එක්සත් ජාතික පක්ෂ මහලේකම් ධුරයෙන් ඉවත්වන බව අකිල විරාජ් කාරියවසම් මහතා පක්ෂ නායකත්වයට දැනුම් දී ඇත.
එක්සත් ජාතික පක්ෂ නායක රනිල් වික්රමසිංහ මහතාගේ ප්රධානත්වයෙන් අද (23) දින පෙරවරුවේ සිරිකොත පක්ෂ මූලස්ථානයේ පැවති පක්ෂ ජේෂ්ඨයන්ගේ හමුවේදී එජාප මහ ලේකම්වරයා විසින් මේ දැනුම්දීම කර ඇත.
මේ සම්බන්ධයෙන් අප කළ විමසීමකට පිළිතුරු දෙමින් අකිල විරාජ් කාරියවසම් මහතා කියා සිටියේ ලබන වසර මුල පක්ෂයේ නව නිලධාරීන් පත් කිරීම සිදුවන බැවින් තමා තනතුරින් ඉල්ලා අස්වූ බවයි. මේ සම්බන්ධයෙන් එජාප නායකයා සමග සාකච්ඡා කිරීමට තමා බලාපොරොත්තු වන බව ද ඔහු සදහන් කළේය.
මේ අතර ඊයේ මහනුවර දී පැවැති එක්සත් ජාතික පක්ෂ හමුවකදී එජාපයට හිමිව ඇති එකම ජාතික ලැයිස්තු මන්ත්රීධූරය සදහා පක්ෂ නායක රනිල් වික්රමසිංහ මහතා නම් කරන බව සදහන් විය.