වැලිගම පාතේගම බුදු පිළිමයක් අසලදී 11 දින රාත්රි දන්සලක් පවත්වා බඩු අස්කරමින් සිටි ව්යාපාරිකයකු වෙත පැමිණි පිරිසක් විසින් පිහි සහ කඩුවකින් පහර දීම නිසා බරපතළ තුවාල ලැබූ එම ව්යාපාරිකයා මියගොස් ඇත.
මෙසේ මරණයට පත්වී ඇත්තේ පාතේගම විඡේසේකර ගමාච්චිගේ සුසන්ත (35) නම් අයෙකි.
මෙම ව්යාපාරිකයා වෙසක් පොහොය නිමිත්තෙන් තවත් කීප දෙනකු සමඟ දන්සලක් පවත්වා ඇති අතර සිද්ධිය වූ දින රාත්රි දන්සල් බඩු අස්කරමින් සිටින අවස්ථාවේදී පහරදීම සිදු වී තිබේ.
මේ සම්බන්ධයෙන් මරණකරුගේ පියා විසින් වැලිගම පොලිසියට පැමිණිලි කොට ඇත.
මරණකරු පිහි පහර කා ගෙන දුවද්දී පසු පසින් ගොස් කඩුවකින්ද පහරදී ඇති බවට තොරතුරු අනාවරණය වී තිබේ.
අනතුරුව මෙම ව්යාපාරිකයා මාතර රෝහලට වෙත රැගෙන යද්දී මියගොස් තිබේ. අදාළ සැකකරුවන් අත්අඩංගුවට ගැනීමට වැලිගම පොලිසිය පරීක්ෂණ පවත්වයි.
[rns_reactions]
