ගව ඝාතනයට ජිවිතාන්තය දක්වා සිර දඩුවම් ලබාදීමේ නීතියක් ඉන්දියාවේ ගුජරාට් ප‍්‍රාන්ත මන්ත‍්‍රී මණ්ඩලය සම්මත කර තිබෙනවා. ඒ අනුව එම නීතිය අද(01) සිට ක‍්‍රියාත්මක බවයි එරට මාධ්‍ය වාර්තා කළේ. ඊට අනුව ගව ඝාතනය ඇප ලබානොදෙන වරදක් ලෙස ද ප‍්‍රකාශයට පත්කෙරෙනවා.
ගුජරාට් ප‍්‍රාන්තයේ දැනට පවතින සත්ව ආරක්ෂණ පනතට සංශෝධනයක් ලෙසයි මෙම නව නීතිය ඇතුලත් කර ඇත්තේ. යම් අයෙකු ගවමස් ප‍්‍රවාහනය කිරීමේ වරදට හසුවුවහොත් වසර 10ක සිර දඩුවම් නියම කිරීමේ හැකියාව ද මෙම නීතිය යටතේ පවතිනවා.
ප‍්‍රාන්තයේ ජනතාව සමග සාකච්ඡා කර නීතිය ගෙන ආ බවයි ප‍්‍රාන්ත අමාත්‍ය ප‍්‍රදීප් සිං ජඩේජා මාධ්‍ය හමුවේ සදහන් කර තිබෙන්නේ.
