මත්පැන් අලෙවිසැල්වලින් මත් පැන් මිලදී ගැනීමට,මත්පැන් අලෙවිකිරීමට හා නිෂ්පාදනය කරන ස්ථානවල සේවයට කිරීම වලක්වමින් මෙතෙක් පැවති තහනම ඉවත් කර ඉවත් කර ඇතැයි මුදල් අමාත්යංශය පවසයි.
චතුරිකා සිරිසේන මහත්මිය එහි ඡායාරූප සිය ෆෙස්බුක් ගිණුමට එක්කර තිබිණි.
Tag: breaking post
-
ඇඟිල්ල ගහන්න බෑ කියන හෙද සේවකයෝ අද වැඩ වර්ජනයේ
රාජකාරියට පැමිණීමේදී සහ පිටව යාමේදී වේලාව සටහන් කිරීමට ඇඟිලි සලකුණු යන්ත්ර භාවිත කිරීමේ යෝජනාවට විරෝධය දක්වමින් කොළඹ ජාතික රෝහලේ හෙද හෙදියෝ අද(11) සංකේත වර්ජනයක නිරත වීමට තීරණය කර ඇත.එයට කොළඹ ජාතික රෝහල, ඇස් රෝහල සහ කොළඹ දන්තායතනය යන ආයතනවලද හෙද හෙදියන් එක්වීමට නියමිත අතර රාජ්ය සේවා එක්සත් හෙද සංගමය සහ සමස්ත ලංකා හෙද සංගමයට අයත් හෙද හෙදියෝ එම සංකේත වර්ජනයට සහභාගී වන බවද සමස්ත ලංකා හෙද සංගමයේ ජාතික සංවිධායක එච්.එම්.එස්.බී.මැදිවත්ත පැවසීය.
-
තම අදහස් නොවිමසමින් ප්රාදේශීය ලේකම් කොට්ඨාසය වෙනස් කළැයි ඡන්ද වර්ජනයේ
අරණායක ප්රාදේශිය ලේකම් කොට්ඨාසයට පරම්පරා ගණනාවක් අයත්ව සිටි තමන්ගේ අදහස් නොවිමසමින් මධ්යම පළාත් සභාවට අයත් අරණායක නාත්තාකන්ද ප්රදේශයේ පදිංචි පවුල් 57ක් ගඟඉහළ කෝරලයට අනුයුක්ත කිරීම හේතුකොට ගෙන තමන් මේ වනවිටත් දුෂ්කරතා රැසකට මුහුණපා සිටින බවත් මේ සම්බන්ධයෙන් අදාළ බලධාරීන් කොතෙකුත් දැනුවත් කළද ඒවාට ඇහුම්කන් නොදීම නිසා එයට විරෝධය පළ කරමින් ඉදිරි මැතිවරණය වර්ජනය කිරීමට තීරණය කර ඇත.
-
තැපැල් වර්ජනය නවතී… ඡන්දය අවසන්වූ වහාම ඉල්ලීම් ලබා දීමට ඇමතිගෙන් පොරොන්දුවක්
රාජ්ය පරිපාලන අමාත්යංශයේ ලේකම්වරයා සහ තැපැල් අමාත්යවරයා අතර පසුගිය දින දෙකේ පැවති සාකච්ඡාවලදි පැමිණි එකඟතාවන් මත සහ ඉදිරි මැතිවරණය සඳහා තැපැල් දෙපාර්තමේන්තුවේ වගකීම් ඉටුකිරීම සඳහාත් ඡන්දය අවසන්වූ වහාම තම ඉල්ලීම් ලබා දීමට ලබා දුන් පොරොන්දුත් සැලකිල්ලට ගනිමින් ඒකාබද්ධ තැපැල් වෘත්තීය සමිති සංගමය ඊයේ (10) මධ්ය රාත්රියේ සිට ක්රියාත්මක කිරීමට නියමිතව තිබූ තැපැල් සේවක වර්ජනය අත්හිටුවීමට තීරණය කළ බව ඒකාබද්ධ තැපැල් වෘත්තීය සමිති සංගමයේ කැඳවුම්කරු චින්තක බණ්ඩාර මහතා පැවසීය.
යම් හෙයකින් ඉල්ලීම් ලබාදීම මගහැරීමට කටයුතු කළහොත් නැවත වර්ජන ක්රියාමාර්ගයට අවතීර්ණ වීමට සිදුවන බවද කැඳවුම්කරු චින්තක බණ්ඩාර මහතා පැවසීය. -
සිරසෙ නිව්ස් හිට් කරන්න ගිය මරික්කාර් පාර්මේන්තුවේදී ලොකුගේගෙන් කන පලාගනී… ලොකුගේගෙ ඇඟිලි 4ක් මරික්කාර්ගෙ මූනේ
අද (10) පාර්ලිමේන්තුවේ බැඳුම්කර ප්රශ්නය ගැන අගමැති රනිල් විශේෂ ප්රකාශයක් කරමින් සිටින අතරතුරදී ඒකාබද්ධ විපක්ෂයේ මන්ත්රී වරුන් එම කතාවට භාදා කරමින් විරෝධය පා ඇත.
මේ ජර මර අස්සෙ මේක තමයි නියම වෙලාව සිරස ටීවී එකේ නිවුස් එක හිට් කරගන්න කියල හිතපු මරික්කාර් අද සිරසට පට්ට නිව්ස් එකක් දෙන්නම් කියල හිතාගෙන වටපිට බලද්දි ලඟින්ම හිටපු ගාමිණී ලොකුගේ මන්ත්රී තුමන්ව දැක්කා.ලොකුගේ මන්ත්රී තුමා ටිකක් වයස පහේ නිසා මෙයා තාමා වැඩේට කියාපු මනුස්සය කියල හිතන් මරික්කාර් නැගිටල අතේ පයේ හිරි එහෙම ඇරල ලොකුගේ ලඟට ගිහින් වයසෙ තරමට වැඩ කරපං මිනිහො කියල ලොකුගේගෙ අතේ තිබ්බ කොලය උදුරගෙන ලොකුගේව තල්ලු කරල.වයස උනත් තාම ඇගේ ජොහොර් එක අඩු වෙලා නැති ලොකුගේ හැරුන ගමන් මරික්කාර්ගෙ කන හරහා මූණ පිරෙන්න පාරක් දීල.අච්චර වයස ලොකුගේගෙ කනේ පාරට මරික්කාර් කැරකිල බිම පතබෑවිල තියෙන්නෙ කම්බුලේ ඇඟිලි හතරක පච්චෙකුත් තියාගෙනයි.
එයින් නොනැවතුන ලොකුගේ මරික්කාර් ලඟට ආයි එනව දැක්ක ජොන්ස්ටන් ප්රනාන්දු මන්ත්රී වරය සුටුස් ගාල එතෙන්ට ඇවිත් දෙන්න මැද්දට ඇවිත් ලොකුගේව පැත්තකට කරල මරික්කාර්ටත් ආපහු යන්න කියල කියද්දි ඒව කොහෙද කියල ආයි ලොකුගේ ඉස්සරහට ගිය මරික්කාර් ලොකුගේව ආයි තල්ලු කරපු වෙලේ ඒ ලඟ හිටපු ප්රසන්න රණවීර මරික්කාර්ට මදී නොකියන්න ආයි වැටෙනකල්ම සම්බුව දීල .මේ වෙලාවෙ දෙපක්ෂයේම මන්ත්රී වරු මෙතෙන්ට ඇවිත් යන්තම් මරික්කාරගෙ බෙල්ලෙන් ඇදල එතනින් එළියට අරගෙන තියෙනවා.ඔන්න ඔහොමයි පිංවතුනෙ තොරණෙ විස්තරේ.
කිලී මහරාජාගේ දඩයම් බල්ලෙක් වෙන මරික්කාර් නිසා සිරස ආයතනයේ හිටි උගත් අත්දැකීම් පිරි කීප දෙනෙක්ම පසුගිය දින වල සිරස අතහැර ගියේද මරික්කාර්ගේ නොමනා වැඩ නිසා බව සියල්ලෝම දන්නා කරුණකි.
-
සූක්ෂමව බයියන්ගේ පොකට්ටුවට කෙලින පොහොට්ටු දේශපාලනයේ ප්රියම්භිකාව හා සහචරයා
මේක ටිකක් අපූරු කතාවක්, පොහොට්ටුවේ රැස්වීම් නිමක් නැත. එදා පටන් නුගේගොඩ සිට ලංකාවේ හතර කොනට මහින්දගේ සුළං හැමුවේය. ඒ සුළං හැමීම හරහා පළමු වෙඩිමුර ගානක්ද රටපුරා පැවැත්වීය. දිවයිනේ නන් දෙසින් මේ සෑම රැස්වීමටම ජනතාව ඇදී ආවේය, නැතිනම් ගෙන්නුවේය.රාජ්ය බලය නොමැති මහින්ද රාජපක්ෂ හට මේ සෑම රැස්වීමක්ම මාධ්ය ආවරණය ලබාගැනීමට නොහැකි විය. ඒසේම රැස්වීම් පිළිබදව පූර්ව ප්රචාරණයක් සේම රැස්වීම් පවතින අවස්ථාවේද මාධ්ය ආවරණය සිදුකලේද සමාජජාලා තුලින්. මහින්ද වෙනුවෙන් පෙනී සිටි බොහොමයක් සමාජජාලා ක්රියාකාරීන් ස්වේච්ඡාවෙන් සිය දායකත්වය දිවයිනේ සෑම තැනටම ගොස් ලබාදුන්නේය. මුල් අවදියේ පටන් මෙම කටයුත්තට මහින්දගේ පාර්ශවය මූල්ය දායකත්වයක් ලබා නොදුන්නේය. නමුත් තමන් දුක් මහන්සියෙන් හරි හම්බ කරගත් මුදලින් අව්ව වැස්ස නොතකා ඔවුන්ගේ දායකත්වය මහින්ද වෙනුවෙන් ලබා දුන්නේය.කාලයාගේ ඇවෑමෙන් සමාජ ජාලා ක්රියාකාරීන් තෝරාගත් කොටසක් වෙනුවෙන් මහින්දට හිතවත් මන්ත්රිවරුන් යම් යම් දායකත්වයන් ලබාදෙන්නට විය. ඒ දිවයිනේ ඕනෑම තැනක පැවැත්වෙන රැස්වීමක් සඳහා යාමට බස් රථයක් කෑම බීම සහ ඉඳුම් හිටුම් පවා ලබාදෙන්නට තරම් අනුග්රහයක් ලබාදෙන්නට විය. මේ කටයුත්ත දිගින් දිගටම ඇදී යන අතරතුර පසුගියදා මහින්දගේ ප්රධානත්වයෙන් පොහොට්ටුවේ රැස්වීමක් අනුරාධපුරයේදී පවත්වන ලදී.මෙම රැස්වීම සඳහා ගමන් ගන්නා පෙරකී පරිදි තෝරාගත් සමාජජාල කණ්ඩායම සඳහා ගමන් පසුකම් සලසන්න අනුග්රාහකයෙකු නොමැති බව පවසා, බස් රථයක් ලබා ගැනීමට සහ ආහාර පාන සඳහා යැයි කියමින් එක් අයෙකුගෙන් රුපියල් 3000 බැගින් එකතුකර ඇත. ඒ සඳහා මූලිකත්වය ගෙන ඇත්තේ මහරගම නගර සභාවට පොහොට්ටුවෙන් තරඟවදින දිනේෂ් ගුණවර්ධනගේ කොට්ටාව ප්රදේශයේ හිතවතියක් සහ ඇයගේ අතිශය හිතවන්ත සමාජජාලා ක්රියාකරුවෙකි. ඔහු දැනට බත්තරමුල්ල නෙළුම් මාවත පොහොට්ටු කාර්යාලයේ සමාජජාලා මෙහෙයුමද කරනා අයෙකි.මෙහිදී සිදුකර ඇති වංචාව මෙසේය.ගමන් පහසුකම් සඳහා යැයි රුපියල් 3000 බැගින් එකතු කලද, ඒ සඳහා බස් රථයක් නොමිලේ ලබාදී ඇත්තේ සබරගමුව පලාත් සභාවේ මන්ත්රිවරයෙකු වන සහ පා.ම. පවිත්රා වන්නිආරච්චිගේ සැමියා වන කංචන ජයරත්න මහතාය. ආහාර පාන සහ ඉඳුම් හිටුම් නොමිලේ සපයා ඇත්තේ තවත් මන්ත්රීවරයෙකු විසිනි. නමුත් ගමනට රුපියල් 3000 බැගින් එක් අයෙකුගෙන් එකතු කර ඇත. එය ප්රත්යක්ෂ කරුණකි. ඒ පිළිබඳව මේ වන විටත් මහින්ද හිතවත් සමාජජාලා ක්රියාකරුවන් අතරේ දැඩි මතභේදාත්මක තත්වයක් හටගෙන ඇත. ඔවුන් මහින්ද කෙරේ ඇති අපිරිමිත භක්තිය ප්රයෝජනයට ගෙන ඔවුන්ව මුලාවේ දමමින් සිදුකරන ලද කූට ක්රියාව හෙලිවී ඇත. මේ ආකාරයට අවස්තා කිහිපයකිදී මෙම වංචාව සිදුකර ඇති බව හෙලිදරව් වී ඇති අතර, මැය රාජ්ය නොවන සංවිධානයක ක්රියාකාරිණියක් වශයෙන්ද කටයුතු කරයි.ශර්මිලා ගෝනවල නම් වූ එජාපයේ සිට පැමිණි කාන්තාවක් හා එක්ව අරඹන ලද කාන්තා සංවිධානයක සිට මහින්දට හිතවත් සමාජජාලා ක්රියාකාරිණියක් එක්රැස් කිරීම ඇයට පැවරී ඇති රාජකාරිය වන අතර, ශර්මිලා ගෝනවල කටයුතු කරනු ලබන්නේ 2020 ජනපති සිහිනයෙන් පෙලෙන පාඨලී චම්පික ඇමතිවරයාගේ බලල් අතක් ලෙසිනි. එම සංවිධානය ලියාපදිංචි වී ඇත්තේද දෙහිවල උපාලිවංශිකාරාමය නමින් වන අතර එහි ප්රධාන හිමිනම වන ගිගුම්මඩුවේ විමලබුද්ධි හිමි යනු පාඨලී චම්පිකගේ අතිශය හිතවත් හිමිනමකි.මේ ආකාරයට මහින්ද හිතවාදීන් නොමග යවා මුදල් එක්රැස්කරමින්, රාජ්ය නොවන සංවිධනයන්හි අවශ්යතා ඉටුකරමින් පාඨලී චම්පිකගේ ජනපති සිහිනය සැබෑ කරන්නට කටයුතු කරනා මහින්දවාදී වෙස්ගෙන සිටිනා චෞර කාන්තාව පිළිබඳ අවධානයෙන් සිටින ලෙස අප ඔබට දන්වා සිටිමු. -
බැඳුම්කර වාර්ථාව සතියක් ඇතුලත පාර්ලිමේන්තුවට… ජනපතිගෙන් පොරොන්දුවක්
බැඳුම්කර කොමිසම මගින් ලබා දුන් බැඳුම්කර වංචාව සඳහා වන එම වාර්ථාව ඉදිරි සතිය ඇතුලත පාර්ලිමේන්තුවට ඉදිරිපත් කිරීමට ජනාධිපති මෛත්රීපාල සිරිසේන මහා පොරොන්දු වූ බව කතානායක කරූ ජයසූරිය මහතා මීට සුළු වෙලාවකට පෙර පාර්ලිමේන්තුවට දැණුම් දී ඇත.
-
මාසයක් ඇතුලත ඡන්ද පැමිණිලි 122 යි… සැකකරුවන් 125 ක් අත්අඩංගුවේ එයින් 12ක් අපේක්ෂකයින්
පළාත් පාලන ආයතන ඡන්ද විමසීමට අදාළව මැතිවරණ නීති උල්ලංඝනය කිරීම් සම්බන්ධයෙන් ගතවූ මාසය තුළ පැමිණිලි 122 ක් වාර්තා වී ඇති අතර සැකකරුවන් 125 ක් අත්අඩංගුවට ගෙන ඇති බවත් අතරින් දොළොස් දෙනකු අපේක්ෂකයන් බවත් පොලිස් මූලස්ථානය පවසයි.දෙසැම්බර් 9 – ජනවාරි 9 වන විට මැතිවරණ නීති උල්ලංඝනය කිරීම් තිස් අටක් වාර්තා වී ඇති අතර ඊට අදාළව සැකකරුවන් අසූ තුන් දෙනකු අත්අඩංගුවට ගෙන තිබේ. ඒ අතර අපේක්ෂකයන් 4 ක්ද වේ.මෙම කාලය තුල මැතිවරණ පැමිණිලි අසූහතරක් වාර්තා වී තිබේ. ඊට අදාළ සැකකරුවන් හතළිස් දෙදෙනකු අත්අඩංගුවට ගෙන ඇත. ඒ අතර අපේක්ෂකයන් අට දෙනකුද වේ.පෝස්ටර්, බැනර් හා ධජ ප්රදර්ශනය කරමින් වාහන ධාවනය කිරීම් 9, ශබ්ද විකාශන යන්ත්ර සවිකර වාහන ධාවනය 2, ඡන්ද පෝස්ටර් ඇලවීම හා ළඟ තබාගැනීම 24, නීති විරෝධී පෙළපාළි පැවැත්වීම් 1, බලපත්ර නොමැතිව ශබ්ද විකාශන යන්ත්ර භාවිත කිරීම් 1, පෝස්ටර්, බැනර්, කටවුට් හා ධජ ප්රදර්ශනය කිරීම 1, පහර දී තුවාල සිදු කිරීම් 11, බැණ තර්ජනය කිරීම් හා බිය ගැන්වීම් 36, නාමයෝජනා ලැයිස්තු පැහැර ගැනීම 1, ව්යාජ අත්සන් යොදා ඡන්ද නාම ලේඛන සැකසීම් 1, පෝස්ටර් කටවුට් ආදියට අලාභහානි කිරීම් 7, ද්රව්ය හා උපකරණ බෙදීම් 7, ඡන්ද පෝස්ටර් සන්තකයේ තබා ගැනීම 1, නිවසට ඇතුල් වී ගල් ගසා අනර්ථය කිරීම් 6, නිවසක් බිඳ දේපළ සොරකම් කිරීම 2, මුදල් බෙදා දීම් 2, මැතිවරණ ප්රචාරක කටයුතු සිදු කිරීම් 2, රැස්වීමකට ගල් ගසා කඩාකප්පල්කාරී ක්රියා 1, අත් පත්රිකා බෙදීම් 2, කාර්යාලවලට අලාභහානි සිදුකිරීම් හා භාණ්ඩ සොරා ගැනීම් 2, පෝස්ටර්, බැනර්, ධජ ප්රදර්ශනය කරමින් වාහන ධාවනය 1, ඡන්දය ආයාචනා කිරීම් 1, රැස්වීම් භූමියේ ගැටලු 1 ක් ලෙස මෙම පැමිණිලි ලැබි තිබෙන බව පොලිස් මූලස්ථානය වැඩිදුරටත් සඳහන් කර සිටියි. -
පුංචි ඡන්දයේ එක කතිරයයි… වැඩිය කතිර ගැහුවොත් ඡන්දය ප්රතික්ෂේප වෙනවා
එළැඹෙන පළාත් පාලන ආයතන ඡන්ද විමසීමේ ඡන්ද පත්රිකාවේ සලකුණු කළ යුත්තේ එක් කතිරයක් පමණක් බවත් ඡන්ද පත්රිකාවේ එක් කතිරයකට වඩා පැවැතියහොත් එම ඡන්ද පත්රිකාව ප්රතික්ෂේප කළ ඡන්ද පත්රිකාවක් ලෙස සලකන බවත් මැතිවරණ කොමිසමේ සභාපති මහින්ද දේශප්රිය මහතා ඊයේ (9) කොළඹ රාජගිරිය මැතිවරණ මහලේකම් කාර්යාලයේ පැවති මාධ්ය උපමාන සම්බන්ධයෙන් දැනුම්වත් කිරීමේ විශේෂ හමුවේදී ප්රකාශ කළේය.මෙවර ඡන්ද පත්රිකාවේ මනාප ඡන්ද සලකුණු කිරීමට කොටසක් නොමැති බැවින් එක් කතිරයක් පමණක් තමන් කැමති පක්ෂයේ හෝ ස්වාධීන කණ්ඩායම ඉදිරියේ සලකුණු කළ හැකි යැයිද ඒ මහතා වැඩිදුරටත් පැවැසීය. -
රැකියා ඇබෑර්තු පන්ලක්ෂයක්
මෙරට විවිධ ක්ෂේත්රයන්හි මේ වන විට ලක්ෂ 5 කට ආසන්න රැකියා ඇබෑර්තු සංඛ්යාවක් පවතින බව ජනලේඛන හා සංඛ්යාලේඛන දෙපාර්තමේන්තුවේ නවතම සමීක්ෂණයකින් හෙළිවී තිබේ.ජනලේඛන හා සංඛ්යාලේඛන දෙපාර්තමේන්තුව මුළු රටම ආවරණය වන පරිදි ප්රථම වරට මෙම ආයතනික සමීක්ෂණය කර ඇති අතර සේවයේ නියුතු පුද්ගලයන් සංඛ්යාව තුනකට වැඩි ව්යාපාර ආයතන 3500 ක නියැදියක් මේ සඳහා භාවිත කර ඇත.මේ වනවිට පෞද්ගලික අංශයේ රැකියාවල මිලියන 5 ට ආසන්න සේවක සංඛ්යාවක් සේවයේ නියුතුව සිටින බවත්, ඉකුත් වසරේ වැඩි පිරිසක් සේවයේ නියුතුව ඇත්තේ සේවා අංශය තුළ බවත් මෙම සමීක්ෂණයේදී හෙළිවූ බව එම දෙපාර්තමේන්තුවේ අධ්යක්ෂ ජනරාල් ඒ. ජේ. සතරසිංහ මහතා ප්රකාශ කළේය.ඉහළම සේවක ඉල්ලුමක් පවතින්නේ මහන මැෂින් ක්රියාකරුවන් සඳහා වන අතර එම සංඛ්යාව 77189 ක් වේ. දෙවනුව ආරක්ෂක නියාමකයන් සඳහා (57008) ඉහළ ඉල්ලුමක් පවතින බවද ඉන් අනාවරණය වී ඇත. මෙවැනි රැකියා සඳහා ඉදිරිපත් කරන ඇබෑර්තු සංඛ්යාවට සරිලන පරිදි අයැදුම් කරන්නන් නොමැති වීමෙන් මෙම ඉල්ලුම වැඩිවී ඇති අතර ඒ නිසාම එවැනි රැකියා වැඩි සංඛ්යාවක් පුරප්පාඩු පවතින බව සතරසිංහ මහතා පැවැසීය. -
අගමැති ප්රකාශයෙන් රාජපක්ෂ රෙජීමයේ හිස ගිණිගනී (Video)
2008 වසරේ සිට මහබැංකු බැඳුම්කර වංචා සිදු වී ඇති බවත්” එමගින් අර්ථසාධක සේවා අරමුදලට අති විශාල හානියක් සිදු වී ඇති බවත් බැඳුම්කර කොමිසම හෙළිදරව් කිරීමෙන් පසුව” එම සියලූම මුදල් අයකර ගැනීම සඳහා නඩු පවරන්නට නීතිපතිවරයාට උපදෙස් දෙන බැව් පසුගිය දා අග්රාමාත්ය රනිල් වික්රමසිංහ මහතා ප්රකාශ කළේය’මෙම ප්රකාශයත් සමග රාජපක්ෂ රෙජීමය නියෝජනය කරමින් බැඳුම්කරය පිලිබඳ හක්ෂ තලමින් හුන් පිරිසට නිහක්ෂ වන ලෙස රාජපක්ෂ රෙජීමයෙන් බලපෑම් එල්ල වී ඇත’ වඩාත් විනිවිද භාවයෙන් හා සුපරික්ෂාකාරිත්වයෙන් කටයුතු කෙරුන බැඳුම්කර කොමිසම රටේ බුද්ධිමතුන් බහුතරයකගේ විශ්වාසය දිනාගෙන තිබේ’ එවන් තත්ත්වයක් මත තමන් වෙත එල්ල වී ඇති චෝදනාවන් මගහැර පළායාමට තමන්ට කිසිදු හැකියාවක් නොමැති බව රාජපක්ෂ ජෙරීමය මේ වනවිට මැනවින් අවබෝධ කරගෙන සිටියි’මෙම බැඳුම්කර මගඩිය නිසා යහපාලන ආණ්ඩු සමයේ රටට අහිමි වූ මුදල බිලියන 11 ක් වන බැව් පසුගිය වකවානුව පුරාම විරුද්ධ පක්ෂය විසින් දිගින් දිගටම චෝදනා කරන ලදී’ එම චෝදනා වලට පිලිතුරු දෙමින් අගමැති රනිල් වික්රමසිංහ මහතා ප්රකාශ කළේ 2008 වසරේ සිට බැඳුම්කර වංචා සිදුව ඇති බවත්” එයින් රටට අහිමි වූ මුදල බිලියන 4000 ඉක්මවන බැව් බැඳුම්කර කොමිසම විසින් හෙළි කර ඇති බවත්ය.උපුටා ගැනීම: අපි UNP පිටුවෙනි -
ශ්රී ලංකා ගුවන්විදුලි සංස්ථාවටයි රූපවාහිණීසංස්ථාවටයි ඇඟිලි සලකුණු පොලීසියෙන් පොලිස්පාට්
ශී්ර ලංකා ගුවන්විදුලි සංස්ථාවට හා ජාතිකරූපවාහිණියට වසර 2ක් තිස්සේ ධාවනයේ යෙදවූ ලංගම බස්රථයට අනවසරයෙන් කඩාවැදුන පොලිස් ඇඟිලිසලකුණු අංශයේ පොලිස් උපපරීක්ෂකවරු සහ කොස්තාපල්වරු පොලිස්පාට් දමා බස් රථය නවතා ඇතැයි වාර්තා වේ.
අවුරුදුදෙකක් ගුවන්විදුලිසංස්ථාව ඉදිරිපිටින් ආරම්භ උන මෙම බස් රථය රූපවාහිණී කාර්යමණ්ඩලය සමඟ 4.30ට ගුවන්විදුලි සංස්ථාව ඉදිරිපිටින් අවිස්සාවේල්ල දක්වා ධාවනය වී තිබේ. රූපවාහිණී කාර්යමණ්ඩලය බස්රථයට නැගීමටපෙර ඇඟිලිසළකුණු අංශයේ පිරිස කඩාවැදීම දිගින් දිගටම සිදුවන නිසා රූපවාහිණී කාර්ය මණ්ඩලයට ආසන අහිමිව හිටගෙන යාමට පවා සිදුව ඇත. මේ බව පොලිස් ඇඟිලිසලකුණු අංශයේ නිලධාරීන්ට සහ අනෙක් පිරිසට දැන්වූවද ඒ ගැන නොතකා ඇඟිලි සලකුණු අංශයේ පිරිස පොලිස් බලතල ක්රියාත්මක කිරීමට ගොස් තිබේ.
අවසානයේ හෝමාගම ඩිපෝවට පෙත්සමක් භාරදිමෙන් මේ වන විට බස් රථය නතරකර ඇත. හෝමාගම ඩිපෝවට මේ පිළිබඳව කථා කිරීමේදී පවසා ඇත්තේ පොලිස්සිය සමඟහැප්පීමට බැරි නිසා තවදුරටත් ගුවන්විදුලිට සහ රූපවාහිණියට මෙම බස් රථය යෙදවිය නොහැකි බවයි.
අපි සී අයි ඞී යනුවෙන් බස් රථයට කඩා වැදී අසුන් ගැනීම පිළිබඳව ගුවන්විදුලියේ සහරූපවාහිණියේ කාර්යමණ්ඩලය තුළ ඇත්තේ බලවත් අප්රසාදයකි. ඔවුන්ට යෙදවූ බස් රථයේ කිසිදු අවසරයකින්තොරව බලහත්කාරයෙන් වාඩිවී අපි සී අයි ඞී යයි පැවසිම පොලිස් නිලධාරීන්ට සහ ඔවුන්ගේ රහස්යභාවයට කෙතෙක් දුරට යුක්තියුක්තදැයි විමසීම වටීයි.
පොලිසීය ජනතාහිතවාදිව සිටිය යුතු මොහොතක වසර දෙකක් ධාවනය වු බසය අත්හිටවූයේ හෝමාගම ඩිපෝවට පෙත්සමක් ගොස් බාරදීමෙනි. අනතුරුව පවසා ඇත්තේ බස් රථය ධාවනය වුවහොත් හන්දියක් හන්දියක්ගානේ බස්රථයේ රියදුරු නොකළ වැරදිවලට පොලිස් රථවාහන ඒකකයෙන් නවත්වන බවයි. ඇඟිලි සලකුණු අංශයේ කාන්තා උපපොලිස්පරීක්ෂකවරියක්ද මෙම බස් රථයේ ගොස් ඇති අතර ඇය අපේ මිනිස්සු හරිවැරදී යනුවෙන් පවසා ඇත. ඇයට තේරෙන සත්යය පිරිමි උපපොල්ස්පරීක්ෂකවරුන් සහ කොස්තාපල්වරුන් ඇතුලූ ඇඟිලි සලකුණු අංශයේ කාර්ය මණ්ඩලයට නොතේරුණේ මන්දැයි විමතියකි.
හෝමාගම ඩිපෝවේ සාමාජික පිරිස පවසා ඇත්තේ නොකළවැරදිවලට පොලීසිය දඩුවම්දෙන ඉතිහාසයක් ඇති නිසා තවදුරටත් ගුවන් විදුලිසංස්ථාව ඉදිරිපිට පේ්රමකීර්ති ද අල්විස් මාවතෙන් බස් රථය ආරම්භ කළ නොහැකිබවයි. ”කුඩු පැකට් එකක්වත් ගෙනත්දාලා අපිව වැරදිකාරයෝ කළොත් මහත්තයෝ අපි අසරණයිනේ. නඩුයි බඩුයි උන්ගෙනේ”යයි ඩිපෝවේ සාමාජිකයන් මෙන්ම කොන්දොස්තරමහතා සහ රියදුරුමහතාද භීතියෙන් වෙලී ඇතැයි පැවසේ. මහජන සුභසිද්ධිය සඳහා කි්රයා කළයුතු පොලිසිය පොලිස්පාට් දැමීම නිසා නතරවූ බස්රථය නැවත ලබා දෙන්නේ කවදාදැයි ඇසියයුත්තේ කාගෙන්ද? මෙවන් නොහොඹිනා වැඩපොලීසිය අත්හරින්නේ කවදාද?
-
රටට ජනතාවට හා ජනපතිට සෙත් පතා දළදා මාලිගාවේ දානමය පිංකමක්
රටට ජනතාවට හා ජනපතිට සෙත් පතා මහනුවර ඓතිහාසික ශ්රී දළදා මාළිගාවේදී ඊයේ(08) දහවල් දානමය පිංකමක් ජනාධිපති දියණිය චතුරිකා සිරිසේන මහත්මිය ප්රමුඛ සිරිසේන මහතාගේ ඥාතීන් හා හිතමිතුරන් විසින් සංවිධානය කර තිබිණි.ජනාධිපති මෛත්රීපාල සිරිසේන මහතා ජනාධිපති ධුරයට පත්ව තෙවසරක් සපිරීම නිමිත්තෙන් මෙම විශේෂ දානමය පිංකම පැවැත්විණි. -
උඹත් එකයි මමත් එකයි අපිත් එකයි රටත් එකයි UNP ගේම ගහනවා… (Video)
මේ දින සමාජ ජාලා වෙඩ් අඩවි සහ පිටු වල UNP තීම් සෝන්ග් නමින් සංසරනය වන සංගීත වීඩියෝවක් දකින්න ලැබෙනවා… මෙන්න ඒ වීඩියෝව
<iframe width=”560″ height=”315″ src=”https://www.youtube.com/embed/FQ2-pb3IgZk” frameborder=”0″ gesture=”media” allow=”encrypted-media” allowfullscreen></iframe>
-
සත්යයේ හඬ “රැස” ජනවාරි 8 සිට ඔබ අතට
අවිද්යාව, අශිෂ්ඨත්වය, මිත්යාව, ජාතිවාදය, ආගම්වාදය යනු පටු දෘෂ්ඨීන්ට එරෙහිව සැබෑ නවීන පුවත්පතක් ලෙස ලේක් හවුස් ආයතනයෙන් එළඹෙන බ්රහස්පතින්දා (11) දින සිට නිකුත් කිරීමට නියමිත නව දිනපතා ජාතික පුවත්පත ලෙස “රැස” හැඳින්විය හැක.එහිප්රධාන කතුවරයා – චාමර ලක්ෂාන් කුමාර මහතානියෝජ්ය කතුවරයා – කසුන් පුස්සෙවෙල මහතාවිශේෂාංග කතෘවරයා – රංජිත් කුමාර සමරකෝන් මහතාප්රවෘත්ති කතෘවරයා – ශාලික විමලසේන මහතාවශයෙන් සිටින අතරතිඹිරියාගම බණ්ඩාර, ජයසිරි ජයසේකර, රවීන්ද්ර විජේවර්ධන, නිලන්ත ගමගේ, මංජුල සමරසේකර, කසුන් ඉරුගල්බණ්ඩාර, පබදු සපුතන්ත්රි, ශිවන්ති ප්රනාන්දු ඇතුළු තරුණ මාධ්යවේදීන් කණ්ඩායමක් රැස ඔබ වෙත ගෙන ඒමට දායකත්වය දක්වයි.මෙම පුවත්පත් නව සන්නිවේදන තාක්ෂණයන් සමග අත්වැල් බැඳ ගන්නේ මධුක ප්රනාන්දු සහ විමුක්ති දුෂාන්තගේ සහයෙනි. මො.ල. සෙනෙවිරත්න ප්රමුඛ දක්ෂ තරුණ පිටු සැකසුම් ශිල්පීන් පිරිසක් ‘රැස’ නිර්මාණයෙහි ලා දායක වෙති. -
බැඳුම්කරය,පොලීසිය,පාතාලය,මත්උවදුර හා පුංචි ඡන්දය ගැන ඇමති සාගලගේ අදහස්
ප්රශ්නය:- මැතිවරණ උණුසුම වැඩිවෙමින් තිබෙනවා. එ.ජා.ප. සූදානම කොහොම ද?
පිළිතුර:- දීර්ඝ කාලයක් තිස්සේ අපේ පක්ෂයේ දේශපාලන ක්රියාවලිය සංවිධානය කරගෙන ආවා. මැතිවරණය ආවාම විශේෂ සූදානම් වීමක් කරන්න අපට වුණේ නැහැ. මැතිවරණයට සංවිධාන කටයුතු කරන්න ඕන. ඒ කටයුතු බොහෝමයක් කල් ඇතිව කරගෙන ගියා. දැන් අපි ලෑස්තියි.ප්රශ්නය:- මැතිවරණය ළංවෙත්ම බැඳුම්කර වාර්තාව එළියට ඒම එ.ජා.පයට අහිතකරව බලපායි නේද?
පිළිතුර:- එහෙම බලපෑමක් ඇත්තෙම නැහැ. අගමැතිතුමා කළ පත්වීම විධිමත් එකක් බව බැඳුම්කර කොමිසම් වාර්තාවේ තිබෙන බව ජනාධිපතිතුමා කිව්වා. අපි තාම මේ වාර්තාව දැකලා නැහැ. ඒ නිසා මේ ගැන වැඩිපුර කතා කරන්න බැහැ. 2008 පටන් ඉදිරි කාලය ගැනම පරීක්ෂණ කරන්න වෙනවා. මේ වාර්තාවේ නිර්දේශ ක්රියාත්මක කරන්න රජය බැඳී සිටිනවා. අපි ඒකට එකඟයි. ඒක රටට හොඳ දෙයක්.ප්රශ්නය:- ඔබ එහෙම කිව්වට බැඳුම්කරේ අපවාදය සම්පූර්ණයෙන් එල්ල වෙන්නේ එ.ජා.ප.යට නේද?
පිළිතුර:- ඒ මාධ්යයෙන් සමහරවිට පෙන්නන හැටි වෙන්න පුළුවන්. මේක 2008 පටන් දිගට ඇවිත් තිබෙන එකක්. 2015 අපි ආවට පස්සේ වෙන්දේසි ක්රමයකට ගියා. විනිවිදභාවයෙන් මේ කටයුතු කෙරෙන තැනට අපි වැඩ කළා. යහපාලනය යටතේ කිසි දෙයක් හංගන්න අපි කටයුතු කරලා නැහැ. නීතිපතිතුමාට නැතිනම් කෝප් කමිටුවට මේවා ගැන සොයන්න ඉදිරිපත් කළා. පාර්ලිමේන්තුවේදී විවාදයක් ඉල්ලුවාම ඒකත් දුන්නා. අගමැතිතුමා පවා මේ කොමිසම හමුවට ගිහින් කරුණු ඉදිරිපත් කළා. අපි කිසි දෙයක් හංගන්න උත්සාහ කරලා නැහැ. පක්ෂයක් හැටියට වගකීමෙන් විනිවිදභාවයෙන් කටයුතු කර තිබෙනවා. ඒක හොඳ ප්රවණතාවක්. 2015ට පෙර මෙවන් තත්ත්වයක් නිර්මාණය වුණා නම් කොයි වගේ ප්රතිචාරයක් ලැබේවි ද? මේ ගැන හරි තොරතුරු ලබාගන්න ජනතාවට අවස්ථාව ලැබී තිබෙනවා. මෙතනින් එහාට වාර්තාවේ නිර්දේශ අනුව කටයුතු කරන්න කියලයි අපි කියන්නේ. වාර්තාව දැක්කාම තමා හරියටම මේ ගැන කතා කරන්න පුළුවන් වෙන්නේ.ප්රශ්නය:- එ.ජා.ප. ඇමැතිවරුන්ටයි ඍජුවම චෝදනා එල්ල වෙන්නේ. මෙය ශ්රී.ල.නි.ප. පැත්තෙන් එ.ජා.ප.යට කරන හානියක් නොවේ ද?
පිළිතුර:- අපි 2008 පටන් එන කරුණුත් විමසලා බැලුවම මුළු ඉතිහාසය ගැනම එළියට ඒවි. ඊට පස්සේ අපට මේ ගැන කතා කරන්න පුළුවන්. මේ වාර්තාව සහ ජනාධිපතිතුමා කළ ප්රකාශය අනුව බිලියන දහයක පමණ පාඩුවක් ගැන සඳහන්. බැඳුම්කර ගනුදෙනුවක පාඩුවක් ගැන කතා කරන්න අමාරුයි. ඒ වෙලාවේ අවශ්ය වූ මුදල් ප්රමාණය තිබ්බෙ නැත්නම් වෙන්න පුළුවන් ප්රශ්න මොනවා ද? සමහරවිට පඩිනඩි ගෙවන්න අත්යවශ්ය ආහාර ද්රව්ය සපයන්න බැරිවෙන්න පුළුවන්. අපි බාරගත්තේ දුෂ්කර තත්ත්වයක තිබූ ආර්ථිකයක්. ඒ වෙලාවේ කරන්න තිබූ ගෙවීම්වලට මුදල් අවශ්ය වුණා. ඒ ක්රියාදාමවල යම් යම් අඩුපාඩු තිබුණා. අවශ්ය මුදල මුල් අවස්ථාවේම ඇස්තමේන්තු කර තිබුණා නම් තත්ත්වය පැහැදිලියි. අපට තවමත් නොගෙවූ පැරැණි බිල් මතුවෙනවා. කිසිම ගිවිසුමක් අත්සන් නොකරපු ප්රසම්පාදන ක්රියා අනුගමනය නොකරපු දේවල් තවමත් මතුවෙනවා.
මීට කලින් රජය කාලයේ හානිය ටි්රලියන හතරක්. බිලියන හාරදහසක්. මිලියනවලින් ගත්තොත් මිලියන මිලියන හතරක්. පොඩි ගණනක් නෙමෙයි. මේව කළේ කවුද? ශ්රී.ල.නි.ප.යනේ. ඒත් අපි මේ වෙලාවේ ඇඟිලි දිගු කරන්න යන්නේ නැහැ. මම හිතන්නේ මේ රට වෙනුවෙන් වැදගත් පියවර රාශියක් ගන්න එ.ජා.ප.ය නායකත්වය දී තිබෙනවා.ප්රශ්නය:- පසුගිය කාලයේ සිදුවූ දේවල් පිළිබඳව ඔබ කිව්වත් ඒවා ගැන මොකුත් වෙන බවක් නම් පේන්න නැහැනේ?
පිළිතුර:- ඒව සොයනවා. සී.අයි.ඩී.ය, එෆ්.සී.අයි.ඩී.ය මේවා පිළිබඳ කටයුතු කරගෙන යනවා. අපි මේ රටේ නීතියේ ආධිපත්යය තහවුරු කළා. ෆොන්සේකා මහත්තය හිරේ දාපු ආකාරයට මේ කවුරුත් හිරේ දාන්න අපි කටයුතු කළේ නැහැ. මේ කටයුතු කරගෙන යාමට නීතියට අවස්ථාව දී තිබෙනවා. අපිට ඕනකමක් තිබෙනවා. ඒ දේශපාලන වශයෙන් නෙවෙයි. නීතිමය වශයෙන්. නීතිය සැමටම පොදුයි කියන ස්ථාවරයේ ඉඳන්. කවුරු හෝ වරදක් කර තිබෙනවා නම් ඒකට නීතියෙන් දඬුවම් පැනවෙන්න ඕන. ඒ වෙනුවෙන් පරීක්ෂණ කිරීම ඇතුළු පියවර රාශියක් තිබෙන බව අමතක කරන්න හොඳ නැහැ. මේවා බොහෝම සියුම් කාරණා. සමහර ඒවා රටවල් දෙකක සිදුව තිබෙන ගනුදෙනු. රටවල් අතර නීති වෙනස්. තොරතුරු ගන්න ගියාම ගැටලු මතුවෙනවා.
සමහර තැන්වලදී සාක්ෂි සියල්ල විනාශ කරලා. එක වකවානුවකදී පොලිස් පොත්වල ලියපුවා පවා නැති වෙලා. එවැනි තැන්වලදී කටයුතු කිරීම දුෂ්කර වී තිබෙනවා. මුල්ම සාක්ෂි නැති වුණාම කටයුතු කිරීම හරිම අපහසුයි. ඒත් බොහෝ තැන්වලදී ගොඩක් හොඳ මට්ටමකට අපි පැමිණ සිටිනවා. ඉදිරියේදී ඒවායේ ප්රතිඵල එනවා. කවුරුත් කතා නොකළට පවරපු නඩු රාශියක් තිබෙනවා. නඩු ඇසීම වේගයෙන්, කඩිනමින් සිදු නොවීමයි ප්රශ්නය. මේ කටයුතු කඩිනම් කිරීමට පියවර කීපයක් ගෙන ඇති බව කියන්න ඕන. නීතිය ක්රියාත්මක වෙන ක්රමයක් තිබෙනවා. සැමටම සාධාරණය ඉටු කිරීමට යන ගමනෙදි මේ වැඩවලට දීර්ඝ කාලයක් යන නිසා ජනතාවට අසාධාරණයක් වෙන බව කීමත් සාධාරණයි.ප්රශ්නය:- බැඳුම්කර වාර්තාවේ නිර්දේශ ක්රියාත්මක කරන බවට පැහැදිලි ස්ථාවරයක ආණ්ඩුව ඉන්නවා ද?
පිළිතුර:- අනිවාර්යයෙන්ම. පැහැදිලි ස්ථාවරයක ඉන්නවා. එ.ජා.ප.යත් ඒ ස්ථාවරයේ ඉන්නවා.ප්රශ්නය:- මීට ඉදිරිපත්ව ඇති කොමිෂන් සභා වාර්තා නිර්දේශ ක්රියාත්මක වී නැහැ. ඒ ඉරණම මේකටත් අත්වේ ද?
පිළිතුර:- ඒ ඉරණමම මේකට අත්වෙන්න බැහැ. ඒ වගේම ඒ වාර්තා නිර්දේශවලට වෙනම ඉරණමක් අත්වෙන්නත් බැහැ. ඔක්කොම ක්රියාත්මක වෙන්න ඕන.ප්රශ්නය:- බැඳුම්කර වාර්තා බෝලය නීතිපතිට පාස්කර එජාපය ඇඟ බේරාගන්න ද හදන්නේ?
පිළිතුර:- තවම අපිවත් වාර්තාව දැකල නැහැනේ. මේක ජනාධිපතිතුමාගෙ කොමිෂන් වාර්තාවක්. එජාපයට ඒක පාස් කරන්න බැහැ. මේ නිර්දේශ ක්රියාත්මක කරන්න කියා අපි ඉල්ලා සිටිනවා. රජයක් වශයෙන් යම් යම් පියවර ගන්න පුළුවන්. මේ නිර්දේශ අනුව සමහර පරීක්ෂණ අරඹන්න පුළුවන්.ප්රශ්නය:- තමන්ගේ කඩුවට කැපෙන අය ගැන ජනාධිපතිවරයා ඉඟි පළ කළා. මේ කඩුවට එජාපයම කැපේවි ද?
පිළිතුර:- ජනාධිපතිතුමත් අපිත් එකට වැඩ කරනවා. ගිවිසුම අවසන් බව ශ්රීලනිප සමහර ඇමැතිවරු කියනවා. ඒත් අපි තවමත් කටයුතු කරගෙන යන්නේ ජනතාවට දීපු පොරොන්දුව අනුවයි. ජනාධිපතිතුමා දැක්වූ අදහස මොකක් ද කියන්න දන්නෙ නැහැ. අපි හරි දේ කළොත් කැපෙන්න ඕන නැහැනේ.ප්රශ්නය:- මොනවා කිව්වත් ජනතාව ඉන්නේ අමාරුවෙන්. මේ තත්ත්වය යටතේ ඡන්දය ජයගන්න එජාපයට පුළුවන් ද?
පිළිතුර:- අපි ජයගන්න බව පැහැදිලිව කියන්න පුළුවන්. මැතිවරණය නිසා අපේ වැඩපිළිවෙළ වෙනස් කරලා නැහැ. මේක ගමේ මැතිවරණයක්. එහෙත් වැදගත් මැතිවරණයක්. අවුරුදු දෙකක් අපි වැඩ කළේ ගමේ ආණ්ඩුව නැතුවයි. ඒ අඩුපාඩුව අපට හොඳට දැනුණා. ඩෙංගු උවදුර වෙලාවෙ මේ මන්ත්රීවරු සිටිය නම් වැඩ කඩිනම් කරගන්න තිබුණා. අපි ගමට මුදල් යොදවනවා. හැබැයි සියල්ල වියදම් කරලා නැහැ. ගමේ මන්ත්රීවරයෙක් සිටිය නම් ඒ දේ වෙනවා. අපි ඉන්නේ ආණ්ඩුවේ. අපේ මන්ත්රීවරු සිටියොත් වැඩියෙන් ගමට වැඩ කරන්න පුළුවන්. සාමාන්යයෙන් ආණ්ඩුවේ බහුතරය ඉන්න පක්ෂයට තමයි ගමේ ආණ්ඩුවත් ලැබෙන්නේ. මේක සාමාන්ය සූත්රයක්. අපි ගොඩක් වැඩ කර තිබෙනවා.
කලක් රාජපක්ෂ ආණ්ඩුව පාරවල් හදලා ජනප්රිය වුණා. ඒ වගේම ඒ ආණ්ඩුව වැටෙන්නත් ඒ පාරවල් හේතුවක් වුණා. මේ පාරවල් නැවතුනේ නැහැ. හැබැයි මේවායේ කොන්ත්රාත් කළ කෙනා හැදුණා. සාමාන්ය ජනතාවට වැඩක් වුණේ නැහැ. දැන් අපට මුල ඉඳන්ම පාරවල් හදන්න වෙලා. අපි කරන්නේ ඒක විතරක් නෙමෙයි. රටේ ආර්ථිකය හරිහැටි කළමනාකරණය කරනවා. ණය බර පාලනය කරගෙන තිබෙනවා. රටට ආදායම් වැඩිකරගෙන රට දියුණු කිරීම කරගෙන එනවා. මේක ලේසි නෑ. අපි ගෙවන්නේ පසුගිය ආණ්ඩුවේ පව්. අධ්යාපනය, සෞඛ්යය ආදී සියලු අංශ දියුණු කරනවා. මේ කාලයට අවශ්ය දේ කරනවා. පාසල් යන දරුවන්ට වෛද්ය රක්ෂණ ක්රමයක් හඳුන්වා දෙන්න අපට හැකිවී තිබෙනවා. අපි කිසිවක් නතර කරල නෙමෙයි අනෙක් දේවල් කරන්නේ. බෙහෙත් මිල කොයි තරම් අඩු කළා ද. මූලික ප්රතිකාර සහිත 1990 ගිලන් රථ සේවාව ගමට ගෙන ගියා. මේක මුළු රටේම ව්යාප්ත කිරීමට කටයුතු කර තිබෙනවා.
පොලිසිය ගැන විශ්වාසයක් නැති කාලයක් තිබුණා. දැන් ඒක වෙනස්. හැබැයි මේක බොහෝ අයට අමතකයි. 2015 මැතිවරණයේදී පොලිසිය කෙළින් සිටි නිසා වෙනසක් කරන්න ජනතාවට අවස්ථාව ලැබුණා. එතැන් පටන් අපි පොලිසිය දියුණු කළා. ස්වාධීනව හරි විදියට කටයුතු කරන්න අවස්ථාව ලබාදී තිබෙනවා. ඔවුන්ගේ ප්රශ්නත් ක්රමයෙන් විසඳමින් සිටිනවා.ප්රශ්නය:- ආණ්ඩුව හැටියට එජාපය ජය ගන්නා බව ඔබලා කියනවා. ඔය කතාවම ආණ්ඩුවේ ඉඳගෙන ශ්රීලනිපයත් කියනවා නේද?
පිළිතුර:- තමන් දිනන බව ජවිපෙත් කියනවා. එත් කවද ද දිනල තියෙන්නේ? ශ්රීලනිපය දෙකට බෙදිලා. බෙදුන තැනක් ඉදිරියට යන්නේ නැහැ. රටක් වශයෙන් වුණත් බෙදුනොත් ඉදිරියට යන්න අමාරුයි. දේශපාලනයෙන් අපේ රටේ වෙනසක් වෙන්න ඕන දෙයක් තිබෙනවා. ඡන්දෙ කාලෙට බෙදිල වැඩ කළාට පාර්ලිමේන්තුවේ වැඩ කරන ක්රම තිබෙනවා. මේක පෙරළන්න හන්දි ගානේ කතා කිරීම රටට කරන විනාශයක්. වෙන රටවල් දියුණු වෙලා තිබෙන්නේ එකට වැඩ කිරීමෙන්. ඒත් ඡන්දය පැරදුණු වෙලාවේ ඉඳන් මහින්ද මහත්තය කළේ හන්දි ගානේ උද්ඝෝෂණ කරවීමයි. ඒ මොන අභියෝග තිබුණත් රට ඉදිරියට ගෙන යන්න අපට හැකි වී තිබෙනවා. ඉදිරි වසර දෙකේදී මේ ගමන මීට වඩා වේගවත් වේවි.ප්රශ්නය:- පොහොට්ටුව නම් බලවත් බව කියනවා. මේක අභියෝගයක් නොවෙයි ද?
පිළිතුර:- සෑම මැතිවරණයකදීම ප්රතිවාදීන් තර්ජනයක් නෙමෙයි කියා සිතුවොත් ඒක අපේ දුර්වලකමක්. අපිට තිබෙන තර්ජන මොනවා ද කියා අවබෝධ කරගන්න ඕන. ඒවාට අවශ්ය පියවර ගෙන අපේ මැතිවරණ ව්යාපාරය ඒ අනුව සකසාගෙන මහන්සිවෙලා තමයි දිනන්න යන්නේ. තර්ජන නැතිව අභියෝගයක් නෑ. අභියෝග නැතිව දේශපාලන ගමනකුත් නෑ. තර්ජන, අභියෝග සෑම දෙයකටම මුහුණ දෙන්න අපි ලෑස්තියි.ප්රශ්නය:- සාගලට ඕන හැටියට පොලිසිය හසුරුවනවා කියන චෝදනාව ගැන මොකද කියන්නේ?
පිළිතුර:- ඇමැති හැටියට පොලිසිය බාරව ඉන්න රජයේ නියෝජිතයා මමයි. නිවැරැදි ආකාරයට රජයේ ප්රතිපත්තිය ක්රියාත්මක කරන්න මම කටයුතු කරනවා. වැරැදි විදියට නෙමෙයි. ඔය ප්රශ්නය අහන්න ඕන මගෙන් නෙමෙයි. පොලිසියෙන්. ඒ අය පිළිතුරු දේවි.ප්රශ්නය:- ඔබේ අමාත්යාංශයට රාජ්ය ඇමැතිවරයෙක් පත් වෙන්නේ සාගලට ඕන හැටියට පොලිසිය හැසිරවීම නිසා නෙමෙයි ද?
පිළිතුර:- සෑම අමාත්යාංශයකටම වගේ රාජ්ය ඇමැතිවරයෙක්, නියෝජ්ය ඇමැතිවරයෙක් ඉන්නවා. මගේ අමාත්යාංශයට රාජ්ය ඇමැතිවරයෙක් පත්වීම ගැන මම සතුටුයි. මේක ලොකු අමාත්යාංශයක්. සමහරවිට එක වෙලාවට තැන් දෙකක මට ඉන්න බැරි වෙනවා. තවත් කෙනෙක් සිටියොත් මට හයියක්. අපි කරන්න යන දේ ගැන සෑම මොහොතකම අගමැති තුමාටයි ජනාධිපතිතුමාටයි වද කරන්න මට බැහැ. ඒව ගැන කතා කරන්න තව කෙනෙක් සිටීම හොඳයි.ප්රශ්නය:- හැබැයි දෙන්නා පක්ෂ දෙකෙන්. කඹ ඇදීමක් වෙන එකක් නැද්ද?
පිළිතුර:- ඒක දැනගන්න ඕන එතුමයි, මායි. අපි දෙන්න අතර එහෙම ප්රශ්නයක් වෙන්නේ නැහැ. අපි එක ගමේ. එතුමටත් මටත් වැඩ කර හොඳ පළපුරුද්දක් තිබෙනවා.ප්රශ්නය:- ඔබේ රාජ්ය ඇමැතිවරයා පොලිස් නිලධාරීන්ට ගාල්ලේදී බැණ වැදී වැඩ අල්ලා තිබුණා. ඇමැති හැටියට ඔබ මොකද කියන්නේ?
පිළිතුර:- එහෙම එකක් පත්තරවල තිබෙනවා මමත් දැක්කා. අපි ඒ ගැන කතා කළා. අපි වැඩ කරන විදිය එහෙම නෙමෙයි. නීතිය ක්රියාත්මක වෙන්න ඕන. ඒකට තරාතිරමක් නෑ. එතුමත් ඒකට එකඟයි. මේ කාලයේ සැර ටිකක් අඩු කරන්න බැරි දි කියා ඡන්ද අපේක්ෂකයන් මගෙන් අහනවා. හෙල්මට් නැතිව යන්න, වේගයෙන් යන්න පොඩි චාන්ස් එකක් දෙන්න බැරි ද අහනවා. පොලිසිය නීතිය ක්රියාත්මක කරන්නේ ජනතාවගේ ආරක්ෂාවට. ජීවිත වටිනවා. අපේ අය වෙනත් රටවල වැඩ කරනවා. මේ සෑම රටකම නීතිය අකුරට ක්රියාත්මකයි. නීතිය ලිහිල් කරන්න කියා ඒ රටවල අය කියන්නේ නෑ. ලස්සනට ඒ නීතිය තුළ ජීවත් වෙනවා. තමන්ගේ රටේ නීතිය ප්රශ්නයක් කරගන්නේ ඇයි? නීතිගරුකව ජීවත් වෙන්න ඉගෙන ගන්න ඕන. ඒක අපේ වගකීමක්.
පොලිසියත් ජනතාවට හිරිහැර කරන්න බෑ. මානුෂීය පැත්තක් තියෙන්න ඕන. මේක බොහොම සියුම් කාරණයක්. ජනතාවට සේවය කරන්න ඕන. ඒත් වද දෙන්න හොඳ නෑ.ප්රශ්නය:- පාතාල ප්රශ්නය නිතර කතා වෙන මාතෘකාවක් බවට පත්වී ඇත්තේ ඇයි?
පිළිතුර:- පාතාලය මර්දනයට ලොකු දැලක් දාලා තිබෙනවා. ඒ බව දැනිලා දැන් සමහරු රට පනින්න පටන් අරන්. ඒත් වැඩිකල් ඒ අයට ඉන්න බැහැ. අපි මේක ඉවර කරනවා. කුඩු සහ පාතාලය එකට යන්නේ. මේ කිසිවකට ඉඩ දෙන්නේ නෑ. මර්දනය කරනවා.අල්ලන මත්කුඩුවලට වෙන්නේ මොකක් ද කියන ප්රශ්නය තිබුණා. ලබන 15 වැනිදා මහජනයා ඉදිරියේ මත්කුඩු කිලෝ 1000ක් පුළුස්සනවා. මේක වෙන්නේ පියවර දෙකකින්. ජනාධිපතිතුමාත් අගමැතිතුමාත් මේකට සහභාගි වෙනවා. පළමු පියවර කටුනායකදී ක්රියාත්මක කරනවා. පාතාලයට, කුඩුවලට ඉඩක් දෙන්නේම නෑ.-පුවත්පත් උපුටනයකි