ජනවාරි 1 වැනිදා සිට පොදු ස්ථානවලට පැමිණෙන පුද්ගලයින්ට කොවිඩ් එන්නත් කාඩ්පත අනිවාර්ය කරන බව සෞඛ්ය අමාත්යවරයා පවසයි.
කොවිඩ් සෞඛ්ය මාර්ගෝපදේශ පිළිපැදීමට පුද්ගලයින් කටයුතු නොකිරීම හේතුවෙන් එන්නත් කාඩ්පත අනිවාර්ය කිරීමට තීරණය කළ බවයි නව තීරණයට හේතු දක්වමින් සෞඛ්ය ඇමැතිවරයා ප්රකාශ කර තිබෙන්නේ.
‘‘පුද්ගලයන් කොවිඩ් එන්නත් කාඩ්පත හෝ එහි පිටපතක් ළඟ තබාගත යුතුයි. එසේ නොවන්නේ නම් QR කේතය සහිත ඩිජිටල් එන්නත් කාඩ්පතේ පිටපතක් ළඟ තබාගත යුතුයි‘ සෞඛ්ය ඇමැතිවරයා පැවසුවේය.
අග්නි පී යනු කිලෝමීටර් 1,000 ත් 2,000 ත් අතර පරාසයක හැකියාව ඇති අග්නි වර්ගයේ මිසයිලවල නව පරම්පරාවේ උසස් ප්රභේදයකි.
නව පරම්පරාවේ න්යෂ්ටික ධාරිතාව සහිත බැලස්ටික් මිසයිල අග්නි පී (අග්නි ප්රයිම්) මෙම වසරේ අඛණ්ඩව දෙවන වරටත් සෙනසුරාදා සාර්ථකව අත්හදා බලන ලදී.
ඉන්දීය ආරක්ෂක පර්යේෂණ සහ සංවර්ධන සංවිධානය (DRDO) ඔඩිෂා වෙරළට ඔබ්බෙන් වූ ආචාර්ය අබ්දුල් කලාම් දූපතේ සිට පරීක්ෂණය සිදු කළ බව ඉන්දීය ආරක්ෂක අමාත්යාංශය පවසයි. පළමු සාර්ථක පරීක්ෂණය මෙම වසරේ ජුනි 28 වන දින එම ස්ථානයේදීම සිදු කර ඇත.
අග්නි පී (අග්නි ප්රයිම්) යනු කිලෝමීටර් 1,000 ත් 2,000 ත් අතර පරාසයක හැකියාව ඇති අග්නි වර්ගයේ මිසයිලවල නව පරම්පරාවේ උසස් ප්රභේදයකි.
නැඟෙනහිර වෙරළ තීරයේ ස්ථානගත කර ඇති විවිධ ටෙලිමෙට්රි, රේඩාර්, විද්යුත් දෘෂ්ය මධ්යස්ථාන සහ පහළ පරාසයේ නැව් මිසයිල ගමන් පථය සහ පරාමිතීන් නිරීක්ෂණය කළහ. “මෙම මිසයිලය උසස් මට්ටමේ නිරවද්යතාවයකින් සියලුම මෙහෙයුම් වල අරමුණු සපුරාලීමට ගමන් පථය අනුගමනය කළේය” යැයි ආරක්ෂක අමාත්යාංශය පැවසීය.
අග්නි පී යනු ද්විත්ව සංචාලන සහ මාර්ගෝපදේශ පද්ධතිය සහිත අදියර දෙකකින් යුත් කැනිස්ටරීකරණය කළ ඝන ප්රචාලක බැලස්ටික් මිසයිලයකි. මෙම දෙවන පියාසැරි පරීක්ෂණය මඟින් පද්ධතියට ඒකාබද්ධ කර ඇති සියලුම දියුණු තාක්ෂණ උපාංග වල විශ්වසනීය ක්රියාකාරීත්වය ඔප්පු කර ඇති බව ආරක්ෂක අමාත්යාංශය පෙන්වා දෙයි.
බැලස්ටික් මිසයිලයේ බර අග්නි III ට වඩා සියයට 50 කින් අඩු වන අතර නව මග පෙන්වීමක් සහ නව පරම්පරාවේ ප්රචාලනයක් ඇත. මිසයිලය කැනිස්ටරයිස් කර ඇති බැවින්, එය දුම්රියෙන් සහ මාර්ගයෙන් දියත් කර දිගු කාලයක් ගබඩා කර මෙහෙයුම් අවශ්යතා අනුව රට පුරා ප්රවාහනය කළ හැකිය.
සාර්ථක ගුවන් ගමන් පරීක්ෂණය සඳහා ආරක්ෂක අමාත්ය රාජ්නාත් සිං ඉන්දීය ආරක්ෂක පර්යේෂණ සහ සංවර්ධන සංවිධානය වෙත සුබ පැතූ අතර පද්ධතියේ විශිෂ්ට කාර්ය සාධනය පිළිබඳව සිය සතුට පළ කළේය.
ආරක්ෂක දෙපාර්තමේන්තුවේ ලේකම් සහ සභාපති ඉන්දීය ආරක්ෂක පර්යේෂණ සහ සංවර්ධන සංවිධානය සතිෂ් රෙඩ්ඩි අතිරේක විශේෂාංග රැසක් සමඟින් දෙවන සංවර්ධන පියාසැරි අත්හදා බැලීම සඳහා කණ්ඩායම දරන උත්සාහය අගය කළේය. එම කැලැන්ඩර වර්ෂය තුළම අඛණ්ඩව සාර්ථක වීම වෙනුවෙන් ඔහු ඔවුන්ට සුබ පැතුවේය.
indianewsnetwork
වසරකට අධික කාලයක් සිට කොරෝනා වෛරසයට බිය වූ තම සැමියා කුඩා දරුවන් දෙදෙනා සහ තමන් නිවසක දමා සිරකරගෙන සිටීම නිසා දැඩි පීඩනයකට පත්ව ඇති බව පවසා 31 හැවිරිදි බිරිඳක් ඊයේ (18) ගලේවෙල මකුලුගස්වැව පොලීසියට පැමිණිල්ලක් ඉදිරිපත් කොට නිවසින් බැහැරවී ගොස් ඇති බව පොලිසිය කියයි.
මෙම පැමිණිල්ල අනුව අද (19) දින මකුලුගස්වැව පොලිසියේ ළමා හා කාන්තා කාර්යාංශයේ ස්ථානාධිපතිනි උප පොලිස් පරීක්ෂකා ආර්. එන්. සි. දිල්හාරා මහත්මිය ඇතුළු කණ්ඩායමක් ගලේවෙල බඹරගස් වැව ප්රදේශයේ පිහිටි මෙම දරුවන් රඳවා ඇති නිවසට ගොස් කොරෝනා වලට බියේ සිරවී සිටින දරුවන් දෙදෙනාත් එම පියා ද පොලිසියට රැගෙන විත් ඇත.
මෙම පිරිම දරුවන් දෙදෙනා 07 හා 09 වැනි වියේ පසුවන බව පොලිසිය කියයි.
පසුගිය අගෝස්තු මස 6 වන දින ද මෙම කාන්තාව මකුලුගස්වැව පොලීසියට පැමිණ සැමියා විසින් තමන් සහ දරුවන් දෙදෙනා කුඩා කාමරයක දමා කිසිදු ආකාරයකින් තම පුද්ගලික අවශ්යතාවයකට හෝ වැසිකිළි කැසිකිළි යාමට හෝ එළියට බැසීමට ඉඩ නොදී කොරෝනා වැළඳේ යැයි බියෙන් කුඩා කාමරයක සිරකරගෙන සිටින බවට පොලිසියට පැමිණිලි කර ඇත.
පසුව පොලිසිය නිවසට ගොස් අදාළ සැමියා දැනුවත් කොට මනසික වෛද්යවරයකුට පෙන්වා ප්රතිකාර ලබාදී නැවත නිවසට පිටත් කර ඇත.
එහෙත් මෙම පුද්ගලයා ප්රතිකාර ඉවත දමා නැවතත් සුපුරුදු පරිදි කොරෝනා බෝ වීම වැළැක්වීම සඳහා දරුවන් පාසලට නොයවා ඔහුද ( ඔහු ලංගම බස් ඩිපෝවේ කොන්දොස්තර වරයෙකු ලෙස සේවය කරයි) සේවයෙන් පවා ඉවත්ව නිවසේ රැඳී සිටින බවත් පොලිස් පරීක්ෂණවලදී හෙළි වී ඇත.
මේ සම්බන්ධයෙන් අදහස් දැක්වූ මෙම පුද්ගලයාගේ පියා පොලිස් නිලධාරීන්ට මෙසේ පවසා ඇත. ‘අපේ පුතා අපි ගෙනැවිත් දෙන ආහාර දැඩි ලෙස පිරිසිදු කොට දරුවන්ට නිවස තුළට තබා කෑමට සකසා දෙනවා. කිසිදු ආකාරයකින් නිවස ආසන්නයේ හෝ නිවෙස ඇතුළත වෙනත් බඩු මුට්ටුවක් හෝ අතපත ගෑම සිදු නොකරන ලෙස දරුවන්ට කියනවා. දරුවන් මෙන්ම ඔහු ද නිරන්තරයෙන් සබන් වතුර සහ විවිධ විසබීජ නාශක යොදමින් පිරිසිදු වෙනවා‘
ආහර පිසීමට යොදා ගන්නා සහල් උර මෙන්ම සහල් ද උණු වතුර යොදා පිරිසිදු කිරීමෙන් පසුව නිවසට ගන්නා බවද ඔහුගේ දරුවන් හා දෙමාපියෝ පොලිසියට දන්වා ඇත.
මෙම තත්ත්වය ඉවසා ගැනීමටට නොහැකි වූ දරුවන්ගේ මව 18 දින මකුලුගස්වැව පොලිසියට පැමිණ මේ පිළිබඳව පැමිණිල්ලක් ඉදිරිපත් කොට නිවසෙන් පිටව ගොස් ඇතැයි පොලිසිය කියයි.
පොලිසියට රැගෙන විත් සිටියදී ද මෙම පියා කොරෝනා වෛරසය ශරීර ගත වේයැයි දැඩි බියකින් පසුවන බවත් තමන්ට මානසික රෝගයක් නොමැති බව පවසමින් ප්රතිකාර ගැනීම පවා ප්රතික්ෂේප කරමින් සිටින බව පොලීසිය කියයි.
කෙසේ වෙතත් පොලිස් භාරයට ගැනුණනු මෙම දරුවන් දෙදෙනා සහ පියා වෛද්යවරයකුට ඉදිරිපත් කිරීමෙන් අනතුරුව අධිකරණයට ඉදිරිපත් කොට ඉදිරි සුදුසු ක්රියාමාර්ග ගැනීම සඳහා පියවර ගන්නා බව මකුලුගස්වැව පොලීසිය ප්රකාශ කළේය.
නිවසෙන් බැහැරව ගිය බිරිඳට නැවත පොලිසියට පැමිණෙන ලෙස දැනුම් දී තිබෙන බව මකුළුගස්වැව පොලිසියේ ළමා හා කාන්තා කාර්යාංශයේ ස්ථානාධිපතිනි උප පොලිස් පරීක්ෂකා ආර්. එන්. සි. දිල්හාරා මහත්මිය පැවසුවාය.
පොලිසිය අවස්ථා කිහිපයකම මෙම නිවෙසට යන අවස්ථාවන්හිදී කුඩා කාමරයක මෙම දරුවන් රඳවා ගෙන සිටි බවත් එම දරුවන්ට හිරු එළිය නොවැටීම නිසාවෙන් සහ ඇවිදීමට ඉඩ පහසුකම් නොමැති නිසාවෙන් දැඩි මානසිනසික පීඩනයකට මෙන්ම ශරීර සෞඛ්යයද දැඩි ලෙස හානි වී තිබූ බව ළමා හා කාන්තා කාර්යාංශයේ කියයි.
සටහන සහ ඡායාරූප – කාංචන කුමාර ආරියදාස
වන්දි ලබා දීමේ ක්රමවේදය තවමත් ක්රියාත්මක නැහැ. මහවැලි ජලාශය ඉදිකිරීම් අවසන් වීම නිසා ඉදිරියේදී නව වැඩපිළිවෙළක් යටතේ මෙම ජනතාවට සහන සැලසීමට අවශ්ය පියවර ගන්නවා – මහවැලි බලධාරීන්
මොරගහකන්ද – කළුගඟ ජලාශයේ ඉදිකිරීම් සඳහා අවට ගම්මාන අත්පත් කර ගැනීමෙන් පසුව හුදෙකලාභාවයට පත්වූ ලග්ගල රාවණා ගම ප්රදේශයේ පදිංචිව සිටී ජනතාව නැවත පදිංචි කරවූ ස්ථානවල පොදු පහසුකම් නොමැති වීම නිසා දැඩි අසීරුතාවයකට පත්ව ඇතැයි පසුගිය දා අප එහි කළ සංචාරයේ දී හෙළිවිය.
ලග්ගල රාවණාගම ප්රදේශයේ පදිංචිව සිටි මෙම පිරිස් මහවැලි අධිකාරිය මගින් ලග්ගල නව නගරයේ පදිංචි කරවීම සිදු කොට වසරක පමණ කාලයක් ගත වී ඇතත් තවමත් එම ජනතාවට විදුලි බලය, ජලය, වන්දි මුදල් හෝ නිවසක් තනා ගැනීමටට නිසි වැඩපිළිවෙළක් සකස් නොකිරීම නිසා වීම ඔවුහු දුෂ්කරතාවයන්ට පත්ව සිටිති.
මෙම ජනතාව මොරගහකන්ද – කළු ගඟ ජලාශ ව්යාපෘති සඳහා තම ඉඩකඩම් දේපළ සියල්ල කැප කළ පිරිසකි.
හිටපු ජනාධාධිපති, වත්මන් අග්රාමාත්ය මහින්ද රාජපක්ෂ මහතා විසින් එවකට මොරගහකන්ද – කළුගඟ ජලාශයේ ඉදිකිරීම් ආරම්භ කිරීමත් සමඟ හිටපු ජනාධිපති මෛත්රීපාල සිරිසේන මහතා විසින් කළුගඟ ජලාශයේ ඉදිකිරීම් අවසන් කරන කාලය දක්වාම තම ගම්මාන වලට වී හුදෙකලාව ජීවත් වූ මෙම ජනතාව වන අලින් සමග දිනපතා දැඩි ජීවන අරගලයක් කළේය.
අවසානයේදී මොරගහකන්ද කළු ගඟ – ජලාශ ජනතා අයිතියට පත්කිරීමෙන් අනතුරුව හුදෙකලා ගම්මාන බවට පත්ව මෙම ජනතාවට ගම්මාන අත්හැර යන තත්ත්වයට පත්විය.
පසුව මහවැලි අධිකාරිය දැනුවත් කිරීමෙන් අනතුරුව තම ඉඩකඩම් ගේදොර සියල්ල අත්හැර දමා මහවැලිය විසින් ලබාදුන් ඉඩම් වලට පැමිණි අතර එදා සිට වසරක පමණ කාලයක් මූලික පහසුකම් වලින් තොරව දැඩි ආර්ථික දුෂ්කරතා මධ්යයේ ජීවත් වීමට ඔවුනට සිදුවිය.
අප මෙම ගම් ගම්මානයට යන අවස්ථාවේදී ද විදුලිය බලය ගම්ට ලබාදීම සඳහා විදුලිබල මණ්ඩලයේ සේවකයන් පැමිණියත් එම ස්ථානය හසලක සහ නාඋල විදුලිබල මණ්ඩල වලට අයත් ස්ථානයක් බව පවසා ඔවුන් පිටව යන්නට වීම විශේෂත්වයකි.
එමෙන්ම මහමහවැලි අධිකාරියේ කණ්ඩායමක්ද එම ගම්මානයේ සිටියදී අපට හමුවිය. අප මෙම ජනතාව විඳින දුක පිළිබඳව ඔවුන්ගෙන් විමසද්දී ‘අපිට මේක අදාළ නැහැයි‘ යැයි කියමින් ඔවුහු පිටව ගියහ.
මෙම ගම්මානයේ පදිංචිව සිටින ජනතාව කියා සිටියේ දිය නෑම සඳහා මහවැලියෙන් ජල බවුසර් රැගෙනවිත් දෙන බව ය. එහෙත් පානීය ජල සොයා කිලෝමීටර් ගණනාවක් තමන්ට ගමන් කිරීමද සිදුව තිබෙන බව ද දරුවන්ගේ අධ්යාපන කටයුතු සියල්ල නැවතී තිබෙන බවද රුපියල් පනස් දහසක මුදලක් වාඩි තනා ගැනීම සඳහා මහවැලි මගින් ලබාදී තිබුණ බවද ඔවුහු පවසති.
එහෙත් ඉතා දීර්ඝ කාලයක් පරම්පරා ගණනාවක් උල්පත් ජලය පානය කොට දිය නා ඉතා උසස් ජීවිත ගත කළ තමන්ට හුදෙකලා මිනිසුන් බවට පත්වීමට සිදු වී ඇතැයි ඔවුහු පවසති.
සමස්ත රටේ සංවර්ධනය වෙනුවෙන් මහවැලි අධිකාරියේ අවසාන වාරි ඉදි ඉදිකිරීම් වන විශාල ජලාශයකට තම ජීවිත කැප කළ එම ජනතාවට සහන සැලසීම පිළිබඳව මහවැලි බලධාරීන්ගේ අවධානය යොමුකර වන්නැයි ඔවුහු අප ගෙන් ඉල්ලා සිටියහ.
මොරගහකන්ද – කළු ගඟ ජලාශ භාර ඉඩම් අංශයේ ප්රධානී මහින්ද ජයසිංහ මහතා ගෙන් අප මේ පිළිබඳව විමසීමේ දී ඔහු කියා සිටියේ ලග්ගල මහියංගනය ප්රධාන මාර්ගයේ රාවණා ගම ප්රදේශය සහ එලවන කන්ඳ කොටසේ පවුල් රැසක් ඉවත් කිරීම සිදු කළ බවය. එම ජනතාවට වන අලි ගැටලු පැවතීම නිසා තම ගම්මාන වලින් ඉවත් වීමට අවැසි බව සඳහන් කිරීමත් සමග මහවැලියෙන් ඉඩම් ලබා දුන් බවද ඔහු පැවසුවේය. කෙසේ වෙතත් වන්දි ලබා දීමේ ක්රමවේදය තවමත් ක්රියාත්මකව නොමැති බවත් මහවැලි ජලාශය ඉදිකිරීම් අවසන් වීම නිසා ඉදිරියේදී වන වැඩපිළිවෙළක් යටතේ මෙම ජනතාවට සහන සැලසීමට අවශ්ය පියවර ගන්නා බවද ඔහු වැඩි දුරටත් සඳහන් කළේය.
සටහන සහ ඡායාරූප – කාංචන කුමාර ආරියදාස
විනය හමුදා නිලධාරියෙකුගේ ජීවිතයේ ඉහළම ගුණාංගයයි. සුබවාදී බව, ආත්ම විශ්වාසය සහ කණ්ඩායමේ සිටින සෙසු පිරිස කෙරෙහි තබන විශ්වාසය නායකයෙකුගේ සාර්ථකත්වයේ හදවත බව ජනාධිපති ගෝඨාභය රාජපක්ෂ මහතා පවසයි.
දියතලාව යුද හමුදා විද්යා පීඨයේ අද (19) පෙරවරුවේ පැවැති 96 වන විසිර යාමේ පෙළපාළිය පිළිගනිමින් ජනාධිපතිවරයා මේ බව සඳහන් කළේය.
සරල කාර්යය කෙරෙහි වුව ද දැඩි සැලකිල්ලක් දැක්වීම සහ සාමූහිකව වැඩ කිරීමේ හැකියාව පෝෂණය කිරීම හමුදාවේ ලක්ෂණයකි. පුද්ගලයෙකු වශයෙන් කෙතරම් දක්ෂ හෝ කුසලතා සහිත වුව ද අන් අයගේ සහයෝගය නොමැතිව සාර්ථක වීමට නොහැකි බව ජනාධිපතිවරයා පැවසීය.
නායකයෙකු ලෙස ගමන ආරම්භ කරන විට ඔබ යටතේ සිටින සොල්දාදුවන්, සාමාන්ය මිනිසුන් මිස සුපිරි මිනිසුන් නොවන බව වටහා ගත යුතුය. එවැනි සාමාන්ය මිනිසුන්ගෙන් විශිෂ්ට ප්රතිඵල ලැබෙන ආකාරයෙන් ක්රියා කිරීම නායකයෙකුගේ වගකීම බව ජනාධිපතිවරයා පෙන්වා දුන්නේය. වරින් වර පැන නගින පසුබෑම්, බාධක සහ දුෂ්කරතා මධ්යයේ වුව ද මිනිසුන්ට කරන තම මෙහෙවර කෙරෙහි අවධානය යොමු කළ යුතුය.
පසුබෑම් ගමන් මගෙහි කොටසක් වන අතර ඒවාට සාර්ථකව මුහුණ දී නිර්භිත තීරණ ගැනීමට නායකයා සමත් විය යුතු බව ජනාධිපතිවරයා විසින් පෙන්වා දෙනු ලැබීය.
උත්සව භූමියට පැමිණි ජනාධිපතිවරයා, රණවිරු ස්මාරකයට පුෂ්පෝපහාර දැක්වීමෙන් අනතුරුව විසිර යාමේ පෙළපාළිය නිරීක්ෂණය කළේය.
පාඨමාලා කාණ්ඩ 05ක් යටතේ පුහුණුව නිම කළ කෙඩෙට් නිලධාරීහු 316ක් අද විසිර ගියහ.
ශ්රී ලංකා යුද හමුදා විද්යා පීඨයට ඇතුළත්ව වසර 2යි මාස 09ක කාලයක් “රණ අධ්යයන විද්යාවේදී උපාධි පාඨමාලාව” හැදැරූ 73දෙනෙක්, ජෙනරාල් ශ්රීමත් ජෝන් කොතලාවල ආරක්ෂක විශ්වවිද්යාලයේ උපාධිලාභීන් 150දෙනෙක්, ස්වේච්ඡා කෙඩෙට් නිලධාරීහු 61දෙනෙක්, ස්වේච්ඡා කාන්තා කෙඩෙට් නිලධාරිනියෝ 15දෙනෙක් සැම්බියාව, මාලදිවයින සහ රුවන්ඩාව රාජ්යයන්ගෙන් පැමිණ පුහුණුව ලැබූ කෙඩෙට් නිලධාරීහු 06දෙනෙක් හා ඉන්දියාව, පාකිස්ථානය, බංග්ලාදේශය සහ නේපාලය යන රටවල පුහුණුව ලැබූ ශ්රී ලාංකික ශිෂ්ය බට නිලධාරීහු 05දෙනෙක් මේ පිරිසට අයත් වෙති.
ස්වේච්ඡා කාන්තා කෙඩෙට් නිලධාරිනී පාඨාමාලා අංක 17 ප්රථම ස්ථානයට හිමි ජනාධිපති කුසලතා සම්මානය එච්.ඒ.ටී. ප්රභාෂ්වරී, ස්වේච්ඡා කෙඩෙට් නිලධාරී පාඨමාලා අංක 60 ප්රථම ස්ථානයට හිමි ජනාධිපති කුසලතා සම්මානය සහ සෑම අතින්ම අතිශූර කෙඩෙට් නිලධාරියාට හිමි ගෞරව අසිපත ඒ.එම්.ඩී.ටී.එන්. පෙරේරා, නිත්ය කෙඩෙට් නිලධාරී පාඨමාලා අංක 89B ප්රථම ස්ථානයට හිමි ජනාධිපති කුසලාත සම්මානය ආර්.ටී.එල්.ඒ. සිල්වා, නිත්ය කෙඩෙට් නිලධාරී පාඨමාලා අංක 89B පාඨමාලාවේ සෑම අතින්ම අතිශූර කෙඩෙට් නිලධාරියාට පිරිනමන ගෞරව අසිපත එච්.ඊ.ඒ. රන්ජුල, නිත්ය කෙඩෙට් නිලධාරී පාඨමාලා 90 ප්රථම ස්ථානයට හිමි ජනාධිපති කුසලතා සම්මානය හා සෑම අතින්ම අතිශූර කෙඩෙට් නිලධාරියාට හිමිවන ගෞරව අසිපත ටී.ආර්.සී.ඩී. පතිනායක, නිත්ය කෙඩෙට් නිලධාරී පාඨමාලා අංක 89 ප්රථම ස්ථානයට හිමි ජනාධිපති කුසලතා සම්මානය හා සෑම අතින්ම අතිශූර කෙඩෙට් නිලධාරියාට හිමි ගෞරව අසිපත ඩී.එම්.එම්. රුක්ෂාන් දක්ෂතම විදේශීය කෙඩෙට් නිලධාරී ගෞරව යෂ්ටිය මාලදිවයින් ජාතික ඒ. ආදම් යන අයවලුන් ජනාධිපතිවරයා අතින් සිය සම්මාන හිමි කරගනු ලැබිණ.
පසුගිය මාසයේ දශකයකට ආසන්න ඉහළම මට්ටමට පත් වූ පාරිභෝගික මිල ගණන්වලින් පෙන්නුම් කරන්නේ ආර්ථිකය ඉහළ මිල ගණන් සහිත යුගයකට පිවිසීමට ඉඩ ඇති බවත්, ඉදිරි මාස කිහිපය තුළ එම ප්රවණතාව තව දුරටත් පැවතිය හැකි බවත් ණය ශ්රේණිගත කිරීමේ නියෝජිතායතනය වන ICRA Lanka ප්රකාශ කරයි.
ඉදිරි මාස කිහිපය තුළ පාරිභෝගික භාණ්ඩ මිල ගණන් හැසිරිය හැකි ආකාරය සහ එහි ප්රවණතා ගැන ණය ශ්රේණිගත කිරීමේ නියෝජිතායතනය – ICRA Lanka මෙසේ ද පුරෝකථනය කර ඇත.
‘‘නොවැම්බරයේ මහ බැංකුව පැවසුවේ උද්ධමනය ආසන්න කාලීනව වේගවත් විය හැකි නමුත් එවැනි මිල ගණන් විශාල වශයෙන් “සංක්රාන්ති” වනු ඇතැයි අපේක්ෂා කරන බවයි. සැපයුම් දාම කඩාකප්පල් කිරීම් නිසා ඇති වන මිල පීඩනයන් නිර්වචනය කිරීමට ලොව පුරා මහ බැංකු විසින් බහුලව භාවිතා කරන යෙදුමක් වශයෙන් එය සැලකිය හැකිය. මෑතක් වන තුරුම, සැපයුම් පැත්තේ උද්ධමනය තනිවම අඩු වනු ඇතැයි ඔවුහු විශ්වාස කළහ.
එහෙත්, එක්සත් ජනපද ෆෙඩරල් බැංකුව පසුගිය බදාදා එම වචනය සම්පූර්ණයෙන්ම ඉවත් කර, උද්ධමනය එක්සත් ජනපද ආර්ථිකයට දැනට ඇති විශාලතම අර්බුදය බව පෙන්වා දුන්නේය. ඇමරිකානු උද්ධමනය නොවැම්බරයේ දශක හතරකට ආසන්න ඉහළම මට්ටමට ළඟා වූ අතර, පෙර වසරට සාපේක්ෂව පාරිභෝගික මිල ගණන් සියයට 6.8 කින් ඉහළ ගියේය.
සමහර ශ්රී ලාංකික ආර්ථික විද්යාඥයින් සහ විශ්ලේෂකයින් සිතන්නේ 2021 නොවැම්බර් මාසයේ දී සියයට 9.9 කින් ඉහළ ගිය පාරිභෝගික මිල, 2012 ජූලි මාසයෙන් පසු ඉහළම උද්ධමනය විය හැකි අතර, පසුගිය කාලපරිච්ඡේදයේ මූලික බලපෑම් දෙකම හේතුවෙන් මිල ගණන් පහත වැටීමට පටන් ගන්නා බවයි. නමුත් ICRA Lanka සිතන්නේ වෙනත් ආකාරයකිනි.
“උද්ධමනය සැපයුම් කම්පන මගින් මෙහෙයවනු ලබන නොවැම්බර් මාසයේදී වාර්තාගත මට්ටමට ළගාවිය. මෙම සන්දර්භය තුළ, ඉදිරි මාස කිහිපය තුළ ශ්රී ලංකාව ඉහළ උද්ධමනයක යුගයකට පිවිසිය හැකිය‘ ”ශ්රේණිගත කිරීමේ ආයතනය ඊයේ නිකුත් කළ මාසික ආර්ථික යාවත්කාලීනයේ සඳහන් කළේය.
ICRA Lanka හි පෙර අවස්ථා වලදී ඔවුන්ගේ උද්ධමන අනාවැකි බොහෝ දුරට නිවැරදි වූ වාර්තාවක් ඇත. ඉහළ යන උද්ධමනය බැඳුම්කර ඵලදාව මත ඉහළ පීඩනයක් ඇති කරන අතර එමඟින් බැඳුම්කර හිමියන් සෘණ සැබෑ ප්රතිලාභවලින් ආරක්ෂා වීමට ඉහළ ප්රතිලාභ අපේක්ෂා කරන බැවින් වෙළඳපොළ ණය අනුපාත ඉහළ යයි. මෙම තත්වයන් යටතේ, ICRA Lanka ඉහල යන ණය පොලී අනුපාත මත දිගින් දිගටම කිරා මැන බලයි, එවිට පුද්ගලික ණය සඳහා ඇති ඉල්ලුම අඩු විය හැකිය.
පුද්ගලික අංශයේ ණය වර්ධනය ද අගෝස්තු මාසයේ උපරිම මට්ටමට පැමිණීමෙන් පසු සැප්තැම්බර් සහ ඔක්තෝබර් මාසවලදී සැලකිය යුතු ලෙස අඩු විය. පුද්ගලික අංශයේ ක්රියාකාරකම්වල මන්දගාමිත්වය තුන්වන කාර්තුවේදී සියයට 1.5 කින් හැකිලුණු ආර්ථිකයේ ප්රකෘතිය මන්දගාමී විය හැක.
සැප්තැම්බර් කාර්තුවේ බලාපොරොත්තු සුන්වීම ශ්රේණිගත කිරීමේ ආයතනය එහි පූර්ණ-වසර වර්ධන ඉදිරි දැක්ම කපා හැරීමට පොළඹවා ඇත.
“මේ අනුව, අපි 2021 (සියයට 3.4) සඳහා අපගේ කලින් දළ දේශීය නිෂ්පාදිතයේ ප්රක්ෂේපනය නුදුරේදීම සංශෝධනය කරන්නෙමු,” ICRA Lanka පැවසීය.
“මහ බැංකුව මේ වසරේ ආර්ථිකය සියයට 5 ක වර්ධනයක් වාර්තා කරනු ඇතැයි අපේක්ෂා කරන අතර, එය සුබවාදී යැයි අපට හැඟේ, විශේෂයෙන් රට ආර්ථික වශයෙන් කාර්තු දෙකක සංකෝචනය වාර්තා කර ඇති හෙයින්,” එය වැඩිදුරටත් පැවසීය.
මෙම තත්ත්වයන් යටතේ, ශ්රී ලංකා මහ බැංකුවට සිය මූල්ය ප්රතිපත්තිය තුළින් ශේෂයක් පවත්වා ගැනීමට අපහසු වන අතර, අනුපාත ඉක්මනින් ඉහළ දැමීම උද්ධමනය අඩු කළ හැකි නමුත් ආර්ථිකයේ වර්ධන අපේක්ෂාවන් අඩාල කළ හැකිය.
තවත් වෛරස් රැල්ලක් ආර්ථිකයට ව්යසනකාරී විය හැකි අතර, පවතින සිව්වන කාර්තුවේ ප්රකෘතිමත් වීමේ ප්රබල සලකුණු පෙන්නුම් කර ඇති බව ඔක්තෝබර් සහ නොවැම්බර් සඳහා වන PMI දත්ත පෙන්වා දෙයි.
ICRA Lanka, දැනට අප්රිකාව, එක්සත් රාජධානිය සහ යුරෝපය සහ උතුරු ඇමරිකාව පුරා පැතිරී ඇති Omicron ප්රභේදය ගැන සඳහන් කරමින්, තවත් අගුලු දැමීමක් දරාගත නොහැකි ආර්ථිකයට තවදුරටත් බාධා කිරීම් වළක්වා ගැනීම සඳහා තත්ත්වය පාලනය කර ගැනීමේ වැදගත්කම අවධාරණය කළේය.
“මෘදු වුවත්, Omicron පැතිරෙන වේගවත් වේගය තරමක් තැතිගන්වන සුළුය” යනුවෙන් ශ්රේණිගත කිරීමේ ආයතනය පවසයි.
ශ්රී ලංකාවේ ජාත්යන්තර ස්වෛරීත්ව ශ්රේණිගත කිරීම පහත හෙලන Fitch Ratings (Fitch) විසින් කරන ලද තක්සේරුව ශ්රී ලංකා මහ බැංකුව (CBSL) හෙළා දැක තිබේ.
අද (18) දින නිවේදනයක් නිකුත් කරමින් මහ බැංකුව කියා සිටියේ, “මාස හයක මාර්ග සිතියමේ දක්වා ඇති පරිදි ආසන්න ගලා ඒම පිළිබඳව දැනුම් දී තිබියදීත් ශ්රේණිගත කිරීමේ ආයතන විසින් නොසැලකිලිමත් ක්රියාවන් දිගටම කරගෙන යනු ලැබේ. එවැනි ක්රියාමාර්ගවලින් අධෛර්යයට පත් නොවන ලෙස ආයෝජකයින්ට උපදෙස් දෙනු ලැබේ. ගලා ඒමේ ප්රගතිය මෙම සතිය තුළ ප්රකාශයට පත් කෙරේ.”
ශ්රී ලංකා මහ බැංකුව විසින් අද දින නිකුත් කළ සම්පූර්ණ මාධ්ය නිවේදනය පහත දැක්වේ.
Fitch Ratings (Fitch), තරමක් හදිසි පියවරක් ලෙස, 2021 දෙසැම්බර් 17 වන දින ශ්රී ලංකාවේ ජාත්යන්තර ස්වෛරී ශ්රේණිගත කිරීම පහත හෙළු අතර, සමස්ත ලෝකයම විවිධ තරංග සමඟ පොරබදමින් සිටින පරිසරයක් තුළ ශ්රී ලංකාවේ සිදුවන ධනාත්මක වර්ධනයන් හඳුනා ගැනීමට අසමත් වීම පෙන්නුම් කරයි. COVID-19 වසංගතයේ. මෙම ක්රියාව 2022 ජාතික අයවැය ප්රකාශයට පත් කිරීමට දින කිහිපයකට පෙර Moody’s Investors Service විසින් මෑතකදී සිදු කරන ලද අනවශ්ය ශ්රේණිගත කිරීම් හා සමාන වේ. විශේෂයෙන්ම Fitch යන කාරණය සැලකිල්ලට ගනිමින් ජාත්යන්තරව පිළිගත් ශ්රේණිගත කිරීමේ ආයතනයක් ශ්රී ලංකාව පහත හෙළීමේ හදිසි හැඟීම සිතාගත නොහැකිය. ආර්ථිකයේ සියලුම අංශවල නවතම වර්ධනයන් සහ ආසන්න විදේශ විනිමය ගලා ඒම පිළිබඳව ශ්රී ලංකා බලධාරීන් විසින් නිරන්තරයෙන් යාවත්කාලීන කරන ලදී.
විශේෂයෙන්ම, 2021 තුන්වන කාර්තුවේදී හඳුන්වා දීමට සිදු වූ අගුලු දැමීමේ පියවරයන් නොතකා, සැබෑ ආර්ථිකය කාර්තුව තුළ ගැඹුරු හැකිලීමක් වළක්වා ගත් අතර, ශ්රී ලංකාව නව සාමාන්ය තත්ත්වයට අනුවර්තනය වීමේ හැකියාව පෙන්නුම් කරයි. සැබෑ දළ දේශීය නිෂ්පාදිතය, ඇත්ත වශයෙන්ම, 2021 ජනවාරි-සැප්තැම්බර් කාලය තුළ සියයට 4.4 කින් (වසරින් වසර) ප්රසාරණය වූ අතර, 2021 දී සියයට 4 ට වැඩි වර්ධනයක් ඇති වීමේ ප්රබල හැකියාව යලි තහවුරු කරයි. ක්රියාකාරකම් පිළිබඳ ඉහළ සංඛ්යාත දත්ත ආර්ථිකයේ ශක්තිමත් ප්රකෘතියක් කරා යොමු කරයි. පූර්ව වසංගත මට්ටම ඉක්මවා යාම. නිෂ්පාදන ගැනුම් කළමනාකරුවන්ගේ දර්ශකය 2021 නොවැම්බර් මාසයේදී 61.9ට ළඟා වූ අතර, එය නොවැම්බර් මාසයක වාර්තාගත ඉහළම කියවීම සහ පූර්ව වසංගත මට්ටමට වඩා ඉහළ අගයක් ගනී. 2021 දී මූලික මහජන පිරිනැමීම් විශාල ප්රමාණයක් සිදුවෙමින් කොළඹ කොටස් වෙළඳපොලේ දර්ශක ඓතිහාසික ඉහලම මට්ටම් කරා ළඟා විය. පුද්ගලික අංශයට ලබාදුන් ණය ප්රමාණය රු. බිලියන 685 ට සාපේක්ෂව 2021 ඔක්තෝබර් දක්වා මාස දහය තුළ රු. පසුගිය වසරේ එම කාලය තුළ රුපියල් බිලියන 260 කි.
වාර්තාගත ඉහළ අපනයන ඉපැයීම්වල සහාය ඇතිව වෙළඳ හිඟය 2021 මැයි මාසයේ සිට මාසික පදනමින් අඛණ්ඩව පහත වැටුණි. 2021 ඔක්තෝම්බර් මාසයේදී වෙළඳ භාණ්ඩ අපනයනයෙන් ඉපැයීම් සර්වකාලීන ඉහළම අගයක් වාර්තා කළ අතර, මූලික තොරතුරු පෙන්වා දෙන්නේ 2021 නොවැම්බර් මාසයේදී ඉපැයීම් මෙම වාර්තාගත මට්ටම ඉක්මවා ඇති බවයි. 2021 අප්රේල් මාසයේ සිට විනිමය අනුපාතිකය ස්ථාවරව පැවතීමත් සමඟ, සමපේක්ෂන මත පදනම් වූ අපගමන කිහිපයක් හැර, අපනයන පරිවර්තනය ඉපැයීම් සහ අනෙකුත් විදේශ විනිමය ඉපැයීම් ද මෑත සතිවල සැලකිය යුතු ලෙස වැඩිදියුණු වී ඇත. සංචාරක පැමිණීම්වල ඝාතීය වර්ධනයක් මාසික පදනමින් නිරීක්ෂණය කරනු ලබන අතර, ඉදිරි කාලය තුළ වාර්ෂික විදේශ විනිමය ආදායම ඩොලර් බිලියන 5 ක පමණ අලාභයක් ඉක්මනින් ආපසු හැරවීමක් පෙන්නුම් කරයි.
ශ්රමික සංක්රමණය නැවත ආරම්භ කිරීම, විශේෂයෙන් මැදපෙරදිග සිට ශ්රී ලාංකික ශ්රමිකයින් සඳහා වැඩි ඉල්ලුමක් සහ ආකර්ෂණීය දිරිගැන්වීම් පැකේජයක් හරහා විධිමත් මාර්ග ඔස්සේ ශ්රමිකයන්ගේ ප්රේෂණ සඳහා පහසුකම් සැලසීමේ ප්රයත්නයන් සමඟින් ශ්රමිකයන්ගේ ප්රේෂණ සඳහා ඇති අපේක්ෂාවන් දීප්තිමත් ය. එවැනි ක්රියාමාර්ග සමඟින්, බාහිර ජංගම ගිණුමේ ශේෂය වර්ධන ආධාරක මට්ටමින් පවත්වා ගෙන යාමට අපේක්ෂා කරන අතර, එමඟින් අපේක්ෂිත මුදල් ඉපැයීමට අමතරව, කොළඹ වරාය නගරයේ සහ කාර්මික කලාපවල හඳුනාගත් ව්යාපෘති සඳහා සෘජු ආයෝජනයක් හරහා මූල්ය ගිණුමට ප්රාග්ධනය ලබා දීමට අපේක්ෂා කෙරේ. උපායමාර්ගික නොවන සහ ඌන උපයෝගි කරගත් වත්කම්.
මෙම වර්ධනයන් සහ ජාතික වශයෙන් ක්රියාත්මක වන වේගවත් එන්නත් කිරීමේ ව්යාපාරය මධ්ය කාලීනව ආර්ථිකයේ විභවයන් අවබෝධ කර ගැනීමට උපකාරී වනු ඇත.
2022 ජාතික අයවැය මගින් හඳුන්වා දුන් රාජ්ය මූල්ය ප්රතිසංස්කරණ හඳුනා ගැනීමට ද ෆිච් අපොහොසත් වී ඇත. නව බදු ක්රම හඳුන්වාදීම, නවීකරණය කරන ලද බදු පරිපාලන ක්රම සහ ආර්ථිකයේ පුනර්ජීවනය සමඟ 2022 වසරේ රාජ්ය ආදායමේ සැලකිය යුතු වැඩි වීමක් අපේක්ෂා කෙරේ. රාජ්ය අංශයේ සේවකයන්ගේ විශ්රාම වයස වැඩි කිරීම සහ රාජ්ය ව්යාපාරවල ශක්යතාව ඉහළ නැංවීමට පියවර ගැනීම කැපී පෙනෙන ප්රතිසංස්කරණ වන අතර වාර්ෂික වරෙන්තු වෙනුවට රජයේ ආයතන සඳහා කාර්තුමය වරෙන්තු නිකුත් කිරීම ප්රතිපාදන පරිහරණය කිරීමේදී මූල්ය විනයක් ඇති කිරීමට අපේක්ෂා කෙරේ. වියදම් පැත්ත. එවැනි ආදායම් සහ වියදම් පාර්ශ්ව ක්රියාමාර්ග තිරසාර ණය මට්ටමකට දායක වෙමින් රජයේ මූල්ය හිඟය සහ මූල්ය අවශ්යතා අඩු කිරීමට මග පාදයි.
අපේක්ෂිත මූල්ය ඒකාග්රතාවයේ මාවතට දේශීය වෙළඳපල ධනාත්මකව ප්රතිචාර දක්වා ඇති අතර, පොලී අනුපාතිකය, ආරම්භක අධිප්රමාණයෙන් පසුව, වෙළඳපල නිෂ්කාශන මට්ටම් වල ස්ථාවර වී ඇත. ප්රාථමික වෙළඳපල වෙන්දේසි සහ සක්රීය විවෘත වෙළඳපල මෙහෙයුම් වලදී වැඩි දියුණු වූ දායකත්වයේ ප්රතිඵලයක් ලෙස මහ බැංකුව සතු රජයේ සුරැකුම්පත් ද සැලකිය යුතු ලෙස පහත වැටී ඇත.
ඉදිරි මාස කිහිපය තුළ පැහැර හැරීමේ සිදුවීමක සම්භාවිතාව වැඩි වීම පිළිබඳ ෆිච් හි පදනම් විරහිත ප්රකාශයන්ට පටහැනිව, කලාපයේ මිත්ර ජාතීන්ගෙන් සහාය ලබා ගැනීම සඳහා රජය සහ මහ බැංකුව විසින් ගෙන ඇති ක්රියාමාර්ග ඵලදායිතාවයට ළඟා වෙමින් පවතින අතර එමඟින් ගෙවුම් ශේෂය මත පීඩනය සමනය වේ. ඉදිරි කාලය. සාර්ව ආර්ථික හා මූල්ය පද්ධති ස්ථායිතාව සහතික කිරීම සඳහා වූ මාස හයක මාර්ග සිතියම 2021 දෙසැම්බර් සහ 2021 මාර්තු වන විට අපේක්ෂිත මුදල් ප්රවාහයන් පැහැදිලිව ප්රකාශ කර ඇති අතර, මෙම ගලා ඒම් සිදුවනු ඇතැයි රජය සහ මහ බැංකුව විශ්වාස කරන අතර 2021 අවසානයේ දළ නිල මට්ටම. සංචිත එක්සත් ජනපද ඩොලර් බිලියන 3 ට වඩා ඉහළින් පවතිනු ඇත. ඇමරිකානු ඩොලර් බිලියන 1.5ක් පමණ වන චීන මහජන බැංකුව සමඟ ඇති ස්ටෑන්ඩ්බයි SWAP පහසුකම Fitch සම්පූර්ණයෙන්ම නොසලකා හැර ඇති බව පෙනේ, එයින් දිනුම් ඇදීමට ආසන්නයි.
2021 දෙසැම්බර් 31 වැනි පළමු ටෙස්ට් දිනය තෙක් බලා නොසිට ශ්රී ලංකාව ශ්රේණිගත කිරීමට ෆිච් ශ්රේණිගත කිරීම් තීරණය කිරීම පෙන්නුම් කරන්නේ මෙම පහත හෙලීම මත පදනම්ව තීරණ ගන්නේ නම් ආයෝජකයින්ට හානියක් විය හැකි නොසැලකිලිමත්කම මිස අන් කිසිවක් නොවේ. ඉදිරි කාලය තුළ ශ්රී ලංකාව සියලු ණය බැඳීම්වලට ගරු කරන බවට රජය පැහැදිලි සහතිකයක් ලබා දී ඇති අතර, COVID-19 වසංගතය හේතුවෙන් ඇති වූ දැඩි ආතතිය යටතේ පවා ශ්රී ලංකාව එක ගෙවීමක් ප්රමාද කර නොමැති බව ද සඳහන් කළ යුතුය. පසුගිය වසර දෙක.
එබැවින් ජාත්යන්තර ආයෝජන හවුල්කරුවන් ඇතුළු ආර්ථිකයේ සියලුම පාර්ශවකරුවන්ගෙන් ඉල්ලා සිටින්නේ මෙම අසාධාරණ ශ්රේණිගත කිරීමේ ක්රියාවෙන් අධෛර්යයට පත් නොවන ලෙසත්, ඒ වෙනුවට ඉදිරි දින කිහිපය තුළ සමනය වීමට අපේක්ෂා කරන කැළඹිලි සහිත වඩදිය බාදිය සමඟ සැරිසැරීමට ශ්රී ලංකාව සමඟ කටයුතු කරන ලෙසත්ය. මාස හයක මාර්ග සිතියමේ අපේක්ෂා කරන පරිදි අපේක්ෂිත විදේශ ගලා ඒමේ ප්රගතිය පිළිබඳ සවිස්තරාත්මක මාධ්ය නිවේදනයක් මේ සතියේ ප්රකාශයට පත් කෙරේ.
කිසිදු ආනයනයකට ඩොලර් නිදහස් කිරීම වැලැක්වීම තුලින් මහා භාණ්ඩාගාර මුට්ටියේ දන්කුඩ ටිකක් හූරා ජනවාරි 18 ට පෙර ඩොලර් මිලියන 500 ක ණය පියවීම තුලින් පමණක් ශ්රී ලංකාව බංකොලොත් භාවයෙන් මුදවා ගත නොහැකි යැයි හිටපු ආණ්ඩුකාර රජිත් කීර්ති තෙන්නකෝන් පවසයි.
ජාත්යන්තර ෆිච් ආයතනය ලංකාව බංකොලොත් භාවයට ආසන්නම තැනට ලංකාවේ ශ්රේණිගත කිරිම් පහත හෙලා තියෙනවා. මේ තත්වය 2022 ජනවාරි පළමු සතියේ අති විය හැකි බව අනුමාන කරනු ලැබූවා. අද වන විට අතශ්යවශ්ය භාණ්ඩ සඳහා ණයවර ලිපි සඳහා ඩොලර් මිලියන 800 ක ඉල්ලීම් මහ බැංකුව වෙත ලැබි තියෙනවා. හැබැයි ඒ කිසිවක් සඳහා ගෙවීම් කරන්නේ නෑ. ණය ගෙවන්නයි, පිටරටින් බඩු ගෙන්වන්නයි දෙකම කරන්න බෑ. ආණ්ඩුව මේ ණය වාරිකය කොහොම හරි ගෙවලා මාසයකට ජාම බේරාගන්න හදනවා. එතකොට රටේ ආයනයන සීමා වෙනවා. දැනටමත් ගල් අගුරු ප්රශ්නයක් තියෙනවා. ඉන්ධන ගෙන්වීමට ඩොලර් මිලියන 400 ක් වහා අවශ්යයි. ඉන්ධන නැතිනම්, ගල් අඟුරු නැතිනම් අපිට අඳුරේ ඉන්නට සිද්ධ වෙනවා. කර්මාන්ත ශාලා වැහිලා අපේ ඇඟළුම් ඇතුළු අපනයන සියල්ල නවතිනවා.
2022 ජනවාරි 17 ජාත්යන්තර බැඳුම්කර සඳහා ඩොලර් මිලියන 500 පියවලා, ජනවාරි 18 පාර්ලිමේන්තුවට ඇවිත් ‘ඔන්න අපි ණය ගෙව්වා‘ කියලා පම්පොරියක් ගහන්න ආණ්ඩුව සුදානම් වෙනවා. පී.බී.ජයසුන්දර – අජිත් නිවාඩ් කබ්රාල් දෙන්නා මේ පම්පෝරිය ගහන්න තමයි පාර්ලිමේන්තුව වාර අවසන් කරන්න ජනාධිපතිවරයා පොළඹවා ගත්තේ. හැබැයි, ජනවාරි මාසය අවසන්වන විට තවත් ඩොලර් මිලියන 250 දේශීය ණය (ශ්රී ලංකා සංවර්ධන බැදුම්කර) සඳහා ගෙවිය යුතුයි. ඒක ගෙවන්න නම් රටට පොලිම්-සලාක ක්රමයකට යන්න වෙනවා.
අපි විතරක් නෙවෙයි, ජාත්යන්තර සංවිධාන, ණය ආයතන මේ කතාව දන්නවා. ජාත්යන්තර ෆිච් ආයතනයේ වාර්තාවට අජිත් නිවාඩ් කබ්රාල් ‘ඔළුව නැතත් කඳ ෆයිට්‘ ආකාරයේ පිළිතුරක් දීලා තියෙනවා. සර්වබලධාරී පී.බී.ජයසුන්දර කියන්නෙත් මේකම තමයි. කබ්රාල් – පී.බී. කියන දෙයක් මේ රටේ ජනමාධ්ය ප්රශ්ණ කරන්නේ නැති නිසා එයාලා දිගටම මේ රැවටීම කරනවා.
දැන් මාසයකට වැඩි කාලයක් ශ්රී ලංකා මහ බැංකුව මුදල් අච්චු ගැසීම සීමා කර තිබෙනවා. කෝටි එක් ලක්ෂ පනස් දහසක් අච්චු ගහලා ඉවර වුනාට පස්සේ, උද්ධමනය පාලනය වෙන්නේ නෑ.
2022 වසරේ දී ලංකාව ඩොලර් මිලියන 7000 ක් (ඩොලර් බිලියන 7 ක) ණය, ණය වාරික සහ පොලිය ගෙවීය යුතුයි. මෙයින් 45% ක්ම ගිණි පොලියට රාජපක්ෂ ආණ්ඩුව ලබාගත් ණය පංගුවක් තියෙන්නේ.
අපේ මිත්ර රටවලට හෝ ජාත්යන්තර සංවිධානවලට පමණක් ලංකාවේ ණය අර්බුදය විසඳන්න බෑ. එයට හේතුවක් තියෙනවා. ලංකාවේ මුළු ණය ප්රමාණයන් ද්වි පාර්ශවයීය ණය තියෙන්නේ ඩොලර් මිලියන 550 යි. අන්තර් ජාතික සංවිධාන/රාජ්යයන් එකකට වැඩි සංඛ්යාවකට ගෙවිය යුතු බහු පාර්ශවීය ණය ඩොලර් මිලියන 600 කි. ඒ දෙකේම එකතුව ඩොලර් බිලියන 1.15 යි. ඉතිරි ඩොලර් බිලියන 5.8 ගිණි පොලියට ගත්ත ණය සහ ඒවායේ පොළිය.
ෆිච් ආයතනය දැන් ලෝක ආයතන, ආයෝජකයින්ට කියනවා ලංකාවේ මුදල් ආයෝජනය කරන්න එපා කියලා. එයට හේතුව තමයි ජාත්යන්තර සෛවරී බැඳුම්කර ඩොලර් මිලියන 1500 ට පමණක් ඉදිරි කාලයේ ආණ්ඩුව ඩොලර් මිලියන 1100 කට ආසන්න පොලියක් ගෙවීමට නියමිතව තිබිිම. ගිණි පොළියට සල්ලි අරගෙන ඒ සල්ලි චීන අශුචි, නැනෝ පොහොර වගේ හොරකම්වලට යොදා ගත්තාම රට බංකොලොත් වෙනවා.
මතක තියාගන්න, ආණ්ඩුව ලෝකයට විතරක් නෙවෙයි, ලංකාවේ අයටත් (ශ්රී ලංකා සංවර්ධන බැඳුම්කර) ඩොලර් මිලියන 1450 ක් ණයයි. ජාත්යන්තර සංවිධාන, රාජ්ය හා ආයතන හා පුද්ගලයින්ට ගෙවිය යුතු ණය ඩොලර් මිලියන 1250 ක් ණයයි. තව මාසයකින් බංගලිදේශයෙන් ගත්ත ණය ඩොලර් මිලියන 150 ක අතමාරුව ගෙවන්න ඕනි. මේ ඔක්කොම එකතුවුනාම ඩොලර් මිලියන 7000 ක් (බිලියන 7) ණය යි.
ජනවාරි මාසයේ ජාත්යන්තර බැඳුම්කර ඩොලර් මිලියන 500 ත්, සංවර්ධන බැඳුම්කර මිලියන 250 වලද හූරලා අරගෙන ගෙවන්න නම් රටේ ගෑස්, ඉන්ධන, හාල් – පිටි – සීනි නැති තැනකට යන්න වෙලවා. බෙහෙත් නැතිව මිනිස්සු මැරෙන්න හරින්න වෙනවා. පොහොර-බෙහෙත්වලට ඩොලර් දෙන්නේ නැතිව කුඹුරුවලට ධම්මික බාස්ලාගේ, රතන ලාගේ තෙල් බෙහෙත්, අශුචි වලවල් හලන්න වෙනවා.
මේ මුල්ය අර්බුදයවත්, ඒ හා බැඳුණු ඉන්ධන අර්බුදයවත් ලේසියෙන් විසඳන්න පුළුවන් ප්රශ්ණ නෙවෙයි. 2019 දී රාජපක්ෂ පවුලත්, අජිත් නිවාඩ් කබ්රාල්, විමල් වීරවංශ, ගම්මන්පිල ලා කිව්වා වගේ ‘අපිට දෙන්න අපි කරලා පෙන්නන්නම්‘ ජාතියේ විශ්වකර්ම ප්රයෝගකාරයින්ට මේ රට ණය අර්බුදයෙන් ගලවා ගන්න බෑ. ආණ්ඩුවට බනින අයගෙන් ‘ඔබලාගේ විකල්පය කුමක්ද? කවුද ඒ වැඩේ කරන්න පුළුවන්?‘ මොන කණ්ඩායමටද ඒ වැඩේ කරන්න පුළුවන්? කියන ප්රශ්ණය අහන සමාජයක් විතරයි මේ ප්රශ්ණය විසඳාගන්න පුළුවන් වෙන්නේ.
කිසිම ආර්ථික වැඩ පිළිවෙලක් නැතිව බඩු බෙදලා, සුරංගනා කථා කියලා බලය ගත්ත ආණ්ඩුව අද රටේ ඇතිකරලා තියෙන තත්වයට නැවත රට වැටිය යුතු නෑ. ලංකාව ණය වෙලා තියෙන හැර ඩොලර් 4 න් තුනක්ම ණය වුණේ රාජපක්ෂ ආණ්ඩු යටතෙයි.
අද රුපියල් සල්ලි අච්චු ගහන එක සීමා කරලා තිබුණාට, මේ අපි ගෙවමින් තියෙන්නේ, කිරි තේ එකකට රු. 90 ක් ගෙවන්නේ, ආප්පයක් රු. 20 ක් වෙලා තියෙන්නේ, පසුගිය කාලයේ ඉවක් බවක් නැතුව සල්ලි අච්චු ගැසීමේ ප්රතිඑලය යි යැයි ද තෙන්නකෝන් මහතා පැවසීය.
ජාත්යන්තර ශ්රේණිගත කිරීම් ඒජන්සිය වන ෆිච් (Fitch ) විසින් සිය ඩොලර් බිලියන 26 ක විදේශ ණය මත ස්වෛරීත්වය පැහැර හැරීමක් පිළිබඳ වැඩි වන බිය හේතුවෙන් මුදල් හිඟ ශ්රී ලංකාව සෙනසුරාදා “CC” දක්වා පහත හෙළා ඇතැයි ප්රංශ පුවත් සේවය / AFP වාර්තා කරයි.
විදේශ විනිමය අර්බුදය කොවිඩ් වෛරස් වසංගතයෙන් තව දුරටත් පීඩාවට පත් වීම නිසා මෙම වසරේ තුන්වන කාර්තුවේදී ශ්රී ලංකාවේ දළ දේශීය නිෂ්පාදිතය සියයට 1.5 ක හැකිලීමක් වාර්තා කිරීමෙන් දිනකට පසුව මෙම පහත වැටීම සිදු විය.
නොවැම්බර් අගදී ශ්රී ලංකාවේ විදේශ සංචිත ඩොලර් බිලියන 1.58 දක්වා පහත වැටීම නිසා “ඉදිරි මාසවලදී ණය පැහැර හැරීමේ සිදුවීමක සම්භාවිතාව වැඩි වීමේ” අදහස පහත වැටීමෙන් පිළිබිඹු වන බව ෆිච් පැවසීය.
“නව බාහිර මූල්ය ප්රභවයන් නොමැති විට 2022 සහ 2023 දී රජයට එහි බාහිර ණය බැඳීම් සපුරාලීම දුෂ්කර වනු ඇතැයි අපි විශ්වාස කරමු,” ඒජන්සිය නිවේදනයක් නිකුත් කරමින් කියා සිටියේය.
මිලියන 21 ක ජනතාවක් සිටින ශ්රී ලංකාවට ප්රාග්ධන ගලා ඒමේ සුළු දියුණුවක් සමඟ 2022 ජනවාරි මාසයේදී ඩොලර් මිලියන 500ක් සහ 2022 ජූලි මාසයේදී ඩොලර් බිලියන 1.0ක ජාත්යන්තර ස්වෛරී බැඳුම්කර දෙකක් ආපසු ගෙවීමට සිදු වන බව ද එහි සඳහන් විය.
ලබන වසර සඳහා මූලික සහ පොලී ඇතුළුව විදේශ මුදල් ණය සේවා ගෙවීම් ඩොලර් බිලියන 6.9ක් හෝ 2021 නොවැම්බර් වන විට දිවයිනේ නිල සංචිත දළ ජාත්යන්තර සංචිතවලින් සියයට 430 කට සමාන වේ.
“2022 සිට 2026 දක්වා පොලී සහ මූලික ඇතුළුව සමුච්චිත විදේශ මුදල් ණය සේවාව ඩොලර් බිලියන 26 ක් පමණ වේ,” ෆිච් පැවසීය.
දිවයිනේ සංචාරක කර්මාන්තය මත යැපෙන ආර්ථිකය වසංගතයෙන් පීඩාවට පත් වූ අතර බලධාරීන් ආහාර, ඉන්ධන සහ ඖෂධ ඇතුළු හිඟයක් ඇති කරමින් පුළුල් ආනයන තහනමක් සමඟ විදේශ විනිමය සංචිත පහත වැටීමට ප්රතිචාර දැක්වූහ.
මෙම අර්බුදය නිෂ්පාදන හා සේවාවලට බලපාන පරිදි ව්යාප්ත වී ඇති අතර කෘෂි රසායන ආනයනය තහනම් කිරීම හේතුවෙන් කෘෂිකර්මාන්තය ද දැඩි ලෙස පීඩාවට පත්ව ඇත.
දෙවන කාර්තුවේදී ශ්රී ලංකාවේ ආර්ථිකය සියයට 12.3 කින් වර්ධනය වී ඇති නමුත් දින 41ක ඇඳිරි නීතිය පැනවීමට බල කළ තුන්වන ආසාදන රැල්ල සේවා සහ කර්මාන්තවලට දැඩි ලෙස බලපා ඇති බව ජනලේඛන හා සංඛ්යා ලේඛන දෙපාර්තමේන්තුව පසුගිය සිකුරාදා ප්රකාශ කළේය.
නොවැම්බර් අග වන විට එහි විදේශ සංචිත ඩොලර් බිලියන 1.58 ක් වූ අතර එය වසර දෙකකට පෙර ගෝඨාභය රාජපක්ෂගේ රජය භාර ගන්නා විට ඩොලර් බිලියන 7.5ක් විය.
ආනයනය සඳහා මුදල් සැපයීම සඳහා වාණිජ බැංකු ඩොලර් හිඟ වූ බැවින් සුපිරි වෙළඳසැල්වල කිරිපිටි, සීනි, පරිප්පු, ටින් මාළු සහ සහල් වැනි ප්රධාන ආහාර ද්රව්ය සලාක කර ඇත.
මහ බැංකුව විදේශ මුදල් සඳහා ආයාචනා කර ඇත, විදේශ සංචාර වලින් ආපසු පැමිණීමෙන් පසු මිනිසුන්ට ලිහිල් වෙනස්කම් පවා තිබිය හැකිය, රජය මංමුලා සහගත ලෙස ඩොලර් සොයමින් සිටී.
නිල විනිමය අනුපාතවලට වඩා දෘඪ මුදල් සඳහා ඉහළ මිලක් ලබා දෙන අවිධිමත් මුදල් මාරු කරන්නන්ගේ ගිණුම් අත්හිටුවන බවට බැංකු නියාමකයා අනතුරු අඟවා ඇත.( AFP )
ඩෙංගු වෛරසය රට තුළ ව්යසනයක් ඇති කිරීමට පෙර එහි ව්යාප්තිය මැඩලීමට සෞඛ්ය බලධාරීන් දැවැන්ත උත්සාහයක නිරතව සිටින බව ඩෙංගු මර්දන ඒකකයේ වෛද්ය ශිලන්ති සෙනෙවිරත්න කීවේය. ඇය වැඩි දුරටත් කියා සිටියේ ඉදිරි මාස කිහිපය තුළ රෝගීන් ඉහළ මට්ටමක පවතිනු ඇතැයි අපේක්ෂා කරන බවයි.
“අපි තත්ත්වය සමීපව නිරීක්ෂණය කරමින් සිටින අතර හානිය අවම කිරීමට අපගේ උපරිම උත්සාහය දරනවා. මේ වසරේ මේ දක්වා මරණ 26ක් සමඟ දින 15ක් ඇතුළත රෝගීන් 4,091ක් පමණ දැනටමත් වාර්තා වී තිබෙනවා. වර්තමානයේ සතියකට සාමාන්යයෙන් ඩෙංගු රෝගීන් 1,800ක් පමණ වාර්තා වන අතර, අනෙකුත් සාමාන්ය දිනවල වාර්තා වන්නේ රෝගීන් 200ක් පමණක් වීම තුළ වත්මන් තත්ත්වය ඉතා භයානකයි,” ඇය අවධාරණය කළාය.
වැඩි වශයෙන් රෝගීන් වාර්තා වී ඇත්තේ කොළඹ දිස්ති්රක්කයෙන් බවද ඇය වැඩිදුරටත් පෙන්වා දුන්නාය.
‘ඩෙංගු ආසාදිතයින් සතුටුදායක මට්ටමකට ගෙන ඒමට අවම වශයෙන් තවත් මාස දෙකක් ගතවනු ඇත,” ඇය තවදුරටත් පැවසුවාය.
මේ අනුව, උණ, මාංශ පේශි, අස්ථි හෝ හන්දි වේදනාව ඇත්නම් වහාම වෛද්ය ප්රතිකාර ලබා ගන්නා ලෙසත්, මේ පිළිබඳව අවධානයෙන් සිටින ලෙසත් ඇය ජනතාවගෙන් ඉල්ලා සිටියාය.
කෙරවලපිටිය යුගදනවි තාප විදුලි බලාගාරයේ රජයට අයත් 40%ක කොටස් නිව් ෆෝට්රස් එනර්ජි නැමැති ඇමෙරිකානු සමාගමකට ලබා දීමට කැබිනට් මණ්ඩලය ගෙන ඇති තීරණය බලරහිත කරන්නැයි ගොනු කර ඇති මූලික අයිතිවාසිකම් පෙත්සම්වලට පක්ෂව විමල් වීරවංශ, උදය ගම්මන්පිල සහ වාසුදේව නානායක්කාර යන කැබිනට් අමාත්යවරුන් තිදෙනා විසින් ලබා දුන් දිවුරුම් ප්රකාශ ආණ්ඩුක්රම ව්යවස්ථා විරෝධී යැයි ද එලෙස අමාත්යවරුන් තිදෙනා දිවුරුම් ප්රකාශ ලබා දීම නීතියට ද පටහැනි යැයි ද නීතිපති සංජය රාජරත්නම් මහතා අද ( 17) පංච පුද්ගල ශ්රේෂ්ඨාධිකරණ විනිසුරු මඩුල්ල හමුවේ කියා සිටියේය.
අගවිනිසුරු ජයන්ත ජයසූරිය මහතාගේ සභාපතිත්වයෙන් , විනිසුරුවරුන් වන බුවනෙක අලුවිහාරේ, ප්රියන්ත ජයවර්ධන, විජිත් මලල්ගොඩ, එල්. ටී.බී.දෙහිදෙනිය යන මහත්වරුන්ගෙන් සමන්විත පංච පුද්ගල ශ්රේෂ්ඨාධිකරණ විනිසුරු මඩුල්ල හමුවේ මෙම පෙත්සම් සලකා බැලේ.
අගරදගුරු මැල්කම් කාදිනල් රංජිත් හිමිපාණන් සහ ධර්මායතනාධිපති පූජ්ය ඇල්ලේ ගුණවංශ හිමියන්, සමගි ජන බලවේගයේ මහ ලේකම් රංජිත් මද්දුමබණ්ඩාර , වසන්ත සමරසිංහ සහ ලංකා විදුලි සේවකයන්ගේ සංගමයේ ලේකම් රන්ජන් ජයලාල් යන මහත්වරුන් විසින් මෙම පෙත්සම් ගොනු කර ඇත.
අගමැති මහින්ද රාජපක්ෂ මහතා ඇතුළු කැබිනට් මණ්ඩලය, භාණ්ඩාගාර ලේකම් වරයා, බලශක්ති අමාත්යාංශ ලේකම්වරයා, මහජන උපයෝගිතා කොමිසම, එහි සභාපතිවරයා, ලංකා විදුලි බල මණ්ඩලය, එහි සභාපතිවරයා, ලංකා ඛනිජ තෙල් සංස්ථාව, එහි කලමණාකරණ අධ්යක්ෂවරයා,වෙස්ට් කෝස් පවර් පෞද්ගලික සමාගම, ඇමෙරිකාවේ නිව් ෆෝට්රස් එනර්ජි සමාගම නීතිපති වරයා ඇතුළු 54දෙනෙකු මෙහි වගඋත්තරකරුවන් ලෙස නම් කර ඇත.
වත්මන් ආණ්ඩුවේ කැබිනට් අමාත්යවරුන් වන උදය ගම්මන්පිල , විමල් වීරවංශ , වාසුදේව නානායක්කාර ඉකුත් 07 වැනිදා ශ්රේෂ්ඨාධිකරණය හමුවේ මෙම පෙත්සම් වලට පක්ෂව විරෝධතා කරනු ලැබූහ.
එම පෙත්සම්වල වගඋත්තරකරුවන් කර සිටින අග්රාමාත්ය මහින්ද රාජපක්ෂ මහතා ඇතුළු අමාත්ය මණ්ඩලයේ සාමාජිකයින් වෙනුවෙන් නීතිපතිවරයා පෙනී සිටියද එම අමාත්ය මණ්ඩලයේ සාමාජිකයින් වශයෙන් කටයුතු කරන විමල් වීරවංශ, වාසුදේව නානායක්කාර සහ උදය ගම්මන්පිල යන අමාත්යවරු වෙනුවෙන් පෞද්ගලික නීතිඥවරයෙකු වන ජනාධිපති නීතීඥ උදිත ඉගළහේවා මහතා පෙනී සිටීම විශේෂත්වයකි.
මෙම මූලික අයිතිවාසිකම් පෙත්සම් පහ පිළිබද වැඩිදුර විභාගය ලබන ජනවාරි 11,12,13 යන තෙදින දක්වා කල් තැබීමට පංච පුද්ගල ශ්රේෂ්ඨාධිකරණ විනිසුරු මඩුල්ල අද (17) තීරණය කළේය
43 සේනාංකයේ නීති ප්රතිසංස්කරණය වෙනුවෙන් වූ නීතිඥ එකමුතුව ඊයේ පිහිටුවන ලද අතර, ඊට ප්රධාන ආරාධිතයා ලෙස එක්වූ සමගි ජන බලවේගය පාර්ලිමේන්තු මන්ත්රී පාඨලී චම්පික රණවක මහතා සඳහන් කළේ ලංකාවේ වෙළෙඳපොළ වාගේම අන්තර්ජාතික වෙළෙඳපොළ ද ශ්රී ලංකාවට ණය ලබා දීම ප්රතික්ෂේප කොට ඇති බවය. දැන් මේ ගැටළුව උච්ඡතම අවස්ථාවට පැමිණ තිබේ. ආණ්ඩුව දැන් රට රටවල් පසුපස දුවන්නේ, කොළඹ තිබෙන වටිනා ඉඩම් විකුණා දැමීමට උත්සාහ කරන්නේ මේ ගැටළුව නිසා බව රණවක මහතා මෙහිදී පෙන්වා දුන්නේය.
“ඇයි මෙහෙම වුනේ? ඇයි අර 2019 තිබිච්ච තත්වය දැන් ඇති වෙන්නැත්තේ? කරුණු ගණනාවක් නිසා. කෝවිඩ් එක හේතුවක් විතරයි. පළවෙනි සංඥාව නිකුත් වුණා. මේ ජනාධිපතිවරයාගෙන් 2019 දෙසැම්බර් 01 වෙනිදා දැවැන්ත බදු සහනයක් ලබා දුන්නා. ඒ නිසා රාජ්ය ආදායමෙන් 40% ක් මෙහෙම කරද්දි නැතිවුණා. නරක සංඥාවක් දේශීය වෙළඳපොළටත්, අන්තර්ජාතික වෙළඳපොළටත් නිකුත් වුණා. ලංකාවට ණය ගෙවා ගැනීමේ හැකියාවක් නැහැයි කියන පණිවිඩය තමයි ඒ නරක සංඥාව. අන්තර්ජාතික මූල්ය අරමුදල අප අප රටත් එක්ක වැඩපිළිවෙළක් කරගෙන ගියා 2017 ඉඳන් ඒක 2020 ජූනි මාසෙ වෙනකන් තිබුණා. අවශ්ය නම් ඒක දිග්ගස්සගන්න තිබුණා. මොලේ කල්පනා කරා නම් ඒක ඒ වෙලාවේ දික් ගස්සගන්නවා. වහාම වගාඩම්බර ප්රකාශ ගණනාවක් කරලා අයි. එම්. එෆ්. එක අපිට ඕන්නෑ විදේශ බලවේග අපිට ඕන් නෑ දෑතේ දෙපයේ ශක්තියෙන්, දේශීය, බලෙන් අපි නැගිටිනවා කියලා ප්රකාශ කරලා අයි. එම්. එෆ්. එක එලව ගත්තා. ඒ එලවා ගත්තේ අන්න අර සුදු ලූනු බිකේ ඉදන් නැනෝ යූරියා දක්වා වංචා, දූෂණ, හොරකම් ටික කරගන්නයි ඒ එලව ගත්තේ. වෙන කාරණයකට නෙමෙයි. එතනින් තවත් නරක සංඥාවක් නිකුත් වුනා.
ඊළඟට මේ රටට කවදත් ඉතා අඩු පොලියට අපි කියනවා දීපු වැදගත් ව්යාපෘති 323 ක් තුන්සිය විසි තුනක් පයින් ගහලා එලියට දැම්මා. 9000 ක් වෘත්තීයවේදීන් එළියට දැම්මා. 24000 කට රැකියා අහිමි වුණා. ප්රධාන ඒවා කිව්වොත් මේ අපේ ආණ්ඩුව බොහොම අමාරුවෙන් අපි සාකච්ඡා කරලා ලබාගත්ත සැහැල්ලු දුම්රිය ව්යාපෘතිය. ඩොලර් බිලියන 2.2 ක්. මුළු අවුරුද්දටම ආවේ 500 යි. කියලා. ඒ ව්යාපෘතිය තිබුන නම් මේ අවුරුද්දේ ඩොලර් මිලියන 600 ක් රටට නිකම්ම එනවා. ගිය අවුරුද්දෙත් එනවා. මේ අවුරුද්දෙත් එනවා. ඊළඟ අවුරුද්දෙත් එනවා. ඒ ව්යාපෘතිය නැවැත්තුවා. ඊළඟට මරදානේ සිට හෝමාගම දක්වා දුම්රිය පද්ධතිය නවීකරණය කිරීමේ ඩොලර් බිලියන 1.7 ක ජයිකා ව්යාතිය. පයින් ගැහුවා ඒකට. ගහලා ඒකත් අයින් කරලා දැම්මා. අද පාරේ තියෙන මේ දැවැන්ත මාර්ග තදබදය විසඳගන්න තිබිච්ච ක්රියාමාර්ග. ඒ වගේම කඩුවෙල පාර්ලිමේන්තු පාරේ තදබදය විසඳගන්න තිබිච්ච ක්රියාදාමයක්.”
කොළඹ නගරයේ බිම් යටි බිම්ගත විදුලි පද්ධතියට දීලා තිබිච්ච ජයිකා ණය ඩොලර් මිලියන 214 ක්. පයින් ගැහුවා. ලෝක බැංකුවේ උපකාරය හදන්න ගිය දැවැන්ත බහුමාදිලි දැවැන්ත ප්රවාහන මධ්යස්ථාන අද නෑ. වැඩ කෙරෙන්නේ නෑ. ව්යාපෘති නතර වෙලා. එකම මහා පරිමාණ ව්යාපෘතියක්වත් අද සිදු කෙරෙන්නේ නෑ. මොකක්ද මේකෙන් ලැබිච්ච සංඥාව? ලංකාවට ආසියානු සංවර්ධන බැංකුවත් එපා. ලංකාවට කොරියා සංවර්ධන බැංකුවත් එපා ලංකාවට සල්ලිත් එපා අඩු පොලියට ණය එපා කියන සංඥාව තමයි මේ දුන්නේ
තාක්ෂණ නගරයක් අපි හෝමාගම ඇති කළා. ඒකට කොරියානු ආධාර අපිට ලැබුණා. ඉතාම වැදගත් ව්යාපෘතියක් විශ්ව විද්යාල අටක් තාක්ෂණ විද්යා පීඨ හරහා 80000 ක් පුහුණු කරා. මොකද කළේ? ඒක නැවැත්තුවා. ඒක නැවැත්තුවා විතරක් නෙමෙයි කොරියානු ආධාරය, ආසියානු යටිතල පහසුකම් බැංකුවේ ඩොලර් මිලියන 400 ක ආධාරය නැති වුණා. එතන හදන්න යනවා මොකක්ද හිරගේ. වැලිකඩ හිරගෙදර. රුපියල් බිලියන 31 ක්. කෝටි 3100 ක් වියදම් කරලා. අපි සාමාන්යයෙන් කියන්නේ පාසලක් විශ්ව විද් යාලයක් අරිනවා කියන්නේ හිරගෙදරක් වැහෙනවා කියන එක. ලංකා ඉතිහාසයේ පළවෙනි වතාවට තාක්ෂණ පීඨ හතරක් වහලා හිරගෙයක් ඇරියා මේ ගෝඨාභය රාජපක්ෂ. ඔහු දන්නේ එච්චරයි. ඒක තමයි කරපු දේ. ඒ ඒ ඒවා හරහා දුන්නේ ඉතාම නරක පණිවිඩයක්. ඉතාම නරක පණිවිඩයක් අන්තර්ජාතික වෙළඳපොළට ලබා දුන්නා. ඒ සංඥාව. ඉතාම බරපතලයි.
මේ රටේ මේ ණය බර භාවය ගැන 225 ට බනිනවා. අවුරුදු 72 ක් රට පාලනය කරපු අයට බනිනවා. එහෙම කියලා මේක සාමාන්යකරණය කරලා තියෙනවා. අද මේ අර්බුදය බණ්ඩාරනායකලා, සේනානායකලා, ජයවර්ධනලා, කුමාරතුංගලා, ප්රේමදාසලා හදපු අර්බුදයක් නෙවෙයි. මේ අර්බුදය සම්පූර්ණයෙන්ම රාජපක්ෂවරු හදපු අර්බුදයක්. මේ අපේ ණය ආපසු ගැනීම්, ගෙවීම් ගැන බැලුවොත්, 2021 දි 74.4% ක් ම, මහින්ද රාජපක්ෂගේ ණය. 14% යි සේනානායකගේ ඉදන් චන්ද්රිකා කුමාරතුංග මැතිණිය දක්වාම ණය. ඒකෙන් පේන්නේ මේ බර රාජපක්ෂවරුන්ගේ බර.
නිතර ආඩම්බරයෙන් කියන දෙයක් තියෙනවා. ඒක තමයි අපේ කාලේ දැවැන්ත වැඩ කොටසක් සිද්ධ වුණා. අධිවේගී පාරවල් හැදුනා. බලාගාර ඒ වගේම වරායවල් හැදුනා, ගුවන් තොටුපළවල් හැදුනා, සංඥා කුළුණු හැදුනා, ක්රීඩාංගණ හැදුනා, සම්මන්ත්රණ ශාලා හැදුනා. දැවැන්ත සංවර්ධනයක් සිද්ධ වුණා. 7% ක ආර්ථික වර්ධනයක් ලගා කරගත්තා. යහපාලනය 3ට වැට්ටුවා කියලා. නිතරම ඕක කියනවා. කොහෙන්ද මේ සංවර්ධනය ආවේ? මේ සංවර්ධනය ආවේ අන්න ඒ වාණිජ ණය හරහා. ඒ වාණිජ ණය දරාගන්න බැරුව, ඔය නග්ගපු ව්යාජ සංවර්ධනය 2013 දි 3% ට වැටුනා. ඒ වාණිජ ණය කිසිම ආදායමක් ඉපදවෙන්නේ නැති නැව් එන්නේ නැති වරායවල්. ගුවන් යානා එන් නැති ඒ වගේම සංඥා නැති මේ නෙළුම් කුළුණවල්, සම්මන්ත්රණ නැති සම්මන්ත්රණ ශාලා, ක්රීඩා නැති ක්රීඩාංගන ආදිය ඉදිකිරීම හරහා අපි කිසිම ආදායමක් ඉපදවන්නේ නැති තැන්වල තමයි ඒවා යෙදෙව්වේ. ඒ වගේම ඒවායින් 1:400, 1:2000 අනුපාතෙන් කරපු, ගසාකෑම් වල ඵලවිපාක තමයි, අද අපට ගෙවන්න වෙලා තියෙන්නේ.
2015-19 මහින්ද රාජපක්ෂ මහත්තයා මෙහෙම ඉන්නකොට මේ ගෝඨාභය රාජපක්ෂ මහත්තයයි, විමල් වීරවංශ මහත්තයයි ඉන්නකොට සභාවේ ඇහුවා මාධ්යවේදියෙක්. ඔබතුමාලා ආවම කොහොමද ණය ප් රශ්නේ විසඳන්නේ කියලා ඇහුවා. නේද? අපි ආවම සල්ලි හොයනවා. අපි ආවම සල්ලි ගලාගෙන එනවා. කිසිම ප් රශ්නයක් නෑ අපි ආවා. අපි දන්නවා සල්ලි හොයන හැටි. අපි දන්නවා ණය ගෙවන හැටි. අපි වැඩ කරපු කට්ටියක් කියලා කිව්වා. ඒ වගේ කතා අපේ විපක්ෂෙත් ඇහෙනවා. අපි ආවහම අපි කරනවා. අපි දන්නවා කරන හැටි කියලා. මේ අර්බුදය, එහෙම සරල ආණ්ඩු වෙනසකින් හෝ එවැනි කාරණයකින් කරන්න පුළුවන් දෙයක් නෙමෙයි. මේකට අවශ්යයි නිශ්චිත වැඩපිළිවෙලක්. මේකට අවශ්යයි නිශ්චිත කණ්ඩායමක්. මේකට අවශ්යයි නිශ්චිතව මේ ප්රශ්න හඳුනාගෙන සිදුකරන ක්රියාදාමයක්. ඒකෙන් වැදගත්ම කොටසක් මේ නීතීඥ ඔබට පැවරෙනවා. ඒක තමයි මේ රට නැවතත් නීතියේ ආධිපත්යය තියෙන රටක් බවට මේ රටේ මිනිස්සුන්ටත්, ලෝකයාටත් පෙන්වා දීම ඒ සඳහා වෙන ප්රතිසංස්කරණවලියක් ඉදිරිපත් කිරීම.
ඒ මගින් ලෝකයට අපි බලගතු සංඥාවක් දෙන්න ඕනේ නැවතත් මේ රට මානව හිමිකම් රකින නීතියේ ආධිපත්යය තියෙන ඒ වගේම අධිකරණයේ ස්වාධීනත්වයේ කාර්යක්ෂමතාවය සහ අපක්ෂපාතීත්වය තිබෙන රටක් යැයි කියන ඒ කොළපාට සංඥාව ගෝඨාභය රතු සංඥාවක් ඇරියේ කොළ සංඥාව අපි ලබා දෙන්න ඕනේ. දක්ෂ පක්ෂ පිරිසට ඉදිරියට එන්න වේදිකාවක් අවශ්යයි තමන්ගේ වෘත්තියෙන් නීතිඥ වෘත්තියෙන් එහෙම නැත්නම් නීති උපදේශනයෙන් ගණකාධිකාරිවරු හැටියට, සැලසුම් ශිල්පීන් හැටියට, ඉංජිනේරුවෝ හැටියට, වෛද්යවරු හැටියට ගුරුවරු හැටියට රට ගොඩනැගූ පිරිසට ඇයි බැරි මේ රටේ අනාගතය මෙහෙයවන්න අනාගතය ගොඩනගන්න අන්න ඒ සඳහා කාටවත් කඩේ නොයා අපි අපිම අපේ උරමතින් මේ අසීරු මොහොතේ අපේ රා අපේ රට අපේ ජනතාව මුහුණ දීලා තියෙන මේ මොහොතේ ජාති ආගම් කුල භේදයකින් තොරව මෙය ගොඩනගා ගැනීමට හදන ලද වේදිකාව තමයි අපේ 43 සේනාංකය. “
ඉදිරි කෙටි කාලයක් ඇතුළත මේ රට අපි ගලවා ගත්තේ නැත්නම් මේ සාපරාධී කල්ලියෙන් මේ රටේ අපේ දරුවන්ට අනාගතයක් ඉතුරු වෙන්නේ නෑ. ඔබේ හැකියාවෙන් ඔබ ගොඩනැගිලා තියෙන්නේ. ඔබ උපයාගත්ත ශක්තිය තමයි තියෙන්නේ මෙතන. එවැනි උපයාගත්ත දෑ තිබෙන පිරිස් වෙතින් රට ගොඩනැගෙනවා නම් මේ රට ඔදවත්, තෙදවත් රටක් වීම වලක්වන්න බෑ කාටවත්ම.
අන්න ඒ සඳහා අපි සැවොම මේ උත්සාහය දරමු කියන ආදරණීය පණිවිඩය ඔබට ඉදිරිපත් කරමින් ජනවාරි මාසයේදී අපි බලාපොරොත්තු වෙනවා රට ගොඩනගන වැඩපිළිවෙළක් සමග බලගතු කණ්ඩායමක් මේ රටට ඉදිරිපත් කරන්න.”සෑම ක්ෂේත්රයකම ඒ මහා ප්රවාහයට ඒ මහා නැගිටීමට, ඒ මහා පරිවර්තනයට සාක්ෂිකරුවෙකු හැටියට, සහායකයෙකු හැටියට, ඒ වගේම නායකයෙකු හැටියට සහභාගී වන ලෙස පාඨලී චම්පික රණවක මහතා ඇරයුම් කළේය.
“අපි මේ වැඩපිළිවෙළ ගොඩනගන්නේ අපි කාටත් හුරුපුරුදු පක්ෂයක නීතිඥ සංවිධානයක් ගොඩනගන්නට නෙවෙයි. අපි මෙතන ඉන්න සියලු දෙනා මගේ හිතවතුන් හිතවතියන් අපි දන්නවා හැම පක්ෂයකටම නීතිඥ කණ්ඩායමක් ඉන්නවා. නමුත් හැම පක්ෂයකටම නීති කණ්ඩායමක් හිටියට ඒ නීතිඥ කණ්ඩායම ක්රියාත්මක වෙන්නේ ඡන්දෙ කාලෙකට විතරයි. බොහෝ දුරට. ඒ ඡන්දෙ කාලේ හමාර වුණාට පස්සේ බලයට ආවා එක විදිහක්, බලයට නාවොත් තව විදියක් හැටියට අපේ අත්දැකීම් තියෙනවා. ඒ අත්දැකීම් පෙරදැරි කරගෙන පහුගිය අවුරුදු තිහක විතර කාලයක් මේ නීතිඥ සංගම් ගොඩනගපු, හුඟක් දැවැන්තයෝ මට පේනවා මේ සභාවේ ඉන්නවා. නමුත් 43 සේනාංකය අද ඔබට ආරාධනා කරේ, එවැනි ක්රියාවලියකට සහභාගී වෙන්නට නෙවෙයි. අපි ඔබට ආරාධනා කරන්නේ ජාතික නීති ප්රතිසංස්කරණය සඳහා වන නීතිඥ එකමුතුවකට ගොනු වෙන්න කියලා.
අපි ජීවත් වෙන්නේ දරුණු අර්බුදයක මුවවිට බව අපි සියලු දෙනාම සාක්ෂරතාවයක් තියෙන සියලු දෙනාම දන්නවා. එවැනි තත්ත්වයක් තුළ හුඟ දෙනෙක් අද කතා කරනවා අර පෙර පරිදි ආණ්ඩුව පෙරළන්න. තවත් ආණ්ඩුවක් ගොඩනගන්න. අපේ දැක්ම අනුව හුදු බල පෙරළියකින් ආණ්ඩු මාරුවකින් මේ ප්රශ්නයට මුහුණ දෙන්න බෑ කියලා අපි විශ්වාස කරනවා. අපිට අවශ්ය වෙනස පිළිබඳව ඒකමිතියක් ඇති නොකරගෙන අපිට මේ ලෝකය එක්ක අපි සම්බන්ධ වෙන්නේ කොහොමද කියලා හිතන්නේ නැතුව මම හිතන්නේ නෑ අපි මේ ඉන්න සියලු දෙනාම එකට එකතු වෙලා ඊළඟ ආණ්ඩුවේ බලය පිහිටෙව්වත් මමත් මෙතන ඉන්න හුඟ දෙනෙක් සම්බන්ධ වුණු යහපාලන ආණ්ඩුවේ අත්දැකීමම ලබන්නට පුළුවන් පස්සේ දැන් මට හුඟ දෙනෙක් විවේචනය කරනවා වගේ මොකක්ද කරේ කියලා අහන්නත් පුළුවන්. ඒ වගේමයි මේ ආණ්ඩුව ඇවිල්ලා ඇතිවෙච්ච අත්දැකීම් දිහා බැලුවම දියසේන කුමාරයෙක් ගොඩනගන්නට අපි උත්සාහ කරා මම නෙමෙයි අපේ සමාජය නමුත් ඒ තුළින් ඇතිවෙලා තියෙන ප්රතිඵලයත් අපි දන්නවා.
ඒ නිසා අපේ හිස් තුළ අපේ මනස තුළ දැවැන්ත දේශපාලනික රික්තයක් අද ජනනය වෙලා තියෙනවා. එසේ ජනනය වෙලා තියෙන තත්ත්වයක් තුළ අපි අලුත් ආරකට දේශපාලනය කළ යුතුයි. අලුත් ආරකට අපි ප්රතිපත්තු ගැන කතා කළ යුතුයි. මොකක්ද අපි නීතිඥ ප්රජාව විතරක් අරගත්තොතින් අපි ඉස්සරහ තියෙන ඇත්ත තත්වය. අපි දන්නවා ලංකාවේ දූෂණය වෙනවා. ඒ දූෂණය නීතිය, ව්යවස්ථාව යම් ප්රමාණයකට ආධාර වෙලා තියෙනවා. මේ පහුගිය අවුරුදු හැත්තෑවෙදිම. ඒ වගේම අපි දන්නවා අක්රමිකතා සිදුවෙනවා. නාස්තිය සිදුවෙනවා. මං උදාහරණ දෙන්න ඕන්නෑ. ඔබ තාම සවිඥානිකයි මේ පිළිබඳව. නමුත් ඒ හැම එකටම නීතිය පැත්තෙන් ගත්තත් ඒකට ප්රශ්නයක් නෑ. අපි නීතියෙන් දායක වෙලා තියෙනවා. ආර්ථිකය ගත්තත් එහෙමයි. සමාජ සංවර්ධනය පිළිබඳව ගත්තොත් විතරයි අපි සමාජ දර්ශක අතින් ආසියාවේ එහෙම නැත්නම් දකුණු ආසියාවේ ඉහළ තැනක ඉන්නේ.
ඒ නිසා අපි දන්නවා අපේ ව්යවස්ථාව පිටිපස්සේ තියෙන චින්තනය පසුගාමී කියලා. විසිවෙනි සංශෝධනය දිහා බැලුවත් විසිවෙනි සංශෝධනය සම්බන්ධයෙන් ඇති වෙච්ච නෛතික සංවාදය දිහා බැලුවත් අපේ චින්තනය පසුගාමී. නීති පද්ධතිය දිහා බැලුවත් නීති පද්ධතිය තුළ තියෙන නීති දිහා බැලුවත් ඒවා පිටුපස තියෙන චින්තනය පසුගාමී. යුක්තිය පසතලීම දිහා බැලුවත් ඒ යුක්තිය පසතලීම පිළිබඳව ඊට පිටුපස තියෙන චින්තනය පසුගාමී ඒ වගේම අධිකරණ පරිපාලනය දිහා බැලුවත් ඒ අධිකරණ පරිපාලනය පිටිපස්සේ තියෙන චින්තනය පසුගාමී. එවැනි තත්වයක් තුල මම හිතන්නේ, අපි හිතනවා නීතිඥවරුන්ට අධිකරණයෙන් එළියට ගිහිල්ලා කරන්නට තිබෙන කාර්යභාරයක් තිබෙනවා කියලා. නෛතික ප්රතිපත්ති සම්පාදනය පිළිබඳව.
අපේ අරමුණ වෙලා තියෙන්නේ ඔබ අපි ඔක්කොම එකතුවෙලා, සැබෑ ජනරජයක්, ගොඩනගන්නට අපි කටයුතු කළ යුතුයි. සැබෑ ජනරජයක්. ඒ ජනරජය තුළ ප්රජාතන්ත්රවාදයත්, සමානතාත්මතාවයත් යුක්තියත් කාර්යක්ෂමතාවයක් තිබිය යුතුයි. එක පැත්තක ජනරජයක් හදලා අපිට වැඩක් නෑ. ධනය බෙදන ජනරජයක් හෝ ධනය හම්බ කරන් නැති ජනරජයකුත් අපිට වැඩක් නෑ. ඒ සැබෑ ප්රායෝගික සිහිනය දකින්නට අපිත් එක්ක එකතු වෙන්න” යනුවෙන් ලක්තිලක මහතා ඉල්ලීමක් කළේය.
රටට බත සපයන ගොවියාගේ පොහොර අවශ්යතාවය පසෙකලා විදේශිකයන්ගෙන් ලබාගත් ඩොලර් ණය ගෙවීමට මේ රජය ප්රමුඛතාවය ලබා දුන් හෙයින් සමස්ත රටම සාගින්නට මුහුණ දෙන අවදානමක් උදාවී ඇත.කෘෂිකර්මාන්ත නිෂ්පාදනයේ ඵලදායිතාවය වැඩි කිරීමට සෑම රටකම තාක්ෂණය හා පොහොර යෙදවීම සිදු කෙරේ. පොහොර භාවිතය වකුගඩු රෝගයට හේතුවක් බව ඍජු සාක්ෂි මෙතෙක් නැත.
මෙවන් පසුබිමක ලංකාවේ පොහොර නොදී ගොවියා සහ ජනතාව රැවටීමේ ප්රතිඵලයක් වශයෙන් අද වන විට කුකුල් මස් ,කිලෝවක් රුපියල් 750 කට විකුණන අතර දේශීය කෘෂි නිෂ්පාදනයක් වන මාළුමිරිස් කිලෝවක්ද රුපියල් 750 ට මිලදී ගැනීමට ජනතාවට සිදුව ඇතැයි සමගි ජන බලවේගයේ පාර්ලිමේන්තු මන්ත්රී ඉරාන් වික්රමරත්න මහතා පැවසීය.
සහල් එළවළු ඇතුළු ගොවියාගේ නිෂ්පාදනය පහළ බැස සමස්ත ජනතාවම හාමතේ වැටෙන තත්ත්වයකට මේ රට පත්වූයේ රජය කෘෂි නිෂ්පාදනයට වඩා රාජපක්ෂ රජය කාලයේ සිට ලබාගත් ස්වෛරී බැඳුම්කර ණය ආපසු ලබාදීම සඳහා ප්රමුඛත්වය දීම නිසා යැයි ඇතුල් කෝට්ටේ සමගි ජනබලවේග ප්රධාන කාර්යාලයේ අද පැවැති පුවත්පත් සාකච්ඡාව අමතමිණි.
මෙහිදී වැඩි දුරටත් කතා කළ මන්ත්රීවරයා, වෙළෙඳපොළ පාලනයට මෙන්ම මූල්ය හා රාජ්ය පාලනයටද කිසිදු දැක්මක් හෝ සැලසුමක් නැති මේ රජය දැන් හෘද සාක්ෂි අනුව කටයුතු කරන මැති ඇමැතිවරුන් ඇතුළු රාජ්ය සේවකයන් ද තම ග්රහණයට නතු කර ගැනීමට විවිධ උපක්රම හා බැලපෑම් යොදා ගන්නා බවක් පෙනෙන්නට තිබේ.
රජය ස්ථාවරයයි පවසන පාලකයන් හිටිහැටියේ කිසිදු හේතුවක් නොමැතිව පාර්ලිමේන්තුවේ වාරය අවසන් කර තිබේ.පාර්ලිමේන්තුවේ කෝප් සහ කෝපා කමිටු හරහා රාජ්ය ආයතන වල සිදුවී ඇති මූල්ය අක්රමිකතා, නාස්තිය හා දූෂණ පිළිබඳ බොහෝ කරුණු හෙළිකර ගෙන තිබෙනවා.
මෙහි ප්රතිඵලයක් ලෙස ආයෝජන මණ්ඩලයේ අධ්යක්ෂ මණ්ඩල ප්රධානීන්, ගල් ඔය වැවිලි සමාගමේ වැනි රාජ්ය ආයතන වල ප්රධානින් බුරුතු පිටින් ඉල්ලා අස්වී මට සිදුව ඇත. ඉහල තනතුරු වලට තමන් පත් කළ තම හිතවතුන්ගේ දූෂණ හා අක්රමිකතා මෙසේ පාර්ලිමේන්තු කමිටු හරහා අනාවරණය වීම පාලකයන්ට හිසරදයක් වූ බැවින් පාර්ලිමේන්තු වාර අවසාන කිරීම හරහා මේ කමිටු සියල්ල අහෝසි කිරීම මගින් එම දූෂණ ද යටපත් කිරීම රජයේ අරමුණ වන්නේ ද ?
රාජ්ය අංශයේ සේවකයන්ගේ විශ්රාම වයස සංශෝධනය කිරීම හරහා සේවකයන්ගේ ස්වාධීනත්වය නැති කර ඔවුන්ව පාලකයන්ට ලැදි සේවකයන් බවට පත්කිරීමේ දේශපාලන කුමන්ත්රණයක් ද අරඹා ඇත.
රාජ්ය අංශයේ සේවක විශ්රාම වයස අවු 60 දක්වා දීර්ඝ කරනවා යයි මුලින් ප්රකාශ කළ රජය එය දැන් 55 සිට 57 දක්වා දීර්ඝ කර ඇත. ඉන්පසුව 62 දක්වා සේවා දිගුවක් ලබා ගැනීමට අවස්ථාව සලසා ඇත.
එහෙත් සේවකයෙකුගේ කාර්යක්ෂමතාවය හා කාර්ය සාධනය සතුටුදායක නැතැයි ආයතන ප්රධානියාට හැඟෙන්නේ නම් සේවා දිගුවකින් තොරව සේවකයා විශ්රාම ගැන්වීමට මුදල් අමාත්යංශය විසින් දෙසැම්බර් 14 වනදා නිකුත් කරන ලද නව චක්රලේඛය මගින් බලධාරීන්ට බලය පවරා ඇත. මෙමගින් සිදු වන්නේ සේවකයන් ස්වාධීනව හා අපක්ෂපාතීව රාජකාරි ඉටු කිරීමට වඩා වයස අවු 57 න් පසුව සේවා දිගුවක් අපේක්ෂා කරන්නේ නම් ආයතන ප්රධානීන් හා ඔහුව පත් කළ දේශපාලන පක්ෂයට ලැදිකම් දැක්වීමට සිදු වීමයි.
මෙය රාජ්ය අංශය දේශපාලනීකරණය කිරීමේ නරක ආදර්ශයක් වීම වැළැක්විය නොහැකිය මේ රජය බලයට පත්වූ දා සිට තම නොහැකියාව සහ අකාර්යක්ෂම ආර්ථික පාලනය වසා ගැනීම සඳහා පසුගිය රජය සමයේ විශාල වශයෙන් ණය ලබාගෙන තිබූ බැවින් රටේ ණය බරතාවය වැඩි විනැයි බොරුව හා ප්රෝඩාව ව්යාප්ත කළේය.
එහෙත් මෑතදී පර්යේෂණ ආයතනයක් වන වෙරිටේ ආයතනය මගින් රටේ ණය බර තාවය පිලිබඳ හෙළීකළ නිවැරදි දත්ත ඉරාන් වික්රමරත්න මන්ත්රීවරයා ඉදිරිපත් කළේය. 2014 වසර වන විට ශ්රී ලංකාවේ සමස්ත ණය බර තාවය රුපියල් ට්රිලියන 9.9 ක් වී ඇත. ඉන්පසු 2015 බලයට පත්වූ යහපාලන රජය 2019 වන තෙක් ලබාගත් ණය ප්රමාණය රුපියල් ට්රිලියන 4.25 ක් පමණි. එහෙත් යහපාලන සමය තුළ, පෙර රාජපක්ෂ රජය ගත් ණය වල පොලිය වශයෙන් රු. ට්රිලියන 3.8ක් ගෙවා ඇතැයි කී මන්ත්රී වරයා ඒ අනුව සැබෑ ලෙසම යහපාලන රජය විසින් රටට අළුතෙන් එක් කළේ සමස්ථ ණය බරින් 10% පමණකි.
රටක පමණක් නොව සමාගමක හෝ පුද්ගලයකු ද ණයක් ලබා ගැනීමේ ගණදෙනුව කළ යුතු වන්නේ ශක්තිමත් ස්ථාවරයක සිටයි. බැංකුවක ණයක් ගන්නා පුද්ගලයෙක් ශක්තිමත් ස්ථාවරයක සිට සාකච්ඡා කරන්නේ නම් ඔහු ඉල්ලන ණය ඉක්මනින් ලැබෙන අතර අඩු පොලි ප්රතිශතයකට ද ණය ගත හැකි වනු ඇත.
මේ රජය විදේශ සංචිත හිදී සම්පත් විකුණන දුර්වල තැනක සිට ගනුදෙනු සඳහා සාකච්ඡා වලට යාමට සිදුව ඇති බැවින් ජාත්යන්තර මූල්ය අරමුදල වෙත ආධාර පතාගෙන ගියද හිඟන්නාගේ පාත්රය අත ඇතිව එන බව ඔවුන් දන්නා නිසා දෙන මුදල් ආපසු ලබාගැනීම සඳහා ඔවුන්ගේ දැඩි කොන්දේසි වලට යටත් වීමට රජයට සිදු වනු ඇතැයි ඉරාන් වික්රමරත්න මහතා පැවසීය.
මෙහිදී උපුල් රෝහණ මහතා වැඩි දුරටත් පැවසුවේ, සීමාවන් ලිහිල් කළේ COVID සංඛ්යාලේඛන මතද නැතිනම් කිසියම් ‘සැඟවුණු බලවේගයක’ අභිමතය පරිදිද යන්න සැක සහිත බවයි
Omicron තර්ජනයක් මධ්යයේ සීමාවන් ලිහිල් කිරීම සම්බන්ධයෙන් සෞඛ්ය බලධාරීන්ට දොස් පවරමින් මහජන සෞඛ්ය පරීක්ෂකවරුන්ගේ සංගමය (PHIU) අද (17) කියා සිටියේ සෞඛ්ය විශේෂඥයින්ගේ උපදෙස් යටතේ සීමාවන් ලිහිල් කර ඇත්දැයි තමන් සැක කරන බවයි.
මහජන සෞඛ්ය පරීක්ෂකවරුන්ගේ සංගමයේ සභාපති උපුල් රෝහණ මහතා මෙම අදහස් පළ කළේ සෞඛ්ය සේවා අධ්යක්ෂ ජනරාල්වරයා විසින් ඊයේ නිකුත් කරන ලද යාවත්කාලීන කරන ලද මාර්ගෝපදේශවලට අදාළව ඇතැම් සීමා කිරීම් ලිහිල් කිරීම සහ අනෙකුත් සීමාවන් නොවෙනස්ව තබා ගනිමින් සිටීම ගැන සිය සංගමයේ ස්ථාවරය පැහැදිලි කරමිනි.
උපුල් රෝහණ පැවසුවේ සෞඛ්ය බලධාරීන් එම සීමාවන් ලිහිල් කළේ කුමන හේතු මතද යන්න අවුල් සහගත බවයි.
“Omicron ප්රභේදයෙන් එල්ල වන තර්ජනය සම්බන්ධයෙන් ලෝකය මේ වන විට තීරණාත්මක තත්වයක පැටලී සිටිනවා. ශ්රී ලංකාවද Omicron තර්ජනයෙන් ආරක්ෂිත නැහැ. ශ්රී ලංකාව තුළ කොවිඩ් තත්ත්වය තවමත් පාලනය කළ හැකි මට්ටමක නැහැ. ඊට අමතරව, විශේෂයෙන් උත්සව සමය ආසන්නයේ ඇති බැවින් මිනිසුන් සෞඛ්ය මාර්ගෝපදේශ අනුගමනය නොකිරීමද කනස්සල්ලට කරුණකි්” ඔහු පැවසීය.
මෙහිදී උපුල් රෝහණ මහතා වැඩි දුරටත් පැවසුවේ, සීමාවන් ලිහිල් කළේ COVID සංඛ්යාලේඛන මතද නැතිනම් කිසියම් ‘සැඟවුණු බලවේගයක’ අභිමතය පරිදිද යන්න සැක සහිත බවයි.
ගෘහස්ථ LP ගෑස් හිඟය හේතුවෙන් හෙට සිට ආපනශාලා සහ හෝටල් සියයට 80කට වැඩි ප්රමාණයක් වසා තබන බව සමස්ත ලංකා ආපනශාලා හිමියන්ගේ සංගමයේ (AICOA) ප්රධානී අසේල සම්පත් මහතා පැවසීය.
ඔහු කියා සිටියේ එළවළු මිල ඉහළ යාමට අමතරව වෙළඳපොලේ ගෑස් හිඟය ප්රධාන ප්රශ්නය වී ඇති බවයි.
“ආපනශාලා හිමියන් තම සේවාවන් කරගෙන යාමට නොහැකි බරපතල තත්ත්වයකට මුහුණ දී සිටිනවා,” ඔහු පැවසීය.
ගෑස් හිඟය සහ එළවළු මිල ඉහළ යාම හේතුවෙන් එළවළු බත් පැකට්ටුවක මිල රුපියල් 180 දක්වා ඉහළ දමා ඇති බව එම සංගමය පවසයි.
කාබනික දියර පොහොර ලීටර් මිලියන අටකට අධික ප්රමාණයක් සහ කාබනික පොහොර ටොන් ලක්ෂ තුනකට අධික ප්රමාණයක් ගොවීන් අතර බෙදා දී ඇති බව රාජ්ය අමාත්ය ශෂීන්ද්ර රාජපක්ෂ මහතා පවසයි.
සූම් හරහා පැවති හරිත කෘෂිකර්මාන්තයක් සදහා වන කාර්ය සාධක බළකා රැස්වීමේදී වත්මන් පොහොර ගැටලුව සහ කාබනික දියර පොහොර සම්බන්ධයෙන් අදහස් දක්වමින් රාජ්ය අමාත්යවරයා මේ බව පැවසුවේය.
පොහොර සඳහා ඇති ඉල්ලුම වැඩිවීම මෙන්ම සැපයුම අඩාල වීම ඇතැම් විට ප්රමිතිය පිළිබඳ ගැටලුවලට තුඩු දෙන බව සාකච්ඡාවේදී අවධාරණය කෙරිණි.
කෙසේ වෙතත් කාබනික ගොවිතැන සඳහා රජය ක්රියාත්මක කරන වැඩපිළිවෙළ අඛණ්ඩව ක්රියාත්මක කරන බව ද රාජ්ය අමාත්යවරයා මෙහිදී පැවසීය.
දිවයින පුරා කාබනික පොහොර නිෂ්පාදනය කිරීම සඳහා අමාත්යාංශය විසින් මේ වන විට පුද්ගලයින් 85 දෙනෙකු තෝරාගෙන ඇති බව ද ඔහු සඳහන් කළේය