පාසල් දරුවන්ට අභ්යාස පොත් රජයේ මුද්රණ දෙපාර්තමේන්තුවෙන් සහන මිල ගණන් යටතේ ලබාදීමේ වැඩපිළිවෙළක් ක්රියාත්මක කරන බව ජනමාධ්ය රාජ්ය මාධ්ය ශාන්ත බණ්ඩාර මහතා පාර්ලිමේන්තුවේදී අද (13) පැවසීය.
පාසල්වල විදුහල්පතිවරුන්ට එම ඇණවුම් ඉදිරිපත් කළ හැකි බවද ඔහු සඳහන් කළේය. රාජ්ය අමාත්යවරයා මෙසේ පැවසුවේ මුලසුනේ අවසර ඇතිව ප්රකාශයක් කරමිනි.
සිංගප්පූරුව සහ ශ්රී ලංකාව අතර පවතින දේශපාලන, ආර්ථික සහ සමාජීය සබඳතා ශක්තිමත් කර ගැනීමට තමා කැපවී සිටින බව සිංගප්පූරු අග්රාමාත්ය ලී සියෙන් ලොන්ග් මහතා (Lee Hsien Loong) සඳහන් කරයි.
පසුගිය අගෝස්තු මාසයේදී ජනාධිපති රනිල් වික්රමසිංහ මහතා විසින් සිංගප්පූරුවේ කළ නිල සංචාරය අතරතුර පැවැත්වූ ද්විපාර්ශ්වික සාකච්ඡා අගය කරමින් ජනාධිපතිවරයා වෙත විශේෂ ලිපියක් යොමු කරමින් සිංගප්පූරු අග්රාමාත්යවරයා මේ බව සඳහන් කර තිබේ.
දෙරට අතර පැවති ඵලදායී සාකච්ඡා වල සාධනීය ප්රතිඵල පිළිබඳව සිය අවංක කෘතඥතාව පළ කර ඇති අග්රාමාත්ය ලී සියෙන් ලොන්ග් මහතා දෙරට අතර රාජ්ය තාන්ත්රික සබඳතා අඛණ්ඩව පවත්වාගෙන යාමට ඇති කැපවීම තවදුරටත් සහතික කරමින් නුදුරේදීම ශ්රී ලංකාවේ නිල සංචාරයක නිරත වීමට අපේක්ෂා කරන බව ද සිය ලිපියේ වැඩිදුරටත් සඳහන් කර ඇත.
ශ්රී ලංකාවට ලබාදීමට නියමිත ණය මුදලේ දෙවැනි වාරිකය වහාම නිදහස් කිරීමට ජාත්යන්තර මුල්ය අරමුදලේ විධායක කමිටුව තීරණය කර තිබේ.
ඊයේ පැවති එම අරමුදලේ විධායක කමිටුව විසින් මෙන්ම අනුමැතිය ලබා දී ඇත.
එය අනුව ඇමරිකානු ඩොලර් මිලියන 337ක මුදලක් ශ්රී ලංකාවට නිදහස් කිරීමට කිරීමට නියමිතව තිබේ.
ඊයේ දිනයේ පැව.ි විධායක කමිටුවේදී අරමුදල විසින් ශ්රී ලංකාවට ලබා දී ඇති ආධාර වැඩසටහන ක්රියාත්මක කිරීමේදී අත්කරගෙන ඇති ප්රගතිය සමාලෝචනය කිරීම සිදුවිය.
ශ්රී ලංකාව ලබා ගෙන ඇති ප්රගතිය පිළිබඳ සෑහීමකට පත් වන බවත් ඒ හේතුවෙන් දෙවැනි වාරිකය ලබාදීමට අනුමැතිය ලබාදෙන බවත් කමිටුව සඳහන් කර තිබේ.
මේ අතර ජාත්යන්තර මුල්ය අරමුදලේ දෙවැනි වාරිකය ශ්රි ලංකාවට අනුමත වීමත් සමගින් විපක්ෂ නායක සජිත් ප්රේමදාස මහතා සහ ජාතික ජනබලවේගයේ නායක අනුර කුමාර දිසානායක මහතා තම ජීවිකාව ලෙස සිදු කරන පරදේෂක්කාර පිරිස් වල උවමනාව මත රට අරාජික කර ඒ හරහා අරමුදල් සහ බලය ලබාගැනීමේ කුමන්ත්රණ සිදුකිරීමේ ක්රියාවලියට මරු පහරක් එල්ල වී ඇති බව අපට වාර්තා වේ.
ඉරිදා දිනයේ පාර්ලිමේන්තුව කඩාකප්පල් කරමින් එදින සම්මත කිරීමට තිබූ පනත කල් දමමින් ජාත්යන්තර මූල්ය අරමුදලේ දෙවෙනි වාරිකය ශ්රී ලංකාවට ලබා ගැනීමට තිබූ අවස්ථාව අවහිර කිරීමට පටු දේශපාලන වාසි ලබා ගැනීමට මාන දරන විපක්ෂයේ බලවේග දැරූ සියලු උත්සාහයන් පරාජය කරමින් වර්තමාන ජනාධිපති රන් වික්රමසිංහ මහතා ගෙනයන වැඩපිළිවෙළ අනුමත කරමින් ජාත්යන්තර මූල්ය අරමුදල ගත් තීන්දුවත් සමඟ විපක්ෂයට තම ජීවිකාව අහිමි වී ඇති බව දේශපාලන විශ්ලේෂකයෝ සඳහන් කරති.
බිත්තර මිල ඉහළ යෑම පාලනය කිරීම සඳහා රාජ්ය වාණිජ විවිධ නීතිගත සංස්ථාව ඉන්දියාවෙන් ආනයන කළ බිත්තර ලක්ෂ 60 ක් පමණ අද (12) සිට වෙළෙඳපොළට නිකුත් කරන බව වෙළෙඳ, වාණිජ හා ආහාර සුරක්ෂිතතා අමාත්ය නලීන් ප්රනාන්දු මහතා අද (12) පැවසීය.
එම බිත්තරයක් රුපියල් 35 බැගින් සතොසෙන් මිලදී ගතහැකි බවත් අමාත්යවරයා කීය.
ජාඇල නගර සභා පිටියේදී හෙට ආරම්භ වන මහපොළ ප්රදර්ශනයේ කටයුතු නිරීක්ෂණය කිරීමට පැමිණි අවස්ථාවේදී මාධ්ය වෙත විශේෂ ප්රකාශයක් කරමින් අමාත්යවරයා අද (12) පස්වරුවේ එසේ පැවසීය.
විශ්වවිද්යාල අධ්යාපනය සහ වෘත්තීය පුහුණු අධ්යාපනය රටේ දියුණුවට යොදා ගැනීමේ වැඩපිළිවෙළ ලබන වසරේ ආරම්භ කරන බව ජනාධිපති රනිල් වික්රමසිංහ මහතා පැවසීය.
රට දියුණුව කරා ගෙන යාමට නම් දැනුම ඇති මානව සම්පතක් අවශ්ය බව පැවසු ජනාධිපතිවරයා එහි වගකීම මෙරට විශ්වවිද්යාල ක්ෂේත්රයට සහ වෘත්තීය පුහුණු ක්ෂේත්රයට පැවරෙන බව ද සඳහන් කළේය.
වෘත්තීය පුහුණු අධ්යාපන ක්ෂේත්රයේ නව පරිවර්තනයක් වෙනුවෙන් පෞද්ගලික අංශයේ සහාය මේ වන විට පළවි තිබෙන බවත් මෙරට සමස්ත අධ්යාපන ක්රමය ප්රතිසංවිධානයට අවශ්ය නීති කඩිනමින් ගෙන එන බවත් ජනාධිපතිවරයා පැවසීය.
ජනාධිපති රනිල් වික්රමසිංහ මහතා මේ බව සඳහන් කර සිටියේ ජාතික ව්යාපාර අධ්යයන විද්යායතනයේ (NSBM හරිත සරසවිය) 2023 උපාධි ප්රදානෝත්සවයට (11) එක් වෙමිනි.
සිසුන් 176 දෙනෙකු මෙහිදී උපාධි ලබාගත් අතර විශිෂ්ඨ කුසලතා දැක්වූ සිසුන් 06 දෙනකු ජනාධිපති රනිල් වික්රමසිංහ මහතා අතින් සම්මාන ලැබීය.
NSBM හරිත සරසවියේ උපකුලපති ඊ. ඒ වීරසිංහ මහතා විසින් සැමරුම් තිළිණයක් ලෙස ජනාධිපතිවරයා වෙත වටිනා පොත් කට්ටලයක් ද පිරිනැමීය.
මෙහිදී වැඩිදුරටත් අදහස් දැක්වූ ජනාධිපති රනිල් වික්රමසිංහ මහතා මෙසේද පැවසීය.
විශ්වවිද්යාලවලින් පිටවන සියලු දෙනාට රැකියා ලබාගත හැකි ආකාරයට අප විශ්වවිද්යාල අධ්යාපනය පරිවර්තනය කළ යුතුව තිබෙනවා. අද රජයේ විශ්වවිද්යාලවලට ඇතුළත් කර ගන්නා සිසුන් ප්රමාණය සීමා කර තිබෙනවා. ඒ ප්රතිපාදන සපයා ගැනීමේ ගැටළුව නිසයි. නමුත් අනෙක් රටවල් මෙම ප්රශ්නයට මුහුණ දී සාර්ථකව තිබෙනවා. “සෑම අයෙකුටම අධ්යාපනයට ප්රවේශ වීමේ අයිතිය ලබාදිය යුතු බවට” එක්සත් ජාතීන්ගේ මානව හිමිකම් ප්රකාශනයේ ද සඳහන් වෙනවා. ඒ අනුව මේ වෙනුවෙන් සෑම රටකම රජයේ සහ පුද්ගලික විශ්වවිද්යාල ඇති කර තිබෙනවා. ශ්රී ලංකාව ලෙස අපත් දැන් සූදානම්ව සිටින්නේ එම වැඩකටයුත්ත සඳහා යොමු වීමටයි.
ඒ අනුව මෙරට විශ්වවිද්යාල සංඛ්යාව දෙගුණයකින්, තුන් ගුණයකින් ඉහළ නංවා ගැනීමට අප බලපොරොත්තු වෙනවා. ඒ සමඟම නව තාක්ෂණය සමඟ මෙරට සිට විදේශීය විශ්වවිද්යාලවලින් උපාධිය ලබාගැනීමට සිසුන්ට අවස්ථාව හිමි වෙනවා.
ශ්රී ලංකාව විශ්වවිද්යාල කේන්ද්රස්ථානයක් බවට පත්කළ යුතුයි. ඒ වගේම පාසල් සිසුන්ට සහ විශ්වවිද්යාල සිසුන්ට ඉංග්රීසි දැනුම ලබාදීමේ වැඩකටයුතු 2030 වන විට සම්පූර්ණ කිරීමට අප බලාපොරොත්තු වෙනවා. ඒ වගේම අනෙක් භාෂා දැනුමෙන්ද මෙරට සිසු පරපුර සවිබල ගැන්විය යුතුයි.
ඒ වගේම වෘත්තීය පුහුණු ආයතන ඒකාබද්ධ කර වෘත්තීය පුහුණු විද්යාල ඇති කිරීමට අප සැලසුම් කර තිබෙන අතර එම පාඨමාලා සඳහා රැකියා ඉලක්ක කර ගත් නව විෂය මාලා හඳුන්වාදීමට පියවර ගන්නවා. මෙම කටයුතු සඳහා පුද්ගලික අංශයේ වෙළෙඳ මණ්ඩල සහාය ලබාදෙන බවට අපට දැනුම් දී තිබෙන නිසා මෙම වැඩසටහනත් ලබන වසර වන විට ක්රියාත්මක කිරීමට හැකියාව ලැබෙනවා.
ඉන් පසුව මෙරට සමස්ත අධ්යාපන ක්රමය ප්රතිසංවිධානය කිරීමට අවශ්ය නීති ගෙන ඒම අපේ අපේක්ෂාවයි. මේ අනුව විශ්වවිද්යාල අධ්යාපනය සහ වෘත්තීය පුහුණු අධ්යාපනය මේ රටේ දියුණුව වෙනුවෙන් යොදා ගැනීමේ වැඩපිළිවෙළ ලබන වසරේ සිට ආරම්භ කිරීම අපේ අරමුණ බව කිව යුතුයි. මොකද රට දියුණු කිරීමට දැනුම අවශ්යයි. ඒ සඳහා නව අධ්යාපන ක්රමයක් ඇති කළ යුතුයි.
අප දැනට මධ්යම ආදායම් ලබන රටක් ලෙස කටයුතු කළ යුතුයි. අප හැමදාම මෙම තත්ත්වයේ සිටිනවාද, නැත්නම් ඉහළ ආදායම් ලබන ආර්ථිකයක් බවට පත්වෙනවාද කියා තීරණය කළයුතුයි. අපි සියලුදෙනාට අවශ්ය එම ගමන යාමටයි. එසේනම් ඒ සඳහා අවශ්ය මානව සම්පත ගොඩනැගීම අධ්යාපනයට භාර දෙමු.
අධ්යාපන අමාත්යංශයේ ලේකම් නිහාල් රණසිංහ , NSBM හරිත සරසවියේ උපකුලපති ඊ. ඒ වීරසිංහ, නියෝජ්ය උප කුලපති මහාචාර්ය චමින්ද රත්නායක යන මහත්වරුන් ද, පීඨාධිපතිවරු සහ අධ්යයන කාර්ය මණ්ඩලය හා උපාධිධාරී සිසුන්ගේ දෙමව්පියන් ඇතුළු පිරිසක් මෙම අවස්ථාවට සහභාගි වූහ.
වෙළඳපළේ කුකුළු මස් කිලෝවක මිල අද දිනයේ සිට ඉහළ දැමීමට කුකුළුමස් තොග වෙළඳුන් තීරණය කර ඇත.
ඒ අනුව රුපියල් 30-50 අතර මුදලකින් කුකුළු මස් කිලෝවක් ඉහළ දැමීමට නියමිතව ඇත.
බොහෝ ගොවිපළ හිමියන් ඊයේ දිනයේදීම මෙම මුදල ඉහළ දමා ඇති බවද වෙලදුන් කියා සිටිති.
කිලෝවක් රුපියල් 1200ක මිලකට අලෙවි වූ කුකුල් මස් කිලෝවක තොග මිල නව මිල ගණන් යටතේ අද සිට රුපියල් 1250ක් දක්වා ඉහළ යනු ඇත.
මේ අතර බිත්තරයක මිලද රුපියල් 60 දක්වා ඉහළ දැමීමට කටයුතු කර තිබේ.
ඉල්ලුමට සරිලන සැපයුමක් නොලැබීම මත බිත්තර ඉහළමින් තිබෙන බවද වෙළදුන් කියා සිටිති.
මීළඟ ගෑස් මිල සංශෝධනයේදී විශාල මිල ඉහළ යෑමක් සිදුවුණු ඇති බව වාර්තාවේ.
පාර්ලිමේන්තුවේ සම්මත කරන ලද වැට් බදු සංශෝධන පනත හේතුවෙන් මෙසේ ගෑස් මිල ඉහළ යාමට නියමිතව තිබේ.
මෙතෙක් ගෑස් සඳහා වැට් බද්ද අදාළ නොවුණද ඊයේ දිනයේ සිට ගෑස් සඳහා වැට් බද්ද අදාළ කර තිබේ.
ඒ අනුව ගෑස් සඳහා උපරිම 18%ක මිල වැඩිවීමක් අපේක්ෂා කළ හැකිය.
වෙළඳපළේ සම්බා සහල් කිලෝවක මිල රුපියල් තිහකින් වැඩි කිරීමට ව්යාපාරිකයන් කටයුතු කර ඇති බවට චෝදනා එල්ල වෙයි.
මෙතෙක් රුපියල් 230කට පැවති සම්බා සහල් කිලෝවක් මේ දිනවල රුපියල් 250 දක්වා මිල ඉහළ දමා ඇතැයි පාරිභෝගිකයන් කියා සිටිති.
මෙරට ප්රධාන සහල් සමාගමක් ද තම සහල් සම්බා සහල් කිලෝව 260 දක්වා මිල ඉහල දමා ඇති අතර තවත් සමාගමක් කිලෝවක් රුපියල් 245 දක්වාත් ඉහළ දමා ඇති බවද පවසති.
උත්සව සමය වන විට සම්බා සහල් කිලෝවක් රුපියල් 300කට ආසන්න වනු ඇති බවද පාරිභෝගිකයන් කියති.
පොදුජන පෙරමුණේ සම්මේලනයේදී පක්ෂ ව්යස්ථාවේ යම් වෙනසක් කරන නමුත් පක්ෂයේ ප්රධන පරිපාලන තනතුරු වල වෙනසක් නොවන බව හම්බන්තොට දිස්ත්රික් මන්ත්රී නාමල් රාජපක්ෂ මහතා පැවසීය.
කොළඹ සුගතදාස ගෘහස්ථ ක්රීඩාංගණයේ දී ලබන 15 වැනිදා ශ්රී ලංකා පොදුජන පෙරමුණේ දෙවන සම්මේලනය පැවැත්වෙන බව රාජපක්ෂ මහතා කීය.
පොදුජන පෙරමුණේ නිලධාරී මණ්ඩලය වෙත පක්ෂයේ පරිපාලන කටයුතු පැවරෙද්දී ගම් මට්ටමින් පක්ෂය යළි ගොඩනැගීමේ කටයුතු වෙනම යාන්ත්රයක් ඔස්සේ ආසන මට්ටමින් ක්රියාත්මක කරන බව ද නාමල් රාජපක්ෂ මහතා පැවසීය.
තමාද වැඩි අවධානයක් යොමුකර ඇත්තේ එම ප්රතිසංවිධාන සඳහා යැයි ද රාජපක්ෂ මහතා කීය. ලබන වසර මැතිවරණ වර්ෂයක් හෙයින් එම මැතිවරණ වලට මුහුණ දීම සඳහා පක්ෂය වඩාත් ශක්තිමත් කළ යුතු යැයිද පක්ෂයේ විධායක කමිටුවට ද නව සාමාජිකයන් පත් කිරීමට නියමිත බවද මන්ත්රීවරයා කීය.
ගොඨාභය රාජපක්ෂ ජනාධිපතිවරයා පත්වූ දිනයේ සිට බොරුව මිත්යාව අසත්ය පදනම් කර ගෙන තමාගේ චරිකය ඝාතනය කිරීමේ වැඩපිළිවෙළක් දියත් වූ බවත් ඒ යටතේ සංස්කෘතික අරමුදලේ මුදල් ගසා කැවා යයි පවසා මහින්ද රාජපක්ෂ අගමැතිවරයා විසින් කමිටුවක් පත් කළ බවත් එම කමිටුවට පත් කළ හරිගුප්තා රෝහණධීර යන අය ගෝඨාභය රාජපක්ෂ ජනාධිපතිවරයාගේ හිතවතකු මෙන්ම නීති උපදේශක ලෙසත් 2010 දී පො.ජ.පෙරමුණෙන් මහා මැතිවරණ අපේක්ෂයකු ලෙස ඉදිරිපත් වූ අයකු බවත් විපක්ෂ නායකවරයා පැවසීය.
හිටපු ජනාධිපති ගෝඨාභය රාජපක්ෂ සමයේ තහනමට ලක් කළ කටුපොල් වගාව යළි ආරම්භ කිරීම සඳහා ක්රියාමාර්ග ගනිමින් සිටින බව හිටපු මුදල් අමාත්ය රවී කරුණානායක මහතා පවසනවා.
හිටපු අමාත්යවරයා එම අදහස් පළ කලේ කටුපොල් වගාකරුවන් සමග පැවති සාකච්ඡාවකින් අනතුරුවයි.
කටුපොල් වගා කරන ගොවීන් මුහුණ දී ඇති ගැටලු පිළිබඳව සාකච්ඡා කිරීම සඳහා හිටපු අමාත්යවරයා මතුගම බදුරලිය ප්රදේශයේ නිරීක්ෂණ චාරිකාවකට එක් වුණා. එය සංවිධානය කර තිබුණේ හරිත දෙරණ කුඩා හා මධ්ය පරිමාණ වැවිලිකරුවන්ගේ සංගමය විසින්. එහිදී එම ගොවීන් පෙන්වා දුන්නේ කටු පොල් වගාව තහනම් කිරීම නිසා පවුල් විශාල ප්රමාණයක් ආර්ථික ගැටළු රැසකට මුහුණ දී සිටින බවයි. අපනයන භෝගයක් ලෙස දියුණු කරන්න පුළුවන් මෙම කටුපොල් වගාව යළි ස්ථාපිත කර දෙන ලෙස හිටපු අමාත්යවරයාගෙන් ඔවුන් ඉල්ලා සිටියා. තම ඉඩම්වල වගේම රජයේ ඉඩම්වල වගා කිරීමට අවසර ලබා දුන්නොත් තේ රබර් වලට වඩා වැඩි විදේශ විනිමයක් රටට ලබාගත හැකි බවද ගොවීන් මෙහිදී පෙන්වා දුන්නා. අක්කර එක වගාවක් මගින් මසකට රුපියල් 75000ක ශුද්ධ ආදායමක්උපයා ගත හැකි බවද ගොවීන් මෙහිදී පෙන්වා දුන්නා. ඇතැම් පුද්ගලයින්ගේ දුර්මත නිසා මෙම භෝග වගාව තහනමට ලක්කර ඇති බවයි ඔවුන් පෙන්වා දෙන්නේ.
මැලේසියාව, ඉඳුනීසියාව වැඩි රටවල ප්රධාන අපනයන බෝගයක් ලෙස මෙය ව්යාප්ත කර තිබෙනවා. මේ හේතුවෙන් මෙම කටුපොල් වගාව ලංකාව පුරා ව්යාප්ත කිරීම මගින් රටට හොඳ ආදායමක් ලබාගත හැකි බව ගොවීන් පෙන්වා දුන්නා.
මෙහිදී අදහස් දක්වමින් හිටපු අමාත්ය රවී කරනවා මහතා සඳහන් කර සිටියේ මේ සම්බන්ධයෙන් පවතින දුරුමත ඉවත් කරගෙන කටු පොල් වගාව පිළිබඳව විශේෂඥ දැනුම් ඇති පුද්ගලයින් පිළිබඳව සාකච්ඡා කර යළි වගා කරවීම සඳහා අවසර ලබාදීමට කටයුතු කරන බවයි.
මෙහිදී එම ගොවින්ට හිටපු අමාත්වරයා පොරොන්දු උනේ මේ පිළිබඳව ජනාධිපතිවරයා සමග සාකච්ඡා කර ලබන ජනවාරි මාසය වන විට පවතින තහනම ඉවත් කිරීම සඳහා කටයුතු සලසා දෙන බවයි.
ඒ අනුව ඉදිරියේදී සියලු දෙනාගේ සහයෝගය ඇතිව රජයේ සහ මාධ්යයේ සහයද ලබාගෙන වාණිජ භෝගයක් ලෙස කටුපොල් වගාව ව්යාප්ත කිරීම සඳහා පියවර ගන්නා බවයි හිටපු අමාත්යවරයා මෙහිදී පවසා සිටියේ.
මේ අතර රටේ පවතින දේශපාලන තත්ත්වයන් සහ කාලීන වශයෙන් වැදගත් වන කරුණු කිහිපයක් සම්බන්ධයෙන් මාධ්යවේදීන් විමසන ලද ප්රශ්න කිහිපයකටම හිටපු අමාත්යවරයා මෙලෙස උත්තර ලබා දුන්නා.i
දේශපාලන වේදිකාවේ සිදු කරන වචනවලින් පමණක් රට ගොඩනැගිය නොහැකි බව හිටපු අමාත්යවරයා අදහස් පල කර සිටියා.
බංකොලොත් නැතිව තිබුණු රටක් ජනතාවගේ ඉල්ලීම පරිදි එය වෙනස් කරලා ලැබුණු ප්රතිවිපාකයට තමයි අපි මුහුණ දීල හිටියේ, ඊට පස්සේ යන මාර්ගය නැති වුණා ආදායම මදි වුණා වියදම වැඩි වුණා. රට බංකොලොත් උනා. බංකොලොත් කරපු කට්ටියට නෙමෙයි එයින් එළියට ගන්න සිද්ධ වෙලා තියෙන්නේ දැන් ඉතින් හැමකෙනාටම බැන බැන පරිපාලනයක් ගෙනයන්න බැරි කට්ටිය ඒකට උත්තර දෙන්න හදනවා. අභියෝගය බාරගත්ත වික්රමසිංහ ජනාධිපතිතුමා මේකට අවශ්ය උත්තර සපයාගෙන ඉදිරියට ගමන් කරමින් යන මොහොතක්, ජීවන වියදම ලේසි නෑ අපි නිකං බොරු කියලා වැඩක් නෑ. පුළුවන් තරම් ආදායමාර්ග ඇති කරලා ජන ජීවිත යථාවත් කරන්න තමයි අවශ්ය වන්නේ. මේක මේ දේශපාලන පොරපිටියේ නිකන් වචන වලින් රටක් හදන්න බෑ.
තව මාස කිහිපයකින් විදුලිබිල අඩුවෙනවා. මම විදුලි බල ඇමති ඉන්න කාලෙ ඉඳලා පුනර්ජනනීය බලශක්තිය වැඩ පිළිවෙල් වලට සියලු බදු අයින් කරලා තියෙන්නේ. කිසිම බද්දක් ගෙවන්න
නීති විරෝධී ආකාරයෙන් මෙරටට ගෙන එන ජංගම දුරකථන හේතුවෙන් නිත්යානුකූලව ජංගම දුරකථන ගෙන්වන ප්රධාන ආයතන දැඩි අර්බුදයකට පත්ව සිටි.
මේ හේතුවෙන් රට රජයට ද විශාල බදු ආදායමක් අහිමි වෙමින් ඇතැයි එම ආයතන පෙන්වා දී ඇත.
නිත්යානුකූල නොවන ලෙස මෙරටට ගෙන්වන ලද ජංගම දුරකථන ලියාපදිංචි කිරීමට වැඩපිළිවෙළක් සකස් කරන බව ප්රකාශ වී ඇතත් මෙතෙක් එය ක්රියාත්මක කර නැත.
වැට් බද්ද 18% දක්වා ඉහළ දැමීමත් සමග නීත්යානුකුල සමාගම් තවදුරටත් අසරණ වන ඇති අතර ඉන්රජයට ලැබෙන බදු ආදායමද අඩුවනු ඇති බවත් සමාගම් විසින් රජයේ බලධාරීන්ට පෙන්වා දී තිබේ.
නීත්යානුකූල ජංගම දුරකථන සමාගම් වර්සරකට රජයට ඩොලර් මිලියන 52ක් බදු ගෙවන අතර නීත්යානුකූල නොවන දුරකථන ගෙන්නන පිරිස් ඩොලර් මිලියන 96කට වඩා වැඩි බදු ආදායමක් අහිමි කරන බවද ඔවුන් පෙන්වා දී තිබේ.
ගුවනින් මුහුදෙන් මෙසේ නීත්යනුකූල නොවන ලෙස ජංගම දුරකථන ගෙන එන බවත් ඒවා පිළිබඳ නිසි නියාමනයක් සිදු නොවන නිසා ජාවාරමක් බවට පත්ව ඇති බවත් තවදුරටත් පෙන්වා දී ඇත.
පාර්ලිමේන්තුවට ඊයේ (10) ඉදිරිපත් කර තිබූ වැට්බදු පනත සම්මත කිරීම විපක්ෂය හිතා මතා කඩාකප්පල් කළද එය යළි අද (11) පාර්ලිමේන්තුවට ඉදිරිපත් කර සම්මත කර ගැනීමට කටයුතු කරන බව ආණ්ඩු පක්ෂ ප්රධාන සංවිධායක ඇමති ප්රසන්න රණතුංග මහතා පවසයි.
වැට් බදු පනත පාර්ලිමේන්තුවට යළි ඉදිරිපත් කරන්නේ මෙරට පවතින ආර්ථික අර්බුදයෙන් රට මුදා ගැනීමේ අරමුණින් බව අවධාරණය කරන ආන්ඩු පක්ෂ ප්රධාන සංවිධායකවරයා ආර්ථික අර්බුදයට විසඳුමක් ලබා ගැනීම සඳහා රජය කටයුතු කරමින් සිටියදී විපක්ෂය එය හිතා මතාම තඩාකප්පල් කිරීමට කටයුතු කිරීම පිළිබඳව කණගාටු වන බවද සඳහන් කරයි.
ජනාධිපති රනිල් වික්රමසිංහ මහතා ප්රමුඛ වත්මන් ආණ්ඩුව රට තුළ යම් ආර්ථික ස්ථාවරයක් ඇති කිරීම සඳහා කටයුතු කරමින් සිටින බව පැහැදිලිය. රට මුහුණ පා සිටින ආර්ථික බංකොලොත් භාවයෙන් රට මුදා ගැනීමට නම් ජාත්යන්තර මුල්ය අරමුදල සමඟ සහයෝගයෙන් කටයුතු කළ යුතු බව ඕනෑම අයෙක් පිළිගන්නා කරුණකි. එය මෙරට ආර්ථිකය ගොඩගැනීම සඳහා පිටිවහලක් වනු ඇත. ජාත්යන්තර මුල්ය අරමුදල සමඟ එකඟතාවයෙන් කටයුතු කිරීමෙන් දැනට අඩාල වී ඇති මෙරට සංවර්ධන කටයුතු යළි ආරම්භ කිරීමට හැකි වනු ඇත. සංචාරක ව්යාපාරය යළි යථා තත්ත්වයට පත් වනු ඇති අතර මෙරට ආයෝජනය සඳහා විදෙස් ආයෝජකයන් යළි මෙරටට පැමිණිමටද මෙම එකඟතාවයන් ඉවහල් වනු ඇතැයි තමන් විශ්වාස කරන බවද ආණ්ඩු පක්ෂ ප්රධාන සංවිධායක ඇමති ප්රසන්න රණතුංග මහතා වැඩිදුරටත් සඳහන් කරයි.
ආණ්ඩුවට ඇතැම් අවස්ථාවන් වලදී ජනතාවගේ පැත්තෙන් සිතා ජනප්රිය නොවන තීන්දු ගැනීමටද සිදුවන බවත් ආණ්ඩුවකට හැමවිටම ජනප්රිය තීන්දු පමණක් ගත නොහැකි බවත් පෙන්වා දෙන ඇමතිවරයා වැට් බදු පනත සම්මත කර ගැනීම ජනප්රිය තීන්දුවක් නොවන බව දන්නා නමුත් එය සම්මත කර ගැනීමට කටයුතු කරන්නේ මෙරට ජනතාවගේ පැත්තෙන් සිතා බවද අවධාරණය කරයි.
සභාව කල් තැබීමෙන් අනතුරුව සභානායක සුසිල් ප්රේමජයන්ත් මහතා සහ තමන් කථානායක මහින්ද යාපා අබේවර්ධන මහතා හමුවී මේ සම්බන්ධයෙන් සාකච්ඡා කළ බවද ඒ අනුව වැට් බදු පනත යළි පාර්ලිමේන්තුවට ඉදිරිපත් කිරීමට කටයුතු කරන බවද ආණ්ඩු පක්ෂ ප්රධාන සංවිධායක ඇමති ප්රසන්න රණතුංග මහතා වැඩිදුරටත් කියා සිටියි.
ආබාධිත ජනතාවට සාමාන්ය රියදුරු බලපත්රය මේ මාසයේ සිට නිකුත් කිරීමට මෝටර් රථ ප්රවාහන කොමසාරිස් ජනරාල් නිශාන්ත අනුරුද්ධ වීරසිංහ මහතා තීරණය කර ඇත.
මේ අනුව අස්ථි,මස්පිඩු සහ ස්නායු ආබාධ පවතින ඕනෑම ආබාධිතයකුට වාහනයක් පැදවිය හැකි නම් එම දෙපාර්තමේන්තුවේ නිර්දේශ මත සාමාන්ය රියදුරු බලපත්රය නිකුත් කෙරෙනු ඇත.
මෝටර් රථ ප්රවාහන දෙපාර්තමේන්තුව මෙම තීරණය ගෙන ඇත්තේ ගම්පහ දිස්ත්රික් පාර්ලිමේන්තු මන්ත්රී අජිත් මාන්නප්පෙරුම මහතාගේ ප්රධානත්වයෙන් යුතු ආබාධිත අයට රියදුරු බලපත්රය දීමට ඇති බාධා ඉවත් කිරීමේ කමිටුව දුන් නිර්දේශයක් අනුවය.
ආබාධිත අයට සාමාන්ය රියදුරු බලපත්රය නිකුත් කෙරෙන මෙරට පළමු අවස්ථාව මෙය බව මන්ත්රී අජිත් මාන්නප්පෙරුම මහතා පැවසීය.
ආබාධිතයන් සඳහා මීට පෙර රියදුරු බලපත්ර නිකුත් කෙරුණේ ඔවුන් වෙනුවෙන් විශේෂයෙන් සැකසුණු වාහන සඳහා පමණි. එම වාහනවල අංකය ඇතුළත් කර රියදුරු බලපත්රය නිකුත් කෙරිණ.
එක්සත් ජාතින්ගේ ආහාර හා කෘෂිකර්ම සංවිධානයේ 37 වැනි ආසියා හා පැසිෆික් කලාපීය සමුළුවේ සත්කාරකත්වය ශ්රී ලංකාවට හිමි වී තිබේ.
ඒ අනුව මෙම සමුළුව ආසියා පැසිපික් කලාපයේ රටවල් 40ක නියෝජිතයන් 270කගේ සහභාගීත්වයෙන් 2024 පෙබරවාරි 19 දින සිට 22 දින දක්වා කොළඹ දී පැවැත්වීමට කටයුතු යොදා ඇති බව කෘෂිකර්ම හා වැවිලි කර්මාන්ත අමාත්යංශය කියයි.
ශ්රී ලංකාව පසුගිය වසර තුනේ මුහුණ දුන් දැවැන්ත අභියෝග වන පාස්කු ප්රහාරය, කොවිඩ් 19 වසංගත තත්ත්වය හා දරුණු ආර්ථික අර්බුදයෙන් පසු වැඩිම රාජ්ය නියෝජිතයින් පිරිසක් එකවර සහභාගී වන නිල සමුළුව ද මෙම ආසියා පැසිෆික් සමුළුවයි.
දින හතරක් තිස්සේ පැවැත්වෙන මෙම සමුළුවේ දී නව කෘෂි තාක්ෂණික හුවමාරුව, කෘෂි සංචාරක වැඩ පිළිවෙළක් සැකසීම, අත්දැකීම් හා තාක්ෂණික හුවමාරු වැඩ සටහන් ක්රියාත්මක කිරීම හා කලාපීය වශයෙන් පැන නැගී ඇති ගැටළු සාමුහිකව විසඳා ගැනීම යන කරුණුවලට අදාලව සාකච්ඡා හා සම්මන්ත්රණ රැසක් ද පැවැත්වේ.
ප්රධාන උත්සවය ජනාධිපති රනිල් වික්රමසිංහ මහතාගේ ප්රධානත්වයෙන් පැවැත්වීමට නියමිතය.
කෘත්රීම බුද්ධිය හෙවත් AI තාක්ෂණය මෙරටට ගෙන ඒමට සහ විද්යාත්මක හා තාක්ෂණ පර්යේෂණ කටයුතු ඉදිරියට ගෙන යාම වෙනුවෙන් මෙරට ඉතිහාසයේ වෙන් කළ වැඩිම මුදල පසුගිය අයවැයෙන් වෙන් කළ බව ජනාධිපති රනිල් වික්රමසිංහ මහතා පැවසීය.
රටක් ලෙස ඉදිරියට යාමේදී විද්යාත්මක හා පර්යේෂණ ක්ෂේත්රය පිළිබඳ අවධානය යොමු කළ යුතු බවත්, ඩිජිටල් සහ හරිත ආර්ථිකයක් රට තුළ ඇති කිරීමට අවශ්ය ආයතන පද්ධතිය නිර්මාණය කිරීමට ද මේ වන විට රජය පියවර ගෙන තිබෙන බවත් ජනාධිපතිවරයා පැවසීය.
ජනාධිපති රනිල් වික්රමසිංහ මහතා මේ බව සඳහන් කර සිටියේ විද්යා අංශය තුළින් මෙරටට මහඟු සේවයක් ඉටුකළ මහාචාර්ය ස්ටැන්ලි විජේසුන්දර මහතාගේ සිය වන ජන්ම දිනය වෙනුවෙන් (10)අරලියගහ මන්දිරයේ පැවති ජන්ම දින සැමරුම් උත්සවය අමතමිනි.
මෙහිදී අදහස් දැක්වූ ජනාධිපති රනිල් වික්රමසිංහ මහතා වැඩිදුරටත් සඳහන් කළේ මහා විද්වතෙකු වූ ස්ටැන්ලි විජේසුන්දර මහතාගේ ඝාතනය සමඟ මෙරට උසස් අධ්යාපනයටත්, විද්යාවටත් මහඟු සහායක් ලබාදිය හැකි මානව සම්පතක් රටට අහිමි වූ බවයි.
කොළඹ විශ්වවිද්යාලයේ ස්ටැන්ලි විජේසුන්දර AI මධ්යස්ථානය (AI Corner) විවෘත කිරීමද මේ හා සමගාමීව ජනාධිපති රනිල් වික්රමසිංහ මහතා අතින් සිදු විය
උත්සව ස්ථානයේ තැන්පත් කර තිබු ස්ටැන්ලි විජේසුන්දර මහතාගේ පිළිරුව විවෘත කිරීමද ජනාධිපතිවරයා අතින් සිදු කෙරුණු අතර මහාචාර්ය ස්ටැන්ලි විජේසුන්දර මහතාගේ සියවන ගුණ සමරුව නිමිත්තෙන් සමරු මුද්දරයක් සහ මුල්දින කවරයක් නිකුත් කිරීම ද සිදු කෙරිණි.
එසේම ජන්ම දින සැමරම් උත්සවය සාර්ථක කර ගැනීමට දායකත්වය ලබා දුන් අය වෙනුවෙන් ස්ටැන්ලි විජේසුන්දර පවුලෙන් පිරිනැමුණු උපහාර පත්රය පිළිගැන්වීම සිදු කෙරුණේද ජනාධිපතිවරයා අතිනි.
“උසස් අධ්යාපනය සහ සංවර්ධනයේ කාර්යභාරය” මැයෙන් මහාචාර්ය මොහාන් මුණසිංහ මහතා විසින් මෙහිදී විශේෂ දේශනයක් සිදු කළේය.
මෙහිදී වැඩිදුරටත් අදහස් දැක්වූ ජනාධිපති රනිල් වික්රමසිංහ මහතා මෙසේද පැවසීය.
”මම ස්ටැන්ලි විජේසුන්දර මහතා හඳුනාගෙන සිටියේ කුඩා කාලයේ සිටයි. එතුමා විවාහ වුණේ අනෝජා විජේවර්ධන මැතිණිය සමගයි. වෝල්ටර් විජේවර්ධන මැතිතුමාගේ පවුලත් අපේ පවුලත් අතර ඉතා සමීප සබඳතාවයක් තිබුණා.
එසේම 1968 මම කොළඹ විශ්වවිද්යාලයට ඇතුළත් වන විට ස්ටැන්ලි විජේසුන්දර මහතා කොළඹ විශ්වවිද්යාලයේ ආචාර්යවරයෙකු ලෙස කටයුතු කරමින් සිටියා. මම නීති අංශයේ අධ්යාපනය ලැබූ අතර එතුමා විද්යා අංශයේ කටයුතු කළා.
ඉන් පසුව එතුමා විටින් විට මුණ ගැසීමට මට අවස්ථාව ලැබුණා. විශේෂයෙන් 1977 වර්ෂයේ ජේ.ආර්. ජයවර්ධන මැතිතුමා යටතේ බිහි වූ ආණ්ඩුවේ ස්ටැන්ලි විජේසුන්දර මහතා, ස්ටැන්ලි කල්පගේ මහතා සමඟ සමීපව කටයුතු කළා. නව විශ්වවිද්යාල පනත් කෙටුම්පත සකස් කිරීමට අප සියලු දෙනා එක්ව කටයුතු කළා.
මේ අතර ස්ටැන්ලි විජේසුන්දර මහතා කොළඹ විශ්වවිද්යාලයේ උපකුලපති ලෙස පත් කිරීමට තීරණය කෙරුණා. එවකට උසස් අධ්යාපන අමාත්යවරයා ලෙස කටයුතු කළ නිශ්ශංක විජේරත්න අමාත්යවරයාත් ඊට එකඟ වුණා. එතැන් සිට කොළඹ විශ්වවිද්යාලයේ දියුණුව වෙනුවෙන් ස්ටැන්ලි විජේසුන්දර මහතා විශාල වැඩකොටසක් සිදු කළා.
මටත් අවශ්ය වුණේ කොළඹ විශ්වවිද්යාලයේ විශාල දියුණුවක් දකින්නයි. කෙසේ හෝ එම කටයුතු ස්ටැන්ලි විජේසුන්දර මහත්මයා ඉදිරියට ගෙන ආවා. විශේෂයෙන් එහි විද්යා අංශයේ දියුණුවට ආචාර්ය සමරනායක මහත්මයා සමග එතුමා විශාල වැඩකොටසක් සිදුකළා වගේම පරිගණක මධ්යස්ථානය ද ආරම්භ කරනු ලැබුවා. ඒ වගේම විද්යා සහ කෘෂිකර්ම ක්ෂේත්රය පිළිබඳ එතුමා දැඩි ලැදියාවක් දැක්වුවා.
උපාලි විජේසුන්දර මහත්මයාගේ මරණයෙන් පසු කැළණිය රජමහා විහාරයේ නිළමේවරයා ලෙස ස්ටැන්ලි විජේසුන්දර මහත්මයා පත්වුණා. මම එහි දායක සභාවේ සාමාජිකයෙක් ලෙස එතුමා සමග වැඩ කටයුතු කළා.
ස්ටැන්ලි විජේසුන්දර මහතා පමණක් නොවෙයි දැනුම තිබෙන සහ අධ්යාපනට මහත් සේවයක් කළ විශ්වවිද්යාල ආචාර්යවරු කිහිප දෙනෙකුම මෙම සමයේදී ඝාතනයට ලක් වුණා. ස්ටැන්ලි විජේසුන්දර මහත්මයා කොළඹ විශ්වවිද්යාලය දියුණු කළා වගේම මොරටුව විශ්වවිද්යාලය වෙනුවෙන් විශාල සේවයක් කළ බටුවත්තවිතාන මහතා ද ඝාතනය කළා. පේරාදෙණිය විශ්වවිද්යාලයේත් ආචාර්යවරයෙක් ඝාතනය කරනු ලැබුවා.
කොළඹ විශ්වවිද්යාලයේ වමේ සංවිධානවල කටයුතු කළ දයා පතිරණ ශිෂ්යයා රැගෙන ගොස් ඝාතනය කිරීමත් සමඟ මෙම පසුබිම නිර්මාණය වුණා. මෙම සමයේදි ශිෂ්යයන් ගණනාවක් ඝාතනයට ලක් වුණා. පොලිසියෙන් නෙවෙයි මේවා කළේ. පොලිසියෙන් කරන්නේ පෙළපාලි ගිහින් නීති කැඩු විට අද මෙන් ඊට අදාළ පියවර ගැනිම පමණයි. ඒ මිස වෙන දෙයක් කළේ නැහැ. මෙම ඝාතන කළේ පොලිසියෙන් නොවන බව අප මතක තබා ගත යුතුයි.
ආචාර්යවරු ගණනාවක් ඝාතනය කළා. ඒ වගේම කොළොන්නාවේ සද්ධාතිස්ස හිමි ඇතුළු ස්වාමීන් වහන්සේලා ගණනාවක් ඝාතනය කළා. කොළඹ විශ්වවිද්යාලයේ දයා පතිරණ ශිෂ්යයා ඝාතනය කළ සමයේ එහි උපකුලපති ලෙස කටයුතු කළේ ස්ටැන්ලි විජේසුන්දර මහත්මයා.
පොලිසියට අවශ්ය වුණා එහි ශිෂ්යයන් අරගෙන ගොස් ප්රශ්න කරන්න. නමුත් එතුමා ඊට ඉඩ දුන්නේ නැහැ. එතුමා මටත් කථා කළා. මම කිව්වා මේක ශිෂ්ය වැඩකටයුත්තක්, ඒකට අත ගහන්න ගියොත් ප්රශ්න ඇති වෙයි කියලා.
ස්ටැන්ලි විජේසුන්දර මහතාගේ ඝාතනය සමඟ මෙරට උසස් අධ්යාපනයටත්, විද්යාවටත් සහයෝගය දිය හැකි හොද දැනුම ඇති මානව සම්පතක් රටට අහිමි වුණා. එතුමාගේ සියවන ජන්ම දිනය වෙනුවෙන් තමයි අද අප මෙතැනට රැස්වී සිටින්නේ. එතුමාගේ ගුණ සැමරීම වෙනුවෙන් මීට පෙර උත්සව ගණනාවක් පැවතුණා. නමුත් අද එය වෙනස් අන්දමින් සමරනු ලබනවා. අද කොළඹ විශ්වවිද්යාලයේ කෘත්රීම බුද්ධිය පිළිබඳ මාධ්යස්ථානය ආරම්භ කරනු ලැබුවා.
අද ලෝකය ඉදිරියට යන්නේ කෘත්රීම බුද්ධිය සමඟයි. දැනට මාස කිහිපයකට පෙර කෘත්රීම බුද්ධිය ඉදිරිපත් කළ ප්රධාන සමාගමේ අධ්යක්ෂවරු අතර විශාල අර්බුදයක් ඇති වුණා. මොකද සීමාවක් නැතිව මෙය භාවිත කරයිද කියන ගැටලුවක් තිබෙනවා. කෙසේ හෝ මීට මාස දෙකකට පමණ පෙර එංගලන්තයේ අග්රාමාත්යවරයා ප්රධාන රටවල නායකයන් සියලු දෙනා කැඳවා එකඟතාවකට එළැඹුනා මෙය පාලනය කළ යුතුයි කියා. ඒ වගේම යුරෝපා සංගමයෙන් ඒ සඳහා පළමු නීතිය ඉදිරිපත් කරනවා කියලා ප්රවෘත්ති වාර්තාවක් පළවී තිබෙනවා මම දුටුවා. නමුත් මෙයින් අපට ඈත් වෙන්න බැහැ. මෙම තාක්ෂණය සමඟ අවබෝධයෙන් කටයුතු කළ යුතුයි.
ඒ අනුව කෘත්රීම බුද්ධිය හෙවත් AI තාක්ෂණය වෙනුවෙන් ලබන වසරේ අයවැයෙන් රුපියල් බිලියන 1.5ක් වෙන් කර තිබෙනවා. මම ඒ පිළිබඳ එම ක්ෂේත්රයේ පිරිසක් සමග සාකච්ඡා කළා. ඒ වගේම අනෙක් පිරිසත් සමඟ සාකච්ඡා කිරීමට සූදානමින් සිටිනවා. මේ අනුව ලංකාවේ පළමු වතාවට AI තාක්ෂණය ඉදිරියට ගෙන යාමේ වැඩකටයුතු අප ආරම්භ කර තිබෙනවා.
එපමණක් නොවෙයි තවත් රුපියල් බිලියන 08ක් වෙන් කර තිබෙනවා විද්යා සහ පර්යේෂණ කටයුතු ඉදිරියට ගෙන යාමට. කිසි දිනක මෙලෙස මුදල් වෙන් කර තිබුණේ නැහැ. අප ඉදිරියට යනවා නම් විද්යා හා පර්යේෂණ ක්ෂේත්ර පිළිබඳ අවධානය යොමු කළ යුතුයි.
ඒ වගේම දේශගුණික විපර්යාස, හරිත බලශක්තිය පිළිබඳවත් අප අවධානය යොමු කර තිබෙනවා. ඒ අනුව ඊට අදාළව විශාල ආයෝජන දෙකක් දැනට කැබිනට් මණ්ඩලයේ අනුමැතියට ඉදිරිපත් කර තිබෙනවා.
සූර්ය බලය, තාප විදුලි බලය සහ සුළං බලය යන පුනර්ජනනිය බලශක්තිය සමග අපට ඉදිරියට යාමට හැකියාව තිබෙනවා. නමුත් එකම ප්රශ්නය වී තිබෙන්නේ තවමත් බොහෝ අය පුරුදුව සිටින්නේ ගල් අගුරු ගෙන ඒමට සහ තාප විදුලි බලාගාර ඇති කිරීමට. මෙය නතර කිරීම තමයි විශාලම ගැටලුව වී තිබෙන්නේ. මොකද ඒකට හේතුව සූර්ය බලයෙන් සහ සුළං බලයෙන් කොමිස් ගන්න බැහැ. නමුත් මෙම වැඩකටයුතු ඉදිරියට ගෙන යා යුතුයි. ඊට බාධා ඇතිවිය හැකියි. නමුත් අප ඉදිරියට යා යුතුයි.
හරිත ආර්ථිකය සහ ඩිජිටල් ආර්ථිකයක් ඇති කිරීම අපේ අරමුණයි. දකුණු ඉන්දියාවේ තෙලංගනා, ආන්ද්රා ප්රදේශයේ සහ බැංග්ලෝ වල විශාල ඩිජිටල් ආර්ථිකයක් තිබෙනවා. අපේ රටටත් එය ගෙන ආ යුතු නිසා නව ආයතන කිහිපයක් ඇති කිරීමට සැලසුම් කර තිබෙනවා. පළමුව මෙම විද්යා හා පර්යේෂණ කටයුතු සඳහා වෙන් කර ඇති බිලියන 08ක මුදල වියදම් කිරීම සඳහා Technology and Innovation Council නමින් ආයතනයක් ඇති කරනවා. තාක්ෂණයෙන් වාණිජ්ය ප්රයෝජන ලබාගැනීම එයින් සිදු කෙරෙනවා. මෙම වෙන් කර ඇති රුපියල් බිලියන 08 එක් එක් අංශවල දියුණුවට යෙදවීම එම ආයතනයට පැවරෙනවා.
ඒ සමග ඩිජිටල්කරණය ඉදිරියට ගෙන යාමට ඩිජිටල් පරිවර්තන නියෝජිතායතනයක් ඇති කිරීමට අප පියවර ගෙන තිබෙනවා. එහි කොටසක් ලෙස AI කේන්ද්රය ඇති කරනවා. ඒ සඳහා අවශ්ය නීති පාර්ලිමේන්තුවේ සම්මත කර ගැනීමෙන් පසු නව විද්යාත්මක ආර්ථිකයක් සහ හරිත ආර්ථිකයක් ඇති කර ගැනීමට අවශ්ය ආයතන පද්ධතිය ඇති වෙනවා.
නාරාහේන්පිට අභයාරාමාධිපති පූජ්ය මුරුත්තෙට්ටුවේ ආනන්ද හිමියන් ද, අග්රාමාත්ය දිනේෂ් ගුණවර්ධන, අමාත්යවරුන් වන ආචාර්ය බන්දුල ගුණවර්ධන, මහින්ද අමරවීර, රාජ්ය අමාත්යවරුන් වන ශාන්ත බණ්ඩාර, අනුප පැස්කුවල්, එක්සත් ජාතික පක්ෂයේ සභාපති, පාර්ලිමේන්තු මන්ත්රී වජිර අබේවර්ධන, පාර්ලිමේන්තු මන්ත්රීවරුන් වන මහාචාර්ය ජී. එල්. පීරිස්, රාජිත සේනාරත්න, යදාමිණි ගුණවර්ධන, ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානී සාගල රත්නායක, මහබැංකු අධිපති ආචාර්ය නන්දලාල් වීරසිංහ, අග්රාමාත්ය ලේකම් අනුර දිසානායක, ජනමාධ්ය අමාත්යාංශයේ ලේකම් අනුෂ පැල්පිට, කොළඹ නාගරික කොමසාරිස් භද්රානි ජයවර්ධන, තැපැල්පති ආර්. සත්කුමාර, ගුවන් හමුදාපති එයාර් මාර්ෂල් උදේනි රාජපක්ෂ යන මහත්ම මහත්මීන් සහ ශාලිත විජේසුන්දර, වෛද්ය රොහාන් විජේසුන්දර රුචිනි විජේසුන්දර, දනූ විජේසුන්දර යන මහත්ම මහත්මීහු ඇතුළු ස්ටැන්ලි විජේසුන්දර පවුලේ ඥාතීන් ඇතුළු ආරාධිත පිරිසක් මෙම අවස්ථාවට එක්ව සිටියහ.
තමන් වහන්සේ ගැන ඔත්තු බැලීම සඳහා නොචියාගම යුද හමුදා කඳවුරේ සෙබළුන් දෙදෙනෙක් මිහින්තලා පූජා භූමිය වෙත යොදා යොදවා තිබූ බව එම විහාරාධිපති පූජ්ය වලවාහැංඟුණු වැවේ ධම්මරතන හිමියෝ කියා සිටිති.
මිහින්තලා පූජා භූමියට යොදා තිබූ ආරක්ෂාව ඉවත් හමුදා ආරක්ෂාව ඉවත් කිරීමෙන් අනතුරුව ම විහාරස්ථානයේදී මාධ්ය කැඳවමින් උන්වහන්සේ මෙසේ අදහස් පළ කළහ.
යුද හමුදාවේ සෙබලුන් දෙන්නෙක් නොකියාගම කෑම්ප් එකේ අණදෙන නිලධාරී තමයි මෙහෙට එවලා තියෙන්නේ. අපි ඒ බටයාගෙන් ඇහුවා මොකක්ද ඔයා කරන ඩියුටිය.
හාමුදුරුවෝ ගැන හොයන්න අපි දාලා ඉන්නවා කියල තමයි කිවුවෙ.
එතකොට අපිට සැකයක් ඇතිවෙන්නෙ නැද්ද මේ දෙන්නට තිබුණා ඕනම අකටයුත්තක් කරලා මරලා ඝාතනය කරලා වස දීලා යන්න පුළුවන් මට්ටම තියෙනවා.
කිසි ප්රශ්නයක් නැහැ අරන් යන්න පොලිසියත් අරන් යන්න. අපි ඔයාලට සුබ පතනවා ඉස්සරහට යන්න.
මතක තියාගන්න තව අවුරුද්දයි හමාරයි ඔහෙලා රට පාලනය කරන්නේ’
රටේ තරුණ තරුණියන්ට ඊශ්රායල රැකියා අවස්ථා හිමිවන විට, එරට සමග පවතින රාජ්ය තාන්ත්රික සම්බන්ධතා නතර කරන ලෙසට පාර්ලිමේන්තුවට ඇතැම් දේශපාලඥයින් යෝජනා කරන්නේ ආර්ථික වශයෙන් ශක්තිමත් වන තරුණයින් රජයේ රස්සාවට, ටකරම් කොලයට හෝ වැසිකිලි වලට රවටා ගැනීමට නොහැකි නිසා බවත්, එදා වද යට ඇදුම්, වද කොත්තු පෙන්වා ජාතිවාදී ලෙස ඡන්දය ලබාගත් ආකාරයට මෙදා මුස්ලිම් ජනතාව රවටා ඡන්දය ලබාගැනීමට මොවුන් කටයුතු කරන බවත් කම්කරු හා විදේශ රැකියා අමාත්ය මනුෂ නානායක්කාර මහතා පැවසීය.
එදා ආර්ථික ඝාතකයින් ලෙස නම් පටබැදුන මුදල් අමාත්යාංශයේ ලේකම් පී.බී. ජයසුන්දර අද නිදහසේ සිටින බවත්, දේශපාලඥයින් පමණක් ප්රශ්ණවලට මුහුණදෙන බවත් ශ්රී ලංකා විදේශ සේවා නියුක්ති කාර්යාංශය විසින් සංක්රමණිකයින් පිළිබදව වන ජාත්යන්තර ආයතනයේ සහාය ඇතිව ගාල්ලේදී පැවති මනුසවි දිරිය වැඩසටහනට එක්වෙමින් අමාත්යවරයා මේ බව සදහන් කළේය.
එහිදී වැඩිදුරටත් අදහස් දැක්වූ අමාත්යවරයා මෙසේද පැවසුවේය.
රට අර්බුදයට ලක්වුන අවස්ථාවේදී, තමන්ගේ ආර්මාර්ථය වෙනුවෙන් හිතලා වගකීම් භාරගන්න බැහැ කියපු අය සිටියදී කොන්ද තියෙන නායකයෙක් විදියට රනිල් වික්රමසිංහ මැතිතුමා මේ රට භාරගත්තා. අද තියෙන තැනට රට අරගෙන ආවාට එතුමාට අපි කෘතවේදිත්වය පළ කරන්න ඕන.
එදා තිබුණ රට අද තිබෙන තැනට අරගෙන එන්න අපි නොයෙක් වැඩසටහන් ක්රියාත්මක කළා. නිවරදි ක්රමයට රටට සල්ලි එව්නන කියලා ඉල්ලුවා. විදේශ ගත ශ්රමිකයින්ට වාහන බලපත්ර අරගෙන ආවා. අපි නොවැමිබර් මාසයේදී ඩොලර් මිලියන 573ක් මේ රටට ගෙනත් තියෙනවා. මේ අවුරුද්දේදී විතරක් ඩොලර් බිලියන 5.4ක මුදලක් රට ඇතුළට අරගෙන ඇවිත් තියෙනවා. මේක සුවිශේෂී අවස්ථාවක්. විදේශ ගත ශ්රමිකයින් හරි විදිටය රට ඇතුළට සල්ලි අරගෙන ආපු නිසා තමයි පෝලිම් නැති කරන්න පුලුවන් වුනේ. මිල වැඩි වුනත් තෙල් ටික රටට ගේනනේ මේ අය නිසා. රජයක් විදියට අපිට කෙලෙහිගුණය දක්වන්න මනුස්සකමක් තියෙන්න ඕන.
විදේශ ගත ශ්රමිකයින්ට තමන්ගේ කෙලෙහිගුණය ඉටු කිරීමේ වගකීමක් තියෙනවා. ගොඩක් අයට කෙලෙහිගුණ මතක නෑ. එතැනට එන්න උදව් කළ විදේශ ගත ශ්රමකයින් වෙනුවෙන් තමයි මනුසවි දිරිය වැඩසටහන ක්රියාත්මක වෙන්නේ.
රටට වැඩියෙන්ම ඩොලර් එන්නේ විදේශ ගත ශ්රමිකයින්ගෙන් ලැබෙන ආදායම. විදේශ ගත ශ්රමිකයන් රටට ඩොලර් එව්වාට, එක ඩොලරයක්වත් එළියට යන්නේ නෑ. මේ ඩොලර් ආදායම සියයට 100ක්ම රට ඇතුලේ රැදෙනවා.
එදා මිනිස් බෝම්බ ලංකාවට ගේන්න එපා කියලා, හෝටල් නිරෝධායනයෙන් මුදල් ගසා කෑවා. ඒ යුගය අවසන් කරලා අපි ගුවන්තොටුපොලේදී හෝප් ගේට් නමින් විශේෂ ද්වාරයක් හදුන්වා දුන්නා. විදේශ ගත ශ්රමිකයින්ගේ දරුවන්ට ශිෂ්යත්ව ලබාදෙනවා. ශ්රමිකයාට විශ්රාම වැටුපක් හදුන්වා දුන්නා. ගුවන්තොටුපොලේදී තීරු බදු සහනය ඉහළ දැමීමට අපි ගැසට් ගැහුවා. ඒත් ඇතැම් නිලධාරීන් නිසා ඒවා ක්රියාත්මක කරන්න බැරි වෙලා තියෙනවා. රටට ඩොලර් එවපු ශ්රමිකයින්ට විද්යුත් වාහන ආනයනය කිරීමට අවසර ලබාදුන්නා. වාහන නමසීයක් අපි ගෙන්වා තිබෙනවා. ඒ සදහා වන කාලය දිර්ඝ කිරීමට ජනාධිපතිතුමා නියෝග කළත් ඇතැම් නිලධාරීන් ඒවා ක්රියාත්මක කරන්නේ නෑ. ඒ ඔවුන් කෙලෙහිගුණ දන්නේ නැති නිසා.
මේ රට කඩාගෙන වැටුන එකට පී.බී.ජයසුන්දරට ආර්ථික ඝාතකයා කියලා කිව්වා. විමල් වීරවංශ තමයි ඒක කියන්න පටන් ගත්තේ. හැබැයි එතුමා අද හොදට ඉන්නවා. උසාවියෙන් නඩු දාලා, ප්රශ්ණ වෙලා තියෙන්නේ කාටද? ඒ ප්රශ්ණ වෙලා තියෙන්නේ දේශපාලඥයින්ට. හැබැයි ඔය කියපු ආර්ථික ඝාතකයා කිසිම ප්රශ්ණයක් නැතිව ඉන්නවා.
මේ රට ගොඩ නගන්න නම් අපි හැමෝම එකට එකතුවෙන්න ඕන. හැමෝම රට ගොඩ නගන්න උදව් කරපු විදේශ ගත ශ්රමිකයින්ට අපි ව්යවසායකත්වය ගොඩ නගලා කෙලෙහි ගුණ සලකනවා. අපේ රටේ බදු ගෙවන ප්රතිශතය ඉතාම අඩුයි. සේවක භාරකාර අරමුදල් ගෙවන පිරිස ඉතාම අඩුයි. ඒ කියන්නේ රටේ ව්යවසායකයෝ ඉන්නේ ඉතාම සුළු ප්රමාණයක්. රටක් දියුණු වෙන්න ඕන නම් ව්යවසායකයින්ගේ සංඛ්යාව ඉහළ දාගන්න ඕන.
88- – 89 කාලයේදී කොරියාව ආර්ථික වශයෙන් කඩාගෙන වැටුනා. ඒ රටේ ජනතාව රස්සා හොයාගෙන මැදපෙරදිග රටවලට ගියා. ජාත්යන්තර මූල්ය අරමුදලේ සහාය ලබාගන්න ඕන තැනට ගියා. පිටරටවලට ගියපු අය මූලික ධනයක් අරගෙන ඇවිත් තමන්ගේ රටට ආවා. ධනයත් එක්ක දැනුම අරගෙන ආවා. ඇවිත් නිෂ්පාදන ආරම්භ කළා. අද කොරියාව මහා විශාල කර්මාන්ත පුරයක් බවට පත් වෙලා තියෙන්නේ විදේශ රටවලට ගිය අය තමන්ගේ රටට ඇවිත් ආරම්භ කළ ව්යාපාරවලින්.
කොරියාවු අවුරුදු 30කට කලින් මුහුණ දුන්න වගේ තත්වයකට තමයි ලංකාව අද මුහුණ දෙන්නේ. ඒ නිසා තමයි ආණ්ඩුව ව්යවසායකත්වය වැඩි කිරීම සදහා කටයුතු කරන්නේ. ඵලදායිතා ලේකම් කාර්යාලය හරහා හැම ඵලදායිතා නිලධාරියෙක්ම, සෑම ප්රාදේශීය ලේකම් කාර්යාලයකම එක ව්යවසායකයෙක් නිර්මාණය කිරීමේ වැඩකටයුත්ත සිදුවෙනවා. ගාල්ලේ දිසාපතිතුමා දිස්ත්රික්කය ඇතුලේ ව්යවසායකයින් නිර්මාණය කිරීමට කටයුතු කරමින් යනවා. දේශපාලන මත පැත්තකට දාලා රට ගොඩ නැගීමට එකතුවෙලා වැඩ කරන්න ඕන. ආර්ථික ඝාතකයෝ නොවී ආර්ථිකයකට ශක්තියක් වන නිලධාරීනුත් අපිට ඉන්නවා. ඒක සතුටුයි. ඒ අය එක්ක මේ රට ගොඩ නගන්න පුලුවන්.
හයිවේ එකේ මම එනකොට ටිකට් එකෙ දුන්නේ තරුණයෙක්. මේ අය බදවා ගන්න විට ගණිතය, විද්යාව, සිංහල විශිෂ්ඨ සාමාර්ථ ඉල්ලුවා. වැඩ අටම සමත් වෙලා උසස් පෙළ සමත්වෙන්න ඕන කිව්වා. ටිකට් එකක් කඩලා මාරු සල්ලි දෙන්න මේ තරම් සුදුසුකම් තියෙන අය අවශ්යද? රාජ්ය සේවයට දාහත් ලක්ෂයක් බදවා ගන්නම් ඒවාට ඉඩ දුන්නේ දේශපාලඥයින් විතරද? ඒවට අනුමැතිය දීලා අත්සන් ගැහුවේ කවුද? දැන් මේ ආකාරයට බදවා ගනිපු තරුණයෝ වැටුප් වැඩි කරන්න කියලා ඉල්ලලා විරෝධතා කරනවා. මේ අය හොද රස්සාවක් කරලා රජයේ රැකියාවලට ආවේ. වෙන රටවල අවුරුදු හතලිහ හතලිස් පහ පැනපු අය තමයි ටිකට් කවුන්ටරවලට දාලා ඉන්නේ. හැබැයි අපේ රටේ තරුණයෝ තමයි මේවාට දැම්මේ. මේවා කළේ දේශපාලඥයින් කියලා වරදවා හිතන්න එපා. මේවා වෙනස් කිරීමට මුදල් අමාත්යාංශයේ කළමනාකරණ සේවා දෙපාර්තමේන්තුව තියෙනවා. රාජ්ය සේවකයින් ලක්ෂ දාහතක් වෙනකම් බදවා ගත්තේ ඔය මුදල් අමාත්යාංශයේ තියෙන කළමනාකරණ සේවා දෙපාර්තමේන්තුවේ අනුමැතිය අරගෙන තමයි. අද මේ අපේ මානව සම්පත නිවරදි ලෙස කළමනාකරණය නොකිරීමේ සම්පූර් වගකීම, ශ්රම සම්පත විනාශ කිරීමේ වගකීම උපන්දා සිට එම ආයතනවල ඉන්න නිලධාරීන් භාරගන්න ඕන. හැබැයි කාගේ ගෙවල්ද ගිනි තියන්නේ? කාටද බනින්නේ? දේශපාලඥයින්ට. මේ ක්රමය රට වෙනුවෙන් වෙනස් කරගන්න ඕන වෙලාව ඇවිත් තියෙන්නේ.