අංජලී ලියනගේ
එහෙම කියනවට වඩා දෙවෙනි ඉනිමෙ දෙවුමිගෙ අම්ම එහෙමත් නැත්තම් ආනන්දගෙ ප්‍රිය බිරින්ඳෑ කිව්වම තමා හැමෝටම එක පාරටම මතක් වෙන්නෙ.ඉතිං සුපිරි ගොසිප් අපි හිතුවා අද අංජලීට කතා කරන්න.
මේ දවස් වල අංජලී මොනවද කරන්නෙ කියල බලන්න අපි මුලින්ම අංජලීගෙ මුහුණු පොතට එබිල බලද්දි,
මිදුලේ මල් සූරිය ගහ මුදුනේ
රන් අරුනළු නැඟිලා…
අත්තෙන් අත්තට මල් හිනැහෙනවා
ඉර මඬලට හැරිලා…
කියල හරි අපූරු පද පළක් අංජලී එයාගෙ මුහුණු පොතේ සටහන් කර තිබුණා.සුජීව ප්‍රසනආරච්චිගේ ජනප්‍රියම නවකතාවක් වූ බොඳ මීදුම් නව කතා පොතේ මුල් කවරය හැඩ ගන්වපු සුන්දර තරුණියක් වුණු ඇය අද ජනකාන්ත රංගන ශිල්පිනයක්, ඉතිං අපි ඇය ගැන තවත් විස්තර ගැන අහන්නත් එක්ක අංජලීගෙ ෆෝන් එකට ඇමතුමක් ගත්තා …
සුභ උදෑසනක් වේවා අංජලී, අපි සුපිරි ගොසිප් සයිට් එකෙන් කතා කරන්නෙ කියල අපි කතාව පටං ගනිද්දි අංජලීත් බොහොම සුහදව අපි එක්ක කතා කලා…. මුලින්ම අපි ඇහුවෙ අංජලී ලියල තිබ්බ පද පෙල ගැන ඒකට අංජලී දුන්නෙ මෙහෙම උත්තරයක් ” මං අද උදේම නැගිටල ජනේලෙන් එළිය බලද්දි හරි ලස්සනට පෙනුනා ඉතිං ඒ වෙලාවෙ හිතට ආපු එක ඔහේ ෆේස් බුක් එකේ ලියල දැම්මා” කියලයි.එතනින් එහාට අපි අංජලී ගැන තව විස්තර ගොඩක් අහගත්තා.
අංජලී මොනවද මේ දවස් වල කරන්නෙ –
ම්.. මේ දවස් වල නම් දෙවෙනි ඉනිමත් එක්ක තමයි දිගටම වැඩ කරන්නෙ.ඊට අමතරව ලක්ෂ්මන් පුෂ්පකුමාර මහත්මයගෙ රන් බැඳි මිනිස්සු ටෙලි නාට්‍යය මේ අවුරුද්දෙ පටං ගන්නවා.
අපි සිනමාව තුල අංජලීව දැක්කෙ නෑ –
ඇත්තටම මට සිනමාවට ගොඩක් ආරාධනා ලැබිල නෑ මම ඇඩ්‍රස් නෑ චිත්‍රපටියෙයි ආදරණීය කතාවක් චිත්‍රපටියෙයි රඟපෑමෙන් දායක උනා ඒත් ඒව ප්‍රධාන චරිත නම් නෙමේ ඒ වුනත් වැඩක් කරන්න පුළුවං චරිත.ආ තව ඉස්සරහට එන්න තියෙන ගෝත්‍රා කියන චිත්‍රපටියේත් ලංකාවෙ ඉන්න ප්‍රවීනයො බොහෙමයක් එක්ක වැඩ කරා. ඒක ගෝත්‍රික කතාවක් ඉංදියාවෙන් ආපු අධ්‍යක්ෂක වරයෙක් තමයි ඒක අධ්‍යක්ෂණය කරන්නෙ.ඒකටත් මම දායක උනා ..ලොකූ දායකත්වයක් දෙන්න ලැබුනෙ නෑ මට සිනමාව වෙනුවෙන්.මොකද මං දන්නෙ නෑ මට ආරාධනා ලැබුනෙ නෑ
ඉදිරියට සිනමා නිර්මාණ වලට ආරාධනා ලැබුනොත් චරිත තෝරා බේරා ගෙනද භාරගන්නෙ –
අනිවාර්යයයෙන්ම ඕව්.
සාමාන්‍යයෙන් කතාවක් තියෙනව ක්ෂේත්‍රයට එනකොට හා රැදී ඉන්න නම් අධ්‍යක්ෂක වරුන්ගෙ නිශ්පාදක වරුන්ගෙ නොයෙක් බලපෑම් වලට යටත් වෙන්න ඕන කියල ඒක ඇත්තද?
මම නම් හිතන්නෙ නෑ කවුරුත් අපිව බලෙන් එහෙම දේකට පොළඹවා ගනී කියල.එක එක්කෙනාගෙ හැසිරීම හා කැමැත්ත මත තමයි ඒ දේවල් වෙන්නෙ කියලයි මට හිතෙන්නෙ.බලපෑම් කියන ඒව එන්නැති විදිහට ජීවත් වුනොත් අපිට කවුරුත් වචනෙකින් වත් ඒ විදිහෙ දේවල් කරන්නෙ නෑ.මං හිතන්නෙ අපේ අකමැත්තෙන් කවුරුත් එහෙම බලපෑමක් හෝ අයුතු යොජනාවක් කරන්නෙ නෑ.
අංජලී ලියනගේ කලා ක්ෂේත්‍රයේ ඉතා හොඳ නමක් තියාගෙන ඉන්නවා අනිත් බොහෝ දෙනෙක් වගේ ගොසිප් මවල නෑ –
අපි හොඳ බුද්ධිමත් භාවයකින් ඉන්නවනම් මේ කලා ලෝකය ඇතුලෙ කොහොමද ඉන්නෝන කියල මං හිතන්නෙ අපිට එහෙම කරදර වලට මූන පාන්න වෙන්නෙ නෑ.මුලින්ම අපි කලාවට ගරු කරන්න ඕන.සමහරු තමන්ගෙ ජනප්‍රියත්වය වැඩි කරගන්න කියල තමන්ගෙ කැමැත්තෙන්ම ගොසිප් හදාගන්නවා ඒත් එකෙන් එහෙම වෙන්නෙ නෑ, වෙන්නෙ ක්ෂේත්‍රය ගැන බාහිරින් බලන අයට නරක හැඟීමක් එන එක විතරයි.ඇත්තටම මම නම් ජනප්‍රියත්වයට ආස කෙනෙක් නෙමේ මට තියෙන එකම සතුට ප්‍රේක්ෂකයින් මගෙ නිර්මාන බලල සතුටු වෙනවනම් ඒක විතරයි.කලාවට ගෞරව කරල අපිත් එක්ක එකට වැඩ කරන අධ්‍යක්ෂල නිශ්පාදකල ඇතුළු කාර්ය මණ්ඩලයට හා සහෝදර රංගන ශිල්පීන් ශිල්පිනියන්ට හරියාකාරව ගරු කරල ඉන්නවනම් කිසි ප්‍රශ්නයක් නැතිව ඉන්න පුළුවං.
පහුගිය දවස් වල අපේ නිළියො තමන්ගෙ උපන්දින වලට ලොකු ප්‍රසිද්ධියක් දීල පාටි දාන රැල්ලක් තිබුනා.. ඔබ ඒ රැල්ලට නැද්ද එහෙම නැත්තම් ඔබට උපන් දිනයක් නැද්ද?
අපොයි මට උපන්දිනයක් තියෙනවා ඒක මම මගෙ පාසල් කාලෙ යාළුවො ළඟම හිත මිතුරො හා පවුලේ අය එක්ක සමරනවා.සාමාන්‍ය ගැහැනියෙක්ට තියෙන ආසාවල් මටත් තියෙනවා ඒත් ඒක රැල්ලට කරන එකක් විදිහට මං කරන්නෙ නෑ…මම සමරන දේ ලොකෙටම කියන්න මට ඕන නෑ… මම එහෙම කරද්දි එහෙම කරගන්න බැරි අයට දුක හිතෙනවා ඒ නිසා මම මගෙ නැදෑ හිත මිතුරො එක්ක ඒ දවස බෙදා ගන්නවා. කොටින්ම කාලෙන් කාලෙට එන ඇඳුම් විලාසිතාවක් වුනත් මට ගැලපෙනවනම් මං ඒ ෆැෂන් එක එන කාලෙට ඒක කරන්නෙ නෑ.පස්සෙ ඒක හොඳයි කියල හිතුනොත් කරනවා.
අංජලී ලියනගේ බෞද්ධ දර්ශණය අනුව හැඩගැහුන කෙනෙක් බෞද්ධ දර්ශනයේ මගෙ පෙන්වීමෙන් ඔබේ ජීවිතය හදාගත්තෙ මොන විදිහටද?
මම ලබන ආත්මෙ ගැන විශ්වාස කරනවා … ඒ වගේම පෙර ආත්මයත් තව කර්ම පඩිසන් දෙනව කියන එකත් විශ්වාස කරනවා… මම අපායෙ යන්න බයයි.මේ ආත්මෙ මට මොනව හරි නොලැබුනානම් ඒ ගිය ආත්ම බව වල මං එකතු කරපු පවු පිං නිසා තමයි මට මේ ලැබුණු ජීවිතේ හොදයි.ඒත් ඊලඟ ආත්මෙ මීටත් වඩා හොඳ වෙන්න කියල හිතාගෙන මගෙ අතින් පවක් නොවෙන විදිහට වැඩ කරනවා.දැන් ඉදලම යන තැනකට හොඳ දේවල් කරගන්න තමයි මම කැමති.මම ජීවත් වෙන්නෙ මම හෙට මැරෙයිද දන්නෙ නෑ කියල හිතාගෙනයි.මම හිතන්නෙ අපි එහෙම ජීවත් වෙනකොට අපි අතින් කිසි වැරැද්දක් වෙන්නෙ නෑ.
අංජලී 2017 අවුරුද්ද ඔබට කොහොමද?
එහෙම විශේෂයක් නෑ කලාකටයුතු එක්ක ගෙවුනා.ඊට අමතරව මම මගේ ව්‍යාපාර කටයුතු ගැන අලුතින් හිතන්න පටං ගත්තා… ඒ විදිහටම 2018ත් කාටවත් කරදරයක් නැති වේවා කියල ප්‍රාර්ථනා කරනවා.
ඒ කියන්නෙ 2018ටත් ඉලක්කයක් නෑ .. එන විදිහට මූන දෙනව කියන එකද?
ම්… ඉලක්ක කියන ඒව තියෙන්න ඕන ඒත් මං එහෙම ලොකුවට බලාපොරොත්තු තියාගෙන ජීවත් වෙන කෙනෙක් නෙමෙයි කියල මං හෙට මැරෙයිද දන්නෙ නෑ කියල හිතාගෙන ජීවත් වෙන කෙනෙක් කියල කලිනුත් කිව්වෙ ඒකයි.ඒ නිසා ලොකු බලාපොරොත්තු තියගෙන ඉන්නෙ නෑ එහෙම උනොත් අපි කවදහරි මැරෙන වෙලාවට අපිට ඒ දේට මූන දෙන්න වෙන්නෙ දුකෙන්.
අවසාන වශයෙන් ඔයාගෙ රසික රසිකාවියන්ට මොනවද කියන්න තියෙන්නෙ ?
මගෙ රසික රසිකාවියන්ට මම ගොඩක් ආදරෙයි.මම අද යම් තැනක ඉන්නවනම් ඒ ඔවුන් නිසයි.මග තොටදී හමුවෙලා හරි ෆේස් බුක් එකේ හරි ඔවුන්ගෙන් ලැබෙන ප්‍රතිචාර හරි ඉහලයි.මං කරපු චරියක් ගැන මං ඒක හොදට කරල තියෙනව කියල කියද්දි ඇත්තටම හරි ආසාවක් දැනෙනවා.ප්‍රේක්ශකයො නිසා තමයි අද අපි මෙතන ඉන්නෙ ඇත්තටම ඔවුන් නැත්තම් ඔයා වුනත් අද මට මෙහෙම කෝල් එකක් දෙන්නෙ වත් නෑ නේද?ඒ නිසා මං හිතනවා රසික රසිකාවියො තමයි අපිට ගොඩක් වැදගත් ඒ නිසා ඒ ගොල්ලන්ට ගොඩක් ආදරෙයි.මං ඒ ගොල්ලන්ට හදවතින්ම ස්තූති කරනවා.
මෙච්චර කාලෙකට ගොසිප් සයිට් එකකට කියල අංජලී දුන්න පළවෙනි සාකච්ඡාව සුපිරි ගොසිප් අපි එක්ක කියල අපි ඔබට ඉතා සතුටින් දන්වන්න කැමතියි….
ඔන්න ඔය විදිහටයි අංජලී සුපිරි ගොසිප් අපිත් එක්ක එයාගෙ විස්තර බෙදා ගත්තෙ… අංජලීට කැමති ඇගේ රසික රසිකාවියන් වන ඔබට බලන්න ඇගේ ලස්සන පිංතූර ටිකක් පහතින්
