මෛත්රී බෝසතුන් බුදුබව ලැබීමට විවරණ ලැබීම, ධර්ම ප්රචාරය සඳහා පළමු රහතන්වහන්සේලා සැට නම චාරිකාව ඇරඹිම, කඨින පූජෝත්සව පැවැත්වෙන අවසන් පොහොයද ඒ අතර වනවා.
බෞද්ධ ඉතිහාසයේ මෙම වැදගත් සිදුවීම් ද සිහියට නගා ගනිමින් අද පිංකම්හි යෙදෙන්නැයි බෞද්ධ සැදහැවතුන්ගෙන් මෙහිදි ඉල්ලීමක් ද කෙරුණා.
[rns_reactions]
[rns_reactions]
අගවිනිසුරු ප්රියසාද් ඩෙප්, බුවනෙක අලුවිහාරේ හා නලීන් පෙරේරා යන ත්රි පුද්ගල විනිසුරු මඩුල්ල අදාළ තීන්දුව ප්රකාශයට පත් කළේ නීතිපතිවරයා විසින් ඉදිරිපත් කළ මුලික විරෝධතා පිළි ගනිමිනි.
පර්පෙචුවල් ට්රෙෂරීස් සමාගම අදාළ මූලික අයිතිවාසිකම් පෙත්සම ගොනු කළේ ශ්රී ලංකා මහ බැංකුවේ ප්රාථමික ගනුදෙනුකරුවෙකු ලෙස කටයුතු කිරීමට ලබාදී තිබු ව්යාපාරික බලපත්රය මාස 6 කට අත්හිටුවීමට එරෙහිවයි.
මහ බැංකුවේ මුල්ය මණ්ඩලය විසින් පසුගිය ජුලි 6 වන දා ගත් එම තීරණය බල රහිත කරන ලෙස ඉල්ලා අර්ජුන් ඇලෝසියස් මහතා විසින් ශ්රේෂ්ඨාධිකරණයට එම මුලික අයිතිවාසිකම් පෙත්සම ගොනු කරනු ලැබී ය.
එහෙත් එය සලකා බැලීමකින් තොරව අද ප්රතික්ෂේප කළේ එවැනි මූලික අයිතිවාසිකම් පෙත්සමක් ගොනු කිරීමේ නීතිමය අයිතියක් පර්පෙචුවල් ට්රෙෂරීස් සමාගමට නොමැති බවට නීතිපති දෙපාර්තමේන්තුව පෙන්වා දුන් කරුණු සැලකිල්ලට ගනිමිනි.
[rns_reactions]
ශ්රී ලංකා කණ්ඩායම පාකිස්ථානයට එරෙහිව ටෙස්ට් ක්රිකට් තරඟාවලිය ජය ගැනීමෙන් පසුව මුහුණ දුන් එක්දින තරඟාවලිය සහ T20 තරඟාවලිය සම්පුර්ණයෙන්ම පරාජයට පත් වුවද ත්රස්ත ප්රහාර මැද T20 තරඟාවලියට සහභාගී වූ ජාත්යන්තර අත්දැකීම් අඩු ශ්රී ලංකා තරුණ ක්රීඩකයන්ගේ නිර්භීතබාවය එක්දින කණ්ඩායමේ ක්රීඩකයන්ට වඩා ප්රබල බව පාකිස්තාන ක්රීඩා විචාරක රමිස් රාජා පවසනවා.
මෙම තරඟාවලියට සහභාගී වූ ශ්රී ලංකා කණ්ඩායමට හිමි වුයේ සුළුපටු වගකීමක් නොවේ. තිසර පෙරේරා ප්රමුඛ ශ්රී ලංකා කණ්ඩායම T20 තරඟාවලියේ අවසන් තරඟයට පාකිස්ථානයට ගියේ ශ්රී පාකිස්තානයේදී ශ්රී ලංකා කණ්ඩායමක්ම අතීතයේ මුහුණ දුන් අවාසනාවන්ත සිදුවීමක් නිසා පාකිස්ථානය ජාත්යන්තර ක්රිකට් පිටියේ හුදකලා වී සිටි යුගය නිමා කරමින් පාකිස්ථානයට නැවත ක්රිකට් වසන්තය උදා කිරීමේ අරමුණෙනි.
මෙම තරඟයට පෙර පාකිස්ථාන නායක සෆ්රාස් අහමඩ් පාකිස්ථාන ක්රීඩා ලෝලීන්ගෙන් ඉල්ලා තිබුනේ තරඟයේ ශ්රී ලංකා කණ්ඩායම වෙනුවෙන් ජයගෝෂා කරන ලෙසය. ඒ අනුව තරඟය නැරඹීමට පැමිණි බොහෝ ක්රීඩා ලෝලීන් අත ශ්රී ලංකා ජාතික කොඩිය සහ ශ්රී ලංකාවට ස්තුතිය පල කරන පුවරු දැකගත හැකි විය.
තරඟය පාකිස්ථානය ජයගත්තද ශ්රී ලංකා කණ්ඩායම වෙනුවෙන් ක්රීඩා ලෝලීන් ඔල්වරසන් දෙන ආකාරය දැකගත හැකි වූ අතර,තරඟයෙන් අනතුරුව පාකිස්ථාන නායකයා පැවසුවේ සහෝදර ශ්රී ලංකා ක්රීඩකයන් තම රටට ක්රිකට් තරඟ ලබා ගැනීමට තිබු බාදාවක්ව තිබු දොර හැර දුන් බවය.
තරඟාවලියේ වීරයා වූ ෂොහිබ් මලික්ද මේ තරඟාවලියේ සුවිශේෂ ක්රීඩකයෙක් බවට පත්වුණේ අවසන් වරට ශ්රී ලංකා කණ්ඩායම පාකිස්තානයේ සංචාරය කල අවාසනාවන්ත සිදුවීම සිදුවූ තරඟාවලියට සහභාගී වූ ක්රීඩකයන් අතරින් මේ තරඟාවලියට සහභාගී වී තිබුනේ ඔහු පමණක් වූ නිසාවෙනි.
තරඟයේ ප්රතිපලය සමඟ පාකිස්තානයේ ප්රවීණ ක්රීඩකයන් පාකිස්ථානයට සුභ පතන අතරම ශ්රී ලංකාව කල මෙහෙය පිළිබඳව තම ප්රණාමය පුද කර තිබුණා.
පාකිස්ථාන සුපිරි වේග පන්දු යවන්නෙකු වූ ෂොහිබ් අක්තාර් පවසා තිබුනේ පාකිස්ථානය තරඟාවලිය දිනුවද හදවත දිනාගත්තේ ශ්රී ලංකාව බවයි. මෙම ඉතිහාස ගත සංචාරයට පැමිණි ශ්රී ලංකා කණ්ඩායම කිසිදා අමතක නොවන බව පාකිස්ථාන ප්රහාරාත්මක පිතිකරු අර්ෆෙඩ් පවසා තිබුණා.
ජය පැරදුම සමව බාරගත යුතු ක්රිකට් ක්රීඩාවේ ශ්රී ලංකා කණ්ඩායම සමස්ත ලෝකවාසී ක්රිකට් ලෝලීන්ගේ හදවතේ ලබාගත් ජය කිසිදා නොමැකෙනු ඇති බව පාකිස්තාන ක්රීඩක හසන් අලී පවසා තිබුනා.
මේ අතර මෙම තරගාවලිය නිසා ශ්රී ලංකා ක්රිකට් ආයතනයට පාකිස්තාන රුපියල් කෝටී දොලහක ත්යාග මුදලක් පාකිස්තානයෙන් ලැබි තිබෙනා අතර එම මුදල් මෙරට ක්රිකට් ක්රීඩාවේ දියුණුවට යෙදවීමට තමන් බලාපොරොත්තු වන බවත් ක්රිකට් සභාපති තිලංග සුමතිපාල මහතා කියා සිටියා.
මෙම සංචාරය සදහා සහභාගී වූ ක්රීඩකයන්ට බෝනස් මුදලක් ලබා දෙන බවත්, සංචාරය සදහා අකමැති වූ ක්රීඩකයන්ට බෝනස් මුදල් නොලැබෙන බවත් තිලංග පවසා සිටියා.
[rns_reactions]
ලංකා විදුලිබල මණ්ඩලයේ රැකියාවක් ලබාදෙන බව පවසා කාන්තාවකගෙන් රුපියල් 50000/-ක මුදලක් අල්ලස් වශයෙන් ලබාගැනීමේ චෝදනාවට වරදකරු කෙරුණු හිටපු නියෝජ්ය ඇමති ශාන්ත ප්රේමරත්න මහතාට කොළඹ මහාධිකරණය විසින් බරපතල වැඩ සහිත අවුරුදු 04ක සිර දඬුවමක් නියම කර තිබෙනවා.
ඊට අමතරව විත්තිකරුට රු. 10000/- ක දඩයක්ද කොළඹ මහාධිකරණ විනිසුරු පියසේන රණසිංහ මහතා විසින් නියම කරන ලදි.
2007.11.01 දින සහ 2007.12.26 දින අතර කාල සීමාව තුළදී ලංකා විදුලිබල මණ්ඩලයේ රැකියාවක් ලබා දෙන බව පවසා අම්පාර ප්රදේශයේ පදිංචි ජී. පුංචිනෝනා නැමති කාන්තාවකගෙන් රු. 50000/-ක මුදලක් අල්ලස් වශයෙන් ඉල්ලා එය ලබා ගැනීම සම්බන්ධයෙන් අල්ලස් කොමිසම විත්තිකාර හිටපු නියෝජ්ය ඇමතිවරයාට එරෙහිව නඩු පවරා තිබුණි.
දීර්ඝ නඩු විභාගයකින් පසුව කොළඹ මහාධිකරණ විනිසුරු පියසේන රණසිංහ මහතා තීන්දුව ප්රකාශ කරමින් මෙම විත්තිකරුට එරෙහිව ඉදිරිපත් කර ඇති චෝදනා සාධාරණ සැකයකින් තොරව ඔප්පු වී ඇති බවයි. ඒ අනුව විත්තිකරුට මෙම දඬුවම ප්රකාශයට පත්කරන බවද විනිසුරුවරයා සිය තීන්දුවේ සඳහන් කර තිබෙනවා.
[rns_reactions]
දසුන් නිශාන්ගේ මරණය ශ්රී ලංකාව මහත් කම්පනයට ලක් කල සිදුවීමක්. එම සිදුවීම සමඟ බොහෝ දෙනෙකු රංගන ශිල්පිණී ශලිණි තාරකා සම්බන්ධ කරමින් චෝදනා නැගු අතර එහි සත්යයක් නැතුවාද නොවේ. විවාහක අයෙකු බව දැන දැනම දසුන් සමග හාදකමක් ඇතිකරගැනීමට තරම් ශලනි පහත තත්වයට පත්වුනේද? නැත්නම් දසුන් එයාව රවටාගත්තේද? ශලනි පාර්ශවය සදහන් කරන පරිදි දසුන් විසින් තම්න්ට කල රැවටීම පිළිබඳව හැගීම් සියල්ල කැටි කර ශලිනි තාරකා විසින් රචනා කල ගීතයක වීඩියෝවක් සහ එහි පසුබිම් කතාව මේ වනවිට දැඩි කතාබහට ලක්ව ඇත. දැන් දසුන් මියගොස් කාලයක් ගතව ඇත. මැරුණ මිනිහට මඩගහන පහත් නිලියක් නොවී තමන්ගේ පාඩුවේ සිටියා නම් එය තමන්ගේ නමට යහපත් බව කලාවට හිතැති ජනතාවගේ අදහස වී ඇත. ශලනි පාර්ශවය සදහන් කරන පරිදි දසුන්ගේ හදිසි මරණයට සති කිහිපයකට පෙර ඇය මෙම ගීතය නිර්මාණය කර ඇති අතර එය දසුන්ට ඇසෙන්නට සැලැස්වීම ඇගේ අරමුණ වී ඇත. නමුත් අද මේ ගීතය එළිදැක්වෙන මොහොත වන විට දසුන් සියලු දේ අතහැර නික්ම ගොස් අවසන්ය.
ද්විත්ව පුරවැසිභාවය හේතුවෙන් ගීතා කුමාරසිංහට පාර්ලිමේන්තු මන්ත්රීධූරය දැරිය නොහැකි බව ශ්රේෂ්ඨාධිකරණය තීන්දු කරයි..
පාර්ලිමේන්තු මන්ත්රී ගීතා කුමාරසිංහගේ ද්විත්ව පුරවැසිභාවය පිළිබඳ ශ්රේෂ්ඨාධිකරණ තීන්දුව අද (02) ප්රකාශයට පත් කළා.
ඒ අනුව ද්විත්ව පුරවැසි භාවය හේතුවෙන් ගීතා කුමාරසිංහට පාර්ලිමේන්තු මන්ත්රී ධුරය දැරිය නොහැකි බවයි ශ්රේෂ්ඨාධිකරණය තීන්දු කර ඇත්තේ.
ගාල්ල දිස්ත්රික් එක්සත් ජනතා නිදහස් සන්ධාන පාර්ලිමේන්තු මන්ත්රී ගීතා කුමාරසිංහගේ මන්ත්රී ධුරය නීත්යනුකූල නොවන බව අභියාචනාධිකරණය තීන්දු කළේ ඉකුත් මැයි මස 03වැනිදායි. ඇය ශ්රී ලංකාවේ සහ ස්විට්සර්ලන්තයේ පුරවැසිභාවය හිමි අයකු බැවින් ඇගේ පාර්ලිමේන්තු මන්ත්රී ධුරය අභියෝගයට ලක්කරමින් අභියාචනාධිකරණය හමුවේ ගාල්ල දිස්ත්රික්කයේ ඡන්ද දායකයින් සිව්දෙනකු පෙත්සමක් ගොනුකළා. ඒ 2015 වසරේ මාර්තු මාසයේදීයි.
එහි තීන්දුව ලබාදෙමින් අභියාචනාධිකරණය නියෝග කළේ ගීතා කුමාරසිංහට මන්ත්රී ධුරය දැරීමට සුදුසුකමක් නොමැති බවයි.
අනතුරුව ඇය අභියාචනාධිකරණ තීන්දුවට එරෙහිව ශ්රේෂ්ඨාධිකරණය හමුවේ පෙත්සමක් ගොනුකළා.
ගීතා කුමාරසිංහ මන්ත්රීවරිය පිළිබඳ කතාබහක් මතුවීමත් සමග පාර්ලිමේන්තුවේ සෙසු මන්ත්රීවරුන්ටද ද්විත්ව පුරවැසිභාවය තිබේදැයි සොයාබැලීමට ආගමන විගමන දෙපාර්තමේන්තුව මීට පෙර කටයුතු කළා.
ඒ පාර්ලිමේන්තු මන්ත්රී උදය ගම්මන්පිල තොරතුරු දැනගැනීමේ පනත යටතේ ආගමන විගමන දෙපාර්තමේන්තුවෙන් කරන ලද ඉල්ලීමකට අනුවයි.
එහිදී පාර්ලිමේන්තුවේ කිසිඳු මන්ත්රීවරයකුට ද්විත්ව පුරවැසිභාවය නොමැති බවයි ආගමන විගමන දෙපාර්තමේන්තුව නිකුත් කළ වාර්තාවකින් හෙළිවුණේ.
ජනපති මෛත්රීගේ උපදෙස් පරිදි පෞද්ගලික අංශයේ සේවකයන්ට විශ්රාම වැටුපක් ලබාදීම සඳහා වන යෝජනාව මෙවර අය – වැය ලේඛනයටත් ඉදිරිපත් කරනු ඇතැයි රජයේ ආරංචි මාර්ග සඳහන් කරයි. අය – වැය ලේඛනය සකස් කිරීම සම්බන්ධයෙන් මුදල් අමාත්යාංශය පසුගිය කාලය තුළ අදහස් ලබා ගැනීම සිදු කළ අතර එහිදී ඉදිරිපත් කර ඇති අදහස් හා යෝජනා අනුව ජනපති මෛත්රීගේ උපදෙස් පරිදි මෙලෙස පෞද්ගලික අංශ සේවකයන්ට විශ්රාම වැටුපක් ලබාදීම පිළිබඳව ආණ්ඩුවේ අවධානය යොමුව ඇති බව වාර්තා වෙයි.
[rns_reactions]
බේස්ලයින් පාර, හෝර්ටන් පෙදෙස, කොල්ලුපිටිය සහ ගාලුමුවදොර අවට මාර්ගවල මෙලෙස රථ වාහන ධාවනය සීම කෙරෙන බවයි පොලීසිය පැවසුවේ.
උදෑසන 7.15 සිට උදෑසන 7.45 දක්වා කැළණි පාලම අසල සිට බේස්ලයින් පාර, බොරැල්ල ඩී. එස්. හන්දිය සහ එතැන් සිට හෝර්ටන් පෙදෙස, ආනන්ද කුමාරස්වාමි මාවත, ශාන්ත මයිකල් පාර, කොල්ලූපිටිය හංදියේ සිට ගාලුමුවදොර දක්වා රථ වාහන මෙලෙස ධාවනය සීමා කරනු ඇති.
යළිත් එම මාර්ගවලම උදෑසන 9.15 සිට උදෑසන 9.45 දක්වා මෙම රථ වාහන ධාවන සැළැස්ම කි්රයාත්මකයි.
ඕස්ටේ්රලියානු අගමැතිවරයාගේ සංචාරය හේතුවෙන් මෙම විශේෂ රථ වාහන සැළැස්ම ක්රියාත්මක කෙරෙනවා.
[rns_reactions]
ජනාධිපති මෛතී්රපාල සිරිසේන මහතා විසින් හෙට (03) දිනයේ කැඳවා තිබූ හමුවකට සහභාගි නොවීමට ඒකාබද්ධ විපක්ෂය තීරණය කර තිබෙන අතර ඊට පාර්ලිමේන්තුව නියෝජනය කරන සියලුම ශී්ර ලංකා නිදහස් පක්ෂ මන්තී්රවරුන්ට සහභාගි වන ලෙසයි දන්වා ඇත්තේ.
ජනාධිපති මන්දිරයේදී හෙට පැවැත්වෙන එම සාකච්ඡාවට ජාතික ආණ්ඩුව සමග එක්ව සිටින ශී්ර ලංකා නිදහස් පක්ෂ මන්තී්රවරුන් 41 ක් දෙනෙකු සහභාගිවීමට නියමිතව තිබෙන අතර හෙට සහභාගී නොවන සියලු මන්ත්රීවරුන්ව පක්ෂයෙන් මෙන්ම මන්ත්රීධුරයෙන්ද ඉවත්කිරීමට ශ්රී ලංකා නිදහස් පක්ෂය මේ වනවිටත් තීරණය කර ඇත.
[rns_reactions]
දිවුලපිටිය ආසන සංවිධායක ධුරයෙන් ඉවත් කළ සමාජ සවිබල ගැන්වීම් සහ උඩරට සංවර්ධන නියෝජ්ය අමාත්ය රන්ජන් රාමනායක මහතා ගම්පහ දිස්ත්රික් එජාප සංවිධායක ධුරයට එක්සත් ජාතික පක්ෂය විසින් පත් කරනු ලැබ තිබේ.
එළැඹෙන පළාත් පාලන මැතිවරණයේදී ඔහුට වැඩි වගකීමක් පැවැරීමට පක්ෂය තීරණය කර තිබේ.
[rns_reactions]
සබරගමුවේ ප්රකට බාලිකාවක ශිෂ්යාවන් හතර දෙනකු තම නිවෙසට පැමිණ තමාට පහරදී ඝාතනය කරන බවට තර්ජනය කළා යැයි ශිෂ්යයෙක් කෑගල්ල පොලිසියට පැමිණිල්ලක් කර තිබේ. මෙලෙස පැමිණිල්ලක් කර ඇත්තේ ප්රදේශයේ පිරිමි විදුහලක 11 වැනි ශේර්ණියේ අධ්යාපනය ලබන 16 හැවිරිදි ශිෂ්යයෙකි.
ඔහු මාස කිහිපයක සිට බාලිකා විද්යාලයක 11 ශේර්ණියේ සිසුවියක් සමඟ ප්රේම සම්බන්ධතාවක් ගොඩනඟා ගෙන ඇත. එහෙත් මොහු මීට දින කිහිපයකට පෙර එම පාසල් ශිෂ්යාව සමඟ අමනාප වී ප්රේම සම්බන්ධතාවය අතහැර දමා තිබේ. සිත් වේදනාව නිසා එම ශිෂ්යාව දින කීපයක් පාසල් පැමිණ නැත. පසුව තම පන්තියේ හොඳම මිතුරියන් හතර දෙනාට මේ බව දන්වා ඇත. ඇගේ මිතුරියන් හතර දෙනා පසුගිය දිනක සිසුවාගේ නිවෙස සොයා ගෙන ගොස් තම යෙහෙළිය කනස්සල්ලෙන් සිටින බවත් නැවත ප්රේම සම්බන්ධතාව ගොඩනඟා ගන්නා ලෙසත් දන්වා තිබේ. නැවත ඇය සමඟ යහළු නොවුණොත් තරුණයන් පිරිසක් යොදවා පහර දී ඝාතනය කරන බවත් එම සිසුවියන් හතරදෙනා ඔහුට තර්ජනය කර ඇත.
සිසුවා කළ පැමිණිල්ලෙන් පසු පෙරේදා (31දා) එම සිසුවාත් තර්ජනය කළ සිසුවියනුත් පොලිසියට ගෙන්වා සිද්ධිය සමථයකට පත් කර ඇත.
[rns_reactions]
අග්රාමාත්ය කාර්ය මණ්ඩල නියෝජ්ය ප්රධානී රෝසි සේනානායක මහත්මිය එළැඹෙන පළාත් පාලන මැතිවරණයේදී කොළඹ මහ නගර සභාවේ එ.ජා.ප. පුරපති අපේක්ෂිකාව ලෙස ඉදිරිපත් කිරීමට එක්සත් ජාතික පක්ෂය තීරණය කර තිබේ.
කාන්තා හා ළමා රාජ්ය ඇමැතිනිය ලෙස කලක් කටයුතු කළ රෝසි සේනානායක මහත්මිය මැලේසියාවේ හිටපු ශ්රී ලංකා මහ කොමසාරිස්වරිය වන අතර නැඟෙනහිර කොළඹ එ.ජා.ප. ආසන සංවිධායකවරියද වෙයි.
කෙසේවෙතත් මැතිවරණය අවසානයේදී රෝසිට සිදුවන්නේ විපක්ෂ නායක පුටුවට වී සුසුම් හෙලීමට පමණක් බව මේ පිලිබදව විමසු විට අදහස් දක්වමින් ශ්රීලනිප ප්රබලයෙක් පැවසිය. විශේෂත්වය වන්නේ ඔහුද කොළඹ පුරපති සිහිනය දකින්නෙකු වීමයි..
[rns_reactions]
අගමැති රනිල් ජාතික ගීයට ගරුකරන අපුරුව…
https://www.facebook.com/NewsfirstSL/videos/1718967691496815/
[rns_reactions]
2017 වසරේ දිවයිනේ පාසල් රැසක තරඟකරුවන් අභිබවා යමින් සිංහල භාෂාව හා සාහිත්ය තරඟාවලියකදී සමස්ථ ලංකා ප්රථම ස්ථානය හිමිකරගත් පුත්තලම කල්අඩිය විද්යාසාගර විද්යාලයේ කසුනි දේශානි නම් දියණියකගේ රන් පදක්කම සහ ඇයගේ සියළු සහතික පසුගිය 29 වන දින කිසියම් පිරිසක් විසින් සොකම් කර තිබුනා.
පාසලට ඉමහත් ගෞරවයක් එක්කර දුන් මෙම සම්මාන සහ සහතික පත්ර පාසලේ ආරක්ෂක කැබිනට්ටුවක තිබියදී මෙම පිරිස විසින් සොරා ගෙන තිබෙන්නේ. පාසලට ඇතුලත් වූ මෙම කණ්ඩායම පාසලේ වහලයේ උළු ඉවත් කරමින් පසුව සිවිලමද කඩා පාසල් ප්රධාන කාර්යාලයට ඇතුලත් වී තිබෙනවා. එහිදී කාර්යාලයේ තිබූ සියළුම කබඩ්වල ඉබි යතුරු කඩා දමා මෙම පදක්කම් සහ පාසලේ තිබූ රුපියල් 4000 ක පමණ මුදලක්ද රැගෙන ගොස් ඇති බව පොලීසිය අනාවරණය කරගෙන තිබෙනවා.
තම සහජ කුසලතාවයෙන් පාසලට විශාල ජයග්රහන තොගයක් අත්කර දුන් මෙම දැරියගේ කතාවනම් ටිකක් සංවේදියි. තමන්ට අහිමි වුන දේ ගැන ඇය කිවුවෙ මේ විදියට.
මගේ තාත්තා පොල් ලෙලි ගහලා තමයි මාව පාසල් යවන්නෙ. එහෙම තත්වයක් තුල තමයි මම මේ ජයග්රහනය ලැබුවෙ. මේ ජයග්රහනය මටයි පාසලටයි ගොඩක් වැදගත්. කවුරු හරි කාත් එක්ක හරි තරහකට මේ දේ කරානම් අනේ ඔයාලට වැඩක් නැහැ. අනික ඒවා රත්තරං වලින් හදපු ඒවත් නෙමෙයි. ඒ හින්දා කරැණාකරලා මට ඒවා ගෙනත් දෙන්න නැත්තම් පාසලට ගෙනත් දාන්න.
එසේම මේ සිදු වීම නිසා පාසලේ විදුහල්පතිතුමා ඇතුලු ගුරුමණ්ඩලයද දැඩි ලෙස කම්පාවට පත්ව සිටින අතර මෙම දැරියගේ මානසික මට්ටම යහපත් තත්වයේ තබා ගැනීම සඳහා ගුරුවරුන් දැඩි කැපවීමකින් ක්රියා කරන බවද සඳහන් වෙනවා.
[rns_reactions]
ඒ, ඩයලොග් ක්රිකට් සම්මාන රාත්රියේදීයි. 2016 වසරේ දක්ෂතා පදනම් කර ගනිමින් මෙම සම්මාන ප්රදානය සිදු කෙරුණා.
එහිදී වසරේ හොඳම ටෙස්ට් පන්දු යවන්නාට හිමි සම්මානය ද හිමි වූයේ රංගන හේරත්ටයි.
මෙම සම්මාන රාත්රියේ වැඩිම සම්මාන සංඛ්යාවකින් පිදුම් ලැබූ ක්රීඩකයා බවට පත්වීමට තුන් ඉරියව් ක්රීඩක අසේල ගුණරත්න සමත් වුණා. ඔහුට හමිවූ සම්මාන සංඛ්යාව 04ක්. ඒ අතරට පන්දුවාර විස්සයි විස්ස හොඳම පිතිකරු, විස්සයි විස්ස හොඳම තුන් ඉරියව් ක්රීඩකයා, එක්දින හොඳම තුන් ඉරියව් ක්රීඩකයා සහ මතු බලාපොරොත්තු තැබිය හැකි ක්රීඩකයාට හිමි සම්මාන අයත්.
වසරේ හොඳම ටෙස්ට් තුන් ඉරියව් ක්රීඩකයා ලෙස දිල්රුවන් පෙරේරා සම්මාන දිනා ගත්තා.
හොඳම ටෙස්ට් පිතිකරු ලෙස සම්මානයට පාත්ර වූයේ ධනංජය ද සිල්වායි. හොඳම එක්දින පිතිකරු කුසල් මෙන්ඩිස්. සුරංග ලක්මාල් හොඳම එක්දින පන්දු යවන්නා ලෙස සම්මානයෙන් පිදුම් ලැබුවා.
පන්දුවාර විස්සයි විස්ස හොඳම පන්දු යවන්නා වූයේ ලසිත් මාලිංගයි.
වසරේ කාන්තා ක්රිකට් ක්රීඩිකාව ලෙස චමරි අතපත්තු සම්මාන දිනා ගත්තා.
