මැතිවරණ කොමිෂන් සභාව විසින් 2024 ජනාධිපතිවරණට අදාළව, 2024 ඡන්ද හිමි නාම ලේඛනයට අනුව එක් එක් මැතිවරණ කොට්ඨාශයේ ලියාපදිංචි ඡන්ද සංඛ්යාව අද (05) දින ප්රකාශයට පත් කර තිබෙනවා. ඒ අනුව වැඩිම ඡන්ද හිමියන් පිරිසක් නියෝජනය කරන්නේ ගම්පහ දිස්ත්රික්කය වන අතර එම සංඛ්යාව 1,881,129ක්. කොළඹ දිස්ත්රික්කයේ ලියාපදිංචි ඡන්ද හිමියන් 1,765,351ක් සිටින අතර සමස්ත ලියාපදිංචි ඡන්ද දායකයින් සංඛ්යාව 17,140, 354ක්.
මැතිවරණ කොමිෂම විසින් නිකුත් කළ මාධ්ය නිවේදනය පහත පළ වෙනවා.
විධිමත් මුල්ය පද්ධතියෙන් පරිබාහිරව අවිධිමත් ක්රම හරහා විදේශ විනිමය මෙරටට ප්රේෂණය කරනු ලබන සහ එසේ මුදල් බෙදාහරිනා පුද්ගලයින්ට අනතුරු ඇඟවීමක් නිකුත් කරමින් ශ්රී ලංකා මහ බැංකුව අවධාරණය කරන්නේ එවැනි කටයුතුවල නිරත වන අයගේ බැංකු ගිණුම් වහාම ක්රියාත්මක වන පරිදි අත්හිටුවීමට පියවර ගන්නා බවයි.
මේ අතර මහ බැංකු අධිපති අජිත් නිවාඩ් කබ්රාල් සියලුම සංක්රමණික ශ්රී ලාංකිකයන්ගෙන් ඉල්ලා සිටින්නේ තම ඉපැයීම් නැවත ගෙන්වා ගැනීමට නීත්යානුකූල මාර්ග පමණක් භාවිතා කරන ලෙසයි.
අවිධිමත් අරමුදල් හුවමාරු කිරීමේ මාර්ග සීමා කිරීම සඳහා ශ්රී ලංකා මහ බැංකුව සහ නීතිය ක්රියාත්මක කරන බලධාරීන් පියවර ගනිමින් සිටින අතර, එමඟින් සංක්රමණික සේවකයින් වෙහෙස මහන්සි වී උපයාගත් විදේශ විනිමය විධිමත් මාර්ග ඔස්සේ තම යැපෙන්නන් වෙත ප්රේෂණය කිරීම තවදුරටත් දිරිමත් වනු ඇතැ යි මහ බැංකුව නිවේදනය කළේ ය.
නීතිවිරෝධී විදේශීය මුදල් මාරුකිරීම් සඳහා භාවිතා කරන ගිණුම් අත්හිටුවීමේ තර්ජනය පිළිබඳව අදහස් දක්වමින් ශ්රී ලංකා මහ බැංකුවේ හිටපු නියෝජ්ය අධිපතිවරයෙකු වූ ඩබ්ලිව්. ඒ. විජේවර්ධන සඳහන් කළේ පළමුව මෙය 1977ට පෙර පැවති මිල අධික බහු විනිමය හුවමාරු භාවිතයන් වෙත ආපසු යාමක් බවයි. එවැනි මුදල් එවීම් අනාවරණය කළ නොහැකි බැවින්, මෙවැනි තර්ජන බලාත්මක කිරීමට අපහසු පියවරක් වනු ඇතැ යි ද හිටපු නියෝජ්ය අධිපතිවරයා සඳහන් කළේය.
වැලිකඩ සහ අනුරාධපුර බන්ධනාගාර පරිශ්රයන් හිදී හටගත් සිද්ධීන්ට අදාළව වගකීම භාර ගනිමින් ලොහාන් රත්වත්තේ මහතා බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්ය අමාත්යධුරයෙන් ඉල්ලා අස් වුවත් ඔහු තව දුරටත් මැණික් හා ස්වර්ණාභරණ ආශ්රිත කර්මාන්ත රාජ්ය අමාත්යධුරයේ දිගටම කටයුතු කරන බව වාර්තා වේ.
මේ අතර ලොහාන් රත්වත්තේ මහතා ඉල්ලා අස් වුණා ද ? නැතහොත් ඔහුට ඉල්ලා අස්වන ලෙස අගමැතිවරයා දැනුම් දුන්නාද ? යන්න පිළිබද මාධ්ය ක්ෂේත්රයේ අවධානය යොමුව පවතී.
මේ සම්බන්ධයෙන් බී.බී.සී සන්දේශය විසින් නිකුත් කළ වාර්තාවක සදහන් වුණේ … මේ අතර අග්රාමාත්ය කාර්යාලයේ නිලධාරියකු බීබීසී සිංහල වෙත පැවසුවේ අග්රාමාත්යවරයා ඉතාලියේ සිට දුරකතයෙන් අමතා අමාත්ය ලොහාන් රත්වත්තේ ට ඉල්ලා අස්වන ලෙසට දැනුම් දුන් බවය‘‘
කෙසේ වෙතත් ලොහාන් රත්වත්තේ මහතාගේ ඉල්ලා අස්වීම සම්බන්ධයෙන් ජනාධිපති මාධ්ය ඒකකය විසින් අද (15) දින නිකුත් කළ නිවේදනයක සදහන් වන්නේ “ඒ මහතා අද (15) ජනාධිපති ගෝඨාභය රාජපක්ෂ මැතිතුමා වෙත ඒ බව දැනුම් දුන් අතර ජනාධිපතිතුමා විසින් එම ඉල්ලා අස්වීම පිළිගනු ලැබීය,” යනුවෙන් ජනතිපති මාධ්ය අංශය නිවේදනයක් නිකුත් කරමින් පැවසීය‘‘ යනුවෙනි.
මේ අතර සිවිල් සමාජ සංවිධාන සහ තවත් බොහෝ පිරිසක් දැඩිව අවධාරණය කරන්නේ මෙවැනි අපකීර්තිමත් හා නීති විරෝධී කටයුත්තක නිරත වූ ලොහාන් රත්වත්තේ මහතා මැණික් හා ස්වර්ණාභරණ ආශ්රිත කර්මාන්ත රාජ්ය අමාත්යධුරයෙන් පමණක් නොව පාර්ලිමේන්තු මන්ත්රීධුරයෙන් ද නෙරපා හැර ඔහුට විරුද්ධව නෛතික පියවර ගත යුතු බවයි.