන බව තොරතුරු ලැබී ඇත. කොළඹ මහා නගර සභාව සඳහා මනෝගේ පක්ෂය වන ප්රජාතන්ත්රවාදී ජනතා පෙරමුණ තුලින් ඉදිරිපත් කර ඇති අපේක්ෂකයන් කුඩු, ගංජා ජාවාරම්කරුවන් බවත්, තවත් සමහර පුද්ගලයින් විවිධ දූෂණ අපරාධ සඳහා නමගිය අයවලුන් වන බවද සඳහන් වේ. කොළඹ මහනගර සභා බලප්රදේශය තුල මනෝ ගනේෂන්ගේ අපේක්ෂකයන් ජාතිවාදය අවුලුවමින් දමිල ජනතාවගේ ඡන්ද මංකොල්ලයක නිරත වන බව දැන ගන්නට ඇත.
තමන්ට පාතාල තර්ජන ඇතැයි STF ආරක්ෂාවද ලබාගෙන මනෝ ගනේෂන් සිදුකරනා මුලාව නිසා රටේ ජනපතිවරයාටද චෝදනා එල්ල වෙමින් පවතී. එසේම භීෂණයක් නැති රටක මනෝ ගනේෂන්ට පමණක් STF ආරක්ෂාව ලබාදීම හරහා රටේ ජනතාවට භීෂණයේ සෙවණැලි පෙනෙන්නට පටන්ගෙන ඇත. යහපාලනයක් තුලින් නිදහස් සමාජයක් උරුම කල බැව් ජනපතිවරයා නිතර පැවසුවද එය යථාර්ථයක් නොවන බව මෙවන් සිද්ධීන් හරහා තේරුම් යයි. සමහර ඇමතිවරුන්, මන්ත්රීවරුන් සිය ආරක්ෂාව ඉවත් කරමින් නිදහසේ සමාජය තුල ඇවිද ගියද එදා සිට ජාතිවාදය පැතිරවූ, කොළඹ පාතාලය සමග ගනුදෙනු කරනා මනෝ ගනේෂන් වැනි අයට ආරක්ෂාවක් කුමටදැයි ප්රශ්ණකල යුතුව ඇත.
Voice of Ceylon
දිනපතාම අධික ලෙස බීමත්ව පැමිණෙන සැමියාගේ ගුටි බැට ඉවසීමට නොහැකි වූ බිරිඳක් සැමියාගේ හිසට කැත්තකින් කෙටීමේ සිද්ධියක් බදුල්ල එගොඩවෙල ගම්මානයෙන් වාර්ථා වී ඇත.
මෙසේ බරපතල තුවාල ලැබූ 50 හැවිරිදි සැමියා ඊයේ (18) රාත්රී 11.30 ට පමණ මීගහකිවුල රෝහලට ඇතුළත් කිරීමෙන් පසු වැඩිදුර ප්රතිකාර සඳහා බදුල්ල මහ රෝහලට මාරුකර යවා ඇතැයි පොලීසිය පවසයි.
ඇඹිලිපිටිය, පනාමුර පාරේ ෆයින්සිටි නිවෙස් පාරේ පිහිටි සිය නිවස ඉදිරිපිට මෙම මෝටර් රථය නවත්වා තිබූ අවස්ථාවේ අලූයම දෙකයි විස්සට පමණ ගිනි ගන්නවා දැක නිවා දැමු බව ඇඹිලිපිටිය නගර සභාවේ යෝධගම කොට්ඨාසයට ජනතා විමුක්ති පෙරමුණෙන් තරගවදින අපේක්ෂක ඉන්දික ප්රසාද් ගුණසිංහ මහතා පොලිසියට පැමිණිලි කර ඇත.
භූමිතෙල් පෙඟවූ ගෝනි ටයර්වලට දමා ගිනි තබන්නට ඇතැයි පොලිසිය සැක පහල කරයි.
‘දේශපාලනඥයින් අතර සිටිනා දූෂිතයින් වංචාකාරයින් හොරුන් සියලූ දෙනා අවීචි මහා නරකාදියට ගියදාට පසුවදා මම ගෙදර යනවා.’ යැයි ජනාධිපති මෛත්රීපාල සිරිසේන මහතා (18) කොස්ගමදී පැවසීය.
ජනාධිපතිවරයා මෙසේ පැවසූවේ එක්සත් ජනතා නිදහස් සන්ධානයේ සීතාවකපුර නගරසභාවේ හා ප්රාදේශීය සභාවේ අපේක්ෂකයින්ගේ ජයග්රහණය වෙනුවෙන් පැවති ජනරැලියක් අමතමිනි.
තවදුරටත් අදහස් දැක්වූ ජනාධිපති මෛත්රීපාල සිරිසේන මහතා මෙසේ ද පැවසීය’
‘‘සමහරු මගෙන් අහනවා මේ පුටුවෙන් බැහැලා මම ගෙදර යන්නේ කවද්ද කියලා මෙම මේකේ හැමදාම ඉන්න ආවේ නැහැ නමුත් ගෙදර යන්නේ දේශපාලඥයින් අතර සිටින හොරුන්, දූෂිතයන්, වංචාකරුවන් සියලූ දෙනා හිරගෙදරට යැව්වට පස්සේ ඔවුන් සියලූ දෙනා පොළොව පළාගෙන අවීචි මහා නරකාදියට ගියදාට පහුවදා මම ගෙදර යනවා.
පෙබරවාරි දහ වැනිදායින් පසුව දූෂණයට වංචාවට එරෙහිව මම පාරට බහිනවා. පක්ෂ පාට භේදයකින් තොරව මේ රටට ආදරය කරන් දූෂණයට වංචාවට එරෙහි සියලූ දෙනා එකතු කරගෙන දූෂණයට වංචාවට එරෙහි ජනතා ව්යාපාරයක් ගොඩනගනවා. ඒ වෙනුවෙන් මාත් සමග එකතු වන ලෙස රටට ආදරය කරන සියලූ දේශප්රේමී ජනතාවගෙන් ඉල්ලා සිටිනවා.‘‘
අග්රමාත්ය රනිල් වික්රමසිංහ මහතා විසින් අද දින සිදුකරන ලද ඓතිහාසික විශේෂ ප්රකාශයත් සමඟ ඔහු නිලවශයෙන් අද(18) මහ බැංකු බැඳුම්කර කොල්ලයේ වගකීම ජාතිය හමුවේ පිළිගත්තේය.
මහ බැංකුව තමාගේ විෂයපථය යටතේ වන අමාත්යංශයකින් ක්රියාත්මක වූ බවත්, මෙම හොරකම තමා විවිධ ක්රමවලින් පාපිස්ස යට ගැසීමට උත්සහ කළද ජනාධිපතිවරයාගේ බලපෑම නිසා මෙය යට ගැසීමට නොහැකි වූ බවත් අග්රාමාත්යවරයා අද ජාතිය හමුවේ ප්රකාශ කර සිටියේය.
අප අගමැති රනිල් වික්රමසිංහ මහතාගේ අද විශේෂ ප්රකාශය සහ ඒ පිළිබඳව වන විග්රහයට යොමුවෙමු.
2014 දෙසැම්බර් මාසයේදී බ්රිතාන්ය ජාතිකයකු සමග කොළඹ සමාජ ශාලාවක ඇතිවූ ගැටුමක් සම්බන්ධයෙන් නිසි පරිදි අධිකරණයේ පෙනී නොසිටීම හේතුවෙන් හිටපු ඇමැති මර්වින් සිල්වාගේ පුත් මාලක සිල්වාට වරෙන්තු නිකුත් කෙරුණු අතර ඔහුව අත්අඩංගුවට ගන්නා ලෙස නියෝග කරමින් කොළඹ අතිරේක මහේස්ත්රාත් දර්ශිකා විමලසිරි මහත්මිය අද(18) නියෝග කළාය.
මුදල් අමාත්යවරයා විසින් පසුගිය 10 වනදා නිකුත් කල මත්පැන් අලෙවි සල්වල සේවය කිරීමට හා මත්පැන් අලෙවි සල්වලින් මත්පැන් මිලදී ගැනීමට කාන්තාවන්ට අවසර ලබාදෙන ගැසට් පත්රය අවලංගු කිරීමට කැබිනට් මණ්ඩලය විසින් ගෙන ඇති තීරණය අවලංගු කරන ලෙස ඉල්ලා කාන්තාවෝ පිරිසක් ඊයේ (17) පස්වරුවේ ශේ්රෂ්ඨාධිකරණයට මූලික අයිතිවාසිකම් පෙත්සමක් ගොනු කළහ.
ජනාධිපතිවරයාගේ උපදෙස් මත ගෙන ඇතැයි කියන කැබිනට් මණ්ඩලයේ එම තීරණය මගින් තමන්ට අති සමානාත්මතාවේ අයිතිය අහෝසි වන බවත් නීතිඥ තීශ්ය වේරගොඩ මහතා මගින් ගොනුකර තිබූ එම පෙත්සම මගින් පෙත්සම්කාරියන් ඉල්ලා තිබුණු අතර තම මූලික අයිතිවාසිකම් පෙත්සම විභාගයට ගැනීමට නියම කරනා ලෙසත් එම මූලික අයිතිවාසිකම් පෙත්සම් විභාගයෙන් අනතුරුව කැබිනට් මණ්ඩලයේ එකී තීරණය නිසා තමනනගේ මූලික අයිතිවාසිකම් කඩවී ඇති බවට නිගමනයක් කරනා ලෙසත් මුදල් අමාත්යවරයා, මුදල් අමාත්යංශයේ ලේකම්වරයා හා නීතිපතිවරයා වගඋත්තරකරුවන් කරමින් ගොනු කළ එම මූලික අයිතිවාසිකම් පෙත්සම මගින් එම පෙත්සම්කාරියන් ඉල්ලා තිබුණි.
මත්පැන් මිලදී ගැනීම විකිනීම පිළිබඳව කාණ්තාවන්ට තිබූ නීතිය ලිහිල් කරමින් මුදල් ඇමති විසින් ගෙන ආ චක්රලේකය ඉවත් කිරීමට ජනපති ගත් තීරණයට විරෝධය දක්වමින් කාන්තාවට පුරුෂයින්ට සමාන අයිතිවාසිකම් ලබාදීමට ව්යවස්ථාවට අනුව රජය බැදී සිටින බවත් එවැනි තත්ත්වයක් මත කාන්තාවන් ඉලක්ක කර මෙවැනි නීති පැනවීම අසාධාරණ බවත් කැබිනට් තීරණ දැනුම් දීමේ මාධ්ය හමුවේදී මාධ්යවේදිනියක් ඊයේ(17) කියා සිටියාය.
අපේ රටේ කාන්තාවන් යුරෝපයේ කාන්තාවන්ට සමාන කරන්න බෑ.ශ්රී ලාංකික කාන්තාවන්ට මෙවැනි අවශ්යතා විදේශීය කාන්තාවන් තරමට නැති නිසා මෙවැනි නීති තිබිය යුතු බව අමාත්ය රාජිත සේනාරත්න මහතා පැවැසුවේය.
කාන්තාවකට තමා පිළිබඳව තීන්දු ගැනීමේ අයිතියක් තිබිය යුතු බවත් එය රජයට නීති පනවා හැසිරවිය නොහැකි බවත් අදාළ මාධ්යවේදිනිය නැවත ප්රශ්න කර සිටි අවස්ථාවේදී මතින් නිදහස් රටක් තැනීම සඳහා බලයට පැමිණි වත්මන් රජය යටතේ මෙවැනි කාරණා කිසිසේත් සිදුනොවිය යුතු අතර සම අයිතිය තිබුණා කියලා පුරුෂයින් කරන සෑම දෙයක්ම කාන්තාවන්ට ගැළපෙන්නේ නැති බවත්. මෙවැනි නීතියක් අපේ රටේ තිබුණු බව කාන්තාවන් දැනගනු ලැබුවේත් මෙම චක්රලේඛය නිසා බවත් ඒ වෙනතුරු කාන්තාවන්ද මෙවැනි නීති ගැන නොදැන සිටි බවද රාජිත සේනාරත්න මහතා පිළිතුරු වශයෙන් පැවසීය..
මීගමුව පෝරුතොට ප්රදේශයේ රජයේ දේපලක් මේ වන විට නිමල් ලංසා පදනම නමින් කාර්ලයාලයක් පවත්වාගෙන යාමට යොදාගෙන ඇතැයි යන බරපතල චෝදනාවක් එල්ලවි ඇත.
මීට වසර ගණනාවකට පෙර ඒ ප්රදෙශය නියෝජනය කළ ඇල්බට් නම් වු නාගරික මන්ත්රිවරයා විසින් නගර සභා ප්රතිපාදන යටතේ මේ ගොඩනැගිල්ල ඉදිකරන ලද අතර ග්රාම නිලධාරි කාර්යාලයත් සමෘද්ධි කාර්යාලයත් මේ ස්ථානයේ සිට ක්රියාත්මක විය.
ඉන්පසු නිමල් ලංසා පළාත් සභා ඇමතිවරයෙකුව සිටි සමයේ රජයේ ප්රතිපාදන වැය කරමින් යම් යම් ප්රතිසංස්කරණ කටයුතු සිදුකර තිබුණි.
සමෘද්ධි නිළධාරි කාර්යාලය මේ වන විට ඒ වෙනුවෙන් ඉදිකරනු ලැබ තිබෙන ස්ථානයකට ගෙන ගොස් ඇති අතර ග්රාම නිළධාරි කාර්යාලය තවමත් මෙහි ක්රියාත්මකය.
තතු මෙසේව තිබියදි නිමල් ලංසා සිය මැතිවරණ කාර්යාලය බවට දැන් පත්කරගෙන ඇත්තේ මේ රජයේ ගොඩනැගිල්ලය.මෙය බරතල නීතිවිරෝධි ක්රියාවකි.
මේ ගොඩනැගිල්ල රජයට අයත් එකක් නොවුනේ නම් සමෘද්ධි කාර්යාලයක් පවත්වාගෙන යාම සදහා මෙය කාගෙන් හෝ කුලියක් ගෙවා ගත යුතුව තිබුණි.එහෙත් එය එසේ සිදුව නොමැත.
ඉන් කියැවෙන්නේ මේ ගොඩනැගිල්ලට හිමිකම් කියන කිසිදු පුද්ගලික හිමිකරුවෙකු නොවන බවය.
එනම් මෙය රජයේ ගොඩනැගිල්ලකි.
එසේ නම් නිමල් ලංසා සිය දේශපාලන කාර්යාලය බවට මෙය පත්කරගනිමින් නිමල් ලංසා පදනම මෙහි පවත්වාගෙන යනු ලබන්නේ කෙසේද ?
මෙය පමණක් නොව මේ අකාරයෙන තවත් ඉඩම් රාශියක් නිමල් ලංසා සහ ඔහුගේ ගෝලයන් විසින් මේ වන විට බලෙන් අත්පත්කරගෙන සිටිති.මේ සම්බන්ධයෙන් නීතිය ක්රියාත්මක කිරිමට මීගමුවේ රජයේ නිළධාරින් තවමත් අපොහොසත්ව විම ඇත්තටම කණගාටුවකි.
ජනප්රිය ගායක රජිව් සෙබස්තියන් පිළිබඳව අද බොහෝ දෙනාගේ අවධානය යොමු වුනා. ඒ මාරවිල මහේස්ත්රාත් සහ අතිරේක දිසා විනසුරු කේමින්ද පෙරේරා මහතා විසින් රජිව් සෙබස්තියන් වහාම අත්අඩංගුවට ගෙන උසාවියට ඉදිරිපත් කරන ලෙස තලංගම පොලිසියේ ස්ථානාධිපතිවරයාට පසුගියදා නියෝග කිරීමත් සමඟයි.
සංගීත ප්රසංගයක් පැවැත්වීමට රුපියල් ලක්ෂ තුනක අත්තිකාරමක් ලබාගෙන එම ප්රසංගය නොපවත්වා මුදල් වංචාවක් සිදුකළ බවට වෙන්නප්පුව පොලිසිය අධිකරණයට දැක්වූ කරුණු සැලකිල්ලට ගනිමින් දිසා විනසුරුවරයා මෙම නියෝගය නිකුත් කර තිබුණා.
පසුගිය වසරේ අගෝස්තු 04 වැනිදා වෙන්නප්පුව ප්රදේශයේ පිහිටි හෝටලයක ”සරඹ” නමින් සංගීත ප්රසංගයක් පැවැත්වීම සඳහා සුනිල් පෙරේරා, ඇනස්ලි මාලේවන හා ඩෙස්මන් සිල්වා යන ප්රවීන ගායන ශීල්පීන් සහභාගී කරගන්නා බවට පොරොන්දු වී රුපියල් ලක්ෂ 03 ක මුදලක් ලබාගෙන ප්රසංගය පැහැර හැරිය බවට ප්රසංගයේ සංවිධායකවරයෙකු වන ක්රිස්ටි රත්නප්රිය විසින් වෙන්නප්පුව පොලිසියට පැමිණිලි කර තිබුණා.
එසේම මුදල ආපසු ගෙවීම සඳහා රජිව් සෙබස්තියන් විසින් රුපියල් ලක්ෂ තුනක චෙක්පතක් සංවිධායකවරයාට ලබා දී තිබුණද එය අගරු වූ චෙක්පතක් බවයි සඳහන් වන්නේ.
ෙඒ අනුව මුදල් වංචාව, සාපරාධී විශ්වාසය කඩ කිරීම සහ සාපරාධී සාවද්ය මුදල් පරිහරණය ඇතුළු චෝදනා කිහිපයක් යටතේ ණය අයකිරීමේ පනතේ 25 x 1 වගන්තිය යටතේ ඔහුට එරෙහිව පැමිණිල්ලක් ගොණු කල බවයි වෙන්නප්පුව පොලිසිය සඳහන් කරන්නේ.
බැඳුම්කර කොමිසමේ නිර්දේශ කි්රයාත්මක කිරීම සඳහා විශේෂ වැඩපිළිවෙලක් සකස් කර තිබෙනවා.
ඒ, ජනාධිපතිවරයාගේ උපදෙස් මතයි. ඒ අනුව නීතිපති දෙපාර්තමේන්තුව, මහ බැංකුව, අල්ලස් හෝ දූෂණ චෝදනා විමර්ශන කොමිසම හා අපරාධ පරික්ෂණ දෙපාර්තමේන්තුව එම කටයුතු සිදු කරනු ඇති. ඒ, අවසන් වාර්තාවේ යෝජනා කි්රයාත්මක කිරීම, නීතිමය තත්ත්වයන් සහ බාහිර කටයුතු සොයා බලමින්.
බැඳුම්කර කොමිසමේ නිර්දේශ ප්රධාන වශයෙන් කොටස් 4කට අයත්. වැඩිදුර විමර්ශනය, නීතිය කි්රයාත්මක කිරීම, නීති සංශෝධනය මෙන්ම නව නීති සකස් කිරීම සහ අනාගතයේදී මෙවැනි අක්රමිකතා, දූෂණ හෝ අපරාධ සිදු වීම වළක්වා ගැනීමට ගතයුතු වෙනත් කි්රයාමාර්ග එම කොටස් 4යි.
ඒ අනුව සිදු කර ඇති අපරාධවලට අදාළ වගකිවයුත්තන්ට එරෙහිව අපරාධ නඩු පැවරීම සිදු වනු ඇති. රජයට සහ සේවක අර්ථසාධක අරමුදලට සිදුව ඇති අලාභය පියවා ගැනීම හා නීතිවිරෝධී කටයුතුවල යෙදුනු අයට සිවිල් නඩු පැවරීමද සිදු කිරීමට නියමිතයි.
සිවිල් නඩු සඳහා දිගු කාලයක් ගතවන බැවින් සිවිල් නඩු විධිවිධාන පටිපාටිය සංශෝධනය කිරීමටද නීතිපති දෙපාර්තමේන්තුවේ අවධානය යොමුව ඇතැයි ජනාධිපති කාර්යාලය පැවසුවා. අපරාධ නඩු පැවරීම නීතිපතිවරයා සහ අල්ලස් කොමිසමේ අධ්යක්ෂ ජනරාල්වරයා විසින් සිදු කරනු ඇති.
බැඳුම්කර කොමිසම හමුවේ ඉදිරිපත් කර ඇති සාක්ෂි සහ සිදු කළ විමර්ශනයේදී අනාවරණය වූ කරුණු වලින් හෙලිවන වැරදි සිදු කළ පුද්ගලයින්ට එරෙහිව කි්රයාමාර්ග ගැනීමටද නිර්දේශ කර තිබෙනවා. ඒ සඳහා නීතිපති උපදෙස් අනුව අපරාධ පරීක්ෂණ දෙපාර්තමේන්තුව තුළ වෙනම ඒකකයක් ස්ථාපිත කරනු ඇති.
ජනාධිපති කොමිෂන් වාර්තාවේ සඳහන් විමර්ශනාත්මක ද්රව්ය හා සාක්ෂි ඍජුව සලකා බැලීමට හැකි වන පරිදි අල්ලස් හෝ දූෂණ කොමිෂන් සභා පනත සංශෝධනය කිරීමටද නිර්දේශ වී තිබෙනවා. සමාගම්වල සිදුව ඇති අපරාධ පිළිබඳ නෛතික වගකිම සලකා බැලීම ද නිර්දේශ වී ඇති තවත් කරුණක්.
දැනට පර්පචුවෙල් ටේරෂරීස් සමාගම සහ ඊට අනුබද්ධ සමාගම්වල මෙන්ම වෙනත් පුද්ගලයින් බැඳුම්කර ගනුදෙනුව හරහා නීතිවිරෝධීව එකතු කළ දේපළ කඩිනමින් තහනම් කිරීමටද නීතිපතිවරයාගේ අවධානය යොමුව තිබෙනවා. රජයට සහ අර්ථසාධක අරමුදලට අයවිය යුතු මුදල් පියවා ගැනීම සඳහා ආණ්ඩුක්රම ව්යවස්ථාව උල්ලංඝණය නොවන පරිදි පාර්ලිමේන්තු පනතක් සම්මත කර ගැනීමට ද කොමිසම නිර්දේශ කළ තවත් කරුණක්. ඒ, නඩු කි්රයාමාර්ගවලදී සිදුවන ප්රමාදය සැලකිල්ලට ගනිමින්.
සේවක අර්ථසාධක අරමුදලේ ස්වාධිනත්වය ද තහවුරු කළ යුතුයි. එමගින් එහි දායක ප්රජාවගේ උපරිම සුභසිද්ධිය සඳහාම පමණක් එම අරමුදල පවත්වාගෙන යා යුතු වනවා. ඊට එහි ඉහළ කළමනාකාරීත්වය හා මහ බැංකුව අතර ඇති සම්බන්ධය ප්රතිව්යූවගත කිරීමටද කොමිෂන් සභාව නිර්දේශ කර තිබෙනවා.
සේවක අර්ථසාධක අරමුදලේ මුදල් භාවිත කර 2008/2014 කාලසීමාවේදී සිදුවූ බැඳුම්කර ගනුදෙනු පිළිබඳ වෝහාරික විගණනයක් පැවැත්විමද කොමිෂමේ තවත් නිර්දේශයක්.
කෝප් කමිටුවේ සාමාජිකත්වය දරණ ඇතැම් මන්තී්රවරුන් බැඳුම්කර විමර්ශනය සිදු කරන කාලයේදී එම සමාගමේ ප්රධානී අර්ජුන් ඇලෝසියස් සමග සන්නිවේදනය කර ඇති බව ද හෙළිවී තිබෙනවා. එම විෂමාචාර හැසිරිම් සම්බන්ධයෙන් කි්රයාමාර්ග ගැනීමට කථානායකවරයාගේ අවධානය යොමු කර ඇති බවයි ජනාධිපති කාර්යාලය පවසන්නේ.
එම කමිටුවේ මන්තී්රවරුන්ට විශේෂ ආචාර ධර්ම පද්ධතියක් පැනවීම කෙරෙහි කථානායකවරයාගේ අවධානය යොමු කිරීමට ද බැඳුම්කර කොමිෂමෙන් නිර්දේශ කර තිබෙනවා.