Tag: featured

ශ්‍රී ලංකා නිදහස් පක්ෂයේ නිර්මාතෘ එස්.ඩබ්ලිව්.  ආර්.ඞී.බණ්ඩාරනායක මහතාගේ පංච මහා බලවේගය යළිත් ඔප්නැංවීම සඳහා මින් ඉදිරියට පැවැත්වෙන සියලූම මැතිවරණවල දී ‘අත’ ලකුණින් ඉදිරිපත් වීමට එම පක්ෂය  තීරණය කර ඇති බව වාර්තාවේ.ඒ අනුව ශ්‍රී ලංකා නිදහස් පක්ෂය වසර 27 කට පසුව ලබන වසරේ පැවැත් වීමට නියමිත පළාත් පාලන මැතිවරණයට අත ලකුණෙන් තරග කිරීමට සැලසුම් කර තිබේ.

අවසන් වරට  ශ්‍රීලනිපය අත ලකුණින් මැතිවරණයට ඉදිරිපත්ව ඇත්තේ 1991 පළාත් පාලන මැතිවරණය සඳහාය.මේ අතර තෝරාගත් ප්‍රදේශ සඳහා නිදහස් පක්ෂය සන්ධාන ගතව පළාත් පාලන මැතිවරණයට ඉදිරිපත් වීම කෙරෙහි ද අවධානය යොමුව ඇත.

[rns_reactions]

මහින්ද රාජපක්ෂ ප්‍රමුඛ රාජපක්ෂවරුන්ට යටත් කොට පවත්වාගෙන ගිය ඒකාබද්ධ විපක්ෂයේ ප්‍රබලයින් ප්‍රමුඛ බොහෝ මන්ත්‍රීවරුන් සංඛ්‍යාවක් මේ වන විට රාජපක්ෂ රෙජීමයෙන් ගැල වී තම සැබෑ දේශපාලන අරමුණ වෙනුවෙන් තම මව් දේශපාලන පක්ෂය වෙත පැමිණීමට තීරණය කොට ඇතැයි ඉතා විශ්වාසන්ත කටයුතු අභ්‍යන්තර ආරංචි මාර්ගවලින් ‘රීඩ් ශ්‍රී ලංකා’ වෙත වාර්තාවේ.

ඒකාබද්ධයෙන් ශ්‍රී ලංකා නිදහස් පක්ෂයේ කල්ලිය ප්‍රමුඛ අනෙකත් ප්‍රගතිශීලි දේශපාලන පක්ෂවල විශාල මන්ත්‍රීවරුන් පිරිසක් මෙසේ මහින්දගේ නායකත්වයෙන් යුත් ඒකාබද්ධයෙන් ගැල වී තම මව් පක්ෂයට පැමිණීමට දේශපාලන කරුණු ගණනාවක් බල පා ඇත.

ඉන් ප්‍රධාන කරුණක් නම් එලඹෙන පළාත් පාලන මැතිවරණයේදී ශ්‍රී ලංකා නිදහස් පක්ෂය ප්‍රමුඛ පුළුල් සන්ධානයකින් තරඟ කළ යුතු බවට ඒකාබද්ධය සහ මෛත්‍රී පාර්ශවය නියෝජනය කරන ශ්‍රීලනිපයේ පිරිස් අවංක දේශපාලන අරමුණකින් සාකච්ඡා කරගෙන අය අවස්ථාවේදී එය එළිපිටම කඩා කප්පල් කරමින් එක්සත් ජාතික පක්ෂයේ කොන්ත්‍රාත්කරුවකු වන ඇමරිකානු පුරවැසි බැසිල් රාජපක්ෂ විසින් ඔහු යටතේ ක්‍රියාත්මක ‘ශ්‍රී ලංකා පොදුජන පෙරමුණ’ නොහොත් ‘පොහොට්ටු’ පක්ෂයෙන් තරඟ කිරීම සඳහා නාම යෝජනා ඉදිරිපත් කිරීම කැපී පෙණුනි.

මේ හේතුවෙන් මහින්ද රාජපක්ෂ නායකත්වය දරණ ඒකාබද්ධය සහ පොහොට්ටු පක්ෂය යන දෙකම එක්සත් ජාතික පක්ෂයේ දේශපාලන අරමුණු වෙනුවෙන් ඩීල් මත ක්‍රියාත්මක රාජපක්ෂවරුන්ගේ පවුල් සහ එම පවුල්වල සහචරයින් බේරාගැනීම වෙනුවෙන් තමන්ගේ දේශපාලන ජීවිතය පළිහක් කරගනිමින් ගෙන යන ව්‍යාපෘති දෙකක් බවට දේශපාලනිකව පරිණත එහි අතිශය බහුතරයක් අවබෝධ කරගෙන එයින් එළියට බැසීමට තීරණය කිරීම අනෙක් ප්‍රධාන කරුණයි.

එක්සත් ජාතික පක්ෂයේ දේශපාලන න්‍යාය පත්‍රයට අනුව ශ්‍රී ලංකා නිදහස් පක්ෂය දෙකඩ කොට රාජපක්ෂවරුන් පමණක් නඩුහබ සහ දූෂණ චෝදනාවලින් මුදවා යළි රජ කරවීම සඳහා සිදුකළ සහ පවත්වාගනිමින් ක්‍රියාත්මක කල දේශපාලන තුප්පහි ක්‍රියාවක් ලෙස මෙය ඒකාබද්ධයේම ප්‍රබල මන්ත්‍රීවරුන් පිරිසක් රාජපක්ෂවරුන්ගේ මුහුණටම දමා හැර බවද වාර්තාවේ.

කෙසේ වෙතත් මේ වන විට උග්‍ර වී ඒකාබද්ධයේ අභ්‍යන්තර දේශපාලන අර්බුදයත් සමඟ එහි අතිශය බහුතර මන්ත්‍රීවරුන් පිරිසක් ජනාධිපති මෛත්‍රීපාල සිරිසේන මහතා හමු වී සහය දක්වමින් ශ්‍රී ලංකා නිදහස් පක්ෂයේ මැතිවරණ සටනට පණ පෙවීමට නියමිතව ඇත.

[rns_reactions]

පළාත් පාලන ඡන්ද විමසීම ලබන පෙබරවාරි මස මුල පවත්වන බව කොලොන්නාව ශ්‍රීලනිප ප්‍රධාන සංවිධායක ප්‍රසන්න සෝලංගආරච්චි පවසනවා.ප්‍රසිද්ධ රුපවාහිනි නාලිකාවක වැඩසටහනකට එක්වෙමින් සංවිධායකවරයා මේ බව කියා සිටියේ.

ස්ථීර වශයෙන්ම අතිගරු ජනාධිපති මෛත්‍රිපාල සිරිසේන මැතිතුමාගේ නායකත්වයෙන් යුත් ශ්‍රීලනිපය එජාපය සහ සමහර බලලෝභී පරාජිතයන් එක්ව ගොඩනගාගෙන ඇති අටමගල් පරාජය කරමින් ඉදිරි පළාත් පාලන මැතිවරණය ජය ගන්නා බවයි ඔහු කියා සිටියේ.

[rns_reactions]

මොරගහකන්ද ජලාශයේ ජලය විදුලි බල උත්පාදනය සඳහා නිකුත් කිරීම අද (02) දහවල් සිදු කෙරුනා.

ඒ, ජනාධිපති මෛත්‍රිපාල සිරිසේන මහතාගේ ප්‍රධානත්වයෙන්.

පවතින වැසි තත්ත්වය සමග මොරගහකන්ද වාරි ව්‍යාපෘතියේ ජල විදුලිය නිපදවීම සඳහා අවශ්‍ය ජල ප්‍රමාණය ඊයේ (01) වනවිට සම්පුර්ණ වී තිබුණා.

අද (02) දහවල් මොරගහකන්ද ජලාශය වෙත ගිය ජනාධිපතිවරයා එම කටයුතු නිරීක්ෂණය කිරීමෙන් අනතුරුවයි විදුලි උත්පාදනය සඳහා ජලය නිකුත් කළේ.

දින 4ක් සිදු කරන පරීක්ෂණ කටයුතුවලින් අනතුරුව මෙමගින් ජාතික විදුලි බල පද්ධතියට මෙගා වොට් 25ක ධාරිතාවක් එක් කෙරෙනවා.

එහිදී අදහස් දක්වමින් ජනාධිපති මෛත්‍රීපාල සිරිසේන මහතා සඳහන් කළේ මෙය රජරට ජනතාව වෙනුවෙන් තමන් දීර්ඝ කාලයක සිට දුටු සිහිනයක් බවයි.

[rns_reactions]

ඉදිරි පළාත් පාලන මැතිවරණය සඳහා ඉතිරි පළාත් පාලන ආයතන 208 සඳහා නාම යෝජනා කැඳවීමේ නිවේදනය ලබන 4දා නිකුත් කිරීමට මැතිවරණ කොමිසම තීරණය කර ඇත.

ඒ අනුව මැතිවරණය පෙබරවාරි මාසයේ මුලදී පැවැත්වෙන බව මැතිවරණ කොමිසම සඳහන් කරයි.

පළාත් පාලන ආයතන සීමානිර්ණ ගැසට් නිවේදනය ක්‍රියාත්මක කිරීම දෙසැම්බර් 04වනදා තෙක් බල රහිත කරමින් අභියාචනාධිකරණය පනවා තිබු තහනම් නියෝගය විසුරුවා හැරීමට අභියාචනාධිකරණය අද (30) තීරණය කර තිබේ.

ඒ, සීමා නිර්ණ ගැසට් නිවේදනය අවලංගු කරන්නැයි ඉල්ලා අභියාචනාධිකරණයට පෙත්සමක් ඉදිරිපත් කළ පෙත්සම්කරුවන් 06 දෙනාගේ නිතිඥවරයා විසින් එම පෙත්සම ඉල්ලා අස්කර ගැනීමත් සමගය.

ඇමැතිවරයා සමඟ ඇතිවු එකඟතාවයට අනුව මෙම පෙත්සම ඉල්ලා අස්කර ගැනීමට අවසර දෙන්නැයි පෙත්සම්කරුවන්ගේ නිතිඥවරයා අධිකරණයෙන් ඉල්ලීමක් කර ඇති අතර පෙත්සම ඉල්ලා අස් කර ගැනීමට ඉඩ ලබාදීම සම්බන්ධයෙන් තමන්ගේ විරුද්ධත්වයක් නැතැයි වගඋත්තරකරුවන් වෙනුවෙන් පෞද්ගලිකව පෙනී සිටි නිතිපතිවරයා අධිකරණයට දැනුම් දී ඇත.

ඒ අනුව අභියාචනාධිකරණය උක්ත තීන්දුව ප්‍රකාශයට පත් කර ඇත.

[rns_reactions]

ශ්‍රී ලංකා නිදහස් පක්ෂය හා ඒකාබද්ධ විපක්ෂය එකතුවීම මෙවර වැලැකී ගියේ හිටපු ජනපති හා පාර්ලිමේන්තු මන්ත්‍රී මහින්ද රාජපක්ෂ මහතා ලබාගත් ජෝතිෂ උපදෙස් නිසා බව වාර්තා වේ.

මේ එකතුව ජයග්‍රහණයට අවාසිදායක බවට රාජපක්ෂ මහතාට මෙහෙණින් වහ්සේ නමක් විසින් ලබාදුන් උපදෙස් අනුව ඔහු කටයුතු කර ඇති බව පැවසේ.

ඒ අනුව මේ එකතුව සිදු නොවීමට ඒකාබද්ධය එකඟවිය නොහැකි කොන්දේසි ශ්‍රීලනිපයට ලබාදී ඇති බව වාර්තා වේ.

හිටපු ජනපතිවරයා කලින් ජනාධිපතිවරණය පවත්වනු ලැබුවේද එවකට රාජකීය දෛව්‍යඥයාව සිටි සුමනදාස අබේගුණසේකර මහතා ලබාදුන් උපදේශයකට අනුව බව මේවන විට ප්‍රසිද්ධ රහසකි

[rns_reactions]

ඒකාබද්ධය හා ශ්‍රීලනිප සාකච්ජා කඩාකප්පල් කිරීම සම්බන්ධයෙන් ඒකාබද්ධ විපක්ෂයේ බැසිල් කණ්ඩායමට එරෙහිව එහි අභ්‍යන්තයෙන් බලවත් විරෝධයක් මතුව ඇති බවත් විමල් විරවංශ මහතාගේ ජාතික නිදහස් පෙරමුණේ මන්ත්‍රීවරුන් කිහිප දෙනෙකු එහි පෙරමුණ ගෙන සිටින බවත් දේශපාලන ආරංචිමාර්ග පවසයි.

පළාත් පාලන මැතිවරණයට අදාළ අපේක්‍ෂකයින් තෝරා ගැනීමේ ක්‍රියාවලිය මුල්කර ගනිමින් එම විරෝධය මේවනවිට උත්සන්න වී ඇතැයි ද එම ආරංචිමාර්ග කියා සිටියි.

සෑම කොට්ඨාසය සඳහාම ඒකාබද්ධ විපක්‍ෂයේ අපේක්‍ෂකයින්ගෙන් සියයට 10 ක් තමන්ට ලබාදෙන ලෙසට විමල් වීරවංශ මන්ත්‍රීවරයාගේ ජාතික නිදහස් පෙරමුණ ඉල්ලා ඇතත්, බැසිල් රාජපක්ෂ මහතා ඊට අකමැත්ත පළ කර තිබේ.

මෙම තත්වය තුල ජාතික නිදහස් පෙරමුණේ කිහිප දෙනෙකු ඊයේ (01) රහසිගතව ජනාධිපති මෛත්‍රීපාල සිරිසේන මහතාව හමුවී ඇති අතර එහිදී ශ්‍රීලනිපයට එක්විම සම්බන්ධයෙන් දීර්ඝ වශයෙන් සාකච්ජා පවත්වා ඇත.

ජනාධිපතිවරයාගේ සම්බන්ධිකරණ ලේකම්වරයකු මිට අදාළ සම්බන්ධිකරණ කටයුතු සිදුකර තිබේ.

මේ අනුව ජාතික නිදහස් පෙරමුණේ පළාත් සභා මන්ත්‍රී ජයන්ත විජේසේකර මහතා ඊයේ (01) ශ්‍රීලනිපයට එක්වූ අතර එම පක්ෂයේ තවත් පාර්ලිමේන්තු මන්ත්‍රීවරුන් කිහිප දෙනෙකු ලබන සතියේ ශ්‍රීලනිපයට එක්වීමට නියමිතය.

[rns_reactions]

ශ‍්‍රී ලංකා නිදහස් පක්ෂය හා ඒකාබද්ධ විපක්ෂය අතර පවත්වන ලද සාකච්ඡා බිඳ වැටීමට හේතුව බැසිල් රාජපක්ෂ කල්ලියේ දීර්ඝකාලීන සැලසුමක් බවට තොරතුරු වාර්තා වී තිබේ.

ජනාධිපති මෛත‍්‍රීපාල සිරිසේන හා හිටපු ජනාධිපති මහින්ද රාජපක්ෂ යන මහත්වරුන්ට ශ‍්‍රී ලංකා නිදහස් පක්ෂයේ බිම් මට්ටමේ පාක්ෂියන්ගෙන් එල්ල වූ බලපෑම් හමුවේ සාකච්ඡා පැවැත් වූවත් රාජපක්ෂ පාර්ශ්වය සමගියට බාධා කෙරෙන කොන්දේසි ඉදිරිපත් කරමින් සාකච්ඡා පැවැත් වූ බව මේ වන විට තහවුරු වී ඇත.

කෙසේ වෙතත් සාකච්ඡා සඳහා ඒකාබද්ධ  විපක්ෂයෙන් නම් කරුණු ලැබු සී.බී. රත්නායක, මහින්ද යාපා අබේවර්ධන හා පවිත‍්‍රා වන්නිආරච්චි යන අය දින 100 ආණ්ඩුවේ ඇමැති ධුර දැරූ සහ ප‍්‍රශ්න ඇති කරගෙන ඉන් බැහර වූවෝ වෙති. නිදහස් පක්ෂය වෙනුවෙන් පත් කර සිටි සුසිල් පේ‍්‍රමජයන්ත්, අනුරයාපා හා ලසන්ත අලගියවන්න යන ඇමැතිවරුන් ජනාධිපතිවරයා ලබා දුන් උපදෙස් මත සත්භාවයෙන් සාකච්ඡා සිදු කළ ද ඒකාබද්ධයේ නියෝජිතයන් එය කඩාකප්පල් කිරීමට කටයුතු කළ බවට චෝදනා එල්ල වී තිබේ.

මෙම සාකච්ඡා පවත්වන අතර තුර දී මහින්ද රාජපක්ෂට හිතවත් මාධ්‍ය හා හිමිවරුන් දිගින් දිගටම පැවසුවේ නිදහස් පක්ෂය සමඟ එකතු නොවිය යුතු බවය.

එහෙත් ඒකාබද්ධ විපක්ෂය නියෝජනය කරන දිනේෂ් ගුණවර්ධන, විමල් වීරවංශ යන මන්ත‍්‍රීවරුන්ගේ පක්ෂ නිදහස් පක්ෂය සමඟ එක්වීම සම්න්ධයෙන් කැමැත්ත ප‍්‍රකාශ කර තිබේ.

 කෙසේ වෙතත් පසුගිය බදාදා පාර්ලිමේන්තු රැස් වූ ඒකාබද්ධ විපක්ෂයේ පාර්ලිමේන්තු මන්ත‍්‍රී කණ්ඩායම් රැස්වීමේදී මේ සම්බන්ධයෙන් දීර්ඝ  ලෙස සාකච්ඡා කර ඇතත් ඊට කාල්ටන් පෙර පාසල් කණ්ඩායම ලෙස ප‍්‍රසිද්ධියට පත්ව ඇති නාමල්, ප‍්‍රසන්න, ජොන්ස්ටන් සහ රෝහිත වැනි අයගෙන් බාධා එල්ල වී ඇත.

පාර්ලිමේන්තු මන්ත‍්‍රී වීරකුමාර දිසානායක මහතා එහිදී සඳහන් කර ඇත්තේ මැතිවරණයක දී බෙදීම් හා අඩුකිරීම් නොව අඩුකිරීම් හා එකතු කිරීම් පමණක් ඇති  හෙයින් ඒ අනුව කටයුතු කළ යුතු බවයි.

ඊට නාමල් රාජපක්ෂ මහතාගෙන් බාධා එල්ල  වී ඇති අතර එහිදී ඔහු පවසා ඇත්තේ සිය පවුලට වත්මන් ආණ්ඩුවෙන් අසාධාරණයක් සිදු වන බැවින් ඔවුන් සමඟ එක් විය නොහැකි බවයි.

එහිදී වීරකුමාර දිසානායක මහතා පවසා ඇත්තේ 2005 දී චන්ද්‍රිකා හා එල්ටීටීඊය විරුද්ධ වෙද්දී මහින්ද රාජපක්ෂ සමඟ ජවිපෙ සන්ධාන ගත නොවූණා නම් අද රට කුමන තත්ත්වයක පවතීද යන්නයි.

ඊට අමතරව මහින්දානන්ද අලූත්ගමගේ මහතා ද පවසා ඇත්තේ නිදහස් පක්ෂය සමඟ එක් නොවුණ හොත් සිය ආසනය ද ජයගත නොහැකි බවයි. එහෙත් එම අදහස්වලට ඉඩ නොදෙමින් කාල්ටන් පෙර පාසල් කණ්ඩායමේ ප‍්‍රසන්න රණතුංග, නාමල් රාජපක්ෂ, ජොන්ස්ටන් ප‍්‍රනාන්දු, රෝහිත අබේගුණවර්ධන සහ සනත් නිශාන්ත යන අය විරුද්ධව අදහස් ප‍්‍රකාශ කළ අතර ඊට මහින්ද රාජපක්ෂ මහතාගේ සහයෝගය ලැබී ඇත.

මේ අතරතුර බැසිල් රාජපක්ෂ මහතාගේ බලවත් වුවමනාව මත පොදු ජන පෙරමුණ පළාත් පාලන මැතිවරණයට ඇප මුදල් තැන්පත් කර ඇත. කෙසේ වෙතත් මෙම සිදුවීමට විමල් වීරවංශ මහතා නිහඬව සිටි අතර පසුගිය කාලයේ වීරවංශ මහතා නිදහස් මාවතේ දී එක්සත් ජාතික පක්ෂයේ ප‍්‍රබලයකු හමු වූ බවට මාධ්‍ය වාර්තා කර තිබුණි.

කෙසේ වෙතත් ඒකාබද්ධ විපක්ෂය පළාත් පාලන මැතිවරණයට  වෙනම තරග කළොහොත් සන්ධානය යටතේ නිදහස් පක්ෂය නියෝජනය කරමින් මහ මැතිවරණයට ඡන්දය ඉල්ලා ජය ලැබූ මන්ත‍්‍රීවරුන් 45 දෙනාගේ ධුර සම්බන්ධයෙන් ගැටලූ මතුවනු ඇත. වෙනත් පක්ෂ ප‍්‍රවර්ධනයට කටයුතු කරන මන්ත‍්‍රීවරුන්ගේ ධුර සම්බන්ධයට කටයුතු කරන ආකාරය පිළිබඳව 19 වන ආණ්ඩුක‍්‍රම ව්‍යවස්ථා සංශෝධනයේ සඳහන්  වේ.

අතීතයේ සිට රාජපක්ෂ පරම්පරාව නිදහස් පක්ෂයට ද්‍රෝහි ලෙස කටයුතු කළ බවත් 1960 දී ඞී.ඒ. රාජපක්ෂ  මහතා නිදහස් පක්ෂයෙන් ඉවත්ව මහජන එක්සත් පෙරමුණෙන් ඡන්දයට ඉදිරිපත් වීමත් පසුව 1965 දී යළිත් සිරිමාවෝ බණ්ඩාරනායක මහත්මියට වැද සමාව ගෙන නිදහස් පක්ෂයට එකතු වීමත් 1985 දී බැසිල් රාජපක්ෂ මහතා එක්සත් ජාතික පක්ෂයට එක්ව මැතිවරණයට තරග කොට පරාජය වීමත් යන සිදුවීම්වලින් පැහැදිලි වේ. ශ‍්‍රීලනිපය කඩාගෙන  ගිය  සියලූ අවස්ථාවල දී රාජපක්ෂලාට පරාජය අත් වී තිබෙන බව ද ඉතිහාසය සාක්ෂි දරන බව දේශපාලන විශ්ලේෂකයෝ පෙන්වා දෙති.

[rns_reactions]