2024 ජුලි 02 වැනි අඟහරුවාදා පෙරවරු 9.30 ට පාර්ලිමේන්තු විශේෂ රැස්වීමට සහභාගි වන ලෙස අග්රාමාත්යවරයා විසින් මන්ත්රීවරුන්ගෙන් ඉල්ලීමක් කර ඇත. විදේශ ණය ප්රතිව්යුහගත කිරීම සම්බන්ධ ගිවිසුම් මෙදින පාර්ලිමේන්තුවට ඉදිරිපත් කිරීමට නියමිත බව ද වාර්තා වේ.
Tag: PR NEWS
-
සොයිසා කාන්තා රෝහලේ දී බිහි වූ බිළිඳුන් 70කට කොරෝනා
කොළඹ සොයිසා කාන්තා රෝහලේදී කොවිඩ් -19 ආසාදිත බිළිඳුන් 70 දෙනකු පමණ මේ වනවිට උපත ලබා ඇති බව විශේෂඥ වෛද්ය නලින් ගමඇතිගේ මහතා පවසයි.
ඊයේ (07) කොළඹ පැවැති මාධ්ය හමුවකට එක් වෙමින් නව ජන්ම ළදරුවන් පිළිබඳ විශේෂඥ වෛද්ය නලින් විශේෂඥ වෛද්ය ගමඇතිගේ මහතා මේ බව පැවසුවේය.
මේ පිළිබදව මාධ්ය වෙත අදහස් දක්වමින් ගමඇතිගේ මහතා මෙසේද සදහන් කළේය. ‘‘මේ වන විට කොළඹ සොයිසා කාන්තා රෝහලේදී පමණක් කොවිඩ්-19 ආසාදිත බිළිදුන් 70 දෙනකු පමණ බිහිවී තිබෙනවා. එම සියලු බිළිඳුන් වෙන් වෙන්ව ආරක්ෂා සහිතව රැකබලා ගැනීමට අවශ්ය ක්රියාමාර්ග ගෙන තිබෙනවා. කොවිඩ් ආසාදිත ගර්භනී මවුවරුන්ගේ ගර්භාෂය තුළදී ම වෛරසය ආසාදනය වීමේ ඉහළ ප්රවණතාවක් තිබෙනවා“
මෙම මාධ්ය හමුවට එක්වූ කාසල් වීදිය කාන්තා රෝහලේ ළදරු රෝග විශේෂඥ වෛද්ය සමන් කුමාර මහතා සඳහන් කළේ, ඉදිරියේදී සෑම රෝහලකම කොවිඩ් ආසාදිත බිළිඳුන් රැකබලා ගැනීම සඳහා වෙන්ව ඒකකයක් පිහිටුවීමට පියවර ගත යුතු බවයි. ගැබිණි කාන්තාවන්ට කොවිඩ් -19 ආසාදනයවීම වළක්වා ගැනීම සඳහා ආරක්ෂිත වැඩපිළිවෙලක් ක්රියාත්මක කළ යුතු බවද ඔහු සදහන් කළේය.
-
සංචාරක කාර්ය සාධන බලකායේ වාර්තාව කඩිනමින් ලබා දෙන්නැ‘යි ඇමැති ප්රසන්ගෙන් උපදෙස්
සංචාරක ප්රවර්ධනය සදහා ක්රියාකාරී සැලැස්මක් සැකසීමට පත් කළ කාර්ය සාධන බලකායේ වාර්තාව තමන්ට කඩිනමින් ලබා දෙන්න ඇමති ප්රසන්න රණතුංග මහතා සංචාරක හා ගුවන් සේවා අමත්යාංශ ලේකම්වරියට උපදෙස් දෙයි.
ජනාධිපති ගෝඨාභය රාජපක්ෂ මහතා සහ සංචාරක අමාත්යංශ නිළධාරින් අතර පසුගිය දා පැවති සාකච්ඡාවෙන් පසු මෙම කාර්යසාධන බලකාය පිහිටුවනු ලැබීය. බලකායේ ප්රධානියා වන්නේ සංචාරක හා ගුවන්සේවා අමාත්යංශයේ ලේකම් එස්.එම්.මොහොමඩ් මහත්මියයි. සංචාරක සංවර්ධන අධිකාරිය, ශ්රී ලංකන් ගුවන් සමාගම, ගුවන් තොටුපළ හා ගුවන් සේවා අධිකාරිය, සිවිල් ගුවන් සේවා අධිකාරිය යන ආයතන ඊට ඇතුළත් වේ. මම කාර්ය සාධන බලකාය පත් කෙරුණේ වසර 2025 වනවිට සංචාරකයන් ලක්ෂ 70 ක් මෙරටට ගෙන්වා ගැනීම හා ඩොලර් බ්ලියන 10 ක ආදායමක් මෙරට ජාතික ආර්ථිකයට එකතු කිරීම සදහා වන සැලසුම් සැකසීමට හා ක්රියාත්මක කිරීම සදහායි.
මෙම කාර්ය සාධන බලකාය සිය ක්රියාකාරී සැලැස්ම සැකසීමේ දී අනුගමනය කළ යුතු මාර්ගෝපදේශ ඇමතිවරයා දැනටමත් අදාළ අංශ වෙත දැනුම් දී තිබේ. ඒ අනුව මෙම ක්රියාකාරී සැලැස්මට ඒ ඒ ආයතන මගින් ක්රියාත්මක කිරීමට අපේක්ෂිත වැඩසටහන්, උපාය මාර්ග අභියෝග හා අභියෝග ජය ගැනීමට අදාළ යෝජනා ඇතුළත් කරන ලෙස උපදෙස් දී ඇත. සංචාරකයන් පැමිණීම වර්ධනය කර ගැනීම සදහා විදේශයන් හි සිටින තානාපතිවරුන්, මහකොමසාරිසවරුන්ගේ සහාය ලබා ගැනීම සදහා විශේෂ වැඩ පිළිවෙලක් යෝජනා කරන ලෙසද අදාළ ආයතන වලට දැනුම් දී තිබේ.
එමෙන් ම මෙම ක්රියාකාරී සැලැස්ම සැකසීමේ දී සංචාරක ව්යාපාරයට සම්බන්ධ වනජීවි, පුරා විද්යා, මධ්යම සංස්කෘතික අරමුදල වැනි ආයතන සම්බන්ධ කරගෙන කටයුතු කිරීමේ අවශ්යතාවයද අවධාරණය කර ඇත. සංචාරක හෝටල්, ලැගුම්හල් වල ප්රමිතිය ඉහළ නැංවීම, සංචාරකයන්ගේ ආරක්ෂාව සහතික කිරීම සදහා සංචාරක පොලීසියේ කාර්යයභාර්ය සවි බල ගැන්වීම, කල්පිටිය, කුච්චවේලී, මිරිස්ස, පාසිකුඩා වැනි වැඩි සංචාරක ආකර්ෂණයක් ඇති ස්ථාන ආශ්රිතව යටිතල පහසුකම් වර්ධනය කිරීමට අදාළ සැලසුම් ඉදිරිපත් කරනු ලබන ක්රියාකාරි සැලැස්මට ඇතුළත් විය යුතු බව ද ඇමති ප්රසන්න රණතුංග මහතා කාර්ය සාධන බලකායට උපදෙස් දී තිබේ
-
ව්යවසායකයින් සවිබල ගැන්වීමට ඉන්දියාවෙන් රු. මිලියන 250ක්
උතුරේ අංකුර හා නව ව්යාවසායකයින් සවිබල ගැන්වීම සදහා ව්යාපාරික මධ්යස්ථානයක් ස්ථාපනය කිරීමට ඉන්දියානු රජය රුපියල් මිලියන 250 ක ප්රදානයක් ලබා දෙයි. මෙම මධ්යස්ථානය යාපනය සංස්කෘතික මධ්යස්ථාන ගොඩනැගිල්ලේ ස්ථාපනය කිරීමට කැබිනට් මණ්ඩල අනුමැතිය ද හිමි වූ බව කාර්මික අපනයන, ආයෝජන ප්රවර්ධන, සංචාරක හා ගුවන් සේවා ඇමති ප්රසන්න රණතුංග මහතා පවසයි.
මෙම ව්යාපාරික මධ්යස්ථානය ඉන්කියුබේටර්/ඇක්සලරේටර් /සමූහ වැඩ අවකාශ සදහා ව්යාපාරික මධ්යස්ථානයක් ලෙස පවත්වාගෙන යාමට කැබිනට් මණ්ඩල එකගතාව පළව තිබේ. මෙමගින් තොරතුරු සන්නිවේදන තාක්ෂණ, ව්යාපාර හා දැනුම පාදක කර ගත් ක්රියාවලි කළමණාකරණය, විදුලි හා ඉලෙක්ට්රෝනික නිෂ්පාදන, කෘෂි තාක්ෂණය, ආහාර තාක්ෂණය, ජෛව තාක්ෂණය වැනි ක්ෂේත්රයන්හි නියුතු අංකුර හා නව ව්යවසායකයන් සදහා සේවා සැපයීමට අපේක්ෂිතය.
එමෙන් ම අපනයන වෙළදපොලේ වැඩි අවධානය යොමු වු තොරතුරු තාක්ෂණ මෘදුකාංග සංවර්ධනය, ව්යාපාර හා දැනුම පාදක කර ගත් ක්රියාවලි කළමණාකරණය වැනි තොරතුරු තාක්ෂණය සදහා යොදා ගනු ලබන ක්ෂේත්රයන් හි දැනුම පාදක කර ගත් සේවා ආයතන (Knowledge Service Entities) සදහා කාර්යාල පහසුකම් සැපයීමට ද අපේක්ෂා කරන බව ඇමති ප්රසන්න රණතුංග මහතා කියා සිටී.
මෙම ව්යාපාරික මධ්යස්ථානයේ වැඩ ඒකක(Work Stations) 400 ක් ස්ථාපනය කිරීමට නියමිතය. දැනට උතුරේ අංකුර හා නව ව්යවසායකයන් සම්බන්ධ කර ගනිමින් ඉන්කියුබේටර්/ ඇක්සලරේටර්/ සමුහ වැඩ අවකාශ ක්රියාත්මක කරනුයේ රාජ්ය හා පෞද්ගලික අංශයේ පාර්ශවකරුවන් 05 දෙනෙකු පමණි. නව මධ්යස්ථානය ස්ථාපනය කිරීමත් සමගම අපේක්ෂිත ප්රතිලාභ කඩිනමින් උතුරේ ජනතාවට ලබා දීමට හැකි වනු ඇතැයි ඇමතිවරයා පෙන්වා දෙයි.