Tag: featured

කිදෙල්පිටිය මහතා සරත් ෆොන්සේකා මහතා ගැන කතා කලේ මෙහෙමයි….

[rns_reactions]

එක්සත් ජාතික පක්ෂයේ හිටපු මහලේකම්වරයෙකු මෙන්ම හිටපු අමාත්‍යවරයෙකුද වන බී. සිරිසේන කුරේ මෙරට දේශපාලන කරළියේ නම ගිය චරිතයකි. එක්සත් ජාතික පක්ෂයේ ප්‍රබලම භූමිකාවට පණ දුන් සිරිසේන කුරේ යු.එන්.පි.යේ දේශපාලන චලනයන් ගැනද හොඳ අවබෝධයක් ඇත්තෙකි.

● ඔබ දේශපාලන කරළියේ රඟදුන් හැටියට මේ තරම් ‘සයිලන්ස්’ වෙයි කියලා කවුරුත් හිතුවේ නෑ.
ප්‍රේමදාස ජනාධිපතිතුමාගේ අභාවයත් එක්ක එක්සත් ජාතික පක්ෂයේ ඇති වුණු හැලහැප්පිලිවල ප්‍රතිඵළයක් විදියට මම ටිකක් දේශපාලනයෙන් ඈත් වුණා. මම ඔය කොහෙවත් බලෙන් රැඳිලා ඉන්න කෙනෙක් නෙවෙයි. මම එතකොට එක්සත් ජාතික පක්ෂයේ මහලේකම් මට තේරුණ විදියට ඒ වෙලාවේ ඇතිවුණේ ලොකු කුමන්ත්‍රණයක්. මම කාගෙවත් නම් ගම් කියන්න යන්නේ නෑ. මේවට සම්බන්ධ අයට ඕනෑ වුණේ මාව පක්ෂ මහලේකම් කමෙන් අයින් කරන්න. මම ඉන්නකම් ඒ ගොල්ලන්ට ඕන ඕන විදියට වැඩ කරන්න අමාරුයි ඒ බව ඒ ගොල්ලෝ දැනගෙන හිටියා. ඒකට ඒ අය කළේ විජේතුංග ජනාධිපතිතුමාගේ මනස වෙනස් කරපු එක. මම මේ දේවල් දැනගෙන හිටියා. පස්සෙ කාලෙක එක දවසක් මේ ගැන ලසන්ත වික්‍රමතුංග මාත් එක්ක ගොඩක් විස්තර කිව්වා.

ලසන්ත එතකොට පක්ෂය එක්ක සමීපව හිටියා. සිරසෙ සභාපති රාජා මහේන්ද්‍රන්ලාගේ ගෙදරදී තමයි ලසන්ත මේ දේවල් මට කිව්වේ. මට විරුද්ධව කෙරුණු කුමන්ත්‍රණය ගැන සියළු විස්තර ලසන්ත ඒ වෙලාවේ කිව්වා. මටත් ඕන වෙලා තිබුණා පක්ෂ තනතුරුවලින් අයින් වෙන්න. ප්‍රේමදාස ජනාධිපතිතුමා නැතිවුණු ගමන්ම වගේ පක්ෂයේ කෘත්‍යාධිකාරී මණ්ඩලයේදී මම කිව්වා මම පක්ෂ මහලේකම්කමෙන් අයින් වෙනවා කියලා. එතකොට විජේතුංග ජනාධිපතිතුමාට කැමති කෙනෙක් මහලේකම්කමට දාගන්න කියලා. විජේතුංග මහත්තයා කිව්වා මට අයින් වෙන්න එපා කියලා. හැබැයි පක්ෂෙ හරියට යන්නේ නෑ කියලා මට තේරුණා. ඔය අතරේ මම විදේශගතවෙලා ඉදලා ලංකාවට ආපු ගමන් කේ.එන්. චොක්සි මට කතා කරලා කිව්වා විජේතුංග ජනාධිපතිතුමා ගිහින් හම්බවෙන්න කියලා. ඒ ගියාම එයා කිව්වා “සිරි, පක්ෂෙ අය කියනවා ෆුල්ටයිම් සෙකටි්‍ර කෙනෙක් පත් කරන්න කියලා ඒක හින්දයි හම්බවෙන්න ඕනෑ කිව්වේ” කියලා. එයා මට මහලේකම්කමෙන් යන්න කියලා නොකියා කිව්වා. මම එක පාරට ඒකට කැමති වුණා. ඒ අය හිතුවේ මම ඒකට විරුද්ධවෙලා අස්වෙන්න බෑ කියයි කියලා. ඒ කියපු වෙලාවෙම මම විජේතුංග ජනාධිපතිතුමාගෙන් ඉල්ලුවා අලුත්කඬේ උසාවිය ළඟ හදපු ප්‍රේමදාස පිළිරුව විවෘත කරන්න එන්න කියලා. ඒකට හා කියලා කිව්වත් පස්සේ ඔහු ඒකට එන්න අකමැති වුණා. අන්තිමට ඒක විවෘත කරන්න ජේ.ආර්. ජයවර්ධන මැතිතුමා තමයි සම්බන්ධ වුණේ. මම ඒ වැඩෙන් පස්සේ මගේ ඉල්ලා අස්වීම විජේතුංග මැතිතුමා අතට දෙන්න හිටියේ. මම ඒ බව එතුමාට කිව්වා. ඒක කාටවත් කියන්න එපා කියලත් ඉල්ලුවා. ඒත් ඒක මාධ්‍යවලට ගිහින් තිබුණා. පත්තරවලින් එහෙමත් මට කතා කරලා ඇහුවා මේ ගැන. ප්‍රේමදාස පිළිරුව විවෘත කිරීමේ උත්සවය ඉවර වුණු ගමන්ම මම ගිහින් මහලේකම් ධූරයෙන් ඉල්ලා අස්වීමේ ලියුම විජේතුංග ජනාධිපතිතුමාට දීලා ආවා. මම පක්ෂයෙන් ඈත් වුණේ එතැන ඉඳන් තමයි. මගේ ආසනයත් මම රනිල් වික්‍රමසිංහට දුන්නා.

● හැබැයි ඔබට ජාතික ලැයිස්තු මන්ත්‍රීකමක් දෙන්න පක්ෂය සූදානම් වුණා නේද?
එයාලා එහෙම යෝජනා කළා. මම මුලින් ඒක ප්‍රතික්ෂේප කළා. පස්සේ නම දාගත්තා. ඒත් ඡන්දෙ ඉවරවෙලා ජාතික ලැයිස්තුවෙන් මන්ත්‍රීවරු පත් කරද්දී මාව තෝරගත්තේ නෑ. මගේ නම තමයි ජාතික ලැයිස්තුවෙ මුලින්ම තිබුණේ. පස්සේ මගෙ නම තුන්වෙනි තැනට වැටුණා. ඊට උඩින් අනුර බණ්ඩාරනයකයි කේ.එන්. චොක්සියි දෙන්න දැම්මා. ජාතික ලැයිස්තුවෙන් මන්ත්‍රීවරු පත් කරද්දී මාව ආපහු පැත්තකට තල්ලු කෙරුවා. මම ඒකට කතා කරන්න ගියෙත් නෑ. මන්ත්‍රී කමක් ඉල්ලලා ගියෙත් නෑ. එතැන ඉඳලා මම ඈත් වුණා. ඒ වෙද්දී පක්ෂයේ ඉඳපු සමහරු විජේතුංග ජනාධිපතිතුමා නොමඟ යැව්වා. ඒ ගොඩක් අය අද ජීවතුන් අතරත් නෑ.

● රණසිංහ ප්‍රේමදාසයි සිරිසේන කුරේයි හරියට ඇඟේ කෑලි වගේ හිටියේ. මොකක්ද මේ හාදකම?
ඒක ටිකක් දිග කතාවක්. ප්‍රේමදාස මහත්තයා අපේ අයියගේ යාළුවෙක්. අපේ ගෙදරත් නිතර යනවා එනවා. අපේ තාත්තා මට දවසක් කිව්වා උඹ දේශපාලනය කරන්න හිතාගෙන ඉන්නවානම් අයියා එක්ක යන්න එපා ප්‍රේමදාස ළමයා එක්ක පලයං” කියලා. අපේ අයියත් දේශපාලනය කළා. නාගරික මන්ත්‍රී එයා ඒ කාලේ. මමත් ප්‍රේමදාස මහත්තයට ටික ටික කිට්ටු වුණා. අයියයි ප්‍රේමදාස මහත්තයයි අතරේ ඇති වුණු පුංචි වාද විවාදයක් වෙලාවේ මම අයියගේ පැත්ත ගත්තේ නැතුව ප්‍රේමදාස මහත්තයාගේ පැත්ත ගත්තා. එතනින් එයාට මං ගැන විශ්වාසය වැඩි වුණා. ප්‍රේමදාස මහත්තයට ඉඳපු අංක එකේ සපෝටර් තමයි මම. ඒ ගැන මම අදත් සතුටුයි. මම ඇත්තටම අගය කරන චරිතයක් තමයි ප්‍රේමදාස කියන්නේ. පොඩිම තැනකින් ඇවිත් ඉහළම තැනට ගියා. ජනාධිපතිතුමාට අවශ්‍යයි කියලා තිබුණු සුදුසුකම් නැතත් ඔහු අධිෂ්ඨානය නිසා එතෙනට ගිය කෙනෙක්.

● කොළඹ නගරාධිපතිවරුන්ගේ ලැයිස්තුවේ සිරිසේන කුරේ ඉන්නෙ කොයි වගේ තැනකද?
ඒ තැන මොකක්ද කියන්න මම දන්නේ නෑ. ඒත් මම කොළඹ නගරාධිපති විදියට විශාල වැඩ කොටසක් කළා. මම මැලේසියාවේ තානාපති විදියට වැඩ කරන අතරේ දවසක් ජේ.ආර්. ජයවර්ධන ජනාධිපතිතුමා මට කතා කරලා කිව්වා නගරාධිපතිකමට ඉල්ලන්න කියලා. මම ඒකට කැමති වුණේ නෑ. ඒ වෙනකොට ප්‍රේමදාස මහත්තයත් විවිධ අය ලව්වා මට නගරාධිපති කමට ඉල්ලන්න කියලා කියෙව්වා. ප්‍රේමදාස මහත්තයට තමයි වැඩිපුරම ඕනකම තිබුණේ මාව නගරාධිපති තරගෙට දාන්න. 1979 ඉදලා මම තමයි වැඩිම කාලයක් කොළඹ නගරාධිපති වෙලා ඉඳලා තියෙන්නේ.

● ප්‍රේමදාස මහත්තයාගේ ජනාධිපතිවරණ සටන කරට අරන් වැඩ කළේ ඔබ.
ප්‍රේමදාස මහත්තයට ජනාධිපතිකමට ඉල්ලන්න තිබුණේ දෙපැත්තෙන්ම භීෂණය තිබුණු වෙලාවක. රට පුරාම දරුණු තත්ත්වයක් තිබුණේ. පක්ෂය ඇතුළෙත් විවිධ අර්බුද තිබුණා. ජනාධිපති තරඟයට ප්‍රේමදාස ආපු එකට පක්ෂයේ සමහර ජ්‍යෙෂ්ඨයෝ කැමැති වුණෙත් නෑ. පක්ෂයේ සහයෝගයත් අඩු වුණා ඒ නිසා තමයි ඒ ඡන්දෙ කරන්න මාව ඉලෙක්ෂන් කැම්පේන් මැනේජර් කළේ. එතකොටත් මම කොළඹ නගරාධිපති. අපි අමාරුම ඡන්දයක් තමයි ඒ වෙලාවේ කළේ. ජනාධිපතිවරණයෙන් පස්සේ එයාට ඕන වුණා මහමැතිවරණයට මාව දාලා පාර්ලිමේන්තුවට ගන්න. මම ඒකටත් අදිමදි කළා. මම නගරාධිපති විදියට ඉන්න කොට ඊට වඩා වැඩ කරන්න පුළුවන් කියලා හිතුවා. ඒ මහමැතිවරණයේදී කොළඹ දිස්ත්‍රික්කයේ අංක එකට එන්න ලලිත් ඇතුලත්මුදලි ලොකු කැම්පේන් එකක් කළා. එයා ප්‍රේමදාස ජනාධිපතිතුමාට ලියුමක් ලියලා තිබුණා මාව මහමැතිවරණයෙත් කැම්පේන් මැනේජර් කරන්න කියලා.

● ඒ කියන්නේ ලලිත්ට ඕන වුණේ සිරිසේන කුරේ කොළඹට තරඟ කරන එක නතර කරන්න කියලද ඔබ හිතන්නේ?
ඒක මට හරියටම කියන්න බෑ. ඒ වගේ දෙයක් තමයි වුණේ. ඒත් ප්‍රේමදාස මහත්තයා ඒකට කැමති වුණේ නෑ. ලලිත් මගේ සංවිධාන ශක්තිය ගැන ලොකු ඇගැයීමක් කරලා තිබුණා ජනාධිපතිතුමාට.

● කොහොම හරි ඡන්ද ප්‍රතිඵලය අනුව ඔබ ලලිත්ට විතරයි දෙවැනි වුණේ.
ඔව්. කොළඹින් ලලිත් එකට එද්දී මම දෙවැනියා. හැබැයි ඡන්ද ප්‍රතිඵල දැනගත් ගමන් ලලිත් මට කතා කරලා කිව්වේ “සිරි මගේ ජයග්‍රහණයට වඩා උඹේ ජයග්‍රහණය තමයි ලොකු කියලා. මොකද ලලිත් දන්නවා එයා තරම් මම ලොකුවට කැම්පේන් එක කළේ නෑ කියලා.

● ප්‍රේමදාස ආණ්ඩුවෙ ඔබට ලැබුණෙ ඊට කලින් ප්‍රේමදාස කරපු නිවාස ඇමතිකම. ඒක අභියෝගයක් විදියටද යාළුකම වැඩිකමටද ප්‍රේමදාස ජනාධිපතිතුමා ඔබට දුන්නේ?
ඒක මම දන්නේ නෑ. මම ඇමතිකම මට පුළුවන් විදියට කළා. ප්‍රේමදාස මහත්තයා හැබැයි යාළුකමටම වැඩ කරන කෙනෙක් නෙවෙයි.

● හැබැයි ඔබට යූ.එන්.පී එකේ මහලේකම්කමත් දෙනවා.
ඒක ලැබුණේ රන්ජන් විජේරත්නගේ මරණයෙන් පස්සේ එතන පුරප්පාඩුවක් ඇති වුණාම. මම මහලේකම් විදියටත් මගේ උපරිම ශක්තියෙන් වැඩ කරලා පක්ෂය ඉදිරියට ගෙනිච්චා.

● ප්‍රේමදාස ජනාධිපති දකුණේ තරුණ නැගිටීම මර්දනය කරන්න ගත්තු ක්‍රියාමාර්ග ඇතුළේ සිරිසේන කුරේගේ නමත් කියවුණා. ඔබලා ඇත්තටම ඒකට කරපු ඔපරේෂන් මොකක්ද?
ඒ වෙද්දී රට පුරාම භීෂණය රජ කළා. තරුණයෝ ඝාතනය විශාල වශයෙන් වැඩි වුණා. භීෂණය මර්දනය කරන්න කිසිම ක්‍රමවත් වැඩපිළිවෙළක් තිබුණේ නෑ. එක් එක්කෙනාට ඕනැ ඕනැ අය අතුරුදන් වෙන්න ඝාතනය වෙන්න පටන් ගත්තා. ජේ.වී.පී නොවන අයත් මේවට පැටලුණා. මේක ක්‍රමවත් විදියකට කරලා භීෂණය නවත්වන්න ඕනෑ කියලා අපි හිතුවා. මම දවසක් කැබිනට් රැස්වීමේදී මේ ගැන දිර්ඝව කතා කළා. මම කිව්වා මේ විදියට ගියොත් වැඩි දවසක් යන්න කලින් ආණ්ඩුවත් ඉවරයි කියලා. පිළිවෙළක් නැතුව පොඩි පොඩි අය අල්ලන්නේ නැතුව කොහොම හරි නායකයින්ම අල්ලන්න ඕනෑ කියලා මගේ යෝජනාව වුණේ. ආරක්ෂක අංශයේ ඉඳපු ලොක්කෙක් සහ අමාත්‍යංශයේ ලොක්කෙක් මාව මුණගැහිලා මේ භීෂණය මැඩපවත්වන්න පුළුවන් ක්‍රමයක් මට පැහැදිලි කළා. මම ඒක ජනාධිපතිතුමාට දැනුම් දුන්නා. ආරක්ෂක අංශ සියල්ල එක තැනකින් පාලනය වෙන ක්‍රමයකට වැඩපිළිවෙළක් හදලා මේකට මුහුණ දෙන්න ඕනෑ කියලා මම කිව්වා. ඒකට ක්‍රමවත් සැලසුමක් හැදුවා. මම මේකට යෝජනා සියල්ල දුන්නා. විශේෂ ඒකකයක් හැදුවා. මේකට “ඔෆ්කොම්බයින්” කියලා කිව්වේ. අපේ ගෙදර තමයි මේ ගැන සාකච්ඡා කළේ. එවකට මේජර් ජානක පෙරේරා ඇතුළු පිරිස මේකට සම්බන්ධ වුණා. ඒගොල්ලෝ හරියට ඒක කරලා වැඬේ ඉවර කළා.

● ඔය අස්සේ කහ බළල්ලු කළු බළල්ලු එක එක ජාතියේ කල්ලි ගේම් දුන්නා. ඒ අය ගැන ඔබලා දන්නේ මොනවද?
අනේ ඒ ගැන මම දන්නේ නෑ. අපි ඒ වගේ කල්ලි හැදුවේ නෑ. ඔය එක එක කතා ප්‍රචාරය වුණාට ඒවා ඇත්ත නෙවෙයි. ආණ්ඩුව අවිගත් කණ්ඩායම් හැදුවේ නෑ, ඒත් මේ අවස්ථාවෙන් ප්‍රයෝජනය අරගෙන විවිධ කල්ලි ක්‍රියාත්මක වෙන්න ඇති. විජේවීර මියගිය බව වුණත් මට රන්ජන් විජේරත්න තමයි කෝල් කරලා කිව්වේ.

● ඒ භීෂණය මර්දනය කරන අතරේ ඔබේ මස්සිනා වුණු සෝමවංශ අමරසිංහ රටින් පිටකළා කියලත් කතාවක් පැතිරුණා.
ඒක සම්පූර්ණ අසත්‍යයක්. මගේ අයියා බැඳලා හිටියේ සෝමවංශගේ සහෝදරියක්. හැබැයි එහෙමයි කියලා අපි අතරේ ඒ හැටි සමීපතාවයක් තිබුණේ නෑ. අපි හමුවුණෙත් ඥාති මඟුල් ගෙයක් වගේ තැනකදී. එයා ඉස්සර ඉරිගේෂන් එකේ වැඩ කළේ. අපේ අයියලයි ගෙදර ඉඳලා තමයි වැඩ කළේ. මට පුදුමත් හිතුණා මිනිහා ජේ.වී.පී කාරයෙක් කිව්වාම. 71 කැරැල්ල වෙලාවේ එයා අත්අඩංගුවට ගත්තාම එයාගේ සහෝදරියයි අපේ අම්මයි ඇවිත් එයාව බේරගන්න කියලා මගෙන් ඉල්ලුවා. මම එතකොට නාගරික මන්ත්‍රී. මම මේ ගැන ප්‍රේමදාස මහත්තයට කිව්වා. එයා මට කිව්වා “පොලිසියට යන්න එපා ඔයාටත් ලෙඩක් වැටෙයි” කියලා . එතකොටයි මම දන්නේ මිනිහා ජේ.වී.පී. කරනවා කියලා. මට පුදුම හිතුණා ඒ වෙලාවේ.

● ප්‍රේමදාස ජනාධිපති එක්ක ඔය තරම් ළඟින් ඉඳපු ඔබට ඔහුගේ මරණය ගැන මොකද හිතෙන්නේ?
එක් හරිම කනගාටුදායක මරණයක්. එදා මැයි දිනයෙත් පෙළපාළිය සංවිධාන වැඩ මම තමයි මූලික වෙලා කළේ. ඒ වෙලාවේ අපේ පක්ෂයට අමාරු වෙලාවක්. ලලිත් ඇතුලත්මුදලිත් ඝාතනය වෙලා නරක නාමය ඇවිත් තිබුණු වෙලාවක් ඒක.

● ඒ චෝදනාවේ කොටසක් ඔබටත් ආවා. ඇත්තටම ලලිත් ඇතුලත්මුදලිට මොකද වුණේ.
ඔව්. ඒකට මටත් චෝදනාවක් ආවා. එකෙන් මගේ සිවිල් අයිතිවාසිකම් පවා නැති වුණා. ලලිත්ලට ප්‍රේමදාස ජනාධිපති තුමා එක්ක මතගැටුමක් තිබුණා. ප්‍රේමදාස ජනාධිපති වුණු ගමන් කරපු ලොකුම වැරැද්ද තමයි විජේතුංග අගමැති කරපු එක. ඒක ලලිත්ට හරි ගාමිණීට හරි දෙයි කියලා කවුරුත් හිතුවේ. ඒ දෙන්නා මේක ලොකුවටම බලාපොරොත්තු වුණා. මමත් හිතුවේ ඒ දෙන්නාගෙන් කෙනෙකුට දෙයි කියලා. විජේතුංගට අගමැතිකම දුන්නාම මමත් ප්‍රේමදාස මහත්තයාගෙන් ඇහුවා ඇයි එහෙම කළේ කියලා. එතකොට එයාට තරහ ගියා. එයා කිව්වේ “සිරිසේනට මතක නැද්ද උන් අපිට කරපුවා” කියලා. මටත් මේ සිදුවීම හිතාගන්නත් බැරි දෙයක්. මට නිකමටවත් කිව්වේ නෑ මේ වගක් කලින්. මම විජේතුංග අගමැති කළා කියලා දැනගත්තේ රේඩියෝ එකෙන්. මම මේ ගැන ප්‍රේමදාස ජනාධිපතිතුමා එක්ක වාද කරගත්තා එදා. එයාට ප්‍රශ්නයක් තිබුණේ ලලිත්ලා ගාමිණිලා පක්ෂය ගැන නොහිතා වැඩ කරනවා කියන එක. පක්ෂ නායකත්වය විවේචනය කිරීමත් එයාට ඇල්ලුවේ නෑ. මොකද ජේ.ආර්. ජයවර්ධන ජනාධිපතිතුමාගෙන් මොන ප්‍රශ්නය ආවත් ප්‍රේමදාස මහත්තයා ඒවා ඔක්කොම ඉවසාගෙන හිටියා. මට ප්‍රේමදාස මහත්තයා පොරොන්දු වුණා අවුරුද්දකට පස්සේ ලලිත්ලා ගාමිණීලා පක්ෂයට හිතවත්ව හොඳට වැඩ කළොත් අගමැතිකම විජේතුංගගෙන් අයින් කරලා ඒ දෙන්නගෙන් කෙනෙකුට දෙනවා කියලා. ලලිත් ඒකට එකඟ වුණත් ගාමිණී එකඟ වුණේ නෑ. මේ එක්කම ගැටුම උග්‍ර වුණා. හැබැයි ලලිත්ගේ මරණයට ප්‍රේමදාස මහ්තයාගේ කිසිම සම්බන්ධයක් නෑ. ඒක මම හොඳටම දන්නවා.
● අර ඔබ “අපේ ළමයෙක්” කියපු සොත්ති උපාලි එක්ක මොකක්ද තිබුණු ගනුදෙනුව?
එයා ඔය පාතාලේ මිනිහෙක් නෙවෙයි. පිඩලි ගහන කොන්ත්‍රාත්කාරයෙක් විදියට තමයි එයා අපි අඳුනගත්තේ. ජනාධිපතිවරණය කාලේ අපේ ඡන්ද වැඩවලට උදවු කරන්න ආවා. ප්‍රේමදාස මහත්තයාගේ ජනාධිපතිවරණ ප්‍රචාරක වැඩවලදී භීෂණය නිසා ඒ වැඩ කරන්න ගොඩක් අය අදිමදි කරද්දී මෙයා ඒවට සහයෝගය දුන්නා. ඒ ඇරෙන්න වෙන කිසිම නරක වැඩක් එයා ලව්වා අපි කෙරෙව්වේ නෑ. එක එක්කෙනා ඔය වගේ කතා කිව්වා. ඒත් ඒවා බොරු කතා. පත්තරේකින් ඇහුවා වතාවක් උපාලි ගැන. මම කිව්වා එයා අපි දන්න ළමයෙක් කියලා. මම මොකටද බොරු කියන්නේ. උපාලි මම දන්න කෙනෙක්නෙ ඉතිං. එහෙම නැතුව අපි ඔහු ලව්වා වැරදි වැඩ කෙරෙව්වා කියන එක නම් සම්පූර්ණ බොරු කතාවක්.

● දැන් කොහොමද සිරිසේන කුරේගේ දින චර්යාව ගෙවෙන්නේ?
මම මුණගැහෙන්න අදත් බොහෝ අය එනවා. මම තාම සමාජ සේවා කටයුතු කරනවා. සක්‍රීයව දේශපාලනයේ නැතත් අපිත් එක්ක ඉඳපු මිනිස්සු තාම අපි එක්ක ගනුදෙනු කරනවා. මගේ ජීවිත කතාව පොතක් විදියට ලියාගෙන යනවා. ඉදිරියේදී ඒක එළිදක්වන්න බලාපොරොත්තු වෙනවා.

● දැන් යූ.එන්.පී. එක ගැන මොකද හිතෙන්නේ?
ඒ ගැන නම් කතා කරන්න මම කැමති නෑ.

[rns_reactions]

SLVLOG තුලින් රන්ජන් රාමනායක මහතා “අන්තිමේදී රන්ජන් රාමනායකත් හොරකම් කරලා” යනුවෙන් ආන්දෝලනාත්මක වීඩියෝවක්  නිකුත් කර තිබෙනවා. එම වීඩියෝවේ සඳහන් කරුණු කාරණාවලට රංජන් මහතා අවංක පිළිතුරක් ලබා දී තිබෙනවා. 

එම වීඩියෝව පහතින් නරබන්න….

අනෙකුත් දේශපාලකයන් තමන්ට චෝදනාවක් නැගෙන විට එම චෝදනාවෙන් නිදොස් වීම සඳහා දස අතේ බොරු ටොන් ගණන් කිසිම ලැජ්ජාවකින් තොරව  කියන අපුරුව  අප හොදින් දැක ඇත.  නමුත් රංජන් මහතා තම facebook පිටුව හරහා එහි සත්‍ය සිද්දිය කුමක් දැයි අවංකව ප්‍රකාශ කර ඇත..

උපුටා ගැනීම…

“ස්වභාවධර්මයට බොරු කළ නොහැක

රන්ජන් රාමනායක වාහන හොරකමක නියැළුණු බවට ඇතැම් මාධ්‍ය ප්‍රචාරයක් ගෙනයනවා. ලක්ෂ 400 ඇමති වාහන, සැප නිවාස හා පාර්ලිමේන්තු දීමනා ප්‍රතික්ෂේප කළ මන්ත්‍රීවරයෙක් ලෙස, පාර්ලිමේන්තු මන්ත්‍රීවරුන් 225ට ලබාදෙන පුද්ගලික මන්ත්‍රී වාහන බලපත්‍රය මා ලබාගැනීමයි ගැනයි මෙලස විවේචනයට ලක්ව තිබෙන්නේ.

මෛත්‍රිපාල සිරිසේන, මහින්ද රාජපක්ෂ, වාසුදේව නානායක්කාර ඇතුළු පාර්ලිමේන්තු මන්ත්‍රීවරුන් 225 දෙනා බලපත්‍ර ලබාගැනීමේදී විවේචනය නොවීමත් මා බලපත්‍රය ලබාගැනීමේදී විවේචනයට ලක්වීම ගැනත් මට ඇත්තේ සතුටකි.

චීනයේ බෙයිජිං නුවර පැවැත්වෙන  “එකම තීරයක්-එකම මාවතක්” මහා සමුළුව සඳහා සහභාගීවීමට ශ්‍රී ලංකා අග්‍රාමාත්‍ය රනිල් වික්‍රමසිංහ මහතා සහ මහාචාර්ය මෛත්‍රී වික්‍රමසිංහ මහත්මිය හෙට(13)  දිනයේ පිටත්ව යෑමට නියමිතය.

මෙහි පැවැත්වෙන ඉහළ පෙළේ වට මේස සාකච්ඡාවට රටවල් 30 ක් නියෝජනය කරමින් නායක නායිකාවෝ සහභාගී වන බව වාර්තා වෙයි.

චීන ජනාධිපති ෂී ජින් පිං මහතාගේ සංකල්පයක් අනුව ඇරඹුණු ‘තීරයක් සහ මාවතක්’ ප්‍රයත්නය ඔස්සේ සාමූහික වශයෙන් රටවල් වෙත ලබා ගත හැකි ප්‍රතිලාභ සම්බන්ධව මෙහිදී වැඩි අවධානයක් යොමු කෙරෙනු ඇත.

විශේෂ කාර්ය භාර අමාත්‍ය ආචාර්ය සරත් අමුණුගම, නගර සැලසුම් සහ ජල සම්පාදන අමාත්‍ය රවුෆ් හකීම්, නීතිය හා සාමය සහ දක්‍ෂිණ සංවර්ධන අමාත්‍ය සාගල රත්නායක, සංවර්ධන උපාය මාර්ග සහ ජාත්‍යන්තර වෙළඳ අමාත්‍ය මලික් සමරවික්‍රම, අග්‍රාමාත්‍ය ලේකම් සමන් ඒකනායක, අතිරේක ලේකම් සමන් අතාවුදහෙට්ටි, විදේශ කටයුතු අමාත්‍යංශයේ නැගෙනහිර ආසියානු සහ ශාන්තිකර කලාපීය අධ්‍යක්‍ෂ සාවිත්‍රි පානබොක්කේ, විදේශ සම්පත් දෙපාර්තමේන්තුවේ වැඩබලන අධ්‍යක්‍ෂ ඩී. එම්. එස්. ද සිල්වා, අග්‍රාමාත්‍ය විශේෂ සහයිකා සැන්ඩ්‍රා පෙරේරා යන මහත්ම මහත්මීහු ද මේ සංචාරයට එක්වන බව සඳහන්ය.

[rns_reactions]

මෙවර වෙසක් පොහෝදින මරණයට කැපවූ ගවයෙක් මරණින් මුදාගෙන අභය දානමය පිංකමක් සිදුකිරීමට කොලොන්නාව ආසනයේ නිදහස් පක්ෂ ප්‍රධාන සංවිධායක ප්‍රසන්න සෝලංගආරච්චි කටයුතු කිරීම සියලුදෙනාගේ ප්‍රශංසාවට ලක්වී ඇත…

උපුටාගැනීම ඔහුගේ මුහුණු පොතෙන්…

https://www.facebook.com/PrasannaSolanga/posts/774187852741256

https://www.facebook.com/PrasannaSolanga/posts/774246772735364

[rns_reactions]