හිටපු කළුතර ප්රාදේශිය සභාපති ලක්ෂ්මන් විදානපතිරණ මහතා අල්ලස් චෝදනාවකට අවුරුදු 5ක සිරදඩුවමක් අද ( 7) නියම කළේය.
ඒ කොළඹ මහාධිකරණය විසින් නඩුව කැඳවු අවස්ථාවේදිය.
Tag: breaking post
-
රූපවාහිනියේ උණුසුම් තත්වයක්..සභාපතිනි සිරකර විරෝධතා..
කොළඹ 07 පිහිටි ජාතික රූපවාහිනි සංස්ථාවේ මේ වන විට උණුසුම් තත්වයක් ඇතිව තිබේ.
සේවකයක් විසින් සභාපතිනි ඉනෝකා සත්යාංගනීගේ කාර්යාලය වටලා විරෝධය පල කරමින් සිටිති.
දේශපාලන හේතුන් මත සේවකයන් 21 දෙනෙකු ස්ථාන මාරු කිරීමට විරෝධය පල කරන ඔවුන් ආයතනයේ අලෙවි කළමනාකාරැ වහා සේවයෙන් ඉවත් කරන ලෙසද ඉල්ලා සිටී.
එමෙන්ම අලෙවි කළමනාකරුගෙන් ආයතනයට මේ වන තෙක් සිදුව ඇති පාඩුව පියවා ගන්නැයිද ඔවුන් ඉල්ලති.
-
2018 වසරේදී ලාඳුරු රෝගීන්ගේ වර්ධනයක් …..
ශ්රී ලංකාවේ ලාඳුරු රෝගින්ගේ ප්රමාණය ආසන්න වසර 10ක කාලයේදී වසරකට 2000 බැගින් වර්ධනය වී ඇති බව සෞඛ්ය ප්රවර්ධන කාර්යාංශය සඳහන් කරයි.
2018 වසරේදී ශ්රී ලංකාවේ සෑම දිස්ත්රික්කයකින්ම ලාඳුරු රෝගින් 1683ක් වාර්තා වී ඇති බවත් එසේ හඳුනාගත් රෝගීන්ලේ වැඩිම ප්රමාණයක් බස්නාහිර පළාතෙන් (691/ 41%) වාර්තා වී ඇති බවත් එම කාර්යාංශය පෙන්වා දෙයි.
ලාඳුරු යනු බැක්ටීරියාවකින් බෝවන නිදන්ගත රෝගයක් බවත් ශ්වසන මාර්ගයෙන් නිකුත්වන ආසාදිත බිඳිති මඟින් රෝගය ව්යාප්ත වෙන බවත් කාර්යාංහය සඳහන් කරයි.
එසේම නිසි ප්රතිකාර ලබාගැනීමෙන් රෝගය සුව කළ හැකි බවත් රෝග ලක්ෂණ මතුවී මාස 6ටත් වඩා ප්රමාද වී ප්රතිකාර සඳහා පැමිණෙන සංඛ්යාව 30%ක් දක්වා ඉහළ ගොස් ඇති බවත් එම කාර්යාංශය වැඩිදුරටත් පවසයි.
-
වැඩිහිටි සුරැකුම් මධ්යස්ථාන ආරම්භ කරන්න 75% ක සහන පොලියක් මත කෝටියක ණයක්
වැඩිහිටි සුරැකුම් මධ්යස්ථාන ආරම්භ කරන්නන්ට රාජ්ය හා පෞද්ගලික බැංකු වලින් සහන පොලි පදනම යටතේ රුපියල් කෝටියක ණය මුදලක් ලබාදීමට මුදල් අමාත්යාංශය කටයුතු යොදා තිබේ.
අයෝජනයක් ලෙස වැඩිහිටි සුරැකුම් මධ්යස්ථාන ආරම්භ කර ඒවා මුදල් අය කිරීමේ පදනම මත ක්රියාත්මක කරගෙන යාමට අපේක්ෂා කරන්නන්ට එම ණය ඉල්ලුම් කළ හැකි බවද එම අමාත්යාංශය සඳහන් කරයි.
ඒ අනුව සියයට 75ක සහන පොලියක් මත රජයේ හා පෞද්ගලික අංශයේ බැංකු මගින් එම ණය නිකුත් කරන බවද මුදල් අමාත්යාංශය පවසයි.
මෙරට ජනගහණයෙන් වැඩිහිටි ජනගහණය ක්රමයෙන් වැඩි වෙමින් පවතින අතර 2050 වන විට මුළු ජනගහණයෙන් සියයට 28ක් වැඩිහිටි ජනගහණයක් අපේක්ෂා කරන බවද මුදල් අමාත්යාංශය කියයි.
-
ගොඩක් අය කරන්න හැදුවට කරගන්න බැරිවුන කෘතීම වැසි වලින් ජල විදුලිය නිපදවීමේ අභියෝගය රවී ජයග්රහනය කරයි…
කෘතීම වැසි මඟින් ජල විදුලිය නිලදවීම ගැන මීට ඉහත නියඟ කාලයන් වලදී කතාබහට ලක්වූවත් ඒ ඒ කාලවල විදුලිබල ඇමතිව සිටි කිසිම අමාත්යවරයෙකුට එම අදහස සාක්ෂාත් කරගැනීමට නොහැකි විය.එසේ තිබියදී නියඟයක් ඇතිවීමට පෙර ඒයට සූදානම් වීමක් වශයෙන් දුරදිග බලා වැඩ කරන අමාත්ය රවී කරුණානායක මහතා විසින් පලමු වරට මෙරට තුල කෘතිම වැසි ඇතිකිරීම සදහා ගිවිසුම් අත්සන් කිරීමක් ඊයේ දිනයේ සිදු විය.
විදුලිබල, බලශක්ති අමාත්යංශය හා ශ්රී ලංකා ගුවන් හමුදාව අතර මෙම ගිවිසුම අත්සන් තැබූ අතර මෙහි ප්රතිඵල පෙබරවාරි මස අග භාගයේදී දක්නට හැකි වනු ඇති බව ඇමති රවි කරුණානායක මහතා සදහන් කලේය.
නියග පවතින කාලයේදී ජලවිදුලි බලාගාර ප්රදේශවලට කෘතිම වර්ෂා ඇති කර ජල විදුලිය විපදවීමට මෙයින් හැකියාව ලැබෙන බව ගුවන් හමුදාපතිවරයා එහිදී පැවසූ අතර රවී කරුණානායක මහතාගේ දුරදක්නා නුවන ඇගයීමටද අමතක කලේ නැත.
-
ශ්රී පාද වන්දනාවේ එන ජනතාවට නල්ලතණ්නිය පොදු රථ ගාලේ ජල සැපයුම විසන්ධි කරලා
නල්ලතණ්නියේ පොදු රථ ගාලේ ජල සැපයුම විසන්ධි කර ඇත. මේ නිසා ශ්රී පාද වන්දනාවේ පැමිණෙන සැදැහැවතුන් දුෂ්කරතාවන්ට මුහුණ දෙන බවයි වාර්තා වේ.එළඹෙන සති අන්තයේ දුරුතු පොහොය ද යෙදී ඇති බැවින් ඒ හේතුවෙන් සැදැහැවතුන් වැඩි පිරිසක් එම සති අන්තයේ දී ශ්රීපාද වන්දනාවේ පැමිණෙනු ඇතැයි අපේක්ෂිතයි. ඒ බව සැලකිල්ලට ගනිමින් හෝ විසන්ධි කර ඇති ජල සැපයුම නැවත ලබාදෙනු ඇතැයි බලාපොරෙත්තු වේ.
මේ සම්බන්ධයෙන් ජලසම්පාදන හා ජලාපවහන මණ්ඩලයේ නුවරඑළිය දිස්ත්රික් ඉංජිනේරු තරිඳු නිරෝෂන්ගෙන් ද විමසීමක් කල අතර ඔහු පැවසුවේ අදාළ ජල සැපයුම සඳහා ගෙවීම් නියමිත පරිදි සිදු කර නොමැති බවයි. ජල සැපයුම විසන්දි කර ඇත්තේ ද ඒ අනුව බව ඔහු පැවසන ලදී.
මෙම ජල සැපයුම විසන්ධි කෙරුණ ද ශ්රීපාද වන්දනාවේ පැමිණෙන සැදැහැවතුන්ට දුෂ්කරතාවක් ඇති නොවීම සඳහා එහි ඇති නොමිලේ ජල සැපයුම් සේවා තවදුරටත් පවත්වාගෙන යන බවද මෙහිදී ප්රකාශ කෙරුණි.
මේ අතර විසන්ධි කර ඇති නල්ලතණ්නිය පොදු රථ ගාලේ ඇති ජල සැපයුම්වල ගෙවීම් නියමිත පරිදි සිදු නොවීම පිළිබඳව ද විමසා බැලීමක් කල විට අනාවරණ වුයේ පරිපාලන ගැටළුවක් නිසා මෙම ගෙවීම් නිසි පරිදි සිදුව නොමැති බවයි.
අදහස් දැක්වූ අයෙක් සඳහන් කළේ “කලින් මේක තිබ්බේ අඹගමුව ප්රාදේශීය සභාව යටතේ.. එතකොට බිල ගෙවලා තිබ්බේ නෑ.. නමුත් දැන් තියෙන්නේ මස්කෙලිය ප්රදේශීය සභාවට..ගියපාර ටෙන්ඩර් සල්ලි ඔක්කොම ගත්තේ අඹගමුව ප්රාදේශීය සභාව.” යනුවෙනි.
නිලධාරීන්ගේ හෝ බලධාරීන්ගේ ක්රියා නිසා ඇති වන පරිපාලන ගැටළුවලින් මහජනතාව පීඩා විදින්නේ නම් එය අනුමත කළ නොහැකි තත්වයකි. ඒ නිසා ශ්රීපාද වන්දනාවට පැමිණෙන සැදැහැවතුන්ට දුෂ්කරතාවක් ඇති නොවන පරිදි නල්ලතණ්නියේ මෙම ජල ගැටළුව විසදීමට සියලූදෙනා යුහුසුළු විය යුතු වන බව දන්වා සිටිමු.
-
ඡන්දය නිසි කලට පවත්වන්නට නොහැකි වී ඇත්තේ එජාපයත් රාජපක්ෂ කණ්ඩායමත් සහ මෛත්රිපාල කණ්ඩායමත් සීමා නීර්ණ වාර්තාව පරාජයට පත් කරපු නිසයි
පැරණි මනාප ක්රමයට පළාත් සභා මැතිවරණ පවත්වන්නේ නම් එමගින් සිදු වන්නේ ජනමතය යටපත් කිරීමක් බව ජනතා විමුක්ති පෙරමුණ පවසයි.මීට පෙර කළ විමසීමක දී පළාත් සභා හා පළාත් පාලන අමාත්යංශයේ ලේකම් කමල් පද්මසිරි පැවසුවේ පැරණි ක්රමයට පළාත් සභා මැතිවරණ පැවැත්වීමට මේ වනවිටත් කෙටුම්පත් සකස් කෙරෙමින් ඇති බවයි. සති 02ක් ඇතුළත නීති කෙටුම්පත් දෙපාර්තමේන්තුව එහි කටයුතු අවසන් කරනු ඇතැයි ද එහිදී ප්රකාශ කෙරුණි.
කෙසේවෙතත් ජනතා විමුක්ති පෙරමුණ පෙන්වා දෙන්නේ පළාත් සභා මැතිවරණ කඩිනමින් පැවැත්විය යුතු නම් ඊට ඇති සුදුසුම ක්රමය නැවත පැරණි ක්රමය බල ගැන්වීම නොවන බවයි. පාර්ලිමේන්තු මන්ත්රී බිමල් රත්නායක ඒ පිළිබඳ සඳහන් කරන ලද අතර එහිදී “ඡන්දය නිසි කලට පවත්වන්නට නොහැකි වී ඇත්තේ එජාපයත් රාජපක්ෂ කණ්ඩායමත් සහ මෛත්රිපාල කණ්ඩායමත් සීමා නීර්ණ වාර්තාව පරාජයට පත් කරපු නිසා” යනුවෙන් ද සඳහන් කලේය.
කෙසේවෙතත් එක්සත් ජනතා නිදහස් සන්ධානය පවසන්නේ පළාත් සභා මැතිවරණ පැරණි ක්රමයට පැවැත්වීම සඳහා පාර්ලිමේන්තුවේ පක්ෂ නායකයින් එකගතාවකට එළඹ ඇති බවයි. එහි මහ ලේකම්, පාර්ලිමේන්තු මන්ත්රී මහින්ද අමරවීර මේ බව සඳහන් රෙන ලදී.පළාත් සභා 09න් පළාත් සභා 06ක නිල කාලය මේ වනවිට අවසන්ව ඇති අතර ඒ, උතුරුමැද, නැගෙනහිර, සබරගමුව, මධ්යම, වයඹ සහ උතුර යන පළාත් සභාවලයි. බස්නාහිර, දකුණ සහ ඌව යන පළාත් සභාවල පමණක් නිල කාලය තවත් ඉතිරිව ඇත. එසේ තිබියදීත් පළාත් සභා මැතිවරණ පැවැත්වීමට නොහැකි වී ඇත්තේ එම මැතිවරණ සමානුපාත සහ කොට්ඨාශ මිශ්ර නව ක්රමයට පැවැත්වීමට පාර්ලිමේන්තුව විසින් නීති සම්මත කර ඇතත් ඊට අවශ්ය සීමා නිර්ණයන් පාර්ලිමේන්තුව විසින් තවමත් සම්මත කර නොමැති නිසාය. ඒ අනුව සීමා නිර්ණයන් සම්මත කිරීම තවදුරටත් ප්රමාද වන්නේ නම් පැරණි ක්රමයට හෝ පළාත් සභා මැතිවරණ පැවැත්විය යුතු බවට මත ඉදිරිපත් වී ඇත.
-
එජාපය තරම් සංවර්ධනයට මුදල් වෙන්කරපු පක්ෂයක් තවත් නෑ…
“2018 ඔක්තෝබර් 26 දා අපේ රටේ ප්රජාතන්ත්රවාදයට ලොකු කළු පැල්ලමක් ඇති වුණා. නමුත් ජනතා එකමුතුභාවය සහ අධිකරණයේ ස්වාධීනත්වය තුළ ඒ ව්යාජ ආණ්ඩුව ගෙදර අරින්න පුළුවන් වුණා. නමුත් ඒ කාලය තුළ ඇතිවූ ආර්ථික ප්රතිවිපාක පහසුවෙන් සුවකළ නොහැකියි. ජනතාවට අවශ්ය වන්නේ කතාව නෙමෙයි ක්රියාවයි. ” යැයි විදුලිබල, බලශක්ති සහ ව්යාපාර සංවර්ධන අමාත්ය රවී කරුණානායක මහතා පැවසීය.
ඒ මහතා මෙම අදහස් පල කළේ ඊයේ (15) පස්වරුවේ රාජගිරිය ඔබේසේකරපුර, අරුණෝදය මාවත, සුබෝධි විහාරයේ පැවති පාසල් නිල ඇදුම් සහ පාසල් උපකරණ ලබාදීමේ උත්සව අවස්ථාවකට සහභාගි වෙමිනි.
මෙහිදී වැඩිදුරටත් අදහස් දැක්වූ අමාත්යවරයා,
“අද අපේ රටේ සංවර්ධනයක් සිදු වුණත්, ඇගට දැනෙන සංවර්ධනයක් සිදුවෙන්නේ නැහැ කියලා චෝදනාවක් තිබෙනවා. යම් පැතිවල සංවර්ධනය සමබරතාවයක් නොමැති බව පේනවා. මේ සදහා අපි ස්වයං විවේචනයක් තුළින් කටයුතු කළ යුතුයි. අපි තරම් මේ රටේ සංවර්ධනට මුදල් වෙන් කළ පක්ෂයක් තවත් නැහැ. අපි සෑම විටම ජනතාවට තීන්දු කිරීමට අවස්ථාව දිය යුතුයි කොහොමද මේ රට ඉදිරියට ගෙනයන්නේ කියලා.
එක්සත් ජාතික පක්ෂය මේ වසර කිහිපය ඇතුළත රටේ හතරකොනේම සංවර්ධනයක් ඇති කරලා තිබෙනවා. නමුත් පෙනෙන්නේ එක කොටසක විතරයි මේ සංවර්ධනය ඇති වන්නේ කියලා. මේ තත්ත්වය වෙනස් කළ යුතුයි. මම කෝට්ටේ අවුරුදු ගණනාවක් කටයුතු කරද්දි විශාල පෙරළියක් කළා. ඒ ශ්රිඝ්ර සංවර්ධනය තවත් ඉදිරියට ගෙන යායුතුයි.යම් තැන්වල අදටත් එය ඇනහිටලා තිබෙනවා. එදා අපි මේ ප්රදේශ වලට මහල් නිවාස ක්රමය හදුන්වල දුන්නට ජනතාව තවමත් ඒවා භුක්ති විදින්නේ නැහැ. මේවා තමයි රජයේ නිලධාරීන් තුළ පවතින නිලධාරිවාදය. දේශපාලනඥයින් යම් යම් දේ අදහස් කරනවා. නමුත් නිලධාරිවාදය තුළින් ඒ කටයුතු නැති කරනවා. මේක තමයි රටේ පවතින් ලොකුම ප්රශ්නය. අපි ඒ නිලධාරීන්ගෙන් ඉල්ලන්නේ එකම දෙයයි. ඒ තමයි රටේ සංවර්ධනය ඇනහිටින වැඩ කරන්නෙපා. පාට පක්ෂ ගැන සැලකිලිමත් වෙන්නෙපා. ජනතාව විසින් දේශපාලනඥයෝ පත්කරද්දි, ඒ ජනතාවගේ ඉල්ලීම් ඉටු කරන්නයි අපි එන්නේ. නමුත් මේවා ක්රියාත්මක කරන්නෙ රජයේ නිලධාරීන් විසින්.යැයි ඔහු පැවසිය.
-
සේනා මදිවට දැන් ඩිස්කෝ ඇවිල්ලා
හඳුනා නොගත් රෝගයක් යැයි පැවසෙන තත්ත්වයක් හේතුවෙන් කල්පිටියේ ළූණූ ගොවීන් පීඩාවට පත්ව ඇති අයුරු ඉකුත් 12 වැනිදා අද දෙරණ රටට අනාවරණය කළේය.
එම අනාවරණයෙන් පසු මහඉලුප්පල්ලම කෘෂි පර්යේෂණ නිළධාරින් කල්පිටිය දළුව ප්රදේශයට පෙරේදා (14) පැමිණ ළූණූ වගාවන් නිරික්ෂණය කළේය.
එහිදි මාධ්ය වෙත අදහස් දැක්වූ මහඉලුප්පල්ලම කෘෂී පර්යේෂණ නිළධාරින් සඳහන් කළේ අදාල පරික්ෂණ සිදු කර අවසන් වන තෙක් ළූණු වලට සිදුවී ඇත්තේ කුමක්දැයි නිශ්චිතව සඳහන් කළ නොහැකි බවයි.
පසුගිය දෙසැම්බර් මාසයේදී කල්පිටිය ප්රෙද්ශයේ ළූණු වගාව ආශ්රිතව ඩිස්කෝ නම් දිලීර රෝගය වැළදීම හේතුවෙන් අක්කර 2000 කට වැඩි වගාවක් විනාශයට පත් විය.
එම විනාශයෙන් පසු කල්පිටිය ගොවීන්ට දැන් මුහුණ දීමට සිදුව ඇත්තේ මේ වනවිටත් හදුනා නොගත් බව කියන රෝගයක් සිය ළූණු වගා බිම් ආක්රමණය කිරිමත් සමඟයි.
ළූණු ගසේ කොළ පිළිස්සී යාම එහි රෝග ලක්ෂනය වන අතර එමගින් ගසේ වර්ධනය සම්පුර්ණයෙන්ම අඩාල වන බව අද දෙරණ පසුගියදා රටට අනාවරණය කළේය.
එම අනාවරණයෙන් පසු ළූණූ ගසේ කොළ පිලිස්සී ගිය වගා බිම් නිරික්ෂණය කිරිම සදහා මහඉලුප්පල්ලම කේෂත්ර භෝග පර්යේෂණ හා සංවර්ධන කටයුතු ආයතනයේ නිළධාරින් කල්පිටිය අර්ධද්විපය වෙත ඊයේ පැමිණීයේය.
එහිදි අදාල භූමිවල පස් සාම්පල හා ජල සාම්පල පරික්ෂණ සඳහා රැගෙන යාමට පියවර ගැනුණු බව අද දෙරණ වාර්තාකරු සඳහන් කළේය.
-
රටක් ගොඩනැඟීම සඳහා පුද්ගල නිදහස සමඟ පුද්ගලයින්ගේ විනයත් වැදගත් වෙනවා…
රටක් ගොඩනැඟීම සඳහා පුද්ගල නිදහස සමඟ පුද්ගලයින්ගේ විනයද වැදගත් වන බව හිටපු ආරක්ෂක ලේකම් ගෝඨාභය රාජපක්ෂ මහතා පවසයි.
ඔහු පෙන්වා දෙන්නේ එසේ නොමැතිනම් සමාජය වියවුල් වන බවයි.
පානදුර ප්රදේශයේ පැවති උත්සවයකට එක්වෙමින් ගෝඨාභය රාජපක්ෂ මහතා මෙම අදහස් පල කරන ලදී.
ආගම තුළින් රටක් ගොඩනැගෙන අතර, කුමන ආගමකින් වුවද සමාජය නිසි මඟකට යොමු කිරීමට සෑම අවස්ථාවකම උත්සහ කරන බව ද ගෝඨාභය රාජපක්ෂ මහතා මෙහිදී වැඩිදුරටත් පැවසීය.
බෞද්ධ ධර්මය තුළ අනෙක් සියලු ආගම්වලට නිදහසක් ලබා දෙන බවත්, කිසිදු බාධාවකින් තොරව ආගම් ඇඳහීමේ නිදහස හිමි වෙන බව ද කියා සිටියේය.
පුද්ගල නිදහස ගැන කථා කරන කාලයක් බවත්, පුද්ගල නිදහස ලැබෙන අතරම පුද්ගල විනය ඉතාමත් වැදගත් වන බවත්, එසේ නොමැති නම් සමාජය වියවුල් තත්ත්වයකට පත් වන බව ද ගෝඨාභය රාජපක්ෂ මහතා මෙහිදී වැඩි දුරටත් පැවසීය.
-
මෙවර කැළණි මහ පෙරහැර නෑ…
නොවැලැක්විය හැකි හේතු හා දුෂ්කරතා කිහිපයක් මත මෙවර ජනවාරි 19 දින පැවැත්වීමට නියමිතව තිබූ කැළණි රජමහා විහාරයේ මහ පෙරහැර නොපැවැත්වෙන බව කැළණි රාජමහා විහාරාධිපති මහාචාර්ය කොල්ලුපිටියේ මහින්ද සංඝරක්ඛිත නාහිමියන් පැවසීය.
එසේ වන නමුත් යොදා ගත් පරිදි ජනවාරි 17 දින රාත්රී 8.30ට උඩමළුවේ පෙරහැර හා ජනවාරි 18 දින රාත්රී 8.30ට දෙවන වීථී පෙරහැර වන දේවදූත පෙරහැර උත්කර්ෂවත් අයුරින් පැවැත්වෙන බව ද උන්වහන්සේ වැඩිදුරටත් පැවසීය.
-
ත්රිපිටකය ලෝක උරුමයක් කිරීමට ජනපති ගෙනා යෝජනාවට කැබිනට් අනුමැතිය
සමස්ත ලෝකවාසී බෞද්ධ ජනතාවගේ උරුමයක් වූ අතිපාරිශුද්ධ ථෙරවාද ත්රිපිටකය, ලෝක උරුමයක් බවට පත්කිරීමේ අරමුණින් යුතුව ජනාධිපති මෛත්රීපාල සිරිසේන මහතා විසින් ඉදිරිපත් කළ යෝජනාවට කැබිනට් අනුමැතිය හිමිවී තිබේ.
ත්රිපිටකය ජාතික උරුමයක් බවට නිල වශයෙන් ප්රකාශයට පත් කිරීමේ ජාතික මහෝත්සවය 2019 ජනවාරි මස 05 වන දින ජනාධිපතිවරයාගේ ප්රධානත්වයෙන් ඓතිහාසික මාතලේ අලූවිහාරයේ දී පැවැත්විණි. ථෙරවාදී ත්රිපිටකය ජාතික උරුමයක් බවට ප්රකාශයට පත් කළා සේම, එය ලෝක උරුමයක් බවට පත් කිරීමට අවශ්ය මැදිහත්වීම ද තමා ඉදිරියේ දී සිදු කරන බවට ජනාධිපතිවරයා එම අවස්ථාවේදී කළ ප්රකාශය අනුව ඒ සඳහා වන කැබ්නට් යෝජනාව ජනාධිපතිවරයා විසින් අමාත්ය මණ්ඩලය වෙත ඉදිරිපත් කෙරිණි.
එම යෝජනාවට ඊයේ (14) දින කැබිනට් අනුමැතිය හිමි වූ අතර ඉදිරියේදී එය පාර්ලිමේන්තුවට ඉදිරිපත් කර සම්මත කර ගැනීමට නියමිතය.
-
ශ්රී ලංකා තව්හීජ් ජමාත් සංවිධානයයෙන් ‘බුර්කාවට සහ ඉස්ලාමීය බැංකු සංකල්පයට’ විරෝධය
බුර්කාව සහ ඉස්ලාමීය බැංකු සංකල්පය ශ්රී ලංකාවට කිසිසේත් අවශ්ය නොවන බව ශ්රී ලංකා තව්හීජ් ජමාත් සංවිධානය පවසනවා. එහි සිංහල දේශක තව්සීෆ් අහමඞ් පෙන්වා දෙන්නේ හලාල් සංකල්පයද මේ වනවිට වාණිජමය පරමාර්ථයෙන් ක්රියාත්මක වන බවයි.
ඒ බව සඳහන් කෙරුණේ ශ්රී ලංකා තව්හීජ් ජමාත් සංවිධානයේ සාමාජිකයන් පිරිසක් ඊයේ (13) පස්වරුවේ නෙල්ලිගල ජාත්යන්තර බෞද්ධ මධ්යස්ථානාධිති පූජ්ය වතුරුකුඹුරේ ධම්මරතන හිමියන් මුණගැසුණු අවස්ථාවේදීයි. නෙල්ලිගල ජාත්යන්තර බෞද්ධ මධ්යස්ථානයේදී මෙම හමුව සිදු විය.
මාවනැල්ල ඇතුලූ ප්රදේශ කිහිපයකදී ඉකුත් දිනවල බුද්ධ ප්රතිමාවලට ප්රහාර එල්ලවීමේ සිද්ධිය සම්බන්ධයෙන් ද මෙහිදී සාකච්ඡා කෙරුණු අතර එම අවස්ථාවේදී ශ්රී ලංකා තව්හීජ් ජමාත් සංවිධානයේ සිංහල දේශක තව්සීෆ් අහමඞ් ප්රකාශ කලේ තම සංවිධානය එම ක්රියාව තරයේ හෙලාදකින බවයි. කිසියම් ආගමික ස්ථානයකට පහර දෙන්නෙකු ඉස්ලාමීය ආගමෙන් නෙරාපා හැරිය යුතු බවයි ඔහු එහිදී අවධාරණය කරන ලදී.
මෙහිදී අදහස් දැක්වූ නෙල්ලිගල ජාත්යන්තර බෞද්ධ මධ්යස්ථානාධිති පූජ්ය වතුරුකුඹුරේ ධම්මරතන හිමියන් ප්රකාශ කලේ ඒ පිළිබඳ ජනතාව දනුවත් කල යුතු බවයි. ඊට සමස්ත ලංකා ජමයිතුල් උලමා සංවිධානය, ශ්රී ලංකා තව්හීජ් ජමාත් සංවිධානය සහ සිලෝන් තව්හීජ් ජමාත් සංවිධානය එකම වේදිකාවකට පැමිණිය යුතු අතර ඊට තමන් වහන්සේගේ පූර්ණ සහයද ලබාදෙන බව පූජ්ය වතුරුකුඹුරේ ධම්මරතන හිමියන් මෙහිදී අවධාරණය කරන ලදී.
-
පාකිස්ථානයේ පිහිටට චීන-සවුදි ඒකාබද්ධ ආර්ථික මෙහෙයුමක්
අමෙරිකානු ඩොලර් බිලියන 10 ක් වටිනා ඉන්ධන පිරිපහදු මධ්යස්ථානයක් ඉදිකිරීමට සවුදි අරාබිය කැමැත්ත පළ කර ඇති බව පාකිස්ථාන බලශක්ති අමාත්යාංශය නිවේදනයක් නිකුත් කරමින් කියා සිටී. මෙම ඉන්ධන පිරිපහදුව පාකිස්ථානයේ ග්වාඩාර් වරාය ආශ්රීතව ඉදිකිරීමට නියමිත බව වාර්තා වේ.
පාකිස්ථානය මුහුණපා සිටින ආර්ථික අවපාතයෙන් ගොඩ ඒම සඳහා දීර්ඝ කාලින ආයෝජනයන් සඳහා සවුදි අරාබිය සමග මෙවැනි ගිවිසුමකට යොමුවී ඇත. ඉකුත් වසරේදී සවුදි රජය විසින් අමෙරිකානු ඩොලර් බිලියන 06ක් වටිනා ඉන්ධන ලබා ගැනීමේ සහන පැකේජයක් ද පාකිස්ථානයට ලබා දෙනු ලැබීය.
චීන-පාකිස්ථාන සහයෝගිතාවය තුල මෙම ඉන්ධන පිරිපහදු මධ්යස්ථානය ඉදිකිරීමෙන් පාකිස්ථානයේ ආර්ථිකය ශක්තිමත් කිරීමට සවුදි රජය බලාපොරොත්තු වන බව සවුදි බලශක්ති අමාත්යවරයා මාධ්ය වෙත අදහස් දක්වමින් ප්රකාශ කර සිටින ලදී.
මෙම ඉන්ධන පිරිපහදු මධ්යස්ථානය ඉදිකිරිම සම්බන්ධයෙන් වන ගිවිසුම අත්සන් තැබීම සඳහා සවුදියේ ඔටුන්න හිමි මොහොමඩ් බින් සල්මාන් කුමරු ලබන පෙබරවාරි මාසයේදී පාකිස්ථානයට පැමිණීමට බලාපොරොත්තුවන බව සවුදි බලශක්ති අමාත්යවරයා වැඩිදුරටත් සඳහන් කල අතර ඉන්ධන පිරිපහදු මධ්යස්ථානයට අමතරව පාකිස්ථානයේ වෙනත් අංශ ඉලක්ක කර ගනිමින් ඉදිරියේදී සිය ආයෝජනයන් සිදු කිරීමට නියමිත බව සවුදි රජය මෙහිදී වැඩිදුරටත් සඳහන් කරයි.
මිට අමතරව චීනය විසින් පාකිස්ථානයේ විදුලි බලාගාර, අධිවේගී මාර්ග පද්ධති, නව හා වැඩිදියුණු කරන දුම්රිය මාර්ග සහ ඉහළ ප්රමිතියෙන් යුත් වරායන් ඉදිකිරිම සඳහා අමෙරිකානු ඩොලර් බිලියන 60ක් වටිනා නව ගිවිසුමකටද පාකිස්ථානය සමග එළැඹ ඇත..
ඉකුත් වසරේදී බලයට පත්වූ පාකිස්ථානයේ නව අගමැති ඉම්රාන් ඛාන් රටේ ආර්ථිකය වැඩිදියුණු කිරීම සඳහා සවුදි අරාබිය සහ චීනයෙන් ආර්ථික පැකේජ ලබා ගැනීම සිදුකරනු ඇති බව සඳහන් වේ
-
ක්ලාස් කට් කර නාන්න ගිය සිසුවා මහවැලි ගඟට බිලි
නාවලපිටිය ප්රදේශයේ උපකාරක පන්තියකට සහභාගි විමට ගොස් මිතුරන් සමග මහවැලි ගගේ දිය නැමට ගිය පාසල් සිසුවෙක් දියේ ගිලි ජිවිතක්ෂයට පත් වි ඇති අතර දියේ ගිලුණු තවත් පාසල් සිසුවෙක් නාවලපිටිය මුලික රෝහල වෙත ඇතුළත් කර ඇති බව නාවලපිටිය පොලිසිය පැවසිය.
මෙසේ මිය ගොස් ඇත්තේ ගිනිගත්හේන මධ්යම මහා විද්යාලයේ උසස් පෙල හදාරණ නාවලපිටිය හල්ගොල්ල හපුගස්තලාවේ පදිංචි විදුල රසාංජන ඉලංගකොන් නැමති 18 හැවිරිදි පාසල් සිසුවයි.
නාවලපිටිය නගරයේ උපකාරක පන්තිවලට සහභාගි වන බව පවසමින් නිවසෙන් පැමිණ ඇති ජිවිතක්ෂයට පත් සිසුවා තවත් සිසුන් කිහිපදෙනෙකු සමග මහවැලි ගගේ නාවලපිටිය හයිපොට් ප්රදේශයේදි ගගට බැස දිය නාමින් සිටියදි ඊයේ (13) දහවල් 12 ට පමණ සිසුන් තිදෙනෙක් දියේ ගිලි ඇත.
මහවැලි ගග අසල පෞද්ගලික ඉඩමක ගොඩනැගිල්ලක් ඉදි කරමින් සිටි සේවකයන් පිරිසක් විසින් දියේ ගිලුණු සිසුන් දෙදෙනා ගොඩට ගෙන රෝහල් ගත කිරිමේදි එක් සිසුවෙක් ජිවිතක්ෂයට පත් වි ඇති අතර තවත් සිසුවෙක් නාවලපිටිය මුලික රෝහලේ නේවාසිකව ප්රතිකාර ලබයි. දියේ ගිලුණු අනෙක් සිසුවා බාහිර රෝගි අංශයෙන් ප්රතිකාර ලබා පිටව ගොස් ඇති බවද නාවලපිටිය පොලීසිය පැවසිය.
-
සුනඛයින්ගෙන් මිනිසාට බෝවිය හැකි තවත් ලෙඩක් ගැන දැනුවත් කෙරේ – විවිධ ප්රදේශවල සුනඛයින්ගේ රුධිර සාම්පලද පරීක්ෂා කරයි
සුනඛයින්ගෙන් මිනිසාට බෝවිය හැකි ‘‘ටි්රපනසෝමා’’ රෝගය පිළිබඳ සෞඛ්ය අමාත්යාංශය ද සිය අවධානය යොමු කර තිබෙනවා.විවිධ ප්රදේශවල සුනඛයින්ගේ රුධිර සාම්පලද මේ වනවිට පරික්ෂාවට ලක් කෙරෙන බවයි මෙහිදී ප්රකාශ කෙරුණේ.
මුලතිව් ප්රදේශයේ සුනඛයෙකුගේ ඇස්වල රෝගී තත්ත්වයක් පරීක්ෂා කිරීමෙන් අනතුරුව එම රෝගය මිනිසාට ද වැළඳීමේ අවදානමක් පවතින බව පේරාදෙණිය විශ්ව විද්යාලයේ පශු වෛද්ය පීඨයේ මහාචාර්ය අශෝක දන්ගොල්ල පළමු වරට අනාවරණ කළා.
මෙම රෝගය වැළඳුනු සුනඛයිනගේ රෝග ලක්ෂණ සහ එය මිනිසාට වැළඳීමෙන් පසුව ඇතිවන වෙනස්කම් පිළිබඳවද මෙහිදී විස්තර කෙරුණා.
සුනඛයින්ගෙන් බෝවන මෙම රෝගයෙන් මිනිස් ජීවිතවලට තර්ජනයක් නොමැති බවයි සෞඛ්ය අධ්යක්ෂ ජනරාල් විශේෂඥ වෛද්ය අනිල් ජාසිංහ කියා සිටියේ.