Supiri Gossip

Tag: featured

  • ඖෂධ වර්ග 80ක පමණ හිගයක් ඇතිවීමේ අවදානමක්

    ඖෂධ වර්ග 80ක පමණ හිගයක් ඇතිවීමේ අවදානමක්

    2022 වර්ෂයට අදාල වාර්ෂික ඖෂධ ඇස්තමේන්තු වලට අදාල ඖෂධ මිල දී ගැනීම සදහා අවශ්‍ය ණයවර ලිපි නිකුත් නොකිරීම හේතුවෙන් ඖෂධ වර්ග 80ක් පමණ මිලදී ගැනීමට නොහැකිවන තත්වයක් ඇතිව තිබෙන බව සෞඛ්‍ය වෘත්තීයවේදීන්ගේ විද්වත් සංගමයේ සභාපති රවි කුමුදේශ් මහතා කියයි.

    මේ සම්බන්ධයෙන් වැඩි දුරටත් කරුණු පැහැදිලි කළ කුමුදේශ් මහතා,

    ‘ සාමාන්‍යයෙන් ඉදිරි වර්ෂය සඳහා ඖෂධ ඇස්තමේන්තු සකස් කරනු ලබන්නේ කලින් වසරේ ජනවාරි මාසයේ සිට වන අතර, නියමිත ටෙන්ඩර් පටිපාටිය අවසන් කර මිලදී ගැනීම ආරම්භ වන්නේ අගෝස්තු මාසයේ සිටය. ඒ සදහා තෝරාගත් සමාගම් සදහා ණයවර ලිපි නිකුත් කල පසු මාස හතරක පමණ කාලයක් ඖෂධ ගෙන්වීම සදහා වැයවන බැවින් ජනවාරි මාසය වනවිට ඖෂධ රට තුලට පැමිණීම, ගබඩා කිරීම සිදු වේ.

    නමුත් 2022 වර්ෂය සදහා අවශ්‍ය ණයවර ලිපි මේ වන තුරුත් නිකුත් වී නොමැතිවීම හේතුවෙන් අත්‍යාවශ්‍ය ඖෂධ ඇනවුම් කිරීමේ ක්‍රියාවලිය දැනටමත් මාස 4ක පමණ ප්‍රමාදයකට ලක්ව තිබේ. කොවිඩ් වසංගතය හේතුවෙන් අනපේක්ෂිත ලෙස අතිරික්ත වූ ඖෂධ නොවන්නට මේ වන විටත් රට තුල බරපතල ඖෂධ හිඟයක් ඇති වී තිබිය යුතු නමුත්, ඉදිරිය පිළිබද නිවැරදි කළමණාකරණයක් සිදු නොවුණහොත් තව මාසයකින් පමණ රට තුල උග්‍ර ඖෂධ හිගයක් ඇතිවීම නොවැලැක්විය හැකිය.

    සෞඛ්‍ය අමාත්‍යාංශය සහ රාජ්‍ය අමාත්‍යාංශය ඉදිරිපත් කරනු ලබන දත්ත හා සැලසුම් පිළිබදව විමසීමේදී, මෙම අර්බුධකාරී තත්වය පිළිබදව නිසි අවබෝධයකින් කරයුතු කරමින් සිටින්නේද යන්න පිළිබදව අවිස්වාසයක් පවතින් අතර, නිවැරදි සංඛ්‍යලේඛණ ඉදිරිපත් කිරීමට කිසියම් බියක් දක්වන්නේද යන්න පිළිබදව සැකයක් මතුවේ.

    අවම වශයෙන් ඩොලර් මිලියන 40ක පමණ මුදලක් අවශ්‍ය වන මෙම ගැටලුව විසදා ගැනීම සදහා රජය ලබාදීමට එකගව ඇති ඩොලර් මිලියන 5ක මුදල එක ඖෂධයකටත් ප්‍රමාණවත් නොවන තත්වයක් තිබියදී, එමගින් ගැටලුව විසදාගත හැකි බව ප්‍රකාශ කිරීමට තරම් රාජ්‍ය අමාත්‍යාංශය ඉක්මන් වී තිබීම පුදුමයට කරුණකි. කෙසේ නමුත් ඉදිරියේදී කල් ඉකුත් වූ වීමට නියමිත ශ්‍රී ලංකා සංවර්ධන මණ්ඩලයේ බොන්ඩ්ස් මඟින් ඉපයෙන ආදායම මගින් මෙම ණයවර ලිපි නිකුත් කල හැකි බවට, වන මුදල් අමාත්‍යාංශය පොරොන්දුව සෞඛ්‍ය අමාත්‍යවරයාගේ විශ්වාසයට ලක්ව තිබීම මඟින්ද  ගැටළුවේ සැබෑ ස්වරූපය මෙතෙක් හඳුනාගෙන නොමැති බව තේරුම් ගැනීමට ඇති හොඳ නිදසුනකි.

    එබැවින් මාස හතරකට පෙර සිදු කලයුතු සැලසුම් තව දුරටත් ප්‍රමාද නොකර, ගැටළුවේ යථා ස්වරූපය අවබෝධ කර ගනිමින්,  ඖෂධ හිඟියක් ඇතිවීම වැලක්වීම සදහා යථාර්ථවාදීව මැදිහත්වීම මේ මොහොතේ රජයේ ප්‍රමුඛ වගකීමකි.
    පිළිකා ඖෂධ, වකුගඩු රෝග, හදවත් රෝග, ළමා රෝග සදහා අවශ්‍ය ඖෂධ, ප්‍රතිජීවක ඖෂධ වැනි ඖෂධ වර්ග ගණනාවක් මේ යටතේ හිඟිවීමට නියමිතව ඇත.

  • විදුලි කප්පාදුව ගැන ජනපති සහ විදුලි ප්‍රධානීන් අතර තීරණාත්මක සාකච්ඡාවක්

    විදුලි කප්පාදුව ගැන ජනපති සහ විදුලි ප්‍රධානීන් අතර තීරණාත්මක සාකච්ඡාවක්

    ජන ජීවිතයට බාධාවක් නොවන අයුරින් විදුලි අර්බුදයට විසඳුම් සෙවීමට කටයුතු කළ යුතු බව ජනාධිපති ගෝඨාභය රාජපක්ෂ මහතා අවධාරණය කරයි.

    විදුලි කප්පාදුවක් පිළිබඳව පැනනැගී ඇති තත්ත්වය සම්බන්ධයෙන් විදුලිබල හා බලශක්ති ක්ෂේත්‍රයේ ප්‍රධානීන් සමග අද (10) පෙරවරුවේ ජනාධිපති කාර්යාලයේ පැවති සාකච්ඡාවේ දී ජනාධිපතිවරයා මේ බව සඳහන් කළේය.

    ගල්අඟුරු සහ පොසිල ඉන්ධන භාවිතයෙන් විදුලි උත්පාදනයේ දී පැනනැගී ඇති ගැටලු කිහිපයක් හේතුවෙන් මෙම තත්ත්වය උද්ගතව ඇති බව නිලධාරීහු පෙන්වා දුන්හ.

    ශ්‍රී ලංකාව සතු ගල්අඟුරු සංචිත  විදුලි අර්බුදයකට ඉඩ නොදී කළමනාකරණය කරගැනීමට ප්‍රමාණවත් වේ. ඉන්ධන භාවිතයෙන් කෙරෙන විදුලි උත්පාදනය කළමනාකරණය කිරීමෙන් විදුලි කප්පාදුවකට යෑමෙන් වැළකිය හැකි බව ද නිලධාරීහු පවසති.

    පවතින තත්ත්වය කළමනාකරණය කරගනිමින් ජන ජීවිතය පවත්වා ගෙන යාමට සියලු පියවර ගෙන ඇතැයි ද විදුලිබල හා බලශක්ති අමාත්‍යවරු සඳහන් කළහ.

    අමාත්‍ය ගාමිණී ලොකුගේ, උදය ගම්මන්පිල, මහ බැංකුවේ අධිපති අජිත් නිවාඩ් කබ්රාල්, රාජ්‍ය අමාත්‍ය  දුමින්ද දිසානායක, ජනාධිපති ලේකම් පී.බී. ජයසුන්දර, මුදල් ලේකම් එස්.ආර්. ආටිගල යන මහත්වරු විදුලිබල, බලශක්ති අමාත්‍යාංශවල ලේකම්වරු සහ අදාළ රේඛීය ආයතනවල ප්‍රධානීහු මෙම අවස්ථාවට එක්ව සිටියහ

  • නිව්යෝර්ක් නිවාස සංකීර්ණයක ගින්නකින් පුද්ගලයින් 19 දෙනෙකු මරුට

    නිව්යෝර්ක් නිවාස සංකීර්ණයක ගින්නකින් පුද්ගලයින් 19 දෙනෙකු මරුට

    අමෙරිකාවේ නිව්යොර්ක් හි පිහිටි මහල් නිවාස ගොඩනැගිල්ලක ඇතිවු ගින්නකින් ළමුන් 09 දෙනෙකු ඇතුළු පුද්ගලයින් 19 දෙනෙකු මියගොස් තිබේ.

    ගින්නෙන් තවත් පුද්ගලයින් පනහකට ආසන්න පිරිසක් තුවාල ලබා ඇති බවත් ඉන් 13 දෙනෙකුගේ තත්වය බරපතළ බවත් විදෙස් මාධ්‍ය වාර්තා කරයි. මහල් 19කින් යුත් ගොඩනැගිල්ලක දෙවන සහ තෙවන මහල්වල එම ගින්න හටගෙන ඇති අතර සෑම මහලකටම දුමාරය පැතිරගොස් ඇති බවත් මිය ගිය බොහෝ පිරිසක් අධික දුම ආග්‍රාණය වීමෙන් මරණයට පත්ව ඇති බවත් පැවසේ.

    ගින්නට හේතුව විදුලි හීටරයක් බවට පොලිසිය සැක කරයි. මෙම ගොඩනැගිලි සංකීර්ණයේ අනතුරු ඇඟවීමේ සංඥ නිරතුරුව නාද වන බැවින් ගින්න හටගත් අවස්ථාවේදී නිකුත් වූ අනතුරු ඇඟවීමේ සංඥා කෙරෙහි අවධානය යොමුව නැතැයි පැවසේ. වසර 30කට පසුව අමෙරිකාවේ නිව්යෝර්ක් හි සිදුවු දරුණුතම අනතුර එය ලෙස සැළකේ.

  • ඉන්දීය ඩයස්පෝරාව ගැන ඉන්දීය විදේශ ඇමැති කළ හෙළිදරව්ව

    ඉන්දීය ඩයස්පෝරාව ගැන ඉන්දීය විදේශ ඇමැති කළ හෙළිදරව්ව

    ඩයස්පෝරාව සමඟ සම්බන්ධ වීම සඳහා පුළුල් සහ විකාශනය වන ප්‍රතිපත්ති රාමුවක් ඇති රටවල් කිහිපය අතර ඉන්දියාව ද සිටින බව ඉන්දීය විදේශ කටයුතු පිළිබඳ රාජ්‍ය අමාත්‍ය වී මුරලිදන් ඉරිදා පැවසීය.

    ලොව පුරා සිටින ඉන්දීය ඩයස්පෝරාව සමඟ සදාකාලික සබඳතා ගොඩනඟා ගැනීම රජයේ ප්‍රමුඛතාවය බව ඔහු පැවසීය.

    ඔහු තවදුරටත් මෙසේ පැවසීය: “අගමැතිවරයාගේ නායකත්වය යටතේ, ඩයස්පෝරාව වෙත අපගේ ව්‍යාප්තිය, නව මානයන් ගෙන ඇති අතර, අපි ‘ගෝලීය ඉන්දියානු’ සංකල්පය වෙත ගමන් කරමින් සිටින ආකාරයෙන් පරිණාමය වී ඇත.”

    ඩයස්පෝරාව රට හා සම්බන්ධ කිරීම සම්බන්ධයෙන් ගෙන ඇති විවිධ මුලපිරීම් පිළිබඳව මුරලිදරන් අවධාරණය කළේය. මෙම සන්දර්භය තුළ, ඔහු ඉන්දියාවේ පර්යේෂණ සහ සංවර්ධන පරිසර පද්ධතියට ජාත්‍යන්තර මානයක් ගෙන ඒම සඳහා 2017 දී ප්‍රවාසි භාරතීය දිවාස් අතරතුර දියත් කරන ලද ‘වජ්රා පීඨ යෝජනා ක්‍රමය’ ගැන කතා කළේය.

    “එය අනේවාසික ඉන්දියානුවන් සහ ඉන්දියානු සම්භවයක් ඇති පුද්ගලයින්/ ඉන්දියාවේ එතෙර පුරවැසියන් ඇතුළු ජාත්‍යන්තර පීඨයේ / විද්‍යාඥයින් / තාක්‍ෂණවේදීන්ගේ ප්‍රවීණත්වය ඉහළ තරඟකාරී පර්යේෂණ සහ සංවර්ධන ක්ෂේත්‍රවල ඔවුන්ට ඉන්දියානු ආයතන / විශ්ව විද්‍යාලවල අතිරේක / පැමිණෙන පීඨ තනතුරු පිරිනමමින්” ඔහු පැවසීය.

    “අනේවාසික ඉන්දියානුවන් / න්දියානු සම්භවයක් ඇති පුද්ගලයින්/ ඉන්දියාවේ එතෙර පුරවැසියන් ජාතික පර්යේෂණ සහ සංවර්ධන වැඩසටහන් සඳහා සම්බන්ධ කර ගැනීම කෙරෙහි විශේෂ අවධානයක් යොමු කර ඇත. යනුවෙන් ඉන්දීය විදේශ කටයුතු පිළිබඳ රාජ්‍ය අමාත්‍යවරයා වැඩිදුරටත් පැවසීය.

    තවත් ප්‍රධාන මුලපිරීමක් ලෙස ‘ප්‍රභාස්’ නම් කර ඇත: “ප්‍රවාසි භාරතීය ශාස්ත්‍රීය හා විද්‍යාත්මක සම්බන්ධතා – ඉන්දියානු ඩයස්පෝරාව මාතෘ භූමිය සමඟ ඒකාබද්ධ කිරීම” යනු ඉන්දියානුවන් ඇමතීමට ගෝලීය ඉන්දියානු විද්‍යාව සහ තාක්ෂණ ප්‍රජාව වෙත ගෙන ඒම සඳහා දත්ත සමුදායක් සහ අතථ්‍ය වේදිකාවක් සංවර්ධනය කිරීමේ මුලපිරීමකි. ඔහු කියා සිටියේය.

    “ප්‍රභාස්’ හි ප්‍රධාන අරමුණ වන්නේ ඉන්දියානු ඩයස්පෝරාවට ඉදිරියට එන ලෙස ආරාධනා කිරීම සහ දිරිමත් කිරීම සහ ඉන්දියානු ජනතාව මුහුණ දෙන අභියෝග විසඳීමට සහය වීමට ඉන්දියාව සමඟ අත්වැල් බැඳ ගැනීම හා එමඟින් සමාජයට විශාල බලපෑමක් ඇති කිරීමයි,” අමාත්‍යවරයා දැනුම් දුන්නේය.

    අගමැති නරේන්ද්‍ර මෝදි, 2020 ඔක්තෝම්බර් 2 වන දින ගාන්ධි ජයන්තියේදී විදේශීය සහ නේවාසික ඉන්දියානු පර්යේෂකයන් සහ විද්වතුන්ගේ ගෝලීය අතථ්‍ය සමුළුවක් වන වෛශ්වික් භාරතීය වෛඥානික (VAIBHAV) සමුළුව ආරම්භ කළේය.

    විදේශගත ඉන්දියානුවන් 2600 ක් පමණ අන්තර්ජාලය හරහා සමුළුව සඳහා ලියාපදිංචි වූහ. මෙම මසක් පුරා පැවති වෙබ්නාර් මාලාවට ඉන්දියාවෙන් සහ විදේශයන්හි සිට 3200 ක් පමණ පැනලිස්ට්වරුන් සහ 22,500 ක් පමණ විද්වතුන් සහ විද්‍යාඥයින් සහභාගී විය. මෙම සාකච්ඡා ජාතික ඉලක්ක සහ ඉන්දියාවේ පර්යේෂණවල ප්‍රමුඛතා සමඟ සමපාත වූ බව අමාත්‍යවරයා පැවසීය.

    ගෝලීය මට්ටමින් නවෝත්පාදන සහ නව තාක්‍ෂණයන්හිදී මෙන්ම ඉන්දියාවේ දේශීය ගැටලු සඳහා නව්‍ය විසඳුම් සැකසීමේදී ඉන්දීය ඩයස්පෝරා තරුණ තරුණියන් අත්‍යවශ්‍ය කාර්යභාරයක් ඉටු කරන බව ද ඔහු දැනුම් දුන්නේය.

    indianewsnetwork

  • ශ්‍රී ලංකාවේ දුම්රිය සේවාවට ඉන්දියානු ණය සහනය යටතේ දුම්රිය මැදිරි එක් වේ

    ශ්‍රී ලංකාවේ දුම්රිය සේවාවට ඉන්දියානු ණය සහනය යටතේ දුම්රිය මැදිරි එක් වේ

    ඉන්දීය-ශ්‍රී ලංකා සබඳතාවලට තවත් පරිච්ඡේදයක් එක් කරමින් ඉන්දියාණු ණය සහනය යටතේ ශ්‍රී ලංකාවට සපයන ලද වායු සමනය කළ ඩීසල් බහු ඒකකය (DMU) භාවිතයෙන් ශ්‍රී ලංකාව දුම්රිය සේවාවකට එක් කරන ලදී. මෙය ගල්කිස්සේ සිට කන්කසන්තුරය දක්වා දුම්රිය ධාවනයට යොදවන ලදී.

    ට්විටර් පණිවුඩයක් නිකුත් කරමින් ඉන්දීය මහ කොමසාරිස් කාර්යාලය කියා සිටියේ උතුරු පළාතේ දියත් කරන ලද දුම්රිය සේවාව ශ්‍රී ලංකාව සමඟ ඉන්දියාවේ සංවර්ධන හවුල්කාරිත්වයේ ප්‍රධාන කුළුණු 2 ක් ඉස්මතු කරන බවයි.

    “ශ්‍රී ලංකා දුම්රිය යටිතල පහසුකම් ඉදිරියට බලගැන්වීම, උතුරු පළාතට අද දියත් කරන ලද දුම්රිය සේවාව # සමග ඉන්දියාවේ සංවර්ධන හවුල්කාරිත්වයේ ප්‍රධාන කුළුණු 2 ක් ඉස්මතු කරයි – යටිතල පහසුකම් සංවර්ධනය සහ රට පුරා අවධානය යොමු කරයි, ”එහි සඳහන් වේ.

    පසුගිය වසර 15 තුළ ඉන්දියාවේ අපනයන ආනයන බැංකුව විසින් ශ්‍රී ලංකාවට ණය සහන කිහිපයක් ලබා දී ඇති බව ඉන්දීය මහ කොමසාරිස් කාර්යාලයේ වෙබ් අඩවිය පවසයි.

    ව්‍යාපෘතිය ක්‍රියාත්මක වෙමින් පවතින වැදගත් ක්ෂේත්‍ර, මෙම ණය සහනය යටතේ ඇතුළත් වන්නේ: දුම්රිය, ප්‍රවාහන, සම්බන්ධතා, ආරක්ෂක සහ සූර්ය බලශක්තිය,සඳහායි.

    නිම කරන ලද සමහර වැදගත් ව්‍යාපෘති නම්: ආරක්ෂක උපකරණ සැපයීම; කොළඹ සිට මාතර දක්වා දුම්රිය මාර්ගය වැඩිදියුණු කිරීම; ඕමන්ත-පලෙයි අංශයේ සීමාසහිත ඉන්දීය දුම්රිය ඉදිකිරීම් සමාගම විසින් මාර්ගය ඉදිකිරීම, මඩු පල්ලිය-තලෙයිමන්නාරම, මැදවච්චිය-මඩු දුම්රිය මාර්ගය සහ පලෙයි-කන්කසන්තුරේ දුම්රිය මාර්ගය ප්‍රතිසංස්කරණය කිරීම ආදීය වේ

    එයට සංඥා සහ විදුලි සංදේශ පද්ධතිය ද ඇතුළත් ය; බස් රථ, ඩීසල් දුම්රිය එන්ජින්, වායු සමනය කළ ඩීසල් බහු ඒකකය, වාහක සහ ඉන්ධන ටැංකි සඳහා එන්ජින් කට්ටල සැපයීම, වෙබ් අඩවිය සදහන් කරයි.

    මීට පෙර පසුගිය වසරේ මාර්තු සහ සැප්තැම්බර් මාසවලදී, රිට්ස් ලිමිටඩ් විසින් ඉන්දීය ණය සහනය හරහා ශ්‍රී ලංකා දුම්රිය සේවයට සැපයීමට දුම්රිය මැදිරි 160න් කොටසක් ලෙස නවීනතම දුම්රිය මගී මැදිරි 20ක් සපයා තිබුණි.

    මගී පුහුණුකරුවන්ට අමතරව, ඉන්දියාව, වායු සමනය කළ ඩීසල් බහු ඒකක හයක්, දුම්රිය එන්ජින් 10 ක්, බහාලුම් වාහක වැගන් 20 ක් සහ ඉන්ධන ටැංකි 30 ක් ශ්‍රී ලංකාවට සැපයීමට නියමිතය.

    indianewsnetwork

  • දිනකට පැය 2 1/2ක ‘විදුලිය කප්පාදුවක්‘ ගැන ඉගි

    දිනකට පැය 2 1/2ක ‘විදුලිය කප්පාදුවක්‘ ගැන ඉගි

    ඉදිරියේදී දිනකට පැය දෙකහමාරක පමණ විදුලි කප්පාදුවක් කිරීමට සිදුවනු ඇතැයි ලංකා විදුලිබල මණ්ඩලය විදුලිබල අමාත්‍යංශයට දැනුම් දී ඇතැයි ලංවිම ප්‍රකාශකයෙක්  කීය.

    දහවල් කාලයේදී පැය දෙකක පමණ කාලයක් සහ අධික විදුලිය ඉල්ලුමක් පවතින පස්වරු 6.00 ත් 9.00 ත් අතර කාලයේදී පැය බාගයක් පමණ කාලයකුත් ආදී වශයෙන් මෙම විදුලි කප්පාදුව කිරීමට සිදුවනු ඇතැයි ඔහු සදහන් කළේය.

    ඩොලර් හිගය සහ ණයවර ලිපි නිකුත් නොකිරීම නිසා ගල්අගුරු ආනයනයට බාධා පැමිණෙන බවද එසේ වුවහොත් නොරොච්චෝල බලාගාරයේ ජනන කටයුතු බිදවැටෙන බවද ඔහු කීවේය.

    මේ අතර දෛනිකව විදුලිය කප්පාදුවට මහජන උපයෝගීතා කොමිෂන් සභාව විසින් විදුලිබල මණ්ඩලයට අවසර ලබා දුන් බව එහි සභාපතිවරයා අද මාධ්‍ය හමුවේ ප්‍රකාශ කළේය.

  • 2021දී මත්පැන් බලපත්‍ර 150ක් දීලා

    2021දී මත්පැන් බලපත්‍ර 150ක් දීලා

    පසුගිය 2021 වසරේ මත්පැන් බලපත්‍ර 150ක් නිකුත් කර ඇති අතර ඉන් බලපත්‍ර 81ක් සංචාරක මණ්ඩලයේ අනුමත හෝටල් සහ ආපනශාලා සඳහා නිකුත් කර ඇති බව සුරාබදු දෙපාර්තමේන්තුව පවසයි. එමෙන්ම සුපිරි වෙළඳසැල් සඳහා බලපත්‍ර 69ක් නිකුත් කර තිබේ. කෙසේ වෙතත්, සුරාබදු දෙපාර්තමේන්තුව පැවසුවේ 2015 වසරේ සිට නගරවල සාමාන්‍ය මත්පැන් අලෙවිසැල් සඳහා එකදු බලපත්‍රයක් හෝ නිකුත් කර නොමැති බවයි.

  • දිනපතා විදුලිය කපන්න ලංවිමට අවසර

    දිනපතා විදුලිය කපන්න ලංවිමට අවසර

    දිනපතා විදුලිය කප්පාදුවක් කිරීමට ලංවීමට අවසර දුන් බව ශ්‍රීලංකා මහජන අපයෝගීතා කොමිෂන් සභාවේ සභාපති ජනක රත්නායක මහතා පවසයි.

    නොරොච්චෝල බලාගාරයේ ජනක යන්ත්‍රයක් නඩත්තුව සඳහා නතර කිරීම සහ කැලණිතිස්ස බලාගාරය ක්‍රියාවිරහිතවීම ආදී කරුණු සලකා ලබා මෙම අවසර ලබාදුන් බවයි රත්නායක මහතා පැවසුවේ.

    විදුලිය කප්පාදු කිරීමට නම් ලංවීම මහජන උපයෝගීතා කොමිෂන් සභාවෙන් අනිවාර්යෙන්ම අවසර ලබගත යුතු බව ද මහජන උපයෝගීතා කොමිෂමේ සභාපතිවරයා පැවසුවේය.

  • දඹුල්ල ආර්ථිකේ ‘ගොවියා ගසා කන්නේ මෙහෙමයි‘

    දඹුල්ල ආර්ථිකේ ‘ගොවියා ගසා කන්නේ මෙහෙමයි‘

    දඹුල්ල ආර්ථික මධ්‍යස්ථානයට දිවයිනේ විවිධ පළාත් වලින් එළවළු තොග විශාල වශයෙන් ලැබී තිබුණ ද පැයෙන් පැය විනාඩියෙන් විනාඩිය  මිල වෙනස් කොට අලෙවි කිරීම් සිදුවන බව ආර්ථර්ථික මධ්‍යස්ථානයට එළවළු මිලදී ගැනීමට පැමිණෙන වෙළෙන්දෝ පවසති.

    අතරමැදි වෙළඳ කණ්ඩායම් ඉතා සන්විධාත්මකව හිසඑසවීම නිසා එළවළු මිලෙහි අඩුවීමේ  වාසිය මෙතෙක් පාරිභෝගික ජනතාවට ලබා ගැනීමට නොහැකි තත්ත්වයකට පත්ව ඇතැයි ඔවුහු වැඩිදුරටත් පෙන්වා දෙති.

    ඇතැම් කණ්ඩායම් සහ වෙළඳසැල් ගොවීන්ගේ එළවළු ගොවියා සමඟ සාකච්ඡා කොට සාධාරණ මිලකට අලෙවි කිරීම ආර්ථික මධ්‍යස්ථානයේ සිදුවෙද්දී ගොවීන් රැගෙන එන එළවළු අතරමැදි කණ්ඩායම් ලවා ගොවීන්ගෙන් මිලදී ගෙන ආර්ථික මධ්‍යස්ථානයේ වෙනත් වෙළඳස සැල්වල සහ එළියේ  තබාගෙන ඒවා කොටස් කොට නැවත නැවත අවස්ථා කීපයකදීම අලෙවි කිරීම නිසා මේ ආකාරයෙන් මිල ඉහළ යන බව මිලදී ගැනීම් සඳහා එන වෙළෙඳුන් වැඩිදුරටත් පෙන්වා දෙති.

    එමෙන්ම  ගොවීන්ගෙන් එළවළු ලබාගෙන අලෙවි කිරීම් සඳහා ආර්ථික මධ්‍යස්ථානට පැමිණෙන අතරමැදි කණ්ඩායම් ද මිලදී ගන්නා අයට එක මිලක් එමෙන්ම ජනමාධ්‍යවේදීන් විමසීමේදී තවත් මිලක් සහ අලෙවි කිරීමේ දී තවත් මිලක් නියම කරති. මෙම හේතුව නිසා එළවළු මිල යම් මට්ටමකින් ස්ථාවරව පවත්වාගෙන යෑම සඳහා ඔවුහු මෙම උපක්‍රමශීලී ක්‍රමවේදය උපයෝගී කරන බව ද ඔවුහු වැඩිදුරටත් පෙන්වා දෙති.

    මේ සම්බන්ධයෙන් අප කළ විමසීමේදී එම අතරමැදි කණ්ඩායම් කියා සිටියේ දඹුල්ල ආර්ථික මධ්‍යස්ථානයට ආවේණික අතරමැදි වෙළඳ කණ්ඩායම් නිසා ආර්ථික මධ්‍යස්ථානයේ මිල ඉහළ යෑම සිදුව ගොවියාට සාධාරණයක් සිදුවන බවයි.

    කෙසේ වෙතත් තමන් සහ වෙළෙන්දන් අතර උණුසුම් තත්වයත්වයන්ද විටින් විට ඇතිවෙන බව ඔවුහු පවසති. එවැනි උණුසුම් වූ අවස්ථාවක් අද (09) දීන උදෑසන ද අපට දැක ගැනීමට හැකි විය.

    එළවළු තොග ලබාගෙන සිල්ලරට අලෙවිකරණ වෙළෙන්දෙකු කියා සිටියේ ආර්ථික මධ්‍යස්ථානය තුළ අතරමැදි වෙළඳ කණ්ඩායම් ක්‍රියාත්මක වීම නිසා මෙම බරපතළ තත්ත්වය උදාවී තිබෙන බවය.

    එම කණ්ඩායම “නාඩි “කණ්ඩායම නමින් හදුන්වන බව කියති.

    එමෙන්ම කාබනික පොහොර යොදා ගෙන එලවළු වගා කිරීමට හැකි බවත් එක්තරා දේශපාලන පක්ෂයක නියෝජිතයන් ඉතා සූක්ෂම ලෙස ගොවිපළ වලටත් වෙළඳපළටත් රිංගා  ආරවුලක් ඇති කරන බව ද ඔවුන්   පෙන්වා දීම විශේෂත්වයකි.

    ඇතැම්   අතරමැදි වෙළඳ කණ්ඩායම්  දේශපාලනඥයන්ගේ අවශ්‍යතා ඉටු කරමින් මිල උස් පහත් කිරීමෙන් ගොවියා කුපිත කිරීම් ආදී  සිදුකරන බවට ද මෙම  ව්‍යාපාරිකයා දැඩිව චෝදනා කරන්නට විය‍.

    මෙම අතරමැදි වෙළඳුන් සහ මැහි වෙළඳුන් අතර උණුසුම් තත්ත්වයක් ද ආර්ථික මධ්‍යස්ථානය තුළ දී දැක ගැනීමට හැකිවිය. ආර්ථික මධ්‍යස්ථාන වෙළෙඳ සංගමයේ කාරක සභාවේ සිටින  ව්‍යාපාරිකයන්යෙකු වූ සි. එස්. සිරිවර්ධන මහතාගෙන් අප මෙම ගැටළුව පිළිබඳව විමසීමේදී ඔහු කියා සිටියේ වෙළඳපළ හැසිරීම් ඉල්ලීම් සහ සැපයුම් අනුව සිදුවන බවය. කෙසේ වෙතත් අතරමැදි  කණ්ඩායම් සෑම වෙළදපළකම සිටින බවද ඒ මහතා සඳහන් කළේය.

    කෙසේ වෙතත් රජයේ ගිවිසුම් ප්‍රකාරව ආර්ථික මධ්‍යස්ථානය තුළ සිටිය හැක්කේ අතරමැදියන් ගෙන් තොරව ගොවියාට නිසි සාධාරණ මිලක් ලබාදීම සඳහා නොවේ දැයි අප ප්‍රශ්න කිරීමේ දී හෙතෙම සඳහන් කළේ මේ වන විට ආර්ථික  මධ්‍යස්ථානය තුළ එවැන්නක් ක්‍රියාත්මක නොවන බවය.

    දඹුල්ල ආර්ථික මධ්‍යස්ථානය තුළ අද දින එළවලළු මිල යම් මට්ටමකින් ඉහළ ගොස් පැවති අතර පෙර දින එළවළු අලෙවි නොවීම නිසා එම පාඩුව මෙදින අල්ලා අලෙවි කිරීමට සිදුවන කරන බව මෙම අතරමැදි වෙළෙන්දෝ පවසති.

    ආර්ථික මධ්‍යස්ථානය වෙළඳ සංගමය හෝ ව්‍යාපාරික ප්‍රජාව නියෝජනයක්  කළමණාකරන භාරයේ  කණ්ඩායම් වෙළඳපොළේ නිතර සිටීම අතරමැදි වෙනත් කණ්ඩායමක් දඹුල්ල ආර්ථික මධ්‍යස්ථානයේ වෙළෙඳපොළ හසුරවීමට හේතු වී තිබේ .

    සටහන සහ ඡායාරූප – කාංචන කුමාර ආරියදාස – දඹුල්ල

  • අපි හදපු උද්‍යානය අද වරාය නගරයේ දී ජනාධිපති තමන් හැදුවා වගේ විවෘත කරනවා

    අපි හදපු උද්‍යානය අද වරාය නගරයේ දී ජනාධිපති තමන් හැදුවා වගේ විවෘත කරනවා

    තමන් බස්නාහිර සංවර්ධන හා මෙගාපොලිස් අමාත්‍යවරයා ලෙස සිටියදී ඉදිකිරීම් ආරම්භ කළ පෝට් සිටි උද්‍යානය ජනාධිපතිරයා විසින් කළ වැඩක් සේ හුවා දක්වමින් අද (09) එය විවෘත කරන බව පාඨලී චම්පික රණවක මහතා පවසයි. කුරුණෑගල 43 සේනාංක ජනහමුවකින් පසු මාධ්‍ය අමතමින් හිටපු අමාත්‍යවරයා මේ බව පැවසීය. එහිදී වැඩිදුරටත් අදහස් දැක්වූ රණවක මහතා,

    “ජනාධිපතිතුමා චීන විදේශ ඇමතිතුමා සමග වරාය නගරයේ ඉදිකරන ලද මං පෙත විවෘත කරනවයි කියලා තියෙනවා. ඇත්තටම ඔය වරාය නගරයේ තිබුණා ෆෝමියුලා වන් කාර් රේස් යන්න හදපු සැලසුම. ඒ සැලසුම අවලංගු කරලා වරාය නගරයේ අපේ ජනතාවට යන්න පුළුවන් උද් යානයක් නිර්මාණය කළේ අපේ අමාත් යාංශය යටතේ තමයි, 2016 වර්ෂයේ තමයි ඒක පටන් ගත්තේ. අද තමන්ගේ වගේ ඒවා විවෘත කරනවා වගේ ගිහින් විවෘත කරනවා.

    මහනුවර නගරෙත් විශාල සංවර්ධන යෝජනා ක්රම ගණනාවක් විවෘත කරේ අපේ කාලේ. අපේ අමාත්යාංශයෙන් හදපුවා. ගෝඨාභය කාලේ හදපු එක මහා පරිමාණ ව්යාපෘතියක්වත් නැහැ. ඒ වගේම මම දැක්කා මේ ලංකාවේ උමං කනින්න චීනයෙන් යන්ත්‍රයක් ගේනවා කියලා.

    ඇත්තටම අද මේ උතුරු මැද ඇළ එහෙම නැත්නම් සෙන්ට්රල් කැනෑල් එක, කඩිනම් කිරීමේ මුවාවෙන් අති විශාල වංචාවක් සිදු කරන්න යනවා. ඒක වාරිමාර්ග දෙපාර්තමේන්තුවේ ඉංජිනේරුවොත් සියලු දෙනාම කරලා තියෙනවා. නමුත් ඒ අමාත්යාංශ ලේකම්වරයාත් එක්ක එකතුවෙලා ඩොලර් මිලියන තිස්පහක විශාල වංචාවක් මේ උතුරු මැද ඇල හරහා සිද්ධ කරන්න යනවා. මේ උමග තැනීමට මුවා වෙලා. ඒ බවත් කියන්න ඕනේ. මේවා මේ පුදුම වෙන්න දේවල් එහෙම නෙවෙයි. මේවා පිටිපස්සේ තියෙන්නේ විශාල ජාවාරම්.

    අපිට කියන්න තියෙන්නේ ඉතා කණගාටුවෙන්, ඒ කාලේ කරපු ජාවාරම් වල ප්රතිඵල තමයි දැන් අපිට භුක්ති විඳින්න වෙලා තියෙන්නේ. මේ තත්වය වෙනස් කරන්න. වහාම පාර්ලිමේන්තුවේ සියලුම දේශපාලන පක්ෂ වල නියෝජිතයෝ මැදිහත් වෙන්න ඕනේ. මොකද මේ රට බංකොලොත් වුණොත් මේ රට අවුරුදු දහයකටවත් නැවත ගොඩගන්න හම්බවෙන්නේ නැහැ.”

  • ජනපති සහ චීන විදේශ ඇමති අතර හමුවක්

    ජනපති සහ චීන විදේශ ඇමති අතර හමුවක්

    චීනය සහ ශ්‍රී ලංකාව අතර 65 වසරක රාජ්‍යතාන්ත්‍රික සබඳතා තවදුරටත් ශක්තිමත් කරමින් මහජන චීන සමූහාණ්ඩුවේ විදේශ අමාත්‍ය හා රාජ්‍ය උපදේශක මණ්ඩලයේ සාමාජික වැන්ග් යී (Wang Yi) මහතා සහ ජනාධිපති ගෝඨාභය රාජපක්ෂ මහතා අතර හමුවක් අද (09) පෙරවරුවේ ජනාධිපති කාර්යාලයේ දී සිදු විය.

    චීන විදේශ අමාත්‍යවරයාගේ පැමිණීම ගෞරවයෙන් පිළිගත් ජනාධිපතිතුමා දෙරට අතර ඓතිහාසික සමීප සබඳතා සිහිපත් කරනු ලැබීය. කොවිඩ් වසංගතයට මුහුණදීමේ දී චීනයෙන් ලැබුණු ද්‍රව්‍යමය හා මූල්‍ය ආධාර  වෙනුවෙන් ජනාධිපතිවරයා ශ්‍රී ලංකා රජයේත්, ජනතාවගේත් ස්තුතිය විදේශ අමාත්‍යවරයා වෙත පිරිනැමීය.

    දෙරට අතර මිතුදම ආවර්ජනය කළ වැන්ග් යී මහතා නැවත වතාවක් ශ්‍රී ලංකාවට පැමිණීමට හැකිවීම පිළිබඳ තමා සතුටට පත්වන අතර සමීප මිත්‍රයෙකු ලෙස චීනයේ සහාය සෑම විටම ලබාදෙන බව පැවසීය.

    කොවිඩ් එන්නත්කරණ වැඩපිළිවෙළ සාර්ථකව පවත්වාගෙන යාම සඳහා  ශ්‍රී ලංකාවට අඛණ්ඩව සයිනොෆාම් එන්නත් ලබා දෙමින් දැක්වූ සහයෝගය වෙනුවෙන් ද ජනාධිපතිතුමා චීන රජයට තම කෘතවේදීත්වය පළ කළේය.

    නව සාමාන්‍යකරණය යටතේ සංචාරකයන් සඳහා ශ්‍රී ලංකාව විවෘත කර තිබේ.  ජෛව බුබුළක් තුළ රඳවා ගනිමින් චීන සංචාරකයන් මෙරටට ගෙන්වා ගැනීමට සහාය වන ලෙස ජනාධිපතිවරයා වැන්ග් යී මහතාගෙන් ඉල්ලා සිටියේය.

    කොවිඩ් වසංගතය හමුවේ පැනනැගී ඇති ආර්ථික අර්බුදයට විසඳුමක් ලෙස ණය ආපසු ගෙවීම ප්‍රතිව්‍යුහගත කිරීමට ඇති හැකියාව කෙරෙහි අවධානය යොමු කළ හැකි නම් එය මෙරටට විශාල සහනයක් වනු ඇතැයි ජනාධිපතිවරයා විසින් පෙන්වා දෙනු ලැබිණ.

    එමෙන්ම චීනයෙන් සිදු කරන ආනයනවලදී සහනදායී වෙළෙඳ ණය ක්‍රමයක් ලබා ගැනීමට හැකි වෙතොත් බාධාවකින් තොරව කර්මාන්ත පවත්වාගෙන යාමට එය ඉවහල් වනු ඇතැයි ද ජනාධිපතිවරයා සඳහන් කළේය.

    චීනයට පැමිණෙන ලෙස ජනාධිපතිතුමාට ආරාධනා කළ වැන්ග් යී මහතා එය ඉතා නුදුරු දිනකදීම සිදුවනු ඇතැයි විශ්වාසය පළ කළේය.

  • ඉන්දීය ධීවරයින් – බෝට්ටු රඳවා තබා ගැනීම ගැන ශ්‍රී ලංකාව සමඟ සාකච්ඡා

    ඉන්දීය ධීවරයින් – බෝට්ටු රඳවා තබා ගැනීම ගැන ශ්‍රී ලංකාව සමඟ සාකච්ඡා

    අත්අඩංගුවේ පසුවන ධීවරයින්ට යාපනයේ පිහිටි ඉන්දීය කොන්සල් ජනරාල් කාර්යාලයේ සහය සපයා තිබේ

    පසුගිය වසරේ දෙසැම්බර් 18 සහ 20 අතර ශ්‍රී ලංකාවේ බලධාරීන් විසින් අත්අඩංගුවට ගත් ඉන්දීය ධීවරයින් 68 දෙනෙකු සහ බෝට්ටු 10 ක් සිය භාරයට ගෙන ඇති බව ඉන්දීය විදේශ කටයුතු අමාත්‍යාංශය (MEA) බ්‍රහස්පතින්දා ප්‍රකාශ කළේය.

    “මෙම අත්අඩංගුවේ පසුවන ධීවරයින්ට යාපනයේ පිහිටි අපගේ කොන්සල් ජනරාල් කාර්යාලය මගින් අවශ්‍ය සහය සපයා ඇත. ඔවුන්ගේ ඥාතීන් සමඟ දුරකථන ඇමතුම් සඳහා පහසුකම් සැලසීමට අමතරව, ඔවුන්ට නීතිමය නියෝජනයක් ද ලබා දී ඇත,” විදේශ කටයුතු අමාත්‍යාංශයේ ප්‍රකාශක අරින්දම් බග්චි පැවසීය.

    බග්චි පවසන පරිදි, ශ්‍රී ලංකාවේ ඉන්දීය මහ කොමසාරිස් කාර්යාලය මෙම ඉන්දීය ධීවරයින් ඉක්මනින් නිදහස් කිරීමේ ගැටලුව ශ්‍රී ලංකා බලධාරීන් සමඟ සාකච්ඡා කර ඇත.

    “මෙම උත්සාහයේ ප්‍රතිඵලයක් ලෙස දැන් ධීවරයින් 12 දෙනෙකු නිදහස් කර තිබෙනවා. ඔවුන් ඉක්මනින් ආපසු ගෙන්වා ගැනීමට මහ කොමසාරිස් කාර්යාලය කටයුතු සම්පාදනය කරමින් සිටිනවා,” ඔහු වැඩිදුරටත් පැවසීය.

    “ඉන්දියානු ධීවරයින් සහ ඔවුන්ගේ බෝට්ටු කඩිනමින් නිදහස් කිරීම සම්බන්ධයෙන් මහ කොමසාරිස් කාර්යාලය ශ්‍රී ලංකා බලධාරීන් සමඟ ද සම්බන්ධ වී සිටිනවා” යැයි ඉන්දීය විදේශ කටයුතු අමාත්‍යාංශයේ ප්‍රකාශක වැඩිදුරටත් පැවසීය.

    ධීවර කටයුතු පිළිබඳ ඒකාබද්ධ ක්‍රියාකාරී කණ්ඩායම් රැස්වීම කඩිනමින් පැවැත්වීම සම්බන්ධයෙන් දෙපාර්ශවයම සාකච්ඡා කරමින් සිටින බවද ඔහු සඳහන් කළේය.

    මේ අතර, ත්‍රිකුණාමලයේ තෙල් ටැංකි ෆාම් ප්‍රශ්නය පිළිබඳ බ්‍රහස්පතින්දා පැවති මාධ්‍ය සාකච්ඡාවේදී තවත් ප්‍රශ්නයකට පිළිතුරු දෙමින් අරින්දම් බග්චි පැවසුවේ, “ත්‍රිකුණාමලයේ තෙල් ටැංකි සංකීර්ණය සංවර්ධනය කිරීමට ශ්‍රී ලංකා අමාත්‍ය මණ්ඩලය අනුමැතිය ලබා දී ඇති බවට වාර්තා වන වාර්තා අපි දුටුවෙමු” යනුවෙනි.

    බලශක්ති සුරක්ෂිතතාව ශ්‍රී ලංකාව සමඟ අපගේ ද්විපාර්ශ්වික සහයෝගීතාවයේ වැදගත් ක්ෂේත්‍රයක් බව සඳහන් කළ ඔහු, ත්‍රිකුණාමලය තෙල් ටැංකි සංකීර්ණය නවීකරණය කිරීම සඳහා ඉන්දීය විදේශ කටයුතු අමාත්‍යාංශය ශ්‍රී ලංකා රජය සමඟ සාකච්ඡා කරමින් සිටින බව පැවසීය.

    “මෙය ඉන්ධන ගබඩා කිරීමට සහ ද්විපාර්ශ්වික බලශක්ති සුරක්ෂිතතාව වැඩි කිරීමට ඉඩ සලසයි,” ඉන්දීය විදේශ කටයුතු අමාත්‍යාංශයේ ප්‍රකාශක වැඩිදුරටත් පැවසීය.

    indianewsnetwork
    ඉන්දියාව ශ්‍රී ලංකාවට ණය ලබාදීම සම්බන්ධයෙන් කළ විමසීමක් සම්බන්ධයෙන් ඔහු පැවසුවේ, “ඔබට මතක ඇති ශ්‍රී ලංකා මුදල් අමාත්‍ය බැසිල් රාජපක්ෂ මහතා පසුගිය මාසයේ නවදිල්ලි නුවරට පැමිණි බව. ඔහු තම රටේ ආර්ථික තත්ත්වය සහ අභියෝග කළමනාකරණය කිරීමේදී ඔහුගේ රජයේ ප්‍රවේශය පිළිබඳව ඉන්දීය පාර්ශවයට විස්තර කළේය.

    “ඉන්දියාව සැමවිටම ශ්‍රී ලාංකික ජනතාව වෙනුවෙන් පෙනී සිටියා. ශ්‍රී ලංකාව ඉන්දියාවේ අසල්වැසි පළමු ප්‍රතිපත්තියේ වැදගත් කොටසකි, ”බග්චි නැවත අවධාරණය කළේය.

    “ආහාර සහ සෞඛ්‍ය ආරක්‍ෂාව, බලශක්ති ආරක්‍ෂාව, ගෙවුම් ශේෂ ගැටලු සහ ශ්‍රී ලංකාවේ ඉන්දීය ආයෝජන ඇතුළු අනෙකුත් ක්ෂේත්‍රවල සහයෝගීතාව පුළුල් කිරීම පිළිබඳව මෙම සංචාරයේදී සාකච්ඡා පැවැත්විණි,” ඔහු පැවසීය.

    “තවත් උපදේශන සිදුවෙමින් පවතින බව මට වැටහෙනවා,” ඉන්දීය විදේශ කටයුතු අමාත්‍යාංශයේ ප්‍රකාශක වැඩිදුරටත් පැවසීය.

    indianewnetwork

  • රසායනික අවි භාවිත කිරීමේ චෝදනා: ඉන්දියාවෙන් දැඩි ස්ථාවරයක්

    රසායනික අවි භාවිත කිරීමේ චෝදනා: ඉන්දියාවෙන් දැඩි ස්ථාවරයක්

    එක්සත් ජාතීන්ගේ ආරක්ෂක කවුන්සිලයේදී (UNSC) ඉන්දියාව ප්‍රකාශ කළේ කලාපය ඇතුළුව ත්‍රස්තවාදී ආයතන සහ පුද්ගලයින් රසායනික අවි වෙත ප්‍රවේශ වීමේ හැකියාවට එරෙහිව රට නැවත නැවතත් අනතුරු අඟවා ඇති බවයි.

    සිරියාව (රසායනික අවි) පිළිබඳ එක්සත් ජාතීන්ගේ ආරක්ෂක කවුන්සිල සාකච්ඡාවේදී එක්සත් ජාතීන්ගේ ඉන්දියාවේ නිත්‍ය නියෝජිත ටී.එස් තිරුමූර්තිගේ ප්‍රකාශයක් පැවසුවේ ISIL සිරියාවේ ක්‍රියාකාරීව සිටීමෙන් පසුව, කණ්ඩායම සිය සටන් හැකියාවන් නැවත ගොඩනඟා ගැනීමට උත්සාහ කරන බවයි. රසායනික අවි සම්බන්ධයෙන් දැඩි අවධානයකින් කටයුතු කළ යුතුයි.

    රසායනික අවි සම්මුතියට සිරියාව ප්‍රවේශ වීම සම්බන්ධ ගැටළු සම්බන්ධයෙන් ඉන්දියාවේ ස්ථාවරය හොඳින් දන්නා කරුණකි. සීඩබ්ලිව්සී යනු සමස්ථ සමූල ඝාතන ආයුධ කාණ්ඩයක් තුරන් කිරීම සඳහා වූ අද්විතීය, වෙනස් කොට සැලකීමක් නොවන නිරායුධකරණ මෙවලමක් බව අපගේ ප්‍රතිපත්තිමය ස්ථාවරයයි, ”තිරුමූර්ති පැවසීය.

    ඉන්දියාව රසායනික අවි සම්මුතියට ඉහළ වැදගත්කමක් ලබා දෙන බවත්, එහි පූර්ණ, ඵලදායි සහ වෙනස් කොට සැලකීමකින් තොරව ක්‍රියාත්මක කිරීම වෙනුවෙන් පෙනී සිටින බවත් ඔහු සඳහන් කළේය. මෙම සම්මුතියේ විශ්වසනීයත්වය සහ අඛණ්ඩතාව උපරිමයෙන් පවත්වා ගැනීම සහතික කිරීම සඳහා සියලුම පාර්ශවයන්ගේ සාමූහික ප්‍රයත්නයන්ට ඉන්දියාව සහාය දෙන බව ද හෙතෙම ප්‍රකාශ කළේය. .

    “ඕනෑම අයෙකු, ඕනෑම තැනක, ඕනෑම අවස්ථාවක සහ ඕනෑම තත්වයක් යටතේ රසායනික අවි භාවිතා කිරීමට ඉන්දියාව විරුද්ධයි” යනුවෙන් එක්සත් ජාතීන්ගේ ඉන්දීය නියෝජිතයා පැවසීය.

    “රසායනික අවි භාවිතය පිළිබඳ ඕනෑම පරීක්ෂණයක් අපක්ෂපාතී, විශ්වසනීය සහ වෛෂයික විය යුතු බව ඉන්දියාව නිරන්තරයෙන්ම පවත්වා ගෙන යයි. සම්මුතියේ අන්තර්ගත විධිවිධාන සහ ක්‍රියා පටිපාටි ඉතා සූක්ෂම ලෙස අනුගමනය කරමින්, ඒ යටතේ ඇති සියුම් බල තුලනයට සහ වගකීමට අනුකූලව, කරුණු තහවුරු කර සාක්ෂි මත පදනම් වූ නිගමනවලට එළඹීම. මෙය පිළිපැදිය යුතුය,” ඔහු තර්ක කළේය.

    “ත්‍රස්තවාදී ආයතන සහ පුද්ගලයන්ට රසායනික අවි වෙත ප්‍රවේශ වීමේ හැකියාවට එරෙහිව ඉන්දියාව නැවත නැවතත් අනතුරු අඟවා ඇත,” තිරුමූර්ති පැවසීය.

    “UNITAD හි වාර්තා මගින් එක්සත් ජාතීන්ගේ තහනම් ත්‍රස්තවාදී කණ්ඩායම් සහ 2014 සහ 2016 අතර සිවිල් ජනතාවට එරෙහිව ISIL ට අනුබද්ධිත රසායනික අවි නැවත නැවත යෙදවීම ගැන ද සඳහන් කර ඇත,” ඔහු සඳහන් කළේය.

    “අයිඑස්අයිඑල් සිරියාවේ ක්‍රියාකාරීව පවතින අතර, කණ්ඩායම එහි සටන් හැකියාවන් නැවත ගොඩනඟා ගැනීමට උත්සාහ කරයි. එබැවින් රසායනික අවි භාවිත කිරීමේ චෝදනා සම්බන්ධයෙන් දැඩි අවධානයෙන් කටයුතු කළ යුතු බව එක්සත් ජාතීන්ගේ ඉන්දීය තානාපතිවරයා ප්‍රකාශ කළේය.

    “UNSCR 2254 විසින් යෝජනා කර ඇති පරිදි සිරියාවේ දේශපාලන ක්‍රියාවලිය සම්බන්ධයෙන් විභව ඉදිරි ගමනක් සඳහා වෙනත් ධාවන පථවල ප්‍රගතිය උපකාර විය හැකි බව ඉන්දියාව දිගටම විශ්වාස කරයි,” ඔහු තවදුරටත් පැවසීය.

    “රසායනික අවි සම්බන්ධයෙන් අදාළ සියලුම ගැටළු විසඳීමට සහ විසඳීමට සිරියාව සහ OPCW හි තාක්ෂණික ලේකම් කාර්යාලය අතර අඛණ්ඩව සම්බන්ධ වීමට අපි දිරිමත් කරමු,” තිරුමූර්ති පැවසීය.

    indianewsnetwork

  • ‘ප්‍රසිද්ධ ස්ථානවලට යාමේදී බූස්ටර් මාත්‍රාව අනිවාර්ය කරනවා‘

    ‘ප්‍රසිද්ධ ස්ථානවලට යාමේදී බූස්ටර් මාත්‍රාව අනිවාර්ය කරනවා‘

    පළමු සහ දෙවන මාත්‍රාවට අමතරව පොදු ස්ථානවලට ප්‍රවේශ වීම සඳහා බූස්ටර් මාත්‍රාව ද අනිවාර්ය කරන බව සෞඛ්‍ය අමාත්‍ය කෙහෙළිය රඹුක්වැල්ල මහතා පවසයි.  

    සෞඛ්‍ය අමාත්‍යාංශයේ පැවති රැස්වීමකදී අමාත්‍ය රඹුක්වැල්ල කියා සිටියේ QR කේතයක් සහිත නව එන්නත් කාඩ්පතක් සහ එන්නත් කිරීමේ යෙදුමක් ළඟදීම හඳුන්වා දෙන බවයි.

    “එමගින්, පොදු ස්ථානවලට ඇතුළු වන පුද්ගලයින්ට COVID එන්නතක මාත්‍රා තුනක් අනිවාර්ය කරනු ඇත,” ඔහු පැවසීය.

    මේ අතර, බූස්ටරය කඩිනම් කිරීම සඳහා දිවයිනේ සියලුම පළාත් පාලන ආයතන එන්නත් මධ්‍යස්ථාන බවට පත් කිරීමට සැලසුම් කර ඇති බව අමාත්‍ය රඹුක්වැල්ල මහතා පැවසීය.

    “සුදුසුකම් ඇති පුද්ගලයින්ට බූස්ටරය ලබා දීම සඳහා තවත් එන්නත් මධ්‍යස්ථාන එකතු කරන ලෙස අදාළ නිලධාරීන්ට උපදෙස් දී ඇත,” ඔහු පැවසීය.

    “මේ වන විට මුළු ජනගහනයෙන් 28% කට ඔවුන්ගේ බූස්ටර මාත්‍රාව ලැබී ඇති අතර මෙම මාසය අවසන් වීමට පෙර එම ප්‍රතිශතය ඉහළ මට්ටමකට ගෙන ඒමට අපි බලාපොරොත්තු වෙනවා,” අමාත්‍යවරයා වැඩිදුරටත් පැවසීය

  • ‘පරිස්සමෙන් ! මැලේරියාව ආයෙත් එන්න පුළුවන්’

    ‘පරිස්සමෙන් ! මැලේරියාව ආයෙත් එන්න පුළුවන්’

    විශේෂඥ වෛද්‍ය ප්‍රසාද් රණවීර අධ්‍යක්ෂ මැලේරියා මර්දන ව්‍යාපාරය

    • විදෙස් රටකට ගිහින් ආවොත් මැලේරියා පරීක්ෂණය අනිවාර්යයි
    • මැලේරියාව සම්පූර්ණයෙන්ම සුව කළ හැකියි
    • මේ වසරේ පළමු මැලේරියා රෝගියාත් යාපනෙන්

    විවිධ කාලවලදී විවිධ රෝග පැතිරීම් පිළිබඳව අපට අසන්නට ලැබේ. මේ දිනවල ශ්‍රී ලංකාවේ පැතිරෙන කොවිඩ් වසංගතය සමඟ මැලේරියාව පිළිබඳව ද අසන්නට ලැබේ. වාහකයෙකු මඟින් බෝ වන මැලේරියාව තුරන් කළ රටක් ලෙස ශ්‍රී ලංකාව නම් කළ ද නැවත මෙරටින් මැලේරියා රෝගීන් වාර්තා වෙමින් පවතී. 2007 වසරට පසුව ශ්‍රී ලංකාවෙන් වාර්තා වන මැලේරියා රෝගීන් පිළිබඳව මැලේරියා මර්දන ව්‍යාපාරයේ අධ්‍යක්ෂ විශේෂඥ වෛද්‍ය ප්‍රසාද් රණවීර සමඟ කළ සාකච්ජාවකි මේ.

    මැලේරියා රෝගය යනු කුමක් ද? එහි රෝග ලක්ෂණ මොනවා ද?

    මැලේරියාව කියලා කියන්නේ පරපෝෂිතයකුගෙන් බෝවෙන රෝගයක්. මේ රෝගය එක් අයකුගෙන් තවත් අයෙකුට සම්ප්‍රේෂණය වන්නේ මදුරුවෙක් හරහායි. මෙහිදී ප්‍රාථමික මදුරුවන් හා ද්විතික මදුරුවන් කියලා කොට්ඨාස දෙකක් ඉන්නවා. ප්‍රාථමික මදුරුවන්ගේ ධාරිතාවය වැඩියි. ශ්‍රී ලංකාවේ මදුරු විශේෂ 75ක් පමණ ඉන්නවා. නමුත් ඔවුන් ප්‍රාථමික මදුරුවන් තරම් දරුණු නෑ.

    මේ රෝගයේ ලක්ෂණ විදියට වමනය, හිසරදය, ක්ලාන්තය, කැරකැවිල්ල සහ පණ නැති ගතිය පෙන්නුම් කරනවා. ඒ වගේම ඇඟපතේ තද වේදනාවකුත් දැනෙනවා. තමන්ගේ වැඩක් කරගන්න බැරි තරමට මිනිස්සු දුර්වල වෙනවා.

    මැලේරියාව මාරාන්තික ද?

    මැලේරියාව මාරාන්තිකයි. 1926 වර්ෂයේ දී මැලේරියාව ශ්‍රී ලංකාවට ඇවිත් 1952 දක්වාම රට පුරා පැතිරිලා තිබුණා. අද කොරෝනාවලින් මිනිස්සු මැරුණාට වඩා වැඩි ප්‍රමාණයක් එදා මැලේරියාව හින්දා මැරුණා. එක අවුරුද්දකට 80,000ක් විතරත් මැරුණා. 1952 වෙනකොට මරණ සංඛ්‍යාව 1000 දක්වා අඩු වුණා. ඒ කියන්නෙත් ලොකු ජයග්‍රහණයක්.

    මැලේරියාව බෝවන්නේ කොහොම ද?

    මැලේරියා පරපෝෂිතයා මිනිස් සිරුරට ඇතුළු වුණාම රුධිරය හරහා ඉතා ඉක්මනින් අක්මාවට යනවා. මේ පරපෝෂිතයාට අවුරුද්දක් වුණත් අක්මාවේ හැංගිලා ඉන්න පුළුවන්. ඊට පස්සේ කොයි මොහොතක හරි එළියට එනවා අපටත් නොදැනීම. ඊට පස්සෙ ලේවලට මිශ්‍ර වෙනවා. ඒ වෙලාවෙදී මදුරුවෙක් දෂ්ඨ කළොත් ඒ පරපෝෂිතයා මදුරුවාගේ ඇඟටත් යනවා. ඒ මදුරුවාගේ ඛේට ග්‍රන්ථි හරහා වෙනත් අයෙකුටත් සම්ප්‍රේෂණය විය හැකියි.

    ශ්‍රී ලංකාව මැලේරියා රෝගය සම්පූර්ණයෙන්ම තුරන් කළ රටක් බවට ලෝක සෞඛ්‍ය සංවිධානය විසින් සහතිකයක් පිරිනමා තිබෙනවා. නමුත්, නැවතත් මැලේරියාව ගැන සමාජයේ කතා බහක් ඇති වෙලා. අපට නැවතත් මැලේරියාව ඒවිද?

    මැලේරියාව ඕනෑම අවස්ථාවක ආපහු එන්න පුළුවන්. හේතුව මැලේරියාව බෝ කරන මදුරුවා අපේ රටේ හැම තැනකම වගේ ඉන්නවා. එතකොට මැලේරියාව තුරන් කළ රටක් කියන්නේ අපේ රට ඇතුළේ මැලේරියාව නෑ කියන එකයි. අපේ රටේ මිලියන විසි එකක් වන ජනගහනයේ කිසිම අයෙකුගේ ශරීරයේ මැලේරියා පරපෝෂිතයා නෑ. එය 2012 වෙනකම් නෑ කියලා සහතික වෙලා තියෙනවා. ඊට පස්සේ වසර තුනක් ලෝක සෞඛ්‍ය සංවිධානය මේ ගැන විමසිල්ලෙන් ඉඳලා 2016 තමයි තහවුරු කළේ මැලේරියාව සම්පූර්ණයෙන් තුරන් කළ රටක් කියලා. රට ඇතුලේ සම්ප්‍රේෂණය නැති වුණත් හැදෙන්නෙ නෑ කියලා නෙවෙයි.

    ශ්‍රී ලංකාවේ අවසන් වතාවට මැලේරියා මරණයක් වාර්තා වූයේ කවදාද?

    ශ්‍රී ලංකාවේ අන්තිම වරට මැලේරියා මරණය වාර්තා වූයේ 2007 දී. 2007 න් පසුව ශ්‍රී ලංකාවේ මැලේරියාව හින්දා මරණ සිදු වෙලා නෑ.

    වැඩියෙන්ම මැලේරියා අවදානමට ලක්වන්නේ කවුරුන් ද?

    අප්‍රිකාව වගේ මැලේරියාව තියෙන රටක අයගේ ඇ‍ඟේ ප්‍රතිශක්තියක් තියෙනවා. ඒ නිසා ඒ රටවල එය එතරම් ගණන් ගන්නේ නෑ. හරියට කැස්ස, හෙම්බිරිස්සාව වගේ. නමුත් අපේ රටවල මැලේරියාව නැති නිසා අපේ ශරීරය තුළ ප්‍රතිශක්තියක් නෑ. මොකද මේ පරම්පරාවට මැලේරියාව හැදිලා නෑ. ඒ නිසා දරුවකුට මැලේරියාව හැදුණොත් මාරාන්තිකයි. වයසක හා තරුණ වුණත් ඕනෑම අයෙක් මැලේරියාව නිසා මැරෙන්නත් පුළුවන්. ඒ නිසා මෙයට වයස් භේදයක් නෑ. සියලු දෙනාටම අවදානම තියෙනවා.

    ලෝකයේ වෙනත් රටවල මේ වන විට මැලේරියා වසංගත තත්ත්වයේ පැතිරීම කෙසේ ද?

    මැලේරියාව දකුණු ආසියානු කලාපයෙන් තුරන් කරලයි තියෙන්නේ. අපිට මැලේරියාව තුරන් කළ රටක් කියලා සහතිකය දෙන කොට චීනය වගේ රටවලුත් සහතිකය ඉල්ලුවා. චීනයට ඒ සහතිකය ලැබුණේ පසුගිය සැප්තැම්බර්වලයි. අනෙක් අය විභාගයට පාඩම් කරනකොට අපි විභාගය පාස් වෙලා අවුරුදු දහයක් විතර වෙනවා. වැඩිම මැලේරියා තර්ජනය තියෙන්නේ අප්‍රිකානු රටවලින්. සූඩාන්,කොංගෝ වැනි අප්‍රිකානු රටවල 50%ක්ම මැලේරියාව තියෙනවා.

    ශ්‍රී ලංකාවේ මැලේරියා රෝගය සම්බන්ධයෙන් ඇති නවතම තොරතුරු මොනවාද?

    පසුගිය 2021 වසරේ මැලේරියා රෝගීන් 26 දෙනෙක් වාර්තා වුණා. ඉන් 25 දෙනෙක්ම අප්‍රිකානු ආශ්‍රිතයන්. මේ වසරේ පළමු රෝගියා වාර්තා වුණේ පසුගිය 02 වැනිදා. හොයාගෙන ගියාම ඒ රෝගිය­ා බටහිර අප්‍රිකානු රටකින් ඇවිත් තියෙන්නේ. දෙසැම්බර් 22 තමයි ඇවිත් තියෙන්නේ. යාපනේ ගුරුනගර්වලින් හමු වුණේ. ඒ නිසා මැලේරියා මර්දන කටයුතු ඒ ප්‍රදේශයේ දැඩි කරලයි තියෙන්නේ. ඒ නිසා මේ වසරේ ප්‍රථම මැලේරියා රෝගියාත් යාපනෙන්.

    ශ්‍රී ලංකාවේ මැලේරියා මර්දන ව්‍යාපාරයේ ආරම්භය හා කාර්යභාරය කවරේද?

    1911 වර්ෂයේ කුරුණෑගල තමයි ශ්‍රී ලංකාවේ පළමුවරට මැලේරියා මර්දනයට කාර්යාලයක් පිහිටුවා ගත්තේ. 1958 මැලේරියාව සම්බන්ධයෙන් දීපව්‍යාප්ත වැඩසටහනක් ක්‍රියාත්මක වුණා 1963 දී ලෙඩ්ඩු ගණන 11 දක්වා අඩු වුණා. ඊට පස්සේ ලෙඩේ නෑ කියලා සාමාන්‍ය විදිහට මිනිස්සු වැඩ කටයුතු කළා. ඊට පස්සෙ ආයෙමත් රෝගය පැතිරිලා ගියා. රෝගීන් ගණන ලක්ෂ පහක් වුණා. ලක්ෂ පහේ රෝගීන් ගණන ඍණ අගයක් ගන්න අවුරුදු 45ක් ගියා. ඒ නිසා ඩෙංගු වගේ නෙවෙයි, මැලේරියාව ආවොත් නවත්තන්න ලේසි නෑ. අපි මේ දිනවල යාපනය දිස්ත්‍රික්කය තුළ මැලේරියා මර්දන ව්‍යාපාරයක් සිදු කරගෙන යනවා. විශේෂඥ වෛද්‍යවරු දෙදෙනෙක් ඒ සඳහාම යැව්වා. දිස්ත්‍රික්කයේ සියලු වෛද්‍යවරු සමඟ සාකච්ඡා කළා. ඔවුන් දැනුවත් කළා. ඉස්සරහට මැලේරියාව ආවොත් මොකද කරන්නේ කියලා. මැලේරියාවෙන් කිසිම මරණයක් සිදු වෙන්න බෑ කියලා අපේ ව්‍යාපාරයේ නීතියක් තියෙනවා. ඒ නිසා අපි, මැලේරියා රෝගය වැලඳුන ලෙඩෙක් ආවොත් අනිවාර්යයෙන්ම උපරිම දේ සිදු කරනවා. හැබැයි මැරෙන්න දෙන්නේ නෑ.

    ඒ වගේම “අවදානමට පෙර සූදානම” අපේ ව්‍යාපාරයේ සටන් පාඨයයි. යම් පුද්ගලයෙක් මැලේරියාව හදාගෙන ආවොත් මදුරුවාව සොයාගන්න කලින් අපි රෝගියාව සොයා ගන්නවා කියන එක අපේ ව්‍යාපාරයේ එක් උපක්‍රමයක්. කිසියම් රෝගියෙක් හිටියොත්, මීටර් 500ක් ඇතුළත සිටින සියලුම මිනිස්සු පරීක්ෂා කරනවා. අපේ මූලස්ථාන කාර්යාල 28ක් ශ්‍රී ලංකාව පුරා තියෙනවා. මෙවර අපි විශේෂ කැලැන්ඩරයක් හැදුවා. මිනිස්සුන්ට මැලේරියාව කියන එක අමතක වෙනවා. ඒ නිසා අපි මේ කැලැන්ඩ‍රයෙන් මිනිස්සුන්ට විතරක් නෙවෙයි වෛද්‍යවරු ඇතුළු කාර්ය මණ්ඩලයටත් මෙය දුටු විගස සිහියට නැඟෙන්න අරමුණු කරගෙන ශ්‍රී ලංකාවේ සියලුම රෝහල්වලට බෙදා හරිනවා. මේ වගේ දේවලින් පවා අප බලාපොරොත්තු වන්නේ මැලේරියා ලෙඩාව අල්ල ගන්නයි. ඒ වගේම වෛද්‍යවරයකු ළඟට ලෙඩෙක් ආවොත්, වෛද්‍යවරයාටත් ඒ ගැන විමසිලිමත් වෙන්න පුළුවන්. නැතිනම් ලෙඩාගේ අනෙක් සියලු පරීක්ෂණ කළත් මැලේරියාව ගැන පරීක්ෂණ කරන්නේ නෑ. පසුගිය අවුරුද්දේ මැලේරියා රෝගීන් හමුවුණේ 25 යි.

    සාමාන්‍යයෙන් අපට වසරකට රෝගීන් 50ක් විතර මුණ ගැසෙනවා. රෝගීන් අඩු වුණා කියලා අපේ ව්‍යාපාරය දියත් කරන වැඩපිළිවෙල අඩු කරන්නේ නෑ. පසුගිය දෙසැම්බර් 16 වැනිදා අපට යාපනයෙන් මැලේරියා රෝගියෙක් හමු වුණා. අපි ඔහු දවස් තුනෙන් අල්ල ගත්තා. ඊට පස්සේ ඉක්මන් ප්‍රතිකාර කළා. ඔහු සනීප වුණා. දෙසැම්බර් 23 වැනිදා යාපනය තව කෙනෙක් හමු වුණා. මේ විදියට ලෙඩෙක් හමු වුණාම අපේ උපක්‍රමයක් තියෙනවා, පළමුවෙන්ම කරන දේ තමයි, ගෙදර ඇතුලේ හා වටේ මැලේරියා මදුරුවො ඉන්නවාද කියා සොයා බලා විනාශ කරන එක. මදුරුවාගෙ ඇඟේ රෝග වාහකයා තිබුණාම සුමාන දෙකක් ඇතුළත තවත් අයකුට බෝ වෙන්න පුළුවන්. අපි ළඟ විශේෂ මදුරු දැලක් තියෙනවා. ඒ දැලේ මදුරුවො වැහුවාම උන් මැරෙනවා. ඒක හැමෝටම දෙන්නෙ නෑ. අපි සන්තකයේ පමණයි තියෙන්නෙ. ඉතින් ඒකට රජයට ලොකු වියදමක් දරන්න වෙනවා. නමුත්, අවදානමක් තියෙන හැම ගෙදරකටම අපි එය ලබා දෙනවා.

    වෙනත් රටවල සිට එන මඟීන්ගෙන් අපටත් මැලේරියාව බෝවිය හැකිද?

    2012න් පසුව දේශීයව එක් රෝගියකු හෝ වාර්තා නොවීමෙන් මැලේරියා පරපෝෂිතයා ශ්‍රී ලංකාවෙන් මුළුමනින්ම තුරන් වී ඇති බව තහවුරු වෙනවා. නමුත්, මැලේරියා රෝගය බෝ කරන මදුරුවා තවමත් ශ්‍රී ලංකාවේ ඉන්නවා. ඒ නිසා පිටරටින් නැවත මේ පරපෝෂිතයා ශ්‍රී ලංකාවට පැමිණිය හොත්, නැවත වසංගත තත්ත්වයක් ඇතිවීමේ ඉඩකඩක් තියෙනවා.

    ශ්‍රී ලංකාවෙන් වසරකට මිලියනයක් පමණ ඉන්දියාවේ දඹදිව වන්දනාවට සහභාගි වෙනවා. කොරෝනා කාලපරිච්ඡේදය හැරුණාම 2019 දී එසේ ගිය අයගෙන් 29 දෙනකුටම මැලේරියාව වැලඳුන බවට වාර්තා වුණා. අප්‍රිකානු රටවලට වැඩිපුර ශ්‍රී ලාංකිකයෝ සංචාරය කරන්නේ නෑ. ඉන්දියාව, අප්‍රිකාව තරම්ම නැතත් ඉන්දියාව මැලේරියාව තුරන් කරලා නෑ. චීනය මීට මාස තුනකට පෙර මැලේරියාව තුරන් කළ රටක් විදිහට ලෝක සෞඛ්‍ය සංවිධානයෙන් සහතිකය ලබා ගත්තා.

    මැලේරියාව ආවොත් නවත්වන්න ලේසි නෑ. එහෙම වුවොත් ශ්‍රී ලංකාවට විශාල පාඩුවක් සිද්ධ වෙනවා.

    මැලේරියාව බලපාන්නේ මිනිස් ශරීරයේ කිනම් කොටසටද? ඉන් සිදුවන හානිය කවරාකරද?

    මෙහෙමයි. “මොළයේ මැලේරියාව” කියලා රෝගයකුත් තියෙනවා. ඒකෙන් මොළයට බලපෑම් සිද්ධ වෙනවා. ප්ලීහාව ඉදිමෙන්න පුළුවන්. එයම මරණයට හේතුවක් වෙන්නත් පුළුවන්. ඒ වගේම රුධිර පට්ටිකා අඩු වෙනවා. රුධිර ඝනත්වය අඩුවෙලා ගියොත් ලෙඩා රක්තහීනතාවයට පත්වෙනවා. මිනිස් ශරීරයේ ලේ අඩු වුණාම මිනිස්සු කම්මැළියන් බවට පත් වෙනවා. ඔවුන්ට වැඩ කරන්න ශක්තියක් නෑ. ඇඟ පත වේදනා දෙන්නත් පුළුවන්. ඒ වගේ ප්‍රශ්න පැන නඟිනවා. දරුණුම අවස්ථාවට පත් වුණාම මරණය සිදු වෙන්න පුළුවන්.

    මැලේරියාව සුව කිරීමට අසීරු රෝගයක් ද?

    නෑ. සම්පූර්ණයෙන්ම සුව කළ හැකියි. හැබැයි, දරුණු අවස්ථාවට යන්න කලින් හඳුනා ගත යුතුයි. මුල් අවස්ථාවේ හඳුනා ගත්තොත් නිසි ප්‍රතිකාර මඟින් සම්පූර්ණයෙන්ම සුව කළ හැකියි.

    මැලේරියාව වෙනුවෙන් ඖෂධ හෝ එන්නත්කරණයක් තිබේ ද? එය ශ්‍රී ලංකාවේ භාවිත කර තිබේද?

    මැලේරියාවට ඖෂධ තියෙනවා. ඒවා ශ්‍රී ලංකාවේ ඒවා භාවිත කරනවා. මේවා ෆාමසිවලින් ගන්න බැහැ. මැලේරියා මර්දන ව්‍යාපාරය යටතේ පමණයි තියෙන්නේ. ‍ෆාමසිවල තිබු‍ණොත් රෝගීන් ඒවා පාවිච්චි කිරීම හරියට සිදු කරන්නේ නෑ. බාගෙට ප්‍රතිකාර කළොත් නැවත මතුවෙන්න පුළුවන්. එය වසංගතයකට හේතු විය හැකියි. ඒ නිසයි නීතියක් වශයෙන් මැලේරියා ඖෂධ ෆාමසිවල තහනම් කරලා තියෙන්නේ.

    මැලේරියා රෝගය වළක්වා ගත හැක්කේ කෙසේ ද?

    ප්‍රධාන වශයෙන්ම යම් අයෙක් මැලේරියාව ඇති රටක සංචාරය කරනවා නම්, ඒ සඳහා ඇති ඖෂධ සතියකට කලින් ගත යුතුයි. ඒ වගේම අදාළ රටේ සිටින තුරු සතිපතා ඖෂධය ලබා ගත යුතුයි. ඒ විතරක් නෙමෙයි, ශ්‍රී ලංකාවට ආ පසු ද සති හයක් නොකඩවාම ඖෂධ ලබාගත යුතුයි. එහෙම කළොත් මැලේරියාවට ඇති අවදානම අඩුයි. නමුත්, 100%ක් ම හැදෙන්නේ නෑ කියලා කියන්න බෑ. ඒ නිසා යම් අයෙක් පිටරටකට යනවා නම්, අනිවාර්යයෙන්ම මැලේරියා සඳහා අදාළ ඖෂධ ගත යුතුයි.

    කිසියම් අයකුට මැලේරියා රෝග ලක්ෂණ පෙන්නුම් කරන්නේ නම්, කළ යුත්තේ කුමක්ද?

    වහාම ළඟම පිහිටි රෝහල වෙත ගොස් වෛද්‍යවරයා හමුවිය යුතුයි. වෛද්‍යවරයෙකුගේ නිර්දේශයකින් තොරව පරීක්ෂණ සිදු කරගන්නත් පුළුවන්. රට ගිහින් ආවාම හා උණ වැලඳී තිබීම පරීක්ෂණයට ප්‍රමාණවත්. ඒ නිසා අපි ඉල්ලා සිටින්නේ තමාට උණ වැලඳී ඇත්නම් හිත හිතා ඉන්න එපා. වෛද්‍යවරයා හමුවන්න. හමු වී තමා රට ගිහින් ආ බවත් පවසා සිටින්න. ඒ වගේම උණ වැලඳී ඇති රෝගියෙකුගෙන් වෛද්‍යවරයෙකු විමසිය යුතුම දෙයක් තමයි රට ගියා ද? කියන කාරණය. රට ගිහින් ආවා නම් අනිවාර්යයෙන්ම මැලේරියා පරීක්ෂණය සිදු කරගත යුතුයි. ඒ වගේම යම් අයෙක් මැලේරියාව ඇති රටකට ගිහින් ආවොත් වසර තුනක් යන තුරු කිසිවකුට ලේ දීමක් සිදු කරන්න බෑ. එය තහනම්. මොකද රුධිරය හරහා මැලේරියාව බෝවිය හැකි වීමයි. එය නීතියක්.

    පුද්ගලික රෝහලකින් වුවද මැලේරියා රෝගියෙකු වාර්තා වුව හොත් අප වෙත දැන්විය යුතුයි. 0117626626 දුරකතන අංකය මැලේරියාව සම්බන්ධ ඕනෑම ගැටලුවකට විවෘතයි.

    දිනමිණ ඇසුරිනි

  • චිලි ව්‍යවස්ථා සභාවේ සභාපති පදවියට 21 හැවිරිදි විශ්වවිද්‍යාල ශිෂ්‍යාවක් පත්වේ !

    චිලි ව්‍යවස්ථා සභාවේ සභාපති පදවියට 21 හැවිරිදි විශ්වවිද්‍යාල ශිෂ්‍යාවක් පත්වේ !

    මේ සෑම වෙනසක්ම සිදු කිරීමට මුලින්ම පෙරමුණ ගනු ලැබුවේ තරුණ අපයි. ඒ නිසා රටේ අනාගතය තීරණය කරනු ලබන රටේ ඒකාධිපති ව්‍යවස්ථාව වෙනස් කර සැමට යුක්තිය හා සමානාත්මතාවය ඉටු කිරීමේ වගකීමෙන් පලායාමට අපට හැකියාවක් නෑ

    ලොව පුරා ලිබරල් බුද්ධිමතුන්ගේ සහයද ලබාගනිමින් චිලියේ කොමියුනිස්ට් පක්‍ෂයේ සහය ලැබූ වාමාංශික පෙරමුණේ නායක Gabriel Boric පසුගිය ජනාධිපතිවරණයෙන් ජය ගැනීමෙන් පසුව ඔහුට පැවරී ඇති ප්‍රධාන කාර්‍යය වී ඇත්තේ 1973 සිට එරට බලපවත්නා ඒකාධිපති හා ලිබරල්වාදී ලක්ෂණ සහිත ව්‍යවස්ථාව වෙනස් කිරීමයි.

    2019 වර්ෂයේදී චිලිය පුරා හඹා ගිය දැවැන්ත ශිෂ්‍ය හා තරුණ නැගිටීම තුලදී ඔවුන් ඉල්ලා සිටියේ මෙම පසුගාමී ව්‍යවස්ථාව වෙනස් කිරීමයි. ඒ අනුව 2020 වසරේදී සාමාජිකයින් 155 දෙනෙකු ගෙන් සමන්විත ව්‍යවස්ථා සභාවක් පත්වුණු අතර පසුගිය ජනාධිපතිවරණයේදී දක්ෂිණාංශික අපේක්ෂකයා පවසා සිටියේ ඔහු ජයගතහොත් මෙම ව්‍යවස්ථා සභාව විසිරුවා හැර නව ව්‍යවස්ථාවක් සම්පාදනය කිරීම අත්හිටුවන බවයි.

    Chile Assembly That's Rewriting Constitution Taps New Leadership - Bloomberg

    කෙසේවෙතත් මෙම ව්‍යවස්ථාව වෙනස් කරලීම සඳහා දැවැන්ත කාර්යභාරයක් සිදුකල ශිෂ්‍ය නායකයෙකු වූ Gabriel Boric එරට ජනාධිපතිවරණයෙන් ජයගත් පසු ව්‍යවස්ථා සභාව යලි සක්‍රිය කරන ලදී. ස්ත්‍රීවාදිනියෙකු හා තරුණ ශිෂ්‍ය නායිකාවක් මෙන්ම චිලී කොමියුනිස්ට් පක්‍ෂයේ සාමාජිකාවක් වන වන 21 හැවිරිදි Maria Elisa Quinteros එම සභාවේ සභාපතිණිය ලෙස පත්කර ගනුයේ බදාදා දිනයේ පැය 19ක් පුරා පැවති දීර්ඝ හා උණුසුම් විවාදයකට පසුවය. එහි උප සභාපති ලෙස 31 හැවිරිදි වෛද්‍යවරයෙකු වන Gaspar Dominguez තේරීපත් වී ඇත.

    2019 වර්ෂයේදී සන්තියාගෝ නුවර මධ්‍ය මහා විද්‍යාලයක උසස් පෙළ හැදෑරු Maria Elisa Quinteros එරට රජය විසින් දුම්රිය ටිකට් පත එරට මුදල් ඒකකය වන පෙසෝ 30කින් වැඩිකිරීමට එරෙහිව විරෝධය පෑවේ ටිකට් පත් මිලට නොගෙන දුම්රියේ ගමන් කරමිනි.

    මෙම විරෝධයත් සමගින් එරට තරුණයන් හා ශිෂ්‍යයන් ඇය සමග එක්වුයේ “පෙසෝ 30ක් නොව වසර 30ක්” පුරා තමන් මෙම ක්‍රමවේදය හේතුවෙන් පිඩා විඳින බව පිළිබිඹු කරන සටන් පාඨය ඇතුලත් විශාල පෙළපාලියක් එරට අගනුවරට කැඳවමිනි. එතැන් සිට දිනපතා දකුණු ඇමරිකාවේ පැසිස්ට්වාදයේ සංකේතය හා නව ලිබරල්වාදයේ පුස්ථකය ලෙස සැලකෙන එරට ඒකාධිපති ව්‍යවස්ථාව වෙනස් කරන ලෙස ඉල්ලා එරට ජනතාවද දහස් ගණනින් අරගලය සමග බද්ධ විය. පසුව 2020දී පැවැත්වූ ජනමත විචාරණයේදී 78%ජනතාවක් විසින් නව ව්‍යවස්ථාවක් සඳහා තම අනුමතිය ලබාදුනි. ඉන්පසුව නව ව්‍යවස්ථාවක් සම්පාදනය කරලීම සඳහා ව්‍යවස්ථා සභාවක්ද පිහිටුවනු ලැබීය.

    2022 ජනවාරි 6 වැනිදා සිට ඇය විසින් මෙම ව්‍යවස්ථා සභාවේ ක්‍රියාකාරකම් මෙහෙයවනු ලැබීමට ආරම්භ කෙරුණු අතර චිලී ඉතිහාසයේ මුල් වරට කාන්තාවන් 77 දෙනෙකු හා එරට ආදිවාසී ජනතාව නියෝජනය කරමින් නියෝජිතයින් 17ක් මෙම 155 දෙනෙකුන් යුත් ව්‍යවස්ථා සභාවේ සාමාජිකත්වය දරනු ලබයි. ඉන්පසුව 2022 ජුලි මාසයේදී සමස්ථ ව්‍යවස්ථාව ජනතා කැමැත්ත ලබා ගැනීම සඳහා ඉදිරිපත් කරනු ලබන අතර ඉන් පසුව සැප්තැම්බර් මාසයේදී එය ජනමත විචාරණයකින් අනුමත කර ගැනීමට නියමිතය.

    2019 චිලිය පුරා පැතිරී ගිය අසමානත්මතාවයට එරෙහිව අරගලය සමග සක්‍රියව සමබන්ධ වූ Maria Elisa Quinteros මෙම නව තනතුර පිළිබඳව මාධ්‍ය අමතා “මේ සෑම වෙනසක්ම සිදු කිරීමට මුලින්ම පෙරමුණ ගනු ලැබුවේ තරුණ අපයි. ඒ නිසා රටේ අනාගතය තීරණය කරනු ලබන රටේ ඒකාධිපති ව්‍යවස්ථාව වෙනස් කර සැමට යුක්තිය හා සමානාත්මතාවය ඉටු කිරීමේ වගකීමෙන් පලායාමට අපට හැකියාවක් නෑ” යයි පවසා සිටියාය.

    by lankatruth