දුම්රියන් ඇතුලත සිදු කරන වෙළඳාම් තහනම් කිරීමට දුම්රිය දෙපාර්තමේන්තුව තිරණය කර තිබේ.
දුම්රිය ඇතුලත සිදුවන වෙළඳාම් නිසා දුම්රිය මගීන්ට වන අපහසුව සහ එම ආහාර ද්‍රව්‍ය අනාරක්ෂිත බවට ලැබුණු පැමිණිලි මත ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා විසින් මෙම තීරණය ගෙන ඇති බව නිවේදනයක් නිකුත් කරමින් දුම්රිය සාමාන්‍යාධිකාරි එස්.එම් අබේවික්‍රම මහතා අවධාරණය කර සිටියි.
කෙසේ වෙතත් මෙම වෙළදුන්ගේ දෛයිනික ආදායම අහිමිවීම සැලකිල්ලට ගනිමින් ප්‍රධාන දුම්රිය ස්ථාන වල හැර අනෙකුත් දුම්රිය ස්ථානවල වෙළඳාම් කිරීමට බාධාවක් නොමැති බව නිවේදනයේ වැඩිදුරටත් සඳහන් වේ.
දුම්රිය තුළ වෙළෙඳාම් කිරීම තම ජීවිකාව ලෙස පවත්වාගෙන යන 3200 ක් පමණ සිටින බවත් මේ ක්‍රියාමාර්ගය හේතුවෙන් තමන්ගේ මූලික අයිතිවාසිකම් උල්ලංගනය වන බවත් ඔවුන් ප්‍රකාශ කර සිටියි.
[rns_reactions]
