පෙට්රල් සහ ඩීසල් මිළ වැඩිකිරීමට අයි.ඕ.සී සමාගම කටයුතු කිරීම නිසා බස් ගාස්තු ද වැඩිවනු ඇත්දැයි ජනතාව අතර සැකයක් පවතිනවා.
අපි ඒ පිළිබඳ ලංකා පෞද්ගලික බස් හිමියන්ගේ සංගමයෙන් විමසීමක් කළා. එහි සභාපති ගැමුණු විජේරත්න කියා සිටියේ අයි.ඕ.සී සමාගම විසින් ඉහළ දැමු රුපියල් 5 පෞද්ගලික බස් රථ කර්මාන්තයට කිසිදු බලපෑමක් එල්ල නොකරනු ඇති බවයි.
එමෙන්ම ලංකා ඛනිජ තෙල් නීතිගත සංස්ථාවට අයත් ඉන්ධන පිරවුම් හල් රටේ බහුල පිහිටා ඇති බැවින් එවැනි අපහසුතාවක් නොමැති බව ද ඔහු කියා සිටියා. නමුත් මෙම රුපියල් 5යේ බලපෑම ජුලි මස බස් ගාස්තු සංශෝධනයට යම් ආකාරයකින් බලපානු ඇති බවද ඔහු සඳහන් කළා.
අයි ඕ සී සමාගම විසින් සිදු කෙරුණු මෙම මිළ වැඩිකිරීම පාදක කර ගනිමින් ගාස්තු වැඩි කිරීමක් සිදු නොකරන බව සමස්ත ලංකා පාසල් ළමුන් ප්රවාහනය කිරීමේ සංගමයේ සභාපති මල්ශ්රී ද සිල්වා කියා සිටියා.
මෙම අවස්ථාවේ ගාස්තු වැඩි කිරීමක් සිදු නොකරන බව ජාතික ඒකාබද්ධ ත්රිරෝද රථ රියදුරන්ගේ හා කර්මාන්තකරුවන්ගේ සංගමය ද සඳහන් කළා.
